တို့စာ တို့စကား တို့တိုင်းပြည်

ဒေါ်သက်လက်ယာ(လက်ရာ) မြန်မာပြည်ကအကိုပို့လာတဲ့ငါး။ လက်ယာ = အများအားဖြင့် ထမင်းစားရာ၊ စာရေးရာ၌ အသုံးပြုသောလက် တည်ရှိသည့်ဘက်။ (ပုံစံအားဖြင့် အရှေ့သို့ မျက်နှာမူထားစဉ် မိမိကိုယ်၏ တောင်ဘက်ကျသောဘက်။ မည်သည့်အရပ်သို့လှည့်သည်ဖြစ်စေ ထိုဘက်ကိုပင် စွဲမှတ်၍ လက်ယာ၊ ယာလက်၊ ညာဘက် စသည် ခေါ်တွင်သည်။) လက်ရာ ၁။ လက်ဖြင့် ထိကိုင်သဖြင့် ကျန်ရစ်ခဲ့သော အမှတ်အသား အရေးအကြောင်း။  ၂။ တစုံတယောက်၏ ဆောင်ရွက်ပြုလုပ်ချက်။ ၃။ လက်မှုပညာဆိုင်ရာ လုပ်ဆောင်ချက်။ ကျွန်တော်၏လက်ရာများမှာ အစဉ်ဘဲ ချီးမွမ်းခြင်း ခံရပါသည်။ ပဲပြုတ်နဲ့နံပြား (ဗမာပြည်လက်ယာအစစ်) - လက်ရာလို့ ရေးရ။ လက်ရာကောင်းစားဖွယ်စုံ အဖွားလက်ရာ ဗိသုကာလက်ရာ အရိုး - ရုပ်စုံလက်ရာ ရွှေဥလက်ရာ သူမလက်ရာ ဟောဒီက မြိုင့်လက်ရာ ကြက်ပဲရည်သုပ် လက်ရာမြောက်သော  တင့်တင့်လက်ရာ မြန်မာ့ရသာစားဖွယ်စုံ လက်ယာလက်ဝဲ ဗိုလ်လက်ျာ မန်းတောင်လက်ျာ - မစိမ်းစိမ်း https://www.youtube.com/watch?v=vlaXvlDvfLo သို့ပေမယ့် ဝဲလက် ကိုယ့်ကိုယ်ကိုရည် ယာလက်ချစ်သူ ကိုယ်စားရည် ကျွေးလိုက်မည်  ငွေဇင်ယော် ဆို ဝင်းဦး https://www.facebook.com/watch/?v=383557766222927 ရတနာပုံ တေးရေး အလင်္ကာကျော်စွာရွှေပြည်အ...

တင်ထားတာ တခု = ထမင်းပူလေးကို ပဲဆီမွှေးမွှေးလေးဆမ်းပြီး တောနယ်တွေမှာ ဆီကို အိမ်မှာတင် ဆုံနဲ့ နွားသုံးပြီး ကြိတ်ကြရတယ်။ မြေပဲနဲ့ နှမ်းသာသုံးကြတယ်။ နှမ်းဆီကို ဆမ်းစားပြီး မြေပဲဆီကို ကြော်ရာမှာ သုံးကြတာ များတယ်။ ဖိုးလမင်းကြီးရေ ထမင်းဆီဆမ်း ရွှေလင်ပန်းနဲ့ပေးပါ ၀ါ ၀ါ ၀ါ။ အခုတော့ ရှေးစကားပေါ့။ "စိတ်ကူးယဉ်" ငယ်စဉ်ချိန်က၊ ဖိုးရွှေလကို ခဏမြင်ခြင်း၊ လက်ဝါးခင်း၍ “ထမင်းဆီဆမ်း၊ ကြာလင်ပန်းနှင့် ပေးစမ်းလှည့်ပါ၊ ဝါ ..ဝါ..၀ါ”ဟု နှုတ်လွှာကြူလှစ်၊ သူ့ကိုချစ်ခဲ့။ အရွယ်ရောက်၍ ထွန်းတောက်ကြည်လင်၊ လ,ကိုမြင်လည်း စိတ်ထင်မှတ်ရာ၊ လှရုပ်လွှာနှင့် ပမာနှိုင်းယှဉ်၊ စိတ်ကူးယဉ်ခဲ့။ သိပ္ပံခေတ်ခါ၊ သူ့ရုပ်လွှာမူ စိတ်မှာအထင်၊ တက်တက်စင်မျှ အသွင်ကွာခြား၊ ငွေသားမခင်း ပူလောင်ပြင်းသည့် ချိုင့်ကျင်းဒေသ၊ဖြစ်နေရသည် ဖိုးလစန္ဒာ အသို့နည်း။ ကြည်ပြုံး (ပခုက္ကူ) ငွေတာရီမဂ္ဂဇင်း ၁၉၆၉ ဇူလိုင်လ ဒေါက်တာတင့်ဆွေ

- ဇလားဘီးယား ငါးခြောက်လေးတွေ ရပါမယ်ရှင့် (ပုံအတွက် ကျေးဇူး။) - အင်းလေးဆလားဗီးငါးခြောက် ခေါ် ကျောက်ငါး - ဒေသခံတွေ အတတ်နိုင်ဆုံးရှောင်တဲ့ငါးပါ။ ကျောက်ငါးလို့လည်းခေါ်ပါတယ်ဆရာ။ သွေးအရမ်းတိုးတယ်လို့ ပြောလို့ မစားရဲခဲ့ဘူးဆရာ။ အစားအသောက်တွေကို သွေးတက်တယ်၊ အကြောတက်တယ်လို့ ပြောကြတယ်။ ပြောသလို မဟုတ်တာက အဆမတန်များနေတယ်။ တမာရွက်၊ တညင်းသီး စတာတွေက သွေးတက်တယ်ပြောခြင်းဟာ တို့စရာနဲ့ တွဲစားတဲ့ငန်ပြာရည်ကြောင့်။ တီလားပီးယားငါး ကောင်းပါတယ်။ vitamin B12 ပါတာများတယ်။ Phosphorus ဖေါ့စ်ဖါးရပ်စ်ပါတာလည်း ကောင်းတယ်။ အဆီဓါတ်ပါတာ နည်းတယ်။ salmon ဆယ်လ်မွန်နဲ့ tuna ကျူနာငါးတွေလောက်တော့ tilapia ငါးမှာ omega-3 fat မများပါ။ အားနည်းချက်လည်း ရှိတယ်။ ဘက်တီးရီးယား၊ ပါရာဆိုက်နဲ့ ပိုးသတ်ဆေးတွေနဲ့ ထိတွေ့မှု များနိုင်တယ်။ မွေးမြူရေးလုပ်သူတွေက သတိထားကြတာမှန်ရင် စိုးရိမ်စရာ မရှိပါ။ တီလားပီးယားငါးရဲ့ ချိုတဲ့အရသာကို ဆယ်လ်မွန်နဲ့ ကျူနာငါးတွေထက် ပိုကြိုက်တယ်။ မြန်မာပြည်မှာသာရတဲ့ ငလူးခေါင်ချွန်းအရသာကိုလည်း အမေရိကန်နဲ့ ကနေဒါငါးတွေထက် ကြိုက်တယ်။ နယူးဒေလီ မြောင်းဘေး ငါးဈေးကနေ တခါတခါ ငလူးခေါင်ချွန်းရတယ်။ ညကအိမ်မှာ မကားရဲငါး ပေါင်းတယ်။ ကေ...

ပုံအတွက် ကျေးဇူး။ အတိတ်ကာလမှာ မြန်မာစာကို မှန်အောင်ရေးသားခဲ့ကြပါသည်။ ဒေါက်တာတင့်ဆွေ

'ဟင်းလျာ' ကို 'ဟင်းလျှာ' လို့ ၂ နေရာမှာ ပြင်ပေးလိုက်မိတယ်။ ဖုန်းကနေလုပ်တာဖြစ်တော့ ပြန်ရှာလို့က မလွယ်။ 'ဟင်းလျာ' ကသာ မှန်တယ်။ ဆောရီး။ လျာ = သီးသန့် ရည်မှန်းထားသည်။ (ဘုရားလျာ၊ သင်္ကန်းလျာ) (ဟင်းလျာ၊ လင်လျာ) လျာ ကလျာဏမိတ်ဆွေ ကလျာဏီသိမ် ကလျာယဉ်အိ တသက်လျာ မင်းလျာ မိန်းမလျာ ပြင်လျာ လျာ = တခဏ လျာကာထားမှ လျာထား သည်းလျာ အလောင်းအလျာ ယောက်ျားလျာ တချိန်သောအခါတွင်လို့ ရေးတာကိုလည်း သိစေလိုပါတယ်။ မြန်မာ့ဆိုရှယ်လစ်ခေတ် သတ်ပုံတွေကို အဓမ္မစနစ်နဲ့ မပြင်မီကဖြစ်ပါတယ်။ သူတည်းတယောက်၊ ကောင်းဖို့ရောက်မူ၊ သူတယောက်မှာ၊ ပျက်လင့်ကာသာ၊ ဓမ္မတာတည့်။ ရွှေအိမ်နန်းနှင့် ကြငှန်းလည်းခံ၊ မတ်ပေါင်းရံလျက်၊ ပျော်စံရိပ်ငြိမ်၊ စည်းစိမ်မကွာ၊ မင်းချမ်းသာကား၊ သမုဒ္ဒရာ၊ ရေမျက်နှာထက်၊ ခဏတက်သည့်၊ ရေပွက်ပမာ၊ တသက်လျာတည့်။ ကြင်နာသနား၊ ငါ့အားမသတ်၊ ယခုလွှတ်လည်း၊ မလွတ်ကြမ္မာ၊ လူတကာတို့၊ ခန္ဓာခိုင်ကျည်၊ အတည်မမြဲ၊ ဖောက်လွဲတတ်သည်၊ မချွတ်စသာ၊ သတ္တဝါတည့်။ ရှိခိုးကော်ရော်၊ ပူဇော်အကျွန်၊ ပန်ခဲ့တုံ၏၊ ခိုက်ကြုံဝိပါက်၊ သံသာစက်၌၊ ကြိုက်လတ်တွန်မူ၊ တုံ့မယူလို၊ ကြည်ညိုစိတ်သန်၊ သခင်မွန်ကို၊ ချန်ဘိစင်စစ်၊ အပြစ်မဲ့ရေး၊ ခွင့်လျှင်ပေး...

