စီ နဲ့ ဆီ မှားရေးတာတွေ များတယ်

၁။ ဆီသွတ်ဗူး

ဆီသွတ်ဗူး မဟုတ်။ စည်သွတ်။

၂။ ချောကလက်လေးတွေတန်းဆီ

ချောကလက်လေးတွေတန်းစီ

၃။ ဆရာရှင့် သူ့ စီကိုသွားမယ် သူ့ ဆီကိုသွားမယ် စီ နဲ့ ဆီ ဘယ်စာလုံး အမှန်ပါလဲရှင့်

သူ့ ဆီကိုသွားမယ် မှန်။

၄။ တချိန်တုံးကတက္ကသိုလ်စီ မှား။

တချိန်တုံးကတက္ကသိုလ်ဆီ မှန်။

၅။ ဆရာရှင့် သူ့စီမှာ သူ့ဆီမှာ အဲ့ထဲက ဘယ်တခုက အမှန်ပါလဲရှင့်

သူ့ဆီမှာ မှန်။

၆။ တမြို့ဆီ ခြားပေမဲ့၊ တမြို့ စီ ခြားပေမဲ့ ဘယ်ဟာက အမှန်လဲ ဆရာ ။

"တမြို့စီခြားပေမဲ့၊ ငယ်ကချစ်သူ သူ့ကိုသာလေ၊ ကျန်းမာတော်မူပါစ..."

၇။ ကျမတို့ စကားပြောရင် "ဘယ်သူ့စီသွားမလို့" "ဘယ်သူ့စီကရတယ်" စသဖြင့် ပြောကြပါတယ်။ စာ စကားနဲ့ ရေးရင်တော့ "ထံ" လို့ သုံးရမည့် နေရာပါ။ အဲဒီလို "စီ" လို့ ရေးရင် စာလုံးပေါင်း မှန်ပါသလား။

ဘယ်သူ့ဆီလို့ ရေးရတယ်။ ဘယ်သူ့ဆီကလို့ ရေးရတယ်။

၇။ တပြေ (ပြည်) စီ နဲ့ တပြေ (ပြည်) ဆီ ဘယ်ဟာ အမှန်ပါလဲ ဆရာ။

ပြည် နဲ့ ပြေ မတူပါ။ စီ နဲ့ ဆီ အတော်ကို ကွာခြားတယ်။

ဆန်တပြီစီ ဝေငှမည်။ နေပြည်တော်သူကြီးအိမ်ဆီသို့ ကြွခဲ့ပါ။

၈။ မြန်မာစာမှာ စီနဲ့ ဆီကို ဘယ်လိုသုံးလဲ သိချင်ပါတယ် ဥပမာ ကလေးတွေဆီက ကလေးတွေစီက ကလေးတွေဆီက ဆိုတဲ့စာလုံးပေါင်း ဆီ ကိုမှားနေတယ်ပြောနေလို့ပါဆရာ။

ကလေးတွေဆီ မှန်တယ်။

၉။ ဆရာစီက စာယူတင်ခွင့်ယူဖူးပါတယ်။

ဆရာ့ဆီကလို့ ရေးသင့်။ ဆရာစီဆိုရင် ဒေါက်တာစီ အမည်ရှိသူဖြစ်သွားမယ်။

၁၀။ သားဖွားဆရာမတယောက်က mega 3 နဲ့ folic acid တနေ့တလုံးဆီသောက်ခိုင်းပါတယ် ခုကိုယ်ဝန်ရနေပြီဆိုတော့ ဆက်သောက်ရဦးမှာလား ဆရာ။

တနေ့တလုံးစီ (တလုံးကျ) လို့ ရေးသင့်။

၁၁။ ဆရာ့စီက အတုယူစရာတွေကို မှတ်ပါတယ်ဆရာ။

ဆရာ့ဆီကလို့ ရေးရပါမယ်။

၁၂။ အထဲက ကလေးလည်းမတွေ့ဘူး။ နှလုံးလည်းမခုန်ဘူးလို့ပြောပါတယ်။ အဲ့ဒါ ဘယ်လို ဆက်လုပ်ရမလဲ ဆိုတာ ဆရာ့စီက အကြံဉာဏ်လိုချင်လို့ပါတဲ့။

ဆရာ့ဆီကလို့ ရေးရပါမယ်။

၁၃။ ဘီပိုးရှိလူနာ့စီကသွေး သူ့မျက်စိကို စင်လို့မေးလာတယ်။

လူနာ့ဆီကလို့ ရေးရပါမယ်။

၁၄။ ကိုယ့်စီမှာရှိတဲ့ အရင်းအမြစ်တွေကို (ကိုယ့်ဆီမှာရှိတဲ့လို့ ရေးရတယ်။

၁၅။ မိုးယံမှသည်ချစ်သူစီသို့ မှားသည်။

ချစ်သူဆီသို့လို့ ရေးရတယ်။

၁၆။ ပုဂံရွှေမြို့တော်ကြီးစီမှ ယွန်းစစ်စစ်ဖြင့်ပြုလုပ်ထားသည့် မြန်မာမှုလက်ရာများကို -

ပုဂံရွှေမြို့တော်ကြီးဆီမှလို့ ရေးရ။

၁၇။ တနေရာစီ တနေရာဆီ။ စီ နဲ့ ဆီ ဘယ် သတ်ပုံက အမှန်လဲဆရာ။

တနေရာစီလို့ ရေးရတယ်။

၁၈။ အားပေးကြတဲ့တစ်ယောက်ဆီတိုင်းကို ကျေးဇူးတင်ပါတယ်ရှင်

တယောက်စီ တိုင်းကိုလို့ ရေးရတယ်။

·       ကိုယ်စီကိုယ်ငှ မှန်တယ်။

·       တချိန်တုံးကတက္ကသိုလ်ဆီ မှန်တယ်။

·       တခုစီ မှန်တယ်။

·       တနယ်စီ မှန်တယ်။

·       တနေရာစီ မှန်တယ်။

·       တပ်တော်ဦးဆီ မျှော်လိုက်ပြန်တော့ မှန်တယ်။

·       တမြို့ စီ မှန်တယ်။

·       တယောက် တခုစီ။

·       တယောက်စီ မှန်တယ်။

·       ဘယ်ဆီကို သွားဦးမှာလဲ မှန်တယ်။

·       ဘယ်ဆီဘယ်ဝယ် မှန်းဆကာ တွေးမိတယ် မှန်တယ်။

·       ဘယ်ဆီမှာ နေသလဲ မှန်တယ်။

·       သပ်သပ်စီ မှန်တယ်။

စီ

ကစီဓာတ်

ကြောင်ကလေးပူစီ။

ကိုယ်စီကိုယ်ငှ အမျှရကြစေ။

ငါ့ဆီယူခဲ့။

ငါးစီဖောင်း

စာစီစာကုံး ရေးပါ။

စီကာပတ်ကုံး

စီစဉ်သည်။

စီစီညီညီ

စီတန်းသည်။

စီမံသည်။

စီရင်ချက် ချမည်။

စုံစီနဖာ

တန်းစီညာညှိ

တန်းစီတိုးစား

ဝစီကံ

ဝီစီမှုတ်

အစီအရီထားပါ။

ဆီ

ငါ့ဆီယူခဲ့။

စားအုန်းဆီ ဈေးချို၏။

ဆီဆိုင်မြို့။

ဆီနဲ့ရေ

ဆီပါရင်ကောက်ရိုးတောင်စားလို့ဖြစ်တယ်

ဆီမပါပျားမပါ

ဆီမီးခုံအရပ်။

ဆီလျော်သည်။

ဆီလိုအပေါက်ရှာ

ဆီဦးထောပတ်။

ညံညံစီစီ။

နှမ်းဆီ ဆမ်းစားလို့ကောင်း၏။

နေကြာဆီလည်း ကောင်း၏။

ပစ်ရမှာလည်းအဆီနဲ့ဝင်းဝင်း စားရမှာလည်းသဲနဲ့ရှပ်ရှပ်

ပဲဆီ ကြော်လို့ကောင်း၏။

ပဲပုပ်ဆီ အမျိုးသမီးတွေအတွက် ကောင်း၏။

ဘယ်ဆီအမျိုးအစားက ကျန်းမာရေးအတွက်ကောင်းသလဲ။

မဆီမဆိုင်မပြောနဲ့။

မဟာဆီ မဟာသွေး။

ရိုးတွင်းခြင်ဆီ။

ဝေးရပ်ဆီက မေတ္တာပို့ပါတယ်။

သူ့ဆီမှာ စာအုပ်ကောင်းရှိတယ်။

ဟိုဆီကို သွားပါ။

ဟိုတောင်ဆီကညိုတိုတိုရယ်

ဟိုတောင်ဆီရယ်က ညိုတိုတိုရယ်။

အဆီအနှစ်

အဆီအအိမ့် အဆီပိတ်နေဦးမယ်

အဝေးဆီကိုပျံမသွားပဲ မောင့်အနားမှာနေ

အုန်းဆီမွှေး ဆံပင်မှာလိမ်းပါ။

မောင်ဘစီနှင့် မောင်မြစီတို့သည် မုံ့ဆီကြော် တခုစီ စားနေကြ၏။ စားပြီးသော် ကျောင်းဆီသို့ စက်ဘီးကိုယ်စီနှင့် သွားကြလိမ့်မည်။ လက်နှင့် ပါးမှာ ဆီတွေပေနေကြသည်။ ကျောင်းမတက်မီ အလံတော်ရှေ့မှာ တန်းစီကြရပါမည်။

တချိန်တုန်းကတက္ကသိုလ်ဆီသီချင်း https://www.capcut.com/my-mm/discover/keyword/55273649411

ရွှေညာဆီသွားမယ် https://www.youtube.com/watch?v=Un7stod1760

ဒေါက်တာတင့်ဆွေ