သတ်ပုံကျမ်းတွေမှာ ပါ့ မပါရှိပါ။ စကားအရာမှာတော့ အသုံးမနည်းပါ။
၁။ ကြိယာကိုအတည်ပြုသောအနက်ဖြင့် ထောက်ပံ့သောစကားလုံး။ ပါ၏။ ပါ့။ ပေါ့။
ဟုတ်တာပ၊ ဟုတ်တာပ။
၂။ ကြိယာကိုလေးနက်စေသောစကားလုံး။
သားစဉ်မြေးဆက်ပြောပစရာဖြစ်ချေသည်။ ဝေါ။ ၃၉၉။
၃။ မြွက်သည်။ ဆိုသည်။ ကြုံးဝါးသည်။
ဤသို့ပုဏ္ဏက၊ ကြုံးသံပသော်။ ဝိပျို့*၅၆။
၄။ ထွန်းတောက်သည်။
တထောင်နေလ၊ ပြိုင်၍ပလည်း၊ မမျှနိုင်ရာ။ ပြာဋိ*၆၄။
၅။ ပူဇော်သည်။
ဂြိုဟ်အပေါင်းနှင့်၊ နတ်ကောင်းပရန်။ ကုသ*၁၇၄။
၆။ အပြင်။ အပြင်ဘက်။ အပ။
ပြည်တွင်းပြည်ပ၊ ဖြင်မျှများစွာ၊ လူတကာတို့။ သတ်ကြီး။ ၃၂။၊
၇။ ကင်းလွတ်သည်။ ပလပ်သည်။ ပြေပျောက်သည်။
အနှစ်ရာထောင်မသိမ်းမပိုက်စေ။ ပစေ။ နု။ ၅၅။
၈။ ပယ်သည်။ ထုတ်ပစ်သည်။ ချန်လှပ်သည်။ ခေါက်ထားသည်။
ပထားရာရောက်ပေတော့မည်။ မီးရေခြား။ ၃၀။
၉။ ဖယ်ရှားသည်။
လေးပါးသောမှောင်ကိုဆီမီးရောင်ပဘိသကဲ့သို့။ ဓာတု၊ ဒု။ ၃၄။
၁၀။ ကင်းမဲ့သည်။ မရှိ။
အဆင်းလှလျက်အချင်းပသဖြင့်အလျှင်းမျှမတင့်တယ်။ ဟိတော။ ၃၃။
၁၁။ ကွယ်ပျောက်သည်။
သာသနာတော်ပသောကာလ၌။ ပဉာ။ ၈၇။
၁၂။ ပေယျာလကိုအတိုရေးသောအမှတ်အသားတမျိုး။
ပထမဈာန်။ ပ။ စတုတ္ထဈာန်တို့ပေတည်း။ သာသမ်။ ၇၈။
၁၃။ ဟုတ်ပါ့
၁၄။ ဟုတ်ပါ့မလား
၁၅။ ဘယ်ဟုတ်ပါ့မလဲ
၁၆။ ဟုတ်ပါ့မလား မောင်ကာဠုရဲ့
၁၇။ ဟုတ်ပါ့အေ
၁၈။ မလွှားမပ
ရောင်ဝါပလိမ့်
ရန်ဆိုလျှင် ပရသည်
လေးပါးသော မှောင်ကို ဆီမီးရောင် ပဘိသကဲ့သို့
အချင်း ပ သဖြင့်
ရနထဲတွင် ပျောက်သည်ကို ပ စေသည်ဟု စီရင်သည်။
နတ်နှယ် ပ ၍သမီးတော်နှင့် မလျော်အဆ၊ မတော် ပ လိက်
လေးထွသီလ၊ ဖြူစင် ပ သား။
တတန်တရာ၊ မဟုတ်ခါကို၊ နေဝါ ပ ကြိုက်၊ အမျက်အိုက်လျက်၊
ပြောပ၊ ချီးပ၊ စံပ၊ တည်ပ၊ ရွှင်ပ စသည်ဖြင့် သုံးသည်။
ဒေါက်တာတင့်ဆွေ
Comments
Post a Comment