အစင် မရှိ အဆင် ရှိ

ခု မိန်းကလေးတွေကြား ခေတ်စားနေတဲ့

အစင်လေး ငမ်း နဲ့ အဆင် လေးငမ်း၊

ဘယ်ဟာက မှန်သလဲဆရာ။

အစင် မရှိ။

အစင်း ရှိ။

အဆင် ရှိ။

အစဉ်¹ – န /အစင်/ ၁၊ ရှေ့နောက်နိမ့်မြင့်စသည် စီတန်းလျက် တည်ရှိခြင်း။ အစီအစဉ်။ “အမည်ကိုးပါး၊ အစဉ်အားဖြင့်။” ဓမ္မ*၁၀၁။ ၂၊ ပြုမြဲဖြစ်သော အစဉ်အလာ။ ထုံးစံ။ “ဤကားတောသွား၊ ခွေးကိုက်သားထိုး၊ မုတ်ဆိုးတို့၊ စုစားရသော အစဉ်ဖြစ်သည်။” နု။ ၃၅၅။

အစဉ်² – ကြိဝိ /အစင်/ ထာဝရ။ အမြဲ။ “ကိုယ်တော်မြတ်တွင် မပြတ်ဆင်း၊ အစဉ် သုံးဆောင်တော်မူပါ။” ဝိဇယ။ ၅၈။

အစဉ်တစိုက် – ကြိဝိ /အစင်ဒဇိုက်/ ၁၊ ရှေ့နောက်၊ ကြီးငယ်စသည်အစဉ်ကိုလိုက်၍။ အစီအစဉ်အတိုင်း။ “အင်္ဂါ ဗုဒ္ဓဟူး စသည်ဖြင့် အစဉ်တစိုက် ၁၆ – ခု စေ့အောင်ရေတွက်သွားသော။” လား။ ၅ဂ။ ၂၊ တဆက်တည်း။ တောက်လျှောက်။ မရပ်မနား။ “ဧရာမြို့တော်သို့ အရောက် အစဉ်တစိုက် တရှိန်ထိုး ချီတက်တိုက်ခိုက်သွားပါက။” စစ်သား၊ ဒု။ ၁၅။ ၃၊ ထက်ကြပ်မကွာ။ “သင်အဘယ်ကိုအလိုရှိ၍ ရထား နောက်စွန်းကို ကိုင်လျက် အစဉ်တစိုက် လိုက်ဘိသနည်း။” မဟော၊ ပ။ ၃၃။ ၄၊ အစဉ်² – ကြိဝိ၊ နှင့် အတူတူ။

အဆင် – န /အဆင်/ ၁၊ အဝတ်အထည်စသည်တွင် ဖော်ထားသော ပန်းပွင့်၊ အကွက်စသည်။ “လုံချည်ကို ကိုင်ပြီးလျှင် တယ်အဆင်ကောင်းပါလား....ဟု ဆိုရာ။” မြင့်၊ ပ။ ၁၅။ ၂၊ ပုံပန်းသဏ္ဌာန်။ သွင်ပြင်လက္ခဏာ။ “မဖြူရုပ်သွင်၊ သုအဆင်ကို၊ မမြင်စေပဲ၊ သစ်ခေါင်းထဲက။” ဥမ္မာ* ၅၂။ ၃၊ အခြေအနေ။ အရိပ်အကဲ။ “ရောဂါအဆင်ကို စောင့်၍ ခွဲခြားပြုစုသင့်ပေးသည်။” စာဗိမာန်၊ ၁၊ ၆။ ဂ၄။

အဆင်တန်ဆာ – န /အဆင်ဒဇာ/ တင့်တယ် လှပစေရန် ဆင်ယင်ရသော အဝတ်အစား၊ ပစ္စည်း၊ ကိရိယာစသည်။ “သိကြားမင်းနှင့်တူစွာ အဆင်တန်ဆာတို့ကို။” အင်းလူးပြ။ ၁၉။

အဆင်ပလင် – န /အဆင်ပလင်/ အဆင် – န၊ ၃၊ နှင့် အတူတူ။ “ဝိပဿလည်း ကိုယ်တော်မြတ်များ အဆင်ပလင် အနေအတိုင် အခိုက်အခြံကို။” ဝံသသစ်၊ ပ။ ၄၂၇။

အဆင်ပြေ – ကြိ /အဆင်ပြေ/ ၁၊ အခြေအနေကောင်းမွန်သည်။ ခက်ခဲမှုမရှိ လွယ်ကူချောမောသည်။ နေရာကျသည်။ “မြေပြန့်များရှိသည့်အလျောက် စိုက်ပျိုးရေးတွင် အထူးကောင်းမွန်၍ အဆင်ပြေလေသည်။” စွယ်ကျမ်း၊ ၅။ ၄၅၇။ ၂၊ ကြည့်ရှုကောင်းသည်။ တင့်တယ်သည်။ “ကြည့်ရှုမငြီးနိုင်လောက်အောင်ပင် အဆင်ပြေလှပေ၏။” နန္ဒီ။ ၁၁။ ၃၊ 

(၂)

ဖက်ဖူးဆင် ခင်ခင်ကြိုက်တယ် အလိုရှင်... သူကြည့်ရင် ရှက်လှတယ်လေး.. လေး

https://www.tiktok.com/@mays.1962/video/7651837840220884242

(၃)

အရုဏ်ဦး၌

အဖူး အဆင်၊  မြစိမ်းပင်ကား

မြေတွင် လဲလျက်၊ ကြွေနွမ်းလျက်တည့်

ပေါင်းမြက်ရှုပ်မိုး၊ ခြံစည်းရိုးမှ

ထိုးဖောက်ဝင့်သိုင်း၊ ပိုင်းအရိုင်းသာ

မုန်တိုင်းထဲ၌ ပွင့်တတည်း။ ။ (ပျဉ်းမနား မောင်နီသင်း)

လိုက်လျောညီထွေရှိသည်။ သင့်တင့်လျောက်ပတ်သည်။ “ပတ်ဝန်းကျင် အခြေအနေနှင့် အဆင်ပြေစေရန်။” လူထုသိပ္ပံ၊ ဇ။ ၁၉။

စင် စဉ် ဆင် https://burmese-spelling.blogspot.com/2022/08/blog-post_45.html

အဆင်သင့် https://burmese-spelling.blogspot.com/2025/10/blog-post_426.html

ဒေါက်တာတင့်ဆွေ