တစေ့တစောင်း

တဇေ့တဇောင်း လို့ မှတ်ဖူးပါတယ်နော်၊ ဘယ်ဟာ အမှန်လဲ မသိ

တဇေ့တဇောင်း - မှား။
တစ်စေ့တစောင်း - မှား။
တစေ့တစ်စောင်း - မှား။
တစ်စေ့တစ်စောင်း - နှစ်ခါပြန်မှား။
တစေ့တစောင်း = တည့်တည့်မဟုတ်။ တိုက်ရိုက်မဟုတ်။ မသိမသာ။
မိဘတိုင်းဟာကိုယ့်သားသမီးစိတ်ထဲဘာတွေရှိနေလဲလို့ တစေ့တစောင်းလေ့လာရတာပေါ့။
Mindfulness အကြောင်းကို အချက်အလက်တွေ ပြည့်ပြာ့်စုံစုံနဲ့ သိခွင့်ရတဲ့ စာအုပ်
ကမ္ဘာစာပေ တစေ့တစောင်း ရေးသားသူ - နတ်နွယ်
တစေ့တစောင်း သူ့အကြောင်း
တရုတ်ကွန်မြူနစ်ပါတီအကြောင်း တစေ့တစောင်း - သစ္စာနီ
တောင်ငူမြို့မှ ဒူးရင်းသီးအကြောင်းတစေ့တစောင်း
ဒဂုန်ခင်ခင်လေး အကြောင်း တစေ့တစောင်း
ဒူဘိုင်းအကြောင်းတစေ့တစောင်း
နာဂတောင်တန်း တစေ့တစောင်း (လူထုဦးလှ)
ပရကထာ : တစေ့တစောင်း စာရေးဆရာအကြောင်း
ဘဝဖြောင့်ကြောင်း တစေ့တစောင်း
ဘဝအကြောင်း တစေ့တစောင်း
ရန်ကုန်မြို့အကြောင်း တစေ့တစောင်း"
လေ့လာစရာ ဆလုံတို့အကြောင်း တစေ့တစောင်း – နယ်ခြားမောင်
သူတို့ဘဝ သူတို့အကြောင်း တစေ့တစောင်း တရားတော် - ပါမောက္ခချုပ် ဆရာတော်
သူမအကြောင်း တစေ့တစောင်း-သိမ်း
အင်းပညာအကြောင်း_တစေ့တစောင်းဆရာဇေယျာလင်း
“လုံးချင်းဝတ္ထုများ ကျဆုံးရခြင်းအကြောင်း တစေ့တစောင်း လေ့လာချက်”
လင်းယုန်မောင်မောင်ဟာ ဒဂုန်တာရာနဲ့ တခေတ်တည်းပေါ်ပေါက်ခဲ့တဲ့ စာရေးဆရာဖြစ်တယ်။ ဒဂုန်တာရာနဲ့ လင်းယုန်မောင်မောင်တို့ဟာ မြန်မာစာကို သတ်ပုံမှန်နဲ့သာ ရေးသားကြပါတယ်။
အခုခေတ်မှာ မြန်မာစာကျဆုံးရခြင်းအကြောင်း ဇစ်မြစ်မှန်ကို ဒဏ္ဍာရီပုံပြင်ဟု မှတ်ထင်ကြပါသတည်း။
ဒေါက်တာတင့်ဆွေ

Comments

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog