=> ပဉ္စပါပီ၏ မိဘများ ဆင်းရဲလို့-
ဘယ်ကာလသား၊ ဘယ်ယောက်ျားမှ
ရည်းစားဘို့ မမြင်၊ လင်ကံဘို့ မထွက်
သူ့အသက်ကို၊ စက္ကဝါဠေ
ခက်စရာတွေ စုသောကြောင့်
အကုသိုလ်ကံ၊ မပုတို ကံငယ်
မကြံနိုင်အောင်၊ တရွာလုံး ရှောင်ကြဉ်၍
ခေါင်ကကဲ
အမွဲမှာ မပြောချင်အောင်မောသတဲ့
ဖွတ်ကျောမှာ ပြာခိုသည်
စဖိုနှင့် အ်မ်ထောင်ဘက်ပါလို့…
အိမ်ဝါးကလည်း ပရမ်းပတာ
ဆင့်ဝါးများဟာလည်း ကျဲပါဘိချက်
ကြိမ်ကွပ်က ပျက်သနှင့်…
ဘုရားဘုရား
အိမ်တိုင်များ မှာလည်း
ပိုးစား၍ ယဲ့ယဲ့
တခြမ်းပဲ့ ကြက်ယက်
ခေါင်ပျက်က မိုးယို
ပြိုတော့မည့်ပုံ…
=> အတွေ့ထူး-
လက်အတွေ့တွင်၊ ကြက်သေ့သေ၍
ရွှေနှလုံးငြိမ့်၊ ထောင်ကြောစိမ့်လျက်
ဆလိမ့် ထိပ်ခွင်၊ လုံးကြီးတင်ကို
မတွင် ထင်ရှား၊ တံခွန်လွှား၍
အောက်နားအမြစ်၊
ဘယ့်နှယ်များ ဖြစ်တယ်လို့…
=> တရားခံဖမ်းခန်း-
မျင်နှာက မှုန်မှုန်၊ လက်လာက တုန်ရာတွင်
သုန်သုန်ရိုက်ရိုက်၊ တောင်လေက တိုက်သနှင့်
နှိုက်ထိုးသမျှ တင်းထိမ်ကလည်း
လှိုင်းထသောအခါ
အပေါက်ဟာကို ရှာမတွေ့
မှိုင်မေ့မေ့ တေ့လွဲတေ့လွဲ ဆယ်ကိုးကြိမ်…
(ရူပါမြင်ကာ စိတ်မပါ)
ဖင့်နွဲ့ လေးကန်၊ ဘယ့်နှယ်များ ကြံကြသည်
မြန်မြန်ရိုးရိုး၊ ထိုးလျှင်လည်း ထိုးကြပေါ့
ထိုးမိလျှငိလည်း သိရော့
သူခိုးဖြင့်လည်း မိရော့
အသိနှင့် မမိ
အထိနှင့် အတွေ့ကို
အမေ့သမီး တေ့မိလျှင် ပြီးရော့မည်…
ကြောင်ကတာတာ၊ ပြောင်စာစာနှင့်
ငါစိတ်ဆိုးလှချည့်၊ ထိုးကြပါတော်
ဟစ်၍ အော်လိုက်သည်
ထိုးဖော်ထိုးဖက်
ဘယ်သူ့ကို ရှက်သတုံး
ခက်လိုက်သည့်ဟာ အားမနာနှင့်
ထိုးစရာ လက်မပါကြသလား…
ညကြိုက်မောင်ကြီး
အမှုနီးတဲ့မောင် ပြီးလွယ်စေချင်
ခရီးတွင်အောင်
စိတ်တိုင်းကျ
လအသုံးဖော်
တဘဝလုံး တော်ရောပေါ့… (စိတ်မရှည်၍ ကြိမ်းပုံ)
=> သူအရင်ထိုးမည်၊ ငါအရင်ထိုးမည်-
ပုပုရော မြင့်မြင့်ရော
ပြောပြောဆိုဆို လူအိုအိုနှင့်
လူပျိုလူသန့် မညံ့မခံဘူး
ဟန်ရအောက် ထိုးလိုက်မည်
လက်ညှိုးတထောင်ထောင်…
(နာခံတော်ဦးရွှေနီ)
ရှေးစာကဗျာများ
ဒေါက်တာတင့်ဆွေ
Comments
Post a Comment