ဒေါက်တာမောင်ဖြူး ကလေးစာပေ

“မရွှေဖဲ”

ဘယ်သွားနေလဲ - မရွှေဖဲ

ဘုရားပွဲကို - လှည်းနဲ့ဆို

ဘာဝယ်ခဲ့လဲ - မရွှေဖဲ

ပင်နီအင်္ကျီ - ယောထဘီ

ဘာစားခဲ့လဲ - မရွှေဖဲ

ကြာဇံလက်သုပ် - မုန့်ဖက်ထုပ်

ဘယ်လောက်ကုန်သလဲ - မရွှေဖဲ

စက္ကူတကျပ် - ငွေတမတ်

ဘာမြင်ခဲ့လဲ - မရွှေဖဲ

ဈေးသယ်ဈေးဝယ် - စုံလို့ ကွယ်

ဘာလုပ်သေးလဲ - မရွှေဖဲ

ဘုရားရှင်တော် - ဖူးပါသော်

အမည်ဘာလဲ - မရွှေဖဲ

မကွေးမြို့စွန် - မြသလွန်

ဘာဆုပန်လဲ - မရွှေဖဲ

နိဗ္ဗာန်ရွှေပြည် - ဆုပန်သည်။   ။

“မောင်ရေခဲ”

ဘယ်သွားနေလဲ - မောင်ရေခဲ

ကန်တော်ကြီးကို - ကားနဲ့ သွား

ဘာသွားလုပ်လဲ - မောင်ရေခဲ

လေညှင်းခံဘို့ - ဆိုပါစို့

ဘာမြင်ခဲ့လဲ - မောင်ရေခဲ

ကုလားဗမာ - စုံလို့ ဗျာ

ဘာမြင်သေးလဲ - မောင်ရေခဲ

အပျိုအအို - မြင်သဗျို

ဘာလုပ်သေးလဲ - မောင်ရေခဲ

ကန်တော်တပတ် - ခရီးတထပ်

ဘယ်သွားသေးလဲ - မောင်ရေခဲ

တရုတ်တန်းကို - သွားသေးဆို

ဘာစားခဲ့လဲ - မောင်ရေခဲ

ခေါက်ဆွဲဆန်းပြုတ် - ဝက်သားသုပ်

အိမ်ပြန်ပါစ - မောင်လူလု

ညဉ့်နက်သန်ကောင် - မနေပေါင်။   ။

မှတ်ရန်

မူကွဲတွေလည်း တွေ့တယ်။ ဒီမူက အစောဆုံးဖြစ်နိုင်တယ်လို့ ရှေးစာကဗျားများက ဆိုပါတယ်။

ယောထဘီ - ထမီ၊ ထဗီ မူကွဲတွေရှိတယ်။

ကြာဇံ - ကြာဆံ၊ ကြာဆန် မူကွဲတွေရှိတယ်။

စက္ကူတကျပ် - - စ မသတ်ပါ။ 

ငွေတမတ် - စ မသတ်ပါ။

မုန့်ဖက်ထုပ် - မုံ့ မူကွဲအမှန်ရှိတယ်။

လေညှင်းခံဘို့ - ဖို့ မဟုတ်ပါ။

ကန်တော်တပတ် - စ မသတ်ပါ။ 

ခရီးတထပ် - စ မသတ်ပါ။

တရုတ်တန်း - တရုပ် မူကွဲအမှန်ရှိတယ်။

ညဉ့်နက်သန်ကောင် - သန်းကောင်၊ သန်းခေါင် မူကွဲတွေ ရှိတယ်။

ဒေါက်တာတင့်ဆွေ