ဘူးမမှုတ်နဲ့သမီးရယ်

ကွန်မင့်တခု = စားရဘူးတယ် မဖြစ်သင့်ဘူးဗျ စားရဖူးတယ်ပဲ ဖြစ်သင့်တာ ဘူးက အငြင်းသဘောမဟုတ်လား ဗန်းမော်တင်အောင် မြန်မာစာအရေးလိုသေးတယ်ပြောရမယ်

ကွန်မင့်တခု = ဆရာလည်း physics သင်ဖူးမယ်ထင်ပါတယ်

သင်ဘူးတယ်။

(၁) မဝယ်ဘူး မယ်ခူးတဲ့ဖက်စို။ 

မီးမကူ နေပူမှာ မကင်အားလို့၊ ထားရတယ် အိပ်ရာအောက်မှာ၊ မင်းသောက်ဖို့ကို။ 

ညှာအနား၊ ရှေ့သွားနဲ့ကိုက်လို့တို၊ မချိုတောင့်လိပ်ဆေး။

ပိုးမကူ၊ ဝါချည်ဖြူ တပင်ရစ်ကယ်နှင့်၊

ငယ်ချစ်မောင် ရွှေဝသွားကို၊ ပါးလိုက်ကဲ့လေး။   ။ (မယ်ခွေ)

(၂)

ကဝိဓဇသတ်ပုံကျမ်း

ဘူး

ကြားဘူးနားဝ

နဘူးနွယ်ပင်

ဘုရားဖူးဘူးသည်

ဘူးကွယ်သည်

မကြားဘူး

မမြင်ဘူး

မရောက်မလာဘူး

(၃)

ပင်လယ်ခရုဘွဲ့

ကြုံစဖူး မြင်ဖူးမှ ယုံစဘွယ်။

ဖြူနီဝါပြာတစုနှင့်

ခရုထွေလာဆန်း

ကမ်းကွေ့ပတ်လယ်။

ရွှေမင်တံ သံပချုပ်နှင့်

ဟန်ရုပ်ပြသွယ်သွယ်

နတ်မယ်လျဆံထိုး။

ဝင်ကစွပ်

မြင်ဆွတ်ကကြည်ဘို့ရာ

ဟိုသို့လာ သည်သို့သွားနှင့်

အငှားခန္ဓာမြှောင်ရတယ်

ဆန်းခေါင်ထိမျိုး။    ။ (ဦးကြင်ဥ)

(၄)

မဟာစည်ဆရာတော်ရေးသားတဲ့ ဝိပဿနာရှုနည်းကျမ်းမှာ ထို့ကြောင့် မြင်ဘူး ကြားဘူး နံဘူး စားဘူး တွေ့ထိဘူး ကြံသိဘူးသော ထိုအတိတ်ရုပ်နံတို့ကို ပြန်၍စဉ်းစားမိတိုင်း ဃနပညတ်ထင်ရှားလျက် နိစ္စ သုခ အတ္တဟု ထင်မြင် စွဲလမ်းမှုသည် ဖြစ်ပေါ်၏။

(၅)

ဘူးမမှုတ်နဲ့သမီးရယ်

ဖေဖေ့ကိုချစ်တယ်ဆို

ဖေဖေလေးကိုချစ်တယ်ဆို ဆို ဆို ဆို

ကလေးဗူးမှုတ်တာကလွဲရင် ဘူးလို့သင်နေကြတာ မမှန်ပါ။ ဗူးမှုတ် နဲ့ ဘူးမှုတ် နှစ်မျိုးလုံးရေးနိုင်ပါတယ်။

ဆင်နှာမောင်း တပင်လုံး သုံးခွက်တခွက်တင်ကျိုလို့ ရေးမှသာ မှန်ပါတယ်။

မေဓာဝီ - တေးရေး - မြို့မငြိမ်း တေးဆို-ဝင်းဦး (မှုံရွှေရည်ဇာတ်ကားမှဇာတ်ဝင်တေး) https://www.youtube.com/watch?v=pk2tRFK_MBU

ဗူးတလုံးဆောင် https://burmese-spelling.blogspot.com/2024/01/blog-post_67.html

ဖူး ဘူး https://burmese-spelling.blogspot.com/2023/08/blog-post_666.html

ဗူး နဲ့ ဘူး ဋီကာ https://burmese-spelling.blogspot.com/2022/11/blog-post_6.html

ဘူး ဖူး https://burmese-spelling.blogspot.com/2024/01/blog-post_693.html

H2O မြန်မာစာကို ဓါတုဗေဒဖေါ်မြူလာတွေနဲ့ သင်နေတာ မမှန်ပါ https://burmese-spelling.blogspot.com/2023/11/h2o.html

ဒေါက်တာတင့်ဆွေ