တို့စာ တို့စကား တို့တိုင်းပြည်

  ( ၁ ) ဘဲနှင့် ငန်း တို့၏ ခြားနားချက်များ ဘဲ ( Ducks) နှင့် ဟင်္သာ/ငန်း ( Swans) တို့သည် အာနတီဒေး ( Anatidae) ခေါ် ရေဝက်ငှက် မျိုးရင်းဝင်များ ဖြစ်ကြသော်လည်း အရွယ်အစား၊ လည်ပင်းအရှည်နှင့် ပျံသန်းသည့် အရှိန်နှုန်းတို့တွင် သိသိသာသာ ကွဲပြားကြပါသည်။ အဓိက ခြားနားချက်များ ဘဲများ - အထွေထွေအားဖြင့် အရွယ်အစား ပိုမို သေးငယ်ပြီး လည်ပင်း တိုကြပါသည်။ နှုတ်သီး ပြားပြား ရှိကြပြီး "ကက်ကက်" ဟု အသံပေးခြင်း သို့မဟုတ် ခရာမှုတ်သကဲ့သို့ အသံပြုခြင်းတို့ပြုလုပ်၍ ဖျတ်လတ်စွာ လှုပ်ရှားသွားလာတတ်ကြပါသည်။ ၎င်းတို့သည် အလွန် လျှင်မြန်စွာ ပျံသန်းနိုင်ကြပြီး ပုံမှန်အားဖြင့် တနာရီလျှင် မိုင် ၄၀ မှ ၆၀ အထိ အရှိန်နှုန်း ရောက်ရှိကြပါသည်။ တောဘဲ မျိုးစိတ် အများစုမှာ သန်မာစွာ ပျံသန်းနိုင်ကြသော်လည်း အိမ်မွေးဘဲ အချို့မှာမူ မပျံသန်းနိုင်ကြပါ။ ငန်းများ - လက်ရှိ တည်ရှိနေဆဲ ရေဝက်ငှက်များအနက် အရွယ်အစား အကြီးဆုံး ဖြစ်ကြပါသည်။ ရှည်လျား၍ ပြေပြစ်သော လည်ပင်းများနှင့် ရေအောက် အပင်များကို စားသုံးရန် ထူထဲသော နှုတ်သီးများ ပါရှိကြပါသည်။ ဟင်္သာ (ငန်း) များသည် V ပုံသဏ္ဌာန် သို့မဟုတ် ဒေါင်လိုက်တန်းစီ၍ ပျံသန်းကြပြီး ပုံမှန်အား...

ရွှေငန်းဥပုံပြင်သည် ထင်ရှားသည့် ရှေးဟောင်းပုံပြင် တခုဖြစ်ပြီး၊ အီးဆုတ် (Aesop) ၏ ရွှေဥဥသော ငန်းပုံပြင်အဖြစ် အသိများပါသည်။ အရှေ့တိုင်း ဗုဒ္ဓဘာသာ စာပေများတွင်မူ ရွှေတောင်ပံရှိသော ဟင်္သာမင်း / ရွှေငန်းမင်း ပုံပြင်အဖြစ် တွေ့ရှိရပါသည်။ ပုံပြင်အကျဉ်း တွေ့ရှိခြင်း - ဆင်းရဲသော တောင်သူ / ရွာသား တဦးသည် နံနက်တိုင်း စင်ကြယ်သော ရွှေဥ တလုံးစီ ဥပေးသည့် ထူးဆန်းသော ငန်း (သို့မဟုတ် ဟင်္သာ) တကောင်ကို ရရှိခဲ့ပါသည်။ ကြွယ်ဝလာခြင်း - ငန်းရှင်သည် ထိုရွှေဥများကို ဈေးတွင် ရောင်းချရာမှ လျင်မြန်စွာ ချမ်းသာကြွယ်ဝ လာခဲ့ပါသည်။ စိတ်မရှည်ခြင်းနှင့် လောဘကြီးခြင်း - ချမ်းသာလာသည်နှင့်အမျှ တနေ့လျှင် ရွှေဥ တလုံးစီသာ ရသည်ကို စိတ်မရှည်နိုင်တော့ဘဲ ငန်း၏ ဝမ်းဗိုက်ထဲတွင် ရွှေအမြောက်အမြား ရှိမည်ဟု ထင်မှတ်ခဲ့ပါသည်။ ကြီးမားသော အမှား - ရွှေအားလုံးကို တပြိုင်နက်တည်း ရလိုသဖြင့် ငန်းကို သတ်၍ ရှာဖွေရာ ဝမ်းထဲတွင် သာမန် အသား၊ အင်္ဂါအစိတ်အပိုင်းများကိုသာ တွေ့ရပြီး ရွှေ လုံးဝ မတွေ့ရပါ၊၊ ဆုံးရှုံးရခြင်း - ငန်း သေဆုံးသွားခဲ့သဖြင့် နေ့စဉ် ရရှိနေသော ၎င်း၏ ဓနဥစ္စာ အရင်းအမြစ်မှာ ထာဝရ ကွယ်ပျောက်သွားခဲ့ရပါသည်။ သင်ခန်းစာ လောဘကြီးက ပျက်စီးရသည် - ...

ဘတ်စာ ၄။ အလိုကြီး။ အရနည်းဟူသောစကား အကြောင်း အလိုလောဘ။ ကြီးလွန်းက။ အရနည်း။ ချမည်။  အလိုနည်းပါး။ ဖြောင့်သူအား။ အများရတတ်သည်။ ၁။ ။ လူတဦး၌ အလွန် ထူးဆန်း အံ့ဩဘွယ်ကောင်းသော ငန်းတကောင်ရှိရာ။ ထိုငန်းသည် နေ့တိုင်း နေ့တိုင်း ရွှေဥ တလုံး တလုံးဥသဖြင့်။ တနေ့ ထက် တနေ့ ရွှေများလာပြီးလျှင် ချမ်းသာကြွယ်ဝ သည့်အဖြစ်သို့ ရောက်လေ၏။ ၂။ ။ ထိုသူသည် တနေ့လျှင် ရွှေဥတလုံးစီသာ ရနေ၍ အလွန် နှေးလှ သည်။ တခဏခြင်းပင် အမြောက်အမြားရလိုသည်ဟု။ လောဘပိုမို။ အလိုကြီးလွန်း သောကြောင့်။ ငန်း၏ ဝမ်းတွင်း၌ ရွှေအမြောက်အမြားရှိမည် အထင်အမှန်နှင့် ငန်းကိုသတ်၍ ဝမ်းထဲ၌ ရှာဖွေရာ။ ရွှေမတွေ့ဖြစ်လေ၏။ ၃။ ။ထိုအခါ ငန်းရှင်သည် ငါးဖမ်းကိုသတ် မိသည်မှာ မှားလေစွတကားဟု စောင်တင်ကြီးစွာရှ ရှိလျက် မိမိကိုယ်ကို အပြစ်တင်လေ၏။ ထိုကြောင့် အလိုကြီးလျှင် အရနည်းသည်။ အလိုနည်းလျှင် အရနည်းသည်' ဟု လူတို့ဆိုရိုးရှိသည်ကို သတိပြုရာသည်။ မှတ်ရန် သူငယ်တန်းစာမကျေသူတွေက - တဦး ကို မှန်အောင်မရေးတတ်။ တကောင် ကို မှန်အောင်မရေးတတ်။ တဥ ကို မှန်အောင်မရေးတတ်။ တနေ့ ကို မှန်အောင်မရေးတတ်။ တခဏ ကို မှန်အောင်မရေးတတ်။ ဒေါက်တာတင့်ဆွေ

ငါးကွမ်းရှပ် လို့ ရေးရသည်။ ဒေါက်တာတင့်ဆွေ

၁။ ရွှေရင် စမ်းသပ်၊ ဆဲ့ငါးကျပ် ပေါ်လျှပ်ကိုလည်း ပသတ်မည်။ ၂။ ရွှေရင်ချင်းစပ်၊ ပါးချင်းအပ် လက်ထပ်ကိုလည်း ပသတ်မည်။ ၃။ ရွှေပေနားကပ်၊ ဆောင်ခေါ်အပ် အကြပ်ကိုလည်း ပသတ်မည်။ ၄။ အင်္ကျီလက်ကျပ်၊ ပါးလျှပ်လျှပ် လက်စွပ်ကိုလည်း ပသတ်မည်။ ၅။ ကိုယ်ဟန်သွယ်သပ်၊ တခုလပ် နုဖပ်ကိုလည်း ပသတ်မည်။ ၆။ အိမ်ခြေတွင်းစပ်၊ အရပ်ရပ် မလပ်ကိုလည်း ပသတ်မည်။ ၇။ ကြယ်သီးရွှေအပ်၊ တရုပ်ကပ် (တရုပ်အပ်-မူကွဲ) တည်းစပ်ကိုလည်း ပသတ်မည်။ ၈။ ရွှေကြာပွင့်ချပ်၊ ကမ္ဘာကပ် တင့်အပ်ကိုလည်း ပသတ်မည်။ ၉။ တရားစေ့စပ်၊ ဆင်ခြေတပ် ရိုးစွပ်ကိုလည်း ပသတ်မည်။ ၁၀။ မြေမှာတုပ်ပျပ်၊ ကြောက်၍ဝပ် ပျပ်ဝပ်ကိုလည်း ပသတ်မည်။ ၁၁။ ပါးပါးချပ်ချပ်၊ ငှက်ပျောဖပ် သစ်တပ်ကိုလည်း ပသတ်မည်။ ၁၂။ ခြေနင်းဖိနပ်၊ သားမြီးယပ် မွေးညှပ်ကိုလည်း ပသတ်မည်။ ၁၃။ ထမင်း မနှပ်၊ မီးဝယ် နှပ် သနပ်ကိုလည်း ပသတ်မည်။ ၁၄။ တိမ်နှစ်ဘက်ညှပ်၊ ပြက်သည်လျှပ် ကြက်ခွပ်ကိုလည်း ပသတ်မည်။ ဒေါက်တာတင့်ဆွေ

လူတိုင်းသည် ဘဝကို ကိုယ့်ရှုဒေါင့်ကနေသာ ကြည့်မြင်တတ်ကြသည်။ မိမိမြင်သိသည့်အချက်ဖြင့် ငြင်းခုန်ခြင်းမပြုဘဲ ကျယ်ပြန့်တဲ့အမြင်ကို သိနိုင်အောင်သာ ကြိုးစားပါ။ ဒေါင့်ပေါင်းစုံက အမြင်တခုစီကို ပေါင်းစပ်နိုင်မှသာ ရှင်းလင်းစွာသိမြင်ပါမည်။ သို့မှသာ သင်သည် အမှန်အစစ်ကို အဆုံးထိတိုင် တွေ့သိလာပါလိမ့်မည်။ မှတ်ချက် မျက်မမြင်ပုဏ္ဏားခြောက်ယောက်နဲ့ ဆင်ကြီးပုံပြင်ကို တိုင်းပြည်အမျိုးမျိုးမှာ ကိုယ်စီဇာတ်လမ်းတွေနဲ့ ညွှန်းဆိုကြပါတယ်။ ဥပမာ ယူအက်စ်အေမှာ ဆင်ကြီးအစား တောကောင်ကြီးတဲ့။ အနှစ်သာရ ဆင်တူပါတယ်။ အွန်လိုင်းကနေ မမြင်ရ၊ မစမ်းရဘဲ ကျန်းမာရေးမေးတာတွေကို ဖြေရတဲ့ ကျွန်တော့အတော့ သတ္တမပုဏ္ဏား ဖြစ်ရတယ်။ မေးတဲ့သူတွေက အသက် မပြော၊ ကျား-မ မပြောသူက များတယ်။ ဒေါက်တာတင့်ဆွေ

