သီလဆောက်တည် ဥပုသ်စောင့်သည်

 

ပုံထဲကစာ = သီလ စောင့်တည်ပါ၏

သီလဆောက်တည်ပါ၏လို့ ရေးရမည်။

သီလ - န / သီလာ့ / စောင့်ထိန်းဆောက်တည်အပ်သော ငါးပါး၊ ရှစ်ပါး၊ ဆယ်ပါးစသော ကျင့်ဝတ်။ ကိုယ်ကျင့်သိက္ခာ။

သီလကောင်း - ကြီ / သီလာ့ကောင်း / အတိတ် ကာလ

က ပြုလုပ်ခဲ့သော အကျင့်ကို စောင့်ထိန်း ဆောက်တည်ခဲ့ဖူးသဖြင့် ပစ္စုပ္ပန်တွင် ယင်းဆောက်တည်မှု၏ အကျိုးဆက် (အသက်ရှည်ခြင်း) ကို ခံစားရသည်။

သီလကြောင် - န / သီလဂျောင် / အကျင့်သိက္ခာ မရှိဘဲ ပေါ့ပျက်လျက် ရှိဟန်ဆောင်သူ။

သီလခံ - ကြီ / သီလာခန် / ငါးပါးသီလ၊ ရှစ်ပါးသီလ၊ ဆယ်ပါးသီလ စသည်တို့ကို စောင့်ထိန်းပါမည်ဟု ဝန်ခံသည် (ရုပ်ပွားတော်ရှေ့၌လည်းကောင်း၊ ရဟန်းတပါးပါးထံမှလည်းကောင်း ခံယူလေ့ရှိသည်)။

သီလစောင့် - ကြီ / သီလာ့စောင့် / ငါးပါးသီလ၊ ရှစ်ပါးသီလ၊ ဆယ်ပါးသီလ စသည်တို့ကို ဆောက်တည်သည်။

သီလစမ်း - ကြီ / သီလာစန်း / အကျင့်သိက္ခာမြဲမြံမှု စူးစမ်းသည်။

သီလတောင်း - ကြီ / သီလာ့တောင်း / ငါးပါးသီလ၊ ရှစ်ပါးသီလ၊ ဆယ်ပါးသီလ စသည်တို့ကို ဆောက်တည်လို၍ ရဟန်းတပါးပါးထံ အားတောင်းပန်သည်။

သီလပေး - ကြီ / သီလာ့ပေး / ရဟန်းတော် တပါးပါးက ငါးပါးသီလ၊ ရှစ်ပါး

သီလ၊ ဆယ်ပါးသီလ စသည်တို့ကို လိုက်၍ ရွတ်ဆိုရန် ချပေးသည်။

သီလယူ - ကြီ / သီလာ့ယူ / သီလဆောက်တည်မည့်သူက ရဟန်းတပါးပါး သီလပေးသည်ကို

လိုက်၍ရွတ်ဆိုခံယူသည်။

စောင့် - ကြုံ / စောင့် /

၁၊ မျှော်လင့် ငံ့ဆိုင်းသည်။ “ချုံရိပ်ကောင်းက၊ တစောင်းကွယ်စောင့်၊ အလာစောင့်လျှက်။” ပျို။* ၂၃၄။

၂၊ တဦးတယောက်ကို အုပ်ထိန်းသည်။ “မာတုကိမိတ၊ အမိစောင့်သော အပျိုမိန်းမ။” ဓမ္မပူ။ ၁၀၀။

၃၊ သိမ်းချုပ်သည်။ ချုပ်တည်းသည်။ “နှုတ်ကို မ စောင့် မ ၍…..ဆိုသည်ကား ငါ့ကိုယ်ကိုပင် သတ်သည်မည်သည်။” ကိံပု။ ၃၉။

၄၊ ကာကွယ်ထိန်းသိမ်းသည်။ “အသက်ကို ပညာ စောင့်သည်။” သက်စောင့်။

၅၊ ကျေးဇူးသစ္စာကို ရှိသော လေးစားသည်။ “နရပတိစည်သူ ကိုလည်း စောင့်လှပေသည် ဟူ၍ ချီးမွမ်းတော်မူပြီးလျှင်….ဆုပေးတော်မူသည်။” ကုလာ။ ဒု။ ၃၇၂။

စောင့်ကြပ် - ကြုံ / စောင့်ကျွတ် / စောင့်ကျွတ် / ကြည်ရှု ထိန်းသိမ်း ကာကွယ်သည်။ “အိပ်သော်လည်း မရှိသမျှကို ဥပဒ် မဖြစ်စေအောင် စောင့်ကြပ် နေခြင်း။” နူ။ ၃၃၃။

စောင့်စား - ကြုံ / စောင့်စား / စောင့် - ကြုံ၊ ၁၊ နှင့် အတူတူ။ “နေရိပ် လာမှာကို နေပူက စောင့်စား။” မိုင်း။ တ။ ၁၉၃။

စောင့်စည်း - ကြုံ / စောင့်ဦး / ၁၊ ထိန်းသိမ်းသည်။ ချုပ်တည်းသည်။ “ကိုယ်စောင့်စည်းလျှက်၊ နှုတ်နည်းခွန်းပါး။” ကိုး* ၂၀၉။

၂၊ ကျေးဇူးသစ္စာကို ရှိသောလေးစားသည်။ “မောင်ကိုနုတ်သွင်၊ မှတ်စွဲထင်လျှက်၊ လေးဖင့်သိပ်သည်း၊ စောင့်စည်းတည်ကြည်….လျော်စွာလှပေ၊ ကျင့်မသွေသည်။” သုဇာ* ၃၀၁။

စောင့်ဆိုင်း - ကြီ / စောင့်ဆိုင်း / ရပ်နားမျှော်ငံ့သည်။ “စကားပြောရာတွင် မိမိအလှည့်ကို စောင့်ဆိုင်းခြင်း။” သင်နည်း။ ၂၇။

စောင့်ထိန်း - ကြီ / စောင့်ထိန်း / မကျိုးမပေါက် မပျက်မစီးရအောင် ကြည့်ရှု ကာကွယ်သည်။ ထိန်းသိမ်းသည်။ ချုပ်တည်းသည်။ “ငါပါးသီလနှင့် ရှစ်ပါးသီလတို့ကို စောင့်ထိန်းရာ၏။” သမိုင်း၊ ပ။ ၁၅၅။

စောင့်မျှော် - ကြီ / စောင့်မျှော် / ငံ့ဆိုင်းကြိုဆိုသည်။

စောင့်ရှောက် - ကြီ / စောင့်ယှောက် / ထိန်းသိမ်းကြည့်ရှုသည်။ “သူ့ကို သူနာ တိုက်များကို ပြုစု စောင့်ရှောက်ရန် အမှု။” လွတ်။ ၆။

စောင့်လင့် - ကြီ / စောင့်လင့် / တစုံတရာ၊ တဦးတယောက်၏ ပေါ်ပေါက်လာရောက်ခြင်းကို မျှော်ရှင့်စောင့်သည်။ “တရိစ္ဆာန်တို့ သွားရာလာရာသော ခရီးအကြား၌ မူဆိုးမိမ့်တို့သည် စောင့်လင့် သကဲ့သို့။” ကာယာ။ ၄၄။

စောင့်သိ - ကြီ / စောင့်သိ / ထိန်းသိမ်းသည်။ “ဘုရင့် သဓမ္မာကို မှုန်းကြီးမတ်ရာများ၊ မြို့စားရွာစားတို့က စောင့်သိ ကြရသည်။” လူမှု။ ၂၉။

စောင့်သုံး - ကြီ / စောင့်သုန်း / စောင့်ထိန်း - ကြီ၊ နှင့် အတူတူ။ “သဓမ္မာကောင်း၊ သတင်းစောင့်သုံး၊ နှလုံးဖြူဆွတ်။” ဟသ်* ၄၃။

ဆောက်တည် - ကြီ / ဆောက်တီ /

၁၊ တည်ငြိမ်ခိုင်ခံ့စွာ ထိန်းသိမ်းစောင့်ရှောက်ကျင့်သုံးသည်။ “သီတင်းမှန်ရည်၊ မြို့ဆောက်တည်လျက်။” ဘူလင်* ၂၂၈။

၂၊ စိတ်ကို တနေရာတွင် စုစိုက်ထားသည်။ “အတ္တသဘာဝကိုမီဟူသော်ကား မိမိကိုယ် စိတ်ကို ကောင်းစွာဆောက်တည်ခြင်းတည်း။” ကိံကုဏ်* ၄။

သီလစောင့် - ကြီ / သီလာ့စောင့် / ငါးပါးသီလ၊ ရှစ်ပါးသီလ၊ ဆယ်ပါးသီလ စသည်တို့ကို ဆောက်တည်သည်။

ထို့ကြောင့် သီလစောင့်တည်အသုံး မမှန်ပါ။

သီလဆောက်တည်၊ ဥပုသ်စောင့်သည် မှန်တယ်။

ဒေါက်တာတင့်ဆွေ