တို့စာ တို့စကား တို့တိုင်းပြည်

Dr. Tint Swe မြန်မာစာမှာ 'မ' နောက်က 'ဘဲ' လိုက်ဆိုတာ မှန်ပါသလား။ DeepSeek  မြန်မာစာမှာ "မ" နောက်က "ဘဲ" လိုက်တာက မှန်ပါတယ်။ ဥပမာ "မလုပ်ဘဲ" ဆိုတာမျိုးပေါ့။ "မ" က ငြင်းတဲ့သဘောဆောင်ပြီး "ဘဲ" က ထပ်ပြီး ငြင်းတဲ့သဘောကို အားဖြည့်ပေးတာပါ။ ဒါပေမယ့် အခြေအနေတွေပေါ်မူတည်ပြီး မတူညီတဲ့ အဓိပ္ပာယ်တွေ ထွက်လာနိုင်ပါတယ်။ ဒါကြောင့် စာကြောင်းတစ်ခုလုံးရဲ့ အဓိပ္ပာယ်ကို ကြည့်ပြီး သုံးဖို့ လိုပါတယ်။ Dr. Tint Swe ရှင်းလင်းအောင် ထပ်မေးပါမည်။ ဗေဒါလမ်း ညိုပြာပြာ လတာပြင်ခြေရင်း လှိုင်းတက်ရာ ဗေဒါတက်၊ လှိုင်းသက်ရာဆင်း။ ဆင်းရလဲ မသက်သာ အုန်းလက်ကြွေရေပေါလော၊ မျောစုန်လို့လာ အဆင်းနဲ့အလာ၊ ဗေဒါမ အထွေး အုန်းလက်ကြွေ သူ့နံဘေး၊ ဆောင့်ခဲ့ရသေး။ ဆောင့်ခဲ့လဲ မသက်သာ နောက်တချီ ဒီတလုံးက၊ ဖုံးလိုက်ပြန်ပါ မြုပ်လေပေါ့ ပေါ်မလာ၊ မဗေဒါအလှ တလံကွာ လှိုင်းအကြွ၊ ပေါ်လိုက်ပြန်ရ။ ပေါ်ပြန်လဲ မသက်သာ ချောင်းအဆွယ် မြောင်းငယ်ထဲက၊ ဘဲထွက်လို့လာ ဘဲအုပ်မှာ တရာနှစ်ရာ၊ ဗေဒါက တပင်ထဲ အယက်အကန်ခံလို့ ဗေဒါပျံအံကိုခဲ၊ ပန်းပန်လျက်ဘဲ။    ။ (ဇော်ဂျီ - တက္ကသိုလ် အိုးဝေမဂ္ဂဇင်း၊ ၁၉၆၀) 'မ' နောက်က ...

သမီးက အိမ်မှာ စမ်းလုပ်တာ။ စောစောကစာ ၂ ပုဒ် ရေးနေရင်းစားလိုက်တယ်။ ကျွန်တော်တို့ငယ်ငယ်က မုံရွာ၊ ရတနာပုံရပ်ကွက်ထဲမှာ အိမ်ဆိုင်တခုကနေ လိုချင်တာ ဝယ်ကြရတယ်။ ညီအကိုတတွေ တလှည့်စီ။ ကရေကရာလည်း ပါတယ်။ ဒါးလှီးမုံ့လည်းပါတယ်။ သကြားခွေလည်းပါတယ်။  ငါးကြီးသားခြောက်လည်းပါတယ်။ ဒုံးခြောက်နဲ့ လက်ဖက်ခြောက်ကိုတော့ ဈေးဟောင်းတောင်ဘက်ထိ သွားဝယ်ရတယ်။ ကျွန်တော်က ချိုချိုအိအိကို ကြိုက်တယ်။ ဖန်ဖန်ခါးခါးလည်း ကြိုက်တယ်။ ငန်ငန်စပ်စပ်လည်း ကြိုက်တယ်။  ချဉ်တာတော့ တယ်မကြိုက်။ အခုတော့ မာတာလည်း မကြိုက်နိုင်တော့ပါ။ ဒေါက်တာတင့်ဆွေ

ကာပြား - ကပြား၊ (ဘယ်ဘာအမှန်လဲဆိုတာာမသိလို့ပါ)နဲ့ပြော‌ပြော‌နေကြတယ်။ ကာပြား- ကပြား ဆိုတာ မျိုး မစစ် တာကို ဆိုလိုတာလားဗျ ကပြား = လူမျိုးချင်းမတူသော မိဘနှစ်ပါးမှ ပေါက်ဖွားသူ။  နေရာတိုင်းမှာ ကပြားတွေ များနေပြီ။ လူမျိုးစု မတူသူတွေ အတူနေရာကနေ သွေးနှောကပြားတွေ တကမ္ဘာလုံးမှာ ရှိပါသည်။ လွန်ဆန်လို့ မရပါ။ ဘာသာရေးတွေမှာပါ အရောတွေ တကယ်ပင်ရှိပါသည်။ ကပြားဆိုတာ လူမျိုးမတူတာကို ရောထားတာသာ မဟုတ်ပါ။ အမျိုးမတူတာတွေကို ရောတာတိုင်းကိုလည်း ကပြားလို့ သုံးနိုင်ပါတယ်။ အလားတူ အဝတ်အစား အထက်ကမြန်မာလို အောက်က ဘိုလို။ အခုခေတ်မှာ စာရေးတာ စကားပြောတာ ကပြားတွေ များလာတယ်။ မြန်မာစကားလုံးတွေထဲမှာ တခြားဘာသာစကား စာလုံးတွေ များများလာနေသည်။ နည်းပညာဝေါဟာရတွေ မထည့်မဖြစ်သုံးကြရပါမည်။ ယဉ်ကျေးမှုတွေလည်း ရောနှောလာသည်။ အဝတ်အစား၊ အစားအသောက်တွေလည်း ရောနှောလာကြသည်။ Good night ပါ တဲ့။ ကပြား။ Good night par တဲ့။ ကပြား နောက်တယောက်။ "မျိုးဆက်သစ်တို့ တိုးတက်ရစ်ဖို့" (ဆရာ ဦးအောင်သင်း) ၁) လွတ်လပ်ခါစကာလ လွတ်လပ်ရေးရခါစ ကာလကနေ ၁၉၆၄ ခု လောက်ထိ ရန်ကုန်တက္ကသိုလ်ဟာ အရှေ့တောင်အာရှမှာ အကောင်း ဆုံး ဖြစ်ခဲ့တယ်။ အိမ်နီးချင်းနိုင်ငံက ပညာသင်တွေ လာသ...

(၁)  အရီးကြီးတပါး မြင်းစီး၍ တရံခါက ပွဲဈေးသွားသည်ကို သင်တို့ ကြားဖူးပါစ။ ၎င်းထက် ကိုင်တွယ်၍ လွယ်သော သတ္တဝါမရှိ တခွန်းဖြင့် ခွာဆုန်ပြေးရာက ၎င်းရပ်၏။ သို့ရာတွင် ဟေးဟု တခွန်းမျှ အရီးဆိုလျှင် စိတ်ဆောင်၍ တအားကုန် ၎င်းပြေးပြန်တော့အင်။   ။ (၂)  နေမင်းသည် တောက်ပစွာ ထွန်းလင်းနေခိုက်တွင် မြို့တံခါးအနီးသို့ အရီးရောက်သွားလျှင်။ လိုချင်တောင့်တသော သူ့မျက်စိတို့ မြင်ဘိ ချုံတွင်းရှိ ဆီးပင်နှင့် ၎င်း၏ ဆီးသီးမှည့်။ စိမ်းစိုမြင့်ပါးသော အကိုင်းအခက်တို့ဝယ် လှပကြီးမားသော ဆီးသီးမှည့်များ ပေးတယ်။   ။ (၃)  အစာရေစာ မွတ်သိပ်သော အရီးသည် အသီးကို တမ်းတလည်း ဆူးကြောင့် ကျောချမ်းပြီ။ တခွန်းဖြင့် ခွာဆုန်ပြေးသော မြင်းကိုရပ်ကာ ၎င်း၏ ကျောက်ကုန်းထက် သူရပ်၏ မတ်စွာ။ ဆီးသီးကို ဆွတ်စားကာ ကုန်းနှီးထက် သူရပ်၏ သခင်ကိုဆောင်ကာ ဆီးပင်အောက် ၎င်းရပ်ဘိ။  ။ (၄)  အမှန်ပင် သူတွေး၏၊ “ငါ့မြင်းသို့ သော သတ္တဝါ ကမ္ဘာပေါ်တွင်ရှာက တွေ့နိုင်မည် မဟုတ်ပါ။ ကြည့် သည်မှာ ငါရပ်၏ (ပတ်ဝန်းကျင်ကို သူ ကြည့်၏။) မြေကြီးပေါ်တွင် ရပ်နေသကဲ့သို့ မြဲလှဘိ။ သို့သော် ဓာတ်မသိသူ ခရီးသည် ရောက်လာလျှင်  (အကျိုးယုတ်စေရန် မအေ...

(သရက်ကင်း၊ မရမ်းကင်း) ကွန်မင့်တခု = ဆရာခင်ဗျား။ မြန်မာစာနှင့် ပတ်သတ်ပြီး ဒေသိယဆိုင်ရာဝေါဟာတွေကိုတော့ မဖြစ်မနေ ဒီထက် ပိုပြီး ဆရာလေ့လာသင့်နေပါပြီ။ သရက်ကင်း မရမ်းကင်း စသည်တို့မှာပါတဲ့ ကင်းဆိုတာ တိရစ္ဆာန် ပိုးကောင် မဟုတ်ပါ။ ထွက်ခါစ ဖူးခါစ ပေါ်ဦးပေါ်ဖျား အသီးငယ်လေးများကို ဆိုလိုခြင်းဖြစ်ပါတယ်။ ဆင်ဦးကင်း မှန်ကင်း စသည်မှာသုံးတဲ့ ကင်း နှင့် ဆိုလိုရင်းတူပါတယ်။ ကြွက်သားလုံးသားဆိုသည်မှာလည်း ဆရာသိတဲ့ Rat Meatballs မဟုတ်ပါဘူး။ ဘိလပ်လို calf လို့ ခေါ်တဲ့ muscle တမျိုးဘဲ ဖြစ်ပါတယ်။ ဆရာ အိပ်ရေးဝအောင် အိပ်ပါ။ ထင်ယောင်ထင်မှား မဖြစ်စေရန်ဖြစ်ပါတယ်။ ဆရာ ကျမ္မာ ပါစေ။ လူကြီးမင်း သဘောမပေါက်သေးပါ။ တွေ ကို တေ လို့ရေးတာကို ထောက်ပြတာ။ သရက်ကင်း၊ မရမ်းကင်းလေးတွေဆိုတာ အသက် ၄-၅ နှစ်သားကတည်းက စားလာတာ မသိမရှိပါ။ (၁) တတိုင်နှစ်တိုင် မုန်ညင်းတိုင် https://burmese-spelling.blogspot.com/2023/07/blog-post_674.html ဗမာ (မြန်မာ) မူ တတိုင်နှစ်တိုင် မုန်ညင်းတိုင် မုံ့တိုင်လေးလုံး မုံ့လေးလူံး မူကွဲ တတိုင်နှစ်တိုင် မုန်ညင်းတိုင် မုံ့တိုင်ကိုးလုံး မုံ့ကိုးလုံး (ရခိုင့်သဘာ၀တေးသံသာ) "တတိုင်နှစ်တိုင် မညှင်းတိုင်" တတိုင်နှစ်...

အမျိုးမျိုး ရေးနေကြလို့ စစ်ကြည့်ပါတယ်။ ဖလောင်တောင်ဝှေး White Coscus ဖလံတောင်ဝှေး ဂူဂယ်လ်ပုံကတော့ မတူပါ။ ဖလံတောင်ဝှေးပင် (မြန်မာစာ စာလုံးပေါင်းသတ်ပုံကျမ်း၊ ၂၀၀၃) ဒေါက်တာတင့်ဆွေ

မြန်မာစာသတ်ပုံမှန်တွေကို တင်ပြတော့ - - ပုဂံခေတ်ကဟာတွေ လာမပြောနဲ့တဲ့။ - ပုဂံခေတ်ကို ပြန်သွားပါလားတဲ့။ - ပုဂံခေတ်ကလို ရေးပါလားတဲ့။ - မြစေတီကျောက်စာမှာ တစ်ထားတယ်တဲ့။ - အေအိုင်ခေတ်မှာ ပုဂံခေတ်ကသတ်ပုံမလိုဘူးတဲ့။ ပုဂံခေတ်ဆိုတာ  - အမှိုက်လား။  - ပွကြီးလား။  - ဆူးလှည်းကြီးလား။  - ကျိန်စာလား။ ရှေးဟောင်းသုတေသနအချက်အလက်တွေအရ မြန်မာမင်းဆက်တွေထဲမှာ အထင်ရှားဆုံးက ပုဂံခေတ် ဖြစ်ပါတယ်။ ပုဂံခေတ်စာပေ မြန်မာအစ တကောင်းက ဆိုတာ မင်းဆက်စတာကို ပြောတာ။ ပျူခေတ်။ ပျူစာထွန်းကားတယ်။ မြန်မာစာ စတင်ခဲ့တာက ပုဂံခေတ်။ မြစေတီကျောက်စာမှာ ပါဠိ၊ မြန်မာ၊ မွန်၊ ပျူ ဘာသာလေးမျိုးနဲ့ တမျက်နှာစီ ရေးထိုးထားတယ်။ မြန်မာစာသာမက ပါဠိ၊ မွန်၊ ပျူ စတဲ့ စာပေတွေပါ ထွန်းကားခဲ့ပါတယ်။  ပင်းယခေတ်စာပေ နှစ်ပေါင်း ၆၀ ကျော်မျှသာကြာရှည်တဲ့ ပင်းယခေတ်စာပေအဆင့်အတန်းဟာ ပုဂံခေတ်ထက် တိုးတက်လာပါတယ်။ ပုဂံခေတ်မှာ မတွေ့ရသေးတဲ့ စာမျိုးကို တွေ့လာရ။ တျာဖွဲ့များ၊ ကာချင်းများနဲ့ ရတုများဖြစ်တယ်။ အင်းဝခေတ်စာပေ သက္ကရာဇ် ၈၀၀ ပြည့်နှစ်တွင် တောင်တွင်းကြီးမြို့၌ ထူးခြားစွာ ပေါ်ပေါက်လာသော တဘောင်အရ 'ပေလေးပင်၊ ရှင်လေးပါး'  - မြို့လုလင်ရွာမှ မောင်...

You said: တရုပ် နဲ့ တရုတ် ဘယ်စာလုံးက မှန်ပါသလဲ။ ChatGPT said: "တရုတ်" ဆိုသည့်စာလုံးက မှန်ပါသည်။ "တရုတ်" သည် China ကို ရည်ညွှန်းသော မြန်မာဘာသာစကားတွင် သုံးသော ပုံမှန်သောအသုံးဖြစ်သည်။ "တရုပ်" ဟုရေးခြင်းမှာ မှားနေပါသည်။ You said: အဖြေစာ မမှန်ပါ။ တရုပ် နဲ့ တရုပ် မူကွဲများသာဖြစ်ပါသည်။ ၁။ မြန်မာပြည်လွတ်လပ်ရေးရကတည်းက တရုပ်ကို တရုပ်လို့ ရေးတယ်။ ပထဝီစာအုပ်တွေမှာ တရုပ်။ ၂။ နယ်နိမိတ်စာချုပ် တရုပ်။ ပြည်ထောင်စုမြန်မာနိုင်ငံတော်အစိုးရ နှင့် တရုပ်ပြည်သူ့သမတနိုင်ငံတော်အစိုးရတို့ ချုပ်ဆိုကြသော တရုပ်-မြန်မာ နယ်နိမိတ် ပြဿနာနှင့် စပ်လျဉ်းသည့် သဘောတူစာချုပ် ၂၈-၁-၁၉၆၀ ၃။ ချုအင်လိုင်း ရန်ကုန်လာတော့ ဦးနုကကြိုဆိုတဲ့သတင်းမှာလည်း တရုပ်လို့ ရေးတယ်။ ပေါက်ဖေါ်လို့ လည်း သုံးနှုန်းတယ်။ ၄။ လယ်တီဆရာတော်ကြီးရေးတဲ့ သတ်ပုံလင်္ကာမှာ ငရုပ် ရွှေအပ်၊ တရုပ်အပ်၊ နေရပ် ပ-သတ်ရေး။ ChatGPT said: မေးခွန်းနဲ့ ပက်သက်ပြီး ပြည့်စုံတဲ့ အကြောင်းအရာတွေ ဖော်ပြပေးလိုက်တာ ကျေးဇူးပါ။ "တရုပ်" နှင့် "တရုတ်" ဆိုသည့် အသုံးနှစ်ခုလုံးသည် မြန်မာစာတွင် အသုံးဝင်ခဲ့ပြီး၊ သမိုင်းအရ "တရုပ်" ဟု သု...

သစ္စာပန်းတခက် ထပ်တရာလမ်း သူ့ကိုတွေ့ရင် တသိန်းပေးမယ် သီချင်းတွေ နားထောင်ကောင်းခဲ့စဉ် သီချင်းအမည်တွေကိုလည်း မှန်အောင်ရေးကြပါသည်။ အခုခေတ်သီချင်းတွေ ဖတ်တာနဲ့ နားဝမှာ တစ်နေသည်။ ပုံအတွက် ကျေးဇူး။ ဒေါက်တာတင့်ဆွေ

(၁) 'အိမ်ကအမေ' ရေးတတ်ကြ၊ ပြောဆိုလေ့ရှိကြတယ်။ မှားတာတော့ မဟုတ်ပါ။ အိမ်မှာမနေတဲ့အမေ ရှိသေးလားလို့ စဉ်းစားမိစေနိုင်တယ်။ အိမ်ကအဖေ ဆိုရင်တော့ အဆင်မပြေတော့ပါ။ အိမ်မှာမနေတဲ့အဖေ ရှိသေးလားလို့ စဉ်းစားမိရင် ခက်ပြီ။ ကန်တော့။ အိမ်ကယောက်ျား ပိုဆိုးတယ်။ ကန်တော့။ အိမ်ကသား၊ အိမ်ကသမီး အဆင်ပြေပါတယ်။ (၂) နောက်တလုံးက 'ချစ်သောတို့' တဲ့။ အခုတလော တွေ့တွေ့နေတယ်။ ဒါလည်း မှားတာတော့ မဟုတ်ပါ။ ချစ်သော ဆိုတာ နာမဝိသေသန။ နာမဝိသေသနနောက်မှာ နာမ်တခုခုလာလေ့ရှိတယ်။ ချစ်သောနှင်းဆီ။ ချစ်သောမောမြေ။ ချစ်သောသူ။ ချစ်သောကမ္ဘာမြေ။ ချစ်သောတပည့်များ။ ဝင်းဦးသီးချင်းတပုဒ်က ချစ်သောမောင်မောင်။ ပုံထဲမှာ မိခင်က သူ့သားလေးကို ဖက်တားတယ်။ 'ဖက်' နဲ့ 'ဖတ်' က အတော်မှားကြတယ်။  မိခင်၏ ချစ်ခြင်းရကြပါစေသတည်း။ 'မှာ' ကို 'မာ' လို့ရေးသူတွေရဲ့ ဖုန်းကီးဘုတ်မှာ 'ဟထိုး' မပါကြဘူးထင်တယ်။  ဖုန်းကောင်းတာ ဝယ်နိုင်ကြပါစေသတည်း။ maternal embrace clip art of mother and newborn baby mother clipart baby cartoon flat co ဒေါက်တာတင့်ဆွေ

တချို့ က သိကြမှာမဟုတ်ပါ။ ခြေတွေလက်တွေအေးလွန်းလို့ ဘုရား သနပ်ခါးမီးပူဇော်တဲ့ဓလေ့ကို သတိရလာတယ်။ ကနေ့တော့ နှစ်ပတ်လည်စာအဖြစ် ပြန်ပေါ်လာပါတယ်။  ပြည်တွင်းမှာနေစဉ်ကတော့ မြတ်စွာဘုရား ခြေတော်လက်တော်နွေးစေဖို့ သနပ်ခါးမီးပူဇော်တဲ့ ကုသိုလ်ပြုမှုကို တပို့တွဲလပြည့်ညမှာ လုပ်ခဲ့ကြရတယ်။ အပြင်မှာနေရတော့ ဘာသာရေး၊ လူမှုရေးတွေမှာ ဘာလုပ်လုပ် စတိသာလုပ်နိုင်တယ်။ ၂၀၁၈ ခုနှစ်ကတော့ သနပ်ခါးတုံးလေးတွေကို အိမ်မှာရှိတဲ့ဒါးနဲ့စိတ်ခွဲရတဲ့အလုပ်ကို ကြိုးစားပမ်းစားလုပ်တာ၊ ဘယ်ဘက်လက်ညှိုး တချက်ထိသွာလို့ ပလာစတာကပ်ထားရသေးတယ်။  ကျွန်တော်က ခွဲစိတ်ဒါးသာ ကိုင်တတ်တာ။ ဘုရားစင်ရှိတဲ့အခန်းမှာလည်း မီးခိုးနဲ့ မီးတောက်ကို ဒေါ်မြမြအေးက ရေတခွက်နဲ့ စောင့်ရသေးတယ်။ ၂၀၂၅ ခုနှစ်တပို့တွဲလပြည့်နေ့ကတော့ ဖဖေါ်ဝါရီလ ၁၂ ရက်၊ ပြည်ထောင်စုနေ့မှကျရောက်မယ်။  မြန်မာပြည်ကဘုရားတွေမှာ သနပ်ခါးမီးသင်းတဲ့ အနံ့တွေ မွှေးကြိုင်ပါစေသတည်း။ မြန်မာ့ယဉ်ကျေးမှုဓလေ့ကောင်းတွေ တည်မြဲပါစေသတည်း။ ဒေါက်တာတင့်ဆွေ

ပပ်ကြားအက် မှားတတ်တဲ့ စာလုံးပေါင်း။ ပပ် ၁။ ကွဲအက်သည်။ ကွဲကြောင်းပေါ်သည်။ ၂။ (အပေါ်ယံအရေပါး) သွေ့ခြောက် ကွဲအက်သည်။ ဆောင်းရာသီ၌ အသားပပ်သည်။ ပပ်ကြားအက် ပပ်သေးထ "ကောက်ရိုးနွယ်" ဘဝ၏ ညှဉ်းပန်းခြင်းကို ခံနိုင်သူ နှစ်ဦး ရပ်နေသော လယ်ကန်သင်းကလေးကို ငုံ့၍ ကြည့်မိ၏။ ကန်သင်းကလေး၏ လက်ဝဲဘက် ချိုင့်ကလေးထဲမှ လူး၍ တက်လာသော ကန်စွန်းရိုးနီ အညွန့်ကလေးသည် တဖက် လယ်ကွင်းထဲသို့ ဆင်းရန် ကြိုးစားနေ၏။ ကန်စွန်းရိုးကလေး မရောက်တရောက်နေရာမှ ရိုးပြတ်များကို လိမ်၍ ပပ်ကြားအက်များကို ကျော်လျက် ပေါက်သွားသော ကောက်ရိုးနွယ်ကလေးကို မြင်၏။ အတော် သန်ပုံရ၏။ အရင်းဘက်တွင် အရွက်များ ရင့်လျက် လက်ခွကြားမှ အပွင့်ကလေး တပွင့် ထွက်နေ၏။ လက်သန်းဖျားလောက် ရှိ၏။ အနားဖြူ၍ အလယ်တွင် ခရမ်းရောင်လိုလို ရှိ၏။ အနွယ်ကလေးလည်း ရိုးရိုး ဖြစ်၏။ အရွက်လည်း ပေါက်ရ၏။ ပပ်ကြားအက်များ အကြားတွင် ပျော်ရ၏။ သူများတကာ အပင်တွေ ဝေဝေဆာဆာ ပေါက်၍ လယ်ကွင်းခြောက်မှ ပေါက်ရ၏။ တော်တော်ရိုး၏။ တော်တော် အောက်တန်းကျ၏။ သို့သော် အနွယ်ကလေးမှာ အားလျှော့ပုံမရ။ အညွန့်ကလေး တညွန့်သည် တထွာကျော်ကျော်မျှ ရှိသော ရိုးပြတ်ကလေးကို လိမ်တက်၍ ခေါင်းကလေး မော်ကာ ဟိတ်ဟန် ထုတ်နေပုံရ၏။ ၎င်းနှ...

လူမျိုးတမျိုးရဲ့အမျိုးသားရေးဝိသေသထဲမှာ ဘာသာစာကို မှန်မှန်ကန်ကန်သုံးတတ်ခြင်းပါပါတယ်။ ဘယ်လို ကွဲသလဲဆိုတာ ခွဲခြမ်းပေးပါဦးဆရာ။ (မေးခွန်းပါသတ်ပုံတချို့ကို ပြင်လိုက်ပါတယ်။ ဆောရီး) ကနေ့အထိသုံးစွဲနေတဲ့ ကမာ္ဘမှာရှေးအကျဆုံးဘာသာစကား (၁၀) မျိုးရှိတယ်။  ၁။ Hebrew ဟီဘရူး၊  ၂။ Basque ဘက်စ်၊ ၃။ Tamil တမီးလ်၊  ၄။ Lithuanian လစ်သူနီးယန်၊  ၅။ Farsi ဖါရ်ဆီ၊  ၆။ Icelandic အိုက်စလန်၊  ၇။ Macedonian မက်ဆီဒိုးနီးယန်း၊  ၈။ Finnish ဖင်းနစ်ရှ်၊ ၉။ Georgian ဂျော်ဂျီယန်၊  ၁၀။ Irish Gaelic အိုင်းရစ်ရှ် ဂေးလစ်၊ Sumerian ဆူမားရီးယန်ဘာသာစကားဟာ ကမာ္ဘမှာ ရှေးအကျဆုံးလို့ ဆိုပါတယ်။ ဘီစီ ၃၀၀၀ မတိုင်မီကတည်းက ရေးသားခဲ့တယ်။ ခေတ်ဟောင်းအင်္ဂလိပ်ဘာသာစကားကို အင်ဂလို-ဆက်ဆွန်လို့ခေါ်တယ်။ ၅ ရာစုလောက်ကစတယ်။ နော်မန်တွေက သိမ်းယူတော့ အင်ဂလို-နော်မန်ဘာသာစကားကို အထက်တန်းကျသူတွေက သုံးလာတယ်။ ခေတ်ဟောင်း အင်္ဂလိပ်စကား ရပ်စဲသွားတယ်။ အလယ်ခေတ်အင်္ဂလိပ်စကားဟာ အနောက်ဂျာမန်စကားနဲ့ ဆက်နေတယ်။ နှစ် ၁၄၀၀ ကျော်အတွင်း တိုးတက်ဖွံ့ဖြိုးလာတယ်။ ကိုလိုနီနယ်တွေသိမ်းယူနိုင်ရာကနေ အင်္ဂလိပ်စကားလည်း ကျယ်ပြန့်လာတယ်။ အက္ခရာတွေရ...

Dr. Tint Swe မြန်မာစာ စာလုံးပေါင်း ၁။ ဒါး၊ ဓါး၊ ဓား မည်သည်က မှန်ပါသနည်း။ မူကွဲများလော။ ၂။ ပဌမ နှင့် ပထမ မည်သည်က မှန်ပါသနည်း။ မူကွဲများလော။ ၃။ သမတ နှင့် သမ္မတ မည်သည်က မှန်ပါသနည်း။ မူကွဲများလော။ DeepSeek မြန်မာစာ စာလုံးပေါင်းနှင့် ပတ်သက်ပြီး မေးထားသော မေးခွန်းများကို အောက်ပါအတိုင်း ဖြေကြားပေးပါမည်။ ၁။ ဒါး၊ ဓါး၊ ဓား မှန်သော စာလုံးပေါင်း - "ဓား" မူကွဲများ - "ဒါး" နှင့် "ဓါး" တို့သည် မှားယွင်းသော စာလုံးပေါင်းများ ဖြစ်ပါသည်။ ၂။ ပဌမ နှင့် ပထမ မှန်သော စာလုံးပေါင်း - "ပထမ" မူကွဲများ - "ပဌမ" သည် ပါဠိဘာသာမှ ဆင်းသက်လာသော ပုံစံဖြစ်ပြီး၊ မြန်မာစာတွင် "ပထမ" ကို သုံးစွဲရန် မှန်ကန်ပါသည်။ ၃။ သမတ နှင့် သမ္မတ မှန်သော စာလုံးပေါင်း - "သမ္မတ" မူကွဲများ - "သမတ" သည် မှားယွင်းသော စာလုံးပေါင်းဖြစ်ပြီး၊ "သမ္မတ" ကို သုံးစွဲရန် မှန်ကန်ပါသည်။ မြန်မာစာ စာလုံးပေါင်းနှင့် ပတ်သက်ပြီး မှန်ကန်သော ပုံစံများကို သိရှိထားခြင်းဖြင့် စာပေ ရေးသားရာတွင် တိကျမှန်ကန်မှု ရှိစေပါသည်။ Dr. Tint Swe DeepSeek ၏ အဖြေများသည် ဘက်လိုက်ထားသည်များသာ ဖြစ်န...

ကွန်မင့်တခု = တမင်သက်သက် ရေးနေတယ်ထင်ရလောက်အောင် မှားနေကြတာ ဆရာ ဟုတ်။ ကျွန်တော် မြန်မာစာ စာလေးတွေရေးနေတာ ၁၅ နှစ်ရှိပြီ။ ကျန်းမာရေးမေးခွန်းပေါင်း ထောင်သောင်းဖြေရပါတယ်။ နိုင်ငံရေးတာဝန်မရှိ၊ ကျန်းမာရေးမေးခွန်းတွေ နည်းလာတော့ ဆိုရှယ်မီဒီယာကို ဖတ်အားလာတယ်။ လက်တန်းကောက်ချက် ချထားပါတယ်။ ၁။ မှားရေးနေသူ အများစု မှန်အောင်ကို မရေးတတ်ကြတာ။ ၂။ ဒုတိယအများစုက ဟိုလိုဒီလိုလို။ ၃။ တတိယအုပ်စုကတော့ မှန်အောင် မရေးရဲကြတာ။ ၄။ စတုတ္ထအစုက တမင်တကာရေးကြတာဖြစ်ပါတယ်။ မှားနေသူတွေ ၅ ပုံ ၁ ပုံလောက်ရဲ့ အသက်၊ ကျား၊ မ နဲ့ ပညာအရည်အချင်းကိုလည်း သိတယ်။  အတန်းပညာနည်းလို့ မှားသူက အရေအတွက် သိပ်မများလှပါ။ မှန်အောင် မရေးရဲကြသူတွေကတော့ နာမည်ကြီး၊ ရာထူးကြီးတွေ။ သူတို့က ပြင်ကြတော့မှာ မဟုတ်ပါ။ ၅။ ပဉ္စမနဲ့ အနည်းဆုံးအုပ်စုက အမှန်ကိုသိလိုလို့ ရှာဖွေလေ့လာနေကြသူတွေ။ သူတို့ကိုသာ အားကိုးလို့ရမယ်။ Costume Ideas for Groups of Five - HalloweenCostumes.com Blog ဒေါက်တာတင့်ဆွေ

- ‘ပဉ္ဇင်းအမ’ သည် ‘ပဉ္ဇင်းအစ်မ’ မဟုတ် - ‘အလှူ့အမ’ သည် ‘အလှူ့အစ်မ’ မဟုတ်။ - ‘ရဟန်းအမ’ သည် ‘ရဟန်းအစ်မ’ မဟုတ်။ - ‘ဝိသာခါကျောင်းအမ’ သည် ‘ဝိသာခါကျောင်းအစ်မ’ မဟုတ်။ ပဉ္ဇင်းအမ. မကြည်အောင်(ဒေါ်) https://www.youtube.com/watch?v=VN6kxejTvrs ပဉ္ဇင်းအမ. မာမာအေး https://www.youtube.com/watch?v=itXFusn8hsU ပဉ္ဇင်းအမ. တင်တင်မြ https://www.youtube.com/watch?v=FOuwIp8DKSo ဒေါက်တာတင့်ဆွေ

'မက်စင်ဂျာ' ကနေ 'ဆခရင်မ်ရှော့' ပုံတွေ ပို့တယ်။ - 'အစ်ကို' က အမှန်တဲ့။ - ရေးတော့ 'အစ်ကို' ဖတ်တော့ 'အကို' တဲ့။ - အမျိုးတော်ရင် 'အစ်ကို' တဲ့။ အမျိုးမတော်ရင် 'အကို' တဲ့။ အဲလိုထင်တာ မမှန်ပါ။ အရင်ကတည်းက 'အကို'၊ 'အမ'၊ 'အစ်ကို'၊ 'အစ်မ' လို့ ရေးကြတယ်။  နောက်ပိုင်း 'အကို'၊ 'အမ' လို့သာ ရေးကြတာ များတယ်။ - 'အဖေ' 'အမေ' ရှိ။ 'အစ်ဖေ' 'အစ်မေ' မရှိ။ - 'အဒေါ်' ရှိ။ 'အစ်ဒေါ်' မရှိ။ - 'အမျိုး' ရှိ။ 'အစ်မျိုး' မရှိ။ အမကြီးတော့ အမိအရာ https://burmese-spelling.blogspot.com/2024/03/blog-post_632.html အလှူ့အမ https://burmese-spelling.blogspot.com/2023/11/blog-post_4.html အဖေ၊ အမေ၊ အကို၊ အမ၊ မောင်နှမတွေမှာ စ မသတ်ပါ https://burmese-spelling.blogspot.com/2024/10/blog-post_389.html အဖေ အမေ အကို အမ https://burmese-spelling.blogspot.com/2024/05/blog-post_797.html အကို အမ https://burmese-spelling.blogspot.com/2023/09/blog-post_62.html အကို အမ အဖေ အမေ ht...

ပတ်သက် ကို မှားရေးနေကြတာတွေ အများကြီး ၁။ ဗုဒ္ဓဟာ မဇ္ဈိမဒေသမှာပွင့်ခဲ့လို့ အနွေးထည်နဲ့ပါတ်သတ်တဲ့ဝိနည်းမရှိခဲ့ပါ။ ပတ်သက်ဝိနည်းမရှိခဲ့ပါလို့ ရေးရ။ ၂။ ဆရာ ပတ်သက်ကို ပတ်သတ်ချည့်ရေးနေကြလို့ ပြောပေးတာမရဘူးဆရာ သတ်ပဲဆက်သတ်နေကြတာ အဲ့ဒီလူတချို့ထဲ စာဖတ်နာကြတဲ့ သူတွေတောင်ပါတယ်ဆရာ အစာသာဖတ်သွားပြီး စာအုပ်ထဲက စာလုံးပေါင်းအမှန်ကို မှတ်ယူရကောင်းမှန်းမသိကြတော့ဘူးဆရာ ပြင်ပေးလည်း ခေါင်းမာစွာ ပတ်သတ်ပဲရေးနေကြတာဆရာ။ ၃။ မောင်စိန်ဝင်း(ပုတီးကုန်း) နဲ့ပက်သက်လို့ ဖေဖေ့စိတ်ထဲမှာစွဲသွားတာလေးတခုက (တခုရေးတာ မှန်။ ကွန်ဂရက်ကျူလေးရှင်း။ ပတ်သက်လို့ ရေးရ။) ၄။ ဆရာရှင့် သမီးအသက် ၃၅ နှစ်ပါ အကြောရောင်ရောဂါနဲ့ပက်သက်ပြီးမေးမြန်းချင်လို့ပါ (ပတ်သက်လို့ရေးရ) ၅။ ဆရာရှင့် ဆံပင်ဆိုးဆေးနဲ့ဓာတ်မတည့်လို့ဖြစ်တဲ့ အနာတွေနဲ့ပက်သက်တဲ့ ကုသနည်းရေးထားတာရှိလား သိချင်လို့ပါ (ပတ်သက်လို့ ရေးသင့်။) ၆။ ဆရာ အအေးပက်မယ် လို့ရေးတာလား၊ အအေးပတ်မယ်လို့ရေးရတာလားရှင့်။ (အအေးပတ်လို့ ရေးရ။) ၇။ ဆရာ ပက်သက်၊ ပတ်သတ် ဘယ်ဟာက အမှန်ဖြစ်ပါလည်းခင်ဗျာ (ပတ်သက်လို့သာရေးရ။) ၈။ ဆရာ ဘယ်လိုစမ်းသက်မှုမျိူး လုပ်ရပါလည်ဆရာ။ (စမ်းသပ်လို့သာ ရေးရ။) ၉။ ဆရာရှင့် ကျမ အသက် ၃၆ နှစ်ပါရှင့်၊ ...

တညသောအခါ မွေးဖွားလာသည် ဆရာဝန်ဖြစ်မဲ့ ကလေးတယောက်။ ညဉ့်ဦးညဉ့်နက် ဝတ်မပျက် မွေးဖွားပေးရ၊ ခွဲစိတ်ပေးရတဲ့ တောဆရာဝန်တယောက်။ တညသောအခါ ထိုဆရာ အဖမ်းခံရ၊ အရွေးချယ်ခံရတဲ့ အမတ်တယောက်။ ညဉ့်ဦးညဉ့်နက် ဝတ်မပျက်၊ မွေးဖွားပေးရ၊ ခွဲစိတ်ပေးရ သူများနိုင်ငံမှာနေရတဲ့ ဆရာဝန်တယောက်။ တညသောအခါ ထိုဆရာ၊ တနိုင်ငံရောက်၊ နောက်တနိုင်ငံရောက်ရတဲ့ နိုင်ငံရေးလုပ်တဲ့ ဒုက္ခသည်တယောက်။ ညဉ့်ဦးညဉ့်နက် ဝတ်မပျက် မေးတာဖြေရ၊ စာပြန်ရတဲ့ အွန်လိုင်းပေါ်က လူအိုလူဟောင်းတယောက်။ တညသောအခါကို မှန်အောင်မရေးတတ်ကြသူတွေက ငြိုငြင်ခံရတဲ့ မြန်မာစာဆရာ မဟုတ်သူတယောက်။ တညသောအခါသည်ကား ကျွန်ုပ်၏ကမ္ဘာ၊ ကျွန်ုပ်၏ဘဝတည်း။ ဒေါက်တာတင့်ဆွေ ၃၀-၁-၂၀၁၉

ရနံ့စူးမက်၊ ကြက်သွန်ရွက်ပေါ် နှင်းစက်ကြွေဆင်း၊ ညှင်းညှင်းခမ်းသွေ့  မြန်လွန်း၍လည်း၊ နောက်နေ့မိုးသောက် နှင်းဖျောက်ဖျောက်စွေ၊ စိုပြန်ချေမည်… သေရွာသို့ရောက်၊ သူတယောက်မူ တခေါက်ပြန်မလာနိုင်တော့ဘူး။ ။ သစ်ကိုင်းငေါထွက်၊ သစ်ရွက်ဝါရွှေ မောသူ့နွေတွင်၊ မြေသက်ခွေဆွေ့  ကြွေကာဝေ့လည်း၊ ထိတွေ့ရေစင် မိုးသခင်စေ၊ ရွက်သစ်ဝေမည်… သေရွာသို့ရောက်၊ သူတယောက်မူ တခေါက်ပြန်မလာနိုင်တော့ဘူး။  လူ့ကမ္ဘာသည် ဝေးကွာပင်လယ်၊ ဘယ်လောက်ကျယ်ဝန်း စာမှာညွှန်းစေ၊ ယွန်းခရီးဖြတ် လှည့်ကာပတ်လျှင်၊ မှတ်တိုင်ဟောင်းမြေ့ ရက်များရွေ့ကြာ၊ ဆိုက်ပြန်ပါလည်း သေရွာသို့ရောက်၊ သူတယောက်မူ တခေါက်ပြန်မလာနိုင်တော့ဘူး။  ဆိုစမ်းချင်သည်၊ ရက်ရှည်သံသရာ လည်ပတ်ပါငြား၊ လှိုင်း,သောင် စားလည်း သက်ထားသည်းလွှာ၊ ပြန်မလာမို့ သံသရာမလည်နိုင်တကား။   မည်သို့ဖြစ်လည်း ကွေ့ ရစ်လမ်းများ၊ ချန်ရစ်ထားပြီး တံတားရင်လွှာ၊ ငါ့လင်္ကာမှာ သက်လျာတယောက်၊ ငါ့မျက်မှောက်သို့ တခေါက်ပြန်လာပြီတကား။    ။ တက္ကသိုလ်-မိုးဝါ (ခေတ္တ-လောပီတ) သွေးသောက်မဂ္ဂဇင်း ၁၉၆၀ စက်တင်ဘာ GONE FOREVER QUOTE TEMPLATE | PosterMyWall ဒေါက်တာတင့်ဆွေ

ဆရာခင်ဗျာ စိတ်တိုင်း(ကြ)ကအမှန် လား (ကျ)လား။ မင်းတို့ငါ့ကိုအား(ကြ) နေပြီမဟုတ်လား၊ (ကျ)လားခင်ဗျာ။ ချစ်ခင်လေးစားစွာဖြင့်။  ကျ နှင့် ကြ https://burmese-spelling.blogspot.com/2024/02/blog-post_23.html အင်တာနက်လိုင်းတွေ မကောင်းအောင်လုပ်ထားခံနေရတာကြောင့် ဖေ့စ်ဘုတ်လည်းဝင်ကြည့်လိုက်ရင် သတင်းအဟောင်းတွေပဲဖြစ်နေလို့ မကြည့်ဖြစ်တော့ တစ်တော့ပဲသုံးနေတာပါဆရာခင်ဗျာ။ ဒီနေ့ ၃၀ရက်ည ၉နာရီမီးပြန်လာလို့ ဖေ့စ်ဘုတ်ဝင်ကြည့်တာရလို့ မက်ဆင်ဂျာကိုဝင်ကြည့်မိတော့ ဆရာရဲ့စာကိုတွေ့ရလို့ ဝမ်းသာလိုက်တာဗျ။ စာပြန်ပေးလာလို့ကျေးဇူးအများကြီးတင်ပါတယ်ခင်ဗျာ။  ဟုတ်။ ကျွန်တော်မန္တလေးကပါခင်ဗျာ။ သတ်ပုံအမှန်တွေတင်ပြပေးနေလို့ ကျွန်တော်သိချင်တဲ့စာလုံးပေါင်းသတ်ပုံရှိရင် ဆရာရဲ့စာတွေဝင်ဖတ်နေကြပါခင်ဗျာ။အခုတော့ အရင်လိုဖေ့စ်ဘုတ်ကြည့်ရတာ အဆင်မပြေတော့လို့ သိချင်တဲ့စာလုံးပေါင်းသတ်ပုံအမှန်ဆရာဆီမေးကြည့်တာပါ။ ဒီနေ့ညကြတော့ လိုင်းကကောင်းနေတာဗျာ မြန်မာစာကို ပျက်စီးအောင် တမင်တကာကို သတ်ပုံအမှားတွေရေးတင်နေကြသူတွေအများစုဟာ ဗမာတွေချည်းပဲလို့ဆရာပြောခဲ့တာအမှန်ပဲဗျ။ ဟုတ်။ မန္တလေးလို့ ရေးတာ မှန်။  စောစောက ဗိုလ်တထောင်ကို စသတ်ထားတာတခုတွေ့လို့ တင်ပြ...

အဆီအငေါ်မတည့်ဘူး ပြောကြမှာဘဲ။ စာသင်နေတဲ့ဆရာမတယောက်ကနေ ဆရာဝန်ကို မေးခွန်းတခုမေးတယ်။ ကျန်းမာရေး မဟုတ်ပါ။ ဆရာမ = ဆရာ အနုပညာရဲ့အဓိပ္ပါယ်လေးပြောပြပါလား။ ဟာ ဆရာက အဲဒီနယ်ပယ်မှာ ဆရာမလုပ်နိုင်ဘူးနော်။ ဆေးပညာကိုသာ သိတယ်။ ဆရာမ = ဆရာ တကယ်သိချင်နေတာ။ တနေ့က နိုဘယ်မြန်မာစာပေဆွေးနွေးပွဲခေါင်းစဉ်က ဘဝအနုပညာတဲ့ ဘုရားဟော တရားတွေကလည်း အနုပညာတရားလို့ ဆိုပါတယ်။ ညက အိပ်မပျော်ခင် စဉ်းစားနေခဲ့သေးတယ်။ ပန်းဆယ်မျိုးနဲ့ စာပေတွေကနေ ဘာသာရေးကို အနုပညာနဲ့ ပုံဖေါ်နေတာတချို့ဟာ ကြည်ညိုစိတ်ကဲလွန်စေပြီး၊ အစွန်းမလွတ်တာတွေ၊ သွေဖီတာတွေလည်းဖြစ်စေတယ်လို့ သုံးသပ်မိတယ်။ ဆက်တွေးအုံးမယ်။ ရေးဖြစ်မလားတော့ မပြောတတ်ဘူး။ ဘာသာရေး ရေးရတာမှာ အတော် သတိထားရမယ်။ ဆရာမ = ကျမလေ အနုပညာရဲ့တိကျတဲ့အဓိပ္ပါယ်ကို သိချင်လာတယ်။ ကျမမှာက စွယ်စုံကျမ်းမရှိဘူး။ မြန်မာအဘိဓာန်ကိုကြည့်တော့ စာပေဂီတ၊ ပန်းချီစသော နူးညံသောအရာလို့ပဲပါတယ်။ စွယ်စုံကျမ်းမှာ ၁ဝ မျက်နှာ ရှိတယ်။ လူမျိုးတမျိုးရဲ့ ယဉ်ကျေးမှုကြေးမုံဖြစ်သည်တဲ့။ အနုပညာဆိုတာ လူမျိုးတမျိုးရဲ့ စိတ်နေသဘောထား၊ ကြံရည်ဖန်ရည်၊ ဓလေ့စရိုက်၊ နေထိုင်မှုအဆင့်အတန်းတို့ကို ထင်ဟပ်စေသည်။ လူ့စိတ်ကိုလှုပ်ရှားစေနိုင်သောပညာ၊ စေတနာအလ...

'ဗိုလ်တထောင်' ကို ဘယ်အချိန်ကစပြီး အမည်ပြောင်းလိုက်ပါသလဲ။ 'ဗိုလ်တထောင်ဘုရား' အမည်ကိုလည်း ပြောင်းထားကြပြီလား။ 'ဗိုလ်တထောင်မြို့နယ်' အမည်ကိုလည်း ပြောင်းထားကြပြီလား။ အမည်ပြောင်းပွဲသတင်းတွေ မသိလိုက်ရပါ။ ChatGPT နဲ့ DeepSeek တွေကို မေးကြည့်ရဦးမယ်။ Dr. Tint Swe 'ဗိုလ်တထောင်' လား၊ 'ဗိုလ်တစ်ထာင်' လား။ အမှန်ကိုသိပါရစေ။ ChatGPT  အမှန်က "ဗိုလ်တထောင်" ဖြစ်ပါတယ်။ မြန်မာနိုင်ငံ၊ ရန်ကုန်မြို့ရှိ ဗိုလ်တထောင်မြို့နယ် ကို မှန်ကန်သော စာလုံးပုံစံဖြင့် "ဗိုလ်တထောင်" ဟု ရေးသင့်သည်။ "ဗိုလ်တစ်ထောင်" ဟု ရေးသည့်အခါ မှားယွင်းသွားမည်ဖြစ်သည်။ "ဗိုလ်တထောင်" ဆိုသည်မှာ ဗိုလ်တစ်ဦး၏ ထောင် (စစ်တပ်စခန်း/နေရာ) ဆိုသော အနက်ရှိပြီး၊ ရှေးနောက် သမိုင်းနှင့်ဆက်နွယ်ပါသည်။   ။ Dr. Tint Swe 'ဗိုလ်တထောင်' လား၊ 'ဗိုလ်တစ်ထာင်' လား။ အမှန်ကိုသိပါရစေ။ DeepSeek "ဗိုလ်တထောင်" နဲ့ "ဗိုလ်တစ်ထောင်" ဆိုတဲ့ စကားလုံးနှစ်ခုလုံးကို သုံးနေကြတာ တွေ့ရပါတယ်။ ဒါပေမယ့် မြန်မာစာမှာ စံသတ်မှတ်ချက်အရ "ဗိုလ်တထောင်" ဆိုတာကို ပိုမိုတွေ့...

တ နဲ့ တစ် လို့ထင်နေသူတွေ သိကြစေသတည်း။ တဝမ်းပူတွေကို မလိုအပ်ဘဲ စသတ်ခိုင်းတဲ့အချိန်ကစပြီး မြန်မာစာနဲ့ မြန်မာ့ပညာရေးကျဆင်း ပျက်စီးလာပါတယ်။  အခုဆိုရင်  - စာလုံးပေါင်းသတ်ပုံတွေ အများကြီးမှားရေးနေကြပြီ။  - အသံထွက်တွေလည်း မှားကြတယ်။  - စာအရေးအသားလည်း မှားကြတယ်။ ဖတ် နဲ့ ဖက် မှားရေးတာတွေ အများကြီး https://burmese-spelling.blogspot.com/2023/06/blog-post_893.html ဖက် နဲ့ ဖတ် မှားရေးနေသူတွေ အတော်ပေါတယ် https://burmese-spelling.blogspot.com/2024/03/blog-post_512.html ဒေါက်တာတင့်ဆွေ

  မေးခွန်းတခု = အာမေဋိပ်မှာ စာလုံးပေါင်းအမှန်ရှိလားသိချင်လို့ပါ ဥပမာ အဟွတ်၊ အဟွပ် ရေ ရေ့ ရေ ရေ ရေ့ ရေ့ အာမေဋိတ်လို့ ရေးရ။ - အချစ်ရေ့ - ညီ လေးရေ့ - အကိုကြီးရေ့  အာမေဍိတ် = ထိတ်လန့်ခြင်း၊ ဝမ်းသာခြင်း၊ အံ့သြခြင်းသည့် တ စုံတ ခုသော အကြောင်းကြောင့် ပြင်းပြင်းထန်ထန် စိတ်လှုပ်ရှားကာ နှုတ်မှ ရုတ်တရက် ထွက်ပေါ်လာသော အသံကို အာမေဍိတ်ဟု ခေါ်သည်။ ဟာ (နာမ်) အရာဝတ္ထုတစုံတရာကို ညွှန်းလိုရာ၌သုံးသော စကားလုံး။ (သည်ဟာ၊ ထိုဟာ၊ ဟိုဟာ စသည် အသုံးရှိသည်။) ဟာ (အာမေဋိတ်) အံအားသင့်သောအခါ ငြင်းဆိုသည့် အခါတို့တွင် မြည်တမ်းသော စကားလုံး။ “ဟာ အထိန်တော်ကြီး နေရာရှာလို့။” “ဆွဲကွာ၊ ကြိတ်ဆွဲ၊ ဟာ မဖြစ်ပါဘူး။” အဲ့ အော့ အဲ ဒါ တာ ဆရာရှင့် ခုနောက်ပိုင်း လူတော်တော်များများ "အဲတာဆိုရင်" "အဲတာကြောင့်" "အဲတာက" ဆိုတဲ့စာလုံးကို ရေးနေကြတာတွေ့ရပါတယ် အထူးသဖြင့် ကြော်ငြာစာတွေမှာလည်း ခဏခဏတွေ့ရပါတယ်။ စကားပြောမှာသုံးတဲ့ အဲဒါ၊ အဲဒါကြောင့်၊ အဲဒါဆိုရင် ဆိုတာကိုဆိုလိုတာဖြစ်ပါတယ်။ အဲတာ လို့ ရေးနေတာကို ဘဝင်မကျဖြစ်နေမိလို့ပါ ဒီစာလုံးပေါင်းသတ်ပုံလေးအကြောင်း ဖော်ပြပေးပါဦးရှင့် အဲ့ လို့ ရေးနေကြတာ မမှန်ပါ။ အဲ့ ကို ညွှန်းဆိ...

Dr. Tint Swe ရွှေဥဒေါင်းက "တသက်တာမှတ်တမ်းနှင့်အတွေးအခေါ်များ" စာအုပ်ကို ရေးသားထုတ်ဝေခဲ့ပါသည်။ အဆိုပါစာအုပ်ကို ပြန်ထုတ်သူတွေက "တစ်သက်တာမှတ်တမ်းနှင့်အတွေးအခေါ်များ" ဟု ပြင်ဆင်ထားပါသည်။ အဆိုပါလုပ်ရပ်မှာ - ၁။ ရွှေဥဒေါင်းက မြန်မာစာသတ်ပုံမှန် မရေးတတ်သူဟု ဆိုလိုပါသလား။ ၂။ ရွှေဥဒေါင်းက မြန်မာစာသတ်ပုံမှားနေသဖြင့် ပြင်ဆင်ပေးထားပါသည်ဟု အမှာစာမှာ ထည့်သင့်ပါသလေား။ ၃။ စာအုပ်ပြင်ထုတ်သူများက "ငါ့သဘောနဲ့ငါ လုပ်ချင်ရာလုပ်မည်" ဟု သဘောထားကြပါသလား။  ChatGPT said: စာအုပ်နာမည်ကို ပြင်ဆင်မှုနှင့်ပတ်သက်၍ အနည်းဆုံး အောက်ပါအချက်များကို တိုက်တွန်းစဉ်းစားသင့်သည်— ၁။ ရွှေဥဒေါင်းသည် မြန်မာစာသတ်ပုံမှန် မရေးတတ်သူဟု ဆိုလိုသလား? မဖြစ်နိုင်ပါ။ ရွှေဥဒေါင်းသည် မြန်မာစာပေအနုမြူင့်ပညာရှင် တစ်ဦးဖြစ်သည့်အတွက် စာသတ်ပုံ မမှန်ဘူးဟု သတ်မှတ်ခြင်းမပြုသင့်ပါ။ တစ်ချို့စာရေးသူများသည် သုံးနှုန်းသည့်စကားအသုံးအနှုန်းများနှင့်စာလုံးပေါင်းရေးပုံများသည် ယင်းတို့၏ ကိုယ်ပိုင်လက်ရာ (style) ဖြစ်နိုင်သည်။ ၂။ စာအုပ်ပြင်ထုတ်သူများသည် စာအုပ်နာမည်ကို ပြင်ဆင်ရန် "စာသတ်ပုံမှားနေသဖြင့်" ပြင်လိုက်သည်ဟု အမှာစာထဲထည့်...

1. ၀ဠ်ကြွေးက မသေးဘူး - ဝဋ်ကြွေးက မသေးဘူး  2. ၂ ထုတ် - ၂ ထုပ်လို့ ရေးရ။ 3. 40နားနီးပေမယ့် - ဖေါ်တီးနားနီးပေမယ့် 4. Snow ကြတယ် - Snow ကျတယ် 5. ကျိုးစား - ကြိုးစား။ 6. ကြက်နှရွက်မှို - ကြွက်နားရွက်မှို 7. ကြာဇံ - ကြာဆံ + ကြာဆန်။ 8. ကြာသာပတေး - ကြာသပတေး 9. ကိုယ်ကြိုက်တဲ့ပုံဆံမျိုးစုံလေးတွေလုပ် - ပုံစံလို့ ရေးရ။ 10. ကိုယ်ကိုတိုင် - ကိုယ်ကိုယ်တိုင်၊ ကိုယ်တိုင်လုပ်၊ ကိုယ့်ကိုယ်ကို  11. ကော်ဖီခွက်တေ  ဖော်ကောင်တေ - ဖုန်းကီးဘုတ်မှာ ဝဆွဲမပါသေးက ထည့်ထားသင့်။ 12. ချဉ်ပေါင်နဲ့(ပက်သက်)ပြီးချက်နည်းအစုံ စုစည်းမှု - ချဉ်ပေါင်နဲ့(ပတ်သက်)ပြီးချက်နည်းအစုံ စုစည်းမှု 13. ချဉ်ဖက်စုံ - ချဉ်ဖတ်စုံလို့ ရေးရ။ 14. ခွင့်လွတ်ပေးတဲ့သူက နိုင်သူပါ - ခွင့်လွှတ်ပေးတဲ့သူက နိုင်သူပါ  15. ဂျင်းသေးသေးလေးဆိပ်ထည့် - ဂျင်းသေးသေးလေးစိတ်ထည့် 16. ဂျုံများဖြူးပီး(ပြီး) 17. ဂြိုလ်ကြီး ၆လုံး - ဂြိုဟ်ကြီး ၆လုံးလို့ ရေးရ။ 18. ငခူငဆုတ်ကင်ပွန်းချဉ်ချက် - ငခူငဆုပ်လို့ ရေးရ။ 19. ငြိမ်းချမ်းရေးတေးသံ လွင့်ပျံပါစေသော - လွင့်ပျံ့ပါစေသော 20. ငွေရှိတိုင်းချက်ခြင်းဝယ်လို့မရတာ - ချက်ချင်းလ...