၍ နှင့် ရွေ့

- ကမ္ဘာ တည်နေသရွှေ့ နဲ့ (ကမ္ဘာတည်နေသ၍ ဘယ်စာကြောင်းက အမှန်နည်း

- ရွေ့ရှားနှင့်ရွေ့လျား ရှင်းတမ်းထုတ်ပါဦး ဆရာ။ မသိသေးသ၍၊ မလုပ်သေးသ၍လား မသိသေးသရွေ့ မလုပ်သေးသရွေ့လားဆရာ။ စာလုံးပေါင်း အမှန် သိပါရစေဆရာ။

၍ (သမ္ဗန္ဓ) = အကြောင်းပြပုဒ်အဖြစ်သုံးသောရှေ့ကြိယာနှင့်နောက်ကြိယာ စသည်ကိုဆက်စပ်သောစကားလုံး။ ရွေ့၏အတိုကောက်စကားလုံ)။

သွား၍ကြည့်သည်။ သီချင်းဆို၍ငိုရသည်။ စိတ်ဆိုး၍ရိုက်သည်။

သွား၍လာ၍

ကြုံသ၍ (ပုဗ္ဗကာလကြိယာ)

ကမာ္ဘတည်သ၍

ဝဋ်ဆင်းရဲမှ မကျွတ်သ၍

အသက်ရှင်သ၍

ရောဂါမပျောက်သ၍

ရွှေ့၍ရွေ့သည်

ရွေ့

ရွေ့လျားသည်

ရွေ့သွားသည်

တရွေ့ရွေ့

စကားရွေ့သည်

ကာလရွေ့လျော

တရွေ့ရွေ့ရစ်ကာ ထွေးထွေးသစ်လာ ချစ်စရာရထားလေးနဲ့ခင်မင်စရာကွယ်

ဖြစ်သရွေ့ပျက်သရွေ့

ရွေ့ရှား (ရွေ့လျား)

ကာလရွေ့လျော

ရွေ့လျားခြင်း

ရူပဗေဒပညာရှင် အိုင်ဆက် နယူတန် မှ ရွေ့လျားမှု ဆိုင်ရာ နိယာမ ၃ ခုကို ထုတ်ဖော်ခဲ့သည်။

ရွေ့ရှား = ရွေ့သွားသည်။ ကြယ်များရွေ့လျားသွားလာဟန်ရှိသည်ကိုလည်းသိကြသည်။ ဂရိ။ ၃။

အရွယ်လွန်ရွေ့လျား (ခင်မောင်တိုး)

လက်ရှိတိုက်ကြီးများမှာ ၀င်ရိုးစွန်းပိုင်းမှ အီကွေတာပိုင်းသို့ ရွေ့လျားခဲ့သော ကုန်းမြေများဖြစ်သည်ဟု ယူဆထားသည်။

ရွေ့လျား = ရွေ့သွားသည်။

အကြည့်လွှဲ ရွေ့လျားခြင်း လှည့်စားမှု

"ဆုတောင်း"

နှောင်ကြိုးတွေပြေ

တိမ်တွေက ရွေ့လျား

တို့တိုင်းပြည် အမှောင်တွင်းက

လွတ်ကင်းစေသား။ (တင်မိုး)

ဒေါက်တာတင့်ဆွေ