စစ်ကိုင်းတောင်

သီချင်းစာသားတင်တဲ့နေရာတွေ ၉၀% လောက်က စာသားလွဲ၊ သတ်ပုံတွေအမှားသာမက မူရင်းအဆိုတော်အမည်ပျောက်ပြီး ပြန်ဆိုသူအမည်သာထည့်ထားတယ်။ အဲလို အမှားတွေ မလုပ်ရပါ။

ရေး အလင်္ကာကျော်စွာ မြို့မငြိမ်း

ဆို လေဘာတီမမြရင်။ ကိုအံ့ကြီး။

ပုညရှင် စေတီအပါး

စစ်ကိုင်းတောင် စစ်ကိုင်းတောင် အထက်နားဆီက

အရှေ့တလွှား ရှုလိုက်ရင်လေ

ဧရာဝတီ ဒုဋ္ဌာဝတီ

နတ်ပန်းချီဆေးစုံကွန့်ရော့လေသလား

ဝဲလကျ်ာ အတွန့်တွန့်နဲ့

အလွန့်အလွန် သာယာပါပေသည်

တနှစ်ကူးလို့ တနှစ်ကျူးပြန်တော့

အသစ်ဖူးဖြစ်ရပြန်ချေ

တောတောင်ရေမြေ

ကုန်းနေ ရေနေ

သက်ရှိသက်မဲ့ သတ္တဝါတွေ

လောကဓာတ်ကြီးတခုလုံး သစ်လို့မို့

ဒီနှစ်တွင်လည်း ချစ်ချစ်ခင်ခင်

ချစ်ချစ်ခင်ခင် ရွှင်ရွှင်ပျော်ပျော်နေ

သမိုင်းပြောင်မညှိုး

စစ်ကိုင်းတောင်ရိုးမှာလေ

မြူခိုးယှက်ဆိုင်း အုံ့မှိုင်းပြာရီဝေ မှုန်မှုန်ရီဝေ

စေတီပုထိုးဘုရား မိုးဖျားမြင့်သီခေါင်ဗွေ

တောင်တွေ စိမ့်စမ်း ချောင်တွေ သိန်းသန်း

ခေမာသောင်ကမ်း တက်လှမ်းအောင်မြေ

မေဓာဝီကလေး တောမှီထုံးနဲ့ ယောဂီသုံးရှာပေ

ရောက်ကြဘူးသလား ဇေယျာရွှေမြေ

မြစ်ရေခွေဝန်းလျံ ရှုဆန်းဖြာထွေ

စစ်ကိုင်းတောင်ခြေ အရောက်သွား တရားရှာပေ

ဗုဒ္ဓဘာသာ မြန်မာတတွေ

အတာကူးတဲ့ နှစ်ဦးဂိမှာန်နွေ

ကံ့ကော်ဝတ်မှုန် သင်းတဲ့ရဂုံ စုံတော်ခြေ

သိင်္ဂီပွင့်ချပ် ရင်ခတ်သရဖီကြိုင်လို့နေ

ကံ့ကော်ဝတ်မှုန် သင်းတဲ့ရဂုံ စုံတောခြေ

သိင်္ဂီပွင့်ချပ် ရင်ခတ်သရဖီကြိုင်လို့နေ

ဖူးငုံဝေ ပုရစ်တံစည် ညီတယ်လေ တဝေဝေ

လေပြေလေညင်းသွေးတော့ အေးရနံ့ထုံပေ

ရွက်သစ်လောင်း ဟောင်းရွက်ညှာကြွေအခါပေ

ရော်မြန်းရွက်ကြင် ညိုလွင်မောင်းပြေပြေ

ရောက်ကြဘူးသလား ဇေယျာရွှေမြေ

မြစ်ရေခွေဝန်းလျံ ရှုဆန်းဖြာထွေ

စစ်ကိုင်းတောင်ခြေ အရောက်သွားတရားရှာပေ

ဗုဒ္ဓဘာသာ မြန်မာတတွေ

အတာကူးတဲ့ နှစ်ဦးဂိမှာန်နွေ

မြစ်မင်းဧရာ ခွေကာဝိုင်းလို့

စစ်ကိုင်းအောင်ခြာမြေ

ရေလှိုင်းလေးတွေ သွင်သွင်မြူးတော့

ငွေရောင်ဖြူးကာနေ

ရွှေတောင်ဦးမော်

ရှုမျှော်ခင်းနဲ့ မြစ်တွင်းသာယာပေ

ချစ်ခြင်းသံသာနေ

ဟင်္သာစင်ရော်

ကြင်ဖော်တွဲလို့

သဲကမ်းပါးယံ ဝဲပျံကာနေ

ရောက်ကြဘူးသလား ဇေယျာရွှေမြေ

မြစ်ရေခွေဝန်းလျံ ရှုဆန်းဖြာထွေ

စစ်ကိုင်းတောင်ခြေ အရောက်သွား တရားရှာပေ

ဗုဒ္ဓဘာသာ မြန်မာတတွေ

အတာကူးတဲ့ နှစ်ဦးဂိမှာန်နွေ။   ။

https://www.facebook.com/100028291700631/videos/452411389758867

စစ်ကိုင်းတောင် ကိုအံ့ကြီး https://www.youtube.com/watch?v=r5VKVvz-cVk

ခုခေတ်မှာတော့ ညီတယ်လေ (တစ်)ဝေဝေတဲ့။ (တစ်)နှစ်ကူးလို့ (တစ်)နှစ်ကျူးပြန်တော့တဲ့။ ဗုဒ္ဓဘာသာ မြန်မာ(တစ်)တွေတဲ့။ ပျက်ရော။

ဒေါက်တာတင့်ဆွေ