တို့စာ တို့စကား တို့တိုင်းပြည်

ဆရာခင်‌ဗျား အရင်ခေတ်က ငွေအသုံးယူနစ်တွေဖြစ်တဲ့ မူး မတ် ပဲ ရွေး စတာ‌‌တွေရဲ့ ဆက်စပ်ပုံကို သိလိုပါတယ်ခင်ဗျာ။ ရွှေအလေးချိန်၊ လက်သမားသုံးနဲ့ ပိုက်ဆံအသုံးတွေ မတူကြပါ။ (၁) ရွှေတွက်နည်းအကြောင်း သိကောင်းစရာ မြန်မာနိုင်ငံမှာဆိုလျှင် ရွှေကို ကျပ်၊ ပဲ၊ ရွေး နဲ့တွက်ကြသည်။ ကျပ်၊ ပဲ၊ ရွေး ဆက်သွယ်ချက် ၁ကျပ် = ၁၆ပဲ ၁ပဲ = ၈ရွေး ၁ကျပ် = ၁၂၈ရွေး ၁ကျပ် = ၁၆.၆ဂရမ် ပိုင်းခြေမှာ ၁၆ ရှိရင် => ပဲ ပိုင်းခြေမှာ ၈ ရှိရင် => မူး ပိုင်းခြေမှာ ၄ ရှိရင် => မတ် (၂) ကျပ် ပဲ ပိုင် ယူနစ်များ  ၃ ပိုင် ၁ပြား ၄ ပြား ၁ပဲ ၂ပဲ ၁မူး(၈ပြား) ၂မူး ၁မတ်(၄ပဲ ၁၆ပြား) ၄မူးကို ၅မူးတင်းဟု ခေါ်သည်။ ၅မူးကို ၆မူးတင်းဟု ခေါ်သည်။ ၇မူးကို ၈မူးတင်းဟု ခေါ်သည်။ (တင်းဆိုသည်မှာ တခုလျော့ ဖြစ်သည်။) ယခင်က ၁ ကျပ်(၁ ရူပီး)တွင် ၆၄ပြားရှိခဲ့သည်။ ၆၄ ပြား = ၁ ကျပ် = ၁၆ ပဲ = ၈ မူး = ၄ မတ်  ၈လီစနစ် ဖြစ်၍ ခွဲဝေရ ခက်ခဲသည်။ ထိုစနစ်ကို ငွေကြေးတိုင်းတာမှုတွင်သာမဟုတ်ပဲ အလေးချိန်တွင် သုံးကြသေးသည်။ ဥပမာ။ ။ ၁ကျပ်သား ၅မူးသား ၁မတ်သား ၂ပဲသား ထုအထူ တိုင်းရာတွင်လည်း သုံးကြသည်။ ဥပမာ။ ။ ၅မူးထု ၃မတ်ထု စသည်ဖြင့် လုံးပတ်တိုင်းတာရာ၌လည်း သုံးကြသည်။ အရှည်တိုင်း ၅"...

ကွန်မင့်တခု = လူသားတွေနဲ့ စမ်းသတ်မလို့တဲ့ဆရာ ကြောက်စရာကြီး။ ဟုတ်ပါ့။ စမ်းသပ် လို့ ရေးရ။ သပ် နဲ့ သက် တပ် နဲ့ တက် တတ် ဖတ် နဲ့ ဖက် မှားရေးနေသူတွေ တပုံကြီး။ ပရောဖက်ရှင်နယ် မီဒီယာတွေ မြန်မာအဘိဓာန် အကျဉ်းချုပ် ၅ တွဲ ရရယူလိုရင် မက်စငဂျာကနေ တောင်းယူနိုင်ကြပါတယ်။ ဒေါက်တာတင့်ဆွေ

နှင့်  တစ်ခါသာက်ဆေး ကွာခြားချက် ဒေါက်တာတင့်ဆွေ

  ဒေါင်းတလိတ်ပန်းဆိုတာ ရွာက ခြံစည်းရိုးတွေအပေါ် နွယ်တက်နေတဲ့ ပင်ပြော့ နွယ်ပင်လေးပါ။ အပွင့်က အစိမ်းဖြော့ဖြော့လေး၊ ပြီးတော့ ပန်းခိုင်လေးက အခုလိုတွဲလျားကျပြီးအမြဲပွင့်တာ ဂွေးတောက်ပန်း နဲ့ မှားချင်စရာ။ ဒါပေမည့် သူ့ အရွက်သားလေးတွေက နု့ညံတယ် ပါးတယ်။ ခွေးတောက်ကတော့ မာကြောတယ်။ ဒေါင်းစရစ်ပန်းကိုတော့ အပွင့်လေးတွေ အသီးနုလေးတွေခူးပြီးကြော်စားကြတယ် ရွာကမိန်းမငယ်လေးတွေက မွေးသော ဒီပန်းလေးတွေကို ခူးပြီးပန်ကြတယ်။  ဒေါင်းတလိတ်ပန်းလေးတွေမှာ ရာဇဝင်ရှိတယ်။  ဒီပန်းကို မင်းသမီး လှိုင်ထိပ်ခေါင်တင် ပန်ခဲ့တဲ့ပန်းလို့  ရာဇဝင်ထဲက စာအရ သိရတယ်။ ကိုယ်သိပ်ချစ်ရတဲ့သူက ကိုယ့်အပေါ်အလေးမထား အခြားသူတယောက်အပေါ် အလေးထားကာ  အကြင်နာပို နေရင်၊ မိန်းမသားတယောက်အဖို့ ဘယ်လောက် ခံစားနေရတယ်ဆိုတာ သက်သေပြဖို့ ဒီပန်းကို တမင်ပန်ဆင်ခဲ့တယ်။ စိမ်းကားတာကိုပြဖို့ အင်္ကျီစိမ်း ထမီအစိမ်း မြနဋောင်းနဲ့၊  ဒီပန်းကိုပန်ရင်း နန်းတော်ဆီ ဝင်ခဲ့တယ်။ အစိမ်းရောင်ပန်းကို ရည်ရွယ်ချက်ရှိရှိ ပန်ရင်း  သိပ်ချစ်ခဲ့ရတဲ့ ကနောင်မင်းသားကို ကွာရှင်းခွင့် တောင်းခဲ့တယ်လို့ ဆိုပါတယ်။ (Kothet Naing Oo) ဒေါင်းတလိတ်ပန်းအမည် အပြောင်းမခံရပါ...

ကျွန်တော်တို့ သူငယ်တန်းကတည်းက ကျွန်တော်၊ ကျွန်မ၊ ကျမ လို့ ရေးပါတယ်။ စကား​ပြောရင် ကျနော်၊ ကျမ။ လူထုဦးလှရေးတဲ့ ကျွန်တော် — စာအုပ်တွေ အများကြီး။ ကျမမှာ မိန်မသားရုပ်ရှင် နဲ့ သီချင်း။ ဗန်မော်တင်အောင်ကတော့ ကျွန်နော်။ အခုခေတ်မှာ ကျွန်စနစ်မုန်းလို့၊ မကြိုက်လို့ဆိုပြီး ကျွန်တော်၊ ကျွန်မ မရေးဘူးတဲ့။ အဲဲဒီအုပ်စုက မျိုးချစ်ချစ်။ နောက်အုပ်စုက ကျယ်မ တဲ့။ သူတို့က ဆူပါမော်ဒန်။ ဗမာ၊ မြန်မာ၊ ကျွန်၊ မကျွန် စတဲ့ စကားလုံးဝေါဟာရနဲ့ ရန်ဖြစ်နေကြစေလို့ လုပ်ထားသူ​တွေက ရယ်နေကြလေရဲ့။ ဒေါက်တာတင့်ဆွေ

ကျနော်မရှင်းတတ်ဘူးဆရာ ချင်းတယောက်မေးလာတာ ကူညီပါအုံး။ ဗမာ (မြန်မာ) စကားရယ်လို့တော့ မဟုတ်ပါ။ ပထဝီဘာသာရပ်ပါ အသုံးတွေဖြစ်ပါတယ်။ ရိုးမ (တောင်တန်း) = Range ချင်းတောင်တန်း = Chin Hills (The Chin Hills are a mountainous region located on the border between Myanmar (Burma) and India, specifically the state of Mizoram.) ရှမ်းကုန်းပြင်မြင့် = Shan Plateau (The Shan Hills also known as Shan Highland, is a vast mountainous zone that extends through Yunnan to Myanmar and Thailand.) ကချင်တောင်များ = The Kachin Hills are a heavily forested group of highlands in the extreme northeastern area of the Kachin State of Burma. ပဲခူးရိုးမတောင်တန်း၊ ပဲခူးရိုးမ (အလယ်ရိုးမ) = The Pegu Range is a range of low mountains or hills and uplands between the Irrawaddy and the Sittaung River in central Burma (Myanmar).  အနောက်ရိုးမဆိုတာ မြန်မာပြည်အနောက်ပိုင်း မြောက်ထိပ်ကနေ တောင်ဘက်ထိပ်အထိကိုခေါ်တယ်။ အနောက်ဘက် တောင်ကုန်းဒေသလို့လည်း ခေါ်တယ်။ ရခိုင်တောင်ကုန်းဒေသ၊ ချင်းတောင်တန်း၊ လူရှေ (လူရှိုင်း)တောင်တွေပါတယ်။ ရခိုင်ရို...

ပ​တ္တမြား​ရောင် ဖားက​ပေါင် သံလွင်လွင်နဲ့​ ရွှေညံပင်ရှုပ်မရှင်းတယ် အဓိပ္ပါယ်ကိုရှင်းပြပါဆရာ။ ရိုးတလျှောက်ခွန်းထောက်ကို ဦးကြီးရေးတာလို့ ထင်ရှားပေမဲ့ တချို့က အမည်မသိရှေးစာဆိုလို့ ဆိုပါတယ်။ ကိုးကားကြတာတွေ၊ ပြန်ထုတ်တွေ၊ ကျောင်းသုံးပုံနှိပ်တာတွေနဲ့ အွန်လိုင်းမှာတင်တာတွေက စာလုံးပေါင်းသတ်ပုံ မှန်တာ ရှားတယ်။ ရိုးတလျှောက် ဖြိုးမောက်ပါတဲ့ လယ်ပတူ။ အရွက်ချွန်း ကန်စွန်း ပုစွန်စာနှင့် လွန်တရာ ကညို့ပေါတယ် တောဖြစ်လို ထူ။ မှိုနတို ငွေရောင်ပျော့ငယ်နှင့် ရွှေကနဖော့ ကြာရိုးဖြူ ချိုးယူလို့ မကုန်ခန်း။ ပတ္တမြားရောင် ဖားကပေါင် သံလွင်လွင်နှင့် ရွှေညံပင် ရှုပ်မရှင်းတယ် ကွင်းပြည့်ကမန်း။ ။ (ဦးကြီး)  ခွန်းတောက်ကို ၄ တန်းမှာလည်း သင်သတဲ့။ ကျောင်းသုံးစာအုပ်ဆိုပြီးတင်ကြတာ မူရင်းကဗျာအတိုင်း မှန်တာရယ်လို့ မတွေ့ပါ။ မူရင်းကဗျာပါ စာလုံးပေါင်းသတ်ပုံတွေကို မှားအောင်ပြင်ထားကြတယ်။ မလုပ်ရပါ။ နိုင်ငံတော်ကြီးက ကျောင်းသားတွေကို အမှားသင်ပေးနေတာဖြစ်တယ်။  ကျောင်းပြဋ္ဌာန်းစာအုပ်မှာ ကညှို့လို့ ရေးထားတယ်။ ဟထိုးပါနေတယ်။ ကညို့ကသာ မှန်ပါမယ်။  ရိုးတလျှောက် ကို ရိုး(တစ်)လျှောက် မှားရေးထားတယ်။ လွန်တရာကို လွန်(တစ်)ရာ မှားရေးထားတယ်...

အဲလို မေးကြလို့ သမိုင်းမှတ်စု ရေးထားတာ ၁၀ ခု ကျော်ပြီ။ (၁) Country Account မြန်မာနိုင်ငံသမိုင်း သံခိပ် (၂၀၁၈ ခုနှစ်က ရေးထားတာဖြစ်ပါတယ်။) ဆရာ မင်္ဂလာပါရှင့် ဆရာဆီကို အရင်ကလည်း မြန်မာစာ၊ ဆေးပညာ သိချင်တာလေးများ မေးဖူးပါတယ်ရှင့်။ ကျနော်က မန္တလေးသူပါ။ ယခု ( - ) မှာကျောင်းတက်နေရင်း ( - ) လူမျိုးတွေကို မြန်မာစာသင်ပေးတဲ့ အချိန်ပိုင်းအလုပ်နဲ့ စကားပြန်အလုပ် အချိန်ပိုင်းလုပ်ပါတယ်ရှင့်။ ယခု ( - ) နိုင်င်ငံရှိ တက္ကသိုလ်တခုမှ ပထမနှစ် ကျောင်းသားများကို မြန်မာနိုင်ငံ၏ လွတ်လပ်ရေးရပြီး နောက်ပိုင်း ခေတ်အစိုးရတခုပြောင်းတိုင်း ထူးထူးခြားခြား ပြောင်းလဲလာတဲ့ မြန်မာ့သမိုင်းအကြောင်း အနည်းငယ်နှင့် မြို့နေလူတန်းစားတို့၏ လူနေမှုအဆင့်အတန်း၊ ယဉ်ကျေးမှု ထုံးတမ်းစဉ်လာများ၊ ကျေးလက် နေလူတန်စားတို့၏ လူနေမှုအဆင့်အတန်း၊ ယဉ်ကျေးမှုထုံးတမ်းစဉ်လာများကို ရှင်းပြပေးဖို့ ဧည့်သည်အနေနဲ့ ကျမကို ကျောင်းမှ ဖိတ်ကြားခြင်း ခံထားရပါတယ်ရှင့်။ မိမိနိုင်ငံအကြောင်းကို ရှင်းပြရမှာဖြစ်လို့ ဝမ်းသာစွာနဲ့ လက်ခံလိုက်ပေမယ့် နိုင်ငံအကြောင်းဖြစ်နေလို့ ဆရာထံမှ သင်ယူလေ့လာ အကြံဉာဏ်များမျှဝေပေးစေချင်ပါတယ်ရှင့်။ သမီးသင်ခဲ့သောစာများ လူကြီးများထံမှ လေ့လာထာ...

ကလောဈေးနေ့ ပါ။ မိုးထဲလေထဲ အပြေးလေးဈေး၀ယ် ၊ တပတ်စာပေါ့၊ ချောင်းငါးလေးတွေရခဲ့တယ်။ ငါးစင်ရိုင်း ဥလေးတွေနဲ့ ၅၀၀၀ဖိုး၊(အရိအချွဲတွေပြောင်စင်အောင် မီးသွေးမီးဖိုပြာ အကျန်တွေနဲ့ပွတ်ဆေးကိုင်တွယ်သန့်စင်ပြီး) ခြံစည်းရိုးမှာသီးနေတဲ့ cherry tomatoes အိုးကပ်ချက် နံနံပင်အုပ်၊  မက်မန်းပင်ပေါ်နွယ်တက်နေတဲ့ ဆူးပေါက်စလေးတွေနဲ့ သခွားသီး ၃လုံးတွေ့ထားထာခူးပြီးပုဇွန်မီးဖုတ်စပ်သီးများများနဲ့သုပ်၊ ‌ လက်ဆောင်ရထားတဲ့ ပြောင်းဖူး နုနုလေးနဲ့ ပုဇွန်အသားလုံးဟင်းရည်။ မိုးအေးအေးနဲ့ အာဟာရပြည့် စေသော ဈေးနေ့ ဟင်း menuပါ။ တင်ထားသူ ကျေးဇူး။။ စာရေးတာလည်း မှန်။ ကွန်ဂရက်ကျူလေးရှင်း။ စာကို မှန်အောင်ရေးတတ်သူက ရွှေဗမာ မဟုတ်ပါ။ ဒေါက်တာတင့်ဆွေ

မုံရွာမြို့ လယ်တီကျောက်စာမှာ တဝမ်းပူတွေကို မလိုအပ်ဘဲ တစ်လို့ရေးထွင်းမထားပါ။ ကျွန်​တော် ၂၀၁၈ ခုနှစ် ဒီလို​နေ့မှာ ကျောက်စာတိုက်ကြီးသွား၊ လိုက်ရှာပြီး သက်​သေပြပါတယ်။ ခုခေတ်မှာ လယ်တီဆရာတော်ကြီးထက် မြန်မာစာပိုတော်တယ်ထင်သူတွေက များတယ်။ နိုင်ငံ​တော်မူတဲ့။ မှားတယ်။ ဒေါက်တာတင့်ဆွေ ၃၀-၅-၂၀၁၈

“အသံမထွက်ခေတ်” ၁၉၉၀ ကနေ ၂၀၁၂ ခုနှစ်အထိ လှိုင်းတိုရေဒီယိုကနေလာတဲ့ ကျွန်တော့အသံကို ကြားရလေ့ရှိပါမယ်။ နိုင်ငံရေး။ နိုင်ငံရေး။  ပြည်ပအသံလွှင့်ဌာနတွေကနေ ရုပ်မြင်သံကြားပေါ်လာတော့ ရုပ်ကိုပါမြင်ကြပါမယ်။ နိုင်ငံရေး။ နိုင်ငံရေး။ အဲဒီခေတ်ကာလတွေမှာ ပြည်တွင်းကနေ အသံမထွက်ရဲကြပါ။ အပြင်နေသူတွေကနေ ပြောဆို ဖြေကြားပေးကြရပါတယ်။  ၂၀၁၂ လောက်စပြီး အထဲကအသံတွေ ကြားလာရပြီ။ ကျွန်တော်တို့အသံ နည်းနည်းတိုးသွားပြီ။ ၂၀၂၁ ကစပြီး အပြင်ကအသံတွေ ကျယ်လောင်လာပြန်တယ်။ ကျွန်တော်လည်း တပိုင်းတစတော့ပါတယ်။ အထဲကအသံမထွက်ကြတော့ပါ။ အထဲကထွက်တဲ့အသံ ဘယ်လိုအသံလည်း သိကြပါသည်။ အသံကောင်းကြပါသည်။ အပြင်မှာလည်း ကိုယ့်ထက်တာဝန်ရှိသူတွေ အများကြီးရှိလာလို့ လူအိုလူဟောင်းတွေကို နည်းနည်းပါးပါးသာ မေးကြပါတော့တယ်။ လူရွေး မှန်တယ်။ ၂၀၂၅ ခုနှစ်မှာ ယူအက်စ်အေ အခြေစိုက်အသံလွှင့်ဌာနတွေ ပါးစပ်ပိတ်တော့ ကျွန်တော်လည်းတိတ်ပြီ။ ခေတ်ဆိုတာ အစဉ်တစိုက်ပြောင်းနေတယ်။ ဆိုရှယ်မီဒီယာတွေမှာ သူရဲကောင်းတွေများတယ်။ အကုန်သိသူတွေများတယ်။ လူအိုလူဟောင်းတွေကို နည်းနည်းပါးပါးတောင်မှ မလိုအပ်တော့ပါ။ ကျွန်တော်တို့ ကျောင်းသားခေတ်က လစဉ်မဂ္ဂဇင်းထဲမှာ တင့်တယ်က ဘကြီးမွှန်းပုံပြင်များ...

ချစ်ခြင်း နဲ့ အလည် လို့ ရေးတာကသာ မှန်ပါသည်။ ရှေးကဟာတွေ အကုန်မှန် လို့ မပြောပါ။ ခေတ်ပေါ်တချို့လည်း မှား၏ လို့ ပြောပါတယ်။ ဒေါက်တာတင့်ဆွေ

မြန်မာစာထဲက … လေလေ … လေလေ အသုံးဟာ အင်္ဂလိပ်စာထဲက the more … the more … နဲ့ ဆင်တူပါတယ်။ The more she read, the more she learned. The more he drank, the more violent he became. ဝေးလေလေ လွမ်းလေလေ ကြာလေလေ ခိုင်မြဲလေလေ ကြာလေလေဝေး ဝေးလေလေမေ့ အထက်နမူနာတွေက လေလေနဲ့ တွဲတဲ့စာလုံးတွေဟာ သဒ္ဒါ (ဝါစင်္ဂ) တူရတယ်။ … လေ … လေ အသုံးစကားတွေလည်း ရှိတယ်။ ပြောလေ ကဲလေ မန်းလေ ပြဲလေ စားလေ ဝလေ ဖျက်လေ ပျက်လေ တွဲတဲ့စာလုံးတွေ တူရတယ်။  ပူးတွဲတင်ပြတဲ့စာ လွဲနေတယ်။ အရွယ်ရလာလေလေ အချိန်နည်းလာလေလေ အိုမင်းလာလေလေ သေခြင်းနဲ့နီးစပ်လာလေလေ တွဲတဲ့စာလုံးတွေဟာ သဒ္ဒါ (ဝါစင်္ဂ) တူရတယ်။ ကြိယာဆို ကြိယာ။ ကြိယာဝိသေသနဆို ကြိယာဝိသေသန။  The more successful he became, the less happy he felt. အောင်မြင်လာလေလေ၊ ပျော်ရွှင်မှုနည်းလေလေ။ ဒေါက်တာတင့်ဆွေ

မြန်မာစာအကြောင်းလေးတွေ တင်ပြတဲ့အခါ မှတ်ချက်တွေ လာပါတယ်။ ကိုယ်ပိုင်တင်ကြတာတွေလည်း ဖတ်ရတယ်။ ကျေးဇူး။ ဒါပေမဲ့ … ကျွန်တော်တင်ပြထားတဲ့ ဘယ်တုန်းက၊ ဘယ်ထဲမှာ၊ ဘယ်လိုရေးပါကြောင်းကို ဆန့်ကျင်ရေးသား ပြောဆိုတာမျိုးတွေကို မှန်တယ်လို့ မထင်ပါ။  ဘာ့ကြောင့်ပါလဲ … ကိုယ်ပိုင်နည်းနာတွေနဲ့ တွေးဆ ဆင်ခြင်မှုပြုကြပါတယ်။  • တချို့က ဟိုစာလုံးမှာ စသတ်ပါလို့ ဒီစာလုံးမှာလည်း စသတ်ရမယ်တဲ့။ • တချို့က ဟိုစာလုံးမှာ စသတ်မပါလို့ ဒီစာလုံးမှာလည်း စသတ်မပါသင့်တဲ့။ • သိပ္ပံနဲ့ သင်္ချာ ဖေါ်မြူလာနည်း။ ပုံသေနည်း။ • တချို့က ဒီလိုဖြစ်နိုင်ရင် ဟိုလိုလည်း ဖြစ်ရမယ်တဲ့။ • ယုတ္တိဗေဒ ခေါ်လောဂျစ် ခေါ် တက္ကဗေဒနည်း။ • စဉ်စားဆင်ခြင်မှုပြုတာတော့ ကောင်းပါတယ်။ ဒါပေမဲ့ … မြန်မာစာဟာ ဘာသာစကားတခုဖြစ်ပါတယ်။ နှစ်တထောင်ကျော်လာပြီ။ တဖြေးဖြေး ပြောင်းလဲ တိုးတက် စည်ပင်လာပါတယ်။ အထောက်အထားတွေကိုလည်း တင်ပြထားတယ်။ ကျွန်တော့မှာ ကိုယ်ပိုင် စာလုံးပေါင်းသတ်ပုံရယ်လို့ တလုံးတလေမျှ မရှိပါကြောင်းကိုလည်း လေးငါးခါ တင်ပြထားတယ်။ ကျွန်တော့ သူငယ်တန်းဆရာမ (ကွယ်လွန်) နဲ့ ဆယ်တန်းမြန်မာစာဆရာ (ကွယ်လွန်) တို့က သင်ပေးတဲ့အတိုင်းသာ လိုက်နာရေးသားပါတယ်။ လိုအပ်လာရင် ၁၉၆၄-၆၅ ...

'ဆိပ်' ရေးတာ အောက်မြစ်အပို မလိုပါ။ ဆေးနည်းတွေ ရေးကြတယ်။ စာရေးတာမမှန်ရင် ဆေးနည်း မှားလိမ့်မယ်။ တရားစာတွေ ရေးကြတယ်။ စာရေးတာမမှန်ရင် တရားလည်း မမှန်နိုင်။ ရသစာတွေ ရေးကြတယ်။ စာရေးတာမမှန်ရင် ဘာအနှစ်အရသာမှာ မပေးနိုင်။ ကဗျာတွေရေးကြတယ်။ စာရေးတာမမှန်ရင် စာလုံးပေါင်းသတ်ပုံမဲ့ကဗျာဖြစ်မယ်။ မြန်မာစာမြွေဆိပ်တက်နေပြီ ဆေးကုသမှုခံယူပါလေ။ ဒေါက်တာတင့်ဆွေ

ကကြီး ခခွေး အိမ်ကိုပြေး၊ အပြေး မတတ် ထမင်းငတ်၊ မတ်တတ်ရပ်လို့ လမ်းမှာခို၊ ပုရွက်ဆိတ်ညို ကိုက်လို့ငို၊ ဆိုဆိုဆဲဆဲ အမေလည်း၊ ခဲလို့နေလိုက် အဖေရိုက်၊ မမိုက်သင့်ပေ တို့တတွေ၊ ကျောင်းသို့ မသွေ သွားစို့လေ။ ဒေါက်တာတင့်ဆွေ

ဆန်စဥ်ရာကျည်ပွေ့မလိုက်နိုင်လို့ဖတ်ရပါတယ်ဆရာ စင်သွားတဲ့ဆန်နောက်ကို ကျည်ပွေ့ကလိုက်မထောင်းနိုင်ဘူးလို့ နားလည်ထားပါတယ်။ (စဥ်)နဲ့(စင်)ဘယ်စာကအမှန်ပါလဲဆရာ  ရှင်းပြပေးပါ(လေးစားစွာဖြင့်) ဆန်စဉ်ရာ ကျည်ပွေ့မလိုက်နိုင် မောင်း၌ တပ်ဆင်ထားသော ကျည်ပွေ့သည် ဆုံမှ စဉ်ထွက်သမျှ ဆန်စေ့များ၏နောက်သို့ လိုက်၍မထောင်းနိုင်သကဲ့သို့ ပင်မကိစ္စကို လွှတ်ပြီး နှီးနွယ်ရာ အသေးအမွှားကိစ္စများနောက်သို့ လိုက်၍ မလုပ်နိုင်ချေ။  "သံကျောက်ကျည်ပွေ့၊ ဆန်စဉ်ရာငါမရွေ့၊ကွေ့ကွေ့ကောက်ကောက်၊ မိုက်ဉာဏ်ပေါက်တိုင်း၊ ရောက်မိရောက်ရာ၊ နားကလောအောင် မပြောသာ။" [၁၁၈၁] ဒေဝ။ ၃၀-၃၁။ "ဆန်စဉ်ရာ ကျည်ပွေ့လိုက်ဆိုသလို ဟိုက ဆူရင် ဟိုလိုက်လုပ်၊ ဒီက ဆူရင် ဒီလိုက်လုပ် ဆိုသလို ဖြစ်နေတဲ့အပြင်..." [၁၃၀၉] ဗိုလ်ချုပ်မိန့်။ ၃၂၅။ ၁။ စဉ် ဆင်အစဉ်ပြေတဲ့အချိန် accept လုပ်ပေးနော် add ထားတာ အစဉ်သဖြင့် အဆင်ပြေလို့ ရေးရ ၂။ အစဉ်မှ ပြေရဲ့လားလို့ တင်ထားတာတခု တွေ့ပြန်တယ်။ (အဆင်ပြေမှလို့ ရေးရ။)  ၃။ ဆရာ ဆန်စဉ်ရာ ကျည်ပွေ့မလိုက်နိုင် ဆိုတဲ့ စကားပုံမှာ စဉ်ကို ဇဝေဇဝါ ဖြစ်မိပါတယ်။ စဉ်ကိုရေးရာမှာ င သတ်လား ဉ ကလေးသတ်လား ဆိုတာ ရှင်းပြပါဦးဆရာ။ (ဆန်စင်ရာ၊ ဆန်စဉ်ရာ ကျည...

  (တင်ထားတာတခု) "သင့်ရာအပ်ပို့ ဆရာတို့ ကျင့်ဖို့ဝတ်ငါးဖြာ" အခြေခံပညာအဆင့် ပညာရေး အလွန်နိမ့်ကျလာပါသည်။ အထူးအားဖြင့် မြန်မာစာ အလွန်ညံ့လာသည်ကို တွေ့မြင်နေရပါသည်။ ကလေးများအတွက် လက်ရှိအခြေအနေထက် ပိုကောင်းသော ပညာသင်ကြားရေး စနစ်ကို စွမ်းနိုင်သည့် ဆရာသမားများက စီစဉ်ကြဖို့ အထူးလိုအပ်သည့် ကာလ ဖြစ်ပါတော့သည်။ အင်္ဂလိပ်ခေတ်တွင်ကား ဘုန်းတော်ကြီးကျောင်း၊ အမျိုးသားကျောင်းတို့ဖြင့် အစားထိုးကာ အဆင်ပြေခဲ့ကြဖူး၏။ ကလေးတွေ မ အဖို့၊ တွေးမိရာရာ။ (ရှေးစာကဗျာများ) ဟုတ်။ အခြေမခိုင်၊ အိမ်တိုင်ခြစား၊ ဆေးသားခြယ်လည်း မတည််မြဲတည့်။ ဆရာ ဆရာမတွေအထက်က ခေါင်မိုး မိုးယိုနေပါသည်။ ကြတော့ ကြမ်းပါဆွေးလာပြီ။ ကျားကန်ပေးခွင့်၊ ဖာထေးခွင့် မရှိ။ ပန်းရံဆရာ၊ လက်သမား အနားကပ်ခွင့်မပြု။ အိမ်အိုအိမ်ပျက်ပေါ် တက်နေသူတွေကလည်း အအိုအပျက်ကို အလင်းအလက်လို့ ထင်နေကြသည်။ မိဘဘိုးဘွား အမွေအနှစ်အစစ်ကို ရွဲကုန်သည် လူညစ်ဆီ ရောင်းစားလိုကြသည်။ "သေရိဝဝါဏီဇဇာတ်" (အဖိုးတသိန်းထိုက်တန်သော ရွှေခွက်ဆုံးရှုံးရသဖြင့် စိုးရိမ်ပူပန်၍ပျက်စီးရသော ရွဲကုန်သည်မိုက် အကြောင်း) လွန်လေပြီးသောအခါဤဘဒ္ဒကမ္ဘာမှ ငါးကမ္ဘာထက်၌ သေရိဝတိုင်းဝယ် ဘုရားအလောင်း ရွဲကု...

(၁၉၆၀ ခုနှစ်က မူလတန်း မြန်မာဖတ်စာ) မြူခိုး ဝေရီ နွေရာသီ ဖူးစီ မြသွေး လေချိုအေး။ လာခဲ့ကြပါ တို့တောရွာ ရေကာတာ ဘေး ရေ ဖွေးဖွေး။ မကွဲ မကွာ အတူ တကွ။ ကျေးတော မြို့ရွာ ငွေစ ငွေန။ ခွေးသွား ခွေးစွယ် ရေခိုး ရေငွေ့။ လူငယ် လူရွယ်။ ပျော်ပျော် မွေ့မွေ့။ ကြိုးကို ခွေထားပါ။ ခွေးကလေး ကစားနေ၏။ နွယ်ကြိုးကို စီးမလား။ သခွါးသီး ခူးပြီးပြီ။ ရေနွေးအိုး ဆူပြီလား။ မိုးတဖွဲဖွဲ ရွာနေ၏။ နွားကို ရေချိုးပေးသည်။ မှတ်ရန်များ - အတူ တကွ သည် အတူ 'တစ်'ကွ မဟုတ်။ - မိုးတဖွဲဖွဲ သည် မိုး'တစ်'ဖွဲဖွဲ မဟုတ်။ - 'သခွါးသီး' လို့ရေးတာလည်း မှန်သည်။ တချို့က 'သခွားသီး' လို့သာ အမှန်ထင်နေကြသည်။ - သူငယ်တန်းစာ မကျေပါက မြန်မာစာကို မှန်အောင်မရေးတတ်ကြ။ ဒေါက်တာတင့်ဆွေ

  ဆရာရှင့် ဖုံမှုန့် နဲ့ ဖုန်မှုန့် ဖုံမှုံ့ နဲ့ ဖုံမှုန့် ဘယ်ဟာအမှန်လဲရှင့် လိုအပ်လို့ပြောတဲ့အချိန်မှာ သတ်ပုံအမှားသုံးမိမှာ စိုးရိမ်လို့ပါရှင့် ၁။ ဆီးချဉ်သီးစာထဲမှာ ဖုန် နဲ့ ဖုံ မှားနေလို့ ပြန်ပြင်လိုက်ပါတယ်။ ဆောရီး။ ဝါးလုံးရှည်နဲ့ လူကြီးတွေက ဆီးပင်ကို ပုတ်ရတယ်။ ဆီးသီးတွေ ကြွေကျလာလိုက်တာ တဝေါဝေါနဲ့။ ဖုန်တွေနဲ့အတူ ဆီးရွက်ခြောက်၊ ဆီးရွက်စိုတွေဟာ တင်းထိမ်စောင်ထဲ ကျလာတယ်။ လိပ်ပြာလေးတွေလည်း ပျံဝဲထွက်ပြေးကြတယ်။ ၂။ ဆေးတစ်ဖုံဆိုသည်မှာ ဆေးကိုမျိုချသော် တစ်နေမည်။ ဆေးတဖုံလို့ ရေးရတယ်။  ၃။ ဖုံ လား ဖုန် လား ဆရာ ဖုံ ဆေးတဖုံ တဖုံကြံသည် တဖုံနွှဲ တနဲဆင် ထိုင်ခင်းဖုံ ထိုင်စရာဖုံ ပိုက်တတဖုံ ဖုံ = နေရာထိုင်အခင်း ဖုံဖုံညက်ညက် ဖုံဖုံညက်ထောင်း လမ်းဖုံဖုံ သနပ်ခါးဖုံဖုံ သူတဖုံ ငါတဖုံ အနည်းနည်းအဖုံဖုံ ဖုန် လမ်းဖုန် (လမ်းညီညာပြန့်ပြော) ဖုန်ပွပွ ဖုန်မှုန့် ဖုန်လိမ်းကျံ ရွာလမ်းကား ကျယ်ပါ၏။ နွေအခါတွင် ဖုန် တထောင်းထောင်း။ မိုး အခါတွင် ရေမြုပ်။ လမ်းချည်းသာ ရေမြုပ်သည် မဟုတ်။ အိမ်များလည်း ရေမြုပ်၏။ ရွာသားများ အိမ်အပေါ် ထပ်တွင် တက်၍ နေကြ လေသည်။ ကြက်လည်း သည်မှာ၊ ခွေးလည်း သည်မှာ၊ ဝက်လည်း သည်မှာ၊ ဘဲလည်း သည်မှာ၊ က...

  လမင်းတရာကို မှန်အောင်ရေးတတ်သူတွေလည်း ရှိပါသေးသည်။ ကွန်ဂရက်ကျူလေးရှင်း။ လမင်းတရာကို မှန်အောင်ရေးတတ်သူ တရာထိ ရှိလာပါစေသတည်း။ လမင်းတရာ မိခင် သို့ မွေးနေ့မင်္ဂလာ ဆုမွန်လွှာ https://www.youtube.com/watch?v=qW1i5zTYJpQ ဒေါက်တာတင့်ဆွေ

ဆရာ ကုန်ပစ္စည်းလာစပ်တယ်  ကုန်ပစ္စည်းလာဆပ်တယ် ကုန်ပစ္စည်းလာဆက်တယ် ကုန်ပစ္စည်းလာစက်တယ် ဘယ်ဟာအမှန်လဲဗျ ၁။ ပေးစပ်ခြင်း  မိုးကောင်းကင် စပ် နဲ့ ဆပ် မှားနေတယ်။ ၂။ ဆတ်ဆတ်ထိမခံကို ဆပ်ဆပ်ထိမခံလို့ ရေးထားတဲ့ ပို့စ်တခု တွေ့လို့ ပြင်ပေးလိုက်တယ်။ ၃။ တဆပ်ဆပ်တုန်ရီ (ဆတ်ဆတ်တုန်ရီ) နေသည့် နှုတ်ခမ်းအစုံကို အသာဖိ၍ စပ် စပ်ကျိန်း စပ်ကြား စပ်ကြောင်း စပ်ကူးမပ်ကူး စပ်စပ်ဖာဖာ စပ်စပ်မြည်သံ စပ်ဖျဉ်းဖျဉ်း စပ်ဖြဲဖြဲ စပ်ယှက် စပ်ယှဉ် စပ်ရှိန်းပူရှိန်း စပ်လျဉ်း စပ်သီး စပ်ဟပ် ဆက်စပ် ပူးစပ် ဟိုစပ်စပ်သည်စပ်စပ် အစုစပ် ဆပ် ဆပ်ကပ်ပွဲ ဆပ်ကုံးလည်ဆွဲ ဆပ်စပါး ဆပ်ပြာ ဆပ်သွားပင် ဆပ်သွားဖူးပင် ဆပ်သွားဘီး အကြွေးဆပ် ဆတ် စိတ်ဆတ် ဆတ္တာသည် ဆတ်ကော့လတ်ကော့ ဆတ်ခနဲ ဆတ်ချိုနု ဆတ်ချိုရစ်ပင် ဆတ်ဆတ်ကြား ဆတ်ဆတ်ကြဲ ဆတ်ဆတ်ခါ ဆတ်ဆတ်တုန် ဆတ်ဆန်တည် ဆတ်ဆော့ ဆတ်တငံ့ငံ့ ဆတ်တွန့်အထည် ဆတ်ထုပ်ပုစွန် ဆတ်သတ္တဝါ ဆက် ကုတ် (ဂုတ်) ဆက်နာသည် ဆက် (ဇက်) ကြောတင်းသည် ဆက်၍ပြောပါ ဆက်ကပ်သည် ဆက်ကမ်းသည် ဆက်ကြေး ဆက်ခံစိုးစံသည် ဆက်စပ် ဆက်ဆံပေါင်းသင်းသည် ဆက်ဆက်ကြွပါ ဆက်တိုက်လုပ်သည် ဆက်နွှယ်နေသည် ဆက်ရက်ငှက် ဆက်လက်ပြုလုပ်သည် အဆက်အနွယ် ဒေါက်တာတင့်ဆွေ

ဆရာခင်ဗျ သင်္ချာမှာနှောတယ်ဆိုတာ ပေါင်းတာကိုပြောတာလားခင်ဗျ (၁) နှော ၁။ ရောပေါင်းသည်။ ဖြည်စွက်ထည့်သွင်းသည်။ အချင်းယူဇနာတရာ ဟူရာ၌ ပင်စည် အရေအတွက် ခက်မ အရေအတွက်ကို နှော၍ ရေတွက်သော် တရာမကသကဲ့သို့ ရှိ၏။ ၂။ ပေါင်းဖော်ဆက်ဆံသည်။ တစုတရော၊ ဘော်ချင်းနှောလျက်၊ ဥသြငှက်တော်။ (၂) နှော = အရွက်ညောင်ရွက်ပုံရှိ၍ ဘေးသို့အကိုင်းအခက် တည့်တည့် ထွက်လျက် ပေါက်တတ်သောပေ၁၀၀ခန့်မြင့်သည့်သစ်ပင်ကြီး။ (ထောင်နှောဟူ၍လည်းရှိသည်။ ) တိမ်ခိုငယ်မှဝေဝေ၊ နှောပင်ကြီးနှောသီးကြွေ၊ လေပွေတိုက်လို့ဝဲတတ်တယ်။ သုံးထောင်အိုင်၊ ညွှန်ပေါင်း၊ ပ။ (၃) နှော (Haldina) ၏ ရုက္ခဗေဒ အမည်မှာ Adina cordifolia ဖြစ်သည်။ ဒေါက်တာတင့်ဆွေ

စာအုပ်ကောင်းတအုပ်ဟူသည်  အသစ်ဖြစ်ဖြစ် အဟောင်းဖြစ်ဖြစ် အချက်အလက် အကြောင်းအရာသာမက  စာလုံးပေါင်းသတ်ပုံလည်း မှန်ရပါမည်။ ဒေါက်တာတင့်ဆွေ

တပါး  နဲ့ တစ်ပါး အမှန်က တပါး ဖြစ်ရမှာမလားရှင့် တရား ကို တစ်ရား မလုပ်ထားတာတော့ မှန်ပါသေး ကျေးဇူးတော်မှတပါး  ငါ၊ သူတပါး၊ ယောက်ျား၊ မိန်းမ၊ စင်ကြယ်သူ တစုံတခုသော တပါးဆောင်များသို့ တပါးအမျိုးသားများ ခံရသောစီရင်ခြင်း  ထိုမှတပါး နှောင်ကြိုးမှတပါး ဆုံးရှုံးစရာမရှိ မှတပါး အခြားမရှိ သူ…မှတပါး သူတပါး သူတပါး၏ သူတပါး၏ အမွေရပိုင်ခွင့် ဥစ္စာပစ္စည်းများကို မတရားသဖြင့် ရယူသုံးစွဲပြီး အလွဲသုံးစားပြုလုပ်ထားရင်  သူတပါးရဲ့အပြစ် ပြောတတ်တဲ့သူတွေ ဒီတရားကိုနာကြည့်ပါ ဒေါက်တာတင့်ဆွေ

မန္တလေး တက္ကသိုလ် နှစ်(၁၀၀)ပြည့် အထိမ်းအမှတ် မဂ္ဂဇင်းသတင်း တင်ထားတာတခု တွေ့ပါတယ်။ ကျေးဇူး။ သတ်ပုံတွေက မြန်မာစာ ပါမောက္ခ ဦးချမ်းမြ (မြကေတု) ခေတ်လိုသာဆို ကောင်းပါမည်။ ဆရာတင်မိုး သုခုမတက္ကသိုလ်ကဗျာလိုဆိုလည်း ကောင်းပါမည်။ သုခုမတက္ကသိုလ် (နွယ်သာကီသံဖြတ်) ရေပြာရွှေကြာ ဝေဆာမွှေးသပ ရွှေညာကျေးက တက္ကသိုလ်ရှင့်။ ပုဏ္ဏမာ ဂုဏ်ဝါ စုံစွာကျင်း ဘုံပါလင်းတဲ့ တက္ကသိုလ်။ ကမ္ဘာတုန် စာစုံ အညာဂုဏ်ပျိုးတဲ့ ရတနာပုံမြို့က တက္ကသိုလ်။ နံ့သာမွှေးမြ ပန်းတခက်လို အညာကျေးက မန်းတက္ကသိုလ်။ နေခြည်အစောင်း လေပြည်လောင်းတော့ ဆွေမဒီအပေါင်းက လမ်းလျှောက်လာ ရေနီမြောင်းက လွမ်းလောက်စရာလေ့ တိမ်တန်းဆင်လို့ ရီပြာပြာ စိန်ပန်းပင်တို့ နီတျာတျာ။ ကျောင်းအဝင်လမ်းက ကျက်သရေ ထနောင်းပင်တန်းက အခက်ဝေရှင့်။ ရှမ်းရိုးမက မြူခိုးဝေယင် လွမ်းမိုးကျလို့ ပူမျိုးထွေသရှင်။ ဆရာတပည့် လက်တွဲညီစွာငယ် ကမ္ဘာသိတဲ့ တက္ကသီိလာရယ်။ အနုအလှတို့ မက်သလို သုခုမမြို့ တက္ကသိုလ်လေ့။ မေခပင်းတို့ ဘက်ညီကာ ရွှေခြေကျင်းတို့ တက္ကသီလာတော့။ မေလွမ်းယောင်လို့ တ, တဲ့အခါနော် ရွှေမန်းဆောင်သို့ ကြွခဲ့ပါတော်။ လောကီအပေါင်းကို ခွာပါချင်လျှင် ဗောဓိကျောင်းသို့ လာပါရှင်။ အလို ဖရက်ရှာကလေး ရက်ကြ...

ညကတည်းက စိတ်ထဲကူးမိနေတာ။ မေးခွန်းတွေကိုဖြေပေးပြီး၊ ကျေးဇူးတင်ပါတယ်လို့ပြန်ရေးဖေါ်ရတာ မနေ့ကတော့ သိသိသာသာများတယ်။ တချို့ကတော့ မေးချင်တုန်းကတော့ ဖုတ်ပူမီးတိုက်၊ ကွန်မင့်ကနေမေးပြီး ဖြေတာကိုတော့ဖတ်ပုံမရဘူး။ တချို့လည်း မေးနည်းမကျလို့ စည်းကမ်းပို့ပေးပြန်တော့ ပို့ပေးလို့ကျေးဇူးတင်ပါတယ်သာရေးတယ်။ မေးခွန်းကို စနစ်တကျ ပြန်မမေးကြတော့ဘူး။ အမျိုးမျိုးမှ တကယ့်အမျိုးမျိုး။ ကိုယ့်တိုင်းပြည်သားတွေဆိုတော့လည်း အမျိုးပဲပေါ့။ ကနေ့မနက် အီးမေးလ်ကနေပြန်လာတဲ့ ကျေးဇူးသုံးခုကိုသာ နမူနာထည့်ပါမယ်။ ၁။ ကျေးဇူးအများကြီးတင်ပါတယ်ဆရာ။ ၂။ ဟုတ်ကဲ့ပါဆရာ ပေးတဲ့ဆုနဲ့ပြည့်ပါစေ။ ဖြေပေးတဲ့အတွက်လည်း ကျေးဇူးအများကြီးတင်ပါတယ်ဆရာ။ ၃။ ကျေးဇူးတင်ပါတယ်ဆရာ။ ကျမ ဘုရားတရားကို အရင်ထက် ပိုလုပ်ဖြစ်ပါတယ်။ ကံတရားပဲလို့တော့ ခံယူထားပါတယ်။ ဒါပေမဲ့ စိတ်ပူတဲ့စိတ်လေးဝင် ဝင်လာတတ်လို့ပါ။ ဖြည့်စွက် ဒီစာက်ု ၂၉-၅-၂၀၁၆ နေ့က ရေးပါတယ်။ ၂၀၂၅ ခုနှစ်ထဲ​ရောက်​တော့ ကျေးဇူး လို့ ရေးတာကို ရန်ရှာခံတယ်။ တင်ပါတယ် မပါလို့တဲ့။ ဖေ့စ်ဘွတ်မှာ သတ္တမတန်း စာစီစာကုံးလို မ​ရေးပါ။ ၂၀၂၄-၂၀၂၅ မှာ ယဉ်​ကျေးပျူငှါ ရှားသွားပြီ။ ကျွန်​တော်၊ ကျ​နော်၊ ကျမ၊ ဗျ၊ ရှင့် စာလုံး​တွေ သုံးစွဲတာ...

(ပျက်စီး နဲ့ ဖျက်ဆီး) အတော်မှားရေးနေကြသည်။ မနေ့ကလည်း တခါတင်ပြပါသည်။ ဖျက်ဆီးခံရ၍ ပျက်စီးသွားပြီ။ 1. တိုင်းပြည်ကို စကစ ဘယ်လိုဖျက်စီးခဲ့သလဲ (ဖျက်ဆီးသဖြင့် ပျက်စီးသွားပြီ။) 2. ဆရာ ကျွန်မအသက်က ၂၈ပါ။ ကျွန်မအခုဖြစ်နေတာက စီးစပ်ခုံက အောင့်လိုက်ပျောက်လိုက်ဖြစ်နေပါတယ်။ (ဆီးစပ်လို့ ရးရတယ်။) 3. ဆရာရှင့် ကျွန်မအသက် ၃၆ နှစ်ရှိပါပြီရှင်။ ဆရာရှင့် စီးစစ်တန်နှင့် စစ်တာ ကလေးမရှိဘူးပြနေတယ်။ (ဆီးစစ်တံလို့ ရးရတယ်။) 4. မန္တလေးမြို့ကပါဆရာ။ စီးသွားရင်လည်း တခါခါအဖြူရောင်တွေထွက်ပြီးမှ ပုံမှန်တိုင်းပြန်ဖြစ်သွားတယ်။ (သေး၊ ကျင်ငယ်ကို စီး လို့ မရေးရပါ။ ဆီး လို့သာရေးရတယ်။ 5. နောက်ထပ်လွဲကြတာရှိသေးတယ်ဆရာ ပျက်စီး နဲ့ ဖျက်ဆီး 6. ဟုတ် ယောက္ခမနှစ်ဦးစလုံး ပျက်ဆီးကုန်ကြပါပြီ (ပျက်စီးကြပြီလို့ရေးရတယ်။) 7. ကျန်းမာရေးအဓိကထား ယနေ့ ကန်တပါတ် တနာရီကျော်ခရီးပေါက်။ ရောက်သည့်နေရာ ကြည့်နူးခံစားမျှဝေမိပါတယ်။ လူတိုင်းကျန်းမာ စိတ်လက်ကြည်သာပန်းဖြေနိုင်ရန်တွက် သဘာဝအလှတရားများ မပျက်ဆီးထိန်းသိမ်းနိုင်သောစွမ်းအားစေတနာ များစွာမြင်တွေ့ရလို့ ဝမ်းသာ/ဝမ်းနည်းခံစားမိ။ 8. မပျက်စီးလို့ ရေးရ။ အားနာစရာလူမဟုတ်လို့ ပြင်ဦးမယ်။ ကျန်သတ်ပုံတွေ...

(ဇေယျ) ရောမမြို့ကြီး အလွန်ကြီးကျယ်သည်။ လွန်ခဲ့သည့် နှစ်ပေါင်း ၂၀၀၀ ကျော်၊ ၃၀၀၀ လောက်က စ၍တည်ခဲ့သည်။ လန်ဒန်မြို့ကြီး အလွန်ခမ်းနားသည်။ တမြို့တည်းတွင် လူဦးရေ ၈၀၀၀၀၀၀ လောက်နေသည်။ - မကြာမီက တောပိုင်းမှ လူတယောက် အိမ်သို့ လာရောက် တည်းခိုသွားဘူးလေသည်။ ကန်စွန်းနွယ်ဟာ မြန်မာ့မျက်ပွင့်စာအုပ်ထဲကဖြစ်ပါတယ်။ ကျွန်တော်တို့ ဆယ်တန်း (၁၉၆၄-၆၅) မှာ စိတ်ကြိုက်မြန်မာစာ ယူသူတွေသင်ရတယ်။  သိပ္ပံဘာသာတွဲယူရတဲ့ ကျွန်တော်က ငှားဖတ်တယ်။ ဖတ်လို့ အလွန်ကောင်းပြီး သတ်ပုံတွေလည်းမှန်တယ်။ ခုတော့ "မြန်မာ့မျက်တစ်" နေပြည်တော် မြို့တော်ကြီး အလွန်ကြီးကျယ်သည်။ ခေါင်းပေါင်းစ ရှေရှေချလို့၊ မိန်းမလှကိုရှာ။ ချောင်းကြည့်ပြုံးပြန်နှင့်၊ အတန်အတန် ဟန်တွေလုပ်ပေမဲ့။ ကျိုးယုတ်မည်သာ။   ။ ဒေါက်တာတင့်ဆွေ

ရှ = အရသာစူးသည်။ အနံ့မွှေး၍အရသာရှသောအတုံးအခဲကလေးများ။ စူးစူးရှ ဓားရှ အရသာရှ ရှလကာရည် ပုလင်းကွဲတွေရှ ရှတတ ရှခွကြီးရွာ၊ ပေါက်မြို့နယ် ခုတ်ရာတစ်ခြား၊ ရှရာတခြား  ခုတ်ရာတခြား ရှရာတစ်လွဲ - မှား။ ခုတ်ရာတခြား ရှရာတစ်ပါး - မှား။ ခုတ်ရာတခြားရှရာတစ်ခြား  - မှား။ ယှ မရှိပါ။ ဒေါက်တာတင့်ဆွေ

  ဆရာမောင်စိန်ဝင်း(ပုတီးကုန်း) ရဲ့ ကဗျာတပုဒ်ပါဗျ ဟုတ်။ ဆရာမောင်စိန်ဝင်း (ပုတီးကုန်း) ရဲ့ ကဗျာတွေကို သတ်ပုံမှန်တွေရော ပေါ်လစီသတ်ပုံတွေပါ တွေ့ရပါတယ်။ သတ္တိရှိသောသစ်တပင် မောင်စိန်ဝင်း (ပုတီးကုန်း) - ရန်ကုန်တက္ကသိုလ် နှစ်ငါးဆယ်ပြည့် စာစောင် ၁၉၇၀။ “ရန်ကုန်တက္ကသိုလ်” နှစ်ငါးဆယ်ပြည့်အထိ မြန်မာစာကို မှန်အောင် သင်ပေးခဲ့တယ်။ မှန်အောင် ရေးသီဖွဲ့ကြတယ်။ နှစ် ၁၀၀ မှာ “တစ်ကသိုလ်” အဖြစ် ပြောင်းလိုက်တယ်။ သတ္တိမရှိသော မြန်မာစာ။ ကန်တော့။ ယနေ့ခေတ်မှာ မြန်မာစာဟာ မွေးတုန်းကတော့ တယောက်ထဲ အသက်ကြီးမှ အမြွှာလိုလိုဖြစ်လာပါတော့တယ်။  တယောက်တည်းကလည်း နှစ်ကိုယ်ခွဲဖြစ်ရပြန်တယ်။ ပေါ်လစီဆိုတာ အဲလိုဘဲ အာဏာပိုင်တွေက ထင်သလိုလုပ်ကြတယ်။ သတ္တိရှိသောသစ်တပင် https://burmese-spelling.blogspot.com/2023/02/blog-post_68.html ဒေါက်တာတင့်ဆွေ

ဆယ်သောင်း သောင်းနှစ်ဆယ် ဆိုတာတွေကို ပြောပေးပါဦး ဆရာ။ ဂျပန်၊ ကိုရီးယားရောက် မြန်မာတွေအကုန်ပါ။ မြန်မာစကားမှာ ဆယ်သောင်း၊ သောင်းနှစ်ဆယ်၊ သောင်းသုံးဆယ် ရှိလားဗျ။ မရှိဘူးတော့ မဟုတ်ပါ။ တွက်စစ်ကြည့်လို့ ငွေပမာဏတူနေရင် မမှားပါ။ ယူအက်စေမှာ သောင်း၊ သိန်းနဲ့ ကုဋေ မသုံးပါ။ သုညအရေအတွက်ကသာ အရေးပါတယ်။ ဂဏန်းရေးနည်း • 100 = One hundred = တရာ • 1,000 (0 ၃ လုံး) = One thousand = တထောင် • 10,000 (0 ၄ လုံး) = Ten Thousand = ဆယ်ထောင် (တသောင်း) • 100,000 (0 ၅ လုံး) = One hundred thousand = တရာထောင် (တသိန်း) • 1,000,000 (0 ၆ လုံး) = One million = တသန်း • 10,000,000 (0 ၇ လုံး) = Ten million = ဆယ်သန်း • 1,000,000,000 (0 ၉ လုံး) = One billion တစ်ဘီလီယံ (သန်းတထောင်) • 1,000,000,000,000 (0 ၁၂ လုံး) = One trillion တစ်ထရီလိယန် (တထောင်ဘီလီယံ ) ဂဏန်းရေးနည်းစည်းမျဉ်းမှာ (,) ကော်မာကို ထောင်ဂဏန်းကစပြီးသုံးတယ်။ ကော်မာကိုမှန်အောင်ထားရင် ဖတ်တာနဲ့ တန်းသိမယ်။ ဆယ်ထောင်၊ တရာထောင် (တသောင်း)၊ တသန်း (တထောင်ထောင်)။ သောင်း၊ သိန်းနဲ့ ကုဋ္ဋေကို နိုင်ငံအတော်များများမှာ မသုံးပါ။ • 10,000 ကို Ten Thousand = ဆယ်ထောင်လို့သာရေးတယ်။ သောင်းလို...

မနေ့က ဓနထဲမှာပါလာတယ်။ အဲဒီထဲက ဒေါက်တာတင့်ဆွေက ဆရာဟုတ်ပါသလားရှင်။ ကျမက ဆရာလို့ ထင်ပါတယ်။ ဟုတ်ပါတယ်။ NCGUB ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရ သမိုင်းအကျဉ်း https://dr-tint-swe.blogspot.com/2020/12/ncgub.html NCGUB ယှဉ်ပြိုင်ခြင်းသည်အဓိက (သို့မဟုတ်) အဝေးရောက်အစိုးရ (Voice of Myanma အင်တာဗျူး) https://dr-tint-swe.blogspot.com/2021/12/ncgub.html Interview on my story ကျွန်တော့အကြောင်း အင်တာဗျူး (၁) Envoy journal interview အင်တာဗျူး https://dr-tint-swe.blogspot.com/2021/06/envoy-journal-interview.html Interview on my story ကျွန်တော့အကြောင်း အင်တာဗျူး (၂) (တို့ခေတ်သတင်းဂျာနယ်) https://dr-tint-swe.blogspot.com/2021/06/interview-on-my-story.html Interview on my story ကျွန်တော့အကြောင်း အင်တာဗျူး (၃) မွန်းတည့်နေ Bi Midday News Journal 20-1-2014 Interview https://dr-tint-swe.blogspot.com/2021/06/interview-on-my-story_30.html The Endings ဖျက်သိမ်းခြင်းများ https://dr-tint-swe.blogspot.com/2021/09/the-endings.html ပုံ ၂၀၁၄ ခုနှစ်မတိုင်ခင်က ကျွန်တော့် နယူးဒေလီ NCGUB ရုံးခန်း ဒေါက်တာတ...

မြန်မာစာကို ဖေါ်မြူလာတွေနဲ့ သင်နေတာ မမှန်ပါ။ မြန်မာစာပေါ်ကတည်းက ပုံသေနည်း မရှိခဲ့ပါ။ ဖေါ်မြူလာ ၁ = ရေတွက်လို့ရရင် တစ် - မမှန်ပါ။ ပိုက်ဆံ တပြား၊ တကျပ်၊ တမတ်၊ တဆယ်၊ တရာတန်တွေ တရားဝင်ထုတ်ခဲ့တယ်။ ဖေါ်မြူလာ ၂ = ခငဂဒေပဝ မောက်ချပါ။ ခင်-ငူ-ဂေါ-ဒေါ-ပုံ-ဝ ဝိုက်ချမသုံးရလို့အထိကတော့ မှန်သေးတယ်။ ကျန်တာတွေကို မောက်ချနဲ့ မရေးရသလို ထင်ပြီး မှားနေကြတယ်။  - ကာတွန်း၊ သတင်းခေါင်းစဉ်နဲ့ ကျောက်ပြားစာတွေမှာ အဆင်သင့်တဲ့ ရေးချကို သုံးပါတယ်။ - အဲဒီ (၆) လုံးထဲမှာ (ဓ) မပါ။ နောက်ထုတ် သတ်ပုံစာအုပ်သစ်တွေမှာ (ဓာ) လို့သာရေးခိုင်းတယ်။ မမှန်ပါ။ ဓါတ်ပုံလို့ ရေးလည်း မှန်တယ်။ ဓါ နဲ့ ဓာ မူကွဲသာဖြစ်တယ်။ ဖေါ်မြူလာ ၃ = မ နောက် ဘဲ လိုက်။ မမှန်ပါ။ ပဲ နဲ့ ဘဲ ကို အဆင်သင့်သလိုသုံးနိုင်တယ်။  - ဘဲအုပ်မှာ တရာနှစ်ရာ၊ ဗေဒါက တပင်ထဲ အယက်အကန်ခံလို့ ဗေဒါပျံအံကိုခဲ၊ ပန်းပန်လျက်ဘဲ။ (ဇော်ဂျီ) - သူငယ်ချင်းလို့ဘဲ ဆက်၍ခေါ်မည် ခိုင် (တက္ကသိုလ်ဘုန်းနိုင်) ဖေါ်မြူလာ ၄ = ကလေးဗူးမှုတ်တာကလွဲရင် ဘူး  မှားတယ်။ ဗူးဘုရား။ ဗူးသီး။ ဖေါ်မြူလာ ၅ = နှစ်မရှိတဲ့အတွက် တ နဲ့ရေး။ ဥပမာ တယူသန် ဘဲရှိတယ်။ နှစ်ယူသန် သုံးယူသန် မရှိ တဲ့။ မဟုတ်ပါ။ ဟိုအရင်ခေတ်က...

ရဟန်းတပါး ကမ္မဋ္ဌာန်းသမားတဦး အားလုံးအနိစ္စသဘောနဲ့ ကိစ္စချောကြပြီ။ ကောင်းရာမွန်ရာ လားကြပါစေသတည်း။ ဒေါက်တာတင့်ဆွေ

စာမျက်ရှု (တက္ကသိုလ်မောင်မောင်ကြီး) စာတအုပ်လုံး သတ်ပုံတွေ မှန်ပါသည်။ ကျွန်တော်တို့ ဆယ်တန်းနဲ့ တက္ကသိုလ်ကျောင်းသားဘဝမှာ အဲလိုစာတွေကို ဖတ်ခဲ့ရပါတယ်။ အခုခေတ် ပေါ်လစီသတ်ပုံတွေနဲ့ ရေးသားကြသူတွေဟာ တက္ကသိုလ်မောင်မောင်ကြီးတို့ ပါမောက္ခဦးချမ်းမြ (မြကေတု) တို့ထက် ပိုတော်ကြ တတ်ကြ သတ်ပုံမှန်ကြတယ်လို့ မထင်ပါ။ ကန်တော့။ ဒေါက်တာတင့်ဆွေ