နွယ် နဲ့ နွှယ်

၁။ ဆရာခင်ဗျား ဆက်နွယ် နဲ့ ဆက်နွှယ် ဘယ်ဟာ

အမှန်ပါလဲ

၂။ ဒီ ပို့စ်ကိုတော့ဖတ်ပြီးသားပါဆရာရှင့် ရာသီဥတု နှင့် ဆက်နွှယ်သော ဆိုပြီးရေးရင်မှန်လားရှင့် ဒါမှ မဟုတ် ‘ဆက်နွယ်’ ပဲလားရှင့်

၃။ ဒါနဲ့ပတ်သက်ပြီး လမ်းညွှန်/ ရှင်းပြပေးစေလိုပါတယ်ဆရာ ကျေးဇူးတင်ပါတယ်ရှင့် 

၄။ ဆရာခင်ဗျာ ပတ်သက်ဆက်နွယ် နဲ့ ပတ်သက်ဆက်နွှယ် ဘယ်ဟာက အမှန်ပါလဲ ကျေးဇူးပြု၍ ဖြေကြားပေးစေချင်ပါတယ်ခင်ဗျာ။

ဆက်နွှယ် = အဆက်အစပ်ရှိသည်။ တစပ်တည်း ဖြစ်သည်။ (မြန်မာအဘိဓာန် အကျဉ်းချပ် ၁၉၇၉၊ စာမျက်နှာ ၁၆)

ဆက်နွယ် = ဆက်စပ်နှီးနွယ်သည်။

နွယ်

နွယ် – ကြိ / နွယ် / (ကြိုးနှင့် တူသော အပင်) တနေရာမှ တနေရာသို့ တွယ်ယှက်ကူးစက်ပြန့်ပွားသည်။ "သည်တပင် ကုန်ပြန်လျှင် ဟိုတပင်ကို နွယ်ပြန်၏။" အရိယသစ္စာ။ ၁၀၀။

– န / နွယ် / ၁။ တွယ်ယှက်ရစ်ပတ် ကူးစက်ပြန့်ပွားသော ကြိုးနှင့်တူသည့် အပင်။ "(ပဒုမလတာ) အမည်ရှိသော နွယ်သည် ဖြစ်ပေါ်၍လာ၏။" လင်္ကေ။ ၄၅။ ၂။ ဆွေစဉ်မျိုးဆက်။ အနွယ်။ "နာ၊ နေမင်းနွယ်ရင်း၊ သီဟတ် မင်းသည်၊။ ဇယယော၊ အောင်လေပြီ။" ကဝိမင်္ဂ။ ပ။ ၄၇။

နွယ်ကြိုး – န / နွယ်ဂျိုး / ကြိုးသဖွယ်သုံးရသော နွယ်ပင်ပြတ်။ "ရှောက်သီးတွေကို ရသဖြင့် နွယ်ကြိုးနှင့်သီးပြီး ယူဆောင်လာခဲ့တယ်။" ထေရာ၊ တ။ ၁၀၆။

နွယ်ချို – န / နွယ်ဂျို / ချိုမြိန်သော အရသာရှိသည့် ဆေးဖက်ဝင်သောနွယ်ပင်။

နွယ်ငန်း – န / နွယ်ငန်း / နွယ်ပင်ကြီးတမျိုး။ "မျောက်နှဲပင်ပေါ်က နွယ်ငန်းကို ဒန်းဆင် စီးနေသည့်အပြင်။" မျောက်ဋီ။ ၆၄။

နွယ်စပ် – န / နွယ်ဇတ် / နွယ်ပင်ကြီးတမျိုး။

နွယ်တာလ – န / နွယ်တာလု / ဝါဆိုလကို ရှေးကခေါ်သောအမည်။

နွယ်နိုင်း – န / နွယ်နိုင်း / လျှော်ကို ပုပိုက်လုပ်ရသော နွယ်ပင်တမျိုး။

နွှယ် 

၁။ နွှယ် = ဆက်စပ်နှီးနွှယ်သည်။

ပင်လယ်ကျောက်ပွင့်မျိုးသည် ရေမြှုပ်စိမ်းမျိုးနှင့်မျိုးချင်းနွှယ်၏။ စွယ်ကျမ်း၊ ၆။ ၄၂၅။

၂။ နွယ်စေသည်။

အနံ့မှာမူကြံသကာဘက်သို့နွှယ်လျက်ရှိသည်။ 

၃။ ဆက်သွယ်သည်။

အမျိုးလည်းအမျိုးကောင်း၊ အနွယ်လည်းအနွယ်ကောင်းလက်ဝဲသုန္ဒရမှနွှယ်သောအမျိုးကောင်းတွေ။ 

နှီးနွှယ် = ရင်းနှီး + ဆက်နွှယ်

ဆက်စပ်သည်။ ပတ်သက်သည်။ ဆက်သွယ်သည်။ ဆက်နွှယ်သည်။

ဗောဓိလောင်းကို၊ တွေ့ကြောင်းနှီးနွှယ်၊ အလမ္ပာယ်လျှင်၊ နှိပ်နယ်ကလူ၊ ယူလေသရော်။ 

နွှယ်

သူ့ကိုနွှယ်သွားသည်

နွှယ်ဒိုးရိုက်သည်

နှီး 

ကလေးအနှီး 

ဆင်ကုန်းနှီး 

နှီးကြမ်းဖျာ 

နှီးကြောဖျာ = နှီးချောဖျာ 

နှီးကိုစိတ်ဖြာ 

နှီးခွါ 

နှီးထိုး 

နှီးနွှာ 

နှီးနှောတိုင်ပင် 

နှီးရက် 

နှီးဝါး 

မြင်းကုန်းနှီး 

ရင်းနှီးသည် 

ရထားကုန်းနှီး 

လက်နှီးအဝတ် 

အချည်းမနှီး 

အရင်းအနှီး 

နွယ်

တနွယ်ငင် တစင်ပါ

နွယ်ငန်း

နွယ်တာလ = နွေတာလ = ဝါဆိုလ

နွယ်နှာမောင်း

နွယ်ဖျားနွယ်တံ

နွယ်ရှင်

နွယ်ရိုးလိုက်

နွယ်လန်း

နှီးနွယ်ဆက်ဆံသည် (ဟထိုး မပါ) 

ဟင်းနုနွယ်

အမျိုးအနွယ်

ဒေါက်တာတင့်ဆွေ