က ကစွန်းပင် ရေမှာရွှင်
ခ ခရမ်းသီး ဓားနဲ့လှီး
ဂ ဂဏန်းကောင် လက်မထောင်
င ငပုဏ္ဏား ဟင်းချက်စား
စ စပယ်ဖြူ မွှေးကြူကြူ
ဆ ဆရာကြီး ခေါင်းလောင်းတီး
ဇ ဇလားမှာ ဆန်ထည့်ပါ
မှတ်ချက် - ကစွန်း နှင့် ကန်စွန်း မူကွဲဖြစ်သည်။ စပယ် နှစ့် စံပယ် မူကွဲဖြစ်သည်။
သင်ပုန်းကြီးဆိုတာ က၊ ခ တို့ကို အသတ်၊ အရစ် စတာတွေ မပါဘဲ ရေးရတယ်။ က ကို ကန်လို့မရေးရ၊ စ ကို စံ လို့မရေးရ။ ကစွန်းကပိုမှန်။ စပယ်က ပိုမှန်တယ်။
ကလေးကို ခလေးလို့ရေးနေကြတယ်။ အသံထွက်အရ တခါတလေ ခလေးပြောတာတော့ မမှားပါ။ စာရေးရင် ကလေးကသာ စံကိုက်သတ်ပုံဖြစ်ပါတယ်။ အရင်ကလည်း ကလေးရော ခလေးပါ ရေးခဲ့တာရှိတယ်။ သတ်ပုံစာအုပ်တွေမှာတော့ ခလေးလို့ မရှိပါ။
ကလေးမရသေးသူတွေက ကလေးကို မှန်အောင်မရေးကြ။ ကိုယ်ဝန်ဆောင်တွေက ကိုယ်ဝန်ကို မှန်အောင် မရေးကြပါ။
သူငယ်တန်းမြန်မာစာပါ သင်ပုန်းကြီး အမျိုးမျိုးပြောင်းလာခဲ့တယ်။
က = ကညစ် ပေမှာခြစ်
ခ = ခရာ အသံသာ
ဂ = ဂဏန်း ရေမှာဖမ်း
က = ကလေးငယ် ချစ်စဖွယ်
ခ = ခရေကုံး မလေးပြုံး
ဂ = ဂဏန်းသင် ပြုံးရွှင်ရွှင်
ကန်အစွန်းမှာပေါက်လို့ ကန်စွန်းပင်လို့ရေးတာဆိုပြီး ကြံဖန်ပြောတာကို သဘောမတူပါ။ ကုန်းကစွန်းရှိတယ်။ ရေကစွန်း ရှိတယ်။ ယာကစွန်း ရှိတယ်။ ကန်စွန်းက မူကွဲသတ်ပုံမှန်ပါတယ်။
ငှက်ပျောပင်မှာ ငှက်မနားပါ။ သင်္ဘောပင်ကော သင်္ဘောပေါ်မှာပေါက်ပါသလား။
ဒေါက်တာတင့်ဆွေ
Comments
Post a Comment