တို့စာ တို့စကား တို့တိုင်းပြည်

(၁) ငါ့ညီ မောင်ဝင်း နယ်ကိုဆင်း လည်ပင်းတွေကို ခွဲပေး၏။   ။ မင့်အကိုကား  ခွဲစိတ်ဒါးစွန့် ထားခဲ့ တိုင်းပြည် ကိုယ်လွတ်ရုန်းခဲ့ရသည်တကား။   ။ (၂) နှစ်ဝမ်းကွဲညီအကို  တယောက်က စစ်တပ်ထဲကို ရောက်  ဒုဝန်ကြီးပြီးတော့ ဝန်ကြီးအထိ ပေါက် မင်းတိုင်ပင်ဘုန်ကြီးကျောင်းမှာထားတဲ့ ကင်းဝန်မင်းကြီးအသုံးအဆောင်တွေ ဘယ်ကိုရောက်။   ။ တယောက်က ဆေးကျောင်းရာက် နိုင်ငံရေးထဲရောက် ပြည်ပရောက် ကင်းဝန်မင်းကြီးရေးတဲ့စာ သတ်ပုံတွေ ရှာဖွေနှောက်။   ။ ဒေါက်တာတင့်ဆွေ

မင်္ဂလာပါဆရာ ကျွန်တော်က လက်ဝဲစာလုံးကို သဘောကျ နှစ်သက်တယ်ဆရာ ကျေးဇူပါဆရာ အမှတ်တမဲ့ ကောက်ရေးမိတယ်ဆရာ ဟုတ်။ လက်ဝဲစာလုံး ရေးနည်း မူတွေ အမျိုးမျိုးရှိတယ်။ အခြေခံတခုက စုတ်ပြားနဲ့ ရေးရတယ်။ စာလုံးတိုင်းဟာ ဝလုံးလို ရေးမလား၊ လေးဒေါင့်ပုံလား မတူကြပါ။ ကျွန်တော်က စတုဂံနည်း လိုက်တယ်။ လက်ရေးဆိုတာ တသမတ်တည်း ညီနေရင် လှတယ်။  ကွန်ပြူတာစာလုံးတွေက ညီတော့ညီပါရဲ့၊ လှလည်း လှပါရဲ့၊ စာလုံးပေါင်းသတ်ပုံမှန်မှသာ စာကောင်းဖြစ်ပါတယ်။ ဒေါက်တာတင့်ဆွေ

စာလုံးပေါင်းသတ်ပုံတွေကို မှန်အောင်ရေးထားတဲ့စာ ရေးသားသူနဲ့ တင်ပေးသူ ကျေးဇူး။ ဒေါက်တာတင့်ဆွေ

လွဲတတ်သော စာလုံးပေါင်းများ လျဉ် လျည် လျင်း လျဉ်း လျှင်း ဒေါက်တာတင့်ဆွေ

(၁) The Road not Taken ဤကဗျာသည် ဝိဝါဒကွဲကြသောကဗျာဖြစ်ပါသည်။ ကဗျာဆရာကိုယ်တိုင့်အပြောအရ သူက နောက်ပြောင်ရင်း ရေးပြခဲ့ခြင်းသာဖြစ်ကြောင်းလည်း ဆိုသူက ဆိုသလို၊ လယ်ပိုင်ရှင်သား လယ်ယာမလုပ်ဘဲ စာဆိုလမ်းရွေးခဲ့သဖြင့် လယ်သူဌေးဘဝ ဘယ်လိုများဖြစ်ခဲ့လောက်မလဲဟု ကုက္ကုစ္စအတွေးဖြင့် တွေးခဲ့ကြောင်းလည်း ဆိုသူကဆိုပါသည်။  "မလျှောက်ဖြစ်ခဲ့တဲ့လမ်း" ဟူသော ခေါင်းစဉ်အရ "လွတ်တဲ့ငါး (ကြီးလေမလား)"ဟုလည်း တွေးတောမှုကို ပြ၏။ ဘာသာပြန်သူ့အတွက်မှာမူ လူ့ဘဝလမ်း၌ ရွေးချယ်စရာနှစ်ခွဒွိဟများ လူသားတို့ ကြုံကြရာဝယ် တလမ်းကိုသာ ရွေးချယ်ကြရစမြဲဖြစ်၏။ ထို၏အလွန်၌လည်း ပုထုဇဉ်ပီပီ မရွေးခဲ့သောဟိုလမ်းဆို ဘယ်လိုများလဲဟု တွေးကြံစည်တတ်၏။ ဤသို့ ဒွိဟ၏အလွန်၌ဖြစ်သောကိစ္စကို နှလုံးမူ၍လည်းကောင်း၊ two..diverged စသော ဒွိ ဒွယ စကားလုံးများကို ခပ်ယောင်ယောင်ဖမ်းလို၍လည်းကောင်း ဒွိဟ၏အလွန် ဟု မထင်ရှားသောအနက်ပြစကားဖြင့် တမင်ဘာသာပြန်(မိ)ခဲ့ပါသည်။ ဒွိဟ ဟုချည်းပြန်ခဲ့သည်မဟုတ်ပေ။ စောဒကဖြင့်မေးသူရှိလာမှ ပြောခွင့်ရသောကြောင့် ‌မေးသူအား ကျေးဇူးတင်ပါ၏။ (Zaw Min-Oo) (၂) https://m.facebook.com/story.php?story_fbid=9129555400388709&id=10000003020

ဆရာ့ရဲ့စာဖတ်ပရိတ်သတ်ပါ ဆရာ့ရဲ့မြန်မာစာပေအပေါ်ထားတဲ့စေတနာ မေတ္တာကို လေးစားမိကာတယ်ဆရာ ဆရာနဲ့ ဆရာကြီးမောင် ( - )တို့ရဲ့ မြန်မာစာပေအပေါ်ကျေးဇူးကြီးလှပါတယ် ကျေးဇူးတင်ပါတယ် ဆောရီး။ မောင် ( - ) က တစ်ဂိုဏ်းခေါင်းဆောင်။ သူက အရင်ထုတ်စာအုပ်တွေမှာ သတ်ပုံမှန် တ နဲ့စာရေးခဲ့တယ်။ လက်ထဲမှာ တအုပ်ရှိတယ်။  ၂၀၁၀-၂၀၁၅ လွှတ်တော်မှာ တပင်တိုင်ကျွန်းဥပဒေပြုစဉ်က အင်နယ်လ်ဒီအမတ်တယောက် မေးခွန်းထုတ်တဲ့အခါ မြန်မာစာအဖွဲ့ကို ဖုန်းဆက်မေးတော့ သူက တစ်ပင်တိုင်လို့ဖြေကြောင်း လွှတ်တော်မှာ ရှိနေတဲ့ မီဒီယာသာမာ တဦးက ပြောပြတယ်။ အဲဒီကတည်းက ကျွန်တော်နဲ့ သတ်ပုံအယူအဆ မတူတော့ပါ။ သူ့ပရိတ်သတ်က သန်းများစွာရှိပြီး ကျွန်တော့မှာ ၄-၅-၁၀ ယောက်သာရှိပါတယ်။ ဒေါက်တာတင့်ဆွေ

ကျေးဇူးပါ ဆရာ၊ ဆရာရှိတော့ နားမလည်တာ​လေးတွေ မေးလို့ရတဲ့အတွက် ကျေးဇူးတင်ပါတယ်။ ကျွန်တော်ကတော့ - ဖြေတတ်တာလေးတွေကို ဖြေနိုင်တဲ့ကျန်းမာရေးရှိနေသေးခြင်း ကံတရားကို ကျေးဇူးတင်မိတယ်။ ဒေါက်တာတင့်ဆွေ

တိမ်မှောင်ချဉ်း၍ မလင်းရောင်ဝါ၊ မှိုင်းအုပ်ခါလျှင် ဘယ်ညာမလပ်၊ လောကဓာတ်သို့ တိုက်ခတ်တုန်ဟီ၊ လေပြင်းချီသော် တွဲလီတွဲလောင်း၊ စာဘူးတောင်းလည်း မညောင်း မကြောက်၊ သိုက်အုံဆောက်သည် အံ့လောက် ပညာသည်တကား။     ။  တာရာမဂ္ဂဇင်း၊ အတွဲ(၂)၊ အမှတ်(၃) Friend Bookshop ဒေါက်တာတင့်ဆွေ

၁။ ဒကာကြီး ဒကာကြီးတင်တဲ့ပို့စ်တွေ ဖတ်ဖြစ်ပါတယ် တဝမ်းပူကို စ လုံးနဲ့ငသတ် တစ် မလုပ်ဖို့တွေ လေ့လာသိရှိခွင့်ရတယ် အဲဒါဆို သတ်ပုံကျမ်းက အခု ထုတ်ထားတာတွေဟာ အမှားတွေချည်းပဲပေါ့နော် တစ် တွေချည်း တွေ့နေရလို့ ဒကာကြီး ကိုယ်ရောစိတ်ပါကျန်းမာပါစေ သတ်ပုံအမှန်သိရအောင် ဘယ်စာအုပ်တွေကို လေ့လာသင့်ပါသလဲ ၂။ ဆရာခင်ဗျား။ မြန်မာစာသတ်ပုံနဲ့ပတ်သက်ပြီး ဘယ်သတ်ပုံကျမ်းကို အဓိကထား သုံးစွဲသင့်ပါသလဲ ခင်ဗျ။ အရှင်ဥက္ကံသမာလာ ရဲ့ ဝဏ္ဏဗောဓနသတ်အင်းမှာပါတဲ့ သတ်ပုံတွေအတိုင်း ရေးသားသုံးစွဲလို့ရပါသလား ခင်ဗျား။ ၃။ ဆရာခင်ဗျာ မြန်မာစာသတ်ပုံမှန်တဲ့ စာအုပ်ဆိုရင် ဘယ်စာအုပ်ကို ညွှန်းလိုပါသလဲ ခင်ဗျာ မြန်မာအဘိဓာန်တွေ၊ သတ်ပုံကျမ်းတွေက များတယ်။ လက်ထဲမှာရှိတဲ့ သတ်ပုံ ကိုးကားစရာ စာအုပ်များ - ၁။ ဝဏ္ဏဘောဓနသတ်အင်း (ရှင်ဥက္ကံသမာလာ) ပီဒီအက်ဖ် ဖိုင် ရှိပါသည်။ file:///C:/Users/drswe/OneDrive/Desktop/%E1%80%9D%E1%80%8F%E1%80%B9%E1%80%8F%E1%80%97%E1%80%B1%E1%80%AC%E1%80%93%E1%80%94%20%E1%80%9E%E1%80%90%E1%80%BA%E1%80%A1%E1%80%84%E1%80%BA%E1%80%B8.pdf ၂။ ကဝိဓဇသတ်ပုံကျမ်း (ဦးစံချစ်) ပီဒီအက်ဖ် ဖိုင် ရှိပါသည်။ ၃။ မြန်မာစာရေးထုံးကျမ်း (ဦးသာမြတ်) ပီဒီအက်ဖ်

တ တစ် တေစ် သုံးမျိုး (၁) တ အဓိပ္ပာယ် တ၊ န - သင်္ချာတစ် အရေးအသားတွင် နိရုတ္တိနည်းအရ စသတ်(စ်) ကျေသော အက္ခရာ။ (မြန်မာအဘိဓာန်) (၂) တစ် - ပေါရာဏ ဇာတိဥဏ္ဏမည်သော သားမွေးဖျား၌ ဆီကြည်ကို တစ်၍ ထုတ်ပြီးသော် - ဟူ၏။ ဆွတ်သည်ကို တစ် ခေါ်သည်။ ပါရမီတွင် `ဆွတ်တစ်မေတ္တာ၊ ကရုဏာဖြင့်’ စပ်၏။ ဇာတိဥဏ္ဏကို ဆိတ်မွေးဟု နန်းကျောင်းဆရာ ဆိုသည်။ (မုံရွေးဆရာတော်) (၃) တေစ် - ပုံ (အုဂ်ဖိုလ်ဆရာတော်ကြီး) တ နဲ့ တစ် ငြင်းနေတဲ့ စာတခု တွေ့မိလို့။ (ရှေးစာကဗျာများ) ဒေါက်တာတင့်ဆွေ

မိုးရေ ဆမ်းထားသည်ဖြစ်၍ လောကတခုလုံး လန်းဆတ်နေလေသည်။ သို့သော် တခါတရံ ထိုပြုံးရွှင်တက်ကြွ အားရဘွယ်ကောင်းသော သူတို့၏အသွင်များကို တမေ့တမော ငေးမျှော်ကြည့်မိတတ်သည်။ မင်းကျော်ရဲ့ ငြိမ်းတယ်ချမ်းတယ် မိုး မူရင်းစာအုပ်ထဲက စာမျက်နှာ ၁ ဖြစ်ပါတယ်။ အခုခေတ်စာရေးဆရာတွေကတော့ - လောကတစ်ခုလုံး တဲ့။ တစ်ခါတစ်ရံ တဲ့။ တစ်ခါတရံ တဲ့။ တခါတစ်ရံ တဲ့။ တစ်မေ့တစ်မော တဲ့။ တစ်မေ့တမော တဲ့။ တမေ့တစ်မော တဲ့။ ဖေ့စ့်ဘွတ်အကောင့်ပိုင်ရှင်တွေက ပိုသေးတယ်။  မိုးရေ စမ်းထားသည်ဖြစ်၍ တဲ့။ မိုးရေ စန်းထားသည်ဖြစ်၍ တဲ့။ ဆောရီးပါ ဆရာမင်းကျော်ခင်ဗျား။ ဒေါက်တာတင့်ဆွေ

စတုမဓူ ဟူသားရသာ၊ သကာ တခြား ပျားလည်း မလွတ်၊ ထောပတ်ဦးဆီ အညီဖော်မြှောက်၊ တောမြွေဟောက်ကို ဆိပ်တောက်ပွားစေး၊ ဝအောင်ကျွေးသော် အရေး ထူးပြား၊ ဖြစ်သည်များကို ထောက်ထားနှိုင်းတု၊ ပုံစံရှု၍ ပြူစုသရွေ့၊ အဓလေ့လည်း အောက်မေ့ကြံခင်း ပုံစေမင်း။ ။  (နွားပိန် ထူ၊ လူဝှေ့- ဂမ္ဘီသာရပျို့ ပိုဒ်-၃၀) (ရှင်မဟာရဋ္ဌသာရ) ရှေးစာကဗျာများ ကျေးဇူး။ ယခုသော်ကား သကာ'တစ်ခြား' ဆိပ်တောက်ပွား၏။ စတုမဓု လို့လည်း ရေးကြတယ်။ ဒေါက်တာတင့်ဆွေ

ရုတ်တရက်လို့ ရေးရတယ်။ ရုတ် ငရုတ်ကောင်း ငရုတ်သီး (ငြုပ်သီး) ပရုတ်ဆီ ဗရုတ်ဗရက် ရတ္တပိတ်နာ ရုတ်ကနဲ ရုတ်ခြည်း ရုတ်ခြည်း ရုတ်တရက် ရုတ်တရက် ရုတ်ရက်ခတ် ရုတ်ရက်ခတ်သည် ရုတ်ရုတ်မြည်သံ ရုတ်ရုတ်မြည်သံ ရုတ်ရုတ်ရက်ရက် ရုတ်ရုတ်ရက်ရက် ရုတ်ရုတ်သဲသဲ ရုတ်ရုတ်သဲသဲ ရက် ထရံရက် မစားရက် မသောက်ရက် ရက်ကန်းကြိုးမြွေ ရက်ကန်းစင် ရက်ကန်းရက် ရက်ကန်းရှယ် ရက်ချိန်း ရက်ချုပ် ရက်ခြာဖျား ရက်စက် ရက်စုံသတ် ရက်တက်ရည် ရက်ဖောက်တန်း ရက်ဖောက်ယောက် ရက်မလျှို ရက်ရော ရက်ရက်လှူ ရက်လည်ဆွမ်းသွတ် ရက်သတ် ဒေါက်တာတင့်ဆွေ

သူ့ခေါင်းပေါင်းလည်း  ဟောင်းနွမ်းဆွေးကြေ၊ ဝင်းခြံမြေတွင်  အနေနေရာ ပြောင်းခဲ့ပြီ။  သူ့ပုဆိုးလည်း ဆေးညှိုးရောင်မွဲ၊ မီးဖိုထဲတွင် တဖြဲလက်သုတ်၊ အနှီးလုပ်၍  အစုတ်ဘဝပြောင်းခဲ့ပြီ။ စာသင်ပို့ချ၊ ဝိဟာရလည်း  နှစ်လကြာညောင်း ပြောင်းခဲ့ပြီ။ ဪ... မြေဖြူခြစ်၍  အော်ဟစ်ကပြ၊ သူ့ ဘဝမူ  ကဏ္ဍမပြောင်းလေတကား။ ကြည်ပြုံး(ပခုက္ကူ) ငွေတာရီမဂ္ဂဇင်း ၃ (၁၉၆၃ မတ်လ) Listener's Heaven Audiobooks - အသံစာအုပ်  ပခုက္ကူမှာ တဖြဲလက်သုတ်အစား  တစ်ဖြဲလက်သုတ် သုံးနေကြပြီလား။ ဒေါက်တာတင့်ဆွေ

၂၄ နာရီအတွင်းမှာ စစ်ကိုင်းတိုင်းထဲက မြောက်ယဉ်စွန်းတန်းကျောက်ပြားမှတ်တိုင်ကစာနဲ့ ကောင်းမှုတော်စာလုံးပေါင်းအကြောင်း တင်ခဲ့သေးတယ်။ ၁။ စစ်ကိုင်းက ကိုယ့်တိုင်းဖြစ်လို့ စိတ်ဝင်စားတယ်။ ၂။ ‘ဒေသကြီး’ ဆိုတဲ့ လျှာရှည်တာ မပါလို့ သဘောတူတယ်။ ကျွန်တော်က စစ်ကိုင်းတိုင်း၊ အောက်ချင်းတွင်းခရိုင် (ယခင်အခေါ်)၊ ပုလဲမြို့နယ်က ရွာလေးတရွာမှာ မွေးပြီး မုံရွာမှာ နေထိုင်ခဲ့သူဖြစ်တယ်။ ဆရာဝန်အလုပ်ကို မုံရွာ၊ မြို့သာ (အဲဒီတုန်းက စစ်ကိုင်းတိုင်းထဲမှာ)၊ စစ်ကိုင်းနဲ့ ပုလဲဆေးရုံတွေမှာ တာဝန်ကျခဲ့တယ်။ ၁၉၉၀ ကျတော့လည်း ပုလဲကနေ အရွေးခံခဲ့သေးတယ်။ ‘ဖိုရမ်’ စာလုံးအပြင်၊ ‘ဖက်ဒရယ်ယူနစ်’ လည်း တွေ့ပါတယ်။ အဲလိုညှိနှိုင်းကြ၊ ဆွေးနွေးကြတာတွေ ကောင်းပါတယ်။ ဒါပေမဲ့ မတူတာတွေရှိတိုင်းတော့ ရန်မဖြစ်ကြနဲ့။ ၂၄ နှစ်တာအတွေ့အကြုံတွေအရ တင်ပြတာ။ နောက်ပြီး ခုကာလက ကျွန်တော်တို့ လုပ်ခဲ့စဉ်ကနဲ့ အတော်ကို မတူပါ။ အရင်ကဆိုရင် ညီလာခံတွေ၊ အစည်းအဝေးတွေမှာ ခမ်းမထဲမှာ ညှိမရသေးတာကို နေ့လယ်စာ၊ ညစာစားချိန်မှာ ရင်းရင်းနှီးနှီး ပြောကြရပါတယ်။ ရတဲ့အခါ ရတယ်။  အခုလုပ်နေကြရသူတွေက ‘ဇူးမ်’ ပိတ်ပြီး အ်ိပ်ကြရတော့တယ်။ လူချင်းက တကြိမ်တခါမှ မတွေ့ဘူး မမြင်ဘူးတွေလည်း ပါနေနိုင်တော

အင်္ဂလိပ်လို ပန်းတွေကို ဘယ်လိုခေါ်လဲ ဗဟုသုတအနေနဲ့ သိရအောင် ရှာဖွေစုစည်းပြီး ပြန်လည်မျှဝေပေးလိုက်ပါတယ်။ စပယ်လင် မှန်သော်လည်း သတ်ပုံ မှား၏။ တပ်တရာ စာလုံးပေါင်းမှားနေသည်။  ထို့ပြင် ပန်းတွေကို အင်္ဂလိပ်လို ဘယ်လိုခေါ်လဲဟု ရေးက ပိုမှန်၏။ ကျွန်ုပ်တို့လူမျိုးသည် ဘိုစာတတ်သော်လည်း မိခင်ဘာသာစကား မှားကြကုန်၏။ ဂုဏ်ယူကြကုန်၏။ မြန်မာစာကို မှန်အောင်ပြင်ရန်မလိုဟု အများကယူဆကြ၏။ ဒေါက်တာတင့်ဆွေ

တခြားတယောက်ဆီ အတိုင်းအတာတခုအထိ တဦးတယောက်ရဲ့ အခြားသူတဦးရဲ့ တခြားတယောက်ဆီ အတိုင်းအတာတခုအထိ တဖက်သားမျှယူခံစားတတ်အောင် https://www.facebook.com/photo?fbid=635571761933042&set=pcb.635571968599688 ရှေးစာကဗျာများ ဒေါက်တာတင့်ဆွေ

၁။ ဆရာ အထူးလျှော့စျေး နဲ့ အထူးလျော့စျေး ဘယ်ဟာက အမှန်လဲဆိုတာ ပြောပြပေးပါလား။ ၂။ အလျော့အတင်းနဲ့ အလျှော့အတင်းကို နားလည်အောင် ရှင်းပြပေးပါဦးဆရာ လျှော့  တင်းကျပ်နေသည်ကို အနည်းငယ်ချောင်အောင်လုပ်သည်။ ကြိုးလျှော့သည်။  ခါးပတ်လျှော့သည်။  စျေးလျှော့ပါ စိတ်လျှော့သည် ဈေးလျှော့ဖွင့်သည် လက်မလျှော့တဲ့အချစ် လက်လျှော့သည် လျှော့၍ လျော့သည် လျှော့ပေါ့ လျှော့မတွက်နဲ့ လျှော့ရက် လျှော့ရက်ရသည် အကြံလျှော့သည် အားမလျှော့နဲ့ ရောက်လုပြီ အို ကြိုးစားတက်ပါမည် ကုသိုလ်အကျိုးဟာ တန်ခိုးကြီးသည် ဘိုးဘိုးကြီး မမည် (ကျိုက်ထီးရိုး) လျော့ ကြိုးလျော့ မာန်လျော့ အလျော့အတင်း အထူးလျော့ဈေး အလျော့အတင်း လျော့ကျသည် လျော့နည်း လျော့ပါး လျော့ရိလျော့နည်း လျော့လျည်း လျော့လျား အလျော့အတင်း စောင်းကြိုးညှင်း အားမတန် မာန်လျော့ ဖြေလျော့ခွေ ငါနှင့်ငါသာ နှိုင်းစရာဟု ပညာမုန်ယို အရွယ်ပျိုက မဆိုစလောက် မာန်စောင်မြောက်၍ နှုတ်ငေါက်လွန်မိ ဒေါသငြိလည်း နောင်ပြီးတခါ ရိုသေစွာလျှင် ဤစာကိုးခန်း ပုလဲပန်းဖြင့် စိတ်ကျန်းညံ့လျော့ ငါကန်တော့၏။ (ရှင်မဟာရဋ္ဌသာရ) ဒေါက်တာတင့်ဆွေ

အိမ်ထောင်သတ်တမ်းကို အိမ်ထောင်သက်တမ်း လို့ရေးရကြောင်း ဖြေလိုက်တယ်။ ထပ်စဉ်းစားရပြန်တယ်။ အိမ်ထောင်သတ်တမ်းလို့ရေးတာကို မှားတယ်လို့ ပြောမရပြန်။ လင်မယားနှစ်ယောက်က မတည့်ကြလို့ နေ့တိုင်းလိုလို သတ်ပုတ်နေကြသလားပါ စဉ်းစားရတယ်။ အဲဒါသာမှန်ရင် (သတ်တမ်း) လည်း မှန်ပြန်ရော။ ၁။ ဘယ်လောက်အထိအသပ်ရှင်နိုင်မလဲ အတွေ့အကြုံရှိသူအားမနာတမ်းပြောပေးပါ အသက်လို့ ရေးရတယ်။ ၂။ ဆရာ ပက်သက် ပတ်သတ် ဘယ်ဟာက အမှန်ဖြစ်ပါလည်းခင်ဗျာ ပတ်သက်လို့ ရေးရတယ်။ ၃။ ဆရာ ဘယ်လိုစမ်းသက်မှုမျိူး လုပ်ရပါလည်ဆရာ။ စမ်းသပ်လို့ ရေးရတယ်။ ၄။ ဆရာရှင့် တဖက်သတ်လား တဖက်သက်လား ဝေခွဲမရတော့လို့အချိန်ရရင်ဖြေပေးပါ တောင်းဆိုပါတယ်ရှင့် ၅။ ဆရာ ဘယ်လိုစမ်းသက်မှုမျိူး လုပ်ရပါလည်ဆရာ။ ၆။ ရောဂါကို ဆရာဝန်ပြသင့်။ သတ်ပုံကိုတော့ ကျွန်တော်ပြင်ပေးပါမယ်။ စမ်းသပ်လို့သာရေးရတယ်။ ၇။ သေသပ် ဟုတ်ဘူးလားဆရာ။ အသေသတ်ဆိုရင်တော့ တသတ်ပေါ့ မြန်မာစာတော်တော်ခက်တယ်ဗျာ။ ၈။ ဆရာ သပ်ဆိုတဲ့ အသုံးအနုန်း ဘယ်လိုသုံးရတယ်ဆိုတာလေးရေးပေးပါ ဆရာ။ ၉။ ကျနော့်အသက် ၄၆ နှစ်ရှိပါပြီ။ ကျနော် ညာဘက်လက်နှင့် စာရေးပါတယ်။ အရင်ကစာရေးရင် အတန်အသင့်လှပြီး သက်သက်ရက်ရက် ရှိပါတယ်။ ၃/၄ နှစ်လောက်ရှိပါပြီ စာရေးရင် ထိမ်းမရဘဲ အောက်

မြန်မာစာ သတ်ပုံ နှင့် အခြေခံ  အတွက် pdf file ပြုလုပ်ပေးပါ ဆရာ လေးစားစွာဖြင့် ကျွန်တော့မှာ အဲလိုလုပ်ဘို့ အချိန်မရှိပါ။ တခြားသူတွေ လုပ်ပြီးသားတွေ ရှိပါတယ်။ ရသမျှ ဘလော့မှာ တင်ထားတယ်။ အခုဆို စာအုပ်ကောင်း ကျမ်းကောင်းတွေ မနည်းတော့ပါ။ အလွန်ကျေးဇူးတင်စရာကောင်းတယ်။ ဖိုင်လုပ်တာအတွက် အချိန် မရှိပါ။ မြန်မာစာ သတ်ပုံ နှင့် အဘိဓာန် အတွက် တော့ အချိန်ရှိပေးပါ ဆရာ။ လေးစားစွာဖြင့် No အလေးအနက် ,, တောင်းဆိုပါတယ် ဆရာ။ ပြန်လည် သုံးသပ် စဉ်းစားပေးပါ။ လေးစားစွာဖြင့်။ နိုး။ အလေးအနက် ,, တောင်းဆိုပါတယ် ဆရာ။ ပြန်လည် သုံးသပ် စဉ်းစားပေးပါ။ လေးစားစွာဖြင့်။ ထပ်မပြောတော့ပါရန်။ လူတိုင်းဟာ ကိုယ်တတ်တာ ကိုယ်လုပ်ရတယ်။ လူတိုင်းမှာ ဦးစားပေးတွေ ရှိကြရတယ်။ ကျွန်တောလည်း လူထဲကတယောက်။ ဆေးပညာကို အထူးကုမဟုတ်တဲ့အဆင့် ကောင်းကောင်းတတ်ပြီး အတွေ့အကြုံတွေ အင်မတန်များတယ်။ နိုင်ငံရေးမှာ လွှတ်တော်တက်ခွင့်မရတဲ့အဆင့်မှာ အတွေ့အကြုံတွေ အင်မတန်များတယ်။ မြန်မာစာမှာ အမှားတွေကို ခိုင်ခိုင်မာမာထောက်ပြနိုင်စွမ်းရှိလာတယ်။ ၉ နှစ်သာအတွေ့အကြုံရလာပြီ။ ဖိုင်တွေကို ပီဒီအက်ဖ်လုပ်တာ၊ စကန်လုပ်တာတွေက ကျွန်တော့အလုပ် မဟုတ်ပါ (မဟုတ်ပါ)။ လုပ်ပေးနေသူတွေကို ကျေးဇူးတင်ရ

မင်္ဂလာပါဆရာ ဦးကုလား (မဟာ ရာဇဝင်ကြီး) pdf file ရှိရင် ပေးပါဦး ဆရာ။ ကျနော့် မေးလ် ( - ) လေးစားစွာဖြင့်  ဦးကုလား မဟာရာဇဝင်ကြီး ၂ တွဲလုံးတော့ ရှိတယ်။ ပီဒီအက်ဖ် ဖိုင် မရှိပါ။ စာကောင်းပေမွန်တွေကို ပီဒီအက်ဖ် ဖိုင်လုပ်တင်နေတဲ့ ရှေးစာကဗျာများက အချိန်ရတဲ့အခါ လုပ်ပေးမယ်လို့ မျှော်လင့်ရပါတယ်။ အလွန်ကျေးဇူးကြီးတယ်။ လူအများစု (၉၀%) လောက်ကတော့ မှန်အောင်ရေးထားခဲ့တဲ့စာတွေ၊ ကဗျာတွေ၊ တရားတော်တွေ၊ သမိုင်းစာတွေကို တမင်တကာ တကူးတက သတ်ပုံပြင်တင်နေ၊ ထုတ်ဝေနေ၊ သင်ကြားပေးနေကြတယ်။ အလွန်အကျိုးနည်းစေတယ်။ ဒေါက်တာတင့်ဆွေ

လွန်းမောင်သည် တစုံတခုသောမျက်နှာကို မြင်လိုက်ရ၍ မြန်မာစာ သတ်ပုံမှန်ခေတ်က ကာတွန်း ဖြစ်ပါတယ်။ အခုခေတ်မှာ - ကာတွန်းဆရာတချို့က “တစ်စုံတစ်ခု” တဲ့။ စာရေးဆရာတချို့က “တစ်စုံတခု” တဲ့။ ကဗျာဆရာတချို့က “တစုံတစ်ခု” တဲ့။ မြန်မာစာဆရာတချို့က ဘာရေးရေး “တစ်” ရင်ပြီးရောတဲ့။ https://www.facebook.com/Zero-Comic-Library-108609607408053/photos/pcb.765692208366453/765691795033161 Zero Comic Library ရန်အောင်မြင် အပိုင်း -၃ ဇာတ်လမ်းနှင့် သရုပ်ဖော် ကာတွန်းသော်က ဒေါက်တာတင့်ဆွေ

၁၉၉၀ ကို “ပါတီစုံ ဒီမိုကရေစီ အထွေထွေရွေးကောက်ပွဲ” လို့ အမည်အရှည်ကြီးနဲ့ ရေးရတယ်။ အခုခေတ်မှာ “ပါတီစုံ” ဆိုတာ လူထုကမဲပေးကြမဲ့ပါတီတွေ မပါတာကိုခေါ်တယ်။ “ဒီမိုကရေစီ” ဆိုတာ ရာဇဝတ်မှု။ “ဖက်ဒရယ်” ဆိုတာ တရားမမှု။ “ဈေးကွက်” ဆိုတာ များများပေးသူယူ။ အမှားပြင်တာ ကောင်းပါသည်။ သတင်းစာ မှားရေးတာကိုသာ ပြင်ကြတဲ့ခေတ်။ ဒေါက်တာတင့်ဆွေ

ခေတ်သစ် ကျေးညီနောင် ဇာတ်လမ်း ငါ့ညီ မောင်ဝင်း နယ်ကိုဆင်း လည်ပင်းတွေကို ခွဲပေး၏။   ။ မင့်အကိုကား  ခွဲစိတ်ဒါးစွန့် ထားခဲ့ တိုင်းပြည် ကိုယ်လွတ်ရုန်းခဲ့ရသည်တကား။   ။ ဒေါက်တာတင့်ဆွေ

အသိပေးသူ ကျေးဇူး။ (၁) ဆရာရှင့် စာရေးသူက အမှန်ရေးပေမဲ့ ပုံနှိပ်တိုက်က မှားတာမျိုးလည်း ရှိတတ်ပါတယ် ကိုယ်တွေ့မို့ပါ အမေနေ့ အမေအထူးထုတ်စာအုပ်မှာ ကျွန်မက "မိဘ" လို့ ရေးတာကို စာအုပ်ထွက်လာတော့ "လောဘ"တဲ့ စိတ်ဆင်းရဲလိုက်ပုံများ ပြောစရာမရှိဘူး အယ်ဒီတာချုပ်က သတ်ပုံကို အလွန် အလေးထားတဲ့ ဆရာကြီးပါ ပုံနှိပ်ရာ မှားယွင်းမှုလို့ ယူဆရပါတယ် အမှားပြင်ဆင်ချက် ထည့်ရအောင်ကလည်း စာအုပ်က ထွက်လာပြီ စ နဲ့ ဆကိုလည်း မှားပြင်ထားသေးတယ် အယ်ဒီတာတည်းဖြတ်ထားတဲ့စာမူကို ပုံနှိပ်သူက ပြင်ခွင့် ရှိ မရှိတော့မသိ ဆရာကြီးရော စာရေးသူကျွန်မပါ စိတ်ဆင်းရဲခဲ့တာတော့ အမှန်ပါရှင်။ ခုခေတ် စာအုပ်ထုတ်ဝေနည်းတွေကို သိပ်မသိပါ။ စာအုပ်တိုက်တွေကလည်း မတူကြဘူးထင်တယ်။ ကျွန်တော်စာအုပ်လေး ၃ အုပ် ထုတ်စဉ်က စာအုပ်တိုက်တခုကတော့ စာစီထားပြီးသားကို ပို့ပေးပြီး ဖတ်ခိုင်းသေးတယ်။ နောက်အခက်တမျိုးက ပေ့ချ်မိတ်ကာကိုသာ သုံးတတ်တဲ့တိုက်ဆိုရင် ကျွန်တော်နဲ့ ခက်တယ်။ ကျွန်တော်က ဝဒ် ကိုသာသုံးတယ်။ ၁၀ နှစ်ကျော်လောက်ကတော့ လာက်ကတော့ ပီအမ်-ဖိုး ခဲ့ဘူးပါတယ်။ ခဲစာလုံးခေတ်က အဆင့်ဆင့်လုပ်ကြရတယ်။ ပရုဖတ်၊ စာတည်း၊ အယ်ဒီတာ၊ အယ်ဒီတာချုပ်။ အဲဒါလည်း အမှားမကင်း။ စွယ်စုံက

ဆရာတင်မိုးရဲ့အမေ့ကျောင်းကဗျာတင်ပေးပါရှင့် အမေ့ကျောင်း   နေလုံးနီနီ ညနေစောင်းတော့ အမေ့ကျောင်းကို သွားရမယ်။ ငွေဗျိုင်းဖြူရယ် ကျွန်တော်သွားတော့ လိုက်မှာလားကွဲ့ ပျော်လှတယ်။ သင့်မှာတောင်စုံ လေဟုန်စီးရင် ဒုံးပျံကြီးထက် မြန်လိမ့်မယ်။ ဖိုးလဝါဝါ ပြူကာထွက်တော့ ကျောင်းတက်ချိန်လို့ မှတ်ရတယ်။ အမေ့ရင်ခွင် ထိုင်ခုံလုပ်လို့ ငုတ်တုပ်ကလေး ထိုင်ပါ့မယ်။ ကောင်းကင်ကြီးဟာ ကျောက်သင်ပုန်းပေါ့ ကြယ်ဝလုံးတွေ ရေးရတယ်။ ကမာ္ဘ့မြေပုံ တိမ်တွေရှိပေါ့ အလွယ်ကြည့်ရင် သိနိုင်တယ်။ အမေ့နှုတ်သံ တအေးအေးနဲ့ ကဗျာတေးတွေ သင်ပေးတယ်။ ကျောင်းအားချိန်မှာ အမေကျွေးလို့ ချိုချိုမွှေးကို စို့ပေါ့ကွယ်။ ရွှေကျားရွှေယုန် ပုံပြင်ခင်းတော့ အင်း …. အင်းလိုက်ကာ နားထောင်မယ်။ အမေ့ကြာနွယ် လက်သွယ်ပျောင်းမှာ မျက်တောင်ညောင်းတော့ အိပ်ရောကွယ်။ သူငယ်အိပ်ချိန် ကြက်သံညောင်းမှ အမေ့ကျောင်းလည်း ဆင်းတော့တယ်။ သွားမယ် သွားမယ်။  ။ (တင်မိုး) မှတ်ချက် - အမေ့နှုတ်သံ 'တအေးအေး' သည် အမေ့နှုတ်သံ 'တစ်အေးအေး' မဟုတ်ပါ။ https://www.facebook.com/watch/?v=412664599913584 ဒေါက်တာတင့်ဆွေ

ကျနော်တို့ငယ်ငယ်က ဆန်ထဲကစပါးလုံးတွေ ရွေးခဲ့ရပါတယ် အခုဆန်တွေက ဘာလို့စပါးလုံးမပါတော့တာလဲခင်ဗျာ ဆန်ကို ချက်ပြီး၊ ပြုတ်ပြီး စားသုံးနိုင်တဲ့အဆင့်ထိ သန့်စင်နည်းတွေကြောင့် ဆန်အရည်အသွေး ကောင်းလာပါတယ်။ မဆလ ခေတ်မှာ အစစအရာရာ ရှားပါးတယ်။ အရည်အသွေးတွေညံ့တယ်။ လစာလုပ်ခနဲ့ မလောက်လို့ အကြံအဖန်တွေ မျိုးစုံလုပ်ကြရတယ်။ မှောင်ခိုစနစ်က တတိုင်းတပြည်လုံး။ ရောနှောကြတယ်။ နိုင်ငံခြားပို့တဲ့ဆန်တွေပါ ရောလို့ သင်္ဘောတွေ ပြန်လာရပါသတဲ့။ ဆီတွေလည်း အတူတူ၊ ပဲတွေ ဂျုံတွေလည်း အတူတူ။ ဆေးတွေလည်း အရော အတု မလွတ်ပါ။ အခုခေတ်မှာ အတော်များများကတော့ ပိုကောင်းလာတယ်။ အညံ့တွေက များသေးတယ်။ ညံ့နည်းသစ်တွေ တိုးလာတယ်။ စားသောက်ကုန်မှာ ညံ့နည်းအပြင် မြန်မာစာနဲ့ ပညာမှာပါ ညံနည်းတွေနဲ့ ရောက်လို့ မြန်မာစာရော ပညာပါ မသန့်တော့ပါ။ ဘာသာရေး မသန့်တာတွေ ရှိလာတယ်။ အဲဒါကြောင့် ပညာ၊ သုတ၊ သမိုင်းနဲ့ မြန်မာစာကို ရေးပါတယ်။ ဒေါက်တာတင့်ဆွေ

မြန်မာ့ဆိုရှယ်လစ်လမ်းစဉ်ပါတီ၏ ပညာပေးစာစောင် (၁၉၆၅) စာမျက်နှာ ၂၃ • နောက်တကြိမ် • လူမျိုးနွယ်တရပ် • ဤတကြိမ်တွင်မူ • တပင်တပန်း • အာရပ်လူမျိုးအနွယ်တရပ်က • အိမ်ထောင်စုတခုသည်လည်း • မိဘမဲ့ကလေးတဦး ဒေါက်တာတင့်ဆွေ

(၁) ပက္ကလာ = မိုးကာကွယ်ရန် အသုံးအဆောင်၊ အဲယွန်း ခေါ် ပလီမ၊ ကောက်စိုက်တဲ့နေရာမှာသုံးတဲ့ အဆောင်း။ တချိုု့က ဘီလားတဲ့။ (၂) ရခိုင်ဘာသာဖြင့် ပက္ကလာ ထားဝယ်လို အဲယွန်း မွန်ဘာသာဖြင့် ကဒူး အချို့ဒေသများမှာ ပီလမ (Aung Kyaw Oo) (၃) ကဒူး = ဦးခေါင်းမှာ တင်ပါးထိ မိုးလုံအောင် ရက်လုပ်ထားသော ဆောင်းစရာတမျိုး။ ပီလား။ ပီလမ။ ပက္ကလာ။ (မွန်)။ ကဒက် = မျောက်ဥမျိုးအဝင် ဟင်းချက်စားရသော ချွဲသောဥရှိသည့် ဆူးနွယ်ပင်တမျိုး။ မြစ်လိုက်ဥပင်။ (ရခိုင်)။ တောသင်္ဘောပင်။ (မွန်) ဒေါက်တာတင့်ဆွေ

• တခုသောပုဒ်၌ • ဝါကျတခု၌ဖြစ်စေ • တခုထက်ပိုသော ဝါကျ၌ဖြစ်စေ • ပုဒ်တခုတွင် အလင်္ကာပန်းကုံး မြောင်းမြမြို့ နေရှင်နယ်ကုန်း တိုက်သစ် ပဇ္ဇောတာရုံ အရှင်ကုမာရ ၁၉၈၃ ခုနှစ်ထုတ် မြောင်းမြ မြို့သူမြို့သားတွေ မြန်မာစာသတ်ပုံ မှန်အောင် ရေးတတ်ကြပါသေးလား။ နေပြည်တော်မှာတော့ မှန်အောင်ရေးတတ်သူ မရှိတော့ပါ။ ဒေါက်တာတင့်ဆွေ

