တို့စာ တို့စကား တို့တိုင်းပြည်

တယောက်က ပုံနဲ့တူ နှစ်သစ်ကူး ဆုတောင်းစာ တင်ထားတယ်။ သူတင်တဲ့ပုံကိုတော့ ပြန်ရှာလို့မရပါ။ အခုပုံပါ ကျပ်ပြားကို လက်နဲ့ကိုင်ပြထားတယ်။ နှစ်သစ်ကစပြီး တင်းပြည့်ကျပ်ပြည့် နေကောင်းကြပါစေသတည်း။ ဒေါက်တာတင့်ဆွေ

ကျွန်တော်တို့တိုင်းပြည်ဟာ သမိုင်းကံဇာတာ မကောင်းခဲ့ပါ။ သက်ဦးဆံပိုင်ဘုရင်စနစ် အနှစ်တထောင်ကျော်ခဲ့တယ်။ ခမည်းတော်ကိုသတ်ပြီး မင်းလုပ်တဲ့သားတွေကလည်း များတယ်။ နန်းတွင်းအစုလိုက်အပြုံလိုက်သုတ်သင်ပြီး မကြာခင် ကိုလိုနီဖြစ်တယ်။ ဂျပန့်လက်အောက်ရောက်တယ်။ လွတ်လပ်ရေးရပြီး ၁၄ နှစ်သာကြာလိုက်တယ် စစ်တပ်က အာဏာသိမ်းတယ်။ ၂၆ နှစ်ကြာတတော့ တခါထပ်အာဏာသိမ်းတယ်။ အရောအနှောသောက်ရတဲ့အဖြစ်က နှစ်ဘယ်လောက်မှ မကြာသေးပါ။ လွတ်လပ်ရေးကြိုးပမ်းစဉ်ကာလတခုတည်းမှာသာ စာပေနဲ့ အနုပညာကျေးဇူးရှိတယ်။ ဇာတိမာန်တွေ အမျိုးသားရေး စိတ်ဓါတ်တွေ ကိုလိုနီဆန့်ကျင်ရေးတွေကို ပြောင်ပြောင်မြောက်မြောက်ရေးသားခဲ့ကြတယ်။ တကယ်ကို တိုင်းပြည်အပေါ် တာဝန်ကျေခဲ့ကြတယ်။ ဘုရင့်ခေတ်မှာ ဘုန်းတော်ဘွဲ့တွေ ရေးသားဆက်သွင်းခဲ့ကြတယ်။ ၂၆ နှစ်ကာလမှာ စာဖတ်စရာတမျိုးတည်းသာ ခွင့်ပြုတယ်။ ခေတ်သစ်ဘုန်းတော်ဘွဲ့တွေ ပေါ်ခဲ့တယ်။ နောက် ၂၄ နှစ်လောက်အတွင်းမှာတော့ သမိုင်းတွေရော သတ်ပုံတွေကိုပါ ပြင်ရေးတယ်။ အတော်ကို တာဝန်မဲ့ခဲ့ကြတယ်။ စာပေနဲ့အနုပညာဟာ အလွန်စွမ်းပကားကြီးမားပါတယ်။ လွတ်လပ်ရေးရစေနိုင်ခဲ့တယ်။ မလွတ်မလပ်ဘဝမှာ ပျော်ပိုက်စေခဲ့တယ်။ နောင်ကာလကိုပါ လမ်းလွဲနောက်လိုက်စေအောင် ပို့ပေးနိုင်ခဲ့တယ်။...

ဆရာတို့မိသားစု ကျန်းမာလို့ စိတ်ချမ်းသာပျော်ရွှင်ကြပါစေ သရဖူစားသောက်ဆိုင် မိသားစုလက်ပံပျားရွာ ဟုတ်။ လက်ပံပျား စာလုံးပေါင်း မူရင်းပါလား။ တယောက်တမျိုး ရေးနေကြတယ်။ လက်ပံပျားက အမှန်ပါဆရာရှင် လက်ပံပင်ကြီးမှာ ကြီးမားတဲ့ ပျားအုံဖွဲ့မှုကို ယူပြီးမှည့်တဲ့အမည်လို့ အမေက ပြောပြပါတယ်ရှင့် ကျေးဇူး။ လူအမည်၊ မြို့ရွာအမည် စတဲ့ ကိုယ်ပိုင်နာမ်တွေက ထင်သလိုရေးနေကြတာကို သဘောမကျပါ။ ရန်ကုန် နဲ့ ဒဂုံ၊ ပဲခူး နဲ့ ဗဂိုး၊ မေမြို့ နဲ့ ပြင်ဦးလွင် တို့က မူကွဲတွေ။ မန္တလေး ကသာ မူရင်း။ မန်းတလေး၊ မန်းလေး တို့က မူလွဲနဲ့ မူမှားတွေ။ ၁။ ရန်ကုန်မြို့ ရန်ကုန်မြို့သည် ရှေးယခင်က ဒဂုံဟုခေါ်သော ရွာကြီးတရွာဖြစ်သည်။  ၂။ ပဲခူးမြို့ ပဲခူး (အသံထွက် = ပဂိုး) ဟူသည်မှာ မွန်ဝေါဟာရဖြစ်ပြီး အဓိပ္ပာယ်မှာ လှပသောမြို့၊ မြို့လှမြို့ ဟူ၍ဖြစ်သည်။ ထိုအသံထွက်၏ ဆင်းသက်ပုံ အနက်မှာမူ ဤသို့မဟုတ်ပဲ မွန်ဘာသာအားဖြင့် "ဥပါယ်ဂို့ = ဥပါယ်ပြုရာအရပ်" ဟုဆိုကာ သမိုင်းဇာတ်လမ်းနှစ်မျိုး ဖြစ်နေရသည်။ ၁၉၅၃ နဲ့ ၁၉၅၄ ထုတ် သတ်ပုံစာအုပ်တွေထဲမှာ ပဲခူးလည်း မပါ၊ ဗဂိုးလည်း မပါ။ မြန်မာ့စွယ်စုံကျမ်း အတွဲ (၁၀) မွန်လူမျိုးအကြောင်းထဲမှာ ဟံသာဝတီ  ဗဂိုး လို့ရေးတယ်။ အခု ပဲခူ...

တနှစ်ပတ်လုံး စိတ်ဖြူဖုံး၊ ရွှင်ပြုံးကြည်သာ ရှိပါစေ။ ချမ်းမြေ့ဆရာတော်ကြီး ဘွဲ့အမည်နဲ့ ဆုတောင်းစာ တရားစာတွေ စစ်မှန်ရင် သတ်ပုံလည်း မှန်တယ်။ ဒေါက်တာတင့်ဆွေ

အထင်ကရ ဆရာတော်ကြီးတပါးရဲ့ဆုတောင်းစာမှာ - “ကျွန်ုပ်၏ ဘဝဆက်တိုင်းမှာ လူမိုက်ဟူသမျှနှင့် မဆုံတွေ့ပါရစေနှင့်” လို့ ဖတ်ရတယ်။ လူတိုင်း ဆုတောင်းကောင်းဘို့လိုတယ်။ ကျွန်တော်က ဆရာဝန်သာဖြစ်လို့ ဆုတောင်းက တမျိုး။ သမားတော်ကြီးဇီဝက ကုသတဲ့လူနာတွေ ရောဂါနဲ့ မသေကြလို့ ဖတ်ရတယ်။ ဆရာဇီဝကကို အလွန်အားကျတယ်။ ပါရမီဖြည့်ရတာလည်း ကြာမယ်။ ကိုယ့်အတွက်တော့ ဆုမတောင်းပါ။ “ဆရာဇီဝကလို သမားတော်တွေ မြန်မာပြည်မှာ ပေါ်ပေါက်ပါစေသတည်း။” ဆရာဇီဝကထက် ပိုတော်တာမျိုးလည်း ရှိစေချင်ပြန်လို့ ထည့်ဦးမယ်။  “အနာရောဂါသာမက သေနတ်ဒဏ်ရာ၊ မီးလောင်ဒဏ်ရာတွေကိုလည်း မသေအောင် ကုသပေးနိုင်ကြပါစေသတည်း။” နောက်ဆက်တွဲ ထည့်ဦးမယ်။  မိခင်ဘာသာ စာနဲ့စကားကို မှန်အောင်ရေးတတ်သူများ၊ မှန်အောင်ပြောဆိုတတ်သူများ ၂၀၂၅ မှာ အရေအတွက် ပိုများလာပါစေသတည်း။ ဒေါက်တာတင့်ဆွေ

