ဘယ်သတင်း မှန်သနည်း

- မြန်မာကျောင်းသားတစ်ချို့ လေဆိပ်တွေမှာ ဖမ်းခံရ

- မြန်မာကျောင်းသားတချို့ လေဆိပ်တွေမှာ ဖမ်းခံရ

အဖမ်းခံရခြင်းကတော့ မှန်ပါ၏။

ကိုယ်ရေးတာသာ မှန်၏ဟု ဆိုကြသည်။

ထို့ကြောင့် မြန်မာစာသည် 

နေပြည်တော်မှာဖြစ်စေ 

နယူးယော့မှာဖြစ်စေ

အဖမ်းခံရမည်။

တခန်းရပ်ပြဇာတ် — န / တခန်းယတ်ပျာ့ဇာတ် / ဇာတ်ခန်း တခန်းသာ ပါဝင်သော ပြဇာတ်တို။

တချော့ — န / တချော့ / ရွက်အိုးခြောက်လုံးစာ ထန်းရည်ထည့် ကျို၍ရသော ထန်းလျက်ပမာဏ။ “တချော့ဆိုသည် တအိုး၊ တဖွယ်ကျိုကို ခေါ်၏။” စာဗိမာန်၊ ၃၊ ၁၁၊ ၄၇။

တချို့ — န / တချို့ / တစိတ်တဒေသ။ အနည်းငယ်။ “တထွေ ရုပ်ဆင်း၊ အကင်းစိစို့၊ ညှို့ရို့လျှင်၊ တချို့ရင့်၍” သစ္စာ * ၆၂။

တချို့တလေ — န / တချို့တလေ / တစိတ် တဒေသခန့်။ အနည်းငယ်မျှ။ “တချို့တလေ အနည်းငယ်မျှ ကံကျန်ကြလျှင်” နိရို ပ။ ၅၄။

တချိုးတည်း — ကြိဝိ / တချိုးပဲ / တချိုးစီး / တမျိုးအစားတည်း။ တပုံတည်း။

တချက်တည်း — ကြိဝိ / တချက်ထဲ / တပြိုင်နက်။ အတူတကွ။ “နဂါးတို့ကိုမြင်၍ တပြိုင်နက် တချက်တည်း ကြွေးကြော် ငိုမြည်တမ်းကြကုန်၏။” ဘူဓာတ်။ ၁၄။

တချက်လွှတ် — ကြိဝိ / တချက်လွှတ် / ပြန်လည် ရုပ်သိမ်းခြင်း၊ ပြင်ဆင် ပြောင်းလဲခြင်း မရှိဘဲ။ “ရှင်ဘုရင် ဆိုတာမျိုးဟာ တချက်လွှတ်အမိန့်တော်မှတ်ပြီးရင် ဘယ်လိုဘဲ တောင်းပန်ပေ့ မရဘူးပေါ့။” မြန်ပုံ။ ၁၃။

ကောက်ချက်

အထက်ပါအကြောင်းပြချက်များအရ

မြန်မာစာသည် တချက်လွှတ်အမိန့်တော်အရ 

တခန်းရပ်ပြဇာတ် ဖြစ်သွားတော့၏။

တချို့တလေ အနည်းငယ်မျှ အကောင်းပကတိ ကျန်ပါသေး၏။

ဒေါက်တာတင့်ဆွေ