အစာဖျတ်ဆိုတာ ဖျတ်လတ်သည်။ တဖျတ်ဖျတ်လက်သည်။
ဆေးဗူးမှာ အစာဖျက်ဆေး တဲ့။ ဖျက်ဆိုတာ ဖျက်ဆီးတာ။
၂။ မင်္ဂလာပါဆရာရှင့် သမီးကိုယ်ဝန်တားဆေးထိုးတာ ၁နှစ်ကျော်ကြာခဲ့ပါတယ်ရှင့် အခုဖျက်လိုက်တာ ကလေး အမြန်ရချင်ပါတယ်ရှင့်
အသက် မသိ။ ရာသီ မသိ။
ဖျက်လိုက်ဆိုတာ ကိုယ်ဝန်ဖျက်တာ၊ ရေးပြီးသားကိုဖျက်တာ။ ဆေးမသောက်တော့တာကို ဖြတ်လိုက်လို့ ရေးရ။
၃။ ဆရာ ကျွန်မအသက်က ၂၀ ပါ။ အိမ်ထောင်ကျတာ ၂ နှစ်ပြည့်တော့မယ်။ ဆေးဖျက်ထားတာ ၄လပိုင်းကပါ။ လတိုင်း ရာသီလာပါတယ်။
၄။ အသက်က ၂၀။ ဆေးဖျက်ထားတာ ၄လရှိပြီ။ ယခု ရာသီလာရင်း အသားစပါလာပါတယ်။
အရင်တကြိမ်မှာ မပြင်လိုက်ပါ။ မေးခွန်းတွေထဲမှာ ထပ်တွေ့လို့ ဆေးဖြတ်လို့ ရေးရတယ်။ ဖျတ် မဟုတ်ပါ။
၅။ အခုဆေးက ဒီလ ၁၁ ရက်နေ့မှာ ၂၈ လုံးကုန်ပါပြီဆရာ။ ကျွန်မနဲ့ သူနဲ့က ပြန်တွေ့မှာဆိုတော့ ဆေးဖျက်ထားချင်ပါတယ်ဆရာ။
၆။ ဆရာ သမီးအသက် ၂၂ ပါ။ အိမ်ထောင်သက်တမ်း ၄ လရှိပြီ။ ပထမ ၂ လက ဆေးသောက်ပါတယ်။ နောက် ၂ လကို ဆေးဖျက်ထားတာ ခုထိကလေးမရသေးပါဘူးဆရာ။
၇။ အသက် ၂၇၊ အမျိုးသမီး ကိုယ်ဝန်ယူဖို့ ဆေးဖျက်ထားတာပါရှင်။ ဘာအားဆေးတွေသောက်သင့်လဲ။
မေးနည်းပို့ပြီး။ အချက်အလက် လိုတာမပြောလိုသူတွေအတွက် ဘလော့လင့်ပေးထား။
၈။ ဆရာရှင့် မျက်တောင်ကို အမြန်ခတ်တာကို ဘယ်လိုရေးရတာပါလဲရှင့်။ မြန်မာအဘိဓာန်တွေထဲ ရှာကြည့်ခဲ့ပေမယ့် မတွေ့လို့ပါ ဆရာ။ တဖျတ်ဖျတ်(စာလုံးပေါင်းက မှားနေမလား မသိလို့ပါ မှားနေခဲ့ရင် တောင်းပန်ပါတယ်) ကို ပြောချင်တာပါ ဆရာ။ စာလုံးပေါင်းကို သေချာမသိသေးလို့ပါရှင့်
ဖျက်
ကိုယ်ဝန်ဖျက်
ပျက်အောင်ဖျက်
ဖျက်ဆီး၊
ဖျက်ဖြို၊
ဖျက်မှုန်း၊
ဖျက်ဖြုန်း၊
ဖျက်သိမ်း၊
ဖျက်သင်္ဘော၊
ဖျက်ချေ၊
ဖြတ်
ကလေးနို့ဖြတ်
ပြတ်အောင်ဖြတ်
ဖြတ်ချိုင်
ဖြတ်ခြင်းခတ်
ဖြတ်ခြင်းလုံး
ဖြတ်ခြွေ
ဖြတ်စာ
ဖြတ်စားလျှပ်စား
ဖြတ်တမ်းစာ
ဖြတ်ထိုးဉာဏ်
ဖြတ်ထုံး
ဖြတ်နှုန်း
ဖြတ်မျဉ်း
ဖြတ်လမ်းလိုက်
ဖြတ်လှီး
ဖြတ်လှဲ
ဖြတ်သန်းသွားလာသည်
ဖျပ်
လန့်ဖျပ် (ထိတ်လန့်)
ဖျတ်
ဖျတ်ခနဲ
ဖျတ်ဖျတ်လတ်လတ်
ဖျတ်လတ်သည်
တဖျတ်ဖျတ်လက်သည်
စိန်ရောင်တဖျတ်ဖျတ်နဲ့
မျက်တောင်တဖျတ်ဖျတ်ခတ်
အမိန့်အာဏာနဲ့ ဖျက်ထားတာတွေကို ပြတ်အောင်ဖြတ်ကြပါစို့။
ဒေါက်တာတင့်ဆွေ
Comments
Post a Comment