Crab Rangoon ရန်ကုန်ကနန်း

က ကနန်းကောင် လက်မထောင် မဟုတ်ပါ။ 

ပင်လယ်စာလည်း မဟုတ်ပါ။

ကနန်းလူမျိုးလည်း မဟုတ်ပါ။ တရုပ်စာ တဲ့။

Crab Rangoon ဆိုတာ အမေရိကန်-တရုတ်စတိုင် အစားအစာတမျိုးဖြစ်ပြီး

wonton ဖက်ထုပန်အလွှာကြော်ထဲ အနှစ်ထည့်ထားတဲ့ appetizer သွားရည်စာတမျိုး ဖြစ်ပါတယ်။

အတွင်းအနှစ်ကတော့

cream cheese ဒိန်ခဲ

ကနန်းအသား (အစစ် သို့မဟုတ် အတု)

ကြက်သွန်ဖြူ

ကြက်သွန်မြိတ်

တွေကို ရောစပ်ထားပြီး အရသာကောင်းတဲ့ အနှစ်ဖြစ်ပါတယ်။

Crab Rangoon ကို Victor Bergeron (Trader Vic’s စားသောက်ဆိုင် တည်ထောင်သူ) က

၁၉၃၀ ပြည့်နှစ်များမှာ ဖန်တီးခဲ့တယ်လို့ယူဆကြတယ်။

ပြုလုပ်ပုံ

အများအားဖြင့် ဆီနဲ့ ကြော် (deep-fry) 

မီးဖိုတွင် ဖုတ်၍

မီးခိုးပေးနည်း (smoked) တွေလုပ်ကြပါတယ်။

အတူစားသုံးရတဲ့ ဆော့စ်များ

ချိုချဉ်ဆော့စ် (sweet and sour sauce)

ငရုတ်သီးဆော့စ် (chili sauce)

တို့နှင့် တွဲဖက်စားသုံးကြပါတယ်။

မှတ်ချက်

Rangoon crab, Rangoon creeper စတဲ့ 

Rangoon ရန်ကုန် အသုံးစာလုံးကို Yangon လို့ ပြင်တာ သူများတိုင်းပြည်တွေမှာတော့ မရှိပါ။

ဒေါက်တာတင့်ဆွေ