သူငယ်ချင်းတယောက်ရဲ့ ဇနီးမိခင် ကွယ်လွန်သွားတယ်။ မိခင်ကြီးဟာ အဝေးကြီးမှာနေရတဲ့ သမီးဆီကလာတဲ့စာကို ဖတ်နေတဲ့ပုံ တင်တယ်။ ဆရာတင်မိုးကတော့ အမေ့စာကိုဖတ်တဲ့အကြောင်း ကဗျာရေးတယ်။ ဒီလိုဘဲ မိသားစုတွေမှာ မိဘဆီကစာကို သားသမီးတွေက၊ သားသမီးတွေဆီကစာကို မိဘတွေက ဖတ်ကြရတယ်။ အဲဒီခေတ်မှာ စာရွက်ပေါ်မှာ ဖေါင်တိန် (ဘောပင်) နဲ့ ရေးကြရတယ်။ ဆရာတင်မိုးအမေကတော့ ခဲတံကို တံတွေးဆွတ်ရေးပါသတဲ့။ "အလွမ်းပြေစာတစောင်" အလွမ်းပြေ အမေရေးတဲ့ ကောက်ကွေးကွေး အက္ခရာ။ ခဲတံကို တံတွေးဆွတ်လို့ ဖျက်ပွတ်ရာအစုံစုံနဲ့ စာသတ်ပုံ မမှန်ကန်လဲ အမေ့ဉာဏ် ဘယ်လိုကောင်းပါလိမ့် ပျောင်းညွှတ်သည့်စာ။ ဖိုးသာယာကျောင်းမှာတုန်းဆီက သင်ပုန်းကုန် ကျွတ်အောင်မတတ်သော်လဲ အမေ့မှာ စေတနာဓာတ်တွေက ဖြတ်ကနဲ ယိုလို့လာ လွမ်းစာတဲ့ ဆောင်းပါး။ အမေမရှိသော်လဲ ဖြေမိ ဖြေစရာပေါ့ သည်လွမ်းစာ သည်လက်ရေးရယ်က ပဲတီချဉ် သွယ်သွယ်ကွေးလိုပ စီရေးပုံ မပြေပါလဲ စေတနာ အလွန်သန့်တာမို့ အမေ့စာ တကယ်ခန့်တယ် အံ့မိပါတကား။ (တင်မိုး၊ အလယ်တန်းပြကဗျာ) (ပန်းချီ ကိုလင်း) ဒေါက်တာတင့်ဆွေ

ခင်နှင်းယု ၁၉၅၆ မြဝတီမဂ္ဂဇင်း အဘ၏ပုံပြင်များသည် တကယ်လော၊ အိပ်မက်ပေလောဟု ဘယ်သူမှ မပြောနိုင်ကြပေ။ သို့သော် ခလေးတို့သည် စွဲလမ်းနှစ်သက်ကြ၏။ ဆင်ခြင်ဆုံတရားအနည်းငယ် သက်ဝင်ပြီဖြစ်သော လူငယ်တို့ကမူ အဘ၏ပုံပြင် ပေါ်ထွက်ချိန်ခေတ်ကို မေးစမ်းကြသော်လည်း အဘသည် တခါဘူးမျှ မပြောပြဘူးပေ။ အဘသည် သူတို့၏အညာစုရွာသို့ပင် ဘယ်တုန်းက ပြောင်းရွှေ့ဝင်ရောက်လာမှန်းပင် လူငယ်တို့ မသိကြပေ။ တနေ့သော ညနေရိုးရီတွင် စပါးနှံတို့သည်လည်း သီးနှံများ ပြည့်ဖြိုးပြီဖြစ်၍ မြေသို့ဦးညွတ်ကာ အိပ်စက်နားနေလိုကြဟန် ရှိကြပေသည်။ နေဝန်းသည်လည်း စပါးခင်း၏ အနောက်သို့ တိုးဝင်ပြီဖြစ်၍ နေရောင်မှုန်မှုန်သာ စပါးခင်းထက်တွင် ရိုးရိပ်မျှမြင်ရပေတော့သည်။ ခင်နှင်းယုရေးတဲ့စာ မှန်ရင် တဝမ်းပူသတ်ပုံတွေ မှန်တယ်။ တကယ်လော၊ တခါဘူးမျှ၊ တနေ့သော တဝမ်းပူတွေကို မလိုအပ်ဘဲ စသတ်ထားရင် “တစ်နှင်းယု” ရေးတာ။ လူကြိုက်တော့ များသတဲ့။ ပုံအတွက် ကျေးဇူး။ ကန်တော့။ ဒေါက်တာတင့်ဆွေ

သတင်းစာ သတင်းခေါင်းစဉ် တညတာ ရေးတာမှန်သည်။ ခုခေတ်မှာ မီဒီယာမျိုးစုံ ၈၀% မမှန်တော့ပါ။ စာနယ်ဇင်းရွှေခတ် ကုန်သွားပြီကိုး။ ဆောင်းပါးခေါင်းစဉ် စာလုံးပေါင်းသတ်ပုံ မှန်သည်။ ကွန်ဂရက်ကျူလေးရှင်း။ စာကိုယ်မှာတော့ မမှန်တော့ပါ။ မြန်မာစာရွှေခတ် ကုန်သွားပြီကိုး။ ဒေါက်တာတင့်ဆွေ

ဆဋ္ဌသံဂါယနာတင် ပိဋကတ်တော် အဘိဓမ္မာ ပိဋကတ် ပုဂ္ဂလပညတ် ပါဠိတော် မြန်မာပြန် ၂၀၁၃ ခုနှစ် ပြန်ရိုက်သည်။ ဤပုဂ္ဂိုလ်ကို ကာမဘုံသို့ ပဋိသန္ဓေအားဖြင့် တကြိမ်သာ ပြန်လာသော သကဒါမီပုဂ္ဂိုလ်ဟူ၍ ဆိုအပ်၏။ ၃၅။ ကာမဘုံသို့ ပဋိသန္ဓေအားဖြင့် တဖန်ပြန်မလာသော - တဖန်ပြန်လည်ခြင်း မရှိသော ဆဋ္ဌသံဂါယနာတင် ပိဋကတ်တော် ပါဠိတော် မြန်မာပြန်တွေ အားလုံး မူရင်းဆိုပါက သတ်ပုံတွေ မှန်တယ်။ ဒေါက်တာတင့်ဆွေ

မကြာခဏ တင်ပြပါတယ်။  ဆေးစစ်ချက်ပုံတွေလာရင် မရှင်း။ ချဲ့ကြည်လည်း မရ။ ကွန်မင့်ရေးသူရဲ့ အကောင့်ကို လိုက်ရတာတာ အတော်ကို လက်ဝင်တယ်။ ဒါတော့ ဘယ်လိုရှာရမလဲကို ပြီးခဲ့တဲ့အပတ်က တယောက်ကနေ သင်ပေးလို့။ ကျေးဇူး။ ပုံတွေတော့ တကယ်လိုအပ်မှသာ ပို့ပါရန်။ စာရေးတာ သတ်ပုံမှားလည်း နားလည်ရင် ဖြေပါတယ်။ နားမလည်ရင် ပြန်မေးတယ်။ သတ်ပုံမှားလို့ မဖြေတာ အခုထိတော့ တဦးတလေ မရှိသေးပါ။ ရိုးရိုး ဖေ့စ်ဘွတ် မက်စင်ဂျာ အတော်အဆင်ပြေတယ်။ https://www.facebook.com/tint.swe.dr/ ဒေါက်တာတင့်ဆွေ

သီချင်းအမည် သတ်ပုံ မှန်၏။ ကောင်း၏။  သီချင်းနောက်ခံမှာ စာသားတွေမပါ။ ပို၍ကောင်း၏။ ကနေ့ခေတ် သီချင်းစာသား စာတန်းထိုးမှန်သမျှ မှန်တာရယ်လို့ ၅% မပြည့်။ မကောင်းပါ။ ဇော်ဝင်းထွဋ် - တိမ်ပြာပြာနေ့တနေ့ https://www.facebook.com/watch?v=800026664762407 ဒေါက်တာတင့်ဆွေ

လက်ဝဲစာလုံးအကြောင်း ဆရာတင်မိုးရေးခဲ့တာကို ထပ်မံတင်ပြီးပြီ။ လက်ဝဲအဆက် ရေးဦးမယ်။ စောစောက လက်ဝဲစာတခုကို ကူးယူတင်ပြသေးတယ်။ ရေးထာတဲ့ တဝမ်းပူသတ်ပုံတွေကို ပြင်ပြီး သဘောမတူရင် ဖျက်ပေးမယ်ဆိုတော့ စာရေးသူက သဘောတူပါသတဲ့။ ကျေးဇူး။ ငယ်ငယ်လေးကတည်းက ဖတ်မိသမျှ လက်ဝဲစာတွေမှာ မြန်မာစာသတ်ပုံမှန်တာ များတယ်။ များတယ်ဆိုတာ အခုခေတ်ကြောင့်။ အရင်က လက်ဝဲစာရေးရေး လက်ဝဲမဟုတ်တဲ့စာရေးရေး၊ မဆလ စာတွေရေးရေး သတ်ပုံ မှန်ခဲ့တယ်။ ဘယ်တုန်းက မှားလာသလဲ သက်သေခံ နောက်တခုကို တင်ပြဦးမယ်။ ၁၉၇၈-၇၉-၈၀ ကထုတ်တဲ့ မြန်မာအဘိဓာန် အကျဉ်းချုပ်မှာ စာလုံးပေါင်း သတ်ပုံတွေ မှန်ခဲ့တယ်။ ၁၉၉၁ ခုနှစ် စက်တင်ဘာလထုတ် မြန်မာအဘိဓာန်မှာ မှားကုန်ပြီ။ အချိန်ကာလအားဖြင့် ၁၀-၁၁ နှစ်သာကွာတယ်။ နှစ်အုပ်လုံးကို မြန်မာစာအဖွဲ့ အမည်ခံပါတယ်။ ၁၀ နှစ်သည် တ တွေကို တစ်စေလိုက်ခြင်းဖြစ်ပါ၏။ စာရေးသားခြင်းမှာတော့ လက်ယာ မကွဲပါ။ လက်ဝဲစာရေးရေး လက်ဝဲမဟုတ်တဲ့စာရေးရေး၊ ဒီမိုကရေစီရေးရေး၊ စစ်အာဏာသိမ်းအုပ်စုဘက်က ရေးရေး တစ်ကုန်ကြပါတော့သည်။ သတ်နေသူတွေနဲ့ အသတ်ခံနေရသူတွေ အတူတူရေးသားကြကုန်၏။ ကနေ့ခေတ်မှာ ကျုပ်က လက်ဝဲသမားဗျဟု မိတ်ဆက်သူတွေက တစ်ကြကုန်၏။ မြန်မာပြည်မှာ မြန်မာစာ မှားရေးခြင်းမှာတေ

၁၉၉၀ ကတည်းက နိုင်ငံရေးအတူလုပ်ခဲ့သူတွေထဲက တယောက်က ဒေါက်တာမြင့်နိုင်။ သူ ၂၀၁၅ မှာ စစ်ကိုင်းတိုင်းဝန်ကြီးဖြစ်လာတယ်။ ၂၀၁၈ ခုနှစ် အခုလိုနွေရာသီမှာ အလည်ပြန်တော့ သူ့ဆီရောက်တယ်။ သူတာဝန်ယူနေစဉ် ကျွန်တော်က အကူအညီတောင်းထဲတာလေးတွေရှိတယ်။  တခုကတော့ ကလေးမြို့နားမှာရှိတဲ့ မြောက်ယဉ်စွန်းတန်းဖြတ်ရာနေရာ မှားနေတဲ့ ကျောက်စာ။ အဲဒါကို ပြင်သင့်ကြောင်း စာရေးပို့ခဲ့တယ်။ ကနေ့မှသာ ပြင်ထားပြီးကြောင်း ဓါတ်ပုံနဲ့အတူ သိရတယ်။ နောက်တခုကတော့ စစ်ကိုင်းကောင်းမှုတော်စေတီကြီးကို ရွှေအတုသင်္ကန်းနဲ့ မလျှော်ကြောင်း ရေးတဲ့တာ။ သူ့လက်ထက်မှာ မူရင်းထုံးဖြူရောင်သင်္ကန်းကို ပြန်ပြောင်းသွားပြီ။ ကောင်းတယ်။ ဒေါက်တာမြင့်နိုင်လက်ထက်မှာ။ မုံရွာ အမှတ် (၂) အထက ကျောင်းနဲ့တွဲနေတဲ့ အဆောက်အဦကိုလည်း ကျောင်းကိုပြန်ပေးဘို့ ပြောခဲ့သေးတာ။ မလုပ်ဖြစ်လိုက်လို့ထင်တယ်။  ကျွန်တော်က လုပ်သင့်တာကိုပြောပြီး ကိုယ့်လူ လုပ်ပြီးလား ထပ်မမေးပါ။ သူကလည်း ပြန်ရေးမနေပါ။ လုပ်စရာပြီးမြောက်ရေးသာ အရေးကြီးတာ။ နေကောင်းပါစေ။ စေတီတော်ကြီး မူလသင်္ကန်းရောင် ပြန်ဖြစ်ပေမဲ့ 'ကောင်းမှုတော်' ကို အောက်မြစ်အပိုနဲ့ ရေးနေတာတွေကိုတော့ ပြင်ရခက်တယ်။ 'တဆူ' ကို မလိုအပ်ဘဲ စသတ်က

မ‌မြှော်မလင့် သူနှင့်ကျွန်တော် ၊ခွဲရသော်လည်း ကျွန်တော်ထားရာ၊ ချစ်မေတ္တာသည် ပမာသူ၏ အရိပ်သို့။ သူထားခဲ့ရာ၊ ချစ်မေတ္တာလည်း ပမာကျွန်တော့် အရိပ်သို့။ သူဖွင့်ပေး၍ မှေးမှေးမှုန်ရီ၊ မျက်လုံးသည်လည်း ကြည်လင်တောက်ပ၊ မြင်ခဲ့ရပြီ လောကတခွင်၊ ပတ်ဝန်းကျင်မှ သစ်ပင်စိမ်းစို၊ တောကို၎င်း။ ကြယ်ပေါင်းပွင့်ရာ၊ အာကာကို၎င်း။ သောင်းပြောင်းပြောကျယ်၊ ပင်လယ်ကို၎င်း။ သူဖွင့်ပေး၍ ရောထွေးမကြည်၊ နားတို့သည်လည်း ကြည်လင်ပီသ၊ ကြားခဲ့ရပြီ လောကတခွင်၊ ပတ်ဝန်းကျင်ရှိ သစ်ပင်မြင့်ထက်၊ ကိုင်းအခက်က သစ်ရွက်လေလှန်၊ လှုပ်သံကို၎င်း။  နွဲ့ပျောင်းဆိုဟန်၊ ရေသံကို၎င်း။ ငြိမ့်ညောင်း ခွန်းဆက်၊ လည်ချင်းရှက်သည့်  ကျေးငှက်မောင်နှံ၊ မြူးသံကို၎င်း။ သူဖွင့်ပေး၍ လေးတွဲ့ မပီ၊ ကျွန့်နှုတ်သည်လည်း  ပီပီသသ၊ ပြောဆိုရပြီ  လောကတခွင်၊ ပတ်ဝန်းကျင်၌  ကျင်လည်သွားလာ၊ လူတကာနှင့်  သူငါကြားလို၊ စကားကို၎င်း။  နွဲ့ပျောင်းသံချို၊ တရားကို၎င်း။  ငြိမ့်ညောင်းလွှင့်ပျံ၊ တေးသံ၎င်း။  သူဖွင့်သွားသည့် နှုတ် နား မျက်စိ၊ ကျွန့်တွင်ရှိလည်း  ဖွင့်သည့်နှုတ်ဖြင့်၊ စကားသင့်အောင်  နိမ့်မြင့်ရပ်ခွင်၊ ပတ်ဝန်းကျင်တွင်  အဆင်ပြေစွာ၊ပြောနိုင်ပါလည်း ခွဲခွာသွားသူ၊ ချစ်သောသူနှင့်  ခွန်းကြူ

မှားနေတဲ့ ကျောက်စာ ပြင်ထားတယ်ဆရာ။ အင်္ဂလိပ်စာလုံးရော မြန်မာသတ်ပုံပါ မှားနေတယ်။ စစ်ကိုင်းတိုင်းဝန်ကြီးချုပ်ကို ပြင်ဘို့ပြောထားတာ အဖမ်းခံလိုက်ရလို့ ပြင်ချိန်မရလိုက်လို့ ထင်တယ်။ ကျောင်းသုံးပထဝီစာအုပ်ထဲမှာ အဲဒီနေရာကို အီကွေတာတဲ့။ ပညာရေးဝန်ကြီးကိုတော့ လူချင်းမသိလို့ မပြောလိုက်ရ။ ဆိုင်းဘုတ်ကျောက်စာမှာ အင်္ဂလိပ်လိုမှားနေတယ်။ Tropic of Cancer လို့ရေးရပါတယ်။ မြန်မာစာသတ်ပုံလည်း မှားနေတယ်။ ယဉ်စွန်းတန်းမှာ ရေးချမပါရပါ။ ယာဉ်ဆိုတာ သွားလာစရာယာဉ်။ ဆိုင်းဘုတ်ဟာ မြန်မာနိုင်ငံ ကလေးမြို့နားမှာရှိတဲ့ မြောက်ယဉ်စွန်းတန်းဖြတ်ရာနေရာဖြစ်ပါတယ်။ အင်္ဂလိပ်လို မှားနေတာကို သိအောင် အိန္ဒိယနိုင်ငံ အနောက်ပိုင်း ဂူဂျရတ်ပြည်နယ်ကဆိုင်းဘုတ်ကိုဖတ်စေချင်ပါတယ်။ မြောက်ယဉ်စွန်းတန်းကို Tropic of Cancer လို့ရေးရပါတယ်။ တောင်ယဉ်စွန်းတန်းကို Tropic of Capricorn လို့ရေးပါတယ်။ Cancer နဲ့ Capricorn တို့ဟာ ဆယ်နှစ်ရာသီခွင် အမှတ်အသားတွေဖြစ်ကြတယ်။ Cancer ဆိုတာ ပုစွန်လုံး (ကရကဋ်) နဲ့ Capricorn ဆိုတာ (မကရ) ဆိတ်ရုပ်ဖြစ်တယ်။ ကမ္ဘာကြီးဟာ ၂၃့၅ ဒီဂရီစောင်းပြီး လည်နေရင်း နေကို တနှစ်မှာတပတ်ကျ လှည့်ပတ်နေတာမှာ ကမ္ဘာပေါ်နေတည့်တည့် ဖြတ်သန်းရာစက်ဝိုင်းမ

ကျနော့်တွင် ကိုယ်ပိုင်ငွေဆို၍ နှစ်ကျပ်နှင့် သုံးမူးတပဲသာ ရှိ၏။ ရွှေဆို၍ မိုးကြိုးလက်စွပ်လေး တကွင်းလောက်ပင် မရှိ။ တက္ကသိုလ်ကျောင်းသားတယောက် အနေနှင့် မြန်မာစာကို မှန်အောင်ရေးတဲ့ခေတ် ရှိခဲ့ဘူးပါသည်။ ဒေါက်တာတင့်ဆွေ

ခင်မင်ရင်းနှီးသူတယောက်က ကားအရောင်းအဝယ်လုပ်နေတာတွေ့လို့ ရေးဦးမယ်။ ကျွန်တော် ပဌမဆုံး ဆယ်ပတ်ရစ် ဂျစ်ကားလေးဝယ်တော့ မုံရွာက ကားပိုင်ရှင်က တရားစာတွေရွတ်ဖတ်ပေးပြီး လက်လွှဲပေးတာကို သတိရတယ်။ ၅၂၀၀၀ ကျပ်ပေးရတယ်။ တိုက်နယ်ဆရာဝန်အဖြစ် ၃ နှစ်လောက်ငွေစုတာ မလောက်လို့ ချေးငှားရသေးတယ်။  မြို့သာ-ငါန်းဇွန်-မန္တလေး-မုံရွာ-ဘုတလင် ပြဲပြဲစင်။ ပုဂံလည်းရောက်တယ်။ ဆရာဝန်သူငယ်ချင်းတယောက်က မှတ်ချက်ချတယ်။ မင်းတို့မုံရွာသားတွေမှာ ထူးခြားချက် ၂ ခုရှိတယ်။ ကားအမြန်မောင်းတာနဲ့ ဈေးအလွန်ဝယ်တာတဲ့။ ဒေါက်တာဌေးလှိုင် (ကွယ်လွန်) နဲ့ ကျွန်တော့ကို ကြည့်ပြောတာ။ ဈေးချိုကနေ ဆေးမှောင်ခို ခဏခဏဝယ်ရတယ်။ ကလေးတွေများတော့ ကလေးဝတ်တွေနဲ့ ကြိမ်ပုခက်လည်း ဝယ်တာဘဲ။ ဆရာဝန်ကတော်အတွက်ကတော့ ဈေးချို ဦးကြည်ဆိုင်မှာ အချုပ်အပ်ရတယ်။ ဝ/သ (မန်း) ကျောင်းသူကတည်းက အဲဒီမှာချုပ်တာ။ အဲဒီခေတ်မှာ ဂျစ်ကားစီးသူမှန်သမျှ ဆီပျောက်-မီးပျောက်တတ်ရတယ်။ ဂေါက်လှည့် စက်နှိုးတတ်ရတယ်။ လက်ကို ပြန်ရိုက်ခံရတာ အခါခါ။ ဓါတ်ဆီကတော့ ကျေးဇူးကြီးလှတဲ့ မှောင်ခို။ အစိုးရဆရာဝန် ၁၅ နှစ် လုပ်ခဲ့တာ ဆေးရုံသုံးကား တစီးမှ မရှိပါ။ အခုလောက်ဆို အဲဒီ ဂ/၂၀၆၅ ဂျစ်ကားလေး စိန်ပန်းမှာ သံရေကျိုပြီးလောက်ပြီထ

တခြားသူ တင်ထားတာ။ သတ်ပုံတွေ လိုတာ ပြင်လိုက်တယ်။ မှန်အောင်ပြင်တာကို မကြိုက်ရင် ဖျက်ပေးမယ်။ ယင်အန်း ဟာ တရုတ်ကွန်မြူနစ်ပါတီ ရဲ့ ခရီးရှည်ချီတက်ပွဲ နောက်ဆုံးပန်းတိုင်မြို့ဖြစ်ပါတယ်။ ယင်အန်း ဟာ တပ်နီတော် အမှတ် (၈)  စစ်ကြောင်း ရဲ့ နောက်ပိုင်း စစ်ဌာနချုပ်လည်းဖြစ်တယ်။ တရုတ်ကွန်မြူနစ်ပါတီ ရဲ့ ဗဟိုဌာနချုပ်လည်း ဖြစ်တယ်။ အရှေ့ဘက် ပင်လယ်ဝါ နယ်စပ်အထိ၊ မြောက်ဘက် မန်ချူးရီးယားအထိ ကျယ်တဲ့ ဂျပန်ဆန့်ကျင်ရေး လှုပ်ရှားမှုတွေကို ညွှန်ကြားနေတဲ့ ပြောက်ကျားဌာနချုပ်လည်းဖြစ်တယ်။ ဒါတွေတင်မကပါ ယင်အန်းမှာ ကိုယ်ပိုင်အမြင်နဲ့ ရပ်တည်တဲ့ ပညာတတ်ကမ္ဘာလေးလည်းရှိပါသေးတယ်။ တော်လှန်ရေးသမား ဆိုတာ ပညာတတ်ဖို့လိုတယ် ဆိုတာကို ဥက္ကဌမော်စီတုန်း ဦးဆောင်တဲ့ တရုတ်ကွန်မြူနစ်ပါတီ က မေ့မထားပါဘူး။ ကွန်မြူနစ်ပါတီ မရောက်လာခင် က ယင်အန်းဟာ တရုတ်ပြည် မှာ လူမသိသူမသိ မြို့ပေါက်စလေးသာဖြစ်တယ်။ ကွန်မြူနစ်တွေ ရောက်လာပြီး လွတ်မြောက်နယ်မြေ ယာယီအစိုးရ အ​ခြေချတဲ့အခါ မှာ တရုတ်ပြည်ပညာရေး အတွက် ဗဟိုဌာနတစ်ခုဖြစ်လာခဲ့တယ်။ မြို့ပေါ်က တက္ကသိုလ်ကျောင်းသား တွေဟာ ယင်အန်းက တော်လှန်ရေးတက္ကသိုလ်တွေမှာ ပညာသင်ဖို့ တဖွဲဖွဲ ဝင်ရောက်လာနေကြတယ်။ မော်စီတုန်းရဲ့ ဆရာဖြစ်ခဲ့တဲ

အသံဖိုင်တွေ ဗီဒီယိုဖိုင်တွေကို ဘယ်သူကပို့ပို့ မဖွင့်ပါ မဖွင့်ရဲပါ။ ဘာတွေပြောထားသလဲ မသိ။ ကျွန်တော်က သီးသန့်ရုံခန်းမှာ အလုပ်လုပ်ရသူ မဟုတ်။  အနားမှာ ကလေးတွေရှိနိုင်။ ဘုန်းတော်ကြီးတွေရှိနိုင်။ တစိမ်းတရံတွေလည်း ရှိနိုင်။ အသံတွေက ချီးမွမ်းတာလည်း ဖြစ်နိုင်။ ဆဲရေးတာလည်း ဖြစ်နိုင်။ အညစ်အကြေး မေးခွန်းတွေ၊ မျိုးပွားလမ်းမေးခွန်းတွေလည်း ဖြစ်နိုင်။  မဖွင့်ရဲပါခင်ဗျား။ ဒီအကြောင်းကို အခါ ၂၀ လောက် တင်ပြထားပြီးပြီ။ စာနဲ့ရေးတာတိုင်းကို ဖတ်တယ်။ ဖေါင့်မတူလည်း ပြင်ဖတ်တယ်။ ဘိုလိုလည်း ရပါတယ်။ ကပြားလည်း ရတယ်။ သတ်ပုံမမှန်လည်း ပြင်ပေးတယ်။ ဖြေတတ်တာကိုတော့ ပြန်ဖြေတယ်။ ဒေါက်တာတင့်ဆွေ