ငန်းတို့ပျော်ရာ ရေကန်သာ

ညနေခင်း လမ်းလျှောက်နေစဉ်မှာ ဘဲငန်းတွေ ပျံသန်းနေကြတယ်။ သူတို့ရဲ့ အသံတွေလည်း ကြားရတယ်။ အဲလိုငှက်တွေဟာ နှစ်စဉ်သူတို့နှစ်သက်တဲ့ရာသီဥတုရှိရာအရပ်ကို ပြောင်းရွှေ့ကြတယ်။

Duck (Anatidae) ဘဲ

Swan (Cygnus) ဘဲငန်း

Flying duck (Flying duck) (သို့မဟုတ်) ဘဲရိုင်း

Teal (သို့မဟုတ်) Wild duck ရေဘဲ

Lesser whistling duck (သို့မဟုတ်) Whistling teal မန်ဒါလီ

Whistling Teal / Whistling Duck စစ်စလီ 

မြန်မာနိုင်ငံလွတ်လပ်ရေးရပြီးနောက်မှာ အိမ်နီးချင်းနိုင်ငံတွေနဲ့ ချစ်ကြည်ရေးထူထောင်ခဲ့တယ်။ အနီးဆုံး တရုပ်နဲ့ အိန္ဒိယ။

ဆိုရှယ်လစ်ခေတ်ရောက်ပြန်တော့ လက်ဝဲနိုင်ငံတွေ။ တရုပ်နဲ့ ဆိုဗီယက်။

ယဉ်ကျေးမှုဖလှယ်ရေးတွေ လုပ်ပါတယ်။

အဲဒီအချိန်ကစပြီး ဘဲလေးအကတမျိုး တိုးလာတယ်။

အခုထိ ဘဲလေးလို့ ဆက်ပြီးခေါ်ဝေါ် ရေးသားကြပါတယ်။ မူရင်းစာလုံး Ballet ရဲ့ အသံထွက်နဲ့တော့ ထပ်တူမကျပါ။ ဒီစာလုံးကို အသံထွက်ပိုမှန်အောင်လည်း မပြင်သင့်ပါ။

(၁)

Swan Lake (ဘဲငန်းအိုင်)

ရုရှားတေးရေးဆရာ ပိုင်အိုတာ အီလိချ် ချိုင်းကော့ဖ်စကီး (Pyotr Ilyich Tchaikovsky) က ၁၈၇၅-၇၆ ခုနှစ်တွင် ရေးစပ်ခဲ့သော ဘဲလေးကပွဲတပုဒ် ဖြစ်ပါသည်။ စတင်ကပြစဉ်က မအောင်မြင်ခဲ့သော်လည်း ယခုအခါ သမိုင်းတွင် အလူကြိုက်အများဆုံး ဘဲလေးကပွဲများအနက် တပုဒ် ဖြစ်နေပါပြီ။

မူလက နှစ်ကွက်ဖြင့် စတင်ခဲ့သော ဇာတ်လမ်းဆင်ကွက်မှာ ရုရှားနှင့် ဂျာမန် ပုံပြင်များကို အခြေခံထားပြီး၊ မကောင်းဆိုးဝါး စုန်းဆရာ၏ စုန်းမကောင်းဒဏ်ကြောင့် ဘဲငန်းမအဖြစ် ပြောင်းလဲခံခဲ့ရသော မင်းသမီး အိုဒတ် (Odette) ၏ အကြောင်းကို ရိုက်ကူးပုံဖော်ထားခြင်း ဖြစ်ပါသည်။

ဤဘဲလေးကပွဲကို ၁၈၇၇ ခုနှစ် မတ်လ ၄ ရက် (ပြက္ခဒိန်ဟောင်း ပုံစံဖြင့် ဖေဖော်ဝါရီ ၂၀ ရက်) တွင် မော်စကိုမြို့ရှိ ဘိုလ်ရှိုအိုင် သီယတာ (Bolshoi Theatre) ၌ ဘိုလ်ရှိုအိုင် ဘဲလေးအဖွဲ့ (Bolshoi Ballet) က ပဌမဆုံးအကြိမ် တင်ဆက်ခဲ့ပါသည်။ မူလထုတ်လုပ်မှု၏ ကကွက်ဆရာမှာ ဂျူးလိယပ် ရိုင်ဆင်းဂါး (Julius Reisinger) ဖြစ်ပါသည်။

ယခုအခါ ဘဲလေးအဖွဲ့ အများစုသည် မာရီးယပ် ပေတီပါ (Marius Petipa) နှင့် လက်ဗ် အီဗာနော့ဗ် (Lev Ivanov) တို့က ၁၈၉၅ ခုနှစ် ဇန်နဝါရီ ၁၅ ရက်တွင် စိန့်ပီတာစဘတ်မြို့ရှိ မာရီးယင်းစကီး သီယတာ (Mariinsky Theatre) ၌ အင်ပီရီယယ် ဘဲလေးအဖွဲ့ (Imperial Ballet) အတွက် ပဌမဆုံး ပြန်လည်ဆန်းသစ် တင်ဆက်ခဲ့သည့် ပုံစံကို အခြေခံကြပါသည်။ ထိုသို့ ပြန်လည်ဆန်းသစ်တင်ဆက်မှုအတွက် ချိုင်းကော့ဖ်စကီး၏ ဂီတသင်္ကေတများကို ရစ်ကာဒို ဒရီးဂို (Riccardo Drigo) က ပြင်ဆင်မွမ်းမံခဲ့ပါသည်။

(၂)

National Ballet of China Swan Lake တရုပ် အမျိုးသား ဘဲလေးအဖွဲ့၏ ဘဲငန်းအိုင် 

ဂန္ထဝင် ဘဲလေးကပွဲ ဖြစ်သော Swan Lake သည် ဘဲလေးအနုပညာ သရဖူပေါ်မှ တောက်ပသော ပုလဲရတနာတပွင့် ဖြစ်ပြီး၊ ဘဲလေးသမိုင်းတွင် အကြီးကျယ်ဆုံးသော ပြောင်မြောက်သည့် လက်ရာများအနက် တပုဒ် ဖြစ်ပါသည်။ Swan Lake သည် တရုပ် အမျိုးသား ဘဲလေးအဖွဲ့၏ နှစ်ပေါင်း ၆၀ မျှသော သမိုင်းကြောင်းတွင်လည်း ထူးခြားသော အဓိပ္ပါယ် လေးနက်မှုရှိသည့် ကပွဲဖြစ်ပါသည်။

၁၈၇၆ ခုနှစ်တွင် ချိုင်းကော့ဖ်စကီးသည် မသေဆုံးနိုင်သော Swan Lake ဘဲလေးကပွဲအတွက် ဂီတကို ရေးစပ်ခဲ့ပါသည်။ ၁၈၉၅ ခုနှစ်တွင် ပေတီပါ (Petipa) နှင့် အီဗာနော့ဗ် (Ivanov) တို့ ပူးပေါင်းကကွက်ဆင်ထားသော Swan Lake ကို ရုရှားနိုင်ငံ၊ စိန့်ပီတာစဘတ်မြို့ရှိ မာရီးယင်းစကီး သီယတာ၏ ရုရှားအင်ပီရီယယ် ဘဲလေးအဖွဲ့က အောင်မြင်စွာ ပဌမဆုံး တင်ဆက်ခဲ့ပါသည်။ ထိုအချိန်မှစ၍ ဤဘဲလေးကပွဲကို ရုရှားကျောင်းထုတ် ဂန္ထဝင်မြောက် လက်ရာတပုဒ်အဖြစ် အသိအမှတ်ပြုခဲ့ကြပြီး၊ ကမ္ဘာတဝှမ်းရှိ အဓိက ဘဲလေးအဖွဲ့ကြီးများက ကပြတင်ဆက်ခြင်း သို့မဟုတ် စံနမူနာအဖြစ် ယူခဲ့ကြပါသည်။

၁၉၅၈ ခုနှစ် အစောပိုင်းတွင် ဆိုဗီယက် ကျွမ်းကျင်သူဟောင်း ပိုင်အိုတာ ဂူးဆက်ဗ် (Pyotr Gusev) ၏ လမ်းညွှန်မှုဖြင့် ပေကျင်း အကအကယ်ဒမီတွင် Swan Lake ကို လေ့ကျင့်ခဲ့ကြပြီး၊ ဤသည်မှာ တရုပ်လူမျိုးများအနေဖြင့် ဤဂန္ထဝင် ဘဲလေးကပွဲကို ပဌမဆုံးအကြိမ် လေ့ကျင့်ခဲ့ခြင်း ဖြစ်ပါသည်။ ထိုနှစ် ဇွန်လတွင် Swan Lake ကို တရုပ်စင်မြင့်ပေါ်၌ ပဌမဆုံးအကြိမ် တင်ဆက်ခဲ့ရာ အောင်မြင်မှု ရရှိခဲ့ပါသည်။

လွန်ခဲ့သော နှစ်ပေါင်း ၆၀ အတွင်း Swan Lake သည် တရုပ် အမျိုးသား ဘဲလေးအဖွဲ့၏ သိသာထင်ရှားသော တိုးတက်မှုများကို မြှင့်တင်ရာတွင် အပြုသဘောဆောင်သည့် အခန်းကဏ္ဍမှ ပါဝင်ခဲ့ပါသည်။ ၁၉၉၆ ခုနှစ်နှင့် ၂၀၀၃ ခုနှစ်တို့တွင် တရုပ် အမျိုးသား ဘဲလေးအဖွဲ့မှ အနုပညာရှင်များသည် ရဲဝံ့သော စမ်းသပ်လေ့လာမှုတခုကို စတင်ခဲ့ပြီး Swan Lake မူသစ်နှစ်ခုကို ထုတ်လုပ်ခဲ့ရာ လူအများ၏ စိတ်ပါဝင်စားမှုကို ရရှိခဲ့ပါသည်။

(၃)

"ငန်းတို့ပျော်ရာ ရေကန်သာ" 

https://www.youtube.com/watch?v=0GsajWIF3ws

မြန်မာမှုပြုထားတာလည်း ရှိပါမယ်။ ရှာဖွေရတာ အဆင်မပြေလှပါ။ AI ကလည်း သိပုံမရ။

ဒေါက်တာတင့်ဆွေ