ထိုမျှတုံကား ပြည့်စုံလက္ခဏာ၊       ဘုန်းသမ္ဘာနှင့် ကလျာငါးခု၊              ကြာဝတ်စုသို့ နုနု ထွတ်ထွတ်၊           မွတ်မွတ် မွေ့မွေ့ မြေ့မြေ့ ချောချော၊      လွန်လှမော၍ ရင်ကြော စိမ်းစိမ်း၊      ရှိမ်းရှိမ်း ရွှန်းရွှန်း လန်းလန်း လတ်လတ်၊ စွတ်စွတ် စွေးစွေး မြရိပ်ပြေးလျက်၊         ငယ်သွေး ငယ်ရည် ခုံကျည် တပ်တပ်၊        ရွှေနားကပ်သို့ လှပ်လှပ် ချက်ချက်၊     ပြိုးပြိုးပြက်လျှင် လက်လက် လင်းလင်း၊ ဝင်းဝင်း ပြောင်ပြောင် ကိုယ်ရောင် တခဲ၊         ရိုးရိုးရဲတည့် အံ့အဲ စဘွယ်၊              ထူးဆန်းကြယ်သား ဆင်းရွယ်ပုံပြင်၊           ညီညွတ်အင်ဖြင့် ညက်စင်ပြာကြည်း၊     ချည်းချည်းသွယ်သွယ် ရှိရွယ်တအုပ် နတ်ရုပ်အလား၊          ထွား ရရွားသား နဂါးသမီး၊                 ညီး ...

​ပွေလိမ်​ရှုပ်​တယ်​ လူညာကြီး​ပေါ့ကွယ်​ ပျိုပျိုခင်​ကို ချစ်​ပါပဲနဲ့ ကိုကိုချွဲ​တော့တယ်​ ချစ်​တာကို​လေ​ ပြောပြစမ်​းချင်​တယ် ​ခင်​့ယုံကွယ်​ ကျိန်​စာ​မောင်​ပြုပါမယ်​ ကြိုက်​တာကို​လေ​ ပြောပြစမ်​းချင်​တယ်​ ခင်​့ယုံကွယ်​ ကျိန်​စာ​မောင်​ပြုပါ့မယ်​ ချစ်​လို့ရယ်​ သက်​ဆုံးပေါင်​းဖို့ရွယ်​ ​မောင်ရဲ့ အသည်​းနှလုံးကို ခွဲပြချင်​တယ်​ အို လှသူဇာနွယ်​​ ချောလဲ​ ချော​ပေတယ်​ ချစ်​ချင်ဖွယ်​ ကိုကို​ရှောင်ရှား မရတယ်​ တ​လိမ်​နှစ်​လိမ်​ ပွေလိမ်​ရှုပ်​တယ်​ လူညာကြီး​ပေါ့ကွယ်​ ပျိုပျိုခင်​ကို ချစ်​ပါပဲနဲ ့ကိုကို ချွဲ​တော့တယ်​ လိမ်​တယ်​ညာတယ်​ လူညာကြီးရယ်​ ယုံ​အောင်​ဖြီးတတ်​တယ်​ ​မောင်​ရယ်​​နောင်ကွယ်​ ပစ်​လို့သွားရင်​ ပျိုပျိုခက်​​တော့မယ်​ ချစ်​မယ်​ကြိုက်​မယ်​သက်​လယ်​ အတည်​​ပြောတာပါကွယ်​ ခက်​တယ်​ သက်​လယ်​ မျက်​ချယ်​ ဘယ်​သူများ ကြားက ဖျက်​တယ် ပြောပါ ခင်လေးရယ်​ ခင်​မင်​တာ​တွေကွယ်​ မေတ္တာရစ်​ပတ်​ကာရယ်​ သစ္စာခက်​လတ်​ အသွယ်​သွယ်​ ကြင်​နာတာ​တွေကွယ် ​မေတ္တာရစ်​ပတ်​ ကာရယ်​ ​သစ္စာခက်​လတ်​ အသွယ်​သွယ်​ ​ပြောပြခဲ့လို ယုံယုံကြည်​ကြည်​ ခ​ျစ်​​စေချင်​တယ်​ ခ​ျစ်​​စေချင်​တယ်​ ​မောင်​့ကိုချစ်​ရင်​​ ပြောပါလားကွယ်​ တ​လိမ်​နှစ်​လိမ်​ ​...

ချဉ်ပတ်စုံ - ချဉ်ဖတ်စုံလို့ ရေးရ။ ချဉ်ဖတ် စာဖတ် ဖတ်ကြား ဖတ်စာ (ဘတ်စာ) ဖတ်တငံ့ငံ့ ဖတ်တငံ့ငံ့ ဖတ်ဖတ်မော ဖတ်ရွတ် ဖတ်ရှု ဖတ်လတ်ဖတ်လတ် ဖတ်လတ်ဖတ်လတ်ကျ ဖတ်သီဖတ်သီ ရွတ်ဖတ် ဝါဖတ် ဟင်းဖတ် ပုံအတွက် ကျေးဇူး။ Dr. တင့်ဆွေ

ကရင်ကပြော ပုံအတွက် ကျေးဇူး။ ဒေါက်တာတင့်ဆွေ

ဆရာရှင့် မြန်မာအဘိဓာန်မှာတော့ တစ်သက်လုံး ရေးထားပါတယ်ဆရာဘယ်ဟာက အမှန်လဲဆရာ သတ်ပုံကျမ်းတွေ အများကြီးရှိပါတယ် 1. ၁၈၇၇ စတင်ထုတ်၊ ၂၀၀၆ ပြန်ထုတ် ယုဒသန် အင်္ဂလိတ် မြမ္မာ အဘိဓာန် တဝမ်းပူသတ်ပုံတွေ မှန်တယ်။ 2. ၁၉၅၃ စိုက်ပျိုးဝန်ဦးသာမြတ် ပြုစုတဲ့ မြန်မာစာလုံးပေါင်း အဘိဓာန်ချုပ် ခေါ် မြန်မာစာရေးထုံးကျမ်း၊ တဝမ်းပူသတ်ပုံတွေ မှန်တယ်။ 3. ၁၉၅၄ ဆရာကြီး ဦးစံချစ်ပြုစုတဲ့ ပေါရာဏမြောက်မြားစွာပါရှိသော အဘိဓါန် ကဝိဓဇသတ်ပုံကျမ်း၊ တဝမ်းပူသတ်ပုံတွေ မှန်တယ်။ 4. စိုက်ပျိုးဝန် ဦးသာမြတ်ပြုစုတဲ့ မြန်မာစာရေးထုံးကျမ်း (၁၉၅၃) လည်း ကောင်းတယ်။ 5. ၁၉၆၁ ဝဏ္ဏဗောဓနသတ်အင်း (ရှင်ဥက္ကံသမာလာ) ဦးတင်ဧ တည်းပြတ်၊ တဝမ်းပူသတ်ပုံတွေ မှန်တယ်။ 6. ကျော်အောင်စံထားဆရာတော်ပြုစုတဲ့ ဝေါဟာရတ္ထဒီပနီ ကောက်နုတ်ချက် (၁၉၆၉)  7. ၁၉၇၈ မြန်မာအဘိဓာန် အကျဉ်းချုပ် က - စ တဝမ်းပူသတ်ပုံတွေ မှန်တယ်။ 8. ၁၉၇၉ မြန်မာအဘိဓာန် အကျဉ်းချုပ် ဆ - န တဝမ်းပူသတ်ပုံတွေ မှန်တယ်။ 9. ၁၉၇၉ မြန်မာအဘိဓာန် အကျဉ်းချုပ် ပ - ယ တဝမ်းပူသတ်ပုံတွေ မှန်တယ်။ 10. ၁၉၈၀ မြန်မာအဘိဓာန် အကျဉ်းချုပ် ရ - ဠ တဝမ်းပူသတ်ပုံတွေ မှန်တယ်။ 11. ၁၉၈၀ မြန်မာအဘိဓာန် အကျဉ်းချုပ် အ တဝမ်း...

ခရစ်စမတ်ပန်း နွယ်ညိုပန်း ကရမက်ပန်း (မုံရွာဒေသအခေါ်) Kothet Naing Oo ကျေးဇူး။ ငယ်ငယ်က မုံရွာအိမ်ရှေ့ဒေါင့်မှာ ဒီဇင်ဘာပန်းရုံကြီးရှိတယ်။ အထက်ကလို တယောက်တမျိုး ဘယ်လိုခေါ်ခေါ် မှန်အောင်ခေါ်တော့ မွှေးပါတယ်။ အခုခေတ်မှာ မှန်အောင်မရေးလည်း ပိုက်ဆံပေးဝယ်ကြတယ်။ မှန်အောင်မပြောလည်း ရောင်းရတယ်။ မှန်အောင်မသင်လည်း စာမေးပွဲအောင်ကြသတဲ့။ Bridal Creeper Flowers ဆောင်တော်ကူးပန်း ဒေါက်တာတင့်ဆွေ

၁။ ကိုယ့်အကြောင်းပြောခံနေရချိန် မြိုချပေးနော် ဒေါသတွေ - ကိုယ့်အကြောင်းပြောခံနေရချိန် မျိုချပေးနော် ဒေါသတွေ ၂။ တသွင်တစ်သန့်(တသွင်တသန့်)၊ ဤရနံ့တို့ တာခန့်ဝေးကွာ၊ သူ့ရပ်ရွာဝယ် ယောင်ချာအထီး ကျန်လိမ့်တကား။ (တင်မိုး) ၃။ “အဲဒါတော့ မဖြစ်နိုင်ဘူး၊ ဘာပြုလို့လဲဆိုတော့ ကောင်းကင်မှာ လတစ်စင်းပဲ(လတစင်းဘဲ) ရှိတယ်၊ မောင့်ရင်မှာလဲ ချစ်သူ တစ်ယောက်ပဲ(တယောက်ဘဲ) ရှိတယ်” (တက္ကသိုလ်ဘုန်းနိုင်) ပြင်လိုက်ပါသည် ၄။ သူ့အထုတ်နဲ့သူလာတဲ့သမီးငယ်လေး - သူ့အထုပ်နဲ့သူလာတဲ့သမီးငယ်လေး ၅။ ဂျင်းသေးသေးလေးဆိပ်ထည့် - ဂျင်းသေးသေးလေးစိတ်ထည့် ၆။ ကြက်နှရွက်မှို - ကြွက်နားရွက်မှို 150 Moon & Woman Art ideas | art, moon art, fantasy art ဒေါက်တာတင့်ဆွေ

လိပ်ခုံးပါလားဟေ့နဲ့ အစချီထားတဲ့ ဆရာဋ္ဌေးရေးထားတဲ့စာကို DVB TV News ဖတ်ရတယ်။ ကျေးဇူး။ ဟိုအရင်က လိပ်ခုံးခမ်းမ မှာအဆင့်မြင့်ပညာဦးစီးဌာနဆိုတဲ့ အဆောက်အအုံရှိတယ်။ အဆင့်မြင့်ပညာဆီကို လိပ်ကလေးရဲ့ အလျင်နှုန်းနဲ့ သွားနေတာကိုး။  အမေရိကန် အာကာသယာဉ်မှူးတဦးတောင် အာကာသပျံသန်းရေး အတွေ့အကြုံ ဟောပြောပွဲ ကျင်းပခဲ့သေးတယ်။ အင်းလျားဆောင်သူတွေရဲ့ မြန်မာ့ရိုးရာ ဆင်ယဉ်ထုံးဖွဲ့မှုပြပွဲ၊ နိုင်ငံတကာ စာတတ်မြောက်ရေး အထိမ်းအမှတ်ပွဲ၊ ပန်းချီပြပွဲ၊ စကားရည်လုပွဲ စတာတွေ ကျင်းပခဲ့ဖူးတယ်။ လိပ်ခုံးခန်းမ အဝင်ဝမှာတော့ ဗဂျီအောင်စိုးရဲ့ လက်ရာတရပ်ဖြစ်တဲ့ အလွန်လက်ရာမြောက်တဲ့ ဒေါင်းရုပ်ပန်းချီကားချပ်ကြီးရှိတယ်။ လိပ်ခုံးရယ် ဒေါင်းရယ် ပျားအုံသဏ္ဌာန် အဆောက်အအုံရယ်နဲ့ အလွန်ပဏာရလှပတင့်လို့ သောဘဏရသနဲ့ပြည့်စုံတဲ့ နေရာအဖြစ် တချိန်က ကမ္ပည်းတင်ခံရတဲ့ နေရာလေးပေါ့။ ၁၉၅၄ မတ်လ ၃ ရက်နေ့မှာ ဝန်ကြီးချုပ် ဦးနုက အုတ်မြစ်ချပေးခဲ့တာ။ ၁၉၆၄ ထဲရောက်တော့ တက္ကသိုလ်ရဲ့ ပညာရေးစနစ်ဟောင်း ချုပ်ငြိမ်းသွားပြီး ဆေးတက္ကသိုလ် (၁) အဖြစ် ပြောင်းလဲသွားခဲ့ရပါတော့တယ်။ ၁၉၉၀ ခုနှစ် ရောက်တော့ လိပ်ခုံးအဆောက်အုံကြီးကို ကျပ် ၂၅ သိန်း ၁ သောင်းနဲ့ ရောင်းစားလိုက်တယ်။ ဆောင်း...

၁။ ငါးဟင်းဆိုရှယ်ကြိုက် - ငါးဟင်းဆို ရှယ်ကြိုက် ၂။ ကြက်ကချင်ချက် - ကြက် ကချင်ချက် ၃။ ပြည်ပလာတာ - ပြည် ပလာတာ စာရေးတဲ့အခါ အဖြတ်အတောက် လိုရင် နားလည်းရခက်တယ်။ ထပ်ဖတ်ပြီး စဉ်းစားယူရတယ်။ အင်္ဂလိပ်လို ပန်ကျူယေးရှင်း။ ပါဠိလို ယတိဘေဒ။ အဲလိုစာလုံးတွေမှာ တကွက်ခြာရေးမှသာ အဆင်ပြေလေ့ရှိတယ်။ တွေ့နေရတာတွေမှာ ဂဏန်းနဲ့ စာလုံးကြား မခြာဘဲရေးတော့ အကြည့်ရဆိုးတယ်။ ၁ကောင်။ 2ယောက်။ မဖြစ်မနေသုံးရတဲ့ အင်္ဂလိပ်စာလုံးနဲ့ မြန်မာစာလုံး ကြားမှာလည်း မခြာဘဲရေးတော့ တခါတခါ နားမလည်။ cပိုးတဲ့။ ငပိုးလား မသိ။ I Don't Understand Anything” - Why you Can't Understand Fast Speech — Lingtuitive ဒေါက်တာတင့်ဆွေ

ကျွန်တော့ဆီကို သီချင်း 'လင့်' တွေ၊ တရား 'လင့်' တွေ၊ သတင်း 'လင့်' တွေ မပို့ပါရန့် မကြာခဏ ပြောရပါတယ်။ အခုဘဲ အသံဖိုင်တခု 'မက်ဆေ့ချ်' မှာလာတယ်။ ဘာလဲ မသိလို့ နှိပ်လိုက်တော့ 'မဲရီးခရစ်စမတ်' တဲ့။ သိသိချင်း ပိတ်လိုက်တယ်။ ဆောရီး။ လူတွေဟာ ကိုယ့်အလုပ်၊ ကိုယ့်အာရုံ၊ ကိုယ့်ဦးစားပေးမှုတွေနဲ့ နေကြရပါတယ်။ စာရေးစရာ၊ ကျန်းမာရေးဖြေစရာတွေလုပ်နေချိန်မှာ သီချင်းကိုသာ စိတ်ဝင်စားနေသူက သီချင်းပို့တာ အဆီအငေါ်မတည့်ပါ။ တရားလည်း အတူတူဘဲ။ တရားကိုစိတ်ညွှတ်နေချိန်မှာသာ တရားထဲစိတ်ရောက်ကြပါတယ်။ တရားတွေ၊ သီချင်းတွေ၊ သတင်းတွေကို မကောင်းပါလို့ ပြောတာတော့ မဟုတ်ပါ။ ဘာမှန်းညာမှန်းမသိလို့ ဖွင့်ရတော့ အချိန်ကုန်ပြီး အချိန်လည်း မဟုတ်တော့ စိတ်အနှောင့်အယှက်ဖြစ်တယ်။ နေမကောင်းလို့မေးတာနဲ့သာ ဆရာဝန်နဲ့ ဆိုင်တယ်။ ဒါလည်း အသံဖိုင်နဲ့မေးတာ၊ ဖုန်းဆက်မေးတာ၊ 'ဗီဒီယိုကောလ်' နဲ့ မေးတာတွေကို မဖြေပါ။ လူတိုင်းကို ကိုယ်နဲ့အတူ တထပ်တည်းကျတယ်လို့ မထင်ပါနဲ့။ မနေကလည်း တင်ပြထားတယ်။ ဒီအရပ်မှာ အေးလွန်းလို့ အနွေးထည်ထူထူနဲ့နေရတယ်။ ကမ္ဘာ့တောင်ဘက်ခြမ်းမဟုတ်ရင် နေရာတိုင်းလိုလိုမှာ အေးနေတဲ့အချိန်။ လက်ပန်ပွင့်ကောက်...

တင်ထားတာတခု = ဟင်္သာတထွန်းရင်သီချင်းတွေနဲ့ တွံတေးသိန်းတန်သီချင်းဆိုတာကို အညာသီချင်းတွေဆိုရတာ ကြိုက်သလားတဲ့။ ဘာ အညာသီချင်းဟုတ်ရမလဲ၊ အဲ့ဒါ အောက်ပြည် အောက်ရွာ သီချင်း။ ဟုတ်တယ်။  စိုင်းထီးဆိုင်သီချင်းတွေကလည်း ရှမ်းပြည်နယ်တခုတည်းအတွက် မဟုတ်ဘူး။ အညာမှာလည်း ဆိုကြပါတယ်။ မန္တလေးမှာ အများဆုံးဆိုပါတယ်။ အဆိုတော်က လင်းခေးက။ ဆေးကျောင်းသားသူငယ်ချင်း ကိုခင်အောင်ချိုက မြဝတီမင်းကြီးဦးစ သီချင်းကြီးတွေကို စောင်းတီးတယ်။ သူက မြဝတီက မဟုတ်ဘူး။ ရှမ်းပြည်က။ နေ့သစ် စိုင်းထီးဆိုင် https://www.youtube.com/watch?v=dzINr2-j8KA Traveler Interview: Off the Beaten Path in Myanmar | kimkim ဒေါက်တာတင့်ဆွေ

၁။ ကောလင်းခေါဆီ ၂။ မနက်ဆို ရေနွေးကြမ်းလေးနဲ့ခေါပုတ်ကြော်လေးနဲ့ ၃။ ခေါပုတ်   ၂၅ ကျပ်သား ၄၀၀၀ ၄။ နှမ်းထောင်းခေါပုတ် အတွင်းကအချိုထည့်ထားတယ်ခ ၅။ ရှမ်းအခေါ်တော့ ခေါက်ပုတ်ဝီးဝှက်ပ်ခ ၆။ ခေါဆီ (ဟုမ္မလင်း ခေါဆီ (ဝါ) ခေါပုတ်) ၇။ ရှမ်းပြည် ခေါ်ပုတ်စစ်အရသာ စားချင်သူများ ကျမဆီမှာလို့ ရပြီနော် ၈။ ၶဝ်ႈပုၵ်း‎(ခေါပုတ်) ကိုယ်တိုင်လုပ်ခဲ့တယ် ၉။ ရေနွေးကြမ်းလေးနဲ့ခေါပုတ်ကြော်လေးနဲ့ အစိတ်သားတထုတ် ၃၅၀၀ ၁၀။ ကဲ ဒီနေ့ကတော့ "ခေါပုတ်"လေး ကိုယ်တိုင်လုပ်ကြရအောင်နော် ခေါပုပ် နဲ့ ခေါပုတ် ကလည်း ငချိပ် နဲ့ ငချိတ် လိုဘဲ ရေးထွေးပြီး လွဲတတ်ကြပါတယ်။ မြန်မာအဘိဓာန်အကျဉ်းချုပ် (၁၉၇၈) မှာ ခေါပုပ် ခေါစီ ခေါပျဉ် သစ်ပုပ်ပင် နဲ့ သစ်ပုတ်ပင် လည်း မူကွဲဖြစ်နေတယ်။ မြန်မာအဘိဓာန် အကျဉ်းချုပ် (၁၉၈၀) မှာ သစ်ပုပ်။ ပုံအတွက် ကျေးဇူး။ ဒေါက်တာတင့်ဆွေ

ခေါပုပ် နဲ့ ခေါပုတ် ကလည်း ငချိပ် နဲ့ ငချိတ် လိုဘဲ ရေးထွေးပြီး လွဲတတ်ကြပါတယ်။ မြန်မာအဘိဓာန်အကျဉ်းချုပ် (၁၉၇၈) မှာ ခေါပုပ် ခေါစီ ခေါပျဉ် ပုံအတွက် ကျေးဇူး။ ဒေါက်တာတင့်ဆွေ

မိတ်ဆွေ ရခိုင်တယောက်က ရေးထားတာ  - မှိုကယုကြော် - ကယုကမာ မြန်သတ်ပုံကျမ်းမှာတော့  - ကနုကမာ - ခရု သူ့စာနဲ့သူ မှန်အောင်ရေးကြရပါတယ်။ ကယုမှို ကိုတော့ အညာမှာ မရှိလို့ မသိပါ။ မြန်မာစာမှာ ကယုကယ၊ ကယုကယင်လို့ ရှိတယ်။ ဒေါက်တာတင့်ဆွေ

ငချိပ် သူငယ်ချင်း ဆရာဝန်နှစ်ယောက်ကနေ ငချိပ် လား ငချိတ်လား ကွန်မင့်ရေးလို့ ထင်ပြပါတယ်။ င (ကဝိဓဇသတ်ပုံကျမ်း) ငဆ (မရိုမသေတန်သော နင်ဟယ်ဆိုသောစကား) နငဘဲငဆ ငထည်ဝ (မထင်မရှား အမှတ်မဲ့) ငတောင်ငရေ (ထွေထွေရာရာ မဟုတ်မဟတ်) အကံင (သူယုတ်) ကုန်ကုန်ငင (လောက်လောက်ငင) ငလည့်ငလည် (မတော်မတရားသောအရာများ) ငကျဲး ငခူ ငခုံးမ ငကြင်း ငသပတ် ငဖယ် ငပြေမ ငရံ့ ငနုသန်း ငရဲး လောက်င ကိုယ်စီကိုယ်င ငဟစ်ငှက် ငဟင်မွဲးငှက် ငစဉ့်ကူးမင်း ငရှင့် ငါ ငါတကား ငါလိုလု တောတံငါ (ငှက်မုဆိုး၊ သားမုဆိုး) ရေတံငါ မင်းနှင့်ငါ ငါတည်းဟူသော ငါလုံးခြင်းရိုက်သည် ငါး ငါးသတ္တဝါ ငါးဟင်း အမဲးသားငါး ငါးရွဲး ငါးသည် ငါးဂဏန်း မြန်မာအဘိဓာန် အကျဉ်းချုပ် (၁၉၇၈)  ငချိပ်၊ ငချိပ်ညိုပြောင်း၊ ငချိပ်သွေး လို့ပါရှိပါတယ်။ မှတ်ရန် -  ၁။ ကဝိဓဇသတ်ပုံကျမ်းကို ၁၃၁၆ (၁၉၅၆) ခုနှစ်မှာ ဟင်္သာတမြို ဆရာကြီးဦးချစ်စံက ပြုစုထုတ်ဝေပါတယ်။ မြန်စာလုံးပေါင်း အဘိဓါန်ချုပ် ခေါ် မြန်မာစာရေးထုံးကျမ်းကို ဦးသာမြတ်က ပြုစုပြီး ၁၉၅၂ ခုနှစ်မှာ ဒုတိယအကြိမ်ထုတ်ဝေပါတယ်။ ဒီကျမ်းထုတ်ချိန်ရောက်တော့ ကဝိဓဇသတ်ပုံကျမ်းမှာပါတဲ့ ငကျဲး၊ ငရွဲး၊ မွဲး တိုမှာပါတဲ့ ဝစ္စနှစ်လုံပေါက်တွေ မထည့်တော့ပါ။ ၂။ ဦး...

နှုပ်ချိုသျှိုတပါး (ဆို ဒေါ်မေစီ) လှေတစင်းနှင့် သီချင်းသည် (ဆို တင်တင်မြ၊ ရေး ကိုလေးလွင်) တရေးချစ်ခွင့် မြင်ရနိုး (ဆို မာမာအေး) ပုံများပို့ပေးသူ ကျေးဇူး။ ဒေါက်တာတင့်ဆွေ

ပဒုမာချည်  - ပဒုမ္မာချည်လို့ ရေးရ။ ဆဒ္ဒန်ဆင်မင်းဝတ္ထု ခက်ဆစ်အဖြေ ၉၉ တရာတိုင်တိုင် = ပွင့်ချပ်တရာရှိသော သတပတ္တ ပဒုမ္မာကြာ။ ပဒုမ္မာကြာ (Nelumbo nucifera) သည် နှစ်ရှည်ပင်မျိုး ဖြစ်သည်။ ပတ်ဝန်းကျင် အခြေအနေကောင်းပါက ၎င်း၏ အစေ့ကို နှစ်ပေါင်းများစွာ တိုင်အောင် သုံးစွဲနိုင်သည်။  စိမ်းမြလျှံခြယ်အောင်ပင်လယ် တေးရေး နန်းတော်ရှေ့ဆရာတင် မူရင်းအဆို ကိုအံ့ကြီး စိမ်းမြ စိမ်းမြလျှံခြယ် အောင်ပင်လယ် တောနဲ့တောင်စွယ် ကိုကြီးတင် ပျော်တဲ့နယ် ရွှေနန်းတော် ရွှေနန်းတော်ရှေ့ ပြုဗ္ဗာဝယ် ကုမ္မာရီ ကောက်စိုက်မတွေအသွယ်သွယ် ဆိုတေးသံချိုလှတယ် လွမ်းတော်မူလို့ စာကိုစီတယ် တိမ်နီ တိမ်ပြာ တိမ်ဝါတွေ သန်းပြန်တော့ ဪ လွမ်းတော်မူလို့ စာကိုစီတယ် တိမ်နီ တိမ်ပြာ တိမ်ဝါတွေ သန်းပြန်တော့ ဘယ်ဆီသို့ ဘယ်ညာသို့ လွမ်းရမယ် ညွှန်းပါ့ကွယ် ကြာပင်အိုင်ကြီးရယ် ဘယ်ဆီသို့ ဘယ်ညာသို့ လွမ်းပါရမယ် ညွှန်းကာဆကွယ် ကြာပင်အိုင်ကြီးရယ် မိုးအခါဝယ် ချိုးလာမယ် ချိုးလာမယ် မိုးအခါဝယ် ချစ်သူပန်ဖို့တကယ် ရည်ရွယ်ကာ ထားခဲ့မယ် မိုးအခါဝယ် ချိုးလာမယ် ချိုးလာမယ် မိုးအခါဝယ် ချစ်သူပန်ဖို့တကယ် ရည်ရွယ်ကာ ထားခဲ့မယ် ပဒုမ္မာကြာရယ် ကျုပ်ရည်းစားနဲ့ညားအောင် စောင့်ဦးကွယ် လက...

ဟင်းချက်အမွှေးအကြိုင် - ဟင်းခတ်အမွှေးအကြိုင်လို့ ရေးရ။ Spice, flavoring, seasoning ဟင်းခတ်အမွှေးအကြိုင်များဟူ၍ ခေါင်းစဉ်တပ်ထားသော်လည်း ချိုချဉ်၊ ခဲဖွယ်နှင့် မုန့်အမျိုးမျိုး တို့၌ ထည့်သွင်း အသုံးပြုသည့် အမွှေးအကြိုင်များကိုပါ ဆိုလိုပေသည်။ ရှေးခေတ်က လူမျိုးတို့သည် ယဉ်ကျေးမှုတစစ တိုးတက်လာ၍ နေထိုင်စားသောက်မှု ပြောင်းလဲလာသည့်အခါ အစားအစာများ ကြာရှည်ခံရန်နှင့် ပိုမို အရသာရှိလာစေရန် ဟင်းခတ် အမွှေးအကြိုင်များ သုံးလာခဲ့ကြ၏။ ဟင်းခတ်အမွှေးအကြိုင်ကို အကြောင်းပြု၍ စစ်ပွဲများ ဆင်နွှဲခဲ့၏။ နယ်ချဲ့ခဲ့၏။ ပင်လယ်ခရီးကြောင်းများ ပေါ်ပေါက်ခဲ့၏။ နယ်မြေသစ်များသည် တွေ့ခဲ့လေသည်။ ထိုအမွှေးအကြိုင်များမှာ စားဖွယ်သောက်ဖွယ်များ အနံ့အရသာ တိုးတက် ကောင်းမွန်စေရန် ထည့်ခြင်းဖြစ်၍ အရေးမကြီးဟုထင်ရ သော်လည်း အလွန်အဖိုးတန်လေသည်။ ရှေးခေတ်က ဟင်းခတ်အမွေးအကြိုင်များကို ရရှိရန်အတွက် မည်မျှ ခဲခဲယဉ်းယဉ်း ဆောင်ရွက်ခဲ့ရကြောင်း မှတ်တမ်းတင် ထား ခဲ့သည်မှာလည်း အလွန်စိတ်ဝင်စားဖွယ်ကောင်းလှပေသည်။ အနံ့ကလေးသင်း၍ လျှာပေါ်၌ အရသာတွေ့သွားအောင် စားသောက်ဖွယ်ရာများ၌ ထည့်ပေးရသော အမွှေး အကြိုင်များ ရနိုင်ရေးအတွက် ရှေးခေတ်ကလူများသည် ပြင်းထန်သော စစ်ပွဲက...

ပြောနေ ရေးနေကြတယ်။ သတင်းခြေခြေမြစ်မြစ်နဲ့ ပြောတဲ့သူကတော့ ရှားတယ်။ လေဖမ်း ဒန်းစီးသူ များတယ်။ အဲဒါကတော့ မဆန်းတော့ပါ။ နိုင်ငံရေးသတင်း၊ လူမှုရေးသတင်း၊ ကျန်းမာရေးသတင်းတွေကိုလည်း ထင်ရာထင်ရာ၊ သန်ရာသန်ရာ၊ ဖြစ်စေချင်တာကိုသာ ရေးကြ ပြောကြတာ ကြာပြီ။  အပြောကောင်းရင် နာမည်ကကြီးသေးတာ။ အာဘောင်အာရင်းသန်သူမျိုးကို ဥက္ကဌတင်တဲ့ ဆယ်စုနှစ် ၂ ခုကို ဖြတ်ခဲ့တော့ သိတယ်။ ‘ဖမ်းဝရမ်း’ စကားလုံးနဲ့ ကျွန်တော်လည်း ဆိုင်ခဲ့ပါတယ်။ ၁၉၉၀ ခုနှစ် ဒီဇင်္ဘာလ ၅ ရက်နေ့ သတင်းစာ နောက်ကျောဖုံးမှာ ဓါတ်ပုံနဲ့ ‘တရားခံပြေး’ တဲ့။ ပုလဲနေအိမ်ကို လာဖမ်းတာက နိုဝင်္ဘာလ ၂၇ ရက်နေ့။ ဒေါက်တာဇော်မြင့်မောင် (ကွယ်လွန်) က တရက်စောပြီး အဖမ်းခံရတာ။ သူကမြို့ကြီးမှာနေလို့ အဖမ်းခံရတာစောတယ်။ ကျွန်တော်က တောမြို့ဆိုတော နောက်ကျတယ်။ အမှုကတော့ တမှုတည်း။  ကျွန်တော့ကို အသည်းအသန် လိုက်ရှာလို့ မတွေ့တော့ တရားခံပြေး။ ပြေးတော့ လွတ်ရော။ ‘ဖမ်းဝရမ်း’ ထုတ်တဲ့သူတွေလည်း ‘ဝရမ်း’ ထုတ်ခံရနိုင်တယ်။ Arrest Warrant Stock Illustrations – 1,151 Arrest Warrant Stock Illustrations, Vectors & Clipart  ဒေါက်တာတင့်ဆွေ

မုံညှင်း - မုန်ညင်း နေ့လည်စာ - နေ့လယ်စာ ကပ်သပေါင်း - ကသပေါင်း (ကကတစ်၊ ကကူရန်) အစင်လှလှလေး - အဆင်လှလှလေး အာဗြဲခြောက် - အာပြဲခြောက် (အာပဲ့ခြောက်) သောက်စမ်းဟင်းရည် - သောက်ဆမ်းဟင်းရည် ဒေါက်တာတင့်ဆွေ

အစားအသောက်တွေအကြောင်း အများကြီးတင်ပြထားတယ်။ အာဟာရဓါတ်အကြောင်းလည်း စုံသလောက် ရေးထားတယ်။ ဆီးချို၊ သွေးတိုး၊ ကိုလက်စထော၊ ဂေါက်၊ ကျောက်ကပ်ရောဂါတွေနဲ့ မသင့်တဲ့ အစားအစာတွေအကြောင်းလည်း ပါတယ်။ အယူအဆလွဲမှားနေတဲ့ ဓါတ်စာတွေနဲ့ အစာအာဟာရ အကြောင်းတွေလည်း ပါတယ်။ နည်းနည်းလေး ဖြည့်ပါဦးမည်။ လူဆိုတာ အစုံစားသက်ရှိသတ္တဝါဖြစ်တယ်။ လူတွေ အကြိုက် မတူကြပါ။ တိုင်းပြည်၊ နယ်မြေ သေအလိုက် မတူကြပါ။ ရာသီအလိုက်လည်း မတူပါ။ လူတိုင်းဟာ အစာတမယ် တမျိုးတည်းကို အကြာကြီးစားလေ့မရှိပါ။ သင်တန်းတွေမှာကျွေးတော့လည်း မနက်စာနဲ့ ညစာ မတူပါ။  လူတယောက်တည်းလည်း အသက်အရွယ်အရ စားရတာတွေ မတူပါ။ စားချင်ပေမဲ့ သွားမကောင်းလို့၊ စားချင်တာ မရနိုင်လို့၊ ရောဂါရှိနေလို့ စတဲ့အကြောင်းတွေကြောင့် တမျိုးတမည်ဖြစ်ရတတ်တယ်။ သက်သတ်လွတ်အကြောင်း အကောင်းအဆိုး ရေးထာတာကို ၂-၃ ကြိမ် တင်ပြထားပါတယ်။ အသီးအရွက်တွေ၊ စားသုံးဆီတွေအကြောင်းတွေလည်း ပါတယ်။ ခုခေတ်မှာ အရငကနဲ့ မတူတာတွေ တွေ့ရပြန်သေးတယ်။  တယောက်က ကောင်းတာကို လိုက်ကောင်းကြတယ်။  တယောက်က ဘာစားရင် ဘယ်လိုဖြစ်ဆိုတာကို အဟုတ်ထင်ပြီး ရှောင်စရာမဟုတ်တာ ရှောင်ကြတယ်။ တချို့က စားရာတွေကို ကြောငြာကြတယ်။ ပုံကြည့်လို့တော့...

ရေးသူ - ဦးဖိုးကွန်း အိုးဝေ၏ ရွှေရတုသဘင် လက်ရွေးစင်ဆောင်းပါးများ https://drive.google.com/.../1HJX6CBBrk2OeG6ViJ8U.../view... ဒေါက်တာတင့်ဆွေ

ဖတ်စာအုပ်တွေ အသစ်မရိုက်နိုင်လို့ အတန်းတက်သွားတဲ့သူက ဂျူနီယာကို ပေးပစ်ခဲ့ရမယ်တဲ့။ ကျွန်တော်တို့ ဆေးကျောင်းသားခေတ် ပြန်ရောက်တာလို့သာ အောက်မေ့ကြပေတော့။ ၁၉၆၅-၇၂ ခုနှစ် ကျွန်တော်တို့ခေတ်တုန်းကလည်း ဆေးပညာစာအုပ်တွေက အလွန်ရှားပါးတယ်။ ပိုက်ဆံရှိလည်း ဝယ်မရပါ။ မဆလ က ထုတ်ကုန်တွေပိတ်၊ သွင်းကုန်တွေပိတ်လို့ ပြည်ကနေ စာအုပ်တွေလည်း သွင်းမရ။ ပြည်တွင်းမှာ ရိုက်နှိပ်နိုင်လောက်တဲ့အထိလည်း အဆင့်ကမရှိ။ အတန်းတတန်းတက်သွားသူတွေကနေ နောက်တက်လာတဲ့ကျောင်းသားကို ဆေးစာအုပ်ဟောင်းတွေ လက်ဆင့်ကမ်းကြရတယ်။ ကျေးဇူး။  ပညာတွင်း အတော်နက်ခဲ့တယ်။ ကြမ်းတမ်းတဲ့ ပညာရေးခရီး။ လူတွေလည်း အစစအရာရာ ခက်ခဲတယ်။ ရှားပါတယ်။  မြန်မာပြည်ရဲ့ ကျန်းမာရေးစနစ်အဆင့် ကမ္ဘာမှာ ၁၉၀။ ဆေးကျောင်းသားတွေခက်ခဲခဲ့ရာကနေ လူနာတွေ ခက်ခက်လာတယ်။  ဒါပေမဲ့ ဒီမိုကရေစီ တမတ်သားခေတ်မှာ ဆေးတွေ ဝယ်ချင်တိုင်း ဝယ်လို့ ရလာတယ်။ လူနာတွေကမှာ ဆေးဝယ်စရာ ဆေးကုစရာအတွက် ရှိတာလေးထုတ်ရောင်းကြရတယ်။ ပိုက်ဆံချေးယူကြရတယ်။ ခက်ခဲကြမ်းတမ်းတဲ့ဘဝကနေ လွယ်ကူကြမ်းတမ်းတဲ့အဖြစ် ပြောင်းလာတာ။ ဟော အခု ပညာရေးတဲ့။ ခက်ပြီ။ ခက်ခဲကြမ်းတမ်းပြီ။ ရှားပါးပြီ။ ဆေးကျောင်းသားတွေထုံးသာ နှလုံးမူကြပေတော့။ ...

မေးခွန်းတခု = AI ကဥာဏ်ရည်တု နည်းပညာဆိုတော့ သက်ရှိလူလိုမှန်မှန်ကန်ကန်မသိတာရယ် ဖြည့်မတွေးပေး(တွေးမပေး)တာရယ် နောက်ပြီး မြန်မာစာကို စာလုံးပေါင်းသတ်ပုံ မမှန်ပဲဖြစ်သလိုရေးနေကြလို့ အဲ့လိုပုံတွေ ထွက်လာတယ်လို့ ထင်မိပါတယ်ခင်ဗျာ။ ပြန်ဖြေပေးစေချင်ပါတယ်ဗျ။ ဟုတ်။ လက်တန်း ဖြေပါရစေ။ မြန်မာစာ သဒ္ဒါ၊ ဝါကျ၊ ယတိဘေဒ၊ ဝါစင်္က၊ စာလုံးပေါင်း၊ သတ်ပုံတွေအကြောင်းတော့ ထောင်ဂဏန်း တင်ပြထားပါတယ်။ AI ဖြစ်ဖြစ် Google ဖြစ်ဖြစ်မှာက သိုမှီးထာတဲ့ 'ဒေတာ' တွေအရ ထုတ်ယူဖြေပေးပါတယ်။ သိုမှီးထာတဲ့ 'ဒေတာ' တွေက မှန်နေရင် မှန်တဲ့အဖြေတွေ ထွက်လာမယ်။ မြန်မာလိုရေးထားတဲ့ သန်းပေါင်းများစွာသော  'ဒေတာ' တွေရှိတယ်။် အဲဒီ အချက်အလက်တွေက ဘယ်လောက် မှန်သလဲ။ သုတေသနလုပ်လို့ မရလောက်အောင် ခဲယဉ်းတယ်။ မြန်မာလိုရေးထားသမျှထဲမှာ စာလုံးပေါင်းသတ်ပုံ ဘယ်နှစ်ရာခိုင်နှုန်း မှန်သလဲ၊ ဆန်းစစ်မှုလုပ်ရတာ အခက်ကြီးတော့ မဟုတ်ပါ။ အခုထိတော့ 'ဆာဗေး' လုပ်တာ မတွေ့ဘူးသေးပါ။ ကျွန်တော့ အတွေ့အကြုံအရ လက်တန်း ကောက်ချက်ဆွဲလို့ ရတာရှိတယ်။ မှန်တာ အလွန်နည်းပြီး၊ အမှန်တာ အဆမတန် များတယ်။ ၈၀-၉၀% သတ်ပုံ မမှန်ပါ။ ကန်တော့ + ဆောရီး။ အချက်အလက်တွေကိုတော့ ကျွန်...

1. ၁ နှစ်နီးနီးလောက်ပစည်း ပျက်သွားတဲ့ဆေးလေးပြန်ရောက်ပြီ (ပစ္စည်းပြတ်လို့ ရေးရတယ်။ ပျက်ဆိုတာ ပျက်စီးတာ။ သုံးမရတော့တာ။ အဲလိုမှားရေးသူတွေ အတော်ကို များတယ်။) 2. Tamoxifen တွေ့ စျေးတွေ့က တအားတက်နေလို့ 28000 တဲ့ အရင် 19000 ပဲ ရှိတာ ဘယ်မြို့ မှာ စျေးချို သေးလဲ ၅နှစ် ဆေးသောက်နေ့ တဲ့ မိတ်ဆွေ့ သူငယ်ချင်းများ အလင်းပြပေးပါအုန်း မဝယ်ရသေးဘူး ဆေးပျက် (ဆေးပြတ်) တာ ၁၀ရက်ကျော်နေပြီ ၃နှစ် မပြည့်သေးဘူး သောက်နေတာ နေပြည်တော် ရန်ကုန်မှာ ဘယ်စျေးရှိလဲ ပြောပြကျ (ကြ)ပါအုန်းရှင့် ကျေးဇူးတင်ပါတယ် 3. ကျမက သုံးလနဲ့ကိုယ်ဝန်ပျက်သွားပါတယ် စားဆေးနှစ်လစားပြီး မစားတော့ပါဘူး အခုဆေးဖျက် (ဖြတ်) တာ ငါးလရှိပါပြီ ကလေးယူမယ့်အချိန်မှ ကျမလည်ပင်းက သိုက်ရွှိုက်ရောင်နေလို့ ဆေးစားနေတာရက် ၂ဝလောက်ရှိပါပြီ ကလေး မရနိုင်ဘူးလို့ ပြောကြတယ် ပြနေတဲ့ဆရာဝန်ကို မမေးရဲလို့ပါရှင် အခုကျမအသက်က ၃၈နှစ်ရှိပါပြီ ကျေးဇူးပြုပြီး ရှင်းပြပေးစေချင်ပါတယ် 4. ကလေးလိုချင်လို့ ဆေးဖျက်ထားတာ ရနိုင်ပါ့မလားအသက်က ၃၇ပြည့်ပြီး (ဆေးဖြတ်လို့ရေးရတယ်။) 5. ငွေ တကျပ်မှာ မှန်ပြီး ငွေပြတ်တာကျမှ မှားတာလေး တွေ့မိလို့ပါဆရာ အမြင်မတော်တော့လဲ ပြောမိသွားပြန်ရောခင်ဗျ (ပို့ပေးသ...

AI အရုပ်တွေ အင်မတန်လှတယ်။ AI အရုပ်တွေနဲ့ တင်ကြတယ်။ - သတင်းတွေ တဲ့။ သတ်ပုံ မှန်တဲ့ဟာကသာ မှန်တယ်။ အချက်အလက် မှန်တဲ့ဟာကသာ မှန်တယ်။ လိုက်ခ် တွေ များတယ်။ - ဆိုဆုံးမစာတွေ တဲ့။ သတ်ပုံ မှန်တဲ့ဟာကသာ မှန်တယ်။ အချက်အလက် မှန်တဲ့ဟာကသာ မှန်တယ်။ ဖေါ်လိုဝါ တွေ များတယ်။ - တရားစာတွေ တဲ့။ သတ်ပုံ မှန်တဲ့ဟာကသာ မှန်တယ်။ အချက်အလက် မှန်တဲ့ဟာကသာ မှန်တယ်။ သာဝကများတယ်။ -ရောင်းစရာတွေ တဲ့။ သတ်ပုံ မှန်တဲ့ဟာကသာ မှန်တယ်။ အချက်အလက် မှန်တဲ့ဟာကသာ မှန်တယ်။ ရောင်းရတယ်။  - ဘုရားပုံတော်တွေ တဲ့။ သာဓုတွေ များတယ်။ - ရောဂါပျောက်ဆေး တဲ့။ ဆေးရုံတက်ရသူတွေ များတယ်။ - AI နဲ့ မြန်မာလူမျိုး အမျိုးသမီးပုံဆိုတော့ ၃ မျိုးထွက်လာတယ်။ ဒေါက်တာတင့်ဆွေ

