တို့စာ တို့စကား တို့တိုင်းပြည်

လစဥ် ဖတ်သင့်ဖတ်ထိုက်တဲ့စာအုပ်အသစ်စာရင်း​လေးများ ညွန်ပြ​ပေးပါအုံး စာဖတ်တာ ကောင်းတယ်။ အားပေးတယ်။  ဒါပေမဲ့ - လူတွေရဲ့ စိတ်ပါဝင်စားမှု မတူကြပါ။ လူတယောက်တည်းမှာ အသက်အရွယ်အရ စာအုပ်ရွေးချယ်မှု မတူပါ။ အခြေအနေအချိန်အခါအရလည်း စာအုပ်ရွေးကြလေ့ရှိပါတယ်။ အဲဒါကြောင့် စာအုပ်စာရင်းဆိုတာ ဘယ်သူ့လက်ဝါးပြပြ ပေးလေ့ရှိတဲ့ လျက်ဆားလို တမျိုးတည်းနဲ့ မသင့်မှန်ပါ။ နမူနာတခု - ကျွန်တော် ငယ်စဉ်က စာအုပ် မျိုးစုံဖတ်တယ်။ ဘားမာစတားနဲ့ မောဒန်ကာတွန်းက စတယ်။ ကလေး၊ လူငယ်ဂျာနယ်တွေ ဖတ်တယ်။ အိမ်မှာ အကိုကြီးက စာအုပ်စုဝါသနာပါတော့ စာအုပ်အစုံဖတ်ရတယ်။ ဝတ္ထုတွေနဲ့အတူ လက္ခဏာစာအုပ်လည်းပါသေးတယ်။ ရန်ကုန်မှာရှိတဲ့ သံရုံးပေါင်းစုံက စာအုပ်တွေ မှာဖတ်တယ်။ တံဆိပ်ခေါင်း ၁၅ ပြားကုန်ရင်မှာလို့ရတယ်။ လက်ဝဲလက်ယာခေတ်က။ အဖြူအနီမရွေးပါ။  နောက်တော့ ဘာသာပြန်စာအုပ်တွေ၊ စုံထောက်ဝတ္ထုတွေနဲ့ ချစ်ကြိုက်ကွဲညားတွေ များတယ်။ ဥစ္စာစောင့်တို့ သူရဲတို့လည်း နည်းနည်း ဖတ်သေးတာ။ ကဗျာ အဖတ်နည်းခဲ့တယ်။ ဆေးကျောင်းရောက်တော့ အရွယ်အရ စာအုပ်ရွေးဖတ်လာပြီ။ ပြန်စဉ်းစားပြီး ချရေးရင် ရပေမဲ့ စာရှည်သွားမယ်။ အခု -  အိပ်ရာဘေး ခေါင်းရင်းမှာ ဘာသာရေးစာအုပ် တမျိုးတမျိုးတော့ ရှိတယ်။ ကွန်ပြူ

ဆေးကျောင်းသားဘဝမှာ လက်ဖက်ရည်ဆိုင် နေ့တိုင်းထိုင်တယ်။ နယူးဒေလီမှာတော့ ဆန္ဒပြသွားတိုင်း ထိုင်စရာဆိုလို့ ကျောက်တုံးသာရှိတဲ့ လမ်းဘေးလက်ဖက်ရည်ဆိုင်မှာ သောက်တယ်။ လက်ဖက်ရည်ကတော့ ကောင်းတယ်။ ရေနွေးကြမ်းမရှိ။  ကနေ့လည်း ယူအက်စ်အေ လက်ဖက်ရည်ဆိုင်မှာ ထိုင်သေးတယ်။ ရေနွေးတည်တဲ့ လျှပ်စစ်အိုးက ပျက်သွားလို့တဲ့ ရေနွေးကြမ်းမရပါ။ အမေရီးကားဆိုတိုင်းလည်း အကုန်ပြည့်စုံတာမဟုတ်ကြောင်း သိပါလေ။ လွန်ခဲ့တဲ့ ၅ နှစ်တိတိက ဒီလိုနေ့ ရန်ကုန်မှာ ဘုရားဖူးပြီးအပြန်မှာ လက်ဖက်ရည်ဆိုင် ထိုင်ကြတယ်။ မြီးရှည်၊ နန်းကြီး နန်းလတ် မုံ့တီ။ ကော်ဖီနဲ့ လက်ဖက်ရည်။ ကောင်းပါသည်။ အကြော်စုံတွေကလည်း မဆလာမပါလို့ ကြိုက်ပါသည်။ လက်ဖက်ရည်ခွက်လေးတွေတော့ သေးသည်။  ရန်ကုန်မှာ ရေနွေးကြမ်း ဆိုင်တိုင်းလိုလို ကောင်းပါသည်။ နယူးဒေလီထက်သာ၏။ အမြို့မြို့အနယ်နယ်မှာ လက်ဖက်ရည်ဆိုင် စိတ်အေးလက်သာ ထိုင်နိုင်တဲ့ခေတ် အမြန် ပြန်ရောက်ပါစေသတည်း။ လက်ဖက်ရည်သောက်ရင်း စကားကောင်းတွေသာ ပြောဆိုနိုင်ကြပါစေသတည်း။ ဒေါက်တာတင့်ဆွေ ၁-၅-၂၀၁၈

