စစ်ကိုင်းတိုင်း

၁၉၉၀ ကတည်းက နိုင်ငံရေးအတူလုပ်ခဲ့သူတွေထဲက တယောက်က ဒေါက်တာမြင့်နိုင်။ သူ ၂၀၁၅ မှာ စစ်ကိုင်းတိုင်းဝန်ကြီးဖြစ်လာတယ်။ ၂၀၁၈ ခုနှစ် အခုလိုနွေရာသီမှာ အလည်ပြန်တော့ သူ့ဆီရောက်တယ်။ သူတာဝန်ယူနေစဉ် ကျွန်တော်က အကူအညီတောင်းထဲတာလေးတွေရှိတယ်။ 

တခုကတော့ ကလေးမြို့နားမှာရှိတဲ့ မြောက်ယဉ်စွန်းတန်းဖြတ်ရာနေရာ မှားနေတဲ့ ကျောက်စာ။ အဲဒါကို ပြင်သင့်ကြောင်း စာရေးပို့ခဲ့တယ်။ ကနေ့မှသာ ပြင်ထားပြီးကြောင်း ဓါတ်ပုံနဲ့အတူ သိရတယ်။

နောက်တခုကတော့ စစ်ကိုင်းကောင်းမှုတော်စေတီကြီးကို ရွှေအတုသင်္ကန်းနဲ့ မလျှော်ကြောင်း ရေးတဲ့တာ။ သူ့လက်ထက်မှာ မူရင်းထုံးဖြူရောင်သင်္ကန်းကို ပြန်ပြောင်းသွားပြီ။ ကောင်းတယ်။ ဒေါက်တာမြင့်နိုင်လက်ထက်မှာ။

မုံရွာ အမှတ် (၂) အထက ကျောင်းနဲ့တွဲနေတဲ့ အဆောက်အဦကိုလည်း ကျောင်းကိုပြန်ပေးဘို့ ပြောခဲ့သေးတာ။ မလုပ်ဖြစ်လိုက်လို့ထင်တယ်။ 

ကျွန်တော်က လုပ်သင့်တာကိုပြောပြီး ကိုယ့်လူ လုပ်ပြီးလား ထပ်မမေးပါ။ သူကလည်း ပြန်ရေးမနေပါ။ လုပ်စရာပြီးမြောက်ရေးသာ အရေးကြီးတာ။ နေကောင်းပါစေ။

စေတီတော်ကြီး မူလသင်္ကန်းရောင် ပြန်ဖြစ်ပေမဲ့ 'ကောင်းမှုတော်' ကို အောက်မြစ်အပိုနဲ့ ရေးနေတာတွေကိုတော့ ပြင်ရခက်တယ်။ 'တဆူ' ကို မလိုအပ်ဘဲ စသတ်ကြတယ်။ လိုအပ်တဲ့ 'တွေ' မှာ ဝဆွဲနဲ့ 'ပါပြီ' မှာ ရရစ်တွေ မရေးကြ။ 'ဖြစ်' ကိုလည်း ရရစ်မထည့်ကြ။ ကင်ဆာလူနာတွေကလည်း 'ဘယ်လိုလုပ်ကမလဲ' တဲ့ မေးကြတယ်။ သူတို့လည်း 'ဖရင်း' တွေ၊ မိတ်ဆွေ သူငယ်ချင်းမဟုတ်တော့ ပြောမရကြပါ။

ဒေါက်တာတင့်ဆွေ

၃၀-၅-၂၀၂၁