အခုတော့ စာအုပ်ဟောင်းတွေ ရောင်းပေးနေတာ ဆိုင်အရေအတွက် တိုးလာပြီ။ ကောင်းတယ်။
- Than Lwin Book Plaza Collection
- စုဆောင်းထားသမျှမြန်မာကာတွန်းရုပ်ပြလက်ရာများ
- ကိုဟာကြီးစာပေ စာအုပ်အဟောင်းရောင်း၊ဝယ်ရေး
- စာပေချစ်သူစာပေ
- စာအုပ်အဟောင်းတန်း
- အောင်သူ စာအုပ်အဟောင်းဆိုင် ၃၇လမ်း
စာအုပ် သစ်သစ် ဟောင်းဟောင်း စာအုပ်ဖုံးနဲ့ ဖေါင့်ကြည့်တာနဲ့ မူရင်းသတ်ပုံအတိုင်းထုတ်ဝေတာလား၊ နောက်ပြင်သတ်ပုံတွေလား သိတယ်။
မူရင်းသတ်ပုံမပျက်စာအုပ်ဟောင်းတွေကို ဝယ်ယူအားပေးဖတ်ရှုကြစေချင်တယ်။ မူရင်းသတ်ပုံတွေကို ပြင်ထုတ်မှတော့ မူရင်းအချက်အလက်တွေကော အလွတ်ပေးပါ့မလား။ အမှန်တွေကို မှားအောင်ပြင်ထားကြနိုင်တယ်။ မလုပ်ကောင်းပါ။
မဂ္ဂဇင်းအဟောင်းတွေမှာပါတဲ့ စာတွေသာမက ကဗျာတွေလည်း အတော်ကောင်းတယ်။ ကျွန်တော်ကတော့ အဲလိုစာအုပ်ဟောင်းတွေဟာ မြန်မာစာပေသမိုင်းမှာ ဒုတိယမြစေတီကျောက်စာလို့ သတ်မှတ်ပါတယ်။
ဆဋ္ဌသံဂါယနာတင် ပါဠိ-မြန်မာပြန်ကျမ်းတွေကို အကြိမ်ပေါင်း မရေမတွက်ပြန်ရိုက်ရတယ်။ ကျွန်တော့်သား တယောက်က ၂၀၁၆ ခုနှစ်က တစုံမှာယူတယ်။ မူရင်းသတ်ပုံတွေအတိုင်း ပြန်ရိုက်တာ ရတယ်။ အဲဒါဟာ အကောင်းဆုံးနမူနာ ဖြစ်တယ်။ တရားစာတွေကို သတ်ပုံပြင်လို့ ကုသိုလ်ပိုမရတဲ့အပြင် ပြောင်းပြန်ဖြစ်မလား စိုးရိမ်တယ်။ မနှစ်က နောက်သားတယောက်က မှာယူတဲ့ ငါးရာ့ငါးဆယ်ဇာတ်ဝတ္တု ၆ အုပ်ကျတော့ သတ်ပုံပြင်တွေ ဖြစ်နေပြန်ရော။ ဆယ်တန်း (၁၉၆၄-၆၅) မှာသင်ခဲ့ရတဲ့ ဦးပုညဝတ္တုလေးပုဒ်လောက် တန်ဘိုးမထားနိုင်ပါ။
မြန်မာပြည်မှာ သတ်ပုံမှားအောင်ပြင်ပြီး စာအုပ်ပြန်ရိုက်ခြင်းအပါအဝင် စွဲနေတဲ့ မကောင်းတဲ့ အလေ့စရိုက်တွေကို ပြင်ကြရပါမယ်။
ဒေါက်တာတင့်ဆွေ
Comments
Post a Comment