(လွမ်းပါဘိ တယောက်တည်းရယ်) ရေး - မောင်ဆွေနွယ် ဆို - မာမာအေး ဒီက ချစ်တာ သိရဲ့သား  နဲ့ သူမို့ ခွဲသွားရက်တယ် သူ့အတွက်အလွမ်းပြေ ပန်းတွေ တပွင့်ဆီခြွေကာ မြေမှာစုထား ရရင်ကွယ် ခုများဆို စကားဥပမာ ပြောလို့နှိုင်းမယ် တောညိုမှိုင်းတဲ့ မောတို့တိုင်းရဲ့  ရှမ်းတောင်တန်းသဖွယ် လွမ်းယောင်သန်းတဲ့ ပန်းတောင်တန်းတွေ ဖြစ်နေမယ်ထင်တယ်0 ဒီက ချစ်တာ သိရဲ့သား  နဲ့ သူမို့ ခွဲသွားရက်တယ် သူ့အတွက်အလွမ်းပြေ ပန်းတွေ တပွင့်ဆီခြွေကာ မြေမှာစုထား ရရင်ကွယ် ခုများဆို စကားဥပမာ ပြောလို့နှိုင်းမယ် တောညိုမှိုင်းတဲ့ မောတို့တိုင်းရဲ့  ရှမ်းတောင်တန်းသဖွယ် လွမ်းယောင်သန်းတဲ့ ပန်းတောင်တန်းတွေ ဖြစ်နေမယ်ထင်တယ် လာလုငယ် လာလုငေး ချစ်သူဝေးမ လေးမှာ လေတပြေး လှိုင်းတရိုက် အခိုက်အတန့်လေးတောင် ခွဲမနေနိုင်ပါတယ် သည်းရွှေဆိုင်ညှာဝယ် ပူတယ်လေ ဆယ်နွေကဲ ကျမျက်ရည်လည်း ချောင်းဖြစ်ရော့မယ် သစ်ရွက်တွေလို ကြွေချင်ရာကြွေ နေချင်ရာနေလိုက်ချင်လည်း မိန်းမသားဆိုတော့ အခက်ပါလားကွယ် အိုကွယ် မေတ္တာတွေပျောက်သမျှအဆုံးဝယ် သစ္စာရေသောက်ပြဦးမယ် မိုးအဖုံး မြေအထဲ သူ့ကိုပဲ အချစ်ဆုံးပေါ့ကွယ် မုန်းလည်းမမုန်းတီးရက်တာ နာလည်း မနာကျည်းရက်တာ သိပါစေ ကြားပါစေတော့ အချစ်...

၁။ ဆရာခင်ဗျာ။ ဒီ နှင့် သည် အသုံးပြုပုံလေး သိချင်ပါသည်။ ဥပမာအားဖြင့် ဒီနေ့ နှင့် သည်နေ့၊ ဒီအချိန် နှင့် သည်အချိန် ဘယ်ဟာအမှန် အမှား ဝေခွဲရခက်နေပါသည်။ ကျေးဇူးတင်ပါတယ်ဆရာ။ ၂။ ဆရာ မင်္ဂလာပါ။ ကျတော့်ကို စာလုံးပေါင်း သတ်ပုံလေး မေးခွင့်ပြုပါ။ သည် နဲ့ ဒီ ပါဆရာ။ ရည်ညွှန်းတဲ့အခါမှာ သုံးကြတဲ့အခါ သည်နေရာ ဒီနေရာ သည်ပစ္စည်း ဒီပစ္စည်း ဘယ်ဟာက အမှန်ဖြစ်ပါသလဲဆရာ။ သည် နဲ့ ဒီက စာနဲ့ စကားသာဖြစ်ပါတယ်။ သည်အစားဖြစ်တယ်။ စာရေးရင်တော့ ဤ၊ ယင်း၊ အနှီ၊ ထို၊ ၎င်း၊ အဆိုပါ စသဖြင့် ရေးတယ်။ သည်အလုပ်၊ သည်အမှုလို့ အရင်ကကတည်းကရေးတယ်။ သည်မိုဃ်း သည်လေ သည်လူတွေလို့ အရင်ကရေးပါတယ်။ နောက်မှာ သည်မိုး သည်လေ သည်လူတွေလို့ စာအုပ်ရေးတယ်။ သည်နွေ သည်မိုး သည်ဆောင်း သီချင်းရှိတယ်။ ဒီ ဒီကရီချသည် ဒီကျ ဒီတက် ဒီဃတာလ ဒီဃနိကာယ် ဒီဃာယုက ဒီဃာဝု ဒီဇင်္ဘာလ ဒီပယင်း၊ ဒီပဲယင်း၊ ဒီပဲ့ယင်းမြို့ (မွန်-မြန်မာ ကပြားအသုံး၊ ဒီ = ရေ၊ ပဲ့ =ဆိတ်၊ ယင်း = တော) ဒီပရာဇ် ဒီပဝင်ကျမ်း ဒီပိုးကောင် ဒီလုံးကာတွန်း ဒီလုံးခင်းသည် ဒီလုံးငှက် ဒီလီပဆာမင်း ဒီလီမြို့၊ ဒေလီမြို့ ဒီရေ အချိန်ဒီကရီ သည် ကုန်သည် ကုန်သည် ကချေသည် လက်သည် လာသွားသည် သည်ကိစ္စ သည်ထန်မင်း သည်ပင် = သည်မျိုး = သ...

ဒီနေ့ဝယ် ဒီနေ့ကားတင်မို့ နေ့ချင်းပဲတင်ရောင်းတာမို့ပါရှင့် ရွှေညောင်ပင် ကြက်ပဲရည်သုပ်လေး မရောင်းရတာကြာလို့ ရောင်းပေးမယ်ရှင့်  ရွှေညောင်ပင်ဆိုင်ကပဲကြိုက်တယ်ရှင့် ရန်ကုန်ရွှေညောင်ပင်ဆို နမည်(နာမည်)ကျော်ပါပဲရှင့် ကြက်သားအစုံသုပ် တပွဲ (အရိုး+အသား+ကလီဇာ) (ဝေါမြို့ အစားအသောက် အလှကုန် လက်လီလက်ကား) စာရေးတာ မှန်။ ကွန်ဂရက်ကျူလေးရှင်း။ စာကိုမှန်အောင်ရေးသူတွေနဲ့ သူတို့မြို့အမည်တွေပါ မှတ်တမ်းတင်ပါတယ်။ စောစောက လူထုဒေါ်အမာအတွက် အမှတ်တရရေးတဲ့ စာပေနယ်ထဲက အမျိုးသမီးတဦးကတော့ မန်းလေးတဲ့။ ပုံအတွက် ကျေးဇူး။ ဒေါက်တာတင့်ဆွေ

လဲလူရွက်ဆိုတာ ဘယ်လို အရွက်လဲ ဆရာ မမြင်ဘူးလို့ မူရင်းဒေသမှာ အိန္ဒိယ၊ အင်ဒိုချိုင်းနား၊ မလေးရှား၊ ဂျာဗား၊ သီရိလင်္ကာ၊ ဘင်္ဂလားဒေ့ရှ်၊ ထိုင်းနှင့် ဗီယက်နမ်နိုင်ငံတို့ ဖြစ်သည်။ အသီးနှင့်အရွက်ကို ဆေးဝါးအတွက်သာမက အစားအသောက်အဖြစ်လည်း စားသုံးနိုင်သည်။ အရွက်နုနှင့် အညွှန့်ကို တို့စရာ(သို့) ဟင်းရည်ကျိုချက်၍လည်းစားသုံးနိုင်သလို အသီးကိုလည်းစားနိုင်သည်။ ယေဘုယျအားဖြင့် ဝမ်းချုပ်ခြင်း၊ ပြည်တည်နာ၊ သွေးအားနည်းခြင်း၊ ဆီးချိုရောဂါ၊ ဖျားနာခြင်းနှင့် အခြားရောဂါအမျိုးမျိုးအတွက် အရွက်ကို ဟင်းသီးဟင်းရွက်ပုံစံချက်ပြုတ်စားကြသည်။ လဲလူပင်ကို မိုးတွင်းပိုင်း အထက်အညာဒေသတွင်ပေါများစွာတွေ့ရပြီး ဧရာဝတီတိုင်း ကျိုက်လတ်ဘက်တွင်လည်း တွေ့ရသည်။ ရန်ကုန်မြို့အနီး ထောက်ကြန့်နှင့် လှည်းကူးမြို့နယ်ဘက်မှာလည်း တွေ့နိုင်သည်။ အရပ်ဒေသကိုလိုက်၍ " လဲလူနှင့် ရှင်ပါကူ" ဟူ၍ အခေါ်အဝေါ်မတူကြောင်းတွေ့ရသည်။ မြန်မာဆေးကျမ်းများထဲတွင် "အသည်းအူ လဲလူ" ဆိုပြီးရေးသားထားကြောင်းတွေ့ရသည်။ "လဲလူဖိုမ၊ ရှင်ကပစ္စည်း၊ ရှင်ပါကူ" ဆိုပြီး အမည်ကွဲများလည်းရှိသည်။ အသည်းနှင့် အူအတွက် လဲလူပင်က အကောင်းဆုံး ဆေးတမျိုးဖြစ်ပြီး မြန်မာ့စွယ်စ...

ပို့ပေးတဲ့သူ ကျေးဇူး။ တတိယတန်း မြန်မာဘတ်စာ တေးဟောင်း လသာကြမ်းပြင် ဗိုင်းရစ်ခွင် သခင်လိုလို လင်လိုလို စောင်ညိုကာပ ရွှေခေါင်ရမ်း။ ဂွပ် ကွမ် ကွမ့် ဂွမ်း။ လသာကြမ်းပြင် ဗိုင်းရစ်ခွင် သခင်တပိုင်း လင်တပိုင်း။ မျှော်တိုင်းလာပ လူယဉ်ကျေး လေး လေ လေ့ လေး။ လသာကြမ်းပြင် ဗိုင်းရစ်ခွင် သခင်တခု လင်တခု။ မျှော်ရှုပါရ ပျို့ချစ်တေး ဝေး ဝေ ဝေ့ ဝေး မှတ်ချက် - အခုခေတ်မှာတော့ သခင်တခု၊ တပိုင်း၊ တယောက် မရှိ။ လင်တခု၊ တပိုင်း၊ တယောက် မရှိ။ သို့သော် အိမ်ထောင်သည်တွေဖြစ်ကြ၏။ မြနမာစာ ဝေး ဝေ ဝေ့ ဝေး။ ဒေါက်တာတင့်ဆွေ ၂၉-၁၁-၂၀၁၈

တင်ထားတာတခု ဖြစ်ပါတယ်။ နည်းနည်း ပြင်မယ်။ ပါဝင်ပစ္စည်း ကြက်သား ၃၀ကျပ်သား မောင်လာဉနီ (မုန်လာဥနီ)(၂)လုံး ပါးပါးလှီးပါ။ ဂေါ်ဖီ တစိပ်(တစိတ်) ပါးပါးလှီးပါ။ ပဲပင်ပေါက် အနည်းငယ် ကြက်သွန်မြိတ် (၆)ပင် ပါးပါးလှီးပါ။ ကြက်သွန်ဖြူ (၅) မွှာ ညက်အောင်ထောင်း ငရုပ်ကောင်းမှုန့် အနည်းငယ် ပဲငံပြာရည် အနည်းငယ် ဆီ၊ ဆား၊ သကြား၊ ဂေါ်ပြန့်(ကော်ပြန့်)ရွက် ၁၅ ချပ် အချပ် ၂၀ ကော်ပြန့်ဆိုတာ တရုပ်ပြည်၊ Fujian ဖူဂျန်ဒေသကစတင်တဲ့ အစာအစာဖြစ်တယ်။ Popiah လို့ ခေါ်တယ်။ Spring Roll ကော်ပြန့်ကြော်  ကော်ပြန့်ဖက်၊ ကော်ပြန့်ရွက်လို့လည်း ခေါ်ကြတယ်။ တချို့က ဖတ် နဲ့ ဖက် မှားရေးနေကြတယ်။ Carrot မုန်လာဥနီ သို့မဟုတ် မုန်လာဥဝါကို တချို့က ခါကျက်ဥ တဲ့။ တချို့က ခါကြက်ဥ တဲ့။ သတ်ပုံစာအုပ်တွေ အဟောင်းရော အသစ်မှာပါ မတွေ့ပါ။ မူရင်းက ဟင်ဒီစာလုံး။ Gaajar ကနေလာတယ်။ (ဂါဂျားရ်)။ ပုံအတွက် ကျေးဇူး။ ဒေါက်တာတင့်ဆွေ

ဝိဘတ် = နာမ်၊ နာမ်စားတို့၏ နောက်၌တည်၍ ၎င်းတို့သည် ကတ္တားဖြစ်သည်၊ ကံဖြစ်သည် စသည်ကိုလည်ကောင်း၊ ကြိယာ၏ နောက်၌တည်၍ ၎င်းကြိယာ၏ ကာလ နှင့် အမျိုးအစားကို လည်းကောင်း ဝေဖန်ပိုင်းခြားပြသော စကားလုံး (postpositons) ဖြစ်သည်။  ဝိပါတ်ဟူသည် ကြာမရှည်ခင် ပြန်လည်တတ်မျိုး မကောင်းကျိုးဖြင့် နောက်ပိုးလိုက်တတ် သူ့ကိုဖျက်က ကိုယ်ပျက်တတ်စွာ ဤလူ့ရွာဝယ် ဓမ္မတာအရိုး ပမာနိုးမူ ခါးမျိုး,ချိုမျိုး စေ့စိုက်ပျိုးက ထိုမျိုးအလား မခြားတူပြီး ခါးချိုသီးသို့ သားကြီးမင်းပျို မှတ်ပိုက်သိုလော့ … သူ့ကိုသရမ်း မကြော့ကြမ်းနှင့် လူနှမ်းကိစ္စ ကျိုးမလှဘူး … နိယာမမျိုး ကောင်းအဆိုးတည်း ပြစ်ကျိုးနှစ်ပါး ဖြစ်တတ်ငြားက ဘုရားသော်မှ မလွတ်ရာဘူး (မဃဒေဝ-မန်လည်ဆရာတော်) ရှေးကဝိပါက် ခုနစ်ရက်၊ ကာလဝိပါက် နောက်ပိုးတက် = ဝိပါကဝဋ်သည် ရှေးအခါက ခုနစ်ရက်ဆိုင်းငံပြီးမှ အကျိုးပေးသော်လည်း ယခုကာလတွင်မူ ထက်ကြပ်မကွာ လိုက်၍ အကျိုးပေးသည်။ ဒေါက်တာတင့်ဆွေ

၁။ လူတကာမကြည်ညိုတဲ့ သကန်းဝတ်ပုံတွေ ၂။ လူတကာကို သတ်ဖြတ် မီးရှို့နေတဲ့ ယူနီဖေါင်းဝတ်ပုံတွေ တခြားသူတွေက ဘယ်လောက်ကြိုက်ကြိုက်၊ ဘယ်လောက်မုန်းမုန်း ပုံတွေနဲ့ စာတွေကို ဖျက်ပါတယ်။ ဆောရီးလို့လည်း မရေးပါ။ တချို့က သူတို့မကြိုက်တဲ့သူပုံတွေကို ကိုယ်တိုင်ကတော့ ကိုးကွယ်ထားသလို ပုံတွေတင်နေကြတယ်။ ၃။ စာရေးတာကိုယ့်ဖါသာစာမရေးဘဲ မြန်မာသတ်ပုံမှန်ကို ကန့်တွက်စာရေးတဲ့ စာရေးဆရာအမည်ပါပို့စ်တွေကိုလည်း ဖျက်တယ်။ ပေါ်လစီသတ်ပုံနဲ့ ရိုးရိုးရေးတာတွေကိုတော့ မဖျက်ပါ။ ဖျက်တယ်ဆိုတာ x ကိုနှိပ်လိုက်တာသာဖြစ်ပါတယ်။ တနေ့မှာ ၁၀ ခုလောက်။ ဒေါက်တာတင့်ဆွေ

တချို့က ခရစ္စမတ် ရောက်နေကြပြီ။ တချို့က လက်ပန်ပွင့် ကောက်နေကြပြီ။ တချို့က ပိတောက်ပန်း လွမ်းနေကြသတဲ့။ ဒေါက်တာတင့်ဆွေ

၁။ ရခိုင်လို မြေပုံသီး၊ ခရမ်းချဥ်သီးပါပဲ ဆရာ။ ၂။ ကိုင်းခရမ်းချဥ်သီး အဲလို ခရမ်းချဉ်သီးကို  တချို့က ကျားခြေရာသီးတဲ့။  တချို့က ဗမာကျားခြေရာသီးတဲ့။ မြို့အမည် နယ်အမည်တွေနဲ့ ခရမ်းချဉ်သီးတွေကိုလည်း မုံရွာ၊ ယော၊ မန္တလေး ကျားခြေရာသီးတဲ့။ ကိုင်းအကြောင်းကတော့ ခဏခဏ(ခဏခဏ) တင်ပြထားတယ်။ မှန်အောင် ရေးတတ် ခေါ်တတ်သူ ရှားတယ်။ ကိုင်းအဓိပ္ပါယ်ကို မသိဘဲ တယောက်ကကိုင်းတာကိုသာ လိုက်ကိုင်းနေကြသူတွေ။ ကျွန်တော်တို့တိုင်းပြည်မှာ ဘာမဆို စနစ်ထားတာ၊ မှတ်တမ်းမှတ်ရာထာတာ၊ သုတေသနလုပ်တာ ရှားတယ်။ တယောက်တမျိုး၊ တနယ်တမျိုး၊ တခါတမျိုး။ အဲလို စည်းစနစ်မရှိတာ မကောင်းပါ။ တချို့ကလည်း နာမည်နောက်သာလိုက်နေကြတယ်။ အနှစ်သာရနဲ့ အစစ်အမှန်ကို ခွဲခြားမသိကြသူတွေ။ ကိုင်းသီးဋီကာ https://burmese-spelling.blogspot.com/2024/11/blog-post_772.html ပုံအတွက် ကျေးဇူး။ Dr. တင့်ဆွေ

နှစ်တရာ ဟုတ်ကဲ့ပြင်ပေးတာကျေးဇူးပါဆရာ နှစ်တရာကို မှန်အောင်မရေးတာတခုကို မက်ဆေ့ချ် ကနေ ပြင်ပေးလိုက်တယ်။ ကွန်မင့်ကနေ ပြင်ပေးရတာက အားနာရတယ်။ ပြင်တာကို အခုလို အသိအမှတ်ပြုသူဦးရေ နည်းနည်းတော့ ရှိတယ်။ ကောင်းတယ်။ တရာမှာ တယောက်။ တရာမှာ တဆယ်ထိရောက်လာရင် ပိုကောင်းမယ်။ တချို့က မေတ္တာတစ်ရားတဲ့။ Dr. တင့်ဆွေ