မုံ့လင်မယား

အမည်အခေါ်အတွက်တော့ ကန်တော့။

ကျွန်တော်တို့ကတော့ စားတတ်တဲ့အရွယ်က မုံ့။ မြန်မာ့စွယ်စုံကျမ်းမှာလည်း ‘မုံ့’။

‘မုန့်’ လည်း လက်ရာကောင်း သန့်ရှင်းရင် စားကောင်းပါတယ်။

ဒီနေ့ လက်ဖက်ရည်ဆိုင်မသွား။ “လက်ဖက်ရည်အိမ်” သွားပါတယ်။

ကွန်မြူနတီထဲက အပျော်သဘောနဲ့ တနင်္ဂနွေတရက်သာ ဖွင့်တဲ့ ‘ဆိုင်’ ခေါ် ‘အိမ်’။

လက်ဖက်ရည် ကျဆိမ့်နဲ့ မုံလင်မယား ၅-၆ ခုစားခဲ့တယ်။ ကောင်းတယ်။ ပိုက်ဆံလည်းမယူ။ ပိုကောင်းတယ်။

မုန့်လင်မယားဟာ မြန်မာနိုင်ငံမှာ နာမည်ကြီး အဆာပြေမုန့် ဖြစ်တမျိုးဖြစ်ပါတယ်။ မော်လမြိုင်ဘက်မှာ "မုန့်အုပ်ကလေး" လို့ခေါ်ကြသတဲ့။

ဆန်မှုန့်နဲ့ လုပ်ထားတဲ့ မုံ့ခွက်ငယ်လေးနှစ်ခုကို မျက်နှာချင်းဆိုင် ထပ်တင်ပေးထားတာ။ အထဲမှာ ပဲပြုတ်နည်းနည်းနဲ့ နံနံပင်သာပါတယ်။ အသားတွေဘာတွေ မလိုပါ။ အုန်းနို့လည်း မလို။ ညှော်နံ့လေးနဲ့ စားကောင်းတယ်။ ဆားနဲ့ နှမ်းထောင်း ဖြူးတာလည်း ရှိတယ်။ အပိုအဆာများရင် အရသာ ပြောင်းတယ်။

လမ်းသရဲမုံ့လည်း မေးကြည့်တယ်။ အဆာပလာတွေများလို့ မစားဖြစ်ခဲ့။ ပြည်တွင်းမှာနေစဉ်ကလည်း မစားဘူး။ မကြားဘူး။ တကဲ့လမ်းသရဲကတော့ ရှိတယ်။ ခေတ်ကလူတွေလို မိုက်ကြေး မခွဲကြပါ။ နောက်တော့ တချို့က လိမ္မာသွားကြပါတယ်။

ကျောင်းနေစဉ်က မန္တလေး ဝိဇ္ဇာနဲ့ သိပ္ပံတက္ကသိုလ်၊ ရွှေမန်းဆောင်ရှေ့နားလောက်မှာ မုံ့လင်မယား ရောင်းတယ်။ မန္တလေးနဲ့ မုံရွာက လက်ရာတူတယ်။

အောက်အရပ် လက်ရာတွေကိုတော့ သိပ်မသိပါ။

အညာသားတွေက ဂွကျတယ်။ ကိုယ်စားဘူးတာသာ ကောင်းတယ်ထင်ကြတယ်။

ပညာတွေ အရင်ကလို မသင်တော့တဲ့ မန္တလေးတက္ကသိုလ်ကို သတိရပါတယ်။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog