ညင်း ညှင်း

- တခါတလေ မှားပြီး ဟထိုးထည့်မိတယ်၊ အဲဒါဆို မုန်ညှင်းဖြစ်သွားရော၊ ကျနော့မွေးရပ်ကျ ဟထိုးပါတယ်၊ ကချင်ပြည်နယ် မိုးညှင်းမြို့။

- အခုခေတ်သတ်ပုံမှာ လေညှင်းကို လေညင်း ဆိုပြီး ဟထိုးမထည့်တော့ပြန်ဘူးဆရာ

- ဟ ထိုး ဆိုသည်မှာ ဟ ဆင့်လိုက်ခြင်းပင်ဖြစ်သည် မ ကို ဟဆင့်လိုက်ရာ မှ ဖြစ်လာသည်

- ဆရာဗျား၊ လေ​ပြေ လေညှင်း နဲ့ လေပြည် လေညင်း အသုံးနှစ်ခု မှာ ဘယ်ဟာကို သုံးရမလဲဆိုတာ ဘဝင်မကျဖြစ်နေပါတယ်။

သူငယ်တန်းဖတ်စာ - ၃

နေဝင်ရီတရော အချိန်ကျပြီ။

လေပြေလေညှင်း လာနေသည်။

ချောင်းရေ တသွင်သွင် စီးနေ၏။

ကွင်းပြင်တခုလုံး စိမ်းစိမ်းစိုစို ရှိ၏။

ကျွဲနွားများလည်း ရွာသို့ပြန်လာကြပြီ။

ရှုခင်း သာယာလှပေသည်။

သူငယ်တန်းဖတ်စာနောက်မှာ ထွက်တဲ့ မြန်မာအဘိဓာန် အကျဉ်းချုပ် (၁၉၈၀)

လေညင်း = ဖြည်းညင်းစွာ တိုက်သောလေ။

မိုးတလုံးလေတလုံး = မဟုတ်မဟတ် ပလွှားဝင့်ဝါလျက်။ စကားချဲ့ကား ဝင့်ကြွားလျက်။

မြန်မာအဘိဓာန် အကျဉ်းချုပ် (၁၉၇၉)

ညင်း = အကြမ်းအတမ်း အလျင်အမြန် မဟုတ်သော။ အသာအဖြည်း ဖြစ်သော။ ပရမေမှန်ကင်း၊ လူ့သနင်းလျှင်၊ သံညင်းမိန့်ခြေ၊ ဟောတုံပေက။

ညင်းညင်းသာသာ = ဖြည်းညင်းသက်သာစွာ။ သာယာညင်းပျောင်းစွာ။ နူးနူးညံ့ညံ့။

ညင်းပျောင်း = ချိုသာနူးညံ့သည်။ လူကြီးလူကောင်း၊ လူအပေါင်းနှင့်၊ ညင်းပျောင်းတိုင်ပင်၊ ဘန်စီရင်လျက်။

ညှင်း = ဖြူခြောက်ခြောက် အကွက်အပြောက်များပေါ်သော အရေပြားရောဂါတမျိုး။

ညှင်း = ဆင်သတ္တဝါ၏ အရေတွင်ရှိသော အနီပြောက်၊ အနီကွက်။

ညှင်း = စက္ကူဖဲတွင်ပါသော လေးညှင်းပွင့်ပုံ ဖွဲပွင့်။

ညှင်း = အမဲသား၊ ဆိတ်သား စသည်တို့ကို သေးငယ်သော အချောင်းအချောင်းဖြစ်အောင် လှီးသည်။

လေညင်းသွဲ့သွဲ့

ပိတောက်တွေသင်းလည်း လေညှင်းထဲမှာ သွေးနံ့ပါတယ်၊

အခြားသတ်ပုံကျမ်းများ

ညှင်း

အမဲသားညှင်း

ညှင်းဖဲပွင့်

ညှင်းရောဂါ

ညှင်းပြောက်

ညှင်းလုံး ဂီတသံစဉ်

ညှင်းလုံးပြောက်အဆင်

ညင်

ညင်သာ

ညင်း

ညင်းညင်းသာသာ

ညင်းပျောင်း

မုန်ညင်းပင်

မုန်ညင်းရွက်

မုန်ညင်းဖူး

မုန်ညင်းချဉ်

မုန်ညင်းဆီ

မုန်ညင်းခင်း

မုန်ညင်းဖြူ

အိုးမုန်ညင်း

မုန်ညင်းထုပ်

ဒေါက်တာတင့်ဆွေ