တို့စာ တို့စကား တို့တိုင်းပြည်

အမြင့်ကြီးတွေဆို ကြောက်နေကြနိုင်သည်။ အမြင့်နေရာတွေကို တက်မအိပ်ရဲ၊ မနေရဲ။ သို့သော် ကံတရားကား ဆန်းကြယ်လှပေစွ။ အောက်ထပ်ကလူ ဖြစ်။ အထက်ထပ်ကလူ လွတ်တာလည်း ကြားသိရသည်။ အထက်ထပ်မှာနေသူ ခဏအောက်ဆင်း၊ အပြင်ထွက်၊ နောက်ထွက်၊ ရှေ့ထွက် လွတ်သတဲ့။ အမြင့်ချင်းတူပြန်ရင်လည်း ခံရတာမတူဘူးတဲ့။ ကျည်ကွယ်မျက်ကွယ်မှာနေနေသူ အလည်ပြန်တော့ ဒဏ်ထိသတဲ့။ ကံထမ်းလာတာကို မမြင်ရတဲ့။  ကံ လို့ ခေါ်ခေါ်၊ မခေါ်ခေါ် အကုသိုလ်ကံ၊ အကုသိုလ်ကံတရားတို့ကား ရှိပါသည်။ ၁။ ကိုယ်ဖြင့် ပြုလုပ်မှု ကာယကံ၊ ၂။ နှုတ်ဖြင့် ပြောဆိုမှု ဝစီကံ၊ ၃။ စိတ်ဖြင့် ကြံစည်မှု မနောကံ ဟူ၍ သုံးမျိုးရှိသည်။ လက်ငင်းဘဝမှာ တရားဆုံးအမအတိုင်း နေထိုင်ကျင့်ကြံသူတွေလည်း အတိတ်ဘဝကအကျိုးပေးကို အခုဘဝမှာ ခံကြရတတ်ပါသည်။  ၁။ ချက်ချင်းလက်ငင်း အကျိုးပေးသော (ဒိဋ္ဌဓမ္မ ဝေဒနိယကံ)  ၂။ နောင်ဘဝမှ အကျိုးပေးသော (ဥပ ပဇ္ဇဝေဒနိယ ကံ)  ၃။ ချက်ချင်းလက်ငင်း ယခုဘဝရော၊ နောင်ဘဝမှာပါ အကျိုးမပေးသေးဘဲ၊ တတိယ ဘဝမှသည် နိဗ္ဗာန် မရသေးမီ ကြားကာလတချိန်ချိန်တွင် အကျိုးပေးမည်။ (အပရာပရိယ ဝေဒနိယကံ)  ၄။ ချက်ချင်းလက်ငင်းလည်း အကျိုးပေးခွင့်မရဘဲ၊ ကြာလာရာမှ အခြားအင်အားကြီး ကံတခုခုရဲ့ ဖျက်ဆီးခြင်...

  ပုံကိုဒီနေ့ဘဲ တယောက်ကပို့တယ်။ ပုံကိုဒီနေ့ပဲ တယောက်ကပို့တယ်။ ဘယ်ဟာကမှန်သလဲဆိုတာရယ် ဘာကြောင့် ဒီလိုရေးမှမှန်သလဲ ဆိုတာရယ် အားရင် ရှင်းပြပေးပါ‌ဒေါက်တာ။ နည်းပညာခေတ်ဖြစ်လာတာကြောင့် ဒီလိုတအိမ်တက်ဆင်း ရှင်းနေမှာထက် ဆော့ဖ်ဝဲဖြစ်ဖြစ် အက်ပ်ပလီကေးရှန်း ဖြစ်ဖြစ်နဲ့ စံစနစ်ပြုစုရင် ပိုမိုမြန်ဆန်ပြီး ထိရောက်နိုင်တာကြောင့် တတ်နိုင်စွမ်းခဲ့ရင် ဖန်တီးဖို့ အကြံပြုတိုက်တွန်းပါရစေ ဒေါက်တာ။ ပဲ နဲ့ ဘဲ စာကို အကြိမ်များစွာ တင်ပြထားပါတယ်။ ထပ်တင်ရင် ဖတ်မိထားသူတွေကို အားနာရတယ်။ (၁) ဆရာဇော်ဂျီရဲ့ "ဗေဒါပျံအံကိုခဲ ပန်းပန်လျက်ဘဲ" ကို မူရင်းကဗျာ မဟုတ်ဘဲ မှားအောင်ပြင်ထုတ်လောက်ကိုသာ ဖတ်ဘူးကြသူတွေဖြစ်တယ်။ (၂) တက္ကသိုလ်ဘုန်းနိုင်ရေးတဲ့ “သူငယ်ချင်းလို့ဘဲ ဆက်၍ခေါ်မည်ခိုင်” မူရင်းဝတ္ထုမဟုတ်ဘဲ မှားအောင်ပြင်ထုတ်လောက်ကိုသာ မြင်ဘူးကြသူတွေဖြစ်တယ်။ (၃) ယောက်ျားများစွာဟာ ကလေးဆိုးကြီးတွေနဲ့ တူတာ အမှန်ဘဲ။ ဆေးရုံမှာ ကြည့်ပါလား။ သတ္တိချင်းယှဉ်ရင် မိန်းမတွေကို တဝက်မမှီဘူး။ (မောင် ကိုကို နှင့် မြနန္ဒာ ၁ ကြည်အေး) 1. ပန်းပန်လျက်ပဲ လို့ရေးတာက ဆိတ်အုပ်ကဗျာ https://burmese-spelling.blogspot.com/2023/02/blog-post_60.html 2. ပဲ န...

နောက်တက်လာမဲ့ အစိုးရလက်ထက်မှာ ဝ/သ (မန်း) ခေတ်ကလို ဘွဲ့ယူ၊ ဘွဲ့လွန် ကျောင်းသူကျောင်းသားတွေ စာသင်ယူနိုင်ရေးကြိုးပမ်းမယ်လို့ မြင်မက်ထားခဲ့တဲ့ ကျွန်တော့အိပ်မက်လည်း ၂၀၂၁ အစမှာ သေနတ်ဒဏ်နဲ့ ၂၀၂၅ မတ်လမှာ ငလျင်ဒဏ် ထိခံလိုက်ရပြီ။ ပြိုပျက်သွားတဲ့ နှစ် (၁၀၀) ပြည့်တော့မဲ့ သမိုင်းဝင် မန္တလေး တက္ကသိုလ်ကြီးရဲ့ မြင်ကွင်းပုံ https://www.facebook.com/watch/?v=995662309445572 (Sa Aing Htee Khant)  Dr. တင့်ဆွေ

  ကျမတို့ မန္တလေး GP အဖွဲ့က နေ့တိုင်း Group ထဲမှာ စာရင်း ရှင်းတမ်းထုတ်တယ်။ လှူထားတဲ့ ငွေတွေ တပြားမှ မလစ်ဟင်းစေရ။ ဆရာဝန်တွေ ကိုယ့်လက်ဖက်သုတ်နဲ့ ကိုယ်လာပါတယ်။ GP = General practitioner ၁။ အရေးပေါ်မဟုတ်သော ကျန်းမာရေးစောင့်ရှောက်မှု လိုအပ်ချက်များအတွက် လူနာ၏ ပထမဆုံး ထိတွေ့မှုအဖြစ် မကြာခဏ ဆောင်ရွက်ပေးသည့် ကျယ်ပြန့်သော ဆေးဘက်ဆိုင်ရာ စောင့်ရှောက်မှုပေးရန် လေ့ကျင့်သင်ကြားထားသည့် ဆရာဝန်ဖြစ်ပြီး၊ မိသားစုဆရာဝန်အဖြစ်လည်း ရည်ညွှန်းနိုင်သည်။ ၂။ GP ဆရာဝန်တဦးသည် အလုံးစုံ ရုပ်ပိုင်းဆိုင်ရာနှင့် စိတ်ပိုင်းဆိုင်ရာ ကျန်းမာရေးကို အာရုံစိုက်သည်။ ၎င်းတို့ကို မိသားစုဆရာဝန်များ သို့မဟုတ် အလုပ်သင်ဆရာဝန်များဟုလည်း ခေါ်ဝေါ်ကြသော်လည်း အနည်းငယ်ကွာခြားမှုရှိပါသည်။  American Board of Family Medicine မှ အသိအမှတ်ပြုမထားသော အထွေထွေရောဂါကုဆရာဝန်များသည် ၎င်းတို့ကိုယ်ကို မိသားစုဆရာဝန်များဟု မခေါ်ဆိုနိုင်ပါ။ တူညီသောအကြောင်းကြောင့်၊ ပြည်တွင်းဆေးပညာတွင် ဘုတ်အဖွဲ့လက်မှတ်မရှိသော အထွေထွေရောဂါကုဆရာဝန်များသည် ၎င်းတို့ကိုယ်ကို အလုပ်သင်များဟု မခေါ်ဆိုနိုင်ပေ။ မိသားစုဆရာဝန်များနှင့် အလုပ်သင်ဆရာဝန်အများအပြားသည် အထွေထွေရောဂါကု...

ကွန်မင့်တခု = ပထမဆုံး မြန်မာ-အင်္ဂလိပ် အဘိဓာန်နဲ့ပက်သက်ပြီး ခရစ်ယာန်အသိုင်းဝိုင်းမှာ A. JUDSONလိုပြောကြတာ ဘယ်လိုသဘောရလဲဆရာ၊ တချို့က မဟုတ်ဘူးပြောကြလို့… အဘိဓာန်များစာ တင်ပြထားပြီး။ သမိုင်းစာဆိုတာ ကွန်မင့်နေရာမှာ ဖြေလို့ မရနိုင်။ ပဌမဆုံး အင်္ဂလိတ် မြမ္မာ အဘိဓာန် The first Burmese–English dictionary compiled by Adoniram Judson appeared in 1826 and later in 1849 the second edition was published, which was better and more complete than the former edition. But it was enlarged by E.C Stevenson in 1893, with illustrative examples. The Judson Burmese-English dictionary by Judson, Adoniram, 1788-1850; Stevenson, Robert Charles, 1851-1905; Eveleth, F. H. (Frederick Howard), 1843-1932 Publication date 1921 Topics Burmese language -- Dictionaries English Publisher Rangoon, American Baptist Mission Press Collection cdl; americana Contributor University of California Libraries Language English; Burmese Item Size 1.2G မှတ်ရန် Judson English Burmese Dictionary 1877 အင်္ဂလိတ် မြမ္မာ အဘိဓာန် လို့ ရေးပါတယ...

(ကန်တော့) ဆရာ အရေးကြီးလို့ဖြေပေးပါနော် ကျမကတက္ကသိုလ်တက်နေပါတယ် အသက် ၂၁နှစ်ပါ ညီမအမျိုးသားနဲ့ဒီနေ့ည - မေးခွန်းမှာ ညီမအမျိုးသားလို့ရေးတာဟာ မတ်နဲ့ မရီးလို့ ထင်စေတယ်။ အမျိုးစပ်ခေါ်ဝေါ်သုံးစွဲပြီးရေးသား မေးကြတာတွေက ဖတ်ရတာ အခက်အခဲတွေ့စေကြောင်း ခဏခဏရေးပါတယ်။ မေးနည်းစည်းကမ်းမှာ အဘ-ဦးလေး-အကို အမျိုးတပ်မခေါ်ပါနဲ့။ မေးတဲ့သူကလည်း သမီး-သားလို့ မရေးကြပါနဲ့လို့ ထည့်ထားတာ အဲတာကြောင့်ဖြစ်တယ်။  သားလို့ရေးလာရင် မေးတဲ့သူရဲ့သားလား၊ သမီးလို့ရေးလာရင် မေးတဲ့သူရဲ့သမီးလား၊ သမီးရဲ့သမီးဆိုရင် သူ့မြေးမလေးလား၊ သားကောင်မလေးဆိုရင် ချွေးမလား၊ သမီးကောင်လေးဆိုရင် သားမက်လား စဉ်းစားရတယ်။ ကိုယ့်အမည်ကို အဖျားဆွတ်ခေါ်ပြီး ရေးတာတွေကလည်း ခေါင်းရှုတ်ရတယ်။ ဆရာဝန်ဆီစာရေးရင် ရိုးရိုး ရှင်းရှင်း လွယ်လွယ်လေးသာ ရေးကြစေချင်ပါတယ်။ ဒီအကြောင်းရေးတင်ရတာ ဆယ်ခါတော့ မကတော့ပါ။ ဒေါက်တာတင့်ဆွေ ၃-၄-၂၀၁၉

၁။ ဂရိတ် ဝေါ ဟော်တည် အသက်ရှင် သေးတဲ့ အမ ကိုယ်ဝန်ဆောင်သည် မအေး​အေး မိုးလို့သိရပါတယ် ၂။ ကျမ ကိုယ်ဝန်ဆောင်သည် ၃။ အသက်(၃၄)နှစ်အရွယ် ကိုယ်ဝန်ဆောင်သည် လူနာအမျိုးသမီးအား ၄။ ကိုယ်ဝန်ဆောင်သည် မိခင်နှင့် ကလေးပါ ပစ်သတ်ခဲ့သည့် တရားခံများအား ဖမ်းမိ စစ်ဆေးမှုများပြုလုပ်သည့် ရုပ်သံ ၅။ ရွှေ့ပြောင်း ကိုယ်ဝန်ဆောင်သည် ဘဝ | ဒို့အသံ ၆။ မအေးအေးမိုးသည် ကိုယ်ဝန်ငါးလလွယ်ထားသူဖြစ်ပြီး Great Wall Hotel ပြိုကျမှုတွင် ကယ်ဆယ်ရေးအဖွဲ့က မတ်လ ၃၀ရက်ည၌ ကယ်ထုတ်နိုင်ခဲ့သူဖြစ်သည်။ မှန်တယ်။ ကိုယ်ဝန်ဆောင်တဦးလို့သာ ရေးရတယ်။ ကျမ ကိုယ်ဝန်ဆောင်ထားပါသည်။ မှန်တယ်။ သည် = ဝါကျအဆုံးသတ် စကားလုံး။ လှလှသည် ရန်ကုန်၌ နေထိုင်သည်။ ကတ္ထားဖြစ်ကြောင်း ပြသော စကားလုံး။ ကင်ဆာရောဂါသည် စောစောသိအောင်လုပ်ပြီး စနစ်တကျဆေးကုသင့်သော ရောဂါတခုဖြစ်သည်။ ချစ်ရသည်က အသက်ထက်ဆုံး ရေး/ဆို - ကိုသန်းလှိုင် ဒြပ်မရှိ၊ ကိုင်တွယ်စမ်းသပ်၍မရ၊ မြင်လည်းမမြင်နိုင်၊ စိတ်ဖြင့်သာ တွေးတောသိနိုင်သော နာမ်ကို စိတ္တဇနာမ် ဟု ခေါ်သည်။ ပညာဟူသည် မြတ်ရွှေအိုး။ ကိုယ် ကိုင်တိုင်ကိုယ်ကြပ် ကိုယ့်ကိုယ်ကို အားကိုးပါ ကိုယ်ကျင့်တရား ကိုယ်ကျပ်အင်္ကျီ ကိုယ်ကျိုးနည်း ကိုယ်ကြပ်ဝတ် ကိုယ်ခံဆေး ကိုယ်ခန...

အယူအဆတခုကို အခိုင်အမာ စွဲကိုင်ထားတယ်လို့ ရေးရမှာလား၊ ဆွဲကိုင်ထားတယ်လို့ ရေးရမှာလား ဆရာ။ မှိုင်းစွဲနေတဲ့ လက်ဆွဲမီးအိမ်လေးတလုံးအတွက်နဲ့ တုတ်ဆွဲ ဓါးဆွဲ။ စွဲ စွဲချက်တင် စွဲငြိနေပြီ စွဲစွဲမြဲမြဲ စွဲလန်း စိတ်ထဲမှာစွဲနေ ဆေးစွဲနေသည် တပ်စွဲထားသည် တရားစွဲ နိုင်ငံရေးအစွဲ ဘာသာရေးအစွဲ ရောဂါစွဲကပ်နေသည် အတပ်စွဲသည် အသည်းစွဲ ဆွဲ ကမ္ဘာမြေကြီးဆွဲငင်အား ကြိုက်သလောက်သာ ဆွဲပေတော့။ စွဲလမ်းတမ်းတပို ရွှေရင်အသဲထဲမှာလှိုက်ဖို မောင့်မမငြိမ်းကို (ဝင်းဦးသီချင်း) ဆွဲ၍လိမ်သည် ဆွဲကြိုးချသေဆုံး ဆွဲကြိုးတန်ဆာ ဆွဲကိုင်သည် ဆွဲချိတ်ရှိသလား ဆွဲချိန်ခွင် ဆွဲချိုင့်နဲ့ ထမင်းဝယ်လာ ဆွဲခြင်းနဲ့ စျေးသွား ဆွဲငင်သည် ဆွဲဖြတ်သည် ဆွဲမီးအိမ် ဆွဲအံ (အံဆွဲ) ဆေးစွဲနေသူတွေကို ရဲကလာဆွဲသွားသည်။ ဆေးစွဲပြီးသောက်ပါ။ အချိန်ဆွဲမနေပါနှင့်။ တပ်စွဲထားသည်။ စစ်ပွဲကို အချိန်ဆွဲပြီးမတိုက်ပါနှင့်။ တုတ်ဆွဲ ဓါးဆွဲ ဒီဆိုင်မှာ စွဲစွဲမြဲမြဲစားပါတယ်။ နတ်အုန်းသီးဆွဲထားသည် နားသန်သီးဆွဲထားသည်။ ဆွဲကြိုးလည်းပါ၏။ နေ့ခင်းမှာ ဆိုက်ကားဆွဲ၏။ ပြိုင်ပွဲတွင် ပဌမစွဲ၏။ မှိုင်းစွဲနေတဲ့ လက်ဆွဲမီးအိမ်ကို ချိတ်ဆွဲထားသည်။ မီးပုံးဆွဲထားသည် မုံ့တပွဲလောက် ဆွဲခဲ့ပါ။ ရန်ကုန်နှင့် နေပြ...

Dr ၇လနန့်မွေးလိုက်ရပါတယ် လမစေ့ ပေါင်မပြည့်မွေးပါတယ် မေးခွန်း မပါ။ ဘာသိချင်သလဲ မသိပါ။  ၇ လနဲ့လို့ ရေးရတယ်။ နန့်ဆိုတာ  လူဒူးနန့်တာနဲ့ ခွေးအမြီးနန့်တာမှာသုံးတယ်။ လူနန့်ကြောဆွဲတယ်ဆိုတာ ဣန္ဒြေမဲ့ပြူမူတာ။ နန့်နန့်တက်ဆိုတာလည်း ဣန္ဒြေမရပြုမူတာတွေမှာ သုံးတယ်။  အလွန်နားထောင်လို့ကောင်းတဲ့ ခင်မောင်တိုးရဲ့ ပန်းချစ်သူသီချင်းကို ပျက်စေတဲ့ သီချင်းနောက်ခံစာသားများ။ (ပန်းလေးတစ်ပွင့်ရယ်) တဲ့။ (လက်နံ့ကွယ်) တဲ့။ (ယုယစွာထွေးဖွေ့) တဲ့။ နောက်လင့်တခု တွေ့ပြန်တယ်။ ပန်းချစ်သူဒို့လက်နဲ့ကွယ် (ခူးစွတ်ဖို့စိုးရွံ့လို့နေတယ်) တဲ့။ ဒေါက်တာတင့်ဆွေ

(ထုတ်နှုတ်ကူးယူတင်ပြပါသည်။ မူရင်းစာရေးသာ းတင်ထားသူ ကျေးဇူး။) ၂၀၂၅ ငလျင်က နှုတ်ယူသွားတဲ့ အဖိုးတန် လူသားတို့ထဲမှာ ဒီဆရာကြီးလည်း ပါသွားရှာတယ်။  ငလျင်မှာ ကွယ်လွန်သွားတဲ့ဆရာဝန်က ပင်နီကြမ်းတိုက်ပုံကိုကို အမြဲဝတ်လေ့ရှိပါသတဲ့။ အရင်တခေတ် မန္တလေးဆေးကျောင်းဆင်း ဆရာဝန်တိုင်း ဒီဆရာကြီးကို သိကြ မြင်ဖူးကြတယ်။  အနှီ ဒေါက်တာစိုးတင့် ဟု ခေါ်သော ဆရာကြီးဟာ ဖျင်ပင်နီတိုက်ပုံကိုသာ စမတ်ကျကျ ဝတ်စား ဆင်ယင်လို့ ၊  ၂၀၀၀ ပြည့်လွန်နှစ် အတန်းတွေတုန်းက ရေပန်းစားခဲ့သူ ပရဟိတ ဒေါက်တာကြီးပေါ့။ ငယ်ဘဝ အမှတ်တရနှင့်တကွ။ စိတ်၏ တထောင့်တနေရာမှာ အစဉ်ရိုသေလေးစားခဲ့ရသော ဆရာကြီးအား ဤ စာစုလေးဖြင့် ဂါရဝပြု ကန်တော့လိုက်ရပါသည်။ (Taw Phayar Nong တော်ဖုရားနောင်။ ၃ ဧပြီ ၂၀၂၅။) https://www.facebook.com/story.php?story_fbid=3025410930968472&id=  လူအများရဲ့ လေးစာခြင်းခံရတဲ့ ဆရာဝန်တဦးအကြောင်းကို ရေးထားတဲ့ဆရာဝန်ကလည်း စာကို မှန်အောင်ရေးပါတယ်။  သူတို့လည်း မန္တလေးဆေးကျောင်းထွက်တွေ။ ဒေါက်တာတင့်ဆွေ

ထမင်းကို ထမ္မင်းလို့ရေးထားတာ ကျွန်မငယ်ငယ်တုန်းက ဖတ်ဘူးခဲ့ပါတယ်ဆရာ။ ဘယ်စာလုံးပေါင်းကအမှန်ဖြစ်ပါလဲရှင့်။ တမင်း ကို အရင်က ထ္မင်း လို့လည်း ရေးကြတယ်။ ထမ္မင်း မမှန်ပါ။ အဲလိုရေးရင် ထမ်မင်း ဖြစ်သွားမယ်။ မြန်မာနှစ်လုံးဆင့်များ နှင့် မြန်မာအတိုကောက်များ  မိမ္မ မှားပါသလားခင်ဗျာ - မမှားပါ။ မြန်မာအဘိဓာန် အကျဉ်းချုပ် (၁၉၇၈) မြန်မာနှစ်လုံးဆင့်များ ပခုက္ကူ၊ စက္ကူ၊ ကုက္ကိုပင်၊ ယောက္ခမ၊ ခတ္တာပန်း၊ မိတ္တူ၊ ဝတ္တရား၊ သေတ္တာ၊ လပွတ္တာ၊ မုတ္တမ၊ ပိန္နဲတိုင်၊ လိမ္မာ၊ လိမ္မော်သီး၊ လမ္မတော်။ အတိုကောက်ရေးနည်းများ ကျမ္မာ = ကျန်းမာ ကြောက် = ကြောံ ခြီး = ခရီး ဆရာ = ဆြာ ဆြာ = ဆရာ ထောက် = ထောံ ထ္မင်း = ထမင်း ပျောက် = ပျောံ  ပုဒ္မ = ပုဒ်မ မြမ္မာ နဲ့ မြန်မာ မြောက် = မြောံ  မိမ္မ = မိန်းမ မောင် = င်  ယောက်ျား = ယောက်ကျား ယ္ခင် = ယခင် ယ္ခု = ယခု ရက်ကန်း၊ ယက်ကန်း၊ ယက္ကန်း  ရောက် = ရောံ  လကျာ် = လက်ယာ လကွဲ = လက်ဝဲ လက္ခံ = လက်ခံ လက္မ = လက်မ လဘက် = လက်ဖက် = လ္ဘက် = လက်ဘက် လိမ့်မည် = လိမ္မည် လိမ္မည် = လိမ့်မည် လ္ဆန်း = လဆန်း လ္ဆုတ် = လဆုတ် လ္နံ = လက်နက် သင်္ခန်း နဲ့ သင်ခန်း သည် = သှ်  သမတ = သမ္...

  "သဘောမပိုက်မသူ" ဆိုတာ ဘာကိုဆိုလိုတာလည်း ဆရာ၊ တကယ် မသိလို့ပါ၊ ရိုသေလေးစားစွာဖြင့် သဘောပိုက် (ကြိ) = (အသံထွက် သှဗောပိုက်) စိတ်၌ လက်ခံမှတ်ယူသည်။ “မေမေကြီးကလဲ သမီးလို သဘောပိုက်ပြီး သူနှစ်ချိုက်အောင် အလိုလိုက်ချင်တိုင်း လိုက်နေပါတယ်။” ဒေါက်တာတင့်ဆွေ

မဂ်လာပါ ဆရာ။ မနေ့က ကောမန့်မှာ မေးထားပါသည်။ မြေမျိုသည်ဟု ရေးရတာလား။ မြေမြိုသည်ဟု ရေးရတာလား သိချင်ပါတယ်။ မြေမျို = မြေအပြင်ကွဲအက်လျက် မြေအတွင်းသို့နစ်မြုပ်သွားသည်။ ဒေဝဒတ်ကို မြေမျိုသည်ဟုကြားလျှင်။ ဏိကုဏ်။ ၅၁၃။ “မြေမျို၍ လူမျိုးမပျောက်၊ လူမျိုမှ လူမျိုးပျောက်မည်” မြိုလူမျိုး မျိုချ အစာကိုမျို မျိုချ မျိုသိပ် ဒေဝဒတ်ကို မြေမျို ကြောင်ဖါးရဲ့ မြီးတံတို အဆီကိုစားပါလို့ အသားကို မျို ကြောင်အို ပေမှေး ကိုက်ပါနဲ့လေး။ ကစွန်းရွက်လို့လည်း ရေးပါတယ်။ ကီမာမြေ - မြိုလူမျိုး အကြောင်း သိကောင်းစရာ (Mro History) ပုံအတွက် ကျေးဇူး ဒေါက်တာတင့်ဆွေ

မက်ဆေ့ချ်တခု = ဒူးရင်းသီးကို ဒွင်းတဲ့။ စိန်တစ်လုံးသရက်သီး တဲ့။ စိန်တလုံးသရက်သီး စာလုံးပေါင်းကို နှစ်ပတ်လည်စာအဖြစ် ပေါ်လာတယ်။ ငလျင်ဘေးဒဏ်ဆိုးနေသေးချိန်ဖြစ်လို့ ညတုန်းက မတင်ခဲ့ပါ။ အခုတော့ တင်ပြပါရစေ။ Duren from Javanese = ဒူးရင်းသီး  စောစောကလည်း ခေတ်ကိုလက်ခံပါတဲ့။ မျိုချလို့မရတာကို အတင်းစားခိုင်းနေလေရဲ့။ ပို့ပေးတဲ့ စာအမှားပုံကို မတင်တော့ပါ။ လူအများစုက မှားပါတယ်လိုရင် လိုက်ရေးကြပြီး၊ ဆေးအတုပါပြောရင် ဘယ်မှာဝယ်ရမလဲ၊ ဘယ်လောက်ပေးရသလဲတဲ့။ ဒေါက်တာတင့်ဆွေ

(၁) ၁။ ပုဂံကျောက်စာ( AD-11ရာစု မြိမ္မာ ဟု၍ပါရှိသည် မြန်မာလို အဘယ်ပညာရှင် တီထွင်ခဲ့ပါသနည်း။ ကျွန်တော် အခုထိတော့ မသိသေးပါ။ ၂။ ကလေး/ခလေး ဖြစ်ကာမှ/ဖြစ်ခါမှ အဲ့ဒီအသုံးလေးတွေရော တင်ပေးပါဆရာ။ အပျို ဖြစ်ခါမှ အလိုချစ်တယ်တဲ့ ကြက်သရစ်လို ကိုယ်မရစ်လာနဲ့ သည်လိုပင် ဆိုသံကြားပါရဲ့ လျှာဖျားသံ တလိမ့်ထိုး တော့်စိတ်မရိုး။ (တင်မိုး) ရပ်ရိပ် ရွာရိပ် https://burmese-spelling.blogspot.com/2022/11/blog-post_270.html ကလေး နှင့် ခလေး https://burmese-spelling.blogspot.com/2023/02/blog-post_23.html ကျမ အမရဲ့ ခလေး https://burmese-spelling.blogspot.com/2023/02/blog-post_299.html မေးလို့သာ ဖြေရသည့်စာများ (၂) တတ် နှင့် တက် ၃။ မကိုင်တတ်ဘူး မလုပ်တတ်ဘူး တို့ကို ကိုင်မတတ်ဘူး လုပ်မတတ်ဘူး လို့ ရေးနေတဲ့လူတွေကရော မှန်လားဗျ တတ် နှင့် တက် https://burmese-spelling.blogspot.com/2024/02/blog-post_149.html တတ် နှင့် တက် (၂) https://burmese-spelling.blogspot.com/2024/10/blog-post_57.html ဒေါက်တာတင့်ဆွေ

ကွန်မင့်တခု = ခေတ်ရေစီးကြောင်းကိုလက်ခံပါ အမှန်ကိုရှင်းပြပါ ဒါဟာလူကြီးတစ်ယောက်(တယောက်)လုပ်ရမယ့်အလုပ်ပါ မပုတ်ခတ်ရပါ ပြန်ကြားချက် ကျွန်တော် ခေတ်အပြောင်းအလဲများစာ အကိုးအကားတွေနဲ့တကွ ၃-၄ ပုဒ် တင်ပြထားတယ်။  ကနေ့ခေတ်က အခုမြင် အခုပျောက်။ တယောက် တပေါက်။ ဗြောက်သောက်။  'မွန်းဂါး' ဆိုင် ပိတ်ပြီ။ 'မွတ်ငါး' လည်း မရောင်းတော့။ 'ချစ်သော' နဲ့ 'အပန်းရောင်' တို့က ဆိုင်သစ်တွေ။ 'ပါပီ' ကတော့ ဖွင့်တာ နည်းနည်း ကြာပြီ။ ရောင်းကောင်းသေးတယ်။ မတ်လထဲတုန်းကတွေ့တာတွေ အခုတော့ စုပ်စမြုပ်စပျောက်ကုန်ပြီ။  ဒီနေ့ အသစ် ၉၆ မျိုးလောက်လာမယ်။ လျက်ဆားနဲ့ ပျောက်သွားမယ်။ ပုံအတွက် ကျေးဇူး။ ဒေါက်တာတင့်ဆွေ

'မြမ္မာ' ဆိုတာကရော ဘယ်လို အဓိပ္ပါယ်လဲ ဆရာ။ ကူးတင်ပြပါမည်။ ကိုယ်တိုင် ကူးရေးတာ မဟုတ်ပါ။ မူရင်းတင်ထားသူ ကျေးဇူး။ (အင်းဝခေတ် ရွှေယင်မြော် ရှင်ဥက္ကံသမာလာ ဆရာတော်၏ သတ်ပုံအတိုင်း တနင်္ဂနွေမင်းလက်ထက်မှ သီပေါမင်းလက်ထက်တိုင် မြန်မာမင်းအဆက်ဆက် သတ်မှတ်ခဲ့သော အမျိုး၊ ဘာသာ သတ်ပုံမှန်) "အကြင်လူသည်။ တံ၊ ထိုမင်းကို။ မာနေတိ၊ မြတ်နိုးတတ်သော။ ဣတိတသ္မာ၊ ထိုသို့ အရှင်ကို မြတ်နိုးတတ်သော သတ္တိကြောင့်။ သောဇနော၊ ထိုလူသည်။ မြမ္မာ၊ မြမ္မာမည်၏။ မြမ္မာ၊ မင်းကို မြတ်နိုးတတ်သည်။ ဤဝစနတ္တ၌ မ-သဒ္ဒါသည် ပရိသတ်ကို ဟော၏။ ရာ-သဒ္ဒါသည် (ယူခြင်းအနက်ကို ဟော၏ဟု ဧကက္ခရကောသလမှ လာသောကြောင့် ရှေ့ဝိကပ်၌ မသဒ္ဒုပရာဓာတ် 'မရ' ဟူသော ရုပ်ပြီးကို စီရင်သည်။ နောက်ဝိကပ်၌ မရမာဓာတ် ကြံသည်။ 'မာ' ဓာတ်) သည် မြတ်နိုးခြင်းကို ဟော၏ဟု ကျမ်းကလာသောကြောင့် 'မြမ္မာ' ဟူသော ရုပ်ပြီး စီရင်သည်။ ထိုဝစနတ္တတို့တွင် ရှေ့ဝိကပ်၌ အရကား ၁ပါး၊ ဝတ္ထု ၄ ပါး၊ အား ၅ ပါး၊ ရာဇဓမ္မ ဆယ်ပါး အစရှိသော ကျေးဇူးတို့နှင့် ပြည့်စုံသော သုနာပရန္တတိုင်း တမ္ပဒီပတိုင်း စသော အတိုင်းတိုင်း၌ နေကုန်သော လူအပေါင်းတို့ကို အုပ်စိုးခြင်းငှါ စွမ်းနိုင်သော ဘုန်းတန...

၁။ စာသိပ်မတတ်လို့မှားတဲ့သူတွေကတော်သေးတယ်ဆရာရေ တချို့ကဒဿနတွေရေးတင်ပြီး စာလုံးပေါင်းတွေကတလွဲ ချစ်သောတို့ရေလို့ အစချီရေးတာကရှိသေး သူတို့ကိုယ်သူတို့လည်း မင်မင်ကလေတဲ့ ၂။ "ချစ်​သောတို့" ဆိုတာက ဘာကိုရည်ညွန်းတာလဲ နည်းနည်းရှင်းပြပါ။ 'ချစ်သော' ဆိုတာ 'ချစ်ပေါ' ရဲ့ အကို။ 'ချစ်ချော' ရဲ့ အမ။ ၃။ 'မင်မင်' ဆိုတာ 'ခင်ခင်' ရဲ့ အမ။ 'ဆင်ဆင်' ရဲ့ ညီမ။  'ကင်ကင်' ဆိုတာ 'ဘာဘီကျူး'။ ကင်ဆာဆေးရုံရှေ့မှာရောင်းတယ်။ 'ကာကာ' ဆိုလည်းရှိသေး။ 'လာလာဝယ်' နဲ့  'ခြာခြာလည်' တို့ရဲ့အမျိုးတွေ။ ဒေါက်တာတင့်ဆွေ

အေး ကောင်းတယ်။ အင်ဒီယာနာ ကော။ ကောင်းတယ်။ မင့်အိမ်။ ကိုယ့်အိမ်ကတော့ နံရံအက်။ အသက်တော့မထွက်။ တော်သေးတာပေါ့။ ဒို့ဆေးကျောင်း မီးလောင်ဆို။ ဝ/သ လည်းလောင်တယ်ကွ။ ပညာတွေ မီးသင့်ခံရတာတော့ ကြာပြီလေကွာ။ အေးကွာ လိုင်းရတုန်း ဆက်ရတာ ကျန်းမာအောင်နေဟေ့။ အေး မသေသေသေး တွေ့ကြဦးမှာပေါ့ကွာ။ မကြာလောက်ပါဘူးကွာ။ ဒေါက်တာတင့်ဆွေ

တိုတိုတိတိရေးတော့ သဘောမပိုက်မသူတွေလည်း ရှိသည်။ ဖြည့်စွက်ပြီး ပြန်ဖြေပါသည်။ သိတဲ့သူတွေ ပိုသိသွားကြသည်။ ကောင်း၏။ ဆိုပါစို့  ဦးဘ သည် ရွာအတွက် ဘုရားတည်ပေးသည်။ ဖတ်မိသူတိုင်းက သာဓုတွေ ခေါ်ကြသည်။ လူနည်းနည်းကတော့ ဦးဘ ပိုက်ဆံတွေ ဘယ်ကရသလဲကို သိကြသည်။ ဘာဖြစ်ဖြစ် ဘုရားတည်တာ သာဓုသာခေါ်ရမည်ဟု ထပ်မံပြောဆိုကြကုန်၏။ နောက်ဥပမာ ရွာ လမ်းဖေါက်ရာသို့ မြို့ကနေ အကူအညီလာပေးသည်။ ဖတ်မိသူတိုင်းက သာဓုတွေ ခေါ်ကြသည်။ လူနည်းနည်းကတော့ မြို့သားတွေထဲမှာ ဆိုးပေပါတာကိုပါသိကြ၏။ ရွာထဲက အိမ်ချို့ အခိုးခံလိုက်ရ၏။ လမ်းဖေါက်လာကူတာ သာဓုသာခေါ်ရမည်ဟု ထပ်မံပြောဆိုကြကုန်၏။ ဝါဝါမြင်တိုင်း ရွှေဗမာဖြစ်၏။ ဒေါက်တာတင့်ဆွေ

၁။ ဆရာပြောတာကို နားမလည်ပါ  ၂။ ကြိယာဝိသေသန 'တညီတညွတ်' ကို 'တစ်ညီတစ်ညွတ်' လို့ မှားရေးထားတာ တညီတညွတ် စာလုံးလေးကိုတောင် မညီမညွတ် ရေးနေကြတယ်။ ဟိုအရင်က တညီတညွတ်လို့သာ တတိုင်းတပြည်လုံးမှာ ရေးခဲ့ကြတယ်။ အခုတော့ ငါရေးတာသာ မှန်သတဲ့ လူ ၄ မျိုးက ပြောနေကြတယ်။ ၃။ ကျေးဇူးပါ အခုမှ စာလုံးပေါင်းကို သတိထားမိတယ် 1. လားကပ်မယ်တူတူ တစ်ညီတစ်ညွတ် 2. ၂၁ ရာစု ပင်လုံ ညီလာခံသို့ တစ်ညီတစ်ညွတ် ... 3. အသင်းတော်၌ တစ်ညီတစ်ညွတ်တည်း ... 4. အမျိုးသမီး‌တွေရဲ့ အက တစ်ညီတညွတ်နဲ့ 5. ၂၁ ရာစု ပင်လုံ ညီလာခံသို့ တစ်ညီတစ်ညွှတ် အတူတကွ သွားနိုင်ရန် လိုအပ်သည့် ပြင်ဆင်မှုကိုသာ အဓိက ဆွေးနွေးပြီး တူညီသော ဘုံသဘောထား ရပ်တည်ချက်များ ချမှတ်နိုင်ရန် အရေးကြီးကြောင်း တိုင်းရင်းသား လက်နက်ကိုင် အဖွဲ့ 6. အပိုဒ် ၅၈။ ... ၁။ ကမ္ဘာ့ကုလသမဂ္ဂအဖွဲ့သည်၊ အထူးကိုယ်စားလှယ် အဖွဲ့ အစည်းများ၏ ဝါဒများကို လုပ်ငန်းများ တစ်ညီတစ်ညွတ် တည်းရှိအောင် ညှိနှိုင်းရေးအတွက်၊ ထောက်ခံချက်များ တင်ပြရမည်။ 7. တစ်ညီတညွတ် နဲ့ တညီတညွတ် ဘယ်ဟာမှန်ပါသလဲရှင် အမျိုးမျိုးသုံးနေကြတာတွေ့လို့ပါ. 8. အယ်လ်ဂျာဇီရာ သတင်းဌာနဟာ သွေးထိုးမှုတွေ လုပ်နေတယ်လို့ မစ္စတာ နက...

ကွန်မင့်တခု = ကချင်နဲ့ချင်းတိုင်းရင်းသားတွေမှာ ကိုယ်ပိုင် ဗျည်း သရ အက္ခရာမရှိဘူးလေ အင်္ဂလိပ်ခေတ်က တောင်တန်းသာသနာပြု ခရစ်ယာန်ဘုန်းကြီးတွေက သူတို့အသံထွက်အတိုင်း အင်္ဂလိပ်အက္ခရာနဲ့ဆီလျှော်အောင်ရေးပြီးသင်ပေးခဲ့တာ ပြန်ကြားချက် စောစောက KIA ထုတ်ပြန်ချက်ကို ကိုးကားပြီး တင်လိုက်သေးတယ်။ ထုန်ပြန်ချက်တရပ် လို့ မှန်အောင်ရေးပါတယ်။ သီချင်းတွေရေးတဲ့ စိုင်းခမ်းလိတ်က ရှမ်း။  ချင်းလူမျိုးစုထဲမှာ ကဗျာရေးသူ ၂ ဦး တွေ့ဘူးတယ်။ သတ်ပုံလည်း မှန်ကြတယ်။  နောက်ဖရင်းတယောက်က မင်းတပ်က။ မြန်မာလို သတ်ပုံ၊ အင်္ဂလိပ်လို စပယ်လင် မှန်တယ်။  ဖရင်းထဲက ပအို့ဝ် အမျိုးသမီးတဦး သတ်ပုံမှန်တယ်။  ကရင်လူမျိုးစုထဲမှာ သတ်ပုံမှန်အောင်ရေးတတ်သူတွေကို သိတယ်။ မြန်မာပြည်မှာ Baptist Christianity စတင်သူတွေထဲက ထင်ရှားသူတဦးဟာ Judson ခေါ် ယုဒသန်။ အင်္ဂလိတ်-မြမ္မာ အဘိဓာန်၊ မြမ္မာ-အင်္ဂလိတ် အဘိဓာန်၊ မြမ္မာသဒ္ဒါစာအုပ်တွေထုတ်တယ်။ အားလုံး သတ်ပုံရော သဒ္ဒါပါ မှန်တယ်။ ဒေါက်တာတင့်ဆွေ

စကစ ကို တစ်ညီတစ်ညွတ်တည်း တစ်ညီတညွတ်တည်း တညီတစ်ညွတ်တည်း ကန့်ကွက်ကြပါသတဲ့။ တညီတညွတ်မရှိတဲ့တိုင်းပြည်ဖြစ်ပါသည်။ ဒေါက်တာတင့်ဆွေ

Strong minds discuss ideas, average minds discuss events, weak minds discuss people. (Socrates) ခိုင်မာသောစိတ်(ရှိသူ)များသည် အတွေးအခေါ်များကို ဆွေးနွေးကြသည်။  သာမန်စိတ်(ရှိသူ)များသည် အဖြစ်အပျက်များကို ဆွေးနွေးကြသည်။ အားနည်းသောစိတ်(ရှိသူ)များက လူများအကြောင်းကို ဆွေးနွေးကြသည်။ (ဆိုကရေးတီး) ဒေါက်တာတင့်ဆွေ

၄/၂/၂၀၂၅ ဘီဘီစီ မန္တလေးမြို့ကြီးကို မြန်မာနိုင်ငံ ငလျင်ဘေးမှ အသက်ရှင်ကျန်ရစ်သူများအတွက် ကြီးမားသော အပျက်အစီးနှင့် အကူအညီ အနည်းငယ်သာ ရှာဖွေတွေ့ရှိခဲ့သည်။ မန္တလေးသို့ မောင်းနှင်လာစဉ် လွန်ခဲ့သည့်သောကြာနေ့ ငလျင်ကြောင့် ပျက်စီးမှု အတိုင်းအတာသည် တဖြည်းဖြည်း ပေါ်လာပြီ။ အထူးသဖြင့် မြို့ရဲ့ မြောက်ပိုင်းနဲ့ အလယ်ပိုင်းမှာရှိတဲ့ လမ်းတိုင်းလိုလိုမှာ အနည်းဆုံး အဆောက်အဦတခု လုံးလုံးပြိုကျပြီး အပျက်အစီးပုံတွေ ဖြစ်သွားပါတယ်။ တချို့လမ်းတွေမှာ ပြိုကျလာတဲ့ အဆောက်အဦတွေ အများကြီးရှိတယ်။ ကျွန်တော်တို့မြင်ရတဲ့ အဆောက်အဦတိုင်းလိုလိုမှာ အနည်းဆုံး နံရံတခုကနေတဆင့် အက်ကြောင်းတွေ ပေါက်ထွက်နေတာကြောင့် ဝင်ဖို့မလုံခြုံပါဘူး။ မန္တလေးဆေးရုံကြီးမှာ လူနာတွေကို အပြင်မှာ ကုသနေရတယ်။ ငလျင်လှုပ်ခတ်ပြီးတဲ့ နောက်မှာ နိုင်ငံခြား သတင်းထောက်တွေကို နိုင်ငံတွင်းကို ဝင်ခွင့်မပြုဘူးလို့ မြန်မာစစ်တပ်က ပြောထားတာကြောင့် လျှို့ဝှက်ထောက်လှမ်းခဲ့ပါတယ်။ ဘာကြောင့်လဲဆိုတော့ တိုင်းပြည်က ကိုယ့်လူတွေကို သူလျှိုလုပ်ထားတဲ့ လျှို့ဝှက်ရဲတွေနဲ့ ရှုပ်ပွနေတာကြောင့် သေသေချာချာ လည်ပတ်နေရတယ်။ ကျွန်ုပ်တို့မျက်မြင်တွေ့ခဲ့ရသည်မှာ ဤကြီးမားလှသော ဘေးဥပဒ်ကို ရင်ဆိုင...

ဆရာခင်ဗျ သင်ကြားလိုစိတ်ရှိသောကြောင့် မေးမြန်းရတာပါ သူငယ်ချင်းနှစ်ယောက်ရှိပါတယ် တစ်ယောက်(တယောက်)က အောင်နိုင်ဟိန်း တစ်ယောက်(တယောက်)က အောင်မိုးဟိဏ်း။ ဟိန်း နဲ့ ဟိဏ်း က ဘယ်လိုမျိုးကွာနေရတာလဲ ဆရာ။ ဟိဏ်းလို့ သတ်ပုံကျမ်းတွေမှာ မရှိပါ။ ဒါပေမဲ့ လူအမည်၊ ဆိုင်အမည်၊ ကုန်အမည်တွေကို ထင်သလိုရေးတာမျိုးလည်း ရှိပါတယ်။ ဟိန်း = ကြီးကျယ်ခမ်းနားသည်။ ကျောင်းကြီးဟိန်းအောင်ဆောက်လုပ်မယ်။ မှိုင်းဋီကာ။ ၁၇။ ဟိန်း (ကျား၊ ကျားသစ် စသည်) ဟိန်းချ ဟိန်းနေအောင်ကြီး အိမ်ကြီးက ဟိန်းနေတာဘဲ ဟိန်းဟောက် ဒေါက်တာတင့်ဆွေ

မင်္ဂလာပါ ဆရာ မြန်မာစာလုံးပေါင်းသတ်ပုံလေး မေးခွင့်ပြုပါဗျ ငုပ်တုပ်ထိုင် နဲ့ ငုပ်တုတ်ထိုင် ဘယ်ဟာအမှန်လဲမသိနော် ဆရာ  ဆရာအဆင်ပြေတဲ့အချိန်မှ ဖြေပေးပါနော် ငုတ်တုတ်ထိုင် ငုတ်တုတ်ထောင်  ငုတ်တုတ်ပေါ်။ ပျဉ်ချပ်ကျိုး၍ မုဆိုးငုတ်တုတ်ပေါ်လေ၏။  ခုနစ်လ လူငုတ်တုတ်၊ သွားငုတ်တုတ်။ ရွှေဇိကွက် ဟိုတနေ့က၊ စျေးကြိုဝတွင် ဝဝတုတ်တုတ်၊ ဇိကွက်ရုပ်ကို ငုတ်တုတ် မြင်လိုက်မိပါသည်။ (မင်းသုဝဏ်) ဒေါက်တာတင့်ဆွေ

ငလျင်ကြောင့် လူအများစုဟာ အိမ်ပေါ် တိုက်ပေါ် တဲပေါ်တွေမှာ မအိပ်ရဲ့တော့ပါ။ ခြံဝင်းထဲ၊ လမ်းပေါ်၊ မြက်ခင်းပေါ်၊ ပလက်ဖေါင်းပေါ် စတဲ့နေရာတွေမှာ အခင်းတခုခုခင်းပြီး အိပ်စက်ကြရတယ်။ ဟိုတခေတ်တုန်းကတော့ ဆင်းရဲတဲ့သူတွေရဲ့ဘဝကို မြေကြီးနဲ့ နီးသူတွေလို့ ပုံဖေါ်ခဲ့ကြတယ်။ ကျန်းမာရေးဘက်ကနေကြည့်ရင် အခင်းကညီညာပြီး မာကြောတာ လူကြီးတွေနဲ့ ခါးနာသူတွေအတွက် သင့်တော်ပါတယ်။ ကလေးတွေ လူရွယ်တွေအတွက်တော့ ခက်နိုင်တယ်။  အခင်းကိုသာ ဝါကျနှစ်ကြောင်းနဲ့ တင်ပြရတာဖြစ်ပါတယ်။ အမိုး၊ အကာ မပါသေး။ ခြင်တွေ၊ ယင်ကောင်တွေ၊ မသန့်တဲ့သောက်ရ သုံးရေ။ နေ၊ မိုး၊ အပူချိန်။ ရေအသက် တမနက်။ ထမင်းအသက် ခုနစ်ရက်လို့တော့ဆိုတယ်။ ကိုယ်အင်္ဂါ ထိခိုက်ဒဏ်ရာ။  စိတ်ဒဏ်ဆိုတာ နှစ်တွေနဲ့အထိကြာလေ့ရှိတယ်။ ဒေါ်မြမြအေးက ဟိုလွန်ခဲ့တဲ့ နှစ်ပေါင်း ၅၀ ကျော်က နေအိမ်ကို မီးသင့်ခံရစဉ်က စိတ်ဒဏ်ရာကို ပြန်ပြောပြနေတယ်။ ဒဏ်ခံနေရသူတွေအတွက် နက်ဖြန်ဆိုတဲ့အနာဂတ်ကိုက ရှည်လွန်းမယ်။ မြေကြီးနဲ့နီးသူများ ကိုယ်ရော စိတ်ပါ လျင်မြန်စွာ ကျန်းမာလာကြပါစေသတည်း။ Sleeping Ground Royalty-Free Images, Stock Photos & Pictures | Shutterstock Infections after earthquake ငလျင်နောက်ဆက်တွဲ...

စောစောက ပဲနီပြုတ်ဆွမ်းလောင်းတဲ့စာ တင်သေးတယ်။ အခုတခါ ပဲပြုတ်စည်သွတ်ဗူး။ အသင့်စားသုံးလို့ရတယ်။  ငလျင်ဘေးသင့်သူတွေကို ကူညီထောက်ပံ့ရာမှာ အသုံးဝင်တယ်။ ပဲပြုတ်စည်သွတ်ဗူးတွေကို ဗူးဖေါက်ပြီး စားသုံးနိုင်တယ်။ ပြုတ်စရာမလို၊ ကြော်နေစရာလည်း မလိုအပ်ပါ။ ဈေးလည်း ချိုတယ်။ ပဲကလည်း အမျိုးမျိုး။ အစပ်ပါတာ မပါတာ။ အသားပါတာ မပါတာ။ ရိုးရိုးပဲပြုတ်တဗူး ၈၉ ဆင့်သာပေးရတယ်။ 1. Kroger® Dark Red Kidney Beans 15.5 oz $0.89 2. Kroger® Pinto Beans $0.89 3. Bush's Canned Garbanzo Beans, Canned Chickpeas, 16 oz Can $1.28 4. Bush's Canned Beans, 16 oz Can $1.28 5. Bush's Cannellini Beans, Canned White Kidney Beans, 15.5 oz Ca $1.28 6. Chili with Beans – Canned – 15 oz. $1.50  7. B&M Baked Beans $1.86 8. Van Camp's Pork And Beans Canned Beans - 15 Oz $2.29  9. Yellowstone Brand Beef and Baked Beans in Barbeque Sauce, 15 oz. $2.67 10. Bush's Brown Sugar Hickory Baked Beans 28 oz $2.79 ဒေါက်တာတင့်ဆွေ

UNICEF USA မတ် ၂၉၊ ၂၀၂၅ UNICEF အဖွဲ့များသည် မြေပြင်တွင် ပျက်စီးဆုံးရှုံးမှုများကို အကဲဖြတ်ကာ မရှိမဖြစ်လိုအပ်သော ဝန်ဆောင်မှုများမှ ဖြတ်တောက်ထားသော ကလေးများအတွက် အရေးပေါ်အကူအညီများ ပေးဆောင်လျက်ရှိသည်။ ငလျင်သည် ပြင်းထန်သော ပဋိပက္ခများနှင့် ရာသီဥတုဆိုင်ရာ လှုပ်ခတ်မှုများနှင့်အတူ ရုန်းကန်နေရသော နိုင်ငံအတွက် နောက်ဆုံးထိုးနှက်ချက်ဖြစ်သည်။  မြန်မာနိုင်ငံ အလယ်ပိုင်းတွင် ဖြစ်ပွားနေသော ငလျင်သည် ရစ်ချ်တာစကေး ၇.၇ ရှိသည့် ငလျင်ကြောင့် မြန်မာနိုင်ငံ အလယ်ပိုင်းတွင် နေ့လယ် ၁၂ နာရီ ၅၀ မိနစ်တွင် လှုပ်ခတ်သွားသော ငလျင်ဒဏ်ကြောင့် သန်းနှင့်ချီသော ကလေးသူငယ်များ ထိခိုက်နစ်နာနေသည့် မြန်မာနိုင်ငံတွင် ဖြစ်ပွားနေသည့် အကျပ်အတည်းကို UNICEF အဖွဲ့များက တုံ့ပြန်ဆောင်ရွက်နေပြီဖြစ်သည်။ မတ်လ ၂၈ ရက် ၂၀၂၅ ရက်နေ့တွင် လှုပ်ခတ်ခဲ့သော ငလျင်၏ဗဟိုချက်မှာ မြန်မာနိုင်ငံ၏ ဒုတိယအကြီးဆုံးမြို့ဖြစ်သည့် မန္တလေးမြို့၏ အပြင်ဘက်၌ တည်ရှိပြီး၊ ၁၂ မိနစ်အကြာတွင် ပြင်းအား ၆.၄ ရှိသော နောက်ဆက်တွဲ ငလျင်တခု လှုပ်ခတ်သွားခဲ့သည်။ ကနဦး အစီရင်ခံစာများအရ စစ်ကိုင်းတိုင်းဒေသကြီး၊ နေပြည်တော်နှင့် မန္တလေးတို့တွင် ဆိုးရွားစွာ ပျက်စီးဆုံးရှုံးမှုများ ရှိနေ...

ဥပမာထား တင်စားမှု အမျိုးမျိုးရှိတယ်။ ရေနစ်သူအဖို့ ကောက်ရိုးမျှင်ကလေးတခုကိုပင် အားကိုးတကြီးဆွဲယူမိကြတယ်။  ကုလားအုပ် ကျောရိုးကိုကျိုးစေခဲ့တဲ့ နောက်ဆုံးကောက်ရိုးတမျှင်ဆိုတာလည်း ရှိသေးသည်။ ပုံမှန်အားဖြင့်တော့ အသေးအမွှားလေးသာဖြစ်ပေမဲ့ ဆက်တိုက်ကြုံနေခဲ့ရတဲ့ အခက်အခဲတွေအဆုံးက လုံးဝဥသုံမပျက်စီးမီ ကြုံရတတ်တဲ့ နောက်ဆုံးပေးလိုက်တဲ့ဒုက္ခကို ဆိုလိုပါတယ်။ နုယဉ်၏ 'ယာခင်းသာ' ကဗျာ အဖီဆွဲသည့် တဲလေးငယ်ငယ်၊ ဆယ်ပေ ကျယ်၏ နောက်ဝယ် တလင်း၊ ကနားဖျင်း၌ ပျိုးခင်းမြေခုံ သာသည်နှင့်။ သပွတ် ခဝဲ၊ ဖရုံ တွဲလျက် ပဲလည်း စင်ပြိုင်၊ ငရုတ် လှိုင်၍ ဖီးခိုင် ငှက်ပျော၊ ခရမ်း ပေါကာ ရှုမောဖွယ်ရာ သာသည်နှင့်။ ယာခင်း တဖက်၊ ကျဉ်းတကွက်၌ မို့လျက် မြေဆွေး၊ ကောက်ရိုး ထွေး၍ မိုးသေး တပြိုက်၊ ရွာပြီး လိုက်မှ ဖူးအိုက် ငုံအာ၊ မှိုခင်းသာ၍ မြေစာရနံ့ သင်းသည်နှင့်။  ဒေါက်တာတင့်ဆွေ

အရင်းခေါက်ခေါက် မဟုတ်ပေမဲ့ အမျိုးအဆွေထဲက ၂ ယောက် ငလျင်ဘေးနဲ့ ဆုံးပါးကြပါတယ်။ သတင်းသေချာအောင်ကလည်း အတော်လိုက်ရတယ်။ ဆရာဝန်တယောက်၊ စာသင်ဆရာမတယောက်။ မန္တလေးက။ ဘယ်သူမှ ဘယ်တော့၊ ဘယ်နေရာမှာ၊ ဘာ့ကြောင့် ဘဝနိဂုံးဆုံးမလဲ မသိနိုင်ကြပါ။ ဘယ်ကိုလားမလဲကိုပါ မသိနိုင်။ ကျန်ရစ်သူတွေက သူတို့ကိုရည်စူးပြီး ကောင်းမှုပြုတာသာ တတ်နိုင်ကြပါတယ်။ ဒေါက်တာတင့်ဆွေ

ဥပုသ်ရက်တိုင်း ဆွမ်းလောင်တဲ့ ဆရာဝန်မိသားစုက ဒီတပတ်မှာ ပဲနီပြုတ် စတာတွေ လောင်းပါသတဲ့။ ဒီမှာလည်း ပဲနီ နဲ့ ခေါ် Red beans / Kidney beans ကိုစားသုံးရင် ကျန်းမာရေးအတွက် ဘယ်လိုကောင်းကြောင်း မနေ့က YouTube မှာ တွေ့လိုက်သေးတယ်။ မုံရွာမှာတော့ ပဲနီက ကုလားပဲထက် ဈေးချိုတယ်တဲ့။ ဒီမှာတော့ ဈေးမကွာလှပါ။ Dried Dark Red Kidney Beans - 20 lb. $33.49 Dried Chick Peas US $39.99 Chana Dal (Chick Peas Split) $12.99 reg $15.99 Channa Dal $ 9.99 Large Kidney Beans US $11.99 - Chana Dal ကုလားပဲ။ - Black Eyed Peas နတ်တော်ပဲ - Chana Dal ကုလားပဲ - Lentil ပဲနီလေး (ပဲရာဇာ) - Green gram, Indian Black Gram Matpe, Vigna Mungo, Black Gram, Urad Bean, Minapa Pappu, Mungo Bean မတ်ပဲ - Pigeon Peas ပဲစင်းငုံ - Lima bean ပဲကျား (ပဲဖြူလေး) - Mung bean ပဲနောက် (ပဲတီစိမ်း) - Fenugreek (ပဲနံ့သာ) ဒေါက်တာတင့်ဆွေ

ကျွန်တော် ဘယ်လောက်များ လူသိများသလဲဆိုတော့ - ဆရာ ဘယ်ဆေးခန်းမှာ ထိုင်သလဲရှင့် လာပြချင်လို့ပါတဲ့။ အဲတာမျိုးကတော့ ခဏခဏလာတယ်။ နောက်တယောက်က ဆရာ မဲပေးပြီးပြီလားတဲ့။ သူ့ဆီကို မေးနည်းစည်းကမ်းပို့ထားပြီးသား။ မေးနည်းထဲမှာ နေတဲ့မြို့အမည်လည်း ပါတယ်။ ဧပရယ်ဖူးလားတော့ မသိ။ အခု​ခေတ်မှာ “အင်ဖလူယင်ဇာ” တဲ့။ ဆေးစာမှာ “အင်ဖလူယင်ဇာ” ဆိုတာ တုပ်​ကွေး။ တုတ်​ကွေး မဟုတ်ပါ။ ဒေါက်တာတင့်ဆွေ ၁-၄-၂၀၁၇

ကွန်မင့်တခု = သဒ္ဒါသင် / သတ်ပုံပြင်နေရမဲ့ အချိန်လို့တော့မထင်မိပါဘူး ဆရာရှင့် ကွန်မင့်တခု = Note ထဲသို့မဟုတ် Only me လုပ်ထားလိုက်ပါ ဆရာရယ် ပြီးမှပဲ ကွန်မင့်တခု = ကာလ အရေးပေါ်ကို ဦးစားပေးစေချင်တာဖြစ်မယ်ဆရာ အဲလောက်ကတော့ မသိသူ မရှိလောက်ပါ။ အဲလိုထောက်ပြသူများခင်ဗျား အခုဖေ့စ်ဘွတ်ကို ၁၅ မိနစ်လောက် အထက်အောက် ရှာကြည့်ပါ။ - ဘီယာပုလင်းတွေ - လူလုံးပြ လူခေါ် လူရောင်းနေကြတာတွေ - သီချင်းဆိုနေကြ ကနေကြတာတွေ - အရောင်းကြော်ငြာမျိုးစုံတွေ - သူများတင်ထားတာကို မှန်မမှန် ဟုတ်မဟုတ်ကြည့်နေတော့ဘဲ ထပ်တင်နေကြတာတွေ - အားကစားပွဲအမျိုးမျိုးတွေ - ပန်းအလှ လူအလှ ဘာအလှညာအလှတွေ - ခွေးတွေ၊ ကြောင်တွေ၊ အကောင်တွေ - ဆဲဆိုစာအမျိုးမျိုးတွေကို တွေ့ရပါလိမ့်မယ်။ ကျွန်တော်တင်နေတဲ့ စာအမှား၊ သတင်းအမှား ထောက်ပြချက်တွေနဲ့ ကျန်းမာရေးအမေးအဖြေတွေကိုသာ သဲသဲမဲမဲ လိုက်နှောင့်ယှက်နေကြပါသလဲ။ အဲလိုပို့စ်တွေကို ဘာ့ကြောင့် သွားမပြောကြပါသလဲ။ ဒေါက်တာတင့်ဆွေ

(ကျန်းမာရေးစနစ်သည် ပဋိပက္ခကြောင့် ပြိုပျက်သွားပြီး …) ဘာတွေဖြစ်နေလဲ၊ ဘယ်လိုကူညီရမလဲ IRC အဖွဲ့များသည် မြေပြင်တွင် လူသားချင်းစာနာထောက်ထားမှုဆိုင်ရာ လိုအပ်ချက်များကို တုန်လှုပ်သွားစေကြောင်း အစီရင်ခံတင်ပြပါသည်။ လူများသည် အရေးပေါ် ကျန်းမာရေးစောင့်ရှောက်မှု၊ သန့်ရှင်းသော သောက်ရေ၊ ရွက်ဖျင်တဲများ၊ အစားအစာနှင့် အခြားအခြေခံ လိုအပ်ချက်များ လိုအပ်ပါသည်။ IRC နှင့် ကျွန်ုပ်တို့၏ လုပ်ဖော်ကိုင်ဖက်များသည် မြန်မာနိုင်ငံတွင် မြေပြင်တွင်ရှိပြီး ထိခိုက်ခံစားရသည့် အသိုင်းအဝိုင်းအား ပံ့ပိုးကူညီမှုများပေးဆောင်လျက်ရှိသည်။ မြေပြင်အခြေအနေ ဘယ်လိုရှိလဲ ၂၀၂၅ ခုနှစ် မတ်လ ၂၈ ရက်နေ့တွင် မြန်မာနိုင်ငံတွင် အင်အား ၇ ဒသမ ၇ အဆင့်ရှိ ငလျင်လှုပ်ခတ်ခဲ့ပြီး ထိုင်းနှင့် ဘင်္ဂလားဒေ့ရှ်နိုင်ငံတို့တွင် လှုပ်ခတ်ခဲ့သည်။ အစိုးရက ဒေသခြောက်ခုတွင် အရေးပေါ်အခြေအနေ ကြေညာထားသည်။ သေဆုံးသူဦးရေသည် ၁၇၀၀ သို့ရောက်ရှိနေသော်လည်း အသေအပျောက်နှင့် အိုးအိမ်စွန့်ခွာ ထွက်ပြေးရသည့် အတိုင်းအတာ အပြည့်အစုံမှာ မသေချာသေးကြောင်း၊ ပျက်စီးမှု၏ အတိုင်းအတာ အပြည့်အစုံကို ကျွန်ုပ်တို့ နားမလည်မီ ရက်သတ္တပတ်များအတွင်း ဖြစ်နိုင်သည်။  မြေပြင်ရှိ IRC အဖွဲ့များသည် တုန...

၁။ ဒီတခါတော့ ရန်ကုန်ကနေ စစ်ကိုင်းကို လွမ်းကြောင်း ငိုချင်းရှည် ရေးရတော့မယ်ဆရာ ၂။ စကိုင်းမှာလုပ်သွားတဲ့ငလျင် မြေပြင်ခြေနေ စစ်ကိုင်းမှာလှုပ်သွားတဲ့ငလျင် မြေပြင်အခြေအနေလို့ ရေးရတယ်။ ၃။ ဆရာ စစ်ကိုင်း၊ စကိုင်း ဘယ်ဟာအမှန်လည်းခင်ဗျ - Travelling by Thiri Tun စကိုင်းတိုင်းဒေသကြီးရဲ့ အကျဉ်းချုပ်အကြောင်းအရာ စစ်ကိုင်းတိုင်းဒေသကြီးဟာဆိုရင် - မှား။ - ခိုင်ထူး စကိုင်းလမ်း - မှား။ - စကိုင်းတိုင်-မုန်ရွာ ကားလမ်း စစ်ကောင်စီ ယာဉ်တန်းကို အကြိမ်ကြိမ် မိုင်းဆွဲတိုက်ခိုက်။ - မုံရွာကိုလည်း မှန်အောင်မရေးတတ်။ - စကိုင်းတိုင်း-ကန်ဘလူးမြို့နယ်-ပဇီကြီးရွာ စစ်ကောင်စီလေကြောင့်ဖြင့် ဗုံးကြဲ့သဖြင့် ပြည်သူ ၁၂၀ သေဆုံး - မှား။ အဲဒီ ၅ ခုလုံးက မှားရေးထားကြတာ။ မှားရင် လူကြိုက်များပြီသာမှတ်။ ဇေယျာပူရ စစ်ကိုင်းမြို့ = မှန်။ ဒေါက်တာတင့်ဆွေ

• မြန်မာသရ နှစ်ဆယ့်နှစ်လုံးတို့တွင် အပါအဝင်ဖြစ်သော ဆယ့်သုံးလုံးမြောက် သရ။ • အဲဟူသော အသံချီကာ အဲဟူသော အသံချ၍ ဆီဆိုသော ရှေးကဗာသီချင်း။ • အစုအဝေးလိုက် သွားရာမှ ရှေ့သို့ ဆက်၍ မသွားပဲ ရပ်တန့်နေသည်။ အဲ ဟူသည်ကား အများအပေါင်း စုဝေးရပ်နေသည်ကို ယူသင့်၏။ • အာလုပ်။ စကားပြောရင်း စကားစ ရှာမရ၍ ရုတ်တရက် မည်သို့ စကားဆက်ရမည်မသိပဲ ဆုတ်ဆိုင်းဆိုင်း ဖြစ်နေသအခါတွင် သုံးလေ့ရှိသေစကား။ အဲ့ ကောင်းပါလေရဲ့၊ ဝမ်းသာအားရ ရှိလောက်ပါပေရဲ့။ ကဝိဓဇသတ်ပုံ၊ ဦးသာမြတ်သတ်ပုံ၊ မြန်မာအဘိဓာန် အကျဉ်းချုပ် (၁၉၈၀) တွေထဲမှာ အဲဒါ လည်း မတွေ့၊ အဲတာ လည်း မတွေ့ပါ။ ဆရာတင်မိုး၏ 'ဆန်းသစ်စ'ကဗျာ       ဆန်းသစ်စ လကလေးဟာ       အဲဒါ 'ရေးချ'ပါ။       ပြောင်းပြန်လှည့်ကာ ဝတ်ဆံထိုး       အဲဒါ 'သဝေထိုး'။       ရေအိုးကလေး ရွက်လာရင်       အဲဒါ 'လုံးကြီးတင်'။       လုံးကြီးတင်မှာ မျက်ဆန်ခတ်       'လုံးကြီးတင် ဆန်ခတ်'။     ။ (စာ - ၇၁ မှ) • အဲခိုး • အဲချင်း • အဲထူး • အဲမောင်း • အဲသည်လောက် • အဲဟို • အဲသည် • အဲသည်တော့ • အဲသည်လ...

ဆရာရေ "အမြင်ချင်းမတူတော့ ရှုထောင့်လည်း မတူကြတော့ဘူး" "ရှုထောင့်မတူတော့ အမြင်ချင်းလည်းမတူကြတော့ဘူး" နှစ်ခုထဲက ဘယ်ဟာမှန်လဲဟင် ဆရာ "ရှုထောင့်မတူတော့ အမြင်ချင်းလည်းမတူကြတော့ဘူး" လို့ ရေးတာက ပိုမှန်ပါတယ်။ ကြည့်တဲ့ရှုဒေါင့် မတူခြင်းကြောင့် မြင်တာ မတူခြင်းဖြစ်ပါတယ်။ အမြင်မတူခြင်းတိုင်းဟာ ရှုဒေါင့် မတူခြင်းကြောင့် မဟုတ်ပါ။ ဥပမာ တရုပ်ပြည်ကို မြန်မာပြည်ကနေ လူ ၂ယောက်က ကြည့်မြင်ပြီး ပြောဆိုကြတာမှာ တယောက်က  "တရုပ်ပြည်သည် ပေါက်ဖော်နိုင်ငံဖြစ်၏" လို့ ဆိုပြီး၊  နောက်တယောက်တော့  "တရုပ်ပြည်သည် မြန်မာ့အရေးမှာ နေရာတကာဆရာကြီးလုပ်နေသူဖြစ်၏" လို့ ဆိုပါလိမ့်မယ်။ ကြည့်မြင်သူနှစ်ဦးဟာ တနိုင်ငံတည်း၊ တမြို့တည်းမှာသာမက စားပွဲတခုတည်းကနေ ဖြစ်ကြပါတယ်။ အမြင်မတူကြခြင်းဆိုတာ အသက်အရွယ်၊ အတွေ့အကြုံ၊ လေ့လာမှုသုတ၊ နိုင်ငံရေးအရောင်၊ ကိုယ်ပိုင်အကျိုးစီးပွားနဲ့ အဲလိုပြောဆိုလို့ ရလာနိုင်တဲ့မျှော်ကိုးချက် စတာတွေအရ မတူနိုင်ပါ။ လူတဦးတည်းမှာလည်း ပြောင်းပြီး မြင်တတ်သေးတယ်။ ဥပမာ - စာတအုပ်ကို ငယ်ငယ်ကဖတ်ရတဲ့ ခံစားမှုနဲ့ အသိဟာ ကြီးရင့်လာချိန်မှာ ပြန်ဖတ်တော့ မတူတတ်ပါ။ နောက်ဥပမာတခု - ၁၉၈၈ တ...

ကွန်မင့်တခု = မြန်မာစာကို အမှန်မရေးနိုင်ကြတာ ကျွန်တော်တို့မျိုးဆက်တင်မဟုတ်ပဲ ကျွန်တော်တို့ရဲ့ အရှေ့မျိုးဆက်မှာပါ မမှန်ခဲ့တာပါဆရာ။ ဖြည်စွပ်မဟုတ်ပါကို ဖြည့်စွက် အလှူရှင်ပါလို့ ပြောပြချင်ပါသည်။ သို့သော် လူကြီးမိဘများဖြစ်နေ၍ မပြောရဲပါ။ ကြောက်သည်။ ဟုတ်။ အရှေ့မျိုးဆက်အစား ရှေ့မျိုးဆက် သို့မဟုတ် နောင်လာမည့် (မဲ့) မျိုးဆက်လို့ ရေးသင့်ပါတယ်။ ကျွန်တော်လည်း အခုရက်တွေမှာတော့ ပြင်စရာ ၁၀ ခုတွေ့ရင် ၁-၂ ခုလောက်သာ ထောက်ပြရဲတော့တယ်။ မက်စင်ဂျာကနေသာ ပြင်ပေးရဲတယ်။ မနေ့ကနဲ့ တမြန်နေ့က လက်ရှောင်ထားရတယ်။ ကိုယ်ရေးတဲ့စာကို မှန်ချင်တဲ့ လူမှန်လည်း ရှိပါတယ်။ အခုဘဲ တယောက်က သူရေးထားတာကို စစ်ပေးပါတဲ့။ ၄ လုံးပြင်ပေးလိုက်ပါတယ်။ သူကအလှူခံသူတွေ စည်းစနစ်ကျစေရေး ဆော်သြတဲ့စာ တင်မှာဖြစ်ပါတယ်။ အခုထိတော့ လူအများစုက စာအမှန် မရေးတတ်ကြပါ။ အမှားထောက်ပြရင်လည်း ဆဲဆိုကြတယ်။  ဆဲဆိုသူတွေတချို့က ငလျင်ကို အရေးစိုက်စေချင်တာထက် အမှားထောက်ပြခံရတာကို ရှက်ကြလို့လည်း ဖြစ်နိုင်တယ်။  မရှက်တတ်တာလည်း ဖြစ်နိုင်ပါတယ်။ ‘ဘလော့’ ရတာ လူ ၃၀ ကျော်တယ်။ မြန်မာစာတွေတင်တာ မကြိုက်သူများ ကျွန်တော့ကို Block ပါရန်လို့ မတ္တာရပ်ခံထားပါတယ်။ ကြိုးစားရမှာဘဲ။ င...

၁။ လှူတန်းသွားပါမည် မဟုတ်ပါ။ လှူဒါန်းသွားပါမည် သို့မဟုတ် အလှူအတန်းပြုပါမည်လို့ ရေးသားရပါသည်။ ၂။ ဆုထားဆောင်းထားတဲ့အထဲက မမှန်ပါ။ စုထားဆောင်းထားတဲ့အထဲကလို့ ရေးရပါသည်။ ၃။ တက်နိုင်တဲ့ဖက်က မမှန်ပါ။ တတ်နိုင်တဲ့ဘက်ကလို့ ရေးရပါသည်။ ၄။ လက်ရွှေစင်အားကစားသမား မဟုတ်ပါ။ လက်ရွေးစင်အားကစားသမားလို့ ရေးရပါသည်။ ၅။ မုန်တိုင်းဝင်နိုင်ချေ မဟုတ်ပါ။ မုန်တိုင်းဝင်နိုင်ခြေလို့ ရေးရပါသည်။ ၆။ မကိုးကိုယ်ပဲမနေနိုင်ဘူး မဟုတ်ပါ။ မကိုးကွယ်ဘဲမနေနိုင်ဘူးလို့ ရေးရပါသည်။ စာအမှားထောက်ပြတာကို မနှစ်မြို့သူများက Block နိုင်ကြပါသည်။ ဒေါက်တာတင့်ဆွေ

၁။ ယာယီ ဆိုတဲ့ အသုံးကို ရှေးစာပေတွေမှာ မတွေ့မိပါဘူး ဆရာ၊ ကျွန်တော့်ရဲ့ လေ့လာအားနည်းလို့ပါ၊ ဘယ်အချိန်လောက်က စသုံးတာလည်း သိချင်မိပါရဲ့ ဆရာ၊ (၁) ဦးသာမြတ် (၁၉၅၃) ယာယီပြုသည် ယာယီအစိုးရ ယာယီလုပ်ငန်း (၂) ကဝိဓဇသတ်ပုံကျမ်း (၁၉၅၄) ယာယီပြုသည် ယာယီခရီး ယာယီအလုပ် ယာယီအစိုးရ ယာယီ = ခေတ္တ။ ဤလောကီမှာကံညီခိုက်တော်တန်၊ ယာယီသာစံရသည်။ ပုညဝတ်။ ၈၈။ ၂။ တခုဖြေပေးပါ ဆရာ (ကလေကချေ) လို ရေးတာမှန်လားသိချင်ပါတယ်။ကလေကချေ = အခြေအနေမဲ့သူ။ လေလွင့်နေသူ။ ဤမျှ ကလေကချေ နိုင်လွန်းသော လူသည် ကျွန်တော့်အသိ မိတ်ဆွေထဲမှာ မရှိ။ မိုး၊ ၁၁၉။ ၇၄။ ဒေါက်တာတင့်ဆွေ