ရှေ့က နဲ့ အရှေ့က မှားနေသည် နောက်က နဲ့ အနောက်က မှားနေသည် မြန်မာလိုစာရေးသူတွေထဲမှာ အရှေ့၊ အနောက်၊ တောင်၊ မြောက် မသိသူတွေ အလွန်များနေပြီ။ ပုံအတွက် ကန်တော့။ ဒေါက်တာတင့်ဆွေ

ဆရာမြသန်တင့် ဘာသာပြန်တဲ့ လေရူးသုန်သုန်ဝတ္ထုထဲက ဇာတ်လိုက်တယောက်အမည်က ဘတ်တလာ ဖြစ်ပါတယ်။ ပြန်ထုတ်စာအုပ်တွေထဲမှာလည်း ဘတ်တလာ ကို ဘတ်တလာ လို့သာ ရေးထားပါသေးတယ်။ တဝမ်းပူကို စမသတ် ကသေးပါ။ မေ့နေကြသလား မသိ။ Katie Scarlett O'Hara is a fictional character and the protagonist in Margaret Mitchell's 1936 novel Gone with the Wind and in the 1939 film of the same name, where she is portrayed by Vivien Leigh. မြန်မာ့ရာဇဝင်ထဲက တပင်ရွှေထီးကိုတော့ စသတ်နဲ့ရေးတာ ၈ ယောက်တွေ့တယ်။ တပင်ရွှေထီး စသတ်ံခံရခြင်း https://burmese-spelling.blogspot.com/2024/12/blog-post_276.html ဒေါက်တာတင့်ဆွေ

မက်ဆေ့ချ် တခု = ဆရာ မအောင်မနေရစနစ်ရယ် ကျူရှင် စနစ်ရယ် သင်တဲဆရာကလည်း ဘာမှ မတတ်တော့ သင်ယူတဲ့ တပည့်ကလည်း မယူတတ် မြန်မာနိုင်ငံ ပညာရေးစနှစ်က စုတ်ပျက်(စုတ်ပြတ်၊ ပျက်စီး) နေပီ (နေပြီ) ကျွန်တော်ဆို စစ်အစိုးရ ပညာရေး စနစ်အောက်က ပါပဲ မဂ်လာ အပေါင်းနှစ်ပြည့်စုံသော နှစ်သစ်အခါသမယ ဖြစ်ပါစေ ဆရာ။ ဆုတောင်းပေးသူ ဆုတူရပါစေ။ The Real Story: A Picture Book ဒေါက်တာတင့်ဆွေ

ကွေ့တရို  ကွေ့တယို ကွေ့တီယို ယိုးဒယားကိုတော့ ရွှေမြန်မာတွေက လေးစားကြတယ်။ ကွေတရို (ကွေ့တယို) ကို စမသတ်ကြ။ တပင်တိုင်မုန့်ဟင်းခါးကိုတော့ အတော်များအများက စသတ်ကြတယ်။ တပင်တိုင်မင်းသမီးခင်မြာ မကရရှာတော့ဘူး။ ပုံအတွက် ကျေးဇူး။ ဒေါက်တာတင့်ဆွေ

၁။ သူဌေးမကြီးကိုတောင် သူဌေးမကြီးကို တောင် ၂။ ဆိတ်ပဲရမည် ဆိတ်ပဲ ရမည် ၃။ ပြည်ပလာတာ ပြည် ပလာတာ ၄။ မြန်မာပြန်မယ် မြန်မာပြည် ပြန်မယ် (ဘာသာပြန်တာ မဟုတ်ရင်) ၅။ ကြက်ကချင်ချက် ကြက် ကချင်ချက် ပုံအတွက် ကျေးဇူး။ အင်္ဂလိပ်လိုရေးတော့ Kachin Chicken Curry လို့ တလုံးနဲ့ တလုံးကို ခြာရေးပါတယ်။  မြန်မာစာနဲ့ ရေးတာမှာလည်း ခြာသင့်တဲ့နေရာတွေမှာ ခြာရေးရတယ်။ ပုဒ်မ၊ ပုဒ်ထီးတွေကို လိုတဲ့နေရာတွေမှာ ထည့်ရတယ်။ ဒေါက်တာတင့်ဆွေ

၁။ Oversea ကို Overseas လို့ ပြင်ပေးလိုက်ပါသည်။ ၂။ Air Flyer ကို Air Fryer လို့ ပြင်ပေးလိုက်ပါသည်။ ၃။ new year ကို  New Year လို့ ပြင်ပေးလိုက်ပါသည်။ ၄။ ဒါက မေအတွက် စပရိုက်စ် ပါ ဆာပရိုက်စ် က ပိုမှန်တယ်။ စပရိုက် ဆိုတာ အချိုရည်။ Surprise Vector Art, Icons, and  Sprite can ဒေါက်တာတင့်ဆွေ

ဟင်းတစ်ခွက် နှင့် ဟင်းတခွက်က ဘယ်လိုနေနေသုံးလို့ရတယ်လား ဆရာ မျိုချတဲ့အခါ ခက်ခဲလိုရင်တော့ စသတ်ပါလေ။ တချို့ကတော့ လွယ်တာမကြိုက်ကြပါ။ လူတွေက မတူကြဘူး။ အောက်ကစာတွေကို ကျွန်တော် မရေးပါ။ မျိုချရလွယ်တာကိုသာ စားလို၊ ကျွေးမွေးလို၊ ကပ်လှူလို၊ ရောင်းချလိုသူတွေက ရေးထာတာ။ - မနက်စာဟင်းတခွက်ချက်ကြမယ် - အညာက ရေတန်ဖက်တန်ဟင်းတခွက် - လွယ်ကူလျင်မြန် ဟင်းတခွက် - ငရုတ်သီးကြော်  - တန်ဖိုးနည်းဟင်းတခွက် - ဟင်းချက်နည်းများ - ချွေတာရေး ဟင်းတခွက် ပုစွန်ဆိတ် ကန်စွန်းရွက် ငြုတ်သီး ကြက်သွန်ဖြူ ဆီ စားလို့လဲမြိန် - Food Lover - ကြက်သားမုန်ညင်းချဉ် ချဉ်ငံစပ် ဟင်းတခွက် - မိန်းကလေးတိုင်းရဲ့ လိုတရဟင်းတခွက် - သစ္စာမြိုင်: ဘယာနက ဟင်းတခွက် - မေ့ကောင်းကင်: ဒီနေ့ချက်ဖြစ်တဲ့ဟင်းတခွက် - နေနော် - အသည်းဟင်းတခွက် - ရေဘ၀ဲ ဟင်းတခွက် - ငါးမွှေထိုး ဟင်းစပ်စပ်လေးချက် 2000 ဖိုးနဲ့ ငါးဟင်းတခွက် - အရသာရှိတဲ့ ကြက်ဂွေးတောက်ဟင်းတခွက်တွင် ပါဝင်သော ကျန်းမာရေးကောင်းကျိုးများ - အအီပြေစေမယ့် ဝက်သားလုံး ချိုချဉ်ဟင်းတခွက် ချက်ရအောင် - သခွားသီးဟင်း ချက်စားမယ် ထမင်းမြိန်တဲ့ဟင်းတခွက်ပါ လုပ်ရလွယ်ကူသော ဒေါက်တာတင့်ဆွေ

(၂၀၁၈ ခုနှစ်က ဒီလိုနေ့မှာ) အသံတွေပေးပြီး မိုးတွေရွာနေတယ်။ စောစောကတော့ ဘဲငန်းတွေ လာကြတယ်။ ဒီနှစ်ကူးမှာ နှင်းမရှိပါ။ မိုးခိုစရာ နေရာ၊ နှင်းခိုစရာ နေရာ၊ ငန်းတွေ ထိုင်ကြည့်စရာ နေရာကနေ မိုးထဲ ရေထဲ လေထဲမှာ သွားလာ လှုပ်ရှား အလုပ်များနေကြမဲ့သူတွေကို သတိရနေတယ်။  ဘဲအုပ်က တရာနှစ်ရာ မဗေဒါ ပန်းပန်လျက်သာ နေနိုင်ပါစေသည်း။ ဖြောင့်တန်းစွာ သွားလာတတ်တဲ့ ဘဲငန်းတွေ ဘေးမသမ်း အေးချမ်းကြပါစေသတည်း။ ဒေါက်တာတင့်ဆွေ ၃၁-၁၂-၂၀၁၈

ကွန်မင့်တခု = မြန်မာပြည်ကောင်းဖို့အလားအလားရှိလာဆရာ ဘယ်လိုဖြေရမလဲ။ ဘယ်လိုဖြေသင့်သလဲ။ ဘယ်လိုအဖြေမျိုးကို ဖတ်ချင်သလဲ။ ကျွန်တော်တို့လူမျိုး အများစုက အကောင်းကိုသာ မျှော်လင့်တတ်ကြပါတယ်။ နှစ်သစ်၊ နေ့သစ်ကာလမှာ နိမိတ်ကောင်းတာကိုသာ ပြောဆိုကြ၊ ကြားလိုကြပါတယ်။ ဆရာဝန်ကတော့ ကျန်းမာရေးမေးခွန်းတွေကိုတော့ မှန်ကန်အောင်၊ တိကျအောင် ဖြေတတ်တယ်။ စိတ်ကိုအပြုသဘောဆောင်ပါလို့လည်း တခါတခါထည့်ရေးတယ်။ ကင်ဆာလိုလူနာတွေကိုလည်း ကံတရားကိုလည်း အားကိုးပါလေလို့ ထည့်ရေးတယ်။ ကိုယ်လက်လှုပ်ရှား တက်ကြွအောင်နေပါလို့လည်း အလျဉ်းသင့်တဲ့အခါ ရေးပါတယ်။ ထိုင်မနေပါနဲ့။ လုပ်သင့်တာ၊ လုပ်ကောင်းတာတွေ လုပ်ဆောင်ပါလေ။ Unpacking "In My Humble Opinion": A Deep Dive ဒေါက်တာတင့်ဆွေ

ကျွန်တော် မြန်မာပြည်မှာ မွေးတယ်။ နိုင်ငံရေးနဲ့ တိုင်းပြည်ကနေ ထွက်ပြေးရလို့ အိန္ဒိရောက်တော့ ၁ နာရီတိတိ နောက်ကျသတဲ့။ နယူးဒေလီကနေ ထိုင်းနိုင်ငံကိုရောက်ပြန်တော့ နာရီဝက် ရှေ့ရောက်ပြန်ပါသတဲ့။ ဒေလီပြန်လာတော့ ဒုံရင်းဒုံရင်း။ အမျိုးမျိုးသော အရေအတွက်လည်း များသော ဟိုနိုင်ငံ ဒီတိုင်ပြည်တွေဆီ သွားလာရပြန်တော့ လက်ပတ်နာရီကို ခဏခဏရှေ့ရွှေ့လိုက် နောက်ပြန်လိုက်ရ။ ဒေလီနေအိမ်ကို ပြန်လာတော့ ဒုံရင်းဒုံရင်း။ ၂၀၁၈ ခုနှစ်က မြန်မာပြည်ကိုအလည်ရောက်တာ့ ဖုန်းထဲကနာရီက အလိုလိုပြင်သွားတယ်။ ကျေးဇူး။ အခုနေတဲ့အရပ်မှာ ၂၀၂၄ ခုနှစ်ရဲ့နောက်ဆုံးရက်။ မွေးဇာတိ မြန်မာပြည်မှာ ၂၀၂၅ ထဲရောက်နေပြီ။ အိမ်ကနာရီထက် ရန်ကုန်ကနာရီက ၁၁ နာရီခွဲ စောတယ်။ အများသုံးပြက္ခဒိန်နဲ့ ဇာတာသက် တွက်ရင် ကျွန်တော့အသက် တနှစ်ကွာမယ်။ သို့သော် ကျွန်တော်သည် ကျွန်တော်သာဖြစ်ပါ၏။ မုံရွာနဲ့ မန္တလေးစတဲ့မြို့တွေမှာနေကြတဲ့ အမျိုးတွေ သူငယ်ချင်းတွေသည် အမျိုးတွေ သူငယ်ချင်းတွေသာဖြစ်ကြကုန်၏။ နာရီသည် နာရီသာဖြစ်ပါ၏။ ၂၀၂၅ သည်လည်း ၂၀၂၅။ 2025 - The World enslaved by a Virus (2021) - IMDb ဒေါက်တာတင့်ဆွေ

ကျွန်တော် ထင်နေခဲ့တာက အာတလွတ်။ ယောသံအကြောင်းတွေကိုရေးတဲ့ ယောသူတယောက်ကလည်း အာတလွတ်။ အခုဘဲတွေ့လိုက်တဲ့ ပုံတခုနဲ့ တင်ထားသူက အာတာလွတ်။ Wikipedia အာတာလွတ်။ မြန်မာအဘိဓာန် အကျဉ်းချုပ် (၁၉၈၀) မှာ အာဒါလွတ်။ Wiktionary Arrowroot (အာဒါလွတ်ဥ)။ ဒေါက်တာတင့်ဆွေ

- တထုတ် တထုပ်လို့ ရေးရ။ - ဖန်ထွေဖျော် ပန်ထွေဖျော်လို့ ရေးရ။ - ရှမ်းပဲပုတ် ရှမ်းပဲပုပ်လို့ ရေးရ။ ပုံအတွက် ကျေးဇူး။ - မုန်ညှင်းချဉ် မုန်ညင်းချဉ်လို့ ရေးရ။ - ဒညှင်းဆားရေစိမ် တညင်းဆားရေစိမ်လို့ ရေးရ။ - ချဉ်ဖက်စုံ ချဉ်ဖတ်စုံလို့ ရေးရ။ ဒေါက်တာတင့်ဆွေ

  မန္တလေး ကျုံးဘေးမှာ ဘီးကလေး ထောင်ခဲ့ဘူးတဲ့ကာလ ကျုံးရေပြင်အရိပ်မှာ ကုန်းဘောင်ခေတ် အတိတ်ကိုလည်း ရှာခဲ့ဘူးပါ၏။ ကျုံးစပ်က သစ်ပင်ရိပ် ချွေးသိပ်ဘူးပါ၏။ မန်းအငွေ့၊ မန်းဓလေ့ မွေ့လျော်ခဲ့ပါသေး၏။ ဆေးပညာကိုလည်း သင်ယူတတ်မြောက်ခဲ့ပါ၏ မန္တလေးသည် ဂုဏာဓာရ ဂုဏ်တို့၏တည်ရာ ဖြစ်ပါ၏။   ။ ဂုဏာဓာရ (ပ)（ဂုဏ+အာဓာရ）= ဂုဏ်တို့၏တည်ရာ။ ပုံအတွက် ကျေးဇူး။ ဒေါက်တာတင့်ဆွေ

နာရီတိုင်းမှာ အရွယ်မရွေးမေးကြတာ၊ အပျိုလည်းပါ၊ မမွေးသေးသူလည်းပါ။ ကလေးမိခင်တွေလည်းပါ။ သွေးဆုံးပြီးသူတွေလည်းပါ။ (ကန်တော့) အမျိုးသား ကာလသား၊ သက်ကြားအို၊ လူပျိုပါ။ ဝေဒနာမျိုးစုံလာ။  ဆေးကျောင်းသားတိုင်းဟာ အနိစ္စသဘောကို မိုက်ကရိုစကုပ် အောက်မှာ မြင်ကြရတယ်။ ရောဂါဗေဒကိုလည်း သင်ယူကြရတယ်။ မေးခွန်းတွေဖြေရတော့ ခေမာဗေဒ။ ကျွန်တော့်ပို့စ်တွေသည်လည်း ခေမာဗေဒ။ အဖြူအမည်းခေတ်ပို့စ်ထဲမှာ ကျွန်တော်နဲ့ ဒေါ်မြမြအေးတို့ရဲ့ ၁၉၇၀ ဝန်းကျင်ကဓါတ်ပုံတွေပါတယ်။ ကွန်မင့်တခု ရတယ်။  ၂ ယောက်စလုံး အရွယ်​လဲပြောင်း ရုပ်ရည်လဲ​ ပြောင်းသွားခဲ့ပြီတဲ့။ ကျေးဇူး။ အခုတော့ ၂ ယောက်စလုံး ပန်းချီကားထဲကလို ခါးကုံးသူများ ဖြစ်နေကြပြီ။ အိုမင်း ရင့်ရော်ပါပြီ။ တရားက မရနိုင်ကြသေးပါ။ ဒေါက်တာတင့်ဆွေ

ပုံအတွက် ကျေးဇူး။ ရေးထာတဲ့စာကို အသံထွက်ဖတ်နည်းမတူရင် ဆိုလိုချက်လည်း မတူတာ ဖြစ်နိုင်တယ်။ ဆိတ်ပဲ ရမည် = ဆိတ်သားနဲ့ပဲ ရောချက်တာ ရမည်။ ဆိတ် ပဲရမည် = ဆိတ်တမျိုးတည်းသာ ရမည်။ မြန်မာစာမှာ စာလုံးပေါင်းသတ်ပုံသာ မကပါ အလေးထားစရာတွေ များတယ်။ အသံထွက်၊ လေယူလေသိမ်း၊ အသံအနိမ့်အမြင့်၊ အဖြတ်အတောက် စတာတွေ။ လေ့လာလေ မကုန်နိုင်လေ။ မြန်မာစာက စိတ်ဝင်စားစရာတွေနဲ့အတူ ထူးခြားကောင်းမွန်ပါတယ်။ ဒေါက်တာတင့်ဆွေ

မပြုံးတပြုံ့ ပြုံးတပြုံ့၊ မထုံး တထုံ့   မင်ကေသီ၊ မဖုံး တဖုံ့   ရွှေထဘီဝယ်၊ လျှံနေခြည်ရောင် လဲ့ပြောင်ဝင်း။ လှမျိုးသေတ္တု   တပွင့်ရွှေငယ်၊ ခင်ခင့်အမေ   မွေးတတ်လိုက်လေခြင်း။   ။ သောင်းခွင်လေးရပ်   ခရိုင်ဘူမှာ၊ ပြိုင်သူဘက်ကွာ   စံရှာကင်း၊ ခိုင်မဉ္ဇူ ခက်ညှာ   မာလာမင်းသို့၊ ပဉ္စာအဆင်း   ပြစ်မဲ့စင်။ သမိုင်းရွှေစာ   တင်ယူကုံးလောက်ကဲ့၊ ယဉ်လုံး ယဉ်မျာ့း .. ယဉ်ဆုံး ယဉ်ပ   ယဉ်မှူးကေကျော့ခင်။   ။ လေးယောက် ခြောက်ကျိပ်   ပဒုံစင်ကို၊ တဂုဏ်ယှဉ်လျှင်   သာဟန်ကြူးပါလိမ့်၊ ဝေယံ ဘုံမှူး   သမိံပါ၊ နှင်းဆက်လိမ့် ပဏ္ဏာ…။ ယဉ်ကျေး မူရာ့ .. သွင်သွေး ရူပ .. ခင်လေးသူဇာ့   သိမ်မွေ့သာသည်၊ ဣနြေ္ဒ့ မာယာ   အိုများပါဘိလေး။   ။ (ဇော်ဂျီ) (ရှေးစာကဗျာများ) ဒီကဗျာကို ပေါ်လစီသတ်ပုံတွေနဲ့ ပြင်ရေးလို့ကတော့ သရော်စာဖြစ်သွားမယ်။ Beautiful Sexy Woman Bronze Female Statues - Mily Bronze Foundry ဒေါက်တာတင့်ဆွေ

နေလည်း မပီ ရီလည်း ရီဝေ၊     ရွှေလည်း ရွှေစ မြလည်း မြညို၊   စိန်လိုလိုတည့် ပျိုပျို လွင်လွင်၊  ချစ်ဖွယ်ဆင်သည် ဒီဇင်ဘာ၏ နံနက်ခင်း။   ။ စိန်ပွင့် ကြိုးကြွ၊ ယိမ်းသမလျှင် မက ၏သို့ က ၏သို့။   ။ ရွှေရည် လှိုင်းညွှန့်၊ နဂါးတွန့်လျှင် မလွန့်၏သို့ လွန့်၏သို့။   ။ ခရေ ဖွေးဖွေး၊ ကြယ်ပွင့်သေးလျှင် မမွှေး၏သို့ မွှေး၏သို့။   ။ ရာသီလှေလည်း .. စိန် ရွှေ တတင်း၊ မြ တတင်းကို ဝင်းဝင်း စက်စက်၊ တင်ဆောင်လျက်လျှင် နွေဖက်ကမ်းဆီ လှော်လေပြီ။   ။ စိန်ကုံး မြကုံး၊ ပုလဲကုံးနှင့် ပန်းကုံး ကုန်တင်၊ နေခြည်ဆင်သည် ကမ်းခွင် နားနေ၊ ရာသီလှေ။   ။ တနွေ တမိုး၊ ဆိပ်ကမ်းမျိုးသို့ ရွက်ကြိုးတင်ကာ၊ လှည့်လိုပါလျှင် လှည်ပါ ချေဦး၊ လွှင့် ချေဦး။   ။ ဆောင်း ဆိပ်ကမ်းကား .. လျှမ်းလျှမ်း တောက်ပ အလှ အာရုံ၊ ကျောက်မျက်စုံတည့်။   ။ ဆောင်း ဒီဇင်ဘာ၊ နံနက်ခါတိုင်း ရာသီ လှေယာဉ်၊ ကမ်းမှာ ဝင်၍ ကုန်တင်လှည့်ပါ့ အို ပဲ့မှူး။   ။ ကုန်တင်လှေကား .. တမြေ တလမ်း၊ တကမ်း တဆိပ် တရိပ် တကွေ့၊ ခရီးရွေ့၏။   ။ ဆောင်း အလှမူ .. သည်လ သည်ခါ၊ သ...

၁။ စာတပုဒ် ကာတွန်း ကျော်ဆန်း (ကဆ) ခင်ဗျား အခုတော့ - စာတပုဒ်ကို ကြံတောပို့လိုက်ရပြီဆရာ။ ၂။ ရုပ်တရုပ် စာအုပ်တအုပ် ကာတွန်းဆရာတယောက် ကာတွန်း ဖေသိန်း ခင်ဗျား  အခုတော့ - ရုပ်တရုပ် ကွယ်လွန် စာအုပ်တအုပ် အနိစ္စရောက် ကာတွန်းဆရာတယောက် ဘဝတပါးပြောင်းသွားပြီဆရာ။ ၃။ ကမ္ဘာလောကကြီးတခုလုံး ကာတွန်းမြေဇာခင်ဗျား အခုတော့ - ကမ္ဘာလောကကြီးတခုလုံးကို မြေမြှုပ်လိုက်ရပြီဆရာ။ ပုံအတွက် ကျေးဇူး။ ဒေါက်တာတင့်ဆွေ

ကိုယ်တေဆီရောက်မှာမို့  ကိုပေဆီကော မရောက်ဘူးလား။ 1. မျက်လုံးတေကပူပြီး မျက်လုံးကနီပြီးဝါလာပါတယ် မျက်ရည်ပူတေလည်း ကျပါတယ် 2. အလုပ်က လူကြီးတေနဲ့ ဆုံမဲ့အချိန်တေမှပါရှင့် 3. ခေါင်းတေ(တွေ) မခံမရပ်နိုင်အောင်ပွင့်ထွက်မတတ် ထိုးပီး(ပြီး) နားတေ(တွေ)ပါကိုက်တဲ့ 4. ကင်ဆာသမားတေစိတ်ဓာတ်နှင့်စိုးရိမ်မှုကအဓိကပါရှင့်  5. အနာတေ (အနာတွေ) ဖြစ်လာလို့ပါ ဆရာ 6. ဆံပင်တေကျွတ်တော့ ဆရာဝန်တေနဲ့ ဆွေးနွေးတာ  7. Result တေအရ ဘာ treatment မှ မလိုဘူးပြောပါတယ်ဆရာ 8. ဘဝတူတေပြောချင်တါ က 9. ရက်သားတေ(တွေ)ကို အန်ထွာစောင်း(ဆောင်း) ရိုက်ခဲ့ရတယ်ရှင့် 10. ငါးခူကို အမဲတေ အချွဲတေပြောင်အောင်တိုက်နေကြတုန်းပဲလား  11. ကလေး ဆံပင်တေသန်ဖို့ အရပ်ရှည်ဖို့ ဘာတေ စားသင့်ပါလဲ 12. ဆရာပို့တာတေ(တွေ)ကို လေ့လာထားပါ့မယ် 13. ဆေးလေးတေရဲ့ ဘေးထွက်ဆိုးကျိုးလေးများ သိချင်လို့ပါဆရာ  14. ချိုင်းကြားတေ ပေါင်ကြားတေမှာရောပါ ဆေးခန်းတေလည်း သွားတယ် မသက်သာလို့ပါဆရာရှင့် 15. ဆရာရှင့် စိတ်အတက်အကျဆေးတေရဲ့ဘေးထွက်ဆိုးကျိုးလေးတေသိချင်ပါတယ်ရှင့် 16. အလုပ်တေကြောင့် ကလေးမလိုချင်သေးလို့ပါရှင့်  17. ဆရာရှင် သမီးကျောက်ကပ်ရောင်ပါတေရှင်  18. မျက်နှ...

