တတိယများအကြောင်း

အခုကြုံတွေ့နေကြရတဲ့ ငလျင်ဘေးကြီးဟာ စစ်ကိုင်း၊ အင်းဝ၊ အမရပူရနဲ့ မန္တလေးမှာ အများဆုံး။

ကုန်းဘောင်မင်းဆက်ကို တတိယမြန်မာနိုင်ငံလို့ ရာဇဝင်စာအုပ်တွေမှာ ရေးပါတယ်။ 

ပုဂံခေတ်က ပဌမမြန်မာနိုင်ငံ။ 

တပင်ရွှေထီး အစပျိုးပြီး ဘုရင့်နောင်က ဒုတိယမြန်မာနိုင်ငံကို တည်ထောင်ပါတယ်။

တတိယမြန်မာနိုင်ငံခေါ် ကုန်းဘောင်မင်းဆက်မှာ ဘုရင် ၁၁ ဆက်ရှိတယ်။

အလောင်းဘုရား၊ ရွှေဘိုမှာ ၈ နှစ် နန်းစံတယ်။

နောင်တော်ကြီးမင်းလည်း ရွှေဘိုမှာ ၃ နှစ်စံတယ်။

ဆင်ဖြူရှင်က ရွှေဘို နဲ့ အင်းဝ တလှည့်စီ ၁၃ နှစ်နန်းစံတယ်။

စဉ့်ကူးမင်းက အင်းဝမှာ ၅ နှစ်နန်းစံတယ်။

ဖောင်းကားစားမောင်မောင် အင်းဝမှာ ၇ ရက်။

ဘိုးတော်မင်းက တောင်မြို့ ခေါ် အမရပူရမှာ ၃၈ နှစ် နန်းစံတယ်။

ဘကြီးတော်က အင်းဝမှာ ၁၈ နှစ် နန်းစံတယ်။

သာယာဝတီမင်းက တောင်မြို့ ခေါ် အမရပူရမှာ ၉ နှစ် နန်းစံတယ်။

ပုဂံမင်းက တောင်မြို့ ခေါ် အမရပူရမှာ ၆ နှစ် နန်းစံတယ်။

မင်းတုန်းမင်းက မန္တလေးမြို့မှာ ၂၆ နှစ် နန်းစံတယ်။

သီပေါမင်းက မန္တလေးမြို့မှာ ၇ နှစ် နန်းစံတယ်။

၁၂၄၇ (၁၈၈၅) ခုနှစ်မှာ  ကုန်းဘောင်မင်းဆက်ကုန်ဆုံးပြီး၊ တတိယမြန်မာနိုင်ငံလည်း ပျက်ပါတော့တယ်။

နောက်တတိယဆိုတာ စစ်အာဏာသိမ်းမျိုးဆက်

၁၉၆၂ မှာ ဗိုလ်နေဝင်း။

၁၉၈၈ မှာ ဗိုလ်စောမောင်နဲ့ ဗိုလ်သန်းရွှေ။

၂၀၂၁ မှာ မအလ။

သင်ခန်းစာ

ယူအက်စ်အေမှာ ထရမ့် က တတိယသက်တမ်းအတွက် ကြံစည်နေတယ်။

မြန်မာ့ခေတ်သစ်သမိုင်းမှာ စစ်အင်အားစုနဲ့ ဒီမိုကရေစီအင်အားစု မဟုတ်တဲ့ တတိယအင်အားစုဆိုတာ မကြာမကြာ ပေါ်ပေါ်လာလေ့ရှိတယ်။ စစ်တပ်နဲ့ တစိတ်တပိုင်းပေါင်းပြီး ရာထူးနေရာလိုချင်ကြသူတွေ။ ရွေးကောက်ပွဲမျှော်နေကြသူတွေ။

ပျက်သုဉ်းသွားရတဲ့ တတိယမြန်မာနိုင်ငံ နန်းစိုက်ရာတွေမှာ ငလျင်ဘေးသင့်နေရတယ်။

စစ်အာဏာသိမ်း တတိယမျိုးဆက်လည်း ပျက်သုဉ်းပါစေသတည်း။

ဒေါက်တာတင့်ဆွေ