"ခွင့်ပန်ကဗျာ"

(သည်တဝါ သည်တနှစ် မလာဖြစ်လို့ ခွင့်ပန်စာ။)

တို့ချစ်တဲ့ တို့အမေ

မာစေသာစေဖို့ ဆုတောင်း။

အမေ အသက်ရှည်လေလေ

ပြည်သူ့အကျိုး ပြုလေလေမို့

အမေလို ပုဂ္ဂိုလ်မျိုး

သွားမကျိုး ဆံမဖြူ

ကိုယ်ထူကိုယ်ထ ကလောင်မချ

စောင်မ ပါကြောင်း။

မလာရပေမယ့်

ဂါရ၀ ပြုလျက်ပါ။

အမေ့ကို ပူဇော်ဖို့

တောင်ပေါ်မှာ ပန်းခူးသွားနေလို့

စကားနဲ့မှာ။

အရပ်ရပ် အရွာရွာ

ပူဇာစ အမေ့ပွဲ။

တောင်သမန်

ကလောင်သံ တညံညံနဲ့

မပြန်နိုင် တနေ့လုံး

တွေ့တုန်းမှာ ဆိုစကားတွေနဲ့

အားရနိုင်ဘဲ။

သည်တဝါ သည်တနှစ်

မလာဖြစ်လို့ ခွင့်ပန်စာ။

နောင်နှစ်ခါ အမေ့ကိုဖူးဖို့

ပန်းခူးခဲ့မှာ။

မန်းမြေမှာ ပန်းတွေကြဲလို့

ပူဇော်ပွဲ ကြီးကျယ်စွာ

အားရဖွယ် ပန်းမြိုင်လယ်မှာ

ပန်းခိုင်အသွယ်သွယ် သီကာကုံးလို့

တနေ့လုံး တညစခန်း

မထတမ်း မ၀တမ်း

ကဗျာ့ပန်း နန်းဆန်ဆန်

မန်းသံ လွမ်းရန် တေးတွေနဲ့

ပျော်ဦးမယ်လေး။ ။

(အမေ လူထုဒေါ်အမာရဲ့ မွေးနေ့ ၂၉၊ ၁၁၊ ၉၉ အကြို)

အမေ့သား တင်မိုး

၁၊ နို၀င်ဘာ ၁၉၉၉

တနင်္လာနေ့ နံနက်ခင်း

(Khin Maung Lay ကျေးဇူး။) 

ဒေါက်တာတင့်ဆွေ