“ငယ်ကချစ် အနှစ်တရာ မမေ့သာ”

လူကိုချစ်တာတော့ ဟုတ်ကောင်းဟုတ်ပါမည်။

သီချင်းစာသားတော့ မေ့ကုန်ကြပြီ။
မြန်မာစာ အနှစ်တရာမခံရှာ။
တက္ကသိုလ်တွေမှာလည်း စာကိုမှန်အောင် မသင်တော့၊ မရေးကြတော့ပါ။
နှစ် ၁၀၀ ပြည့် ရန်ကုန်နဲ့ မန္တလေးတက္ကသိုလ်တွေအကြောင်းရေးကြတဲ့စာတွေ မှန်တာရှားခဲ့ပါသည်။
ထိုသို့သောပုဂ္ဂိုလ်တွေက ဘာကိုချစ်ကြပါသနည်း။
“ငယ်ကချစ်တော့မမေ့ သာသည်”
ရေး။ ။ ကိုထွန်းမြင့်
ဆို။ ။ သန်းဖေလေး
(ငယ်ကချစ အအနှစ်တရာ မမေ့ သာသည်၊ တည်ကြည်ခိုင်မြဲ ချစ်ခဲ့ကြသည့်မို့လဲ ရေမြေနယ်ခြား ဘဝဆိုတာများ မရေးရာ၊ အခြေအနေခြားတာလဲ ချစ်ခြင်းမေတ္တာ ယုံကြည်ချက်နဲ့ မဆိုင်ပြီ ဒီဘဝဒီကမ္ဘာဆီ အော်...ဒီတယောက်ကိုမှ ချစ်တတ် လေသည် အမြဲ နောင်လဲချစ်လို့ နေမည်) ၂။
ဘဝအကြောင်းဆိုတာတွေ ပြန်ပြောင်းသက်သေထူခဲ့ရင် နေရာဟောင်းဆိုတာ အချစ်စစ်တို့ရဲ့ သစ္စာနယ်မြေဆိုတာများ မေလဲ သိခဲ့သည်။
ရေညိုရစ်ဝိုင်း မှိုင်းပြာရီ ဧဇေယျာ ကမ်းခြေဆီ ပွင့်ပြာပြာရေဝယ်ပြေးကစား ဗေဒါကလေးများအဖြစ်လဲ မပြောင်းလဲသည်။
ဟိုရှေးကာလ ဘဝတွေများမှ ယခုထိတိုင်သာ ဧရာမြစ်ရေယဉ်သည် အမိကမ္ဘာမြေဆီ စီးဆင်းနေမြဲ ဖြစ်သည်။ ဒီအသိတရားနဲ့ သံယောဇဉ်ဖွဲ့နှောင်ချည် ဖြစ်လာသမျှ အရေးအခင်းတွေလဲ တွေးရင်းနဲ့ ဘဲ တဝဲလည်လည်မို့ ငယ်ကချစ်အနှစ်တရာ မမေ့သာသည်။
ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog