ဟင် နော်

ဆရာဝန်မှန်းသိသူ တယောက်ကို စကားပြောတဲ့အခါ၊ မေးမြန်းတဲ့အခါ ‘ဟင်’ အသုံးက သင့်တော်ခြင်းမရှိပါ။

မနေ့ကလည်း တခါ ထောက်ပြသေးတယ်။

ဒီနေ့လည်း တယောက်က ‘ဟင်’ လို့မေးတယ်။

အတုခိုးတတ်ကြပါတယ်။ ကောင်းတာကို အတုခိုးရင် ကောင်းတာ ရမယ်။

‘နော်’ လည်း မသင့်သေးပါ။

မြန်မာစကားထဲမှာ အသုံးစကားတွေ အမျိုးမျိုး ပေါကြွယ်များပြားပါတယ်။

သူ့နေရာနဲ့သူ အသုံးမှန်သင့်တယ်။

- ဟေ့ကောင်

- ငါ

- ကျုပ်

- မင်း

- မင်းတို့

အလွန်ရင်းနှီးသူတွေအချင်ချင်း အဆင်ပြေပါတယ်။

ကိုယ့်ထက် အသက်၊ ဝါ၊ ရာထူး ကြီးသူတွေနဲ့ပြောရင်တော့ အဆင်မပြေတော့ပါ။

ဆရာဝန်နဲ့ လူနာဆက်ဆံရေးစာ ၃ ပုဒ် တင်ပြထားဘူးတယ်။

အတည်အတန့် ရိုးရိုးလေးသာ ရေးသင့်တယ်။

လိုတာထက်ပိုပြီးလည်း ရင်းရင်းနှီးနှီးကြီး မလိုက်အပ်ပါ။

ယဉ်ကျေးတဲ့အသုံးတွေ -

- ကျွန်တော်

- ကျနော်

- ကျမ

- ဗျ

- ဗျာ

- ရှင်

- ဆရာ

- ဒေါက်တာ

အလင်းပြပါအသုံးလည်း မမှန်ပါ။

အမျိုးမတော်ဘဲ အမျိုးစပ်ခေါ်တာတွေ အဆင်မပြေပါ။ မျိုးထဲကလားလို့ စဉ်းစားနေရတာက အလုပ်ကြီးတခု။

“သမီးဖျားနေလို့” ဆိုတာ မေးတဲ့သူရဲ့ သမီးလား။

“သားတုပ်ကွေးမိနေလို့” ဆိုရင် ရေးတဲ့သူနဲ့ သားလား။

မြန်မာနိုင်ငံသားတွေ ဘယ်မှာနေနေ ယဉ်ကျေးပျူငှာကြပါစေသတည်း။

ဒေါက်တာတင့်ဆွေ

Comments

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog