တို့စာ တို့စကား တို့တိုင်းပြည်

မွေးနေ့နှစ်ပတ်လည်နေ့လို့ တင်ထားကြတာတွေ တွေ့တယ်။ ၁၉၈၈ ခုနှစ်ကစတဲ့ မြန်မာ့ဒီမိုကရေစီရေးမှာ ပဌမဆုံးပေါ်ပေါက်ခဲ့တဲ့ ကျောင်းသားအင်အားစုကြီး ဖြစ်တယ်။ ကျွန်တော်တို့က ၁၉၉၀ နှစ်လယ်ကျမှသာ ရွေးကောက်ခံအမတ်အုပ်စုရယ်လို့ ပေါ်လာတာ။ နယ်စပ်ဒေသ ခေါ် လွတ်မြောက်နယ်မြေမှာ ဗဟိုဌာနပြုကြတယ်။ ကျွန်တော်တို့က NCGUB စင်ပြိုင်အစိုးရဖွဲ့ကြတယ်။  ကျွန်တော်တို့က ကျောင်းသားအင်အားစုနဲ့ တတ်နိုင်သမျှ လက်တွဲဆောင်ရွက်ပါတယ်။ ၁၉၉၅ ခုနှစ် မာနယ်ပလောကျပြီးနောက်မှာ ပြည်ပနိုင်ငံရေးလှုပ်ရှားမှု ဖြစ်လာပါတယ်။ ABSDF အပြင် တခြားကျောင်းသားအသင်းအဖွဲ့တွေလည်း အများကြီးရှိတယ်။ တချို့ အဖွဲ့အမည်တွေကိုတော့ မေ့ချင်ချင်ဖြစ်လာပြီ။ တချို့ကို မမေ့ပါ။ ABSDF ထက် NCGUB ကို ပိုမေ့ကြတာလည်း အဆန်းတော့ မဟုတ်ပါ။ ၂၀၁၂ ခုနှစ်မှာ မြန်မာ့ဒီမိုကရေစီရေး တခန်းတကဏ္ဍ ပြီးဆုံးခဲ့ပါတယ်။ မြန်မာ့ဒီမိုကရေစီရေးသမိုင်းအတို တခုအတွင်းမှာ အသက်ပေးသွားသူတွေကတော့ မနည်းပါ။ နှစ်ပေါင်း ၃၆ နှစ်အလွန်မှာ ဘယ်သူတွေ ဘယ်မှာလည်း။ ဘာလုပ်နေကြသလဲ။ ဘာဖြစ်သွားကြသလဲ။ နိုင်ငံရေးဖြစ်စဉ်တိုင်းကနေ သင်ခန်းစာယူကြရပါမယ်။ ကျန်သေးသူတွေ နေကောင်းကြပါစေသတည်း။ ABSDF – Student Army ဒေါက်တာတင့်ဆွေ

ဆီချက်လုပ်နည်း ၆ မျိုး တခါတည်းစုပေးထားပါတယ်ရှင် မနက်စာအလွယ်တကူလုပ်စားလို့ရပြီး ထမင်းမစားချင်တဲ့အချိန်တွေလည်းလုပ်စားလို့ရပါတယ်ရှင် (𝗞𝗛𝗔𝗡𝗧 𝗠𝗬𝗢 𝗕𝗬 𝗩𝗟𝗢𝗚𝗦) ဆီချက်၊ မုံ့တီ၊ မုံ့ဟင်းခါး၊ ခေါက်ဆွဲ၊ မြီးရှည်၊ ကြာဆံဟင်း စတဲ့ စားစရာတွေကို နေရာဒေသအမျိုးမျိုးမှာ နည်းနာအမျိုးမျိုးနဲ့ ကြော်လှော်ချက်ပြုတ်ကြပါတယ်။ ကျွန်တော်ကတော့ ဆေးကျောင်းသားဘဝတုန်းက မန္တလေး ဈေးချို၊ ညဈေးတန်းက ဆီချက်ခေါက်ဆွဲကို သတိအရဆုံး။ တွန်းလှည်းနဲ့ လာရောင်းတယ်။ ဟင်းရည်အိုးကြီးက ရေနွေးငွေ့တွေ တလူလူထွက်နေတယ်။ ရှေ့ အပေါ်နားမှာ ချိတ်ဆွဲထားတဲ့ ပြုတ်ထားပြီသား ကြက်ကောင်တွေ။  ဆိုင်ရှင်က တပွဲစာ၊ နှစ်ပွဲစာခေါက်ဆွဲကို သံဇကာကြီးထဲထည့်ပြီ။ ပွက်ဆူနေတဲ့ ဟင်းရည်အိုးထဲကို ခဏတာစိမ်လိုက်ပြီး ကြွေပန်းကန်လုံးထဲကို ထည့်လိုက်တယ်။ ကြက်သားကို ဒါးနဲ့စဉ်း ရောပေးတယ်။ ကြက်သွန်ဖြူနဲ့ သတ်ထားတဲ့ ဆီခံထားတယ်။ အချဉ် ပါမယ်။ တရုပ်နံနံပင်နဲ့ ဟင်းရည်ပါမယ်။ အငန်၊ အစပ်လိုက တောင်းပါ။ သုံးဆောင်ပါခင်ဗျား။ ကောင်းတယ်။  ဆီချက်မှန်ရင် ပူပူနွေးနွေးစားရတယ်။ အများအားဖြင့် ဟင်းချိုမှုန့် သုံးလေ့ရှိတယ်။ တခြားအပိုအဆာတွေ မလို။ ပဲငန်ပြာရည် မသုံးပါ။ နနွင်းမှုန့် မသုံးပါ။ ခ

ဟိုလွန်ခဲ့တဲ့ ၁၉၆၅ ခုနှစ်၊ နိုဝင်္ဘာလ (၁) ရက်နေ့ မနက်ခင်းမှာ၊ မန္တလေးဘူတာကြီးကလာတဲ့ ကျောက်မီးသွေး မီးခိုးနံ့ကို ရှူရင်း အရှေ့ဖက်ကို စက်ဘီးဆက်နင်းနေတယ်။ အရက်ပျံနဲ့ လိုက်ဇောနံ့သင်းနေတဲ့ မန္တလေးဆေးရုံကြီးရှေ့က ဖြတ်တယ်။ ကျောင်းသားသစ်လေးတယောက်ဟာ ဖေါ်မလင်နုံ့ပြင်းရှိရာ ဆေးတက္ကသိုလ်ကို အားသစ်အင်သစ် အပြည့်နဲ့ ရောက်လာတယ်။ သူဟာ နောင် (၇) နှစ်မှာ ဆရာဝန်ဖြစ်ဖို့တခုတည်းသာ သိသေးတယ်။ နောင်ရေး မတွေးမိ။  နှစ်အစိတ်ရှိရင် နိုင်ငံရေးထဲ ဝင်ရမယ်လို့ကလည်း စိုးစဉ်းမျှ စိတ်ကူးထဲမှာမရှိ။  နောင် (၂၆) နှစ်တိတိမှာ ကိုယ့်မွေးရာတိုင်းပြည်ကြီးကို ကျောခိုင်းပြီး ထွက်ရလမ်းလည်း မှန်းမထားမိ။ အခုရှိတဲ့တိုင်းပြည်ဆိုတာလည်း သူ့အိပ်မက်ထဲမှာ နတ္ထိ။ နိုဝင်္ဘာတညမှာ သူ့ကိုလာဖမ်းကြ၏။  နိုဝင်္ဘာတရက်ကြောင့် ဆရာဝန်ဖြစ်။ နိုဝင်္ဘာတရက်မှာ မင်းပြေးဖြစ်။ နိုဝင်္ဘာဆိုတာ ကျွန်တော့်ဘဝမှာ အဓိပ္ပါယ်တွေ အများကြီးရှိခဲ့တယ်။ ဒေါက်တာတင့်ဆွေ ၃၁-၁၀-၂၀၁၆

ဆရာရှင့်(ကျမ္မာ)နဲ့(ကျန်းမာ) ဘယ်ဟာကအမှန်ပါလဲရှင့်အခုလူတွေရေးနေကြတာ(ကျန်းမာ)လို့ရေနေကြလို့ပါ ကျမ္မာ နဲ့ ကျန်းမာ မြမ္မာ နဲ့ မြန်မာ မိမ္မ နဲ့ မိန်းမ မူကွဲစာလုံးများဖြစ်ပါသည်။ မိမ္မမြို့၊ ပုလောမြို့နယ်။ ဒေါက်တာတင့်ဆွေ

ဥပတိရုပ်ကြည်ကြည်လင်လင်နဲ့ သီလရှင်ဆရာလေးတပါးပုံနဲ့ ဆုံးမစာတွေ တယောက်တမျိုးတင်နေကြတယ်။ အေအိုင်နဲ့လုပ်ထားတဲ့ဘုရားပုံတွေကနေလည်း တရားတွေ တယောက်တမျိုးဟောနေကြတယ်။ ပလေတို ကလည်း မြန်မာစာ မှန်အောင် မရေးတတ်။ တဂိုး ကလည်း မြန်မာစာ မှန်အောင် မရေးတတ်။ ဆရာဇော်ဂျီကလည်း တခါတခါမှန်လိုက်၊ တခါတခါ မမှန်လိုက်။ ဆရာတင်မိုးကလည်း တခါတခါမှန်လိုက်၊ တခါတခါ မမှန်လိုက်။ အားလုံးကို မြန်မာလိုရေးတဲ့ ငွေရောင်ပိတ်ကားမှာ ဖတ်နိုင်ကြပါသည်။ ဒေါက်တာတင့်ဆွေ

နေတတ်ပါစေလို့ ရေးရတယ်။ မြင်းပေါ် တက်တတ်ပါသလား။ စာကို မှန်အောင် ရေးတတ်ပါသလား။ အတက်ရောဂါရှိက သတိထားပါ။ ဒေါက်တာတင့်ဆွေ

ရခိုင် အခေါ် ဝါးတုတ်ပါ ဆရာ ဟုတ်။ ရခိုင်မိတ်ဆွေတွေနဲ့ တွေ့မှာ ဝါးတုတ်လို့ သိလာတယ်။ မြန်မာလိုကတော့ မျှစ်အမျိုးအစားတွေက များတယ်။ မျှစ်အားလုံးကိုတော့ ဝါးတုတ်လို့ ခေါ် မခေါ် မေးကြည့်ရဦးမယ်။ မျှစ် တပင်တိုင်ဝါးမျှစ် တောင်ရိုးမျှစ် မျှစ်ကြော် မျှစ်ချက် မျှစ်ချဉ် မျှစ်ချိုးထွက် မျှစ်စိမ်း မျှစ်စို့ မျှစ်ဆတ်ဟင်းချို မျှစ်တို့စရာ မျှစ်ထောင်း မျှစ်နီ မျှစ်နု မျှစ်ပြုတ် မျှစ်သည် မျှစ်သုပ် ဝါးမျှစ် "သစ္စာတိုင်" သည်တောင်ရိုး ကျားဆိုးပေါရဲ့ မောင့်အချစ် မျှစ်ချိုးလိုက်ခဲ့ (ကြည်အောင်) Bamboo shoots and its products - Cultivator Phyto Lab ဒေါက်တာတင့်ဆွေ

ပု ပျပျပျပ်ပျပ် ပုခက် ပုဂံပြည် ပုစဉ်းကောင် ပုစဉ်းထိုးငှက် ပုစဉ်းရင်ကွဲ ပုစွန် ပုစွန်ချဉ် ပုစွန်ခြောက် ပုစွန်စာပင် ပုစွန်ဆိတ် ပုစွန်တာရာ ပုစွန်တုပ် ပုစွန်လုံး ပုစုခရု ပုဆစ်တုပ် ပုဆိန် ပုဆိုး ပုတတ်ကောင် ပုတတ်စာပင် ပုတိ-ဘင်္ဂ-မရဏ ပုတီးကုန်းမြို့ ပုတီးစိပ် ပုထဝီ ပုထိုးစေတီ ပုထုဇဉ် ပုပျပ်ပျပ် ပုပုကွကွ ပုရစ် = အညွန့်အဖူး ပုရစ်ကောင် ပုရစ်ဖူး ပုရည် = ဆန်စပါးထည့်သောစလွယ် ပုရပိုက် ပုရွက်ဆိတ် ပုရွက်ပျံ ပုရေဇာတပစ္စည်း ပုရောဟိတ် ပုလင်း ပုလိပ် ပုလုကွေးလေး = သေးငယ်သော ပုလဲတမူး = နှစ်သက်မြတ်လေးသည် ပုလဲပုတီး ပုလဲမြို့ ပုသိမ်မြို့ ပုအိုင့်အိုင့် ပုစွန် (ဦးသာမြတ်သတ်ပုံကျမ်း) ပုစွန် (မြန်မာစာအဖွဲ့ မြန်မာအဘိဓာန်) ပုစွန် (ကဝိဓဇသတ်ပုံကျမ်း) ပုဇွန် (ဂုဏ်ထူးဦးသိန်းနိုင်)  ဗုဇွန်တုပ် (ကဝိလက္ခဏ သတ်ညွှန်း) ဒေါက်တာတင့်ဆွေ

တန်းစီနေတဲ့လူတန်းကြီးရှည်လို့ မြို့ထဲအထိသွားရတယ်။ နာရီဝက်လောက်သာ စောင့်ရတယ်။ အင်ဒီယာနာပြည်နယ်က ဘယ်သူတွေက အပြာကိုမဲထည့်ထည့် အစဉ်အလာအရ အနီက နိုင်မှာ။ ဆရာဝန်ကတော့ ကျန်းမာရေးအတွက် အားသာမဲ့ အပြာကိုသာ မဲပေးပါတယ်။ အသက်ကြီးတဲ့ ဆရာဝန်ကတော်ကလည်း ကျန်းမာရေးအာမခံနဲ့ ဆိုရှယ်စစ်ကျူရတီ ခေါ် လူမှုဖူလုံရေးအလေးပေးတဲ့ အပြာကိုသာ မဲပေးပါတယ်။ အသက်ကြီးလာ အိုလာမှာ မဟုတ်သူတွေနဲ့ ရောဂါဘယကင်းနေသူတွေက အနီကိုသာ မဲပေးကြလိမ့်မယ်။ မနေ့က ညစာဖိတ်ကျွေးတဲ့အိမ်မှာ လူရွယ်တွေနဲ့ စကားပြောကြတယ်။  တယောက်ပြောပါတယ်။ တွေ့သမျှ မြန်မာပြည်ကနေလာနေသူတွေကတော့ အနီတဲ့။ အင်နယ်လ်ဒီ မဟုတ်ပါ။ တယောက်ကတော့ ပြောတယ်။ ဘယ်သူဖြစ်ဖြစ်၊ ဘယ်ပါတီကဖြစ်ဖြစ်  ဒေါ်နယ်ထရမ့် မဟုတ်သူကိုသာ မဲပေးမယ်တဲ့။  မြန်မာပြည်ကလူတွေ ဘယ်မှာနေနေ အခုထိတော့ ကံမကောင်းကြသေးပါ။  ကံကောင်းတဲ့အချိန် ရောက်လာနိုင်ပါစေသတည်း။ ဒေါက်တာတင့်ဆွေ

(ရေးထာတာ လွန်ခဲ့တဲ့ ၉ နှစ်တိတိကဖြစ်ပါတယ်။) စိတ်ပညာရှင်အသိနဲ့ ရေးမှာပါ။ ဗေဒင်လက္ခဏာလို မဟုတ်ပါ။ လူတယောက်ကို သူပြောနေတာကို နားထောင်ပြီး တန်းမယုံပါနဲ့။ သူဘယ်လိုအသက်မွေးဝမ်းပြုနေတယ်၊ ဘာရာထူးရှိတယ်၊ ဘာဘွဲ့တွေရထားတယ်ကိုကြည့်ပြီး၊ တန်းမယုံပါနဲ့။ ပြောတာကိုရော ပြောစကားထဲမပာတာကိုပါ ရအောင်ဖတ်ပါ။ ဖုံးထားတဲ့မျက်နှာဖုံးနဲ့ မိက်ကပ်တွေခွါပြီး တကယ့်အစစ်ကို မှန်အောင်ကြည့်ပါ။ ကြိုတင်တင်ကူးယူဆထားချက်ကို ဘေးဖယ်ထားလိုက်ပါ။ ဦးနှောက်နဲ့ အာရုံကြောက သုံးသပ်ချက်ကို အသုံးချပါ။ (၁) Observe Body Language Cues ကိုယ်အမူအယာဖတ်ခြင်း  သုတေသနတွေအရ လူတွေရဲ့ ကိုယ်အမူအယာဖတ်ခြင်းဟာ ၅၅% မှန်တယ်။ အသံအနိမ့်အမြင့်ဟာ ၃ဝ% မှန်တယ်။ အပြောစကားလုံးတွေဟာ ၇% သာမှန်တယ်။ (မှတ်ချက်။ သုတေသနထဲမှာ အရေးအသားမပါ။) ၁။ Pay Attention to Appearance အမြင်ကိုသတိထားပါ ဘာဝတ်ထားလည်း။ တန်ဘိုးရှိလက်ဝတ်ရတနာတွေ၊ အင်္ကျီ၊ လုံခြည်၊ ဖိနပ်၊ စတာတွေကိုကြည့်ရင် ဘယ်လို ရည်မှန်းချက်နဲ့ ပွဲတက်လာသလည်းကို မှန်းနိုင်တယ်။ မိန်းကလေးတယောက် သူ့အသားအရေမြင်စေအောင် ဝတ်ထားရင်လည်း သိပါမယ်။ သာမန်ဝတ်စားထားရင် ခပ်ပေါ့ပေါ့နဲ့ အေးအေးဆေးဆေးအတွက်ဖြစ်မယ်။ ယောဂီဝတ်စုံ အပါအဝင် ယူနီဖေါင်းတွ

၁။ ဆရာရှင့် ပြင်ဖို့ခက်တယ် ပြင်ဘို့ခက်တယ် ဘယ်လိုရေးမှ မှန်သလဲ ၂။ ဆရာ ဖို့ နဲ့ ဘို့ အသုံးလေး တင်ပေးပါအုံးဗျ။ ၃။ ဆရာရှင့် ဖို့ နဲ့ ဘို့ ကိုလည်း ဝေဝေဝါးဝါးဖြစ်နေပါတယ်။ ဆရာအချိန်အခါသင့်ရင် ပြောပါပေးပါဦး ဆရာရှင့်။ ၄။ ဆရာ့အနေဖြင့် post တင်တဲ့အခါ စာလုံးပေါင်းသတ်ပုံ ဂရုစိုက်တာကို တွေ့ရပါတယ်။ အခုသိချင်တာလေး မေးခွင့်ပြုပါဦးခင်ဗျာ။ ကုသဖို့ / ကုသဘို့။ ဖို့/ဘို့ ကွဲပြားနည်းလေး သိပါရစေဆရာ။ ၅။ ညရုံတော် အခြေပျက်စေဖို့ ရန်ပါးမည့် ခုအခါ၊ နှောဘို့သင့်စွာ။ ဒီမှာ ဖို့နဲ့ဘို့ဘာကြောင့် ကွဲရသလဲ မသိဘူးဆရာ။ အဲဒီစာမှာပါတဲ့ နှောဘို့သင့်စွာဆိုတာ ပြုလုပ်ရန်သဘောပါမယ်ထင်တယ်။ သတ်ပုံစာအုပ်ဟောင်းတွေမှာ ဘို့ မပါ။ နောက်ထုတ်တွေမှာလည်း နွားဘို့တခုတည်းသာပါတယ်။ ဘို့ ဘို့ပါတဲ့နွား ကုလားအုတ်ဘို့ ဖို့ ကိုယ့်ဖို့ ကုသိုလ်အမျိုးမျိုးတို့၏ အဖို့ဘာဂဟူသမျှတို့ကို တဖို့ထဲဖို့နေသည် တာဖို့သည် ပို့အောင်ဖို့သည် ဖို့မြေအရပ် ဖို့မံသည် သနပ်ခါးဖို့သည် သူ့ကိုဖို့နေသည် သူ့ဖို့ကိုယ့်ဖို့ အဖို့အစု အဖို့ဝေငှ ကောင်းမှုအဖို့ကို အမျှဝေသည် နေ့ဖို့ညစာ မောက်အောင်ဖို့ မြေဖို့သည် ကျွန်တော်လည်း မှားတတ်တယ်။ အရင်ကရေးတဲ့စာတွေမှာ ပြင်စရာတွေရှိမယ်။ ဆောရီး။ မှားတ

- စကြာဝဠာ အလင်း သတ်ပုံနှင့်ပတ်သက်၍ စောဒကတက်ခြင်းဖြင့် အကျိုးမများနိုင်ပါ ကခ်ာဝိတရဏီအဋ္ဌကထာမှာပြထားတယ် - စကြာဝဠာ အလင်း ယောနိသောမနသိကာရလည်း ဒီနေရာမှာလိုအပ်နေတယ်ဆရာ - သတ်ပုံမှန်မှန် မှားမှား ပညတ်တွေ - သတ်ပုံမှန်မှန် မှားမှား ပညတ်တွေ - သတ်ပုံမှန်မှန် မှားမှား ပညတ်တွေ နိုင်ငံရေးရေးရေး ဆေးညာစာရေးရေး သုတနဲ့ မြန်မာစာရေးရေား တရားလာပြသူတွေကပေါတယ်။ တရားပြသူတွေ အခုလောက်ဆို အမှားများတဲ့မြန်မာ့ဘုံကနေ လွတ်ကျွတ်သွားလောက်ကြပြီ။  နတ်ပြည်လား၊ ဗြဟ္မာ့ပြည်လား မသိ။  နိဗ္ဗာန်ကို မျက်မှောက်ပြုသူတွေဆိုရင်တော့ မြန်မာစာကိုပါ မျက်ကွယ်ပြုကြမှာ။ တရားသမား တယ်များတာကိုး။ ပုံထဲက တရားထိုင်နေတဲ့ပုဂ္ဂိုလ်က ဖေ့စ်ဘွတ် မပွတ်ပါ။ သတ်ပုံမှန်တာ မှားတာတွေ မပြောပါ။ ခေတ်နောက်ကျ၏။ Comparing Hindu and Buddhist Meditation Practices ဒေါက်တာတင့်ဆွေ

နင်ငါ့ကို ခနဲ့တဲ့တဲ့မပြောနဲ့၊ ခနဲ့တည့်တည့်မပြောနဲ့ ဆိုသည့်စကားအသံထွက်ကို ဘယ်လိုရေးရမလဲခင်ဗျ။ ခနဲ့ ခနဲ့အသံထွက် ခနဲ့။ ပုံထဲမှာ ကြည့်ပါရန်။ ခနော်ခနဲ့ ခနိုးခနဲ့ ဒေါက်တာတင့်ဆွေ

တင်ထားတဲ့စာ = ကြေးအိုး ချက်နည်း မိတ်ဆွေတဦးကရေးတာ = စားချင်ပါတယ်ဆိုဗျာ။ တည်ခင်းပေးထားတာ နာရီတောင် အတော်ကြာပြီ။ ခုထိ မသုံးဆောင်သေးပါလား။ လွန်ခဲ့တဲ့ ၁၀ နှစ်လောက်နေ စတယ်။ ဖေ့စ်ဘွတ်ကနေ စားစရာပုံလှလှလေးတွေပို့ပြီး စာပါဦးဆရာတဲ့။  ပဌဦးဆုံးပုံက အထော်ဘယ်ရီသီးတွေ။ ဟာ - ဘာလဲမသိ။ လှောင်ပြောင်တာနဲ့တူတယ်။ အခုတော့ လူတိုင်းက နေ့တိုင်းမှာ အစားအသောက်တိုင်း တင်နေကြပြီ။ ပုံမြင်ကြ၍ အာဟာရပြည့်ဝကြစေသတည်း။ ဒေါက်တာတင့်ဆွေ

Diwali ဒေဝါလီပွဲတော်ကို ၅ ရက်တိုင်တိုင်ကျင်းပကြတယ်။ Dhanteras ကနေစတင်တယ်။ လက်ဝတ်လက်စားတွေ၊ အသုံးအဆောင်တွေ ဝယ်ကြ ရောင်းကြတယ်။ အပြန်အလှန် လက်ဆောင်တွေပေးကြတယ်။ သူတို့ ကိုးကွယ်တဲ့ဘုရား ပူဇော်ကြတယ်။ နောက်ရက်က Naraka Chaturdashi ဖြစ်တယ်။ မကောင်းဆိုးဝါးဘုရင် Narakasura သေဆုံးတဲ့နေ့။ Chhoti Diwali သို့မဟုတ် Small Diwali လို့ ခေါ်တယ်။ ဒေဝါလီပွဲတော်ဟာ Lord Krishna ခရစ်ရှနာဘုရင် အောင်ပွဲခံတဲ့နေ့ဖြစ်တယ်။ ၂၀၂၄ ခုနှစ် အောက်တိုဘာလ ၃၁ ရက်သည် ဟင်ဒူဘာသာဝင်တို့၏ ဒေဝါလီ (ဒီဝါလီ) (ဒီပါဝလီ) ပွဲတော်နေ့ဖြစ်ပါသည်။ ၂၀၂၃ ခုနှစ် နိုဝင်္ဘာလ ၁၂ ရက်သည် ဒေဝါလီ (ဒီဝါလီ) (ဒီပါဝလီ) ပွဲတော်နေ့ဖြစ်ပါသည်။ ၂၀၂၂ ခုနှစ် အောက်တိုဘာလ ၂၄ ရက်သည် ဒေဝါလီ (ဒီဝါလီ) (ဒီပါဝလီ) ပွဲတော်နေ့ဖြစ်ပါသည်။ Bankruptcy ကို မြန်မာလို ဒေဝါလီခံ တယ် လို့ ပြောကြပါတယ်။ ဒေဝါလီက အိန္ဒိယစကားက လာတယ်လို့ သိရပါတယ်။ ဘယ်လို ဆက်စပ်သလဲ သိပါရစေ ဆရာ။ ဒေဝါလီဟူသောစကားသည် ဟင်ဒီဘာသာ ဒီပါလီဟူသော စကားမှ ဆင်းသက်လာသော စကားဖြစ်၍၊ မီးအစဉ် (မီးရှိနေ သည်)ဟု အဓိပ္ပာယ်ရသည်။ မီးကိုထွန်းညှိပြီးနောက်၊ ထိုမီးကို မငြိမ်းဘဲထားခြင်းဟူသော အဓိပ္ပာယ်ကို ဥပစာတင်စား၍၊ ကြွေး မြီချေးယူပြီးနေ

(ကျန်းမာရေးစာ မဟုတ်ပါ။) ကွန်မင့်တခု = ဆရာတို့ပြည်နယ်ဖက်တွေ အခုဆို ဆောင်းရာသီအ၀င်ကာလ အေးရောပေါ့ ကြေးအိုး နဲ့ ဟော့ပေါ့ အလိုက်ဖက်ဆုံးရာသီတခုပါဆရာ ကျန်းမာပါစေ ဆရာ။ ဟုတ်။ ကျွန်တော်ကတော့ မုံရွာ(အလုံ) ကျိတ်ခေါက်ဆွဲ၊ မန္တလေးမုံ့တီ၊ မြီးရှည်၊ ဘုတလင်မုံ့ဟင်းခါးတွေကို ပိုကြိုက်တယ်။ ထိုင်းကို ခဏခဏရောက်လို့ ထိုင်းက ဟော့ပေါ့လည်း ကြိုက်တယ်။  ကြေးအိုးနဲ့ မာလာဆိုတာတွေကို တယ်မကြိုက်လှပါ။  ရခိုင်မုံတီဆိုရင် အသုပ်ကို ပိုကြိုက်တယ်။  ခေါက်ဆွဲဆိုရင် ခေါက်ဆွဲသား အမျိုးအစား ရွေးရတယ်။  ဒေလီမှာတုန်းက အရှာရခက်တယ်။ အမျိုးအစားကောင်းတဲ့ ခေါက်ဆွဲနန်းပြားလည်း ကောင်းတယ်။ ဆန်နန်းပြားလည်း ရွေးတတ်မှ။  အိမ်မှာ မုံ့တီလုပ်ရင် ဒီတိုင်းပြည်မှာရတဲ့ မုံတီဖတ် အတော်ရွေးရတယ်။ မြန်မာ၊ ထိုင်း၊ ဗီယက်နမ်၊ တရုပ်၊ ကိုရီးယား ကောင်းတဲ့အမျိုးအစား ကောင်းပါတယ်။  အီတလီခေါက်ဆွဲမှန်သမျှ ကောင်းတယ်။ ဒါပေမဲ့ နည်းနည်း မာတယ်။  အစားအသောက်တွေတိုင်းမှာ ပြုလုပ်နည်းမူရင်းဖေါ်မြူလာတွေရှိတယ်။ ကောင်းမယ်ထင်ပြီး အစုံထည့်တော့ စားမကောင်းတော့ပါ။ ဆန်ပြုတ်ဆို မုံရွာ ကိုသန်းဆန်ပြုတ်က အကောင်းဆုံးလို့ ဘက်လိုက်ပြီး ထင်ပါတယ်။ ဝက်အူတောင့်ဆိုလည်း မုံရွာနဲ့ ရေဦး။ အေးလမုံ့၊

၂၀၂၄ ခုနှစ် နိုဝင်္ဘာလဟာ မြန်မာလို ၁၃၈၆ ခုနှစ် တန်ဆောင်မုန်းလဆန်း (၁) ရက်နေ့ကနေ တန်ဆောင်မုန်းလကွယ်နေ့အထိ ကျရောက်တယ်။ နိုဝင်္ဘာလမှာ ကမ္ဘာ့မြောက်ခြမ်းမှာ ဆောင်းဦးနဲ့ တောင်ခြမ်းမှာ နွေဦးရာသီတွေ စတယ်။ အမေရိကနဲ့ ကနေဒါနိုင်ငံတွေမှာတော့ Thanksgiving Day ကျေးဇူးတော်နေ့ကို ဒီလထဲမှာ ရုံး အလုပ် အားရက်အဖြစ် ဆင်နွှဲကြတယ်။ ပြီးခဲ့တဲ့နှစ်က စိုက်ပျိုးသီးနှံတွေ ထွက်ခဲ့တာကို ကျေးဇူးတင်တဲ့သဘော ဖြစ်ပါတယ်။ အမေရိကမှာ နောက်ဆုံးကြာသပတေးနေ့နဲ့ ကနေဒါမှာ အောက်တိုဘာလ ဒုတိယတနင်္လာနေ့လို့ သတ်မှတ်ထားတယ်။ ကလေးတွေ စိတ်ဝင်တစားနဲ့ ကြောက်စရာကို ပျော်စရာလိုလုပ်ကြတဲ့ Halloween ဟဲလိုးဝင်းနေ့ အောက်တိုဘာ ၃၁ ရက်နေ့ ဖြစ်ပါတယ်။  နိုဝင်္ဘာလ နှစ်ပတ်လည်နေ့များ နိုဝင်္ဘာ ၁ဝ ရက် = အင်ဒိုနီးရှား အမျိုးသားသူရဲကောင်းများနေ့ နိုဝင်္ဘာ ၁၁ ရက် = ပိုလန် နဲ့ အင်ဂိုလာလွတ်လပ်ရေးနေ့ နိုဝင်္ဘာ ၁၄ ရက် = အိန္ဒိယနိုင်ငံ ကလေးများနေ့ (နေရူးမွေးနေ့) နိုဝင်္ဘာ ၁၄ ရက် = World Diabetes Day ကမ္ဘာ့ဆီးချိုရောဂါနေ့ နိုဝင်္ဘာ ၁၇ ရက် = National Prematurity Awareness day ကိုယ်ဝန်စောမွေးခြင်းအသိပညာပေးနေ့ နိုဝင်္ဘာ ၁၈ ရက် = လက်ဗီယန်လွတ်လပ်ရေးနေ့ နိုဝင်္ဘာ ၂ဝ ရက်

သားတယောက်က လှမ်းပြောတယ်။ ဦးဘိုးလှိုင်ရဲ့ ဥတုဘောဇန သင်္ဂဟကျမ်း ရောက်လာပြီဗျ။ သြော ပြင်ရိုက်လား ဟုတ်မယ်။ ၁၉၉၆ ထုတ် အဲတာဆိုရင်တော့ မဖတ်ချင်။ ရွှေပြည်ဝန် ယောအတွင်းဝန် ဦးဘိုလှိုင်ရဲ့စာအုပ်ကို ဒုတိယအကြိမ်ရိုက်နှိပ်စဉ်က စစ်အစိုးရလက်ထက်ထုတ် မြန်မာစာလုံးပေါင်းသတ်ပုံကျမ်းအတိုင်း ပြင်ဆင်ထုတ်ဝေခဲ့ရကြောင်း ပါရှိပါတယ်။ မူရင်းကျမ်းကို ဦးဘိုးလှိုင်ရဲ့ ရေးထုံးမူအတိုင်း ထားရှိပါသည်လို့လည်းပါရှိပါတယ်။ အဲလိုတိကျရှင်းလင်းစွာ ရေးသားဖေါ်ပြထုတ်ဝေခြင်းဟာ အလွန်လေးစားစရာကောင်းပါတယ်။  တိုင်းပြည်တိုင်းမှာ စာအုပ်ထုတ်လုပ်ငန်းနဲ့ စာပေနယ်ပယ်မှာ IPR (intellectual property rights) ပညာပိုင်းဆိုင်ရာမူပိုင်ခွင့်ကို လေးစားလိုက်နာရပါတယ်။ ခုခေတ်မှာ သတ်ပုံပြင်ထုတ်စာအုပ်တွေက ပညာပိုင်းဆိုင်ရာမူပိုင်ခွင့်ကို  ပြောင်ပြောင်းတင်းတင်း ချိုးဖေါက်နေကြတယ်။ ပညာရှိရာမကျပါ။ ဒေါက်တာတင့်ဆွေ ၃၀-၁၀-၂၀၁၈

(အတုနှင့် အစစ် သို့မဟုတ် မလုပ်သင့်မလုပ်ထိုက်တဲ့ ဒေါင်းလုဒ်စာအုပ်များ) အွန်လိုင်းမှာ ဒေါင်းလုဒ်လုပ်နိုင်တဲ့စာအုပ်တွေ အများကြီးတင်ထားကြတယ်။ တချို့စာအုပ်တွေက အတော်ကို တန်ဖိုးရှိတယ်။ တချို့စာအုပ်တွေကတော့ မလုပ်သင့်မလုပ်ထိုက်တာတွေ။ ချက်ချင်းဖျက်ပစ်သင့်တယ်။ မြန်မာ့စွယ်စုံကျမ်း (ဦးနု) လိုတင်ထားတယ်။ မြန်မာ့စွယ်စုံကျမ်းကို ဝန်ကြီးချုပ်ဦးနုက ပြုစာထားခဲ့တာ မဟုတ်ပါ။ ကျွန်တော်က မူရင်းစာအုပ်တစုံလုံးကို အခုတိုင်းပြည်အထိ ရအောင်သယ်ယူလာခဲ့ပါတယ်။ အွန်လိုင်းတင်ထားတာမှာ သတ်ပုံတွေကို ပြင်ထားတယ်။ နမူနာနည်းနည်းလေးသာ ထောက်ပြပါမယ်။ အတွဲ (၁) စာမျက်နှာ (၁)။ ကကတစ်။ မူရင်းစာအုပ် = ကကတစ်သည် မြန်မာနိုင်ငံ ကမ်းရိုးတလျှောက်၌တွေ့ရသော အရေးကြီးသည့် စားငါးတမျိုးဖြစ်သည်။ အွန်လိုင်းစာအုပ် = ကကတစ်သည် မြန်မာနိုင်ငံ ကမ်းရိုးတစ်လျှောက်၌တွေ့ရသော အရေးကြီးသည့် စားငါးတစ်မျိုး ဖြစ်သည်။ တ နှစ်လုံးကို တစ် လို့ပြင်ထားတယ်။ မပြင်ရပါ။ ကကုသန်မြတ်စွာဘုရား။ မူရင်းစာအုပ် = ဘုရားငါးဆူပွင့်ရာ ဤဘဒ္ဒကမာ္ဘအတွင်း ပွင့်တော်မူခဲ့ပြီး ဘုရားလေးဆူအနက် ပဌမဆုံးပွင့်တော်မူသော ဘုရားရှင်ဖြစ်သည်။ အွန်လိုင်းစာအုပ် = ဘုရားငါးဆူပွင့်ရာ ဤဘဒ္ဒကမာ္ဘအတွင်း ပွင့်တော်မူ

၁၉၈၃ ခုနှစ်က သစ်ထွဏ်း ကာတွန်း နှင့် သတ်ပုံ။ ခုခေတ်မှာတော့ တူမကြီး၊ ဦးကြီးနဲ့ ဘကြီးတွေ တယောက်တည်း မဟုတ်ကြတော့။ ဆေးပညာစာတွေရေးတော့ နိုင်ငံရေးတော့ မရေးဘူးဆိုပြီး အပြစ်တော်တင်သူတွေ မြန်မာစာရေးတော့ကို နိုင်ငံရေးတော့ မရေးဘူးဆိုပြီး ဝေဘန်ရန်လုပ်သူတွေ မြန်မာစာရေးတော့ တ နဲ့ တစ် သာရေးနေတယ်လို့ဆဲဆိုသူတွေ တ နဲ့ တစ် မဟုတ်တာက အဆ တရာမကများတယ်။ သူတို့က တူမကြီးတယောက်သာ မြင်ကြသတဲ့။ ပုံအတွက် ကျေးဇူး။ ဒေါက်တာတင့်ဆွေ

သတ်ပုံပြင်ပြီး အသုံးချမခံရသေးတဲ့ ကာတွန်း။ ဒေါက်တာတင့်ဆွေ

- ရှယ်ပါတဲ့။ - လိုချင်တဲ့ဆုတောင်းပြီး ရှယ်ပါတဲ့။ - ရှယ်လိုက်ပြီတဲ့။ - လူဘယ်နှစ်ယောက်ဆီရှယ်ရင် ဘာရမယ်တဲ့။ - နောင်လိုချင်ရင် ရအောင် သိမ်းထားကြတဲ့။ အဲလိုဟာတွေမှာ အရေးအသား၊ သတ်ပုံသာမက အချက်အလက်တွေကလည်း မှားနေကြတယ်။ အဟုတ်မှတ်သူတွေကလည်း မနည်းမနော။ စဉ်းစားတွေမြင်မှုကိုက မှားနေကြတာ။ အတော်ကိုလွဲမှားနေကြတဲ့ အလုပ်ကြီးအကိုင်းကြီးဖြစ်တယ်။ Wrong Thinking Leads To Wrong Feeling ဒေါက်တာတင့်ဆွေ

စကားပြောသလိုစာရေးနည်းဆိုပြီး ရေးကြတယ်။ သင့်မှန်တာတွေရော၊ လွဲတာတွေပါ တွေ့ရတယ်။ ရေးတော့အမှန်၊ ဖတ်တော့အသံစာလေးတွေ ၃-၄ ပုဒ်တင်ပြထားတယ်။ ထပ်ဖြည့်ပါဦးမယ်။ တနေ့က ရခိုင်ဆရာတော်တပါးကို မေးကြည့်တယ်။ ရခိုင် ကို ရခိုင်လူမျိုးတွေက ဘယ်လို အသံထွက်ကြပါသလဲဘုရား။  ရ သံကို ဗမာတွေထက် ခပ်လေးလေး အသံထွက်ကြတယ်။ အိန္ဒိယန်းတွေလောက်ထိတော့ အသံမလေးပါ။ တင်ပါ့ ဘုရား။ သတင်းကြေငြာတာ၊ ဈေးထဲမှာပြောဆိုတာ၊ သီချင်းဆိုတာ၊ ကဗျာရွတ်တာ နည်းနည်းစီ ကွဲပြားသေးတယ်။ သီချင်းဆိုတတ်သူတွေက အသံအကြောင်း ပိုသိကြပါတယ်။ ထိုင်းနိုင်ငံမှာ သူတို့စကားသံကို နည်းနည်းလေးကွဲလွဲထွက်မိတာနဲ့ အဆင်မပြေဖြစ်ပါတယ်။ အိန္ဒိယမှာတော့ သူတို့ကဖြည့်ပြီး နားလည်ပေးလေ့ရှိတယ်။ မြန်မာပြည်ကလူတွေ အင်္ဂလိပ်စကားပြောဆိုရာမှာလည်း တိတိကျကျထွက်နိုင်သူ နည်းတယ်။ နားလည်ယူကြလေ့ရှိတယ်။ ကနေ့ခေတ်မှာ ပြည်ပထွက်နေရသူသန်းများစွာရှိပြီ။ အင်္ဂလိပ်စကားပြောနိုင်ငံတွေကိုလည်း ရောက်ကြတယ်။ ကျွန်တော်တို့တတွေက အများအားဖြင့် ငပိသံ မပျောက်ကြပါ။ အသံထွက်မှန်အောင်ကြိုးစားသူတွေလည်း ရှိတယ်။ အဲလိုနိုင်ငံတွေမှာ မွေးဖွားကြီးပြင်ကြတဲ့ကလေးတွေကတော့ ပြောစရာမလိုအောင် အသံထွက် မှန်ကြတယ်။ လိုက် လုပ်ပါလို့ရေးကြ ပြေ

၁။ မုံ့တီ နဲ့ နန်းကြီးသုပ် အမြဲငြင်းနေရပါတယ်ရှင်။ ၂။ နန်းကြီးလား မုန့်တီလား။ ဒေသအလိုက်အခေါ်အဝေါ်မတူကြတာကိုအမှန်/အမှား အငြင်းပွားရန်များဖို့မလိုဘူးလို့ ဆပါတယ်။  ဘယ်အရာကိုမဆို စနစ်၊ အစဉ်အလာနဲ့ ခေတ်သဘော သတ်သတ်မှတ်မှတ်ရှိရပါမယ်။ နန်းကြီး၊ နန်းလတ်၊ နန်းသေးဆိုတာ မုံ့ဖတ်အရွယ်အစားကို ပြောတာဖြစ်တယ်။ အတိအကျဆိုရင် နန်းလုံးအရွယ်အစား။ ပန်းထိမ်လုပ်ငန်းမှာသုံးတဲ့ နန်း။ စနစ်နဲ့ တိတိကျကျရှိရတယ်။ မန္တလေးမုံ့တီဆိုရင် နန်းလတ်နဲ့ နန်းကြီးဖြစ်ပါတယ်။ မုံ့တီဆိုတာ မုံ့ပွဲပြင်ဆင်နည်းဖြစ်တယ်။  မုံ့ဟင်းခါးနဲ့ ရခိုင်မုံ့တီတို့က အရည်ပါရောထားတာ။ မုံ့လုံးပတ် အသေးစားကို သုံးကြတယ်။ နန်းကြီးမုံ့တီ၊ နန်းလတ်မုံ့တီ၊ နန်သေးမုံ့တီတွေက အသုပ်ဖြစ်ပြီး၊ ဟင်းရည်သီးသန့်ထည့်ပေးပါတယ်။ တချို့အရပ်တွေမှာ နန်သေးအသုပ်ကို မုံ့ဟင်းခါးလက်သုတ်လို့လည်း ခေါ်တယ်။ အရည်ပါတဲ့ နန်းသေးနဲ့သုပ်တာကို တပင်တိုင်မုံ့ဟင်းခါးလို့ ခေါ်တယ်။ ကျွန်တော့ဇာတိ မင်းရွာမှာ ငယ်ငယ်က အဲလိုခေါ်တယ်။ နန်းကြီးမုံ့တီ၊ နန်းလတ်မုံ့တီ၊ နန်သေးမုံ့တီဆိုမှ မှန်ကန်ပြည့်စုံတယ်။ စကားအရာမှာတော့ အလွယ်ပြောလေ့ရှိကြပါတယ်။ ခိုတောင်မုံ့တီကလည်း နန်းလတ်ကိုသုံးတယ် ထင်ပါတယ်။ အရပ်သုံးမှာ နန်းဆို

သဇင်သင်းမှဖြင့် နှင်းပြက် စိန်ပုဝါနဲ့ မှိန်နီလာ ဇာခြည်တွန့်ရယ်က ပြာအလွန့် မြူဝတ်ရုံ။ ။ နတ္တော်ဆန်းယင်လှ ထုံဝန်းစည် လိမ္မော် ယနံ့ရယ်တို့ ပျံ့သက်ကာ ယဉ်ယဉ်မွှေးပြီမို့ ရေးချင်စိတ် ရင်ကခုန်။ ။ ကျောက်စီခြယ်ရွှေ့ကလပ်မှာတဲ့ ပေချပ်လွှာ မြမြစိမ်းကိုဖြင့် လိမ်းကျံသည် ပုံမျှင်ဖယ်၍ ကန်တော့ဘွယ် စာဆိုပွဲမှာတော့ ကြိုမြဲပ ပူဇော်အစုံ ကြာငုံညွတ်ယှက် အဖူး။ ။ သီကုံးမယ်လေ တင့်ဆုံးစာတခွေနဲ့ ခက်ညွန့်ဝေ ကာရန်သငဲ့ပြင် သည်လမှာ ကဗျာခိုင်နဲံ သဇင်လှိုင် ပြိုင်မယ်မှန်းကာမှ ယမ်းငွေ့တွေ ပိတ်မှောင်ကာ၍ သဲကန္တာ သွေးရှင် စွန်းတဲ့ပြင် မြစ်ဝန်းကျင် ပြာဓနုမှာ အေးဘယ်ခု ဘယ်ခါချိန်ဝယ် ကနုတ်လိန် ပိုက်ကြာ ခွေဘို့ တို့မြေမှာ သာယာငြိမ်းပါမှ ပေဖူးလွှာ သဇင်ခပေလိမ့် ကြွအဆန်း လှပန်း ပြိုင်အဆိုင်နဲ့ နိုင့်အနိုင် စာပေဖွင့်မယ် လန်းခွင့် ကြုံဘူး။ ။ ဒဂုန်-တာရာ ကြေးမုံသတင်းစာ ၁၉၅၆ ဒီဇင်ဘာလ

တတောင်ကို တတောင်ပတ်လို့ တောင်ဇလပ်တွေက သင်းတဲ့မြေ ။ တောင်ခြေမှာ ခေါင်ရည်မူးကာပ အပျော်ကြူးသည် ကာလလျား များခဲ့ပြီလေ ...။ ချင်းတောင်ကို လင်းအောင်လုပ်ကြတော့ ကျွန်ုပ်တို့ သွေးချင်းတွေ ညီစေတဲ့ ညီမြဲ ...။ တောင်ခြေမှာ အောင်မြေနင်းရအောင် ချောင်းတွေ မြောင်းတွေရှင်းဖို့ မင်းတို့တာပဲ ...။ ။ ချင်းမဂ္ဂဇင်း၊တက္ကသိုလ်များရန်ကုန်(၁၉၈၃) ကံ့‌ကော်ရိပ်မှ အိပ်မက်များ(၁၉၉၇) တင်မိုး - Tin Moe

ရေငြိစိမ်းများရှိရာအရပ် ကျောက်ကလပ် ရေညှိလို့ ရေးရ ရေညှိ = ရေအနည်းငယ်တင်ကျန်ခဲ့သော အကျိအချွဲ။ အမြဲစိုစွတ်သောကျောက်တုံး၊ သစ်ဆွေး မြေဆွေးအပေါ်ယံ၌ ဖုံးကွယ်ပေါက်ပွားတတ်သော  အစိမ်းရောင်ရှိ ပင်ကပ်ငယ်တမျိုး။ ရေညှိရောင် ရေညှိတက် ညှိ  ၁။ မညီသည်ကို ညီအောင်လုပ်သည်။ ၂။ စံကိုက်အောင်လုပ်သည်။ ၃။ တိုက်ဆိုင် နှိုင်းယှဉ်သည် ၄။ အချင်းချင်း သဘောကိုက်ညီအောင် လုပ်သည်။ ၅။ မီးစွဲညှိစေသည်။ ညှိဆို = ညီအောင်ပြောဆိုသည်။ ညှိထွန်း ညှိနှိုင်း ငြှိမ်း = ငြိမ်းစေသည်။ အေးစေသည်။ မီးငြှိမ်းတော့မှ အကြောင်းသိမှာပေါ့။ ညှိညီအောင် မီးညိအောင်ညှိ ညှိထွန်း ညှိနှိုင်း ငြိ ချိတ်တွယ်ငြိ တွယ်ကပ်ငြိ ငြိကပ် ငြိစွန်း ပုံအတွက် ကျေးဇူး။ ဒေါက်တာတင့်ဆွေ

ရောင့်ရဲမှ ငြိမ်းချမ်းသတဲ့ စိမ်းလန်းတဲ့ တောအုပ်ကလေး စီးရေပြေးတဲ့ ချောင်း ဝါးကျောင်းကလေးတကျောင်းမှာ ခိုအောင်းလို့နေချင်တယ်။ ရှင်ဥတ္တမကျော်လို ကဗျာဖွဲ့ ကြည်လဲ့နေတဲ့ ရေသီတာ နွဲ့နေတဲ့ ငှက်တေးသံသာနဲ့ လူ့ရွာကို လျစ်လျူရှု ဥပေက္ခာတရားနဲ့ နေချင်တယ်။ ဒါပေမဲ့ ငါ့ရဲ့ဘဝခရီးက တကိုယ်ထီးတည်း လွတ်မြောက်ဖို့ မျက်မှောက်လောကဘဝဝဲက မျက်နှာလွှဲဖို့ ဟုတ်ရဲ့လား။ ငါ့အတွက် ငါအသက်ရှင် ငါ့ရင်ငြိမ်းချမ်း ပြီးစတမ်းလား။ ငါ့အစွမ်းအင်တွေ အသာသိမ်း ငါငြိမ်းရင် လုံလောက်ပြီလို့ မဂ်ပေါက်ဖိုလ်ဝင်ချင်တာနဲ့ သံယောဇဉ်အနှောင်အဖွဲ့က ရှောင်ခဲ့ချင်ပြီလား။ ဘဝရဲ့တန်ဖိုးဟာ ကိုယ့်အကျိုးအတွက် အသက်ရှင်ရေးလား။ ချောင်းရေကလေးနံဘေးမှာ အကြောင်းအထွေထွေ တွေးနေမိတယ်။ လူ့ဘဝထဲ သမုဒယဝဲမှာ ရဲရဲနေ ရဲရဲဆင်း တရားမျှတခြင်းကိုတည်ဆောက် အခက်အခဲမကြောက် လက်တွဲလျှောက် စိတ်ဓာတ်နဲ့ မြင့်မြတ်တဲ့ လောကလမ်းမှာ သောကတွေထမ်းရင်း ချီတက် လောဘဘက်ကို မျက်နှာမူ တာဝန်ယူတတ်တဲ့စိတ်ကို မွေးရဦးမယ် ။      ။ (တင်မိုး) ၂၅ - ၅ - ၉၆ ဒေါက်တာတင့်ဆွေ

ထမင်းတနပ်စားရန်လို့ ရေးရ။ ထမင်း တနံနက်စာလို့လည်း ရေးနိုင်။ ထမင်း တမနက်စာလို့လည်း ရေးနိုင်။ နတ်ကနားပွဲ နတ်ကွန်း နတ်ကွပ် နတ်ချင်း နတ်စိမ်း နတ်တော်လ နတ်ထိန်း နတ်ကတော် နတ်ပွဲ နတ်ဒိုး နတ်ကရာ ကျီးမော နတ်သုဓာ နတ်သံပစ် ထမင်းနှပ်၍ နပ်ပြီ လာရကျိုးနပ် အကျိုးနပ် သွားရကျိုးအကျိုးနပ် ထမင်းတနပ် တနပ်စားအကြံ နပ်ကျော်ထမင်း ပတ်ပတ်နပ်နပ် ဆွမ်းတနပ် ဒေါက်တာတင့်ဆွေ

ဟိုအရင်က မြန်မာပြည်မှာ လက်ဝဲမောင်းစနစ်ရှိခဲ့တယ် ဗြိတိသျှကိုလိုနီခေတ်ကတည်းက။ အင်္ဂလိပ်စနစ်အတိုင်း မောင်းရ စီးနင်းရ သွားလာခဲ့ရပါတယ်။ ၁၉၇၀ ခုနှစ် ဒီဇင်္ဘာလ (၇) ရက်နေ့ကစပြီး လက်ျာမောင်းစနစ်ပြောင်းခဲ့တယ်။ ဗိုလ်နေဝင်းလက်ထက်ဖြစ်ပါတယ်။ နောက် ရန်ကုန်မြို့မှာ တချို့လမ်းတွေကို တလမ်းမောင်းစနစ်လုပ်တယ်။ မန္တလေးမှာလည်းလုပ်တယ်။ အဆင်ပြေပါတယ်။ ဗိုလ်နေဝင်းလက်ထက်မှာပဲ ၁၉၆၃ ခု ဒီဇင်ဘာလ ၂ ရက်နေ့မှာ မြန်မာနိုင်ငံ မြန်မာစာပေ ပြုစုရေးနှင့် ဘာသာပြန် ကော်မရှင်ကို ဖွဲ့တယ်။  ၁၉၆၄ ခု ဖေဖော်ဝါရီလ ၂၅ ရက်နေ့မှာ အဘိဓာန်နှင့် ရေးထုံးကော်မတီကိုဖွဲ့တယ်။  မြန်မာစာလုံးပေါင်းသတ်ပုံကျမ်း နိဒါန်းမှာ သည်လိုရေးသား ရိုက်နှိပ်ထားတယ်။ ထိုကော်မရှင်သည် “အစိုးရရုံးသုံး စံ မြန်မာရေးထုံးကျမ်းတစောင် ပေါ်ထွက်လာရေး” လုပ်ငန်းတရပ်ကိုလည်း ဆောင်ရွက်ရမည်ဟု ဥက္ကဋ္ဌကြီးက ထပ်မံညွှန်ကြား သတ်မှတ်ပါသည်။  ၁၉၆၄ ခု၊ သြဂုတ်လ ၂၇ ရက်နေ့တွင် “ကျောင်းသုံးစာအုပ်ကော်မတီ” အစည်းအဝေးကို တော်လှန်ရေးကောင်စီဥက္ကဋ္ဌရုံး၌ ကျင်းပစဉ် ဥက္ကဋ္ဌကြီး (ယခု နိုင်ငံတော်သမ္မတကြီး ဦးနေဝင်း) က “အသံကို ရေးတဲ့အခါ အမှန်ရေး။ စည်းကမ်းဆိုတာ အတိအကျရှိရမယ်။ စကားတလုံးနှင့် ခုနစ်နှစ် ငြင်းန

ဘယ်လိုပဲပျော်ရတယ်ပြောပြော အပျိုဘဝကိုတော့ တဝက်တောင်မမှီဘူး။ တဝက်လို့ ရေးတာ မှန်။  (မိန်းမသားတို့ ရင်ဖွင့်ရာ) ကွန်ဂရက်ကျူလေးရှင်း။ မမီဘူးလို့ ရေးတာက ပိုမှန်ပါတယ်။ အရင်ကလည်း မီ နဲ့ မှီ ရောရေးခဲ့တာတွေ ရှိတယ်။ လိုက်လို့မမီ ပြေးပြန်ပြီ။ ကြီးရင်မှီ၊ ငယ်ရင်ချီ (ကြီးလျှင်မှီ၊ ငယ်လျှင်ချီ)။ ဒေါက်တာတင့်ဆွေ

အင်္ဂပူမြို့နယ်က တိမ်မြုပ်နေသော မြို့ဟောင်းတမြို့  မြို့ဟောင်းတမြို့ လို့ ရေးတာ မှန်။ စောစောကလည်းလွမ်းမောဖွယ်ရာ မက္ခရာမြို့ဟောင်း တနေရာလို့ ရေးတာ မှန်။  ကွန်ဂရက်ကျူလေးရှင်း။ (ဘ၀ အတွက် တန်ဖိုးရှိသော စာပေများ) ဒေါက်တာတင့်ဆွေ

မိတ်ဆွေတယောက်က တင်ထားတယ်။ ChatGPT လာမည့် အမေရိကန်ရွေးကောက်ပွဲတွင် ကမလို နီထွန်းနီ ကမလား ဟာရစ်စ်နှင့် ဒေါနယ် ထရမ်ပျား တို့ကြား အကျပ်အတည်းရှိပါတယ်။ ဟာရစ်စ်သည် အမျိုးသားပေါင်းချုပ်ဖြစ်စဉ်တွင် အနည်းငယ်သာ ဦးဆောင်နေသော်လည်း၊ ရွေးကောက်ပွဲသည် အရေးကြီးသော ပြည်နယ်များတွင် ဆုံးဖြတ်မည်။ ထရမ်ပျားသည် ပြန်လည်အောင်မြင်မှု ရရှိနေသောကြောင့် လွှမ်းမိုးမှုများရှိနေပါသည်။ သြော် ChatGPT က ဗေဒင်လည်းရသကိုး။ လူသိထင်ရှားခြင်းမရှိပေမဲ့ ဟောသမျှ အတော်များများ တိတိကျမှန်တဲ့ ဘုန်းတော်ကြီးတပါးရဲ့ ခန့်မှန်းချက်တွေလည်း သိရတယ်။ အဲဒီကိုယ်တောက 'ဆဲလီ' တွေလို မဟုတ်။ လူသိမခံ။ အမေရိကန်သမတရွေးကောက်ပွဲ အဖြေတွေ နိုဝင်္ဘာလ ၅ ရက်နေ့ညမှာ စတင်သိရမယ်။ အမေရိကတိုက်မှာ နာရီမတူပါ။ အရှေ့ဘက်ကမ်းခြေထက် အနောက်ဖက်ကမ်းခြေက နောက်ကျမှ သိရမယ်။  ဒါပေမဲ့ တရားဝင်မှုမှာ ဒေါ်နယ်ထရမ့်က ပြဿနာလုပ်နိုင်တယ်။ ဘယ်လိုနဲ့ ဘာတွေလုပ်မလဲ FBI တောင် မသိနိုင်။ KGB ကတော့ သိလောက်တယ်။ တရုပ်နဲ့ အီရန်လည်း ပါတယ်။ VOA က နိုဝင်္ဘာ ၅ ရက်နေ့ည ၁၁ နာရီမှာ ဆွေးနွေးခန်းမှာ ပါဝင်ဘို့ ဖိတ်ထားတယ်။ ChatGPT ဖြေတာကို ပြောရမလား၊ ဘုန်းကြီးဟောတာကို ပြောရမလား မသိသေးဘူး။ ဒေါက်တာတင့်

ပို့စ်တခုတွေ့တယ်။ 'ပရိတ်သက်' ကို တရားဝင်ချပြလိုက်တဲ့ မ ( - ) ရဲ့ ရည်းစားတဲ့။ ပရိတ်သတ်ကို ကသတ်နဲ့ ရေးထားတယ်။ အဲဒီ Mingalar မှာ 31.7K subscribers ရှိသတဲ့။ သတ်ပုံက မှားနေတယ်။ မှားနေတာကို တယောက်မှ မှားမှန်းသိကြပုံမရ။  သက် ခုနှစ်သက္ကရာဇ်၊ ချစ်တဲ့သက်နှံ၊ ချစ်ဖက်သက်လျာ၊ သက္ကတဘာသာ၊ သက္ကလတ်စောင်၊ သက်ကျားအို၊ သက်စွန့်ကြိုးပမ်း၊ သက်ဆိုင်သူ။ သက်ဆိုးရှည်၊ သက်တံ့ရောင်၊ သက်တမ်းရှည်၊ သက်ကြီးခေါင်းချအချိန်၊ သက်ရင်းကြီးပင်၊ သက်လုံကောင်း၊ သက်သတ်လွတ်စား၊ သက်သာချောင်ချိရေး၊ သက်ဦးဆံပိုင်စနစ်။ သက်ရောက်မှု၊ သက်သေပြ၊ သက်သောင့်သက်သာ၊ အသက်၊ သတ် ကတ်ကတ်သတ်သတ် ကန့်သတ်ထားသည် စသတ် ဆီသတ် တသတ် ဓမ္မသတ် နပန်းသတ် နယ်ပယ်သတ်မှတ် ပရိသတ် ပသတ် မီးသတ် မြင်းဇက်သတ် ရက်သတ်မှတ်လိုက်ပြီ လက်စသတ် လက်ဝှေ့သတ် သံသတ်ပင် သတ္တဝါ သတ္တု = (တ) = ရွှေ၊ ငွေ၊ သံ၊ ခဲ ကဲ့သို့သော ဒြပ်စင်။ သတ္တုကျ = (တ) = အပြစ်တာဝန် စုပုံရောက်ရှိ။ သတ္တုချ = (တ) = ဝေဖန်ဆန်းစစ်သည်။ သတ္တုတွင်း သတ္တဌာန သတ္တဘာဂနတ် သတ္တဘာဂနတ် သတ္တမ သတ္တရည် သတ္တရဘန် သတ္တရဘန် သတ္တဝါ သတ္တိ သတ္တုချ သတ္တုဓာတ် သတ္တဗေဒ သတ္တဗေဒ သတ္ထန္တရကပ် သတ်ညွှန်း သတ်နင်း = (သတ္ထု + မဒ္ဒန) = (ထ) = ရန်ကို

  (တက္ကသိုလ်ဘုန်းနိုင်) (၁)  ၁၉၉ဝပြည့်နှစ်   လွမ်းနွယ်ရေ...။ နှစ်ကာလတွေ ရှည်ကြာလှမှ ဘဝတကွေ့က သည်အကြောင်းကို ပြန်ပြောင်းပြီး ကိုယ်ပြောပြချင်လာတယ်။ အချိန်ဆိုတာက မြူကမ္ဗလာကြီးတဲ့။ အတိတ်နဲ့ပစ္စုပ္ပန်ကြားမှာ ကန့်လန့်ကာကြီးလို သူကာဆီးတတ်သတဲ့ကွယ်။ လောကမှာ ပြောကြတာလေ။ အင်း ...အများအတွက်တော့ ဟုတ်တန်ရာ၏။ဟုတ်ရာ၏။ တချို့သော လူတွေအတွက်တော့ အချိန်ဆိုတာဟာ ပိတ်ဖုံးတတ်တဲ့ မြူကမ္ဗလာ မဟုတ်ဘဲ ဟိုး သဲကန္တာရထဲက မီရားဇ် (Mirage)လို့ ခေါ်တဲ့၊ရောင်ပြန်ရိပ်တွေကို ပြတတ်တဲ့  သဘောပါလားကွယ်။ အဲသည် တချို့သော လူတွေထဲမှာ ကိုယ်လည်းပါ နေရသကွဲ့ ချစ်လွမ်းနွယ်။ သည်အကြောင်းတွေကို ကိုယ့်ရင်ထဲမှာပဲကိုယ်သိမ်းထားခဲ့တယ်။ ပြောတော့ ပြောချင်တယ်ကွယ်။ ဒါပေမဲ့ ကိုယ်နားထောင်စေချင်သူက တယောက်။ တယောက်ဆိုမှ တယောက်တည်း။ လေထုအပြင်မျိုး   လွမ်းနွယ်ချစ်တဲ့ ဝီလျံဝါဒီ(ဖ်)ဝါတ်(သ်) (William Words-Worth) ရဲ့ လွမ်းစရာ ကဗျာစုက ပထမဦး အပိုဒ်လေးမှာ ဆိုသလိုပေါ့။ မူရင်းစာအုပ်မှာတော့ အဲလိုရေးထားပါတယ်။ ပြန်တင် ပြန်ထုတ်တွေကတော့ သိတော်မူကြတဲ့အတိုင်းပါဘဲ။ အယ်ဒီတာ ဦးပြင်ပြင်အလုပ်လုပ်တဲ့ ဒေါ်ပြင်ပြင် ပုံနှိပ်တိုက်က ထုတ်ပါသတဲ့။ ဒေါက်တာတင့်ဆွေ

(တရားစကားရယ်လို့တော့ မဟုတ်ပါ) - ပြန်ရချင်တဲ့ ငယ်ငယ်ကအရာ ဘာလဲ။ - အပူအပင်ကင်းတဲ့ ကလေးဘဝကို တခါပြန်ပြီးရချင်သေးတယ်။ - အင်မတန်လွတ်လပ်တဲ့ ကျောင်းသားဘဝကို တမ်းတမိတယ်။ - မင်းတို့ငါတို့ ငယ်ငယ်တုန်းကလေ။ - အဓိပတိလမ်းမပေါ်မှာ။ - ငယ်တုန်းကလို အလုပ်တွေကို မြန်မြန် မလုပ်နိုင်တော့။ ခရက်ဒစ်ပြည့်ရင် ပင်စင်ယူရမယ်။ - တတိယအရွယ်မှာ ဘာဝနာ။ - ကုသိုလ်တွေ များများလုပ်ပါတယ်။ - နောက်ဘဝမှာ လူကောင်း လူချော လူချမ်းသာ ဖြစ်ချင်တယ်။ အမေး - အူဝဲကနေ ပြန်စချင်တာလား။ ဒေါက်တာတင့်ဆွေ

မြင်းတကောင်ဟာ ကဆုန်ပေါက်ပြီး ဒုန်းစိုင်းပြေးနေတယ်။ သူ့ကျောပေါ်မှာ မြင်းစီးသူတယောက်။ လှမ်းမြင်တဲ့သူတယောက်နေ အော်မေးလိုက်တယ်။ "မင်း ဘယ်ကိုသွားတာလဲ။" "ငါတော့ မသိဘူး။ မြင်းကိုမေး။" (A Collection of 60 Zen Stories) Photo of Medieval albino man riding a horse in a wheat field on Craiyon ဒေါက်တာတင့်ဆွေ

မြန်မာမုန့်အစုံရမယ် မနက်စာ နေ့ခင်းအစာပြေစား  အဆာပြေလို့ ရေးရ။ ဆာနေရင် အစာတခုခုစားပါ။ ပုံအတွက် ကျေးဇူး။ စလုံး ဆလိမ်၊ စာ နဲ့ ဆာ မှားရေးသူတွေ အတော်ကိုများပါသည်။ အဆာသွပ်ကို အစာသွပ်တဲ့။ ကင်ဆာကို ကင်စာတဲ့။ အာထွာဆောင်းကို အာထွာစောင်းတဲ့။ စ နဲ့ ဆ အမှားတွေ https://burmese-spelling.blogspot.com/2024/04/blog-post_572.html စက် ဆက် https://burmese-spelling.blogspot.com/.../blog-post_490.html စဉ် စင် ဆင် https://burmese-spelling.blogspot.com/.../blog-post_559.html စွယ် ဆွယ် စာ ဆာ https://burmese-spelling.blogspot.com/.../blog-post_597.html စွဲ ဆွဲ https://burmese-spelling.blogspot.com/2022/08/blog-post_39.html စွဲ နှင့် ဆွဲ https://burmese-spelling.blogspot.com/2023/09/blog-post_18.html စာ ဆာ အဆာသွပ် အမှားများ https://burmese-spelling.blogspot.com/.../blog-post_115.html စာ နဲ့ ဆာ https://dr-tint-swe.blogspot.com/2021/09/blog-post_516.html စာ နဲ့ ဆာ https://dr-tint-swe.blogspot.com/2022/02/blog-post_70.html စိမ့် နဲ့ ဆိမ့် https://burmese-spelling.blogspot.com/.../blog-post_48.html စိုး နဲ့ ဆိုး မှား

  ရှမ်းပေမဲ့လည်း ဗမာထမင်းလည်းကြိုက်တယ်။ မစားရတာကြာတော့ အရသာရှိရှိချက်ထားတာ စားချင်တယ်။ အရွက်နုနုသုပ်၊ ငပိရည်နဲ့ တို့စရာ။ ပဲနှပ်၊ ပဲပေါင်း။ သရက်သီးထောင်း၊ ရှောက်သီးသုပ်၊ ပါလချောင်ကြော်၊ ငရုပ်သီးကြော်။ ချဉ်ရည်ဟင်း၊ အရည်သောက်။ (ဆီပြန်ဟင်းမကြိုက်ပေမဲ့ ဗမာထမင်းဟင်းဆို ဆီပြန်နဲ့မှလိုက်တော့ စားလိုက်တာပဲ) ပုံကတော့ ပုဂံသရပါ(၃)နဲ့ လက်ပံပြားကဆိုင်ပါ။ (Wandering SAI HTET) Belacan Sauce ဘာလချောင်လို့ ရေးရ။ ပီနန်ကလာတဲ့စကားလုံးဖြစ်ပါတယ်။ Sambal Belacan လို့လည်း ခေါ်တယ်။ Spicy Sambal Belacan လို့လည်း ခေါ်တယ်။ Spicy Malaysian Sambal Belacan လို့လည်း ခေါ်တယ်။ အသံလှယ်မွေးစားထားပြီး မြန်မာစကားဖြစ်နေတဲ့ အစားအသောက်စာရင်း https://burmese-spelling.blogspot.com/2023/02/blog-post_122.html ဒေါက်တာတင့်ဆွေ

၁။ လှူတန်း နဲ့ လှူဒါန်း မတူပါ။ လှူဒါန်းနိုင်ခြင်းလို့ ရေးရတယ်။ ၂။ တိရိစ္ဆာန်ကို လျူတန်းခြင်းထက် လူကိုလျူတန်းခြင်းက ကုသိုလ်ပိုသည်။ တိရစ္ဆာန်လို့ ရေးရ။ လှူဒါန်းလို့ရေးတာက ကြိယာ။ ပေးကမ်းစွန့်ကြဲသည်။ လှူဒါန်းပေးကမ်းကြလေသည်။ အလှူအတန်းက နာမ်။ အလှူ။ အလှူဒါန။ အလှူခံပုဂ္ဂိုလ်။ ရဟန်းခံ၊ ရှင်ပြုစသည့်မင်္ဂလာအခမ်းအနား။ ၃။ နှလုံး၊ ကျောက်ကပ် လှူတန်း (လှူဒါန်း) ချင်ရင် ဘယ်လိုအဖွဲ့အစည်း၊ ဘယ်ဆရာဝန်တွေနဲ့ အရင်ဆုံး ဆွေးနွေး တိုင်ပင်သင့်လဲ့ခင်ဗျ ၄။ ဆရာ ကျွန်တော် ချင်းစာနဲ့ ရေးမိတဲ့ အတွက် ခွင့်လွှတ်ပါ။  ဆရာကို မေးချင်တာ ရှိတယ်။ လှူဒါန်းသည်၊ လှူဒန်းသည်  ဘယ်ဟာက အမှန်လဲ။ ၅။ နှလုံး၊ ကျောက်ကပ် လှူတန်း (လှူဒါန်း) ချင်ရင် ဘယ်လိုအဖွဲ့အစည်း၊ ဘယ်ဆရာဝန်တွေနဲ့ အရင်ဆုံး ဆွေးနွေး တိုင်ပင်သင့်လဲ့ခင်ဗျ စနေထောင့် ပန်းလှူမယ်  ဆွမ်းလောင်းလှူခြင်း ဇရပ် လှူရခြင်းအကျိုးများ မင်းကွန်းတိပိဋက ဆရာတော်ကြီး ရေးသား တခါတလေပဲ လှူလှူ လစဉ်ပဲလှူလှူ  နည်းနည်းလှူလှူ များများလှူလှူ  ပန်းလှူရခြင်းအကျိုး ပေးမကုန်လှူမခန်း မန္တလေးမြို့လေးပြင်လေးရပ်မှ လှူဖွယ်ပစ္စည်းနှင့် နဝကမ္မအလှူငွေများ ဆက်ကပ်လှူဒါန်း မရှိလို့မလှူ မလှူလို့မရှိ အလှူအတန်း၊ (အလှူအတမ

အခုတော့ ဝင်းဦး မရှိတော့။  တက္ကသိုလ်ကျောင်းသားတဦးလည်း မရှိတော့ပါ။ တက္ကသိုလ်ကျောင်းသူတဦးလည်း သွားရှာပြီ။ တက္ကသိုလ်ကျောင်းဆရာတဦးလည်း ပင်စင်ယူ။ တက္ကသိုလ်ကျောင်းဆရာမတဦးလည်း အငြိမ်းစားယူသွားပြီ။ ပုံအတွက် ကျေးဇူး။ ဒေါက်တာတင့်ဆွေ

(မန်းတင်) မြို့ပိုင် မောင်ပြုံးချိုသည် မစလရွာသို့ အခွန်တော် ကောက်ခံရင်း ရောက်လာလေသည်။ မစလရွာသည် တို့မြန်မာနိုင်ငံတဝန်းရှိ အခြား အခြားသော တောရွာများကဲ့သို့ပင် တို့မြန်မာ့လယ်သမားတွေနှင့် ပြည့်နှက်လျက်ရှိသည်။ ရွာတွင်းသို့ ဝင်သွားလျှင် ခနော်နီခနော်နဲ့ လေတိုက်လျှင် အဆောင်လိုက် ယိုင်လဲတော့မည့် တဲအိမ်ငယ်အသီးသီးမှ ညည်းသံ အမျိုးမျိုးကို နားသောတ ပန်ဆင်ရလေသည်။  “ဟီ ဟီ ဟီ” “အမယ်လေးရှင့်”  “အမယ်လေးတော့” “ဟဲ ဟဲ ဟဲ” “အမယ်လေးဗျ”  မြို့ပိုင်သည် မျက်လုံးပြူးသွားလေသည်။ “သူကြီးမင်းရဲ့၊ ဘယ့်နှယ် အသံတွေလဲ”  သူ့နောက်ကပါလာသော သူကြီးမင်းကို ပုစ္ဆာထုတ်လိုက်လေသည်။ “ဖျားကြတယ် ဘုရာ့၊ ဖျားကြတယ်။ ဆေးလည်းမရှိဘူး။ ဆေးရုံ သွားတောင်းလည်း မရဘူး။ အရင်တုန်းကလို အရှင်ဘုရားတို့ကလည်း ကွီနိုင်မပေးတော့ ညည်းညည်းညူညူနဲ့ပဲ ခံနေကြရတော့တာပဲ” မြို့ပိုင်သည် စကားမပြောတော့ချေ။ ဆက်လက်၍ ကြွလှမ်းတော်မူပြန်၏။ ဗိုက်ပူနံကားနှင့် တကိုယ်လုံး ဝဲတွေဖုံးနေသည့် ကလေးတွေကို တွေ့ရလေသည်။ သူတို့သည် ပြေးလိုက်လွှားလိုက်နှင့် ကစားနေကြသည်။ “အခု ကျောက်ထိုးဆရာလည်း မလာဘူး ဘုရား။ ဒီရွာမှာ ကျောက်ပေါက်လို့သေတာ ဒီလမယ် လေးငါးယောက် ရှိသွားပြီ” သူကြီးက သူ့မြို့ပိုင်အ