ဆောင်းဥတုအခါ၊ နှင်းဝေဖြာ၍

“ဆောင်းဥတုအခါ၊ နှင်းဝေဖြာ၍၊ တောင်ခေါင်ဆီလာ၊ နေခြည်ဖြာလည်း၊ မေတ္တာရောင်ဝါ၊ ပမာဏ...”

ငယ်စဉ်က လူကြီးသူမတွေက နေ တောင်ဘက်ရွေ့လာပြီတဲ့။ ဘာတွေပြောနေကြသလဲ မသိခဲ့ပါ။

ဒက္ခိဏာယဏ (တောင်ဘက်သို့ သွားသောခရီး)

နေမင်းသည် တောင်ဘက်သို့ တဖြည်းဖြည်း ရွေ့လျားသွားကာ ဆောင်းရာသီသို့ ရောက်ရှိကြောင်း ပြဆိုသည်။

မြောက်ကမ္ဘာခြမ်းတွင် ကမ္ဘာ့ဝင်ရိုးစောင်းနေခြင်းကြောင့် ဆောင်းဦးနှင့် ဆောင်းရာသီတို့တွင် နေ့ခင်းအချိန် နေမင်းသည် တောင်ဘက်ကောင်းကင်ယံ၌ ပို၍နိမ့်ကျစွာ တည်ရှိနေသည်ကို တွေ့ရသည်။

ကမ္ဘာ့ဝင်ရိုးသည် ၂၃.၅ ဒီဂရီ ထောင့်ဖြင့် စောင်းနေသည်။

ဆောင်းဦးရာသီ နေ့ညညီမျှချိန် (fall equinox) ကို ကျော်လွန်သွားသည်နှင့်အမျှ မြောက်ကမ္ဘာခြမ်းသည် နေနှင့် ဝေးရာသို့ မြင်ကွင်းလမ်းကြောင်း စောင်းသွားသည်။

ဤသို့စောင်းနေခြင်းကြောင့် နေ၏ နေ့စဉ်သွားလာသည့် လမ်းကြောင်းသည် တောင်ဘက် ကောင်းကင်ယံကို ဖြတ်သန်းသွားလာပြီး၊ ဒီဇင်ဘာလ ဆောင်းရာသီ အတိုဆုံးနေ့ (winter solstice) တွင် တောင်ဘက်အစွန်ဆုံး အနိမ့်ဆုံး အမှတ်သို့ ရောက်ရှိသည်။

မြန်မာ့နက္ခတ်ပညာအရ နေမင်းသည် နှစ်စဉ် တောင်ဘက်သို့ အတက်/အဆင်း (ဥတ္တရာယဏ နှင့် ဒက္ခိဏာယဏ) ခရီးသွားလာသည်ဟု ဆိုပါသည်။

အခုနေရတဲ့အရပ်မှာ ဆောင်းရယ်လို့တော့ မရောက်သေး။ ဆောင်းဦးရာသီလို ခေါ်ကြတယ်။ အေးတော့ မလိုလို။

အသက်ကြီးလာပြန်တော့လည်း ကိုယ်မသိတာတွေ တယ်များပါလားလို့ သိလာရပြန်ပါသည်။

မိမိနေရာသည် မြောက်အရပ်ဆီရွေ့တာကို မသိ၊ မြင်ရတဲ့အရာ တောင်အရပ်ရောက်သွားပြီဟု မှတ်ယူကြကုန်၏။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog