တို့စာ တို့စကား တို့တိုင်းပြည်

ဓား (မင်းဆွေ) ဓါး (မင်းဆွေ) မင်းဆွေသည် စာလုံးတလုံးတည်းကို ၃ မျိုးရေးသလော။ ထို့ကြောင့် ပြင်ပေးလိုက်ပါသည်။ ပုံ ဦးလွဲ နှင့် ဒေါ်မှား။ ဒေါက်တာတင့်ဆွေ

  စုံရိပ် မြိုင်ဆွယ်၊ ကန္တာလယ် အိုဘယ် ယောက်ျား - ခရီးသွား။   ။ ဖေါ်လည်း မဆွယ်၊ တကိုယ်ငယ် အိုဘယ် လူသား - ကြောက်ဘူးလား။   ။ ဤသို့ မေးသော် ရွှင်အေး ကြည်သာ၊     ပြုံးမျက်နှာဖြင့်  "အို ဘာကိုထောက်၊     ကြောက်ရမလဲ   တကွ ဖော်ညှိ၊            သတ္တိ ရှိပြီ   ချစ်သည် သဟာ၊       ဇွဲ လည်းပါ၍   မကွာ ထပ်လောင်း၊    ငယ်ကပေါင်းသည့်   ‌ဆွေကောင်း လုံ့လ၊    တူတကွတည့်   ဘေးက တူယှဉ်၊        ပါခဲ့လျှင်သော်   ငါ့တွင် သေချာ၊         အောင်ဘို့ရာတည့်" တဲ့။   ။ ယောက်ျား ငါကိုယ်၊     မြွက်ဟဆို ဖော် မလိုဘဲ၊               တကိုယ်ထဲ။   ။ တော်ပေ့ လူမော်၊          ပွဲတိုင်းကျော် သုံးဖော် ဆွေလဲ၊           တူယှဉ်တွဲသည် အောင်မြဲ မုချ၊              အောင်မည်ပ။...

ဆန်းထွန်း - မန်းတက္ကသိုလ် တရံရောအခါ သမရသီဟ မည်သော လူငယ်တယောက်သာ သူတို့နှစ်ဦး တဦးပေါ်တဦး မှတ်ချက် - တရံရောအခါက လူငယ်တယောက် မရှိရှာတော့ပါ။ ကောင်းရာ လားပါစေသတည်း။ ရှေ့သို့ (၁) https://m.facebook.com/story.php?story_fbid=467536272069926&id=100064406720931 (ရှေးစာကဗျာများ) ဒေါက်တာတင့်ဆွေ

ဆရာဇော်ဂျီ စာအုပ်များစုစည်းမှု Pdf (၂၉)အုပ်  မူရင်းစာအုပ်ပါ သတ်ပုံတွေကို တမင်တကာ မှားအောင်ပြင်ထားတာတွေ ဖြစ်နေပါသည်။ မူရင်းစာအုပ်ချို့ လက်ထဲမှာရှိလို့ ထောက်ပြခြင်းဖြစ်ပါသည်။ ၁။ လှိုင်းကလေးသင် https://yadi.sk/i/FUg1w8XziyN8E ၂။ သင်သေသွားသော် https://yadi.sk/i/kBWxtNS3iyN8J ၃။ ရွှေမောင်းသံ https://yadi.sk/i/fbflTCRFiyN8p ၄။ ဇော်ဂျီ... ဝတ္ထုတိုပေါင်းချုပ် https://yadi.sk/i/rG-7iIyMiyN8r ၅။ ညီသစ်ဆင်းကဗျာစု https://yadi.sk/i/RfnK1c6SiyN8v ၆။ မဟာဆန်ချင်သူ https://yadi.sk/i/zsJNK8dkiyN8x ၇။ ပလေးတိုးနိဒါန်း https://yadi.sk/i/edhKiyexixEdn ၈။ ဇော်ဂျီနှင့်စာတမ်းရှင်တို့၏ တွေးဟန်နှင့်ရေးဟန်များ https://yadi.sk/i/vZCzIQl6ixFHv ၉။ အမျိုးသားစာဆိုဆရာဇော်ဂျီ https://yadi.sk/i/J9vAMRQriyN75 ၁၀။ ဇော်ဂျီ + မင်းသုဝဏ်...ခရီးသည် https://yadi.sk/i/smm3GhDyiyN79 ၁၁။ A Study of the Rise of the Burmese Novel https://yadi.sk/i/QyLlGhLViyN7D ၁၂။ Ramayana in Burmese Literature and Art https://yadi.sk/i/3BPCIsI0iyN7H ၁၃။ စိတ္တသုခအလင်္ကာ https://yadi.sk/i/Ag1w5OUbiyN7P ၁၄။ ညီသစ်ဆင်းကဗျာစု https://yadi.sk/i/92soCU...

တစ်ထောင့်တစ်ည (သခင်ဘသောင်း) သခင်ဘသောင်းသည် စာကိုမှန်အောင်မရေးတတ်ပါသဖြင့် ပြင်ပေးထားပါသည်။ ပုံ - ကျွန်လွဲ နှင့်  ကျွန်မှား။ ဒေါက်တာတင့်ဆွေ

တ နဲ့ တစ် အသုံးပြုပုံ ကို ဘယ် link/post ကနေ ပြန်ကြည့်လို့ရမလဲ ဆရာ။ အရင်ပို့စ်တွေ ရှာမရလို့ပါ။ ဘလော့ဂ် မှာတော့ အမြဲရှိပါတယ်။ “တ” နဲ့ “တစ်” https://dr-tint-swe.blogspot.com/2022/03/blog-post_18.html Numbers ဂဏန်းရေးနည်း https://dr-tint-swe.blogspot.com/2021/11/numbers.html Numbers ဂဏန်းရေးနည်း (၂) https://burmese-spelling.blogspot.com/2022/08/numbers.html တခု တကောင် တယောက် https://dr-tint-swe.blogspot.com/2021/11/blog-post_65.html တစ်' နဲ့ 'တ' https://burmese-spelling.blogspot.com/2023/09/blog-post_34.html တစ် သမိုင်း သံခိပ် https://burmese-spelling.blogspot.com/2022/08/blog-post_31.html တစ် အသုံးမှန်များ https://burmese-spelling.blogspot.com/2023/08/blog-post_18.html တစ်အရေး တအရေး https://dr-tint-swe.blogspot.com/2022/04/blog-post_969.html တဝမ်းပူစသတ် https://dr-tint-swe.blogspot.com/2021/11/blog-post_445.html ရှေးမြန်မာ စာပေပညာရှင်ကြီးများ “တ” ကို ဘယ်လို ရေးခဲ့ပါသလဲ https://burmese-spelling.blogspot.com/2023/11/blog-post_195.html ဒေါက်တာတင့်ဆွေ

နွေတစ်ည (နိုင်ဝင်းဆွေ) နိုင်ဝင်းဆွေသည် စာကိုမှန်အောင်မရေးတတ်ပါသဖြင့် ပြင်ပေးထားပါသည်။ ပုံ - ကိုလွဲ နှင့်  မမှား။ ဒေါက်တာတင့်ဆွေ

တစ်ဘဝသာသနာ (အရှင်ဇနကာဘိဝံသ) အရှင်ဇနကာဘိဝံသ (မဟာဂန္ဓာရုံ တောင်မြို့ဆရာတော်ကြီး) သည် သတ်ပုံမှန်အောင်မရေးတတ်ပါသဖြင့် ပြင်ပေးထားပါသည်။ (ကန်တော့) ပုံ ဦးလွဲ နှင့် ဒေါ်မှား။ ဒေါက်တာတင့်ဆွေ

မိုးရေတက်ရေ တဖွေးဖွေး ကွင်းကျယ် အဝေးဝေး လယ်စောင့်တဲလေး ခြေတံရှည် မိုးကုပ်အောက်မှာတည် ကြာနီတပွင့် ဖြူတပွင့် တဲနဲ့ပနံတင့်။ ။ (မင်းသုဝဏ်) ကြာနီတစ်ပွင့် ဖြူတစ်ပွင့် (မင်းသုဝဏ်) မင်းသုဝဏ်သည် သတ်ပုံမှန်အောင်မရေးတတ်ပါသဖြင့် ပြင်ပေးထားပါသည်။ ပုံ ဦးလွဲ နှင့် ဒေါ်မှား။ ဒေါက်တာတင့်ဆွေ

ချစ်သော သူတယောက် ကမာ္ဘထဲတလယ်လယ် ဆောင်းတညဝယ် တပွင့်ထဲ တပွင့်ပန်း မုန်းတလှဲ့ ပြုံးတလှဲ့ မှတ်ချက် - ချစ်သောသူတယောက် - အနိစ္စရောက်။ ဆောင်းတည - ကွယ်လွန်။ တပွင့်ပန်း - ညှိုးနွမ်း။ မှားတလှည့် လွဲတလှည့်။ ပုံအတွက် ကျေးဇူး။ ဒေါက်တာတင့်ဆွေ ၃၀-၉-၂၀၁၉

လူငယ်တွေရဲ့ခေတ်ကို နားမလည်တဲ့ လူကြီးဟာ ခေတ်တိုးတက်မှုမှာ  အတားအဆီး ဖြစ်တော့တာပဲ။ (မြသန်းတင့်) ဆရာမြသန်းတင့် ခင်ဗျား - ကျွန်တော် လူအိုကတော့ 'တစ်ကယ်တော့' လို့ရေးကြတဲ့ခေတ်ကို နားမလည်ပါခင်ဗျာ။ 'အတားအစီး' လို့ရေးကြတာကိုလည်း နားမလည်ပါခင်ဗျား။ ပုံအတွက် ကျေးဇူး။ ဒေါက်တာတင့်ဆွေ

တသက်တာမှတ်တမ်းနှင့် အတွေးအခေါ်များ (ရွှေဥဒေါင်း) တစ်သက်တာမှတ်တမ်းနှင့် အတွေးအခေါ်များ (ရွှေဥဒေါင်း) ရွှေဥဒေါင်းသည် သတ်ပုံမှန်အောင်မရေးတတ်ပါသဖြင့် ပြင်ပေးထားပါသည်။ ပုံ ဦးလွဲ နှင့် ဒေါ်မှား။ ဒေါက်တာတင့်ဆွေ

(ဆရာဇော်ဂျီ နှင့် ဆရာမင်းသုဝဏ် သို့ ဝါကျွတ်ပူဇော်လွှာ) နွေမဆန် ဿန်ခါလင့်ပြီသင့် လေအပြန် လျှံဝါဆင့်ပါလို့ ကန်ကြာပွင့်မြိုင်ခဲ့ပြီ။ မြင့်မိုရ်မီး စို့ ညီး သိရ်ဝေဖြာနှင့် စိန္တေယျာ ဂူတော်ထွက်မှာလ နှိမ်ချွေကာ ပူဇော်ညွှတ်ရှာကြ စံလွှတ်သည် စေနာပေါင်းရယ်ကြောင့် ကန့်ပတ်လည် ဂေဟာကျောင်းမှာ(ကွယ်) သောင်းဖြညံစီ။    ။ ဗုံပတ်သာကြေးစည်ဆင့်ပါလို့ လှုံကပ် ခါ တေးသီရင့်ပါငဲ့ ဂုဏ်ဝင့်ပြီအသံလှိုင်းတွေနှင့် စုံဆင့်သည်တရံစိုင်းလေတော့ နာတိုင်းပ ကြားမအီ၊ များပြည်သူ့ ပျော်တပါး။ ရိပ်ကြီးကိုခို ပုတီးဖန်ဝါနှင့် ကန်သာညို လှိုင်ထိပ်တွင်းဆီက ဈာန်ရှာလို မြိုင်ရိပ်ချဉ်းသူဖြင့် သံညှင်း သံသာပ၊ သင်သနာရိပ်သာပွင့်သော်မှ ရွှင်စရာစိတ်မှာမြင့်သည်မို့ မင်္ဂလာလိပ်ပြာဆင့်သည်ဟု၊ ကျူးရင့်မိတကား။      ။ (ဗန်းမော် ညိုနွဲ့) ရှုမဝမဂ္ဂဇင်း ၁၉၅၁ နိုဝင်ဘာလ၊အတွဲ-၅၊အမှတ်-၅၄ (Listener's Heaven Audiobooks - အသံစာအုပ်) ဆရာဇော်ဂျီ၊ ဆရာမင်းသုဝဏ်၊ ဗန်းမော် ညိုနွဲ့တို့ထက် မြန်မာစာတော်သူတွေကတော့ - တစ်ရံစိုင်းလေတော့ တဲ့။ များပြည်သူ့ ပျော်တစ်ပါး တဲ့။ ဒေါက်တာတင့်ဆွေ

အင်္ဂလိပ်ကဗျာဆရာကြီး လော့ဒ်ဘေန်သည် သူရေးခဲ့သော ကဗျာအားလုံးကို ပြန်လည်ရွတ်ဆိုနိုင်သည်ဟု ကြေညာဘူး၏။ သို့သော် ဆာဝေါ်လ်တာစကော့မှာ များစွာ မေ့တတ်သူဖြစ်၏။ တခါတွင် စကော့သည် သူကိုယ်တိုင်ရေးခဲ့သော ကဗျာ တပုဒ်ကို လော့ဒ်ဘေရွန်၏ကဗျာဟု ယူဆခါ များစွာကောင်းကြောင်း - အဓိပ္ပါယ်ပြည့်ဝကြောင်း ဝေဖန်ဘူး၏။ Listener's Heaven Audiobooks - အသံစာအုပ်) ဆာဝေါ်လ်တာစကော့ နှင့် လော့ဒ်ဘေရွန် တို့သည် မြန်မာစာကိုလည်း မှန်အောင်ရေးသားတတ်ကြပေ၏။ ကွန်ဂရက်ကျူလေးရှင်း။ ဒေါက်တာတင့်ဆွေ

ဂျာနယ်ကျော်မမလေးသည် သတ်ပုံမှန်အောင်မရေးတတ်ပါသဖြင့် ပြင်ပေးထားပါသည်။ ပုံ ဦးလွဲ နှင့် ဒေါ်မှား။ ဒေါက်တာတင့်ဆွေ

ဆရာမင်္ဂလာပါဗျ ကျွန်တော်က ဆက်ကျော်သက်တယောက်ပါဗျ ကျွန်တော်ဆရာ့ကို Messenger နဲ့ Whats App တို့မှာ မေးထားပါတယ်ဗျ Our value costume ဆိုတဲ့ post တခုတင်ခဲ့ဖူးပါတယ်ဗျ အဲ့ဒီဟာနဲ့ ပတ်သတ်(ပတ်သက်) တဲ့ အကြောင်းအရာလေး costume အကြောင်းလေးကို သိချင်လို့ပါဗျ အကြောင်းအရာလေးကို လေးစွာဖြင့်ဖြေကြားပေးပါရန် မေတ္တာရပ်ခံပါတယ်ဗျ ပင်နီအကြောင်းပါဗျ။ Whats App ကို မသုံးပါ။ ပင်နီ = အုန်းခွံရောင်ရှိသော ဝါချည်ဖြင့်ရက်လုပ်သော အထည် ။ ပင်နီအင်္ကျီနှင့်ယောထမီ။ ကျွန်ဗြူ ။၂၅၈ ။ ချည်ထည်ကြမ်းများဖြစ်သော ပင်နီ ၊ ပင်ဖြူ။ ပင်နီ အစစ်နဲ့ အတုလို့ရှိတယ်။ အတုဆိုတာ ပင်နီအရောင်အတိုင်း ချည်ချောနဲ့ လုပ်ထားတာ။ အညာပင်နီအစစ် နဲ့ ရှမ်းပင်နီအစစ် လို့ ရှိတယ်။ ဒုတိယ ပင်နီခေတ် လွန်ခဲ့တဲ့ ၂၀၁၆ ခုနှစ်က ဗမာပြည် ညီကပို့လိုက်တာ။ ပင်နီတွေများစွာ၊ တမိသားစုလုံးအတွက်တဲ့ဗျာ။အဝေးမှာ အနေကြာ၊ နွေမှာ မင်္ဂလာယူဖို့ပါ။  ကုမ္မာရီအပျိုစင်များမှာ မျိုးချစ်စိတ်တွေထက်သန်လာကြပြီ၊ ဝတ်ကြဆင်ကြပါသည်၊ တို့ဗမာဖျင်နီ၊ တို့ဗမာဖျင်နီ၊ အမော်အကြွားအတုအပ တခုမျှမရှိကြပါသည်၊ ယခုမှ သတိရလေတော့သည် - ပင်နီဖျင်၊ ပင်နီအင်္ကျီနဲ့ ယောထဘီတွေကို ရှေးပဝေသဏီကတည်းက ဝတ်ဆင်ခဲ့ကြတယ်။ စိုက...

ဗန်းမော်တင်အောင် - ဘုန်းမောင့်တယောက်တည်းရယ် ဗန်းမော်တင်အောင်သည် သတ်ပုံမှန်အောင် မရေးတတ်သဖြင့် ပြင်ပေးထားပါသည်။ ဗန်းမော်တင်အောင် - ဘုန်းမောင့်တစ်ယောက်တည်းရယ် ပုံ - ဦးလွဲ နှင့် ဒေါ်မှား။ ဒေါက်တာတင့်ဆွေ

ကျွန်တော်က ပညာတွင်းကတော့ နက်တယ်ဆိုတဲ့အသုံးကို အတော်သဘောကျတယ်။ ဆရာဝန်ဘဝကိုရေးစဉ်က တခါသုံးတယ်။ ရှေးတုန်းက ကာကွယ်ဆေးတွေစာမှာ ထပ်သုံးတယ်။ အခုတခါသုံးရဦးမလို ဖြစ်လာတယ်။ ဖေ့စ်ဘွတ်ကို ၇ ရက်ကြာသုံးမရဖြစ်သွားလို့ အရာရာလက်ဝင်နေတယ်။ အများဆုံးမေးလေ့ရှိတဲ့နေရာကနေ မေးတာတွေကို ဖတ်သာဖတ်ရပြီး ပြန်ဖြေမရပါ။ တချို့မေးခွန်းတွေက အရေးကြီးပြီး အလောသုံးဆယ်ပြန်သင့်တာတွေ။ အဲတော့ စာပြန်မရတဲ့နေရာကို ဖွင့်၊ မက်ဆေ့တွေ ဖတ်၊ ကူးယူပြီး သုံးရတဲ့အကောင့်ကနေ ပို့စ်အဖြစ်တင်တယ်။ မေးတဲ့သူ တွေက ဖတ်ရ မရတော့ မသိပါ။ ဆောရီး။ အဲတာနဲ့မရတာရှိသေးတယ်။ မေးတဲ့သူကို ဖွင့်ရတဲ့နေရာကနေ လိုက်ရှာပြီး အဖြေပို့ပေးရတယ်။ အကောင့်သစ်မှာ ဖရင်းရီကွက်စ်လုပ်ပြီ ဖြေရတယ်။   အဲတာနဲ့မပြီးသေးတာရှိသေးတယ်။ ယူအက်စ်ကနေမေးတဲ့တယောက်ရဲ့ဖုန်းနံပတ်လိုက်ရှာရတယ်။ သူ့ခင်ပွန်း ဖုန်းနံပတ်ရတော့ ဇနီးကိုပြောပေးပါ မက်ဆေ့ချဖွင့်ဖတ်ပါလို့ ရေးရတယ်။ မေးခွန်းက သူ့ခင်ပွန်းအတွက်မေးတာ။ ဇနီးကသာ ဖေ့စ်ဘွတ်သုံးတယ်။  ကျွန်တော့်မှာ ဘာလုပ်လုပ် ခက်တာတွေချည်းသာ လုပ်ရတဲ့ ဝဋ်ပါနေတယ်။ နိုင်ငံရေးလုပ်တော့လည်း ဒီအတိုင်းပဲ။ ခက်တာနဲ့သာ ညားတယ်။ ကျင့်သား တော်တော်ကိုရနေပါပြီ။ စိတ်မပျက်ပါ။ ခ...

ရန်ကုန်တက္ကသိုလ် အမျိုးသား ကျောင်းဆောင်တဆောင်၏ သဟာယနှင့် စာဖတ်အသင်း အမှုဆောင်သစ်ရွေးပွဲတွင် ဖြစ်သည်။ ၁၉၇၀ ခု၊ ရန်ကုန်တက္ကသိုလ် နှစ်(၅၀)ပြည့် စာစောင်အတွက် မောင်အောင်မွန် ရေးပေးသောဝတ္ထု။ တချိန်ကတော့ ရန်ကုန်နဲ့ မန္တလေး တက္ကသိုလ်တွေဟာ ပညာ၊ စာပေနဲ့ ယဉ်ကျေးမှုတွေမှာ ဦးဆောင်နိုင်ခဲ့တယ်။ တိုင်းရင်းသားယဉ်ကျေးမှုတွေလည်းပါတယ်။ အခုခေတ်မှာ သတ်ပုံပြင်အဖွဲ့ကြီးစေခိုင်းညွှန်ကြားသလိုသာ ရေးသားနေကြတယ်။  စာဖတ်အသင်းတွေ ရှိသေးလားမသိ။  တက္ကသိုလ်တွေမှာ စာကို မှန်အောင်သင်ပေးတဲ့ဆရာဆရာမတွေ အလုပ်မခန့်တော့ပြီလား မသိ။ ပုံအတွက် ကျေးဇူး။ ဒေါက်တာတင့်ဆွေ ၂၉-၉-၂၀၁၉

"ဘားမားစတား" ၁၉၅၅ ခုနှစ်မှာ ကျွန်တော်က ၇ နှစ်သား။ ဒုတိယတန်းကျောင်းသား။ စနေနေ့တိုင်း ထုတ်ဝေသည် (တစောင် ၁၀ ပြား) ၁၉၅၉ ခုနှစ် ၁၁ နှစ်သားအထိ ဘားမားစတား ဖတ်ပါတယ်။ 'သိန်းတရာ' ကို 'သိန်းတရာ' လို့သာမှန်အောင် ရေးပါတယ်။ နောက်တဆင့် တပတ်တကြိမ်ထုတ် မော်ဒန်ကာတွန်း ပေါ်လာတယ်။ ၂၅ ပြား (တမတ်) ပေးရတယ်။ ကာတွန်းတိုင်း သတ်ပုံမှန်တယ်။ ၁၉၈၆ ခုနှစ်နောက်မှာတော့ - 'တစောင်' 'သိန်းတရာ' 'တပတ်' စာလုံးတွေကို တရားမဝင်အဖြစ် ကြေငြာတယ်။ နောက်တဆင့် 'ဘားမား' လည်း တောခိုရတော့တယ်။ တကျပ်တောင်ကျန်သေး ဘားမားစတား ဂျာနယ် - အတွဲ-၂ အမှတ်-၉ (အောက်တို ၁၉၅၅) (Listener's Heaven Audiobooks - အသံစာအုပ်) ဒေါက်တာတင့်ဆွေ

မင်္ဂလာပါဆရာ တိရိတ္ဆန်ကို စာလုံးပေါင်းအမှန်နဲ့စာလုံးပေါင်းရင် အသံထွက်ဘယ်လိုပေါင်းရမလဲဆရာ ကျောင်းနေကတည်းက ဆရာမပေါင်းပြတာ မကြားမိသလိုပဲ စာလုံးပေါင်း = တိရစ္ဆာန် အသံထွက် = တိရိတ်ဆန် ၁။ မင်္ဂလာပါဆရာ တိရစ္ဆာန် နဲ့ တိရိစ္ဆာန် ဘယ်ဟာအမှန်ဆိုတာ သိချင်လို့ပါဆရာ (တိရစ္ဆာန်) ၂။ ကျောင်းမှာ တိရိစ္ဆာန်လို့သင်ပြီး စာမေးပွဲမှာ တိရစ္ဆာန်လို မေးတယ်ဆရာ ဘယ်ဟာကအမှန်ဖြစ်မလဲလို့ ကလေးကမေးလို့ပါ (တိရစ္ဆာန်) တရားစာတခုမှာ စကြာရေးတာ မှားနေတယ်။ စကြာဝဠာလို့ ရေးရ။ မြန်မာစာမှာသုံးနေတဲ့ မာဂဓဘာသာကို အခြေခံတဲ့ မြန်မာစာလုံးများကို ပါဠိသက် စကားလုံးများလို့ ခေါ်တယ်။ ပါဠိသက် စကားလုံးများ ကထိန - ကထိန် ကန္န - ကန်ရာသီ ကမ္မ - ကံ ကာယ - ကိုဝ် (ယ်) ဂဏန - ဂဏန်း ဂန္ထ - ကျန်းဂန် ဂဟ - ဂြိုဟ် (သကဋ) ဂုဏ - ဂုဏ် ဂေါမုတ္တ - ဂေါမုတ်ကျောက် စကြာဝတေးမင်း စကြာဝဠာ စက္က - စကြာ (သကဋ) စျာန - စျာန် စာရိတ္တ - စာရိတ် စေတသိက - စေတသိက် ဇနပဒ - ဇနပုဒ် ဇာတက - ဇာတ် ဉာဏ - ဉာဏ် (န်) ဌာန - ဌာန် တိရစ္ဆာန - တိရစ္ဆာန် ဒါန - လှူဒါန်း ဓမ္မပထ - ဓမ္မပဒ ဓာတု - ဓာတ် နက္ခတ္တ - နက္ခတ် နာမ - နံ နိယာမ - နိယံ ပံသုကူလ - ပင့်သကူ ပဉ္စယံ - ပစ္စယံ ပဋိလောမ - ပဋိလုံ ပဋ္ဌာန - ပဋ္ဌာန...

တနွေအနှောင်၊ တမိုးပြောင်းသော် ရွက်ညောင်းနေရာ၊ ရွက်နုဖြာလျက် စိမ်းဝါနီမြန်း၊ ရောင်စုံပန်းများ မြနန်းသေလာ၊ ရှိုမြောင်သာဝယ် ပွင့်အာဖူးငုံ၊ ရနံ့ထုံလျက် ရဂုံမြိုင်နန်း၊ အံ့မခန်းသို့။ ထက်နန်းအာကာ၊ မိုးတိမ်ပြာလည်း တိမ်လွှာတိမ်ခက်၊ ဆိုင်းရုံရှက်၍ မည်းနက်မှိုင်းညို၊ ဝါလိုနီကြန့် စိမ်းဖန့်ထပ်ခြယ်၊ တိမ်နန်းသွယ်တွင် လျှပ်နွယ်ငွေပန်း၊ ပြက်လျှပ်သန်းကြောင့် ငွေပန်းဆိုင်းထဲ၊ ငွေမှုံကြဲသို့။ နှင်းပုလဲမိုး၊ ဖြောက်ဖြောက်ဖြိုးလျက် လျှံတိုးဝေကျ၊ သောကာလဝယ် ရွှင်ပျမြူးမိ၊ ဂွမ်းဆီထိသို့ ပီတိဂုန်ထွေ၊ ရွှန်းရွှန်းဝေသည် နှောင်းနွေခါထူး ဝသန်ဦး။ (ယုမော်) ငွေတာရီမဂ္ဂဇင်း ၁၉၆၃ ဇွန်လ (Listener's Heaven Audiobooks - အသံစာအုပ်) ဒေါက်တာတင့်ဆွေ

(မောင်ထင်) ကျွန်တော် ယခုရေးပြသော အချက်တို့ကို စဉ်းစားလာခဲ့သည်မှာ ကြာပါပြီ။ သို့သော် ကျွန်တော်စဉ်းစားနေသည်မှာ မပြီးပြတ်သေးပါ၊ မဆုံးသေးပါ။ ထို့ကြောင့် နောင်ကိုလည်း ဆက်လက်စဉ်းစားပြီးလျှင် သဘောတရားရေးရာနှင့် စပ်လျဉ်း၍ ပညာရှင်တို့၏ ကျမ်းအစောင်စောင်ကို ဖတ်ရှုကာ ဒိဋ္ဌဓမ္မတို့နှင့် နှိုင်းယှဉ်ကြည့်ရပါဦးမည်။ ထို့ကြောင့် ယခုရေးသော ကိစ္စကို အတွေးအခေါ် အယူအဆများအား နိဒါန်းပျိုးပေးသော သဘောမျှသာဟု နှလုံးပိုက်ကြစေလိုပါသည်။ အကယ်၍ ကျွန်တော်က အတွေးအခေါ်တို့ကို နှိုးပေးသောကြောင့် အတွေးအခေါ်ရှိသူ ပညာရှင်တို့ နိုးကြားလာပြီးလျှင် နည်းလမ်းများ ကြံဆလာကြပြီဟုဆိုပါက ကျွန်တော် နှိုးဆော်ပေးရကျိုးနပ်ပြီဟု ယူဆရပါလိမ့်မည်။ ကျွန်တော်တို့သည် တော်လှန်ရေးဟု ပါးစပ်မှ အမြှုပ်စီစီထွက်အောင် ယနေ့ ပြောဆိုနေကြပါသည်။ ဂျပန်တော်လှန်ရေး၊ အင်္ဂလိပ်တော်လှန်ရေး၊ လူမှုတော်လှန်ရေး၊ မြေယာတော်လှန်ရေး၊ ဘာတော်လှန်ရေး၊ ညာတော်လှန်ရေး စသဖြင့် တော်လှန်ရေးပေါင်းမျိုးစုံအောင် ကျွန်တော်တို့ ပြောဆိုနေကြပါသည်။ ကျွန်တော်တို့၏ တော်လှန်ရေးသည် အမှန်ပင် ကျယ်ပြန့်ပါ၏။ ဥပမာဆိုပါစို့ ကျွန်တော်တို့၏ တော်လှန်ရေးသည် တောင်ဘက် ကော့သောင်အငူမှသည် မြောက်ဘက် ခါကာဘိ...

(မောင်ထင်) စကားဆိုသည်မှာပါးစပ်မှထွက်လာသောအသံများဖြစ်သည်။ထိုအသံများကို စနစ်တကျ ဖွဲ့စည်းထားသည်။ထိုကြောင့် ထိုအသံများသည် ဆိုလိုရင်းအနက်အဓိပ္ပါယ်ကို ပေးနိုင်သည်။ ထိုသို့ အနက်အဓိပ္ပါယ်ကို ပေးနိုင်သောကြောင့် တဦးက ပြောသောအသံကို ကြားရသူ အခြားတဦးက နားလည်သည်။ ဝူးဝူးဝါးဝါးအသံကို ကြားသောအခါ အနက်အဓိပ္ပါယ်မရှိသောကြောင့် ကြားရသူတို့က အထွေအထူး ဂရုမပြုကြပေ။ညအချိန်မတော် သူခိုးအိမ်ပေါ် တက်သောအခါ အိမ်ရှင်က စူးစူးဝါးဝါးအော်သည်။အော်သံကို တရွာလုံးကြားသော်လည်း ဘာသံမှန်းမသိ။ဘာပြောမှန်းမသိ။ထိုကြောင့် ဘယ်သူကမျှအရေးမယူ။သူခိုးက သူလိုချင်တာယူပြီး အိမ်ပေါ်က ဆင်းသွားသည်။တရွာလုံး ဘာဖြစ်လို့ ဘာဖြစ်မှန်းမသိချေ။ အကယ်၍"သူခိုးဗျို့"ဟု အဓိပ္ပါယ်ရှိသောစကားကို ပေးလိုက်လျှင် ကြားရသူတိုင်း အိမ်ကို သူခိုးတက်တာပဲဟု နားလည်၍ သူခိုးကို လိုက်ကြလိမ့်မည်။ ထို့ကြောင့် အသံ အသံဟု ဆိုတိုင်းလည်း စကားမဟုတ်။စကား စကားဟု ဆိုတိုင်းလည်း အနက်အဓိပ္ပါယ်ရှိသည် မဟုတ်။ စကားဆိုသည်မှာ တဦး၏ တွေးတောဆင်ခြင်ခြင်းကို တဦးအား သိရှိနားလည်အောင် ဆောင်ကြဉ်းပေးသော ဝေါဟာရဖြစ်သည်။ထိုဝေါဟာရတို့ကို ထုံးမှီစံမျှ စနစ်တကျ ဖွဲ့စည်းရသည်။သို့မှသာ တဦး၏ ဆိုလိုရင်းကို ...

ပန်းကံ့ကော်လည်း မြိုင်ပေါ် မြို့တွင်း၊ တသင်းသင်းနှင့်။    ။ ပိတောက်ပွဲလည်း ရွှေခဲ ပမာ၊ တဝါဝါနှင့်။    ။ ဥသြပျိုလည်း တေးချို ရင့်ကြွေး၊ တအေးအေးနှင့်။   ။ ကျွန်ုတို့မှာလည်း အောင်ပါစေကြောင်း၊ ဆုမွန်တောင်းလျက် ရက်ကောင်းချိန်ခါ၊ မျှော်လျက်သာတည့်။    ။ (နုယဉ်) (ရှေးစာကဗျာများ) အခုခေတ်မှာတော့ နုယဉ် ထက်တော်သူတွေက - 'တစ်သင်းသင်း' တဲ့။ 'တစ်ဝါဝါ' တဲ့။ 'တစ်အေးအေး' တဲ့။ ပုံအတွက် ကျေးဇူး။ ဒေါက်တာတင့်ဆွေ

တင်ထားတာတခုတွေ့လို့ တင်ပြပါတယ်။ 'မျက်ရည်စက်' ကို 'မျက်ရည်စက်' လို့ အသံထွက်ရင် 'စက်ကရိယာ' လို့ထင်စေနိုင်တယ်။ 'မျက်ရည်ဇက်' လို့ထွက်မှသာ ငိုလို့ကျတဲ့မျက်ရည်။ ရေစက်ခွက်၊ ရေစက်ဆုံ ကိုလည်း 'ယေဇက်' လို့ ထွက်မှာသာ လို့ မှန်တယ်။ မြန်မာစာမှာ စာလုံးပေါင်း သတ်ပုံသာမက အသံထွက်လည်း အလွန်အရေးကြီးတယ်။ တနေ့က တင်ပြသေးတယ်။ ရှစ်လေးလုံးကတည်းက အလွန်နာမည်ကြီးတဲ့သီချင်းတပုဒ်ကို ပြန်ဆိုတာတခု ကြားလိုက်တယ်။ ‘ကမ္ဘာမကြေဘူး’ သီချင်းဆိုပါမယ်လို့ အမျိုးသားအဆိုတော်က ကြေငြာတာ့ လက်ခုပ်တွေတီးကြတယ်။ သီချင်းထဲမှာ အမျိုးသမီးအဆိုတော်က ဆိုလိုက်တယ်။ ‘သခင်အောင်စန်း’ တဲ့။  နားထောင်သူတွေကတော့ အဆိုတော်တွေရဲ့ ဝတ်ကောင်းစားလှတွေကိုသာကြည့်ပြီး သြဘာပေးကြတာလို့ ထင်ရတယ်။ စာအုပ်တွေကိုလည်း မျက်နှာဖုံးက သရုပ်ဖော်ပုံကိုသာကြည့်ပြီး ကောင်းလိုက်တာတဲ့။ စာတွေကဖြင့် သတ်ပုံတွေ မမှန်။ ကနေ့ခေတ်မြန်မာစာ မျက်ရည်စက်လက်နဲ့။ ဒေါက်တာတင့်ဆွေ

(မင်းသုဝဏ်) ကဗျာရေးချင် စာစပ်သင် စာအုပ်ထဲက စာတွေကို ကူးယူတင်ပြနေကြတယ်။ ဖတ်ကြည့်တော့ မူရင်းစာပါ သတ်ပုံတွေကို မှားအောင်ပြင်ထားတာဖြစ်နေတယ်။ မလုပ်ကောင်းပါခင်ဗျား။ ကဗျာရေးချင် စာစပ်သင် https://mymebox.org/wp-content/uploads/2020/11/lvl3_ratha_wanttowrite_poem_mm.pdf မူရင်းစာပါ သတ်ပုံတွေကို မှားအောင်ပြင်ထားတာဖြစ်နေပါသည်။ စာမျက်နှာ ၆ တပိုဒ် တပိုဒ်တွင် ရှင်ဘုရင် တခါ ထွက်  ပဲကြီး တလှေချက် ပဌမပိုဒ် ရိုးရိုးသားသားဆိုရင် မင်းသုဝဏ်သည် သတ်ပုံမှန်အောင် မရေးတတ်ပါသဖြင့် ပြင်ပေးထားပါသည် - ပုံ မောင်လွဲ မလျှာရည် ဦးမုသား ဒေါ်မှား လို့ ထည့်ရေးရပါမည်။ ဒေါက်တာတင့်ဆွေ

- ကျွန်တော် ၁၉၉၀ ရွေးကောက်ပွဲကိန်းဂဏန်းတွေကို အလွတ်ရတယ်။ တနှစ်တခါ IPU မှာသွားပြီး လူ့အခွင့်အရေး ချိုးဖေါက်ခံနေကြရတဲ့ လွှတ်တော်ကိုယ်စားလှယ်တွေအကြောင်း တင်ပြနေခဲ့ရလို့ပါ။ ထောင်ထဲမှာ ကျန်သေးသူတွေ၊ ထောင်ထဲမှာ သေသွားသူတွေ၊ နာမကျန်းဖြစ်နေသူတွေ၊ ပြည်ပထွက်ရသူတွေကို အတိုး-အလျော့ ကိန်းဂဏန်း အတိအကျနဲ့ တင်ပြပါတယ်။ - ၁၉၉၀ ရွေးကောက်ပွဲရလဒ်တွေကိုလဲ အလွတ်ရွတ်နိုင်ပါတယ်။ နိုင်ငံရေးပါတီပေါင်း ၂၃၅၊ ရွေးကောက်ပွဲဝင်တော့ ၉၇၊ အနည်းဆုံးတနေရာ အနိုင်ရတာက ၁၀ ပါတီ။ ကိုယ့်ဖါသာဖျက်တာက ၁၀၂ ပါတီ၊ အစိုးရကနေ အပိတ်ခံရတာက ၃ ပါတီ၊ ရွေးကောက်ပွဲမှာ ၃ နေရာဝင်မပြိုင်လို့ ဖျက်ရတာက ၆ ပါတီ၊ ဝင်မပြိုင်လို့ ဖျက်ရတာက ၃၁ ပါတီ၊ အပြီးမှာ ကျန်နေတာက ၉၃ ပါတီ၊ ထပ်အဖျက်ခံရတာက ၈၃ ပါတီ၊ နောက်ဆုံးမှာ တရားဝင် ရပ်တည်နိုင်တော့တာက ၁ဝ ပါတီ။ - အနိုင်ရတာမှာ NLD က ၃၉၂ နေရာ၊ ဒုတိယလိုက်တာက SNLD ၂၃ နေရာ၊ တတိယက ALD ၁၁ နေရာ၊ NUP တစည က ၁၀ နေရာ။ အမတ်နေရာ အနည်းဆုံး ၁ နေရာနိုင်တာက ၂၈ ပါတီ။ - ၂၀၁၀ ရွေးကောက်ပွဲကို စာရင်းဇယားနဲ့တော့ မှတ်မထားပါ။ ၂ဝ၁၂ တော့သိတယ်။ - အမျိုးသားညီလာခံသမိုင်းစဉ်ကိုလဲ ရက်စွဲအတိအကျ မှတ်သားထားတယ်။ စတင်တဲ့နေ့စွဲ = ၉-၁-၁၉၉၆၊ ပြီးစီးတဲ့နေ့စွဲ...

မက်ဆေ့ကနေဖြစ်ဖြစ်၊ ကွန်မင့်ကနေဖြစ်ဖြစ် လင့်တွေ ပို့ကြတယ်။ လင့်တွေထဲကစာ သတ်ပုံတွေ မမှန်ပါ။  သတ်ပုံမမှန်ရင် အချက်အလက်တွေကိုလည်း ဟုတ်ပါ့မလား စဉ်းစားရရော။ သတ်ပုံမမှန်တာ မဖတ်ပါ။ မပို့ကြစေလိုပါ။ ဒေါက်တာတင့်ဆွေ

ရှုမဝ ၁၉၅၉ အောက်တိုဘာ အမှတ် ၁၄၉ အတွဲ ၁၃ (Listener's Heaven Audiobooks - အသံစာအုပ်) သတ်ပုံမှန်ခေတ်က ကာတွန်းဖြစ်ပါတယ်။ အခုတော့ မြန်မာစာလည်း ခိုးရာလိုက်သွားပြီ။ ဒေါက်တာတင့်ဆွေ

ဆရာ ဗမာ လူမျိုးကြီးဝါဒ ဆိုတာပြောပြ ပေးပါ တတ်သိသူတွေက ရေးကြပါတယ်။ ကျွန်တော်လည်း ခပ်ငေါ့ငေါ့ တခါရေးဖြစ်သေးတယ်။ အားနာလို့ ထပ်မရေးဖြစ်သေးပါ။ ဗိုလ်နေဝင်းက လူကောင်းလူတော်တဲ့။ ‘ကောင်း’ စာလုံးနဲ့ ‘တော်' စာလုံးကို အားနာရပါမည်။ မင်းရဲဒိဗ္ဗ သတ္တိကောင်းသတဲ့။ ‘သတ္တိ’ စာလုံးကို အားနာရပါမည်။ ဗိုလ်ခင်ညွန့်နဲ့ထောက်လှန်းရေးက လက်စောင်းထက်သတဲ့။ ‘ထက်’ စာလုံးကို အားနာရပါမည်။ အဝတ်အစားလက်နှစ်လုံးလောက်သာဖုံးဝတ်တဲ့ မော်ဒယ်က လှသလဲ့။ ‘လှ’ စာလုံးကို အားနာရပါမည်။ လက်နက်နဲ့အာဏာသိမ်းထားသူက လက်နက်နဲ့ငြိမ်းချမ်းရေး လဲတဲ့။ ‘ငြိမ်းချမ်းရေး’ စာလုံးကို အားနာရပါမည်။ မဟာလူမျိုးကြီးဝါဒ တဲ့။ ‘မဟာ’ စာလုံးကို အားနာရပါမည်။ အဟုတ်ကြီးထင်မှတ်သူတွေကလည်း မနည်းပါ။ ကျွန်ုပ်တို့သည် စကားလုံးဝေါဟာရများကို နတ်သုဒ္ဓါသဖွယ် သုံးစားနေကြပါသည်။ ၁၉၈၈-၂၀၁၂ ပြည်ပဒီမိုကရေးကာလမှာ ဗမာဖြစ်ခြင်း၊ ယောက်ျားဖြစ်ခြင်းနဲ့ လူကြီးသားသမီးဆိုတဲ့ နောက်ခံရှိသူတွေကို ဝိုင်းပယ်ခဲ့တယ်။ အခုတော့ တိုးတက်လာပြန်တယ်။ - အများစုကိုးကွယ်တဲ့ ဘာသာရေးကိုပါ ဝိုင်းပယ်သလိုလိုထိ ဖြစ်နေပြီ။ အများစုကိုးကွယ်တဲ့ ဘာသာထဲမှာလည်း မပြောမဖြစ်တာတွေ ဖြစ်လာနေတာကိုး။ - ဗမာစာလုံးရေးမိရင် နိုင်င...

၁။ ဗေဒါတဲ့ ဆရာ ဆရာဇော်ဂျီရဲ့ဗေဒါ ကဗျာတွေ ဘာကြောင့်သက်ဝင်နေရတာလဲ ကြိုတင်ခန့်မှန်း ဗေဒါပန်းဘဝကို အတွေးမျိုးစုံ နဲ့ရေးခဲ့တာတွေဟာ အရိုးသားဆုံး ရိုးရှင်းတယ်လို့ပြောချင်ပါတယ်၊ တခြားကဗျာဆရာတွေက တခြားထင်ရှားတဲ့ အဖိုးတန်ပန်းတွေ ဥပမာ နှင်းဆီ သဇင်ပန်းတွေကိုအလေးထားကြပေမယ့်သူများမရေးတဲ့ ဗေဒါပန်းဘဝကို ရေးခဲ့တာ ထူးခြားတယ်လို့ ထင်မိပါတယ်၊ အခုတော့ ပန်း ပန်လျက်ဘဲကဗျာကသီချင်းနှင့်ရုပ်ရှင်ပါကျော်ကြားခဲ့ရုံမက လူတဦးတယောက်ရဲ့  ဘဝဇာတ်လမ်းအထွေထွေ မှာလဲ အရေးပါအရာရောက် ထောက် ထောက် မီးမောင်းထိုးပြသလို ကြေကွဲ ဝမ်းနည်းစွာခံစားနေမိပါပြီဆရာ။ ဟုတ်။ အနုပညာနဲ့ စာပေ၊ တေးဂီတတွေမှာ ခံစားချက်တွေကို တင်စားချက်တွေ၊ ဥပမာတွေ၊ နိမိတ်ပုံတွေနဲ့ ရေးသီဖွဲ့ဆိုလေ့ ရှိကြပါတယ်။ ဆရာဇော်ဂျီက ဗေဒါ၊ တက္ကသိုလ်ဘုန်းနိုင်က စိန်ပန်း၊ ကြည်အောင်က မျှစ်ချိုးနဲ့ ကျားဆိုး၊ တင်မိုးက ထီးကလေးနဲ့ မနီ၊ မောင်စွမ်းရည်က ဘုရားရှေ့ကခြင်္သေ့ကြီး၊ အများကြီး။ နာယူမှတ်သားလောက်ပါပေတယ်။ ဗေဒါပင်ဟာ လောကဓံနဲ့တူတယ်။ လူတိုင်းနဲ့ဆိုင်တယ်။ အစဉ်အမြဲ မှန်နေတယ်။ ၂။ စစ်နှင့် လုလင် - ဇော်ဂျီ ဆရာခင်ဗျာ အခုဖြစ်စဉ်တွေက က လူငယ်တွေကို မ‌စတေးပါနဲ့တော့ ဆရာလိုပညာတက်တွေက အစွဲလမ်းက...

ယုဇနပင်ကို Murraya paniculata လို့ခေါ်တယ်။ Orange Jessamine နဲ့ Lakeview Jasmine လို့လည်းခေါ်တယ်။ တချို့အရပ်တွေမှာ သနပ်ခါးပင်လို့လည်း ခေါ်ပါသတဲ့။ အခေါက်ကို သနပ်ခါးလိုသွေးလိမ်းကြတယ်။ ဝါဝါသေးသေး အလွန်လည်းမွှေးတဲ့ သနပ်ခါးပန်းနဲ့တော့ မတူပါ။ ယု ကယုကယင် (လျောက်ပတ်တင့်တယ်သည်) မာလာယုကျွန်း (မလေး) ယုဂန္ဓိုရ်တောင် ယုဇနပင် ယုယချစ်ခင် ယုယပိုက်ထွေး ယုယုယယ ယုဝတီ (မိန်းမပျို) ယုဝါ (လုလင်ပျို) အာယုကပ် အာယုဒီဃ မြဆိုင်ပညောင်၊ ရွှေဂူချောင်ဝယ်။ ဆွေမောင်နှင့်မယ်၊ ကျီဆယ်သမှု၊ ပန်းခိုင်လု၍။ ကယုကယင်၊ ချစ်တုံ့တင်လျက်၊ ကြင်ကြင်လည်လည်၊ ပျော်ခဲ့ဘူးသည်များကို ကြံစည်စေ့စေ့၊ တစိမ့်စိမ့်အောက်မေ့၍၊ တငွေ့ငွေ့ဆင်ခြင်၊ ပူစကိုငင်မိလျှင်၊ ပူပင်လယ်ရေ၊ လှိုင်းဗောင်ဗင်ဝေသောကြောင့်၊ မဖြေနိုင် မဆည်နိုင်၊ သည်းစိုင်လောင်ခြစ်၊ ကျမျက်ရည်ချောင်းဖြစ်အောင်၊ အော်ဟစ်၍ငိုဆဲတွင်။ (စလေဦးပုည ဆဒ္ဒန်ဆင်မင်းဝတ္ထု) ဒေါက်တာတင့်ဆွေ ၂၈-၉-၂၀၁၉

စိတ်ညစ်ကြေးကို ဖြူဖွေးအောင်ပ၊ လျှော်ဖွပ်ကြစေ။ ဒေါသဖုထစ်၊ ပြေပြစ်စိမ့်ငှာ ပျူငှာနည်းလမ်း၊ လက်ကမ်းကြစေ။ မာနတောင်ကြမ်း၊ လမ်းခင်းကျောက်သုံး အပြုံးဝေငှ၊ အေးချမ်းမြစေ။ ဘဝဖြစ်ပျက်၊ လက်ဖျစ်တတွတ် မျက်စိတမှိတ်၊ လျှပ်တညိတ်မို့ ထိတ်ထိတ်ရင်မ၊ သောကလောင်ကျွမ်း မနေစမ်းနှင့်။ ချမ်းချမ်းမြမြ၊ လန်းလန်းလှလှ ပန်းတမျှသို့ ဘ၀စမ်းရေ၊ အေးပါလေလော့။ အဆွေခင်ပွန်း၊ ချစ်ကျွမ်း၀င်သူ လူသားချင်းချင်း၊ လေပြည်ညင်းသို့ သန့်ရှင်းလွတ်လပ်၊ အချစ်ဓာတ်နှင့် အနေမြတ်ကြပါစေသတည်း။ (တင်မိုး) ဒေါက်တာတင့်ဆွေ

၂၀၁၉ ခုနှစ် ဒီလိုနေ့မှာ တင်ပြထားပါတယ်။ အရမ်းခင်မင်ရသော သူငယ်ချင်းများထံ ပြန်ပို့ပေး၍ သတင်းဝါကျွတ်မှာ ပျော်ရွှင်နိုင်ပါစေတဲ့။ သတင်းလို့ရေးတာ မှားတယ်။ သီတင်းကျွတ်လို့ ရေးရတယ်။ သီ သီကုံး သီကာရီကာ သီကျူး သီချင်း သီတင်းကျွတ်လ သီတင်းသုံး သီတင်းသီလ သီရုံး သီလရှင် သီလဝန် သီလကြောင် သ ပြုသတတ် လုပ်သတတ် သကဒါဂါမ် သကျသာကီဝင် သခွပ်ပင် သဇင်ပန်း အမှတ်သညာ သတင်းစကား သတင်းစာ သတိပဋ္ဌာန်တရား သတိသမ္ပဇဉ် သတီ သတိုး သတို့သား သတို့သမီး သနံပြည် သနပ်ခါး သနပ်ပင် သပွတ်ပင် သပိတ် သပိတ်လွယ်ငှက် သပိတ်သွတ် သဖန်းပင် သဖွယ် သကြား သမံတလင်း သမက် သမနိရှည် သမန်းမြက် သမဝါယမ သမားရိုးကျ သမာပတ်တရား သမာသမတ်ကျ သမုစ္စည်း (သဒ္ဒါ) သမုတ်ခေါ်ဝေါ်သည် သမုဒ္ဒရာ သမုန်းပင် သယံဇာတပစ္စည်း သပြုပင် သဖြန် သရက္ခန်ပင် သရက်ထည်စ သရက်ပင် သရက်သီးသနပ် သရဇ္ဈာယ် သရဏဂုံတင် သရမ်း သရွတ်ကိုင် သရဝဏ်နက္ခတ် သရီရဓာတ်တော် သရုပ်ပြ သရုပ်သကန် သရိုးကိုင် သရိုးသရီဖြစ် သရဲတစ္ဆေ သလင်းစိပ် သလင်းထောင် သလွန်ညောင်စောင်း သလိပ်ထွက် သဝဏ်စာ သဝန်ကြောင် သဟဇာတဖြစ် သဘောဖြူအူစင်း သဘောသကန် သဘောခွေ့ သယောက်လင် သပြေပင် သရေစာ (သွားရေစာ၊ သွားရည်စာ) သရေပွဲ (အနိုင်မရ အမှတ်တူ) သရောခိုင်း သရော် ...

၂၀၁၉ မတ်လ ၁ ရက်နေ့ အေရှတိုင်း သတင်းစာမျက်နှာမှာ ဘာတေးလစ်တနာရေးတဲ့ ရွှေကုက္ကို စီးပွားရေးဇုံအကြောင်းပါလာတယ်။ ဖေဖော်ဝါရီလ နောက်ဆုံးပတ်ထဲမှာ သူ အဲ့ဒီနေရာကို ရောက်ခဲ့ပြီး ခွင့်ပြုချက်ပေးတဲ့နေရာတချို့မှာရိုက်ခဲ့တဲ့ ဓတ်ပုံတချို့ပါ တင်ထားပေးတယ်။ သူရလာတဲ့ သတင်းအချက်အလက်တချို့ကိုပါ ဆက်စပ်ပြီးတင်ထားပေးတယ်။ https://www.asiatimes.com/.../a-chinatown-mysteriously.../ ဒါနဲ့ နိုင်ငံတကာအဆင့်မီ အနာဂါတ် ဒေသတွင်း တရုပ်ရွှေမြို့တော်ကြီးတခုဖြစ်လာမဲ့ အကြောင်း ရထိုက် ကုမ္မဏီက တင်ထားတဲ့ တရား၀င်ဗီဒီယို ကလစ်တွေကို အခြေခံပြီး ပြောချင်လာတယ်။  ဘာတေး ဆောင်းပါးမှာမပါတဲ့ တိကျတဲ့ သတင်း အချက်အလက်တချို့ကိုလည်းဖြည့်စွက်ပေးဖို့ပေါ့။ မြန်မာရထိုက်ကုမ္မဏီကို မြန်မာနိုင်ငံ ရင်းနှီးမြှပ်နှံမှုနှင့် ကုမ္မဏီများညွှန်ကြားမှုဦးစီးဌာန(DICA) အင်တာနက် စာမျက်နှာမှာ ရှာကြည့်တော့ ၂၀၁၇ ဖေဖော်ဝါရီလ၁၄ ရက် (ချစ်သူများနေ့) မှာ မှတ်ပုံတင်ထားတာ တွေ့ရ တယ်။ ၁၃၊၂၊၂၀၂၂ မှာသက်တမ်း ကုန်ဆုံးမယ်ဆိုတော့ ၅ နှစ်သက်တမ်းပေါ့။ ကရင် ပြည်နယ်ထဲမှာ မှတ်ပုံတင်ထားတဲ့ တခုတည်းသော ကုမ္မဏီပဲ။  https://www.myco.dica.gov.mm/Corp/EntityProfile.aspx... https://o...