မေ့ဘဝခဏဘယ်သူယူပါ့မယ်

(လွမ်းပါဘိ တယောက်တည်းရယ်)

ရေး - မောင်ဆွေနွယ်

ဆို - မာမာအေး

ဒီက ချစ်တာ သိရဲ့သား  နဲ့

သူမို့ ခွဲသွားရက်တယ်

သူ့အတွက်အလွမ်းပြေ

ပန်းတွေ တပွင့်ဆီခြွေကာ

မြေမှာစုထား ရရင်ကွယ်

ခုများဆို စကားဥပမာ ပြောလို့နှိုင်းမယ်

တောညိုမှိုင်းတဲ့

မောတို့တိုင်းရဲ့  ရှမ်းတောင်တန်းသဖွယ်

လွမ်းယောင်သန်းတဲ့

ပန်းတောင်တန်းတွေ ဖြစ်နေမယ်ထင်တယ်0

ဒီက ချစ်တာ သိရဲ့သား  နဲ့

သူမို့ ခွဲသွားရက်တယ်

သူ့အတွက်အလွမ်းပြေ

ပန်းတွေ တပွင့်ဆီခြွေကာ

မြေမှာစုထား ရရင်ကွယ်

ခုများဆို စကားဥပမာ ပြောလို့နှိုင်းမယ်

တောညိုမှိုင်းတဲ့

မောတို့တိုင်းရဲ့  ရှမ်းတောင်တန်းသဖွယ်

လွမ်းယောင်သန်းတဲ့

ပန်းတောင်တန်းတွေ ဖြစ်နေမယ်ထင်တယ်

လာလုငယ် လာလုငေး

ချစ်သူဝေးမ လေးမှာ

လေတပြေး လှိုင်းတရိုက်

အခိုက်အတန့်လေးတောင်

ခွဲမနေနိုင်ပါတယ်

သည်းရွှေဆိုင်ညှာဝယ်

ပူတယ်လေ ဆယ်နွေကဲ

ကျမျက်ရည်လည်း ချောင်းဖြစ်ရော့မယ်

သစ်ရွက်တွေလို

ကြွေချင်ရာကြွေ

နေချင်ရာနေလိုက်ချင်လည်း

မိန်းမသားဆိုတော့ အခက်ပါလားကွယ်

အိုကွယ် မေတ္တာတွေပျောက်သမျှအဆုံးဝယ်

သစ္စာရေသောက်ပြဦးမယ်

မိုးအဖုံး မြေအထဲ

သူ့ကိုပဲ အချစ်ဆုံးပေါ့ကွယ်

မုန်းလည်းမမုန်းတီးရက်တာ

နာလည်း မနာကျည်းရက်တာ

သိပါစေ ကြားပါစေတော့

အချစ်ဆုံး မုန်းသူရယ်

အိုကွယ် မေတ္တာတွေပျောက်သမျှအဆုံးဝယ်

သစ္စာရေသောက်ပြဦးမယ်

မိုးအဖုံး မြေအထဲ

သူ့ကိုပဲ အချစ်ဆုံးပါကွယ်

မုန်းလည်းမမုန်းတီးရက်တာ

နာလည်း မနာကျည်းရက်တာ

သိပါစေ ကြားပါစေတော့

အချစ်ဆုံး မုန်းသူရယ်

မုန်းသူရင်ထဲက

အချစ်ကိုမှ ကိုယ်ကလိုချင်တယ်

လစန္ဒာ ငွေစင်ပုလဲ

မြကန်သာ ရေပြင်ထဲ ရှိနိုးနှင့်ရယ်

ပိုက်ဆွဲယူသော

မိုက်မဲသူ တံငါသည်လိုပဲကွယ်

တ ကိုယ်တည်း အမိုက်ဒဏ် ရှိုက်သံဖုံး

ယူကြုံးမရနိုင်တယ်     

ကြင်ဖော်တွဲ သူတို့အလယ်

ကြင်ဖော်ကွဲ သူကလေးမျက်နှာငယ်

ပူဗျာနွယ် ဘဝအဆွေး

လူတကာလည် ခဏပေးလည်း

ယူမဲ့သူမရှိ ကူမဲ့သူမရှိ

ပန်းပါဘိ နွမ်းပါဘိ

လွမ်းပါဘိ တယောက်တည်းရယ်။   ။

https://www.youtube.com/watch?v=MTbDa-dsNfc

ဒေါက်တာတင့်ဆွေ