ပုံအတွက် Ludu Book Shop - လူထုစာအုပ်ဆိုင် ကျေးဇူး။ ဒေါက်တာတင့်ဆွေ

ကျွန်တော် ငယ်ငယ်က ပုံတူဆွဲတယ်။ ရုပ်ရှင်မင်းသမီးပုံတွေကများတယ်။ မင်းသားထဲကတော့ ဝင်းဦးကိုပဲဆွဲတယ်။ ဆေးကျောင်းမှာ သူငယ်ချင်းတွေအပ်တဲ့ပုံတူတွေလဲ ဆွဲပေးဖူးပါတယ်။ မိသားတစုလုံး တိုင်းပြည်ကနေထွက်ပြေးရတော့ ကျွန်တော့်ပန်းချီကားလေးတွေကို တခြားပစ္စည်းတွေနဲ့အတူ သိမ်းထားပေးဘို့ အမျိုးတွေကို အပ်ခဲ့ရတယ်။ နိုင်ငံရေးနဲ့ဆိုင်တာတွေကိုတော့ နိုင်ငံရေးမိတ်ဆွေတွေကိုပဲ တာဝန်ပေးခဲ့ပါတယ်။ ဝါဝါဝင်းရွှေပုံတခုပြန်တွေ့ရလို့ တခြားပုံတွေရှိသေးလားမေးတော့ သိမ်းထားပေးတဲ့နှမက  "အကိုလေး စိတ်မကောင်းဖြစ်မှာစိုးလို့ မပြောဘဲထားတာတဲ့။ ကျွန်တော့်ပန်းချီကားတွေအားလုံး ခြစားလို့ကုန်သွားပြီ" တဲ့။ ရင်းနှီးသူတွေကမေးတယ်၊ ကျွန်တော့်ဇနီးပုံတူ မဆွဲဘူးလားတဲ့။ ဆွဲခဲ့ပါတယ်။ မနေ့ကဘဲ အမေရိကန်သမတ 'ဂျော့၊ အိတ်ချ်၊ ဒဘလယူ၊ ဘွတ်ရှ်' လဲ ပုံတူဆွဲတဲ့အကြောင်း ဖတ်ရသေးတယ်။ သူက ကမာ္ဘ့နိုင်ငံရေးခေါင်းဆောင်တွေပုံတွေကို ဆွဲတာများတယ်။ သူ့မှတ်ချက်လေးလဲပါတယ်။ "Don't paint your wife ကိုယ့်မိန်းမကို ပုံတူမဆွဲပါနဲ့" တဲ့။ ကျွန်တော် ၁၉၇၀-၇၁ ဆေးမန်းမဂ္ဂဇင်းအဖုံးဆွဲခဲ့ရတယ်။ အထဲကလဲ သရုပ်ဖေါ်ပုံတွေလဲပါတာပေါ့။ မှတ်မိသေးတယ်ဗျာ။ (မဆလ) ပါတီညီ...

ကျွန်တော် ငယ်ငယ်ကတည်းက ပုံဆွဲဝါသနာပါတယ်။ အသက်လုထွက်ပြေးရတော့ တခြားဟာတွေနဲ့အတူ ဘွဲ့လက်မှတ်နဲ့ ပန်းချီပုံလေးတွေ သယ်မလာနိုင်တဲ့အတွက် ခုထိစိတ်မကောင်းဖြစ်ပါတယ်။ ဆေးကျောင်းနောက်ဆုံးနှစ်တုန်းကဆွဲခဲ့တဲ့ ကင်းဝန်မင်းကြီးဦးကောင်းပုံကို မနှစ်က ဒီနေ့မှာ ပြန်တွေ့ရတယ်။ အမေ့ရွာ ပုလဲမြို့နယ်၊ မင်းတိုင်ပင်ဆိုတာ ကင်းဝန်မင်းကြီးရဲ့ရွာပါ။ အမေကဦးကောင်းရဲ့မြေးတော်တယ်။ ဦးကောင်းမှာ သားသမီးအရင်း မထွန်းကားပါ။ အရင်က (မုံတိုင်ပင်) လို့ ရာဇဝင်စာအုပ်တွေမှာ ရေးတယ်။ ငယ်ငယ်တုံးက ကင်းဝန်ရဲ့အမျိုးလို့ ကြွားချင်ခဲ့တယ်။ မုံရွာ အထက (၂) မှာ ၉ တန်း၊ ၁၀ တန်းတုံးက ကင်းဝန်နွယ်ဘာညာဆိုပြီး ကလောင်နာမယ်ယူခဲ့ဘူးတယ်။ ကိုယ်တိုင်က ပန်းချီဆွဲပြီး၊ မြန်မာစာဆရာ ဘုတလင်ချစ်လေးက ကြီးကြပ်ပေးတဲ့ ပုလဲသွယ်နံရံကပ်စာစောင်မှာ တာဝန်ယူရဘူးတယ်။ ဆရာ့ကိုရော၊ သူငယ်ချင်းတွေပါ အမှတ်ရလို့ ကျွန်တော့် နိုင်ငံရေးဘလော့ခ်ကို ပုလဲသွယ်လို့ နာမည်ပေးခဲ့တယ်။ ကယားပြည်ကို သီးခြားပြည်တခုအဖြစ် သီပေါမင်းကိုယ်စား လက်မှတ်ထိုး ထုတ်ပြန်ခဲ့တာ ကင်းဝန်မင်းကြီးဦးကောင်းလို့ ကယား-ကယန်း-ကရင်နီတွေကသူများတွေထက် သိကြတယ်။ ကင်းဝန်မင်းကြီးကို အဲလိုအမြင်ရှိသူတွေ အကဲဖြတ်တာကိုရော၊ ဦးကောင်းလိမ...

ခြံထွက်အသီးအရွက်တေနဲ့ တေသီး တေရွက်တော့ မသိပါ။ တေ သို့မဟုတ် ဝဆွဲ မုန်းသူများထဲမှာ ကင်ဆာလူနာဦးရေက အများဆုံးဖြစ်တယ် 1. Female ပါ အပျိူပါ ရာသီက ပုံမှန်ပါပဲရှင့် ဖြစ်နေတာက မျက်လုံးတွေက ယားတော့ လက်နဲ့ပွတ်ပါတယ် လက်နဲ့ ပွတ်ပါများတော့ မျက်လုံးတေကပူပြီး မျက်လုံးကနီပြီးဝါလာပါတယ် မျက်ရည်ပူတေလည်း ကျပါတယ် 2. ကင်ဆာ ဖြစ်ထားတဲ့သူနဲ့ alcohol နဲ့ တည့်လားရှင့် အမြဲတန်းတော့မဟုတ်ပါဘူးရှင့် အလုပ်က လူကြီးတေနဲ့ ဆုံမဲ့အချိန်တေမှပါရှင့် ကျေးဇူးပြုပြီး ဖြေပေးကြပါဦးရှင့် (ကျွန်တော့်ကိုမေးတာတော့ မဟုတ်ပါ။ သတ်ပုံကို တင်ပြချင်လို့ဖြစ်ပါတယ်။ တေ မဟုတ် တွေ လို့ရေးရ။) 3. ကင်ဆာဆေးတတိယအကြိမ်သွင်းပီး(ပြီး)ခေါင်းတေ(တွေ) မခံမရပ်နိုင်အောင်ပွင့်ထွက်မတတ် ထိုးပီး(ပြီး) နားတေ(တွေ)ပါကိုက်တဲ့ Bad side effect ကို ကြုံဘူးကြလားရှင့် ကြုံဘူးတဲ့သူတေ(တွေ) ဝေဒနာ သက်သာအောင် ဘ(ဘယ်)လိုလုပ်ရမလဲ ဆိုတာ ကူညီ ရှင်းပြစေလိုပါတယ် ခု ဆေးခန်းက ဆရာဝန်နဲ့ ဆေးထိုးဆေးသွင်းလုပ်နေပင်မဲ့ ခဏပဲသက်သာလို့ပါ  4. ကင်ဆာသမားတေစိတ်ဓာတ်နှင့်စိုးရိမ်မှုကအဓိကပါရှင့် စိတ်ဓာတ်မကျနဲစိုးရိမ်စိတ်မများနဲ ညီမအသက် ၃၈ပါ (တေ မဟုတ် တွေ လို့ရေးရ။) 5. ကန်တော့ဆရာ အသက်က ၂၅ပါ hpv ရှ...

ကာတွန်းဆရာခင်ဗျား အခုတော့ အဲလို မဟုတ်တော့ပါ။ 'တခါ' ကနေ 'တစ်ခါ' ဖြစ်နေပါပြီ။ 'တခြား' ကနေ 'တစ်ခြား' ဖြစ်နေပါပြီ။ 'ဒါဘဲ' ကနေ 'ဒါပဲ' ဖြစ်နေပါပြီ။ 'အုန်းသီး' ကနေ 'ဗုံးသီး' ဖြစ်နေသောကြောင့် ပြောင်းလိုက်ခြင်းဟု ဆိုပါသည်။ ဒေါက်တာတင့်ဆွေ

သူတပါးနင်းနေကြသည့် ခြေဘဝါးအောက်တွင် ပြားပြီးပျောက်ရတော့မည်လော မြန်မာပြည် နင်းပြားဘွဲ့ လေးချိုးကြီး မှတ်ချက် - သူတစ်ပါးနင်းနေကြသည့် မဟုတ်။  ကျွန်သပေါက်တစ်မျှသူငါကြုံ မဟုတ်။ ပြည်တစ်နယ်နိုင်ငံဝေးဆီက အမွေးမှာ ထူဗလဗွာနှင့် မဟုတ်။ ဗမာမလူသာအောင် နေရာတစ်ကာမှာများရာမှ မဟုတ်။ ဇာတ်တစ်ဖြာ ပတ်ကာပိုးပါလို့ မဟုတ်။ ဘေးက တစ်ငွေ့ငွ့ တစ်ဖြည်းဖြည်းတွေ့ရမှာမို့ မဟုတ်။ တို့ဗမာ မြိုင်တိုင်းရယ် နယ်တစ်ကာ၌ မဟုတ်။ ရက်စက်သူ မျက်နှာဖြူတစ်သင်းတို့မှာ မဟုတ်။ ပြည်မြန်မာတစ်ခွင်မှာ မဟုတ်။ တစ်ကဲ့အချက် ရှက်ဖွယ်ရာကိုစော မဟုတ်။ သခင်ကိုယ်တော်မှိုင်းထက် သာတယ်ထင်နေသူများကြောင့် မြန်မာစာသတ်ပုံ ပြားပြီးပျောက်ရတော့မည်လော။ ကိုယ့်သာကိုယ် ခြေထောက်နဲ့နင်းကြတဲ့ခေတ်။ ဒေါက်တာတင့်ဆွေ ၃၀-၁၂-၂၀၁၇

ရှမ်းလူမျိုး သူငယ်ချင်း (စီနီယာ) ဆရာဝန်တယောက်က တခြားသူအသင့်လုပ်ထားတဲ့ ပုံတွေနဲ့ စားစရာပုံတွေနဲ့ တင်ပါတယ်။ မနက်စာ၊ နေ့စာ၊ ညစာ တဲ့။ ယူသုံးတဲ့ပုံထဲမှာ နေ့လယ်စာရေးတာ မှားနေတယ်။ ရှမ်းပြည်ကို အလည်သွားတော့ နေ့လယ်စာ စားခဲ့တယ်။ ကောင်းလွန်းလို့ လျှာလည်သွားတယ်။ Smile! နောက်တခေါက်သာ အလည်သွားဖြစ်ရင် ရှမ်းပြည်ကို အရောက်သွားဦးမယ်။ ရှမ်းဒေသထွက် စားစရာတွေ စားချင်လို့။ ခေါပုပ်၊ ပဲပုပ်၊ မုန်ညင်း၊ ကောက်ညှင်းကျည်တောက် အမည်တွေကို မှန်အောင်ရေးတဲ့နေရာဒေသတွကိုလည်း သွားချင်တယ်။ စာကိုမှန်အောင်မရေးရင်တော့ - ရန်ကုန်စာ၊ မန္တလေးစာတွေလည်း မျိုချရခက်မယ်။  အမေရိကန်စာတွေလည်း လည်မျိုမှာ တစ်နေမယ်။ ခေတ်ကလည်း ခက်မှ၊ လွဲမှ၊ ကြာညောင်းမှတဲ့။ DIY Taco Lunchbox ဒေါက်တာတင့်ဆွေ

ကူးယူတင်ပြတာဖြစ်ပါတယ်။ ပို့စ် တခု = ဟင်းချက်နည်းတခုမှာ ပုစွန်အခွံခွါတာကိုပြောသွားပုံက ပုစွန်ကို အင်္ကျီချွတ်ပေးပါတဲ့၊ ကွန်မင့်တခု = မြန်မာစကားဟာ mother tongue မဟုတ်သူတွေက ကြိုးစားပြီး မြန်မာလို communicate လုပ်တာကို ပျက်ရယ်မပြု့သင့်ပါ။ ဖေးကူ အားပေး လမ်းပြပေးဖို့တောင်သင့်၏။ အဲ့တာ ကြောင့် ကိုယ့်ကိုကိုယ် တဆင့်မြင့်တယ်ထင်နေတဲ့ မြန်မာတွေ နဲ့တိုင်းရင်းသားတွေက မပေါင်းချင်တာ။ ကျွန်တော့ မှတ်ချက် - အဲလို အသုံးစကားမျိုးကို AI ဘာသာပြန်ချက်ထဲမှာလည်း တွေ့ရတတ်တယ်။ ရွှေမြန်မာတွေ စိန်ဗမာတွေထက် စာကို မှန်အောင်ရေးသား၊ ကဗျာဖွဲ့တတ်တဲ့ တိုင်းရင်းသားလူမျိုးစုတွေ ရှိတယ်။ ဗမာမဟုတ်တဲ့ ပုံတိုပတ်စ အလွန်ပြောတတ်သူ၊ ဗမာမဟုတ်တဲ့ ကဗျာဆရာ၊ ကဗျာဆရာမ စသူတွေကို ကိုယ်တိုင်သိပါတယ်။ အမည်၊ လူမျိုးစု၊ ရာထူးတာဝန်တွေနဲ့ကို သိပါတယ်။ အလျဉ်းသင့်တဲ့အခါ တင်ပြထားတယ်။ ဖေ့စ်ဘွတ်မှာ မြန်မာလိုရော အင်္ဂလိပ်ဘာသာပြန်သတင်းတွေကို နေ့စဉ်ရေးနေသူတယောက်လည်း တောင်ပေါ်ဒေသတခုကနေ ဥရောပနိုင်ငံတခုမှာ နေထိုင်သူ။ တိုင်းရင်းသားချစ်ကြည်ရေးဆိုတာ မြှောက်ပင့်ပြောဆိုရေးသားရတာမျိုးလည်း မဟုတ်ကြောင်း မကြာခဏတင်ပြပါတယ်။ လူမျိုးစုမရွေး လူတိုင်းလိုလိုကလည်း ငါ့တော့မြှေ...

လွန်ခဲ့တဲ့ ၄ နှစ်လောက် ရေးထားတာ။ မြန်မာစကားတွင် စ၊ ဆ၊ အသံထွက်များရှိသော်လည်း နိုင်ငံခြားဘာသာစကားမှ ဝေါဟာရများကို သ သံအဖြစ် ပြောင်းလဲထွက်ဆိုသည့်ကို သိရှိလိုပါတယ်ခင်ဗျာ စာတမ်းတခုလို ရေးနိုင်ရင် ကောင်းမယ်။ အတော်ခက်တယ်။ ကျယ်ပြန့်တယ်။ မူသေလို့ မရှိပါ။ နိုင်ငံခြားဘာသာတွေက များတယ်။ စာလုံးတလုံးတည်းကို အသံထွက်တာ မတူကြပါ။ မြန်မာပြည်မှာ အများဆုံးသိတဲ့ နိုင်ငံခြားဘာသာတွေထဲက အင်္ဂလိပ်စာမှာလည်း အင်္ဂလိပ်စကားပြော နိုင်ငံတွေမှာ မတူတာတွေ ရှိတယ်။  အင်္ဂလိပ်ဘာသာစကားရဲ့မူလနေရာ ဗြိတိန်နဲ့ အမေရိက မတူတာတွေရှိတယ်။ ယူကေထဲမှာလည်း အင်္ဂလန်၊ စကောတလန် စသည်မှည မတူတာတွေရှိတယ်။ အမေရိကမှာလည်း စပိန်၊ အိန္ဒိယ၊ အာရတ်၊ တရုပ်၊ ရုရှား စတဲ့ မိခင်စကားမတူရင် အသံထွက်က မတူပါ။ ကျွန်တော်ဘာသာပြန်လုပ်ခဲ့တဲ့ကျောင်းမှာ စာကြည့်တိုက်စာလုံးကို အသံထွက်တာ အမေရိကန်လူမျိုး ဆရာနှစ်ယောက် နည်းနည်းကွဲလွဲတယ်။ မြန်မာလူမျိုးတွေနဲ့ အတော်ရင်းတဲ့ ပါဠိဘာသာကို ကိုယ့်နိုင်ငံကဘုန်းတော်ကြီးတွေဟောပြောတာနဲ့ ပြည်ပက ဥပမာ အိန္ဒိယမှာသီတင်းသုံးတဲ့ဘုန်းကြီးတွေ ရွတ်ဆိုတာ မတူပါ။ နိုင်ငံတကာသုံးမှာ ဗုဒ္ဓံဿရနံ ဂစ္ဆာမိ ကို Buddham Sharanam Gacchami လို့ အသံထွက်ပါတယ်...

- အသက် တရာ - တသက် တစ်ရာ အမေရိကန်သမတဟောင်းသတင်းကို မြန်မာလို ၂ မျိုးရေးကြတယ်။ အမေရိကန်တွေက ဖတ်ပြပါဦးဆိုရင် ခက်ပြီ။ ကိုယ့်ပေါင်ကိုယ်လှန်ထောင်းရနိုင်သည်။ မြန်မာ့ဒီမိုကရေစီရောမှာ ဂျင်မီကာတာ ကျေးဇူးတွေ ရှိပါသည်။ ကျွန်တော် ကာတာဖေါင်ဒေရှင်း ပို့လွှတ်လို့ နိုင်ငံတကာ ရွေးကောက်ပွဲ လေ့လာသူအဖြစ်သွားခဲ့ရသည်။ ဂျကာတာလား၊ ဖနွမ်းပင်လား ပြန်ကြည့်ရမည်။ ကံဆိုး ကံကောင်း ၂၀၂၅ မြန်မာပြည်ကို ကာတာဖေါင်ဒေရှင်းကဖြစ်ဖြစ်၊ ဘယ်အသင်းအဖွဲ့ကဖြစ်ဖြစ် စေလွှတ်မှာမဟုတ်ပါ။ ဒေါက်တာတင့်ဆွေ

အိမ်မှာကြော်သည်။ လွယ်လွယ်လေး။ ပဲမူံ့အစိမ်း ပေါင်းအိုးဆန်ချဉ်ခွက်တခွက်၊ ပြောင်းဖူးကော်မူံ့ ထမင်းစားဇွန်းတဇွန်း ပြစ်နိုင်သမျှပြစ်ပြစ်လေး ညှစ်ဘူးနဲ့ ညှစ်ချလိုရတဲ့ အနေအထားပဲရေထည့်မယ်နော်၊ ကျဲသွားရင် အဆင်မပြေ၊ မုန့်မလှ၊ မနီတင်ထားတဲ့ပုံတောင် ရေနဲနဲများသွားလို့ သိပ်မလှဘူး။ ဆားကပါလေရုံနဲနဲပဲထည့်၊ ငံသွားရင်စားမကောင်းဘူး၊ အားလုံးပြီးသွားရင် ညှစ်ဘူးလေးထဲထည့်ပြီး ဆီထဲကို အခွေလေးတွေ ညှစ်ချပါ။ ဆီများများလေးထဲ မီးအလတ်လောက်နဲ့ကြော်။ ရပါပြီ စာကလေးခွေကြော်။ သင်ဆရာမြင်ဆရာ ကြားဆရာအားလုံးကို ဂါရဝပြုပါတယ်၊၊ ချစ်သူငယ်ချင်းအားလုံးကို ချစ်ခင်လေးစားတဲ့ မနီ(နော်ဝေး) ပုံအတွက် ကျေးဇူး။ မြန်မာပြည်လုပ် ပဲခွေ ခေါ် စာကလေးခွေ ခေါ် မုံ့ဩဇာကို နယူးဒေလီမှာလည်း မရောင်း။ ယူအက်စ်အေမှာလည်း မရှိပါ။ ဒါပေမဲ့ ဆင်တူ တာတွေရှိတယ်။ အိန္ဒိယကနေ အထုပ်နဲ့လာတယ်။ ကောင်းတယ်။ နန်းလုံးသေးတာများတယ်။ ချေထားပြီးသား။ ကောင်းတာဘဲ။ ကျွန်တော်က တခါတလေ နေ့လယ်မှာ ခရမ်းချဉ်သီးလေး ပါလေကာ၊ ကြက်သွန်နီလေးနည်းနည်းနဲ့ သုပ်စားတယ်။ ငံပြာရည် အနံ့လေးပါယုံသာ။ ကောင်းတယ်။  တောတွေမှာ ဆွမ်းလောင်းတိုင်း သစ်စေးသုတ်ခံတောင်းကြီးနဲ့ အပြည့်ရတယ်။ အထားလည်း ခံတယ်။ မြန်မာ့နည...

ဆရာပါ ဘန်းစကားတွေ တတ်နေပြီတဲ့။ ဟုတ်။ လက်ထဲမှာ လှသမိန်ရေးတဲ့ ဘန်းစကားစာအုပ်တအုပ် ရှိတယ်။ ကနေ့ ဆိုရှယ်မီဒီယာက စကားလုံးတွေတော့ တလုံးမှ မပါ။ ဟိုတနှစ်က ရန်ကုန်က ရင်းနှီးလာတဲ့ ဖေ့စ်ဘွတ်ဖရင်း မိန်ကလေးတယောက်က ဆရာ ခေတ်စကားတွေ သင်ပေးရမလားတဲ့။ အခမဲ့ ကျူရှင်းပေးတယ်။ နေပါစေကွာ။ ဖေ့စ်ဘွတ်မှာ အတော်များများက အတော်ဆဲကြတယ်။ မဆဲတဲ့သူတွေလည်း ဆဲနည်းတော့ သိကြပါတယ်။ လောကကြီးမှာ သင်စရာလိုတာနဲ့ သင်ယူစရာမလိုတာလို့ ရှိတယ်။ ပါးစပ်ကအသံနဲ့ မထွက်တိုင်း ဒီပညာရပ်ကို မတတ်ဘူးမထင်ပါနဲ့။ လက်ကနေမရေးတိုင်းလည်း လူနုံလူအလို့ မမှတ်ပါနဲ့။ ဆဲနည်းထုတ်ကြွားသူတွေနဲ့ ခေတ်စကား နှုတ်ဖျားကမချသူတွေဟာ အဋ္ဌမမြောက် မသူတော်။ မသူတော်ခုနစ်ပါး တောက်တဲ့၊ ဇီးကွက်၊ ရွှေပြည်စိုးငှက်၊ ယောက်ဖခွေးခေါ်ငှက်၊ တစ်တီတူး၊ ဥဩငှက်၊ ဘုတ်ငှက်။ ဒေါက်တာတင့်ဆွေ

- အခုကျိနေသူနက် ဘလာဘလာ လူခေါ် လူရောင်းသူများ ရေးသားကြသည့် သတ်ပုံ - ကျယ်မ သားအိမ်ကင်ဆာရှိနေလို့ - ညမမှာ ရင်သားကင်ဆာ ကင်ဆာဝေဒနာသည်များ အရေးအသား - သမီးဖစ်နေတာ အစာအိမ်မကောင်းတာ - ဘာဆေးတေသောက်ရမလဲ - ဘယ်လိုလုပ်ကမလဲ ကျန်းမာရေးမကောင်းသူများ စားလုံးပေါင်း - ချောင်းဆိုးp အရပ်ဆေးကြော်ငြာသူ - ချောင်းဆိုးp အရပ်ဆေးကြော်ငြာသူ - ရပါပီရှင့် ခွေးကလေးအား လေးစားကြည်ညိုသူ အထက်ပါပုဂ္ဂိုလ်များသည် မြန်မာပြည်သူပြည်သားများ ဖြစ်ကြပါသည်။ ကယ်တော်မူကြပါကုန်။ Photo from google images ဒေါက်တာတင့်ဆွေ

Mon, Dec 30, 2024 ကရင်နှစ်သစ်ကူးနေ့ ကရင်နှစ်သစ်ကူးပို့စ်တွေ တွေ့တယ်။ ပြက္ခဒိန်တွေက အတော်အဆင်မပြေပါ။ တိုင်းရင်းသားလူမျိုးစုနေ့တွေ မစုံ။ တရုပ်နဲ့ ဟိန္ဒူနေ့တွေတော့ပါတယ်။ ဗုဒ္ဓဘာသာရေးနေ့တွေကလည်း အရင်ကမကြားဖူးတဲ့နေ့သစ်တွေပါနေတယ်။ ကျွန်တော်ငယ်ငယ်လေးကတည်းက မုံရွာမြို့မှာ အိမ်နီးချင်း ယောသူ ဒေါ်ချစ်ရဲ့ ခင်ပွန်းက ကရင်လူမျိုး ဆင်ဦးစီးလို့ သိခဲ့တယ်။ သူတို့ဆီကနေ ကစွန်းရွက်ကို အစိမ်းစားတဲ့အကျင့်ရလာတယ်။ သူ့သားသမီးတွေနဲ့လည်း သူငယ်ချင်းတွေ။ ငယ်ငယ်ကပါလဲ ကရင်သူပုန်အကြောင်းတွေ၊ အင်းစိန်တိုက်ပွဲအကြောင်းတွေ ဖတ်ဖူးထားတယ်။ နိုင်ငံရေးရောက်မှ တကယ့်ကရင်တောထဲ ရောက်ပါတယ်။ မာနယ်ပလောကို သုံးခေါက်ရောက်တယ်။ မျှစ်စိမ်း လတ်လတ်ဆတ်ဆတ် စားရတာ တသက်မှာ ပဌမဆုံး။ တာလဘောဟင်းလည်း အဲဒီရောက်မှသာ စားဖူးတယ်။  ကရင်ဒုက္ခသည်စခန်းတွေကိုလည်း ရောက်ပါတယ်။ မာနယ်ပလော ကျသွားတော့လည်း တခြားကရင့်နယ်မြေတွေကို ရောက်တယ်။ ဟိုတနေ့ကတင်တဲ့ ပို့စ်ထဲက စွပ်ကျယ်အင်္ကျီနဲ့ပုံဟာ ကရင်နယ်မြေတခုမှာ ကရင်ရေချိုးပြီစမှာ ရိုက်ထားတယ်။ ကရင်တောတွင်းနဲ့ နယ်စပ်ဆေးရုံတွေမှာ လူနာတွေကို ခွဲစိတ်ကုသပေးခဲ့ဖူးတယ်။ ကရင်တွေမှာဖြစ်တဲ့ရောဂါတွေက ဗမာတွေမှာဖြစ်တာနဲ့ အတူတူ။ သွေးအ...

နှစ်လောင်းတင်သွားမယ်။ သွေးသောက် ၁၉၆၁ ဇန်နဝါရီ နံပါတ် ၁၈၀ အခုခေတ်မှာ ‘တစီး’ ကို ‘တစီး’ လို့ မှန်အောင်မရေးတတ်ကြ။  ‘နဲ့ဘဲ’ ကို ‘နဲ့ဘဲ’ လို့ မှန်အောင် မရေးတတ်ကြ။ (Listener's Heaven Audiobooks - အသံစာအုပ်) ပုံအတွက် ကျေးဇူး ဒေါက်တာတင့်ဆွေ

မှားနေတဲ့ ကျောက်စာ ပြင်ထားတယ်ဆရာ။ ပြင်ထားတယ်ဆရာ မနေ့က မှတ်မှတ်ရရ ရိုက်လာတာ။ သြော် - ကျေးဇူး။ အင်္ဂလိပ်စာလုံးရော မြန်မာသတ်ပုံပါ မှားနေတာတွေလို့ စစ်ကိုင်းတိုင်းဝန်ကြီးချုပ်ကို ပြင်ဘို့ပြောထားတာ အဖမ်းခံလိုက်ရလို့ ပြင်ချိန်မရလိုက်လို့ ထင်ထားတာ။ ပြင်လိုက်တော့ မှန်သွားရော။ ကျောင်းသုံးပထဝီစာအုပ်ထဲမှာ အဲဒီနေရာကို အီကွေတာတဲ့။ ပညာရေးဝန်ကြီးကိုတော့ လူချင်းမသိလို့ မပြောလိုက်ရ။ ဆိုင်းဘုတ်ကျောက်စာမှာ အင်္ဂလိပ်လိုမှားနေတယ်။ Tropic of Cancer လို့ရေးရပါတယ်။ မြန်မာစာသတ်ပုံလည်း မှားနေတယ်။ ယဉ်စွန်းတန်းမှာ ရေးချမပါရပါ။ ယာဉ်ဆိုတာ သွားလာစရာယာဉ်။ ဆိုင်းဘုတ်ဟာ မြန်မာနိုင်ငံ ကလေးမြို့နားမှာရှိတဲ့ မြောက်ယဉ်စွန်းတန်းဖြတ်ရာနေရာဖြစ်ပါတယ်။ အင်္ဂလိပ်လို မှားနေတာကို သိအောင် အိန္ဒိယနိုင်ငံ အနောက်ပိုင်း ဂူဂျရတ်ပြည်နယ်ကဆိုင်းဘုတ်ကိုဖတ်စေချင်ပါတယ်။ မြောက်ယဉ်စွန်းတန်းကို Tropic of Cancer လို့ရေးရပါတယ်။ တောင်ယဉ်စွန်းတန်းကို Tropic of Capricorn လို့ရေးပါတယ်။ Cancer နဲ့ Capricorn တို့ဟာ ဆယ်နှစ်ရာသီခွင် အမှတ်အသားတွေဖြစ်ကြတယ်။ Cancer ဆိုတာ ပုစွန်လုံး (ကရကဋ်) နဲ့ Capricorn ဆိုတာ (မကရ) ဆိတ်ရုပ်ဖြစ်တယ်။ ကမ္ဘာကြီးဟာ ၂၃့၅ ဒီဂရီစောင်...

မှန်အောင် ပြင်ပေးထားသူ ကွန်ဂရက်ကျူလေးရှင်း။ ၁၆-၆-၂၀၁၇ နေ့ စတွေ့ကတည်းက မှားရေးထားတာကို ထောက်ပြခဲ့ပါတယ်။ ဆိုင်းဘုတ်ဟာ မြန်မာနိုင်ငံ ကလေးမြို့နားမှာရှိတဲ့ မြောက်ယဉ်စွန်းတန်းဖြတ်ရာနေရာဖြစ်ပါတယ်။ ကျောက်ပြားမှာ The Tropical Cancer Pass Here လို့ ရေးထားတာ မှားနေတယ်။ မြန်မာလို အမှားနဲ့ အင်္ဂလိပ်လို အမှား။ ယဉ်စွန်းတန်းမှာ ရေးချမပါရပါ။ ယာဉ်ဆိုတာ သွားလာစရာယာဉ်။ အင်္ဂလိပ်လို မှားနေတာကို သိအောင် အိန္ဒိယနိုင်ငံ အနောက်ပိုင်း ဂူဂျရတ်ပြည်နယ်ကဆိုင်းဘုတ်ကိုပါ ယှဉ်ပြပါတယ်။  မြောက်ယဉ်စွန်းတန်းကို Tropic of Cancer လို့နဲ့ တောင်ယဉ်စွန်းတန်းကို Tropic of Capricorn လို့ ရေးပါတယ်။ Cancer နဲ့ Capricorn တို့ဟာ ဆယ်နှစ်ရာသီခွင် အမှတ်အသားတွေဖြစ်ကြတယ်။ Cancer ဆိုတာ ပုစွန်လုံး (ကရကဋ်) နဲ့ Capricorn ဆိုတာ (မကရ) ဆိတ်ရုပ်ဖြစ်တယ်။ ကမာ္ဘကြီးဟာ ၂၃့၅ ဒီဂရီစောင်းပြီး လည်နေရင်း နေကို တနှစ်မှာတပတ်ကျ လှည့်ပတ်နေတာမှာ ကမာ္ဘပေါ် နေတည့်တည့် ဖြတ်သန်းရာစက်ဝိုင်းမျဉ်း ၂ ခုရှိပါတယ်။ Tropic of Cancer မြောက်ယဉ်စွန်းတန်း စက်ဝိုင်းမျဉ်းဟာ မြောက်လတ္တီတွတ်  ၂၃့၅ ဒီဂရီမှာဖြစ်တယ်။ နှစ်စဉ် ဇွန်လ (၂၁) ရက်နေ့ မွန်းတည့်ချိန်မှာ နေနဲ့တည့်တည...