ကသာမုန့်ညှင်းချဥ်၊အကြိုက်တူကြလား (ပုံအတွက် ကျေးဇူး) အသံထွက် မုန်ညင်း = မုန်ညင်း မုန်ညင်းဆီ = မုန်ညင်းဇီ။ ညှင်း ဆိုတာ အရေပြားပေါ်မှာ အဖြူကွက်လေးတွေပေါက်တဲ့ ရောဂါအမည်ဖြစ်တယ်။  ညှင်းကို မစားရပါ။ အချဉ်မတည်ရပါ။ စာလုံးပေါင်းလွဲရင် လွဲတယ်။  အသံထွက်မှားရင် မှားတယ်။ - ဆောင်းရာသီစာ မုံ့ညှင်းပေါင်း (မုန်ညင်းလို့ ရေးရ) - ဒီနှစ်တော့ ဆောင်းရာသီအတွက် ကြက်သွန်ဖြူတမြောင်းတော့ စတင်စိုက်ထားပြီးပါပြီ၊ နံနံပင်နဲ့ မုန့်ညှင်းစိမ်းအပင်တွေတော့ နောက်ရက်တွေကြ(ကျ)မှ ထပ်စိုက်ရပါအုံးမယ်။ - မုန်ညှင်း (မုန်ညင်း)ရွက် ချဉ်ရည်ဟင်းလေးပါ ခရမ်းချဉ်သီးတလုံး ကြက်သွန်တလုံး ကြက်သွန်ဖြူ ငပိအနည်းငယ် ဆား (တလုံးသတ်ပုံတွေ မှန်။ ကွန်ဂရက်ကျူလေးရှင်း) - မုန်ညှင်း (မုန်ညင်းလို့ ရေးရ) - မုန်ညှင်းက အသံတောင် ပီလာပါပြီ။ (မဟုတ်ပါ။ မုန်ညင်းအသံထွက် = မုန်ညင်း) - မုန်ညှင်းကြော်ဟင်း #cooking #xincooking ... (မုန်ညင်းလို့ ရေးရ) - မုန်ညှင်းချည် (မုန်ညင်းချဉ်၊ မုန်ညင်းပေါင်းလို့ ရေးရ) - မုန်ညှင်းစော ချက်နည်း | Shan ... (မုန်ညင်းလို့ ရေးရ) - မုန်ညှင်းဖူးပေါင်း - Steamed Mustard ... (မုန်ညင်းလို့ ရေးရ) - ရှမ်းပြည်ရဲ့ ဆော...

ကြမ္မာ ဆိုတာ ကိလေသာ ကို ဆိုလိုတာလား ဆရာ ကြမ္မာ = ကုသိုလ်ကံ၊ အကုသိုလ်ကံဟူသောအကြောင်းတရား။ ကြမ္မာကိုကား၊ ဘုရားသံဃာ၊ ပစ္စေကာမျှ၊ ဘယ်မှာဖီကား၊ လွတ်နိုင်ငြားအံ့။ မနော * ၈၉။ ကြမ္မာဆိုသည်မှာ ပါဠိ/သံသက္ကတဘာသာစကားမှ ဆင်းသက်လာပြီး ကုသိုလ်ကံ၊ အကုသိုလ်ကံ သို့မဟုတ် လူတဦး၏ ကံတရား၊ ကံကြမ္မာ (fate / karma) ဟု အဓိပ္ပာယ်ရသော စာပေသုံး စကားလုံးတရပ်ဖြစ်သည်။  အဓိပ္ပာယ်နှင့် အချက်အလက်များ အမျိုးအစား: နာမ် (စိတ္တဇနာမ်) ရင်းမြစ်: သံသက္ကတဘာသာစကား (karma) မှ ဆင်းသက်လာပြီး ပြုလုပ်ခြင်း၊ ဖန်တီးခြင်း ဟု အဓိပ္ပာယ်ရသော စကားမှ ဆင်းသက်သည်။ အနီးစပ်ဆုံး တူညီသောစကားလုံးများ: ကံ အသုံးပြုပုံ: "ကြမ္မာကိုကား၊ ဘုရားသံဃာ၊ ပစ္စေကာမျှ၊ ဘယ်မှာဖီကား၊ လွတ်နိုင်ငြားအံ့" ဟူ၍ စာပေနှင့် ကဗျာများတွင် သုံးလေ့ရှိသည်။  မြန်မာစာပေနှင့် စကားပြောတွင် "ကြမ္မာ" (ကံတရား / Fate) ကို သဒ္ဒါနည်းအရ နာမ် (Noun) အဖြစ် အဓိကအသုံးပြုပြီး အောက်ပါအတိုင်း ပေါင်းစပ်သုံးနှုန်းလေ့ ရှိသည်။ သဒ္ဒါနှင့် တွဲဖက်သုံးနှုန်းပုံများ နာမ်တွဲများ (Noun Phrases): ကံကြမ္မာ: လူတဦးစီ၏ ဘဝအလှည့်အပြောင်းနှင့် ရှေးကုသိုလ်၊ အကုသိုလ် အကျိုးပေး။ ကြမ္မာဆိုး: မကောင်း...

သက်ကြီး ဝါကြီး မိဘ ဆရာ ဇရာ လူအိုတွေကို သီတင်းကျွတ်ကာလမှာ ကန်တော့ကြသည်။ မွန်မြတ်သော ဆက်လက်ထိန်းသင့်သော မြန်မာ့ အစဉ်အလာကောင်း ယဉ်ကျေးမှုတခု ဖြစ်ပါသည်။ ကျွန်တော်လည်း လူအို၊ မိဘ၊ ဆရာမဟုတ်သောလည်း ဆရာဝန် ဖြစ်ပါသည်။ အကန်တော့ခံကြသူတွေ နောင်တချိန်မှာ - လူငယ်တွေ၊ သားသမီးတွေ၊ ကျောင်းသားကျောင်းသူနဲ့ တပည့်တွေက ခွင့်လွှတ်ကြသူတွေ ဖြစ်ကြပါစေသတည်း။ ဒေါက်တာတင့်ဆွေ

၁။ သက်ရှည်ကျမ္မာချမ်းသာကြပါစေ (Mandalay University Friends) ၂ ။ ကြမ္မာ နှင့် ကျမ္မာ အသုံးနှုန်း ကွဲပြားပါသလား ဆရာရှင့် ကြမ္မာ   = ကုသိုလ်ကံ၊ အကုသိုလ်ကံဟူသောအကြောင်းတရား။ ကြမ္မာကိုကား၊ ဘုရားသံဃာ၊ ပစ္စေကာမျှ၊ ဘယ်မှာဖီကား၊ လွတ်နိုင်ငြားအံ့။ မနော * ၈၉။ ၃ ။ ကံကျမ္မာ ကံကြမ္မာ ဘယ်စကားက မှန်ပါသလဲဆရာရှင့် ကံကျမ္မာ မမှန်ပါ။ ကျမ္မာ လို့ရေးရင် မှန်တယ်။ ကံကြမ္မာ = ကိုယ်၊ နှုတ်၊ စိတ်တခုခုဖြင့် ပြုလုပ်သောအမှု။ ကောင်းကျိုး၊ မကောင်းကျိုးကို ဖြစ်စေသော အကြောင်း။ ကံကြမ္မာကို ဇွတ်လွှဲမချရ။ ကျမ္မာ = ကျန်းမာ   ကျမ္မာလို့ အရင်ကရေးကြတယ်။ အခုတော့ ကျန်းမာလို့ရေးကြတယ်။ နှစ်မျိုးလုံးက နေကောင်းတာတွေပါပဲ။   မူကွဲသတ်ပုံဆိုတာလည်း ဟိုအရင်ကတည်းက ရှိခဲ့တယ်။ အဲတာကို တမျိုးတည်းလုပ်ခိုင်းတာ မသင့်ပါ။ ကျန်းမာ ကျမ္မာ မြန်မာ မြမ္မာ မြမ္မာပြည်သူပြည်သားတွေ ကျမ္မာချမ်းသာကြပါစေ။ မြန်မာပြည်သူပြည်သားတွေ ကျန်းမာချမ်းသာကြပါစေ။ အင်္ဂလိပ်စာလည်း တတ်ကြပါစေ။ အင်္ဂလိတ်စာလည်း တတ်ကြပါစေ။ ပဌမဆုရကြပါစေ။ ပထမဆုရကြပါစေ။ တရုတ်ကို သတိထားပါ။ တရုပ်ကိုသတိထားပါ။ လက်ဖက်ရည်လည်း သောက်ကောင်းကြပါစေ။ လ္ဘ...

(အလက်ဇန်းဒါးဒူးမတ်စ်) သူ၏ဖခင်မှာ ကျွန်းသာတဦး ဖြစ်၏။ အလက်ဇန်းဒါးဒူးမတ်စ်သည် အစဉ်သဖြင့် အံသြမှတ်သားဖွယ်များကို အားပါးတရနှင့် ရွှင်ရွှင်ပျပျပြောဆိုနေလေ့ရှိသူတဦးဖြစ်လေသည်။ မှတ်ချက် - ယခုခေတ် မြန်မာစာရေးဆရာများသည် အစဉ်သဖြင့် အံသြမှတ်သားဖွယ်များကို အားပါး'တစ်'ရ နှင့် ရွှင်ရွှင်ပျပျပြောဆိုနေလေ့ရှိသူ 'တစ်'ဦးများဖြစ်ကြလေသည်။ အဆိုပါ မြန်မာစာရေးဆရာများက ဘာသာပြန်ဆိုကြသည်မှာ - ဒါး‘တစ်’ညံ သည် အသက် ၁၈ နှစ်အရွယ်ရှိပြီး ရဲစွမ်းသတ္တိနှင့် ပြည့်စုံ၍ 'ဓား'ရေးအလွန်ကျွမ်းကျင်သည်။ ထို့ပြင် မြင်း ‘တစ်’စီးလည်း ပေးလိုက်သည်ဟူ၍ ဖြစ်ပါသည်။ (ပုံအတွက် ကျေးဇူး။) ဒေါက်တာတင့်ဆွေ

မေးခွန်းတခု = ဒီသီချင်းထဲက မင်းဂံက ဘယ်နယ်ကလဲ ဆရာ ရှာတဘက်ဆိုတာ ဘယ်လိုတဘက်ကိုခေါ်တာလဲ ကျွန်တော်လဲ ဒီသီချင်းကို ဟိုအရင်က ခဏခဏ ဆိုဖြင့်တယ် အခုတော့သီချင်းတွေ မငြီးဖြင့်(ဖြစ်) မဆိုဖြင့် (ဖြစ်)တာ ကြာပါပြီ ၆နှစ်လောက်ရှိပြီလို့ပြောရမှာပေါ့ ဆရာ  ပြန်စာ  (၁) ဘုတ်ရွာ: ပုသိမ်ကြီးမြို့နယ်၊ ဘုတ်ကျေးရွာအုပ်စုတွင် တည်ရှိသည်။ မင်းဂံရွာ၏ မြောက်ဘက်တွင် တည်ရှိပြီး မင်းဂံဘုတ်ရွာ အနေဖြင့်လည်း လူသိများသည်။ မင်းဂံရွာကို မင်းဂံရွာဟူ၍လည်းကောင်း မင်းကန်ရွာဟူ၍လည်းကောင်း ရေးထုံးနှစ်မျိုးလုံးကို သုံးပြီး ရေးလေ့ရှိကာ "မင်းဂံ"ဟုသာ အသံထွက်သည်။ မင်းဂံ(မင်းကန်)ဟူသောအမည်မှာ ရှေးမြန်မာမင်းများတူးဖော်ခဲ့သော ကန်အနီးတွင်တည်ရှိသည်ကို အစွဲပြုခေါ်ဝေါ်သည်ဟု သက်ကြီးစကား သက်ငယ်ကြားရင်း မှတ်သားရဖူးသည်။ မင်းဂံရွာ၏ အနောက်တောင်ဘက်ရှိ မြေနိမ့်ကွင်းပြင်ကျယ်ကြီးနေရာ၌ ထိုကန်ကြီးရှိခဲ့ဖူးသည်ဟု ဆိုကြသည်။ မင်းဂံရွာ၏ အနောက်အရပ်တွင် အင်္ကျယ်ရွာတည်ရှိသည်။ ပုဂံခေတ်က တောင်ပြုန်းမင်းနှစ်ပါးကြောင့် ရင်နင့်ဖွယ်အဖြစ်နှင့်ကြုံခဲ့ရသူ အင်္ကျယ်ရွာသူ မရွှေဥ၏ နေအိမ်တည်ရှိသောရွာ ဖြစ်သည်။  ဘုတ်ရွာ၊ မြိတ်မြို့နယ် ။ ဘုတ်ရွာ၊ ဒီပဲယင်းမြို့နယ်။ (၂) ...

'အားပါးတရ' ကို 'အားပါးတစ်ရ' လို့ရေးကြကုန်သော AI ကစသည့် ပညာရှိများစာရင်း တစိတ်တပိုင်း (၁) AI Overview "အားပါးတစ်ရ" (သို့မဟုတ် "အားရပါးရ") ဆိုသည်မှာ မြန်မာဘာသာစကားတွင် စိတ်လိုလက်ရ၊ အားကုန်လွှတ်၍၊ အပြည့်အဝဖြင့် (ဥပမာ- အားရပါးရ ရယ်မောသည်၊ အားရပါးရ သီချင်းဆိုသည်) ဟု အဓိပ္ပာယ်ရသော စကားလုံးအသုံးအနှုန်းဖြစ်သည်။ (၂) အားပါးတစ်ရပဲနော် တစ်ဦးတည်းကိုငါးရံမီးကင်အချိန်၁၀မှာသွားတာပါရှင့် ရန်ကုန်တီတီတစ် ... https://www.facebook.com › ... › Videos (၃) သူ့အဘွား မြူနေတာကို အားပါးတစ်ရ ရယ်နေတာ ခုတော့ vedio လေးက အမှတ်တရ ပေါ့ ရုပ်မပါပေမယ့် ... https://www.facebook.com › ... › Lölį ŁaṬt › Videos (၄)  စာတွေအားပါးတစ်ရလုပ် #familylife #happyfamily ・ စာတွေအားပါးတစ်ရ ・ rsulay original sound - chitmitharsulay (၅) Jun 26, 2026 — အားရပါးရ တစ်ယောက်တည်း သီချင်းဆိုနေတာ - with May Thet and Kyaw https://www.facebook.com › ... › Videos (၆) Extra cheese နဲ့ ဝက်ပေါင်ခြောက် pizza ကို catchup နဲ့အားပါးတစ်ရတို့စားပြီး ဆန္ဒတွေပြည့်ဝသွား ... https://www.wattpad.com › 10597... Gemini ဒေါက်တာတင့်ဆွ...

(ရွှေမင်းဂံ)  ရေး-နန်းတော်ရှေ့ဆရာတင် ဆို-ကိုအံ့ကြီး https://www.facebook.com/reel/2029436194424837 ရွှေမင်းဂံ (မင်းဂံဘုတ်) တေးပြု/ နန်းတော်ရှေ့ဆရာတင် တေးဆို/ မာမာအေး ကာမဘုမ္မိ တုမရှိဟု . . ဇာတိလူ့ပြည် . . မှာ . . . သန္ဓေတည် သား . . . ဘွားရာဇာ . . တိ၊ အဟုတ် အရင်းကိုခံ . . ကျမတို့ရဲ့ ဘုတ်မင်း . . ဂံ . . လိုဏ် . . နန္ဒမူ၊ သင်း ကြူကြူ သင်းပြန့် ကြူကာ . . . လူမစိုက်ပါ . . တဲ့ လူမစိုက်ပါ . . တဲ့ တောလိုက် ဘာသာ . . မာလာပန်း . . ကို . . မှ လက်လှမ်း . . . . ပန် ချင် . . စရာ . . ပိတုံး . . ရောင် . . ကေ . . သာ . . . ဖြန့်လိုက်ရင် တကိုယ်လုံး . . ဝေဝေဖြာဖြာ . . လွင်လွင် . . မင်းဂံဘုတ်ရွာသူ များ . . . အသားတော် . . ဝင်း . . ဝင်းလို့ ဝါဝါရီရွှင် . . ကြည်ကြည် လင်လင် ရေကြည် သောက်ရင် . . မြင် . . ရမလောက်ပင်၊ လည်တိုင် သေးပြီး နံဘေးကြည့်က သာလို့ယဉ် . . ရွှံ့ညွံထဲတွင် . . ကောက်ပဲသီးနှံ တဖန်စိုက်ရာ သွားကြည်ပါသော်လည်း . . ယဉ် . . ယဉ် . . ယဉ် . . အရှေ့တပြင် ဘွေအငူ တောသူတောင်သူ . . အပျို . . ပိုင်းက၊ နဂိုရ်အတိုင်း ခပ်ယဉ်ယဉ် . . ရှုစဖွယ် နုနယ် သူ့အရွယ် အော် . . နုနယ်၊ ရှုစဖွယ် သူ့အရွယ် မှုံမခြယ်ဘဲ နဲနဲကမှ မပြ...

ကွန်မင့်တခု - = လုမာဆိုးလို့ မှန် လုမာစိုးလို့ မှား အတာကိုဆိုလိုတာ လား ဆရာတင့်ဆွေ ပြန်စာ ' လုမာ ' ဆိုတာ လူအမည်လား မသိ။ မြန်မာလူမျိုးအမည်တော့ မဟုတ်။ ' အတာ ' ဆိုတာက လူအမည်။ ယောက်ျားလေး၊ မိန်းကလေးတွေ အမည်ဖြစ်သည်။ အ , တာ ဆိုက လူရည်မလည်တာ။ ' အဲတာ ' နဲ့ ' အဲဒါ ' ဆိုတာ တခုခုကို ညွှန်းပြောတာ။ အမှန်ခြစ် အမှားခြစ်တွေကို ပြင်လိုက်တယ်။ အမှန်ခြစ် အမှားခြစ်နဲ့ ရေးတာ၊ သင်တာတွေ တဝက်လောက်သာ မှန်တယ်။ လူအများစုကလည်း စာကိုမမှတ်။ ပုံနဲ့ သင်္ကေတလောက်သာ ကြည့်ကြတယ်။ 1.        ကင်ဆာဝေဒနာက စိုး(ဆိုး) တယ်ဗျာ နာတာကိုက်တာတအားပဲ တစ်ခါတစ်နေ (တခါတလေ) ပါးစပ်ကပါ အသံထွက်တဲ့အထိအော်ငြီးရတာ အကိုက်ခဲပြောက်ဆေး(ပျောက်ဆေး) သောက်လည်း မထူးပါဘူး သေမယ်မှန်းသိပေမဲ့ဝေဒနာကိုတော့ မခံစားချင်းဘူး ဘာဆေးတွေသောက်ရမှာလဲဗျာ စိတ်တော်တော်ညစ်နေပြီ 2.        ကျွန်တော် ကောင်မလေး ဖြစ်နေတာလေးမေးခွင့်ပြုပါခင်ဗျ ခုသူဆိုးရိမ်နေတာက နေ့ခင်းဘက် အိပ်ပျော်ရင် ဖြစ်မှာကို အရမ်းဆိုးရိမ်နေပါတယ် အချိန်ရရင် ကျေးဇူးပြု၍ ဖြေပေးပါခင်ဗျ (စိုးရိမ်လို့ ရေးရ။ ရောဂါဆိုးသွားမှာကို စိုးရိမ်သည်။) ...