Crime Scene Do Not Cross နိုင်ငံရေးရာဇဝတ်မှု

တင်ထားတာတခု = မြန်မာ့နိုင်ငံရေးက အများကြီးရှုပ်ထွေးပါတယ်။ ဒါ့ကြောင့်လည်း ကမ္ဘာ့သက်တမ်းအရှည်ဆုံး ပြည်တွင်းစစ် ဖြစ်နေတာပါ။ မြန်မာ့နိုင်ငံရေး သဘောသဘာဝကို နားလည်ရင် ဖက်ဒရယ် ဒီမိုကရေစီ နဲ့ ဒီမိုကရေစီ ဖက်ဒရယ် ဆိုတဲ့ ဝေါဟာရ အငြင်းပွါးမှုကို နားလည်နိုင်မှာပါ။ ဒီဝေါဟာရကို အဓိက အတိုက်အခံလုပ်နေကြတာက တိုင်းရင်းသားခေါင်းဆောင်တွေပါ။ ဖက်ဒရယ်အကြောင်း၊ ဒီမိုကရေစီအကြောင်း နောကျေအောင်သိတဲ့ ပညာတတ်တွေပါ။ နာမ်နဲ့နာမဝိသေသနရဲ့ အနက်ကို ကောင်းစွာ သိရှိနားလည်ကြသူတွေပါ။ ရှေ… See more

မှတ်ချက်

ကျေးဇူး။

စကားလုံးတွေ၊ ဝေါဟာရတွေနဲ့ သတ်ပုံတွေကို နိုင်ငံရေးလုပ်ထားတာ နှစ်ပေါင်း ၄၀ ကြာပြီ။

ရန်ပွဲနဲ့ တိုက်ပွဲတွေကလည်း ရာစုနှစ်တဝက် ကျော်ပြီ။

'ဖက်ဒရယ်' နဲ့ 'ဖယ်ဒရယ်' လည်း ငြင်းကြတယ်။

'မြန်မာ' နဲ့ 'ဗမာ' လည်း ရန်ဖြစ်ကြတယ်။

'တိုင်း' ကို 'တိုင်းဒေသကြီး' လို့လည်း လျှာရှည်ထား။

'သမတ' မ ၁ လုံးနဲ့ ၂ လုံး။ ၂ လုံးကသာ ၂၀၀၈ နဲ့ညီပါသတဲ့။

မူရင်း စံကိုက် သတ်ပုံတွေ ထောက်ပြသူကို ရန်သူစာရင်းသွင်းသူက များတယ်။

တင်ထားသူ တိုင်းရင်းသားတဦး။

ကျွန်တော်လို ဗမာ အညာသားကရေးရင်တော့ နိုင်ငံရေးရာဇဝတ်သင့်မယ်။

အဲလိုဖြစ်လာအောင် လုပ်ထားသူတွေကတော့ ဟဲ ဟဲ ဟဲ။

ဒေါက်တာတင့်ဆွေ

Comments

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog