တမြို့ - တလှည့် - တဦးတည်း - နေ့လယ်စာ

မေးခွန်း = မိတ်ဆွေ တစ်ဦးက နေ့လည်စာ ဖိတ်တာပါလား မှားရင် ပြင်ပေးပါ ဆရာ တမြို့ တလှည့် တဦးတည်း တူပါသလားရှင့်

မြန်မာစာရေးနည်း ကောင်းကောင်း တတ်ချင်ပါတယ်ရှင့်

ပြန်စာ

တမြို့ - မှန်။

တလှည့် - မှန်။

တဦးတည်း - မှန်။

နေ့လယ်စာ - မှန်။

Lunch နေ့လယ်စာ https://burmese-spelling.blogspot.com/2024/12/lunch.html

(၁)

တို့ပြည်ထောင်စုသား (မူရင်း) ​

တေး​ရေး -  စန္ဒရားလှထွတ်

တေးဆို - မာမာ​အေးနှင့် ဂီတကောင်စီအဖွဲ့

တဦးပေါ် တဦး…

သံသယ ပိုသည်မှာ အလကား

တဦးပေါ် တဦး …

မှန်သပ ဆိုသည်မှာ ပတ္တမြား …

သံသယ ပျောက်ပါစေ

အမှန် ဘ၀ ရောက်ပါစေ …

(၂)

ဘဝချင်းဆုံတွေ့ပါရစေ (ချိုပြုံး)

တဦးနဲ့ တဦး ချစ်စေကြောင်း တောင်းဆု ပြုမယ်လေ

ဘဝ ဘဝတိုင်း အသင်္ချေ ပုံပမာ နှိုင်း ပြမယ်လေ

မောင်ရေ အာကာနန်းဗွေ လျှမ်းပနေ

စန်းလသော်တာ မောင်သာဖြစ်လျှင်လေ

မေအမြဲ မောင့် အနားဆီကမသွေ

တဖဝါးမှ မခွာချင်ပါပေ

လေဝယ်ပြေးကစား ငွေကြယ်ကလေးများ ဖြစ်ပါရစေ

(၃)

တက္ကသိုလ်ကျောင်းသူတဦး (ကိုမင်းနောင်)

တက္ကသိုလ်ကျောင်းသူတဦး လှပုံထူးသမျှ တွေ့ရဖူးသည်မှာ

ကြည်စွာဘဝင်နှလုံး ရွှင်ပြုံးမြေ့တာ ယနေ့သာတိုင် မေ့ပါနိုင်ရက်

တသက်သက်စိတ်ထဲမှာ မျှော်ကာတွေး ငေးမိအခါခါ။

အင်းယားကန်အပါး လျှောက်ကာသွား အနားယူသောတနေ့မှာ

ယဉ်စွာယဉ်စွာ ဆင်ယင်ထုံးဖွဲ့ပြုံးလဲ့လဲ့ချစ်စရာ

သစ်လာသည့်ပန်း လန်းတဲ့ပုံပမာ

တက္ကသိုလ်ကျောင်းသူတဦး ချစ်ကြည်နူးစရာ လှပကြော့ယဉ်စွာ။

တပတ်လျှို ဆံထုံးကြော့မှာ တပွင့်ပန်းပန်လာ

ရှုကာငေး နုဝါအသွေး လက်ရှည်ထူထူလေးဝတ်ကာ

ကြက်သွေးနီနီ ထမီပန်းခက် ယဉ်သထက်ယဉ်စွာ

နက်မှောင်ကတ္တီပါ လှပယဉ်ကျေး ပုံတော်လေးနဲ့ပါ။

(၄)

တယောက်တနယ်ဆီမှာနေ ပိတောက်နဲ့ချယ်ရီပမာလေ - မှန် (တေးရေး/ဂီတစာဆိုကိုညွန့်ဝေ. တေးဆို/တွံတေးသိန်းတန်သီချင်း)

တယောက်တကမ္ဘာ - မှန် (ကိုတင်လှိုင် တေးသံသာ မြတ်-အဖွဲ့ သီချင်း)။

မုဆိုးကြီးဖိုးတေ ကမ္ဘာသစ်မှလူသားတယောက် 

တကမ္ဘာခြားလည်းချစ်နေမယ် တယောက်တည်း (ကိုမင်းနောင်) 

ဘုန်းမောင့်တယောက်တည်းရယ် (ဗန်းမော်တင်အောင်) 

အလွမ်းဟူသမျှ တယောက်တည်း (ခင်လေး) -

မှန်ကင်းတလှည့် ထင်းတလှည့် 

တက္ကသိုလ်ကျောင်းသားတဦး (ဝင်းဦး)

ဒေါက်တာတင့်ဆွေ