ကန်တော့ပါ လူထုဒေါ်အမာ ခင်ဗျား

လူထုဒေါ်အမာမွေးနေ့အတွက် တင်ကြတာတွေ တွေ့တယ်။ ကောင်းပါတယ်။ ဒါပေမဲ့ စာကိုမှန်အောင်ရေးကြတာ ရှားတယ်။

အဲလိုဖြစ်နေတာကလည်း လူထုဒေါ်အမာအကြောင်းနဲ့ တူနေတယ်။

လူထုဒေါ်အမာဟာ လူထုဦးလှလောက် ကံမကောင်းလိုက်ပါ။ လူထုဦးလှရေးသမျှ ထုတ်သမျှစာအုပ် မူရင်းတွေအားလုံးက သတ်ပုံမှန်တယ်။

လူထုဒေါ်အမာ အမည်နဲ့စာတွေကတော့ သတ်ပုံမှန်တာတွေရော ပေါ်လစီသတ်ပုံတွေပါ တွေ့ရမယ်။

၁၉၇၅ ခုနှစ်က ပုဂံငလျင်ကြီးလှုပ်တော့ ဘုရားပုထိုးတွေကို နဝတ လက်ထက်မှာ ဖြစ်ကတတ်ဆန်း ပြင်တယ်။ ပလပ်စ်တစ်ပိုက်တွေထည့်တယ်။ နောက်တခါ ၂၀၁၆ ငလျင်လှုပ်တော့ PVC ပိုက်အပြာတွေ ပေါ်လာတယ်။

နောင်တချိန် ရာစုနှစ်တွေကြာတော့ ရှေးဟောင်းသုတေသနလုပ်ကြရင် သက်တမ်းကို Carbon-14 (C14) နဲ့ စစ်ကြလိမ့်မယ်။ ပုဂံဘုရားတွေကို ၁၉၇၅ ခုနှစ်ကတည်ထားတယ်လို့ အဖြေထွက်မယ်။

လူထုဒေါ်အမာလို ကံမကောင်းတဲ့ ဆရာတော်တွေ၊ ပညာရှင်တွေ၊ စာရေးဆရာတွေ၊ ကဗျာဆရာတွေ အများကြီး။

လယတီဆရာတော်၊ မဟာစည်ဆရာတော်၊ မိုးကုတ်ဆရာတော်၊

ရွှေဥဒေါင်း၊ သခင်ဘသောင်း၊

တက္ကသိုလ်ဘုန်းနိုင်၊ ခင်နှင်းယု၊ အောင်လင်း၊

ဇော်ဂျီ၊ မင်းသုဝဏ်၊ တင်မိုး၊

စာရင်းချရေးရင် မနက်စာ ညာစာ စားရမှာမဟုတ်တော့ဘူး။

မြန်မာစာရဲ့သက်တမ်းကလည်း ၁၉၈၆-၈၈ ကစတယ်လို့ လာပါလိမ့်မယ်။

ကန်တော့ပါ လူထုဒေါ်အမာ ခင်ဗျား။

Ludu Daw Amar - YouTube

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog