တို့စာ တို့စကား တို့တိုင်းပြည်

၂၀၂၄ ခုနှစ် သြဂုတ်လဟာ မြန်မာသက္ကရာဇ် ၁၃၈၆ ခုနှစ်၊ ဝါဆိုလဆုတ် ၁၂ ရက်နေ့ကနေ ဝါခေါင်ဆုတ် ၁၂ ရက်နေ့အထိ ကျတယ်။  သြဂုတ်လကို အရင်က လက်တင်ဘာသာနဲ့ Sextili ဆက်စတီလီလို့ခေါ်ခဲ့တယ်။ အဲဒီခေတ်တုံးက တနှစ်မှာ ၁ဝ လသာ ရှိပြီး၊ ဒီလက ဆဋ္ဌမမြောက်လမို့ ခေါ်တာဖြစ်ပါတယ်။ ဘီစီ (၈) ရာစုရောက်မှ Augustus သြဂတ်စတပ်ကို ဂုဏ်ပြုပြီး သြဂတ်စ်လ ဖြစ်လာတယ်။ သူဟာ ရိုမန်အင်ပါယာကို တည်ထောင်ခဲ့သူဖြစ်တယ်။ သြဂုတ်လ အမှတ်တရနေ့များ • ၁ ရက်နေ့ ဆွစ်ဇာလန် အမျိုးသားနေ့ • ၆-၈-၁၉၆၂ ဂျမေကာလွတ်လပ်ရေးနေ့၊ • ၈-၈-၁၉၈၈ မြန်မာနိုင်ငံမှာ ဒီမိုကရေစီရေး လူထုအုံကြွမှုကြီးနေ့ • ၉ ရက်နေ့ စင်္ကာပူ အမျိုးသားနေ့၊ • ၁၄-၈-၁၉၄၇ ပါကစ္စတန်လွတ်လပ်ရေးနေ့ • ၁၅-၈-၁၉၄၇ အိန္ဒိယလွတ်လပ်ရေးနေ့ • ၁၇-၈-၁၉၄၅ အင်ဒိုနီးရှားလွတ်လပ်ရေးနေ့ • ၂၄-၈-၁၉၉၁ ယူကရိန်းလွတ်လပ်ရေးနေ့ • ၂၇ ရက်နေ့ မိုလ်ဒိုဗာ အမျိုးသားနေ့ • ၃၁ ရက်နေ့ မလေးရှား အမျိုးသားနေ့ • Edinburgh Festival အီဒင်ဘတ်အနုပညာပွဲတော် (သြဂုတ်လ တလလုံး) ကျန်းမာရေးအသိပညာပေးများ • National Immunization Awareness Month အမျိုးသား ကာကွယ်ဆေးထိုးလ • National Psoriasis Awareness Month အမျိုးသား ဆိုရီယေးဆစ်ရောဂါ အသိပေးလှုံ့ဆော်ရေးလ • N

တင်ထားတဲ့စာ = ဗူး ဘူး ဖူး ကွန်မင့်တခု = ဦးတင့်ဆွေ ခင်ဗျာ တည့်တည့်ပြော ဝေ့မနေနဲ့။ စာရေးနည်း စကေားပြောနည်းဆိုတာ တယောက်တမျိုးရှိကြတယ်။ ကိုယ့်မူနဲ့ကိုယ်ရှိကြတယ်။  ကျွန်တော်လို သာမန်လူမျိုးသာမက အထင်ကရဆရာတော်ကြီးတွေ တရားဟောနည်းတွေ မတူကြပါ။ ဟောတာကတော့ သံသရာလွတ်ရေးပါဘဲ။ တချို့ကို တည့်တည့်၊ တချို့ကို ချန်ပြောတယ်။ ကဗျာတွေ စုံထောက်ဝတ္တုတွေလည်း အဲလိုဘဲ။ တွေးယူရတယ်။ သရော်စာရေးနည်းကလည်း မတူကြပါ။ ပညာပေးစာရေးတာလည်း မတူကြပါ။ စာဖတ်သူ၊ စကားပြောတာနားထောင်သူတွေထဲမှာ တထွာပြ တလံမြင်သူတွေလည်းရှိတယ်။ သူငယ်တန်းကျောင်းသူကျောင်းသားကို ရိုးရိုးရှင်းရှင်းသင်ပေးကြရတယ်။ ကောလိပ်မှာတော့ ကျောင်းသူကျောင်းသားတွေကို ကိုယ်တိုင်တွေးစေပါတယ်။ ဖေ့စ်ဘွတ်ကြီးမှာ အတန်းသတ်မှတ်ထားမှု မရှိပါ။  တခါတခါ ရှင်းပြပါဦးဆိုကြတယ်။ ဆေးပညာစာတွေကိုတော့ လိုအပ်ရင် ရှင်းပြပါတယ်။ ဆောရီး။ ကျွန်တော်က စာရေး ညံ့တယ်။ ဒေါက်တာတင့်ဆွေ

လယ်တီပဏ္ဍိတဦးမောင်ကြီးအမ်အေ၏ တပင်ရွှေထီး ဝတ္ထုတော်ကြီး  တစ်ပင်ရွှေထီး မြန်မာလိုရေးတဲ့ ဝီကီပီးဒီယားမှာ လယ်တီပဏ္ဍိတဦးမောင်ကြီးထက် မြန်မာစာတော်သူ တတ်သူတွေလုပ်ကိုင်ကြ၏။ ဒေါက်တာတင့်ဆွေ

၁။ ဆရာ မြန်မာအဘိဓာန်လေးလိုချင်လို့ပါရှင့် ညီမလေးကိုပြန်သင်ပေးချင်လို့ပါ ပို့လိုက်ပြီ။ ၂။ မဂ်လာပါဆရာရှင့် မြန်မာ့အဘိဓာန်အကျဥ်းချုပ်ရလိုပါတယ် ဆရာရှင့် ပို့လိုက်ပြီ။ သတိတော့ ပေးပါဦးမည်။ ကလေးတွေကို မြန်မာစာ မှန်အောင်သင်ပေးရင် စာမေးပွဲကျမယ်။ အခုခေတ်ကျောင်းတွေမှာ သတ်ပုံမှန်အောင် မသင်ရ၊ မရေးရ၊ မဖြေရပါ။ ရုံးတွေမှာလည်း မှန်အောင်ရေးရင် အလုပ်ထိခိုက်မယ်။ ဘဏ်တွေမှာ ငွေသွင်းမရ ထုတ်မရဖြစ်မယ်။ မမှန်စေနဲ့။ ခေတ်မကောင်းသေးပါ။ ဖေ့စ်ဘွတ်ကတော့ လွတ်လပ်တယ်။ အမှားများလေ လိုက် များလေ။ ဒေါက်တာတင့်ဆွေ

“နီဝါစိမ်း” လေးကို အကြောင်းပြုလို့ အစဉ်အလာမပျက် မင်္ဂလာရက်မှာ ချစ်သော စာဖတ်ပရိတ်သတ်နဲ့ ချစ်သောသူများနဲ့ တွေ့ဆုံဖို့…သာကြောင်းမာကြောင်း မေးမြန်းဖို့.. တ​ယောက်နဲ့တယောက် အားပေး နှစ်သိမ့် အားတင်းကြဖို့ (Nu Nu Yiy Innwa) စာကို မှန်အောင်ရေးလို့ ကူးယူတင်ပြပါတယ်။ တခြားသူတွေက နုနုရည် အင်းဝ ရေးတဲ့ စာတွေကို တင်ကြတယ်။ သတ်ပုံတွေ မမှန်ပါ။ ဆောရီး။ နုနုရည် အင်းဝ နဲ့ လူချင်း မသိပါ။ ဆရာ ကိုလေး (အင်းဝဂုဏ်ရည်) နဲ့လည်း အီးမေးလ်ခေတ်ကသာ အဆက်အသွယ်လုပ်ရပါတယ်။ မြို့သာမှာ ဆရာဝန်လုပ်စဉ်က အင်းဝနဲ့ တံတားဦးကို အခေါက်ပေါင်းများစွာ ရောက်ပါတယ်။ အထက်တန်းကျောင်းဆရာတဦးကလည်း အင်းဝသား။ ဆေးကျောင်းသူငယ်ချင်းတယောက်ကလည်း တံတားဦးသား။ မြို့သာတိုက်နယ်ဆေးရုံလေးမှာ အရေးပေါ်ဆေးပစ္စည်းလိုတဲ့အခါ တံတားဦးမြို့နယ်ဆရာဝန် ဒေါက်တာကိုလေးဆီ လှမ်းပြီး အကူအညီတောင်းခဲ့ရတယ်။ ကျေးဇူး။ မြို့သာ၊ အင်းဝနဲ့ တံတားဦးဆိုရင် ရပ်ဆွေရပ်မျိုးတွေလို့ အောက်မေ့ပါတယ်။ နေကောင်းကြပါစေသတည်း။ ဒေါက်တာတင့်ဆွေ

တနိုင်ငံလား၊ တစ်နိုင်ငံလား ဆရာ။ စာတအုပ်နဲ့ တအုပ်၊ ဆေးတမျိုးနဲ့ တမျိုး၊ တကောင်နဲ့ တကောင်၊ တခွက်နဲ့ တခွက်၊ တဆိုင်နဲ့ တဆိုင်၊ တနှစ်နဲ့ တနှစ်၊ တနာရီနဲ့ တနာရီ၊ တနိုင်ငံနဲ့ တနိုင်ငံ၊ တပင်နဲ့ တပင်၊ တပါးနဲ့ တပါး၊ တယောက်နဲ့ တယောက်၊ တလှမ်းနဲ့ တလှမ်း၊ တအိမ်နဲ့ တအိမ်၊ တအုပ်စုနဲ့ တအုပ်စု၊  တဦးနဲ့ တဦး၊  ရောဂါတခုနဲ့ တခု၊ တရုပ်ဝန်ကြီးချုပ် ချူအင်လိုင်း ကွယ်လွန်တော့ ဗိုလ်နေဝင်းက စာတစောင်ရေးတယ်။ တစ်ဦးနဲ့ တစ်ဦး၊ တစ်နိုင်ငံနဲ့ တစ်နိုင်ငံ လို့ ရေးတာကို သတင်းစာတွေကို ပို့တယ်။ အယ်ဒီတာတွေက ပြုံးစိပြုံးစိ၊ တီးတိုးတီးတိုးသာ ပြောကြပြီး မပြင်ရဲကြလို့ သူရေးတဲ့အတိုင်း သတင်းစာမှာ ထည့်လိုက်ရတယ်။ နောက်တနေ့မှာ တနိုင်ငံလုံး ပြုံးကြရ၊ ရယ်ကြရဆိုပြီး အဲဒီ ခေတ်ကိုမီလိုက်တဲ့ မိတ်ဆွေစာရေးဆရာတဦးက ရေးထားတာရှိတယ်။ တကယ်လို့သာ ချူအင်လိုင်းမသေရင် တဝမ်းပူတွေ မလိုအပ်ဘဲ စသတ်ခံရမှာမဟုတ်ဘူးလို့ စာရေးဆရာက နိဂုံးချုပ်ထားပါတယ်။ မိတ်ဆွေစာရေးဆရာ ယူအက်စ်အေမှာ နေတယ်။ တခါတခါ ဖုန်းဆက်ပြီး စကားပြောကြပါတယ်။  ဦးဝင်းအောင်ကြီး ခေါ်  မောင်အောင်မွန် ကောင်းပါစေ။ အစိုးရပြောင်းလို့ အဘိဓာန်ပါပြောင်းတာ မြန်မာတနိုင်ငံတည်းသာရှိတယ်။ ဒေါက်တာတင့်ဆွေ

မြန်မာစာသတ်ပုံတွေပြောင်းတဲ့ တရားခံဟာ ဗိုလ်နေဝင်းပါလို့ ပြောသူက များတယ်။ လက်ညှိုးတဒါဇင် ရှိပါကြောင်း ရေတွက် တင်ပြထားပါတယ်။ ဗိုလ်နေဝင်းက မြန်မာစာပညာရှင် မဟုတ်ပါ။ သူက အာဏာရှင်။ တတ်တဲ့သူတွေကို ရေးစေတယ်။ တတ်တဲ့သူတွေဆိုတာ ကုလားထိုင်နေရာ ရထားသူတွေ။ သူခိုင်းသလို လိုက်လုပ်ပေးတော့ ကုလားထိုင်နေရာ မြဲကြတယ်။ ၂၀၀၈ ဖွဲစည်းပုံလက်ရာ ဗိုလ်သန်းရွှေလို့ ပြောကြစမြဲ။ ဗိုလ်သန်းရွှေက ဥပဒေတွေ မတတ်။ တတ်တဲ့သူတွေကို ရေးစေတယ်။ တတ်တဲ့သူတွေဆိုတာ ကုလားထိုင်နေရာ ရထားသူတွေ။ သူခိုင်းသလို လိုက်လုပ်ပေးတော့ ကုလားထိုင်နေရာ မြဲကြတယ်။ ၂၀၂၁ တတိယအကြိမ်အာဏာသိမ်းတော့ အရပ်သားတချို့ကို စကစ ထဲထည့်တယ်။ အရပ်သား ၂ ယောက်ကို ပီအာ ရေးစေတယ်။ ရွေးကောက်ပွဲကလည်း မဟန်၊ ပီအာ လည်းအိမ်ပြန်ရပြီ။ တရားခံဆိုတာ အာဏာဆုပ်ကိုင်ထားကြသူတွေ။ မြန်မာစာနဲ့ ဘာသာရေးမှာ ခိုင်းသလိုလုပ်သူတွေ ကုလားထိုင်နေရာမြဲကြတယ်။ ဒေါက်တာတင့်ဆွေ

အောင်လင်းရဲ့ ညပေါင်ငါးရာ စာအုပ်ကပါဆရာ။ အဆင်ပြေမယ့်ထင်တာလေးတွေ ရိုက်ပို့လိုက်ပါတယ်ဆရာ။ ကျေးဇူး။ ရက်ပေါင်း တထောင် စာရွက်တရွက် ခလေးတယောက် သားတယောက် တခြားမိဘတွေ ဇနီးအတွက် စာတရွက် တချို့မိတ်ဆွေ တဖွားဖွား မူရင်းအတိုင်း ပြန်ထုတ်လို့မရတော့တဲ့ အောင်လင်းရဲ့ စာအုပ် မှားအောင်ပြင်ထုတ်တဲ့ မူရင်းစာအုပ်တွေကိုသာ ဖတ်ဖူးသူတွေက အောင်လင်း မြန်မာစာကို မှန်အောင်မရေးတတ်သူလို့ ပြောဆိုနေကြပါပြီ။ ဆောရီးပါ အောင်လင်းခင်ဗျား။ ခေတ်ဆိုတာ မှန်နေတာကို မှားအောင်လုပ်ရပါသတဲ့။ ဒေါက်တာတင့်ဆွေ ၃၀-၇-၂၀၁၉

သင်ပုန်းကြီးဆိုတာ မြန်မာစာ သင်ကြားခြင်းရဲ့ အခြေခံဖြစ်တယ်။ ဦးကျည်ပွေ့ကစတင်ခဲ့တယ်လို့ ဆိုပါတယ်။ ခေတ်အလိုက် သင်ပုန်းကြီးကို ပြောင်းရေးကြရတယ်။ အခြေခံထဲမှာ အခြေခံအကျဆုံးအချက်ကို သတိပြုရပါမယ်။ သင်ပုန်းကြီးပါလင်္ကာတွေကို ဖတ်ပါ။ က ကနေ အ ထိမှာ ဘယ်စာလုံးမှ ရေးချ၊ လုံးကြီးတင်၊ အသတ်၊ အောက်မြစ်၊ တချောင်းငင်၊ နှစ်ချောင်းငင်၊ သေးသေးတင်၊ စတာတွေ မပါရပါ။ က ကို က စာလုံး သုံးတယ်။ ခ ကို ခ စာလုံး သုံးတယ်။ ကဇွန်းက မှန်ပြီး၊ ကန်ဇွန်း မမှန်ပါ။ စပယ်မှန်ပြီး စံပယ် မမှန်ပါ။ ခေတ်သုံးခေတ် သင်ပုန်းကြီးဖတ်စာ (၁) ဆရာ မင်းသုဝဏ် က-ကစွန်းပင်၊ ရေမှာရွှင်။ ခ-ခရမ်းသီး၊ ဓါးနဲ့လှီး။ ဂ-ဂဏန်းကောင်၊ လက်မထောင်။ င-ငပုဏ္ဏား၊ ဟင်းချက်စား။ စ-စပယ်ဖြူ၊ မွှေးကြူကြူ။ ဆ-ဆရာကြီး၊ ခေါင်းလောင်းတီး။ ဇ-ဇလားမှာ၊ ဆန်ထည့်ပါ။ ည-ညနေခင်း၊ လေညင်းညင်း။ တ-တယောသံ၊ တညံညံ။ ထ-ထရံထက်၊ အိမ်မြှောင်တက်။ ဒ-ဒရယ်ဖို၊ (ဂျို)ချိုတိုတို။ ဓ-ဓနိငုတ်၊ ဓါးနဲ့ခုတ်။ န-နဖားမှာ၊ ကြိုးလျှ ို ပါ။ ပ-ပလူတွင်း၊ ပုရွက်ဆင်း။ ဖ-ဖယောင်းတိုင်၊ ကြာပန်းခိုင်။ ဗ-ဗလုံထိုး၊ တို့ချောင်းရိုး။ ဘ - ဘယက်မှာ၊ ဒေါင်းရုပ်ပါ။ မ-မရန်းသီး၊ ဆားနဲ့မြည်း။ ယ-ယမနေ၊ သစ်ကောင်းပေ။ ရ-ရထားလှည်း၊ မြင်းနွားဆွဲ။

၁၉၆၅ ခုနှစ်က မြန်ပြည်မှာ တရားသူကြီးတွေအထက်မှာ ခလအ ရှိခဲ့သည်။ အမေရိကန် သမတ ဒေါ်နယ်ထရမ့် လက်ထက်မှာ တရားသူကြီးတွေကို စိတ်ကြိုက်ဆွဲခန့်လုပ်သည်။ သူ့အမှု ၃၄ ခုက လွတ်မည်။ မြန်မာပြည်သည် ယူအက်စ်အေနှင့် တူ၏။ ပုံအတွက် ကျေးဇူး။ ဒေါက်တာတင့်ဆွေ

တခုမှာ တခါထဲ ဆရာမောင်စိန်ရဲ့ကာတွန်းတွေ ၅ ပုံ ၁ ပုံကို သတ်ပုံပြင်တင်နေကြတယ်။ ဒေါက်တာတင့်ဆွေ

အိမ်ပြန်ခရီး တိမ်ယာဉ်စီးလို့ မနီးတဲ့ဌာနေဆီ အတွေးမျှင်တန်း။ ကျောင်းအပြန် ဒေါင်းအလံ နှစ်ခုကြား မွေးဖွားတဲ့ လူသား အားကျနှင့် အားပေး တွေးလို့ရည်မှန်း။ ကျွန်တော်က လွတ်လပ်ရေးဒေါင်းအလံကိုမမီ၊ ဒီမိုကရေစီဒေါင်းခေတ်ကျ အသက်ကရနေပြီ။ ဂျိုးဘိုင်ဒင် က နောက်မှ။ မျိုးဆက်သစ်တွေ နေကောင်းကြပါစေ။ ဒေါက်တာတင့်ဆွေ

ပို့စ်တခု = တတိယနိုင်ငံအတွက် တလရ ဗန်းပြပြီး သွားချင်တဲ့ လူတစုက ထိုင်းမှာတင် အယောက် ၈၀၀၀ ကျော်ရှိနေတာလေ။ သွားရဖို့လဲမမျှော်လင့်ပါဘူး။ ရဲဘော်သုံးကျိပ်ခေတ်ကတည်းက အဲလိုဘဲ။ ကျွန်တော့ကို အိမ်ကိုလာဖမ်းတော့ ထွက်ပြေးရတယ်။ အနှစ် ၃၀ ကျော်တဲ့အထိ ပြည်ပြေး၊ ကြောက်ပြေးဆိုပြီး ပြောကြတယ်။  အဲလိုပြောသူတွေအခု ယူအက်စ်အေ၊ ဥရောပ၊ ကနေဒါနဲ့ သြစတေးလျ ရောက်နေကြပြီ။ ယူအင်အိတ်ချ်စီအာ ဆိုတာကလည်း ပုံပြောကောင်း၊ စာစီစာကုံးအရေးကောင်း၊ သရုပ်ဆောင်ကောင်းသူတွေပြီးမှ ဒီမိုကရေစီတွေက နောက်ကနေ တန်းစီရတယ်။ ဂျပန်တော်လှန်ရေးကနေ ဖက်ဆစ်တော်လှန်ရေးခေတ် အစစ်ရောက်နေပြီ။ ပြည်တွင်းမှာလည်း အုန်းပင်တက်လက်မှတ်ရထားသူတွေ များတယ်။ ပြည်တွင်း ပြည်ပမှာ လည်ပင်းစာဆွဲမထားရင် ဘယ်သူက ဘယ်လို မသိနိုင်ဘူး။ ဒေါက်တာတင့်ဆွေ

သူငယ်ချင်း ဆရာဝန်တယောက်က သူငယ်ချင်း ဆရာဝန်တယောက်ရဲ့မွေးနေ့အတွက် ဆုတောင်းပေးတာတင်တယ်။ သူငယ်ချင်း အမျိုးသမီးဆရာဝန်တယောက်က သူ့သားမွေးနေ့မှာ ကုသိုလ်ပြုတာကို တင်ထားတယ်။ သူငယ်ချင်း အမျိုးသားဆရာဝန်တယောက်က ဒုလ္လဘဝတ်ပြီး သာသနာအမှုထမ်းတယ်။ သူငယ်ချင်း အမျိုးသမီးဆရာဝန်တယောက်က သူ့မွေးနေ့ ဘုန်းကြီးကျောင်းတခုမှာ ကုသိုလ်ပြုတယ်။ သူငယ်ချင်း အမျိုးသားဆရာဝန်တယောက်က ချက်ပြုတ်ကြော်လှော်တဲ့ပုံတွေ တင်တယ်။ မီးဖိုထဲမှာက သူ့ဇနီး ကျွန်တော်တို့ရဲ့ သူငယ်ချင်း အမျိုးသမီးဆရာဝန်။ အခုခေတ်မှာ 'ဖရင်း' လို့ခေါ်သူတွေက 'ပဲ' နဲ့ 'ဘဲ' ကို အမိန့်အတိုင်းသာ လိုက်ရေးကြတယ်။ ဒေါက်တာတင့်ဆွေ

ကျွန်တော့၏ အဖိုးအဖွားများက တောင်သူတွေဖြစ်ကြပါတယ်။ ကျွန်တော်ကတော့ စိုက်ရေးပျိုးရေးအကြောင်း အတော်ကို မသိပါ။ မေးမြန်းလေ့လာ အတုယူပြီး အိမ်မှာ မီးဖိုချောင်သုံး စားသုံးပင်လေးတွေ စိုက်ပါတယ်။ ကိုယ်တိုင်တော့ မဟုတ်။ ဇနီးက ပျိုးပင်ပေါက်လေးတွေ၊ မြေဆွေးဝယ် စိုက်တယ်။ ကျွန်တော်ကတော မြေကိုတူးဆွ၊ ရေလောင်းပေးတာလာက်သာ လုပ်ပါတယ်။ သမီးတို့ပြန်ရောက်လာတော့ ကျွန်တော်က ရေလောင်း ပေါင်းသင်တာတောင် လုပ်စရာမလိုတော့ဘဲ၊ စိုက်ပျိုး၊ ပြုစု၊ ဆွတ်ယူ၊ ချက်ပြုတ်တာကိုသာ ထိုင်စားပါတော့တယ်။ စားသုံးပင်တွေက တနှစ်နဲ့တနှစ် ဖြစ်ထွန်းအောင်မြင်တာ မတူပါ။ ဟိုတနှစ်က ငရုတ်သီးစိမ်းတွေ ဆွတ်လို့တောင် မနိုင်အောင် အဖြစ်သန်တယ်။ တမြန်နှစ်က ကစွန်းပင်၊ မနှစ်က ရုံးပတီးပင်တွေ ဖြစ်တယ်။ ဒီနှစ် ကြက်ဟင်းခါးနဲ့ ချဉ်ပေါင် အလှည့်ကျတယ်။ မိုးနဲ့ နွားကိုသာ အားကိုးနေကြရတဲ့ မြန်မာပြည်ကတောင်သူတွေရဲ့ဘဝကို ပိုပြီးစာနာမိပါတယ်။ တောင်သူလယ်သမားတွေ နေကောင်းကြပါစေ။  မိုးလည်း သဘောကောင်းပါစေသည်း။ ဒေါက်တာတင့်ဆွေ

ကွန်မင့်တခု = လူတွေ ဘယ်လိုပြောင်းပြောင်း အဲ့လူတွေက (နိုင်ငံတော် အစိုးရ အသိအမှတ်ပြု) ပညာရှင်တွေ မဟုတ်လား ဆရာ။ မြန်မာပြည်မှာ အင်္ဂလိပ်လက်ထက်ကတည်းက အစိုးရတွေ အမျိုးမျိုးရှိတယ်။  ဂျပန့်ခေတ်မှာလည်း တမျိုး။  ဖဆပလခေတ်မှာလည်း တမျိုးမက။  မဆလ ခေတ်မှာ သမတတွေသာပြောင်းပေမဲ့ အစိုးရအမျိုးအစား တမျိုးသာရှိတယ်။  စစ်တပ်ကအာဏာသိမ်းတော့ တော်လှန်ရေးကောင်စီ၊ နဝတ၊ နအဖ၊ စကစ အမျိုးမျိုး။  လွှတ်တော်အစိုးရ ၁၀ နှစ်မှာလည်း အစိုးရ ၂ မျိုး။  အစိုးရအရာရှိတွေကို တက်နေတဲ့အစိုးရတွေက ခန့်တယ်။ အရင်အရာရှိအဟာင်းတွေကို ပြောင်းခန့်တယ်။ အရာရှိတွေသာမကပါ ဆရာတော်တွေကိုလည်း အစိုးရခန့်တယ်။ အစိုးရခန့်တိုင်းဟာ အမှန်တွေ ဟုတ်ချင်မှ ဟုတ်ပါမယ်။ တချို့မှန်၊ တချို့မှား၊ တချိုု့တော်၊ တချို့ညံ့။ တချို့တတ်၊ တချို့ကပ်ဖား။ တချို့ဆရာတော်တွေ ကြည်ညိုဖွယ်ကောင်း၊ တချို့ဆရာတော်တွေက ပြောင်းပြန်။ ဝါးလုံးသိမ်းကောက်ချက် ဆွဲမရပါ။ အထက်အမိန့်တိုင်းကို မှန်တယ်၊ ကောင်းတယ်လို့ ပြောမရနိုင်ပါ။ မြန်မာစာကိုတင်ပြတော့ တချို့က အစိုးရခိုင်းတာတိုင်းက မှန်တယ်၊ တရားဝင်တယ်လို့ပြောကြတယ်။  ကျွန်တော်ကတော့ သဘောမတူ။ ကျွန်တော့မှာ အာဏာမရှိပါ။  အာဏာနဲ့ခိုင်းရင် ဤ လည်း ကျွဲ၊ ကျွဲ လည

ဆရာခင်ဗျ "မရမ်း"လို့ရေးရင် မှားလားဗျ။ အခုနောက်ပိုင်း "မရမ်း"လို့စားလုံးပေါင်းထားတာတွေ့ရလို့ပါခင်ဗျ။ ကဝိဓဇသတ်ပုံကျမ်း  မရန်း။ မြန်မာအဘိဓာန် အကျဉ်းချုပ် (၁၉၇၉) မရန်းစေ့ရောင် မရန်းပင် မရန်းပြား ရှင်ဥတ္တမကျော် တောလား ပုံနှိပ်မူ ၂ မျိုးတွေ့တယ်။ တခုမှာ မရန်း၊ နောက်တခုမှာ မရမ်း။ တိမ်ညိုမိလ္လာ၊ တိမ်စူကာနှင့် တိမ်ပြာရောရှက်၊ မရန်း(မရမ်း) ဖက်၍  တိမ်သက်တန့်ရောင်၊ အဝါပေါင်ဝယ် မှောင်ခဲ့တခါ၊ ပြာခဲ့တချို့ ညှိုခဲ့တလီ၊ ရီခဲ့တဖုံ မှုန်ခဲ့တချက် ယုဂန်ထက်က၊ လေးဖက်လုံးခြုံ တိမ်ဂဠုန်လည်း၊ နဂါရုံကြွေ့ ခိုးငွေ့လွှတ်ပြိုင်၊ ဂုဏ်ချင်းဆိုင်ခဲ့။ ဒေါက်တာတင့်ဆွေ

  ကြည့်စမ်းအဆွေ၊ မြစ်ကမ်းခြေဝယ် စိုပြေနုလွင်၊ သစ်တပင်လျှင် တပင်ထီးတည်း၊ ဖော်မမှီး၍ လေကြီးဆောင်ရာ၊ ကျိုးပျက် ပါသည် မြစ်ညှာမြေမှ ပြုတ်ပြီတကား။ ဟိုမှာတင့်တယ်၊ တောအဆွယ်မူ မြနှယ်စိမ်းသွင်၊ သစ်ညိုပင်တို့ ပင်အထပ်ထပ်၊ ပေါင်းစုရပ်သော် တိုက်ခတ်ညိုးညံ၊ မုန်တိုင်းထန်လည်း တော်လှန်ဝံ့စား၊ စွမ်းအင်အားနှင့် မားမားတံ့တံ့ ၊ ခိုင်ခံ့ခံ့သည် ကြံ့ကြံ့ရပ်တည် နိုင်ကြ၏။ (မင်းယုဝေ) (ငွေတာရီမဂ္ဂဇင်း၁၉၆၁ သြဂုတ်လ) Listener's Heaven Audiobooks - အသံစာအုပ် မင်းယုဝေခင်ဗျား အခုတော့ သစ်တပင်မရှိတော့ပါ။  တပင်ထီးတည်း၊ ဖော်မမှီး၍မရတော့ပါ။ ဒေါက်တာတင့်ဆွေ

ပုံထဲက 'တညတုန်းက' ပုံနှိပ်မူက သိန်းဖေမြင့်စာအုပ်ကဖြစ်ပါတယ်။ တင်ထားတာတခုမှာ 'တစ်ညတုန်းက' လို့ ပြင်ထားတယ်။ ကြည်အေးက 'ညတည' လို့ ရေးတယ်။ နိုင်ဝင်းဆွေက 'နွေတည' လို့ရေးတယ်။ ကျွန်တော့ရဲ့ 'တညတုန်းက' တွေက များတယ်။ ဒေါက်တာတင့်ဆွေ

မနေ့ညက 'ကမ္ဘာမှာ အဖြစ်များနေတဲ့ အသည်းရောင်ရောဂါကို ဘယ်လိုကာကွယ်မလဲ' ပညာပေးဆောင်းပါးကို ဘီဘီစီမြန်မာစာမျက်နှာကနေ ကူးယူတင်ပြခဲ့ပါတယ်။ သတ်ပုံတွေမှန်လို့လည်း ကွန်ဂရက်ကျူလေးရှင်းလို့ ရေးပါတယ်။ အခုမနက်မှာ 'အသည်းပျက်ဆီး' နဲ့ 'အသည်းပျက်စီး' မှားနေတာကို ဆရာဝန်တဦးက ထောက်ပြတယ်။ ကျေးဇူး။ တင်ထားတဲ့နေရာ ၅ နေရာလုံးကို လိုက်ပြင်ရတယ်။ ဆရာဝန်က သူငယ်ချင်း ရှမ်းလူမျိုး။ ကျွန်တော်က သဘောကျလို့ ကူးယူတင်ပြတိုင်းမှာ မတင်ခင် 'တ' နဲ့ 'တစ်' ကိုသာစစ်မိတယ်။ မြန်မာစာ ပျက်စီးနေတာ 'တ နဲ့ တစ်' သာ မဟုတ်ပါ။ ဖျက်ဆီးလို့ ပျက်စီးသွားပြီ https://burmese-spelling.blogspot.com/2022/08/blog-post_578.html ဒေါက်တာတင့်ဆွေ

ကွန်မင့်တခု = မြန်မာစာကို ရှေးအစဉ်အဆက် ပညာရှင်တွေက ကိုယ့်အမြင်နဲ့ကိုယ် အမှန်ယူ ရေးနေကြတာမျိုး ရှိခဲ့ကြပါတယ်။ နောက်ပိုင်း အဲ့လိုတွေ မဖြစ်ရအောင် မြန်မာစာ သတ်ပုကို စည်းကမ်းစနစ်တကျ ရေးသား နိုင်ကြစေရန် နိုင်ငံတော်အစိုးရကမြန်မာစာ တတ်သိ ပညာရှင်များကို စုဖွဲ့ပြီး မြန်မာစာအဖွဲ့ ဖွဲ့စည်းကာ "မြန်မာစာ သတ်ပုံ အဘိဓာန်" ကို ပြဌာန်း ထုတ်ဝေပြီး စာသင်ကျောင်းတွေမှာ အထိ လိုက်နာ သင်ကြား စေခဲ့တာပါ။ ဒါကြောင့် ဆန်စင်ရာ ကျည်ပွေ့ မလိုက်ဘဲ မြန်မာစာ သတ်ပုံ အဘိဓာန်ကိုသာ လေ့လာအတည်ပြု ရေးသားသင့်ပါကြောင်း။ ကျေးဇူး။  ဆန်စဉ်ရာ ကျည်ပွေ့မလိုက်လို့ ရေးရတယ်။ မြန်မာသတ်ပုံကျမ်းသမိုင်းကြောင်းနဲ့ အဘိဓာန်စာရင်းကို ၄ ကြိမ်လောက်တင်ပြထားပါတယ်။  အသင်းအဖွဲ့တွေ၊ ရာထူးရှိသူအမည်တွေ အမည်တူပေမဲ့ လူမတူတော့ပါ။ ဥပမာ သမတတွေ ပြောင်းသလိုပါဘဲ။ ပညာရှင် နဲ့ အရာရှင် (အရာရှိ) အကြောင်းကိုလည်း ၂ ခါလောက် တင်ပြထားပါတယ်။ လယ်တီဒီပနီ ကျမ်းအမည်တူတွေရှိတယ်။ နောက်ထုတ်တွေမှာ မူရင်းကျမ်းစာအုပ်ပါ သတ်ပုံတွေကို ပြင်ထားတယ်။ သတ်ပုံတွေပြင်ရင် တရားစာကိုလည်း ပြင်ကောင်းပြင်မယ်။  မြန်မာ့စွယ်စုံကျမ်းတစုံကို ပီဒီအက်ဖ်ဖိုင်တွေနဲ့ တင်ထားကြတယ်။ မူရင်းအတိုင်း မှန်အေ

ပို့စ်တခုကို တဝက်တပျက် တင်ပြပါမယ်။ ဘာ ဗျူး ချိုင်းနားဗျူးပါ ဘုရား။ ဘာ ကုက္ကို  ရွှေ ကုက္ကိုပါ ဘုရား။ ထိုင်းမှာနေသူက ထိုင်းနယ်စပ်အခြေအနေတွေကို ပိုသိတယ်။ ကျွန်တော်ကတော့ အိန္ဒိယမှာ ၂၄ နှစ်နေခဲ့သူ။ တိဘက်အရေးကို ပိုသိတယ်။ ဒလိုင်းလားမားကနေ တိဘက်လွှတ်တော်၊ တိဘက်အမတ်၊ တိဘက်လူငယ်၊ တိဘက်အမျိုးသမီး စတာတွေနဲ့ အလွန်ခင်မင်ရင်းနှီးတယ်။ တိဘက်ကို တရုပ်က ၁၉၅၀ ခုနှစ်ကနေစသိမ်းယူတယ်။ ၁၉၅၉ ခုနှစ်မှာ ဒလိုင်းလားမား လာဆာမြို့တော်ကနေ အိန္ဒိယကို ထွက်ပြေးရတယ်။ ကနေ့အထိ။ ပြီးခဲ့တဲ့ရက်ပိုင်း နိုင်ငံတကာသတင်းတွေအရ တရုပ်က တိဘက်ကို တရုပ်အသွင်းပြောင်းရေး မဟာစီမံချက်အတိုင်း ထပ်တိုးလုပ်ဆောင်နေပါသတဲ့။ US Commission Highlights China’s Growing ‘Sinicization’ of Tibetan Buddhism https://tibet.net/us-commission-highlights-chinas-growing-sinicization-of-tibetan-buddhism/ တိဘက်ဘာသာရေး၊ တိဘက်ယဉ်ကျေးမှုသာမက တိဘက်စာနဲ့ တိဘက်စကားကိုလည်း ဖျက်နေပြီ။ အားလုံး တရုပ် တရုပ် တရုပ်။ မြန်မာပြည်လည်း 'မိဒ်အင်ချိုင်းနား' လုပ်နေတာ ကြာပြီ။ မြန်မာစာနဲ့ မြန်မာစကားလည်း လာပါလိမ့်မယ်။ စာလုံးပေါင်းသတ်ပုံတွေအကြောင်း တရုပ်ကြီးက လုံးဝမပြောင်းခင်လေးတ

မရန်းရောင် ဒေလီယာပန်း။ အသံထွက်နည်းနည်းကွဲတယ်။ Dahlia ဒါလီယာ။ Purple ကိုလည်းခရမ်းရောင်၊ Violet ကိုလည်း ခရမ်းရောင်လို့ ဘာသာပြန်တယ်။  Purple Sunbird က နှံပြီစုတ်ငှက်။ Purple mangosteen ကို မင်းဂွတ်သီးတဲ့။ Eggplant (brinjal) ခရမ်းသီး၊  Gandaria မရန်းသီး။ တိမ်ပန်းချီ တိမ်ညိုမိလ္လာ၊ တိမ်စူကာနှင့် တိမ်ပြာရောယှက်၊ မရန်းဖက်၍ တိမ်သက်တန့်ရောင်၊ အဝါပေါင်ဝယ် မှောင်ခဲ့တခါ၊ ပြာခဲ့တချို့ ညိုခဲ့တလီ၊ ရီခဲ့တဖုံ မှုန်ခဲ့တချက် ယုဂန်ထက်က၊ လေးဖက်လုံးခြုံ တိမ်ဂဠုန်လည်း၊ နဂါးရုံကြွေ့ ရန်ချင်းတွေ့သော် ခိုးငွေ့လွှတ်ပြိုင်၊ ဂုဏ်ချင်းဆိုင်ခဲ့။ (ရှင်ဥတ္တမကျော်၊ တောလား) ဒေါက်တာတင့်ဆွေ ၂၉-၇-၂၀၁၉

အမေရိကန် သမတရွေးကောက်ပွဲတိုင်းမှာ မှတ်သားစရာ အပြောတွေ၊ စကားလုံးတွေ၊ ဘန်းစကားတွေ၊ ရင့်သီးစော်ကားတာတွေ၊ မုသားတွေ ကြားရစမြဲဖြစ်ပါတယ်။ ဒီမိုကရက်သမတလောင်းအဖြစ် သေချာသလောက်ဖြစ်နေတဲ့ ကာမာလာဟဲရစ် အင်တာဗျုးအတိုလေး MSNBC TV မှာ ပြန်ပေါ်လာပါတယ်။ သူ့တွဲဘက် ဒုသမတလောင်းအရည်အချင်းကို မေးတာ။ အဖြေကတော့ မိုဟာမက်အာလီ တဲ့။ ပွဲတိုင်း အနိုင်ရသူလို့သာ မထင်မှတ်ပါနဲ့။ ဘောက်ဆင်ချန်ပီယံ ဆိုတာ အနိုင်မရခင်မှာ ပြိုင်ဘက်က ထိုးတာကိုလည်း အလူးအလဲ ခံရပါတယ်။ In a 2019 interview, Vice President Kamala Harris said her dream running mate is Muhammad Ali. https://www.tiktok.com/@arimelber/video/7395280459497868590 ရီပတ်ဘလီကန်ပါတီက ဒေါ်နယ်ထရမ့်နဲ့ ဂျေဒီ ဗင့်စ် တို့ရဲ့ အပြောတွေကလည်း စံတင်လောက်ပါတယ်။ တချို့စကားလုံးတွေကို မြန်မာလိုရေးတဲ့ ဖေ့စ်ဘွတ်မှာတင်ရင် ဖျက်ခံရနိုင်တယ်။ မြန်မာပြည်နိုင်ငံရေးက အလွန်ယဉ်ကျေးတယ်။ ဒေါက်တာတင့်ဆွေ

ကွန်မင့်တခု = Report လုပ်ရင်ပယ်ဖျက်ခံရပါတယ်ဆရာ၊ စမ်းကြည့်မလားဆရာ မြန်မာစာကိုရန်ရှာသူတွေကို 'ဘလော့' မလုပ်ခင်မှာ 'ရီပို့' လုပ်ပါတယ်။ ၂၂ ယောက်ရှိသွားပြီ။ စာရင်းလည်း တင်ပြထားပါတယ်။ ဒေါက်တာတင့်ဆွေ

ကွန်မင့်တခု =  Keyword တခုခုနဲ့ သွားငြိလို့နေပါလိမ့်မယ် အန်ကယ်လ် ဥပမာ ကိုက် သေ ရိုက် စား တုတ် အစသဖြင့် Violence ဖြစ်တဲ့ Keyword တွေကို Facebook က Ban ပါတယ်။ အဲ့လိုစာသားတွေရေးချင်ရင် ပုံဖျက်ပြီးရေးမှရပါ့မယ်။ ကိုက် ဆိုရင် ကို-က် Kite ရိုက် ဆိုရင် ရို-က် Yite လို့ရေးရပါမယ်အန်ကယ်လ်။ မြန်မာစာကို အလေးထားပြီးရေးတဲ့အန်ကယ်လ်အဖို့ အဆင်မပြေနိင်တာရှိကောင်းရှိနိင်ပါတယ်ရှင့်။ အဲလို ပြောကြတယ်။ ဟုတ် မဟုတ် မသိပါ။ တခါတခါနဲ့တခါ မတူပါ။ ခွေးကိုက်ခြင်းစာ ၁၀ ခါလောက်တင်ထားပြီးပါပြီ။ ‘ရိုက်’ စာလုံးပါတဲ့စာတွေကို ပြန်ရှာပါတယ်။ 1. ကိုယ့်ကိုယ်ကို အားကိုးပါ March 03, 2023 2. “တစ်” နှင့် “တ” တို့၏ထူးခြားချက် May 04, 2024 3. "မောင်သာရ နဲ့ ရွှေအမြုတေမဂ္ဂဇင်း တို့ ရဲ့ အပြန်အလှန် ပေးစာ" September 14, 2023 4. ရှားလော့ဟုမ်းနှင့် သိုက်ဆရာတယောက်၏အမှု (စဆုံး) September 28, 2022 5. ကျွန်တော်တို့တိုင်းပြည်မှာ May 19, 2023 6. မယားနိုင်သော မှို October 20, 2022 7. ထိုတည (ကြည်အေး) March 20, 2023 - June 16, 2022 8. Human Heart လူ့နှလုံး - December 16, 2021 9. Civics ပေါ်လက်တစ်အစ စစ်ဗစ်က - May 17, 2021 1

ဖေ့စ်ဘွတ်က ရန်ရှာပြန်ပြီ Jul 28, 2024 We removed your post Tint Swe Created by Tint Swe • Jun 26, 2024 Dog bite ခွေးကိုက်ခံရလျှင် Jul 20, 2024 We removed some of your content Spam Post removed Jul 20, 2024 Spam Post removed Jul 28, 2024 Jul 5, 2024 We removed some of your content Spam Post removed Jul 5, 2024 Spam Post removed Jul 19, 2024 Spam Post removed Jul 28, 2024 ဆေးပညာစာလည်း ရန်ရှာ၊ မြန်မာစာလည်းရန်ရှာ၊ နိုင်ငံရေးလည်းရန်ရှာတယ်။  အာဏာရှင်တွေ အောင်ရမည်လို့ နေ့တိုင်းတင်ရမလား။ မြန်မာစာမှားတာတွေ မှန်ပါ၏လို့ နေ့စဉ်တင်ရမလား။ ကင်ဆာ ရေသောက် ပျောက်လို့ တနေ့တခါတင်ရမလား။ ရာသက်ပန်သုံးမရအထိ ဖြစ်တော့မလား မသိပါ။ ဒေါက်တာတင့်ဆွေ

စိုင်းက တဲ့။ စိုင်းခမ်းလိတ်လား၊ စိုင်းထီးဆိုင်လား မသိ။ ကိုယ့်ကိုယ်ကို နာမည်အဖျားဆွတ်ခေါ်ပြီး ရေးသား ပြောဆိုတာတွေက နားလည်းရခက်တယ်။ တခါတခါ ပြန်ပြန်မေးနေရတယ်။ နှင်း ဆိုရင် စနိုးလား။ နော် ဆိုရင် ဘားအံကလား။ မွန် ဆိုရင် ဘိတ်ကလား။ သက် ဆိုရင် ခက်နဲ့ ညီအမလား ချစ် ဆိုရင် ခြစ် နဲ့ မှားသလား။ ကျော် ဆိုရင် ကြော် ကို မှားရေးတာလား။ ကိုဒွေ ဆိုရင် ကိုတေ ရဲ့ညီလား။ တချို့ဆိုရင် ကျား-မ တောင် ခွဲမရပါ။ ကိုယ့်ကိုယ်ကို နာမည်အဖျားဆွတ်ခေါ်တာကို သူနဲ့နီးစပ်သူတစုကလာ သိကြတယ်။ လူကြီးမင်းတို့နဲ့ ကျွန်တော်က မိုင်ပေါင်း ၈၅၀၀ ကျော်ဝေးတယ်။ ဒေါက်တာတင့်ဆွေ

Trump urges Christians to vote: 'You won't have to do it anymore' အလွန်လှသော အလွန်ချောသော အလွန်တရာချောမောလှပါသော ခရစ်ယာန်တွေ နောက်တခါ မဲထပ်ပေးစရာလိုတော့မည်မဟုတ် (ဒေါ်နယ်ထရမ့်) တကြိမ်တခါတည်းနဲ့ ကိစ္စချောမယ်လို့ဆိုလိုသလား ဟေဗင် ရောက်မှာကို ပြောတာတော့ မသိပါ။ မြန်မာပြည်မှာ ရွေးကောက်ပွဲဝင်မယ်ဆိုနေသူတွေ အားကျ အတုခိုးကြပါလေ။ ဒေါက်တာတင့်ဆွေ

စာရေးသူ - ထီလာစိုးမြင့်ထယ် (သောကြာစာ‌စောင်၊ ၁၉၆၂) Listener's Heaven Audiobooks - အသံစာအုပ် အခုတော့ ရှက်ပန်းတပွင့် မရှိတော့ပါ။ မွှေးတဲ့ပန်းတပွင့်လည်း မရှိတော့ပါ။ တချို့မှာ အရှက်လည်း မရှိကြတော့ပါ။ စာကို မှန်အောင်မရေးတတ်တာကို ရှက်ရမှန်း မသိသူက များလွန်းတယ်။ ဒေါက်တာတင့်ဆွေ

ကွန်မင့်တခု = ဆရာ့အရေးအသား အဖြတ်အတောက်တွေ တချို့နေရာတွေမှာလွဲနေတာတွေ့ရတယ်ဆရာ မြန်မာစာမှာ သတ်ပုံမှန်မှမဟုတ်ဘူး အဖြတ်အတောက်လွဲရင်လဲ အဓိပ္ပါယ်အများကြီးလွဲသွားနိုင်ပါတယ်ဆရာ ခဏခဏ ထပ်ခါထပ်ခါ တင်ပြထားပါတယ်။ ကျွန်တော်စာရိုက်တာ တခါတခါမှားရိုက်မိတယ်။ ဆောရီး။ ကိုယ်အမည်တောင် မှားရေးမိသေးတာ။ အမှားကို ထောက်ပြပြင်ပေးနေသူ ၂ ယောက် ၃ ယောက် အမြဲရှိတယ်။ သူတို့က စည်းကမ်းနဲ့ ယဉ်းကျေးမှု ရှိကြတယ်။ မက်စင်ဂျာကနေ မှားနေတဲ့နေရာကို ဝိုင်းပြ၊ မျဉ်းသားပြတယ်။ ကျေးဇူး။ တကယ်လို့ ကွန်မင့်နေထောက်ပြတာဆိုရင် ကျွန်တော်က မှန်အောင်ပြင်ပြီးတာနဲ့ သူတို့ကွန်မင့်ကို ဖျက်ပေးကြတယ်။ ကျေးဇူး။ အရင်နှစ်တွေကရေးတာမှာ အမှားပိုများတယ်။ ဆောရီး။ မှားမှန်းသိတာနဲ့ မှန်အောင်ပြင်ပါတယ်။ ညအိပ်ခါနီးတင်တဲ့စာ ပိုမှားတယ်။ တရေးနိုး၊ ဒါမှမဟုတ် မနက်ထတော့ ပြင်ရတယ်။ ဆောရီး။ ကျွန်တော်ဆိုရှယ်မီဒီယာမှာ စာရေးနေတာ ၁၅ နှစ်ကျော်ပြီ။ ပုဒ်ရေ ထောင်သောင်းများပြီ။  ဘယ်စာထဲက ဘယ်နေရာမှာလို့ ထောက်မပြရင် ပြန်ရှာရတာ ခက်တယ်။ အဖြတ်အတောက် ခေါ် ယတိ စနစ်မတူတာလည်း ရှိတယ်။ မူရင်းစာအတိုင်း သတ်ပုံတွေကို မှားအောင်မပြင်ဘဲ တင်သူတွေရဲ့ ကဗျာတွေကို ကူးယူတင်ပြတိုင်း ကျွန်တော်က အဖြတ်အတောက

ပန်းပွင့်ကြာလျှင်- ငွေသာပြင်ကျယ်၊ အမှောင်နယ်မှ အလယ်ရောက်လှာ၊ ထိုအခါသည် ကဗျာဆန်သော၊ ညဉ့်တကြောတွင် ဖွေမောလှိုက်ဆူ၊ ပြန့်မွှေးကြူသည့် ချစ်သူအတွက်၊ ကြာငုံများ။ ။ မြရေကြည်အိုင် မျက်နှာဆိုင်၍၊ ခေါ်တိုင်မလာ တနေရာမှ၊ ကြာငုံပွင့်ဖူး ကခုန်မြူးပြီး၊ လေရူးဝှေ့ရမ်း မင်းနှုတ်ခမ်းနှင့်၊ နှမ်းမိသောခါ သူ့မျက်နှာ၌၊ မီးဝါရောင်စုံ အကြည့်ဆုံမှ မီးပုံသွယ်ချိတ် လျှံလက်ဖိတ်သည်၊ မြရိပ်ကြာအိုင်ပွင့်ပန်းငုံ။ (မောင်မဟာ) အထောက်တော်မဂ္ဂဇင်း ၁၉၆၀ အောက်တိုဘာလ ယခုခေတ်မှာ ညတည မရှိ။ နေ့တနေ့ မရှိ။ နိုင်ငံတော်မူ ဖြစ်ဧ။် စာကို မှန်အောင်တင်ပေးထားသူ ကျေးဇူး။ ဒေါက်တာတင့်ဆွေ

ကွန်မင့်တခု = ဘယ်လိုဘဲလိမ်လိမ် အမှန်တရားကနောက်ဆုံးမှာ ပေါ်လာတတ်စမြဲမဟုတ်လား ကိုယ့် ဂုဏ် သိက္ခာကိုတော့ ထိန်းသိမ်း သင့်မနေဘူးလား တချို့က အာဏာရအောင် လိမ်တယ်။ အာဏာမြဲအောင် ဆက်လိမ်တယ်။ အာဏာရသူနဲ့ ကပ်ပေါင်းစာတွေလည်း လိမ်တယ်။ အလိမ်ခံရတာကို သာယာသူတွေလည်း ရှိတယ်။ အချစ်မှာသာ မျက်စိမပါတာ မဟုတ်။ အာဏာမှာလည်း မျက်စိကန်းတယ်။ ငါးပါသီလ ပေးသူတချို့လည်း လိမ်တယ်။ ဒေါက်တာတင့်ဆွေ

၁။ Khin Min  သူ့ခေတ်နဲ့သုပေါ့ ဆရာက တရားသေသမားပါ ဘာမှမပြောင်းလဲခြင်ဘူးလား။ မပြာင်းလဲချင်လို့ ရေးရတယ်။ မိဘ ဆရာကို ရိုသေခြင်းအစဉ်အလာကို ခေတ်အမြင်ဆိုပြီး ပြောင်းချင်သူတွေရဲ့ ကမောက်ကအတွေးမှားနဲ့ တူနေသည်။ မလုပ်ကောင်းခင်ဗျား။ အစ်မေ အစ်ဖေလို ရေးချင်သူ။ ၂။ ေနာ္ပိုင္ မႈးသစ္ ပထမနွေတညနဲ့ နောင်ထပ်နွေတစ်ညနဲ့အမှားသိလို့အမှန်ပြင်တာလားဆရာ ယနေ့ခေတ်မှာ မြန်မာစာသာမက တချို့လူတွေရဲ့ စဉ်းစားတွေးမြင်မှုပါ ကျဆင်း ယိုယွင်း ပျက်စီးလာနေတယ်။ လူတိုင်းတာ့ မဟုတ်ပါ။ တချို့က မူရင်းစာအုပ်အမှန်ကို မှားအောင်ပြင်ထုတ်တာကိုသာ ဖတ်ဖူးကြတယ်။ မူရင်းအမှန်နဲ့ ပြင်ထုတ်အမှားကို ယှဉ်ပြီး တင်ပြတဲ့အခါ အခုလိုကွန်မင့်မျိုးတွေလာတယ်။ ခပ်ဆင်ဆင်ကွန်မင့်မျိုးရေးသူ လူ ၂၀ ကျော်ပြီ။ - မြသန်းတင့်စာအုပ် ပြင်ထုတ်တွေကို မူရင်းနဲ့တွဲတင်ပြတော့ ဆရာမြသန်းတင့် မှားတယ်တဲ့။ - မင်းသုဝဏ်ကဗျာမူရင်းတွေကို နောက်ပြင်အမှားတွေနဲ့ တွဲပြီးတင်ပြတော့ စာရိုက်သူတွေက မှားတာထင်တယ်တဲ့။ - ဇော်ဂျီကဗျာ မူရင်းနဲ့ ပြင်ထုတ်ကို ယှဉ်ပြီးတင်ပြတော့ ရှေးလူကြီးတွေက နမော်မဲ့နမာမဲ့တဲ့။ လွတ်လပ်ရေးကျောက်တိုင်ကြီးရှိပါသည်။ စာတွေလည်း မှန်အောင်ရေးထိုးထားပါသည်။ ကျောက်တိုင်ကြီးကစာတွေကိုပြင်ပြီ

တင်တားတဲ့စာ = နောက်တယောက် ကွန်မင့် ဆရာရေးတာကလည်း မှားနေပါသေးတယ်ခင်ဗျ [ဖျက်လို့ ဖျက်စီးဟာ ..ဖျက်လို့ဖျက်ဆီး] [နံပတ်စဥ်...နံပါတ်စဥ်] [နောက်ထက်လည်း...နောက်ထပ်လည်း] အမှားမမှန်ကို ဆရာကြီးခင်ဗျ ဝေခွဲပြပေးပါ ပါတ် ဇာတ်နိပါတ်တော်၊ တနင်္ဂနွေပါတ် (ကဝိဓဇသတ်ပုံကျမ်း)။ နိပါတ်ပုဒ်၊ ပဋိပါတ် (ဋ္ဋကို အတိုနဲ့ရေးတာဖြစ်၊ ကီးဘုတ်မှာရှာမရ)၊ ပါဏာတိပါတ်၊ ပိဏ္ဍပါတ်၊ သန္နိပါတ်၊ (အွန်လိုင်းသတ်ပုံကျမ်းမှာ ပါတ် တခုမှထည့်မထားပါ။) အရင်ထုတ်သတ်ပုံစာအုပ်တွေမှာ နံပါတ်စဉ်စာလုံးမပါ။ နောက်ထုတ် မြန်မာအဘိဓာန် (နောက်ထုတ်)မှာ နံပါတ်၊ နံပါတ်တုတ် လို့ပါတယ်။ အင်္ဂလိပ်လို နမ်းဘား ကနေလာလို့ အသံထွက်အရသာ ယူတယ်လို့ထင်ပါတယ်။ အဲတော့ မြန်စာစံကိုက်သတ်ပုံဟာ နံပတ်လား၊ နံပါတ်လား ပြောမရလို့ ထင်ပါတယ်။ အထောက်အထားတွေ့လာရင် ပြင်ပါမယ်။ ဖျက်ဆီးလို့ ပျက်စီးသွားပြီ https://burmese-spelling.blogspot.com/2022/08/blog-post_578.html နံပတ်တစ် https://burmese-spelling.blogspot.com/2024/05/blog-post_154.html နံပါတ် နှင့် နံပတ် https://dr-tint-swe.blogspot.com/2021/06/blog-post_421.html ပက် ပတ် ပါတ် https://burmese-spelling.blogspot.com/2022/10/blog-post_800.

ဆရာ ကျနော်က အလုပ်မှာ နံပါတ် 1 ဖြစ်ပါတယ်။ အဲ့ဒါ နံပါတ်တလား၊ နံပါတ်တစ်လားဆရာ။ နံပတ် 1 လို့ ရေးရင် နံပါတ်ဝမ်းလို့ ဖတ်ရပါမယ်။ နံပတ် ၁ လို့ရေးရင် နံပတ်တစ်လို့ ဖတ်ရပါမယ်။ Number ကနေလာတဲ့စာလုံးဖြစ်ပါတယ်။ 'နမ်းဘား' သံထွက်ပါတယ်။ ပတ် နဲ့ ပါတ် မတူပါ။ ကျန်းမာရေး မေးကြတာတွေမှာ ဂဏန်းကို မြန်မာစာနဲ့မရေးကြတာ ဘာ့ကြောင့်လဲ မသိပါ။ ကလေးအသက် 2 နှစ် = တူးနှစ်။ ကျမအသက် 40 = ဖေါ်တီး။ ဖျားနေတာ 3 ရက် = သရီးရက်။ တစ် အသုံးမှန်များ 1. ကကတစ်ငါး 2. ကျားမရဲ တစ်သည်။ လူမရဲ ဟစ်သည်။ 3. ကာတစ်ဆေးတိုက် (အမည်) 4. ကာတစ်တိုက်  5. ငပိတစ်ချက် 6. စတစ်ကော်လာ 7. စတစ်အင်္ကျီ 8. ဆင်ပြောင်ကြီး အမြီးမှတစ် 9. ဆယ့်တစ်၊  10. ဆိုက်သေးလို့ကျပ်တစ်နေ 11. တစ္ဆေမှင်စာ၊ 12. တစ် = ကျားသတ္တဝါသည် တစ်တစ်ဟူသောအသံကိုပြုသည်။ 13. တစ်၊ နှစ်၊ သုံး၊ 14. တစ်ငှက်၊ 15. တစ်ဆို့၊ 16. တစ်တစ်ခွခွ၊ 17. တစ်တစ်ရစ်ရစ်၊ 18. တစ်တရားခံ၊ 19. တစ်တီတူး၊ (တီတီတူးငှက် ယခင်သတ်ပုံစာအုပ်)၊ 20. တစ်နှစ်အံကျ = ဂဃနဏ။ သေသေချာချာ။ (၁-၂ အံကျကိုဆိုလိုသည်) 21. တစ်ပြေးနေတယ် 22. တစ်ပေးထားတယ် 23. တစ်ရှူး (ဆဲလ် အစုအဝေး)၊ 24. တစ်ရှူး (သန့်ရှင်းရေးသုံး စက္ကူ)၊ 25. တစ်လစ်၊ 26. တစ်အချက်

ဆရာ အဲတာ ဆရာမင်းသုဝဏ်ရဲ့လက်ရေးမူပါ။ တဖွေးဖွေး၊ တဝါးဝါး၊ တလျောက်တွင်၊ တဝဲဝဲ။ မိုးခါကျသော် မိုးလအလိုက် မုတ်သုန်တိုက်၍ ကန်၌ ရေကြည် တဖွေးဖွေး။ ဆောင်းခါကျသော် ဆောင်းလအညီ နှင်းငွေ့ရီ၍ ကန်ဆီ မှုန်တုန် တဝါးဝါး။ နွေခါကျသော် နွေအလျောက် ကန်တလျှောက်တွင် ရွက်ခြောက် လေထဲ တဝဲဝဲ။ (မင်းသုဝဏ် - ၂၁-၁၁-၇ဝ) ကျေးဇူး။  အခုခေတ်ကဗျာဆရာတွေက 'တစ်' ဝဲဝဲ တဲ့။ အခုခေတ်စာရေးဆရာတွေက 'တစ်' aတဲ့။ အခုခေတ်မြန်မာစာဆရာတွေက 'တစ်' ဝါးဝါး။ တဲ့။ သူတို့ရေးတာတွေကို 'တစ်' မျိုးဆက်တွေက ဖတ်နေကြရတယ်။ ဒေါက်တာတင့်ဆွေ ၂၈-၇-၂၀၁၉

အမေရိကန်သမတရွေးကောက်ပွဲမှာ လိမ်နည်းတွေနဲ့ နိုင်လေ့ရှိတယ်။ ၂၀၁၆ ခုနှစ်တုန်းက ရုရှားကနေ လိမ်ပေးလို့ ထရမ့်က ဟယ်လရီကလင်တန်ကို ကပ်ပြီးနိုင်ခဲ့တယ်။ အခုတခါ အီလွန်မတ်စ်က သူ့ တွစ်တာကနေ ကင်မလာဟဲရစ် အသံတုနဲ့ စကားအချက်အလက်အတုတွေ တင်ပေးထားတယ်။ Elon Musk retweets altered Kamala Harris campaign ad Published Sun, Jul 28 20246:03 PM EDT https://www.cnbc.com/2024/07/28/elon-musk-retweets-altered-kamala-harris-campaign-ad.html သူ့လူ နိုင် မနိုင် ရင် ၁၀၀ နေမှ သိရမယ်။ ဟိုတလောက အိန္ဒိယရွေးကောက်ပွဲမှာ အီလွန်မတ်စ် EVM ခေါ် မဲပေးစက်မသုံးနဲ့လို့ပြောတယ်။ အိန္ဒိယရွေးကောက်ပွဲကော်မရှင်က ဆက်သုံးတယ်။ မီဒီယာကြီးတခုက အီလွန်မတ်စ်က တရုပ်ကိုတော့ ဘာမှမပြောဘူးလို့ထောက်ပြတယ်။ ဘာလို့လည်းဆိုတော့ စီးပွါးရေးကြောင့်တဲ့။ ပိုက်ဆံကြောင့်တဲ့။ ပိုက်ဆံနဲ့လည်း မဲဝယ်လို့ရတယ်။ တိုင်းပြည်တိုင်းမှာ အလိမ်ကောင်းရင် အဟုတ်မှတ်ထင်သူက ပိုများတယ်။ ဒေါက်တာတင့်ဆွေ ဒေါက်တာတင့်ဆွေ

အလံတရာ အလံတစ်ရာ မှားရေး မှားပြော မှားလုပ်သူများ အာဏာရှိကြ၏။ ဒေါက်တာတင့်ဆွေ

အခါးကြိုက်တော့ ကြိုက်သောအခါး စားပေ၏။ စကားကြိုက်တော့ ကြိုက်သောစကား ကြားစေ၏။ အပင့်ကြိုက်တော့ - ကြိုက်သောအပင့် မြင်ပေ၏။ အဝင့်ကြိုက်တော့ ကြိုက်သောအဝင့် တင့်စေ၏။ စာ‌ရေးသူက အားရ၀မ်းသာ “သည်ကမ္ဘာမှာ၊ သင်သာပိုကဲ တယောက်ထဲ’ဟု အမြဲလှစ်ဟ ဆိုလေသော် ... ။ ကြားရသူက၊ အားရဝမ်းသာ “သည်ကမ္ဘာမှာ သင်လာအားလုံး အတော်ဆုံး”ဟု အပြုံးဖက်ကာ ဆိုလေသော် ...။ မြင်ရသူက၊ အားဝမ်းသာ “သည်ကမ္ဘာမှာ၊ သင်သာတဦး လူတထူး´ဟု ရွှင်မြူးကြွရွ ဆိုလေသော် ... ။ ဝင့်ရသူက၊ အားရဝမ်းသာ “သည်ကမ္ဘာမှာ၊ သင်သာလူမြတ် ပညာတတ်' ဟု နှုတ်လှပ်ဖွင့်ဟ ဆိုလေသော် ... ။ ဘဝင်လေခိုက်၊ လုံးလည်လိုက်ကာ စိတ်၌ထိုထို၊ လက်မကိုထောင် ဆိုပြန်သည်မှာ၊ “ငါမှငါ”တဲ့ အင်း...ဘာမျှစွက်နှော၊ ဝင်မပြောဘဲ လောကရှုလေ၊ ဆိတ်ဆိတ်နေလော့ လေပြင်းဝိုက်ပြီး၊ ပင့်အားကြီးက ထန်းသီးမှုတ်တောင် ခုန်တတ်သည်။ မုံရွာ-ဝင်းဖေ ရှုမဝမဂ္ဂဇင်း ၁၉၆၆ စက်တင်ဘာလ Listener's Heaven Audiobooks - အသံစာအုပ် ဒေါက်တာတင့်ဆွေ

ကွန်မင့်တခု = ဆရာ တခုမေးပါရစေ ခုချိန်က တရသတွေ ဆိုင်ရာပြည်နယ်တိုင်း တိုက်ကြ သိမ်းကြနဲ့ သူတို့ လူမျိုး ကိုယ်စားပြု အလံတော်တွေ ထောင်ကြပါပြီ ဗမာလူမျိုး သီးခြား ကိုယ်စားပြု အလံတော့ မတွေ့မိသေး လက်ရှိအလံကလည်း ပြည်ထောင်စု မြန်မာနိုင်ငံကိုယ်စားပြုလေ ရခိုင်က ရခိုင်အလံနဲ့ ဗမာမှာ ခုချိန်ထိ အလံမရှိသေး။ အလံတရာဘုရားကြီးကို မရောက်ဘူးသေးပါ။ ရှမ်းပြည်မှာလို့ ထင်ပါသည်။  ရှမ်းပြည်မှာ အလံတရာ၊  (-) ပြည်မှာ အလံတရာ၊  (-) ပြည်မှာ အလံတရာ၊  (-) ပြည်မှာ အလံတရာ၊  (-) ပြည်မှာ အလံတရာ ရောက်အောင်သွားကြည့်ချင်ပါသည်။  ဒေါက်တာတင့်ဆွေ