ညှပ်

ဆံပင်တိုတိုလေးညုပ်ချင်တယ် ညုပ်ရမလား..လို့..မညုပ်ရမလား ဝေခွဲမရ

မှား​နေတယ်ထင်တယ် ဆရာ
မြန်မာစာမှာ ညုပ် မရှိပါ။
ညှပ် = ညှပ်၍ကိုင်တွယ်ရသောကိရိယာ။
ညှပ်
ညှပ် – ကြိ/ညှတ်/ ၁၊ အချောင်းအတံ နှစ်ခုဖြင့် ဖိကိုင်သည်။
“ဇုဏှီလည်း....ဥဗျိုင်း၏လည်ပင်းကို ညှပ်၍လိုက်ရာ။” တံပု။ ၉၁။
၂၊ တဖက်ထက်ပိုသော အရပ်မျက်နှာတို့မှ အတွင်းသို့ တွန်းဖိသည်။
၃၊ အကြားအလပ်တွင် ကျပ်တည်းစွာ တည်ရှိအောင်လုပ်သည်။ ချုပ်သည်။ “ဓားမတို ခါးမှာညှပ်ပါလို့။” ကော။ ၂၇။
၄၊ အရာဝတ္ထုတခုခုကို ဘေးတဖက် တချက်မှာရံ၍ တည်ရှိသည်။ “လက်ကတီးတွင် လက်ဝဲလက်ယာ ညှပ်၍ပေါက်သော်” လောဟီ။ ၂၇၃။
၅၊ (ကွမ်းညှပ်၊ ကတ်ကြေးစသည်တို့ဖြင့်) ကိုက်ဖြတ်သည်။ “ဆေးထိုးမည့်နေရာမှ အမွေးများကို ကတ်ကြေးဖြင့်ညှပ်ပြီးလျှင် ပေါင်းချွေးရည်ဖြင့် ဆေးကြောရမည်။” ကူးစက်။ ၆၄။
၆၊ တပါတည်း ဖြစ်စေသည်။ ပူးတွဲပါဝင်စေသည်။ “လိမ္မော်သီးလုံး၊ သွေးများကို ညှပ်ရောင်းလိုက်ပါ။”
– န/ညှတ်/ ၁၊ တစုံတခုကို ကိုင်တွယ်ရန် မောင်းတံအစုံကို ပူးတွဲထားသောကိရိယာ။ “ဒေါက်တာသက်ဝေသည် ကလေးအား ညှပ်ဖြင့်ဆွဲထုတ်ရန် ဆုံးဖြတ်ချက်ချလိုက်သည်။” မယ်ကျေး၊ ဒု။ ၂၆။
၂၊ (ကျွဲ၊ နွား၊ ဆင်၊ မြင်းတို့ကို) မလှုပ်နိုင်အောင် လက်ဝဲလက်ယာမှ ချုပ်ကိုင်ထားသည့် တုတ်တိုင်စု။ “ဆင်ဖြူမကို ညှပ်လုပ်၍ စက်ဖြင့် ထုပြီးသော်” သုသော၊ ပ။ ၃၇၂။
၃၊ သားငှက်တို့ကို ညှပ်မိနေအောင် ထောင်ဖမ်းသော ကိရိယာ။ “ဘီမောင်းလည်း ညှပ်၊ ကိုင်ပစ်ထား၍ ထောင်ခြင်းတပါး။” နု။ ၃၆၉။
၄၊ ထန်းရည်ထွက်အောင် ထန်းနို့ကိုဖိညှပ်ပြုပြင်ရသော ကိရိယာ။ ထန်းညှပ်။
၅၊ အမဲသားငါးကိုညှပ်၍ မီးကင်ရသောကိရိယာ။ ကင်ညှပ်။
၆၊ ရာဇဝတ် သား ကို ညှပ်သော ကိရိယာ။ “ထင်းခွေယောက်ျားကို ညှပ်ခတ်၍စစ်လေ၏။” မှန်၊ ပ။ ၃၀၃။
ဗုဇွန်လည်း ဥဗျိုင်း၏လည်ပင်းကို ညှပ်၍လိုက်ရာ။
ဓားမကို ခါးမှာညှပ်ပါ။
လက်ကတီးတွင် လက်ဝဲလကျာ် ညှပ်၍ပေါက်သော်။
ကွမ်းညှပ်
လိမ္မော်သီးလုံးသေးများကို ညှပ်ရောင်းလိုက်ပါ။
ဒေါက်တာသက်ဝေသည် ကလေးအား ညှပ်ဖြင့်ဆွဲထုတ်ရန် ဆုံးဖြတ်ချက်ချလိုက်သည်။
ဆင်ဖြူမကို ညှပ်လုပ်၍စက်ဖြင့်ထုသော်။
ဘိ၊ မောင်းလည်၊ ညှပ်၊ ကိုင်ပစ်ထား၍ထောင်ခြင်းတပါး။
ထန်းညှပ်
အမဲသားငါးကို ညှပ်၍မီးကင်ရသော ကိရိယာ။
ထင်းခွေယောက်ျားကို ညှပ်ခတ်၍စစ်လေ၏။
ညှပ်ကောက်
ညှပ်ခေါက်ဆွဲ
ညှပ်တိုင်
ညှပ်ပူးညှပ်ပိတ်
ညှပ်ပုံ
ညှပ်ခုံ
ညှပ်ဖိနပ်
ညှပ်သွင်း
ညှပ်(ညပ်အောင် ဖြတ်)
စာကိုမှန်အောင်မရေးတာက တချို့ဖုန်းတွေကညံ့လို့ဖြစ်နိုင်တယ်။ လူတွေကတော့ တော်ကြမှာပါ။
၁။ တချို့ဖုန်းတွေမှာ ရရစ်မပါလို့
ဖြစ် ကို ဖစ်
ပြီ ကို ပီ။
ပါပြီ ကို ပါပီ လို့ရေးနေကြတယ်။
၂။ တချို့ဖုန်းတွေမှာ ၁-၂-၃-၄ မပါလို့ 1-2-3-4 နဲ့ ရေးနေကြတယ်။
၃။ တချို့ဖုန်းတွေမှာ တဝမ်းပူသီးသန့်မပါကြလို့
တခု၊ တကောင်၊ တယောက်ကို မှန်အောင်မရေးကြရရှာ။
၄။ တချို့ဖုန်းတွေမှာတော့ အောက်မြစ်အပိုပါကြလို့
ကောင်းမှု ကို အောက်မြစ်နဲ့ရေးနေကြရရှာတယ်။ ရှု၊ မှ၊ မိ၊ ဖြစ်၊ လက်၊ လိုက်၊ ရိုက်၊ ခု၊ သက်၊ အောက်၊ ထိ၊ ပြုတ် (သက်သေခံတွေရှိတယ်။)
ကျတ် ကျပ် ကြပ် ကြတ် https://burmese-spelling.blogspot.com/.../blog-post_457.html
ဒေါက်တာတင့်ဆွေ