ပုဂ္ဂိုလ်တဦး ငွေတရာ စာတပုဒ် တခါတော့ လေးချိုးတပုဒ် (မဟာဆွေ) ဦးပုည နဲ့ မဟာဆွေတို့က သတ်ပုံမှန်အောင်ရေးပါတယ်။ ခုခေတ်က ဦးပုတစ်တွေ များတယ်။ ကန်တော့ + ဆောရီး။ ဒေါက်တာတင့်ဆွေ

သစ်တပင်ကောင်း ငှက်တသောင်းကို မှန်အောင်မရေးတတ်တာတခု တွေ့ပါတယ်။ မှန်အောင်မရေးတတ်သူတွေ အများကြီးပါ။ သစ်တပင် ငှက်တသောင်း တပင်ကောင်း ရှေ့တခေတ် ဒေါက်တာတင့်ဆွေ

  ဆရာဈေးအကြောင်းရေးတင်တာတွေ့မှ ကျွန်တော်လက်တွေ့ကြုံတာတစ်ခု(တခု) သတိရသွားတယ်ဗျ ဆရာမ စာသင်နေတာက "သဝေထိုး စလုံးယပ်ပင်း ဝက်စနှစ်လုံးပေါက် ဈေး" တဲ့ဗျ ဈ = ဗျည်း သုံးဆယ့်သုံးလုံးတွင် ကိုးလုံးမြောက် ဗျည်း။ ဈမျဉ်းဆွဲဟု ခေါ်သည်။ အဲလိုဆရာ ဆရာမတွေ ကကြီးခခွေး ပြန်သင်ယူသင့်။  ဆရာဆရာမတွေကို သင်ပေးကြမဲ့ မြန်မာစာပါမောက္ခတွေက ညတည လသာသာကို ပြန်သင်ယူသင့်။ ဒေါက်တာတင့်ဆွေ

တစ်ချောင်းလို​့ ရေးတာက အမှန်ပါ ခင်ဗျာ - မမှန်ပါ • ဆေးတချောင်းထိုး • တချောင်းထိုး CDM ရင်စေ့ အပိုင်း (၁) - YouTube • တချောင်းထိုး fan stitch ရင်ဖုံး အပိုင်း ၁ - Red crochet blouse part 1 -  YouTube • တချောင်းထိုး နည်းပညာများ • တချောင်းထိုး ပတ်တန် (၄) Crochet pattern - YouTube • တချောင်းထိုး ပန်းပွင့်ဆက်အင်္ကျီထိုးနည်း  • တချောင်းထိုးပတ်တန်(၅) Crochet pattern - V stitches - YouTube • တချောင်းထိုးအကျီ်ပညာဒါန | Facebook • တချောင်းထိုးအပ် 5/7... - SOFIA ATM yarn shop & accessories | Facebook • တခေတ်တခါကအရေးပါခဲ့တဲ့ မန္တလေး ရွှေတချောင်းမြောင်းကြီးအကြောင်း • တပွင့်ချင်းဆက်ပန်းပွင့်ပုံပုဝါတချောင်းထိုး Crochet ထိုးနည်း  • ထီးတချောင်း  • မန္တလေးရွှေတချောင်း  • သိုးမွေး တချောင်းထိုးနည်းပညာတတ်တယ်လောက်ပြောပြပေးပါမယ် • သိုးမွေးတချောင်းထိုး အပ်စုံ set: Buy Online at Best Prices in Myanmar | Shop.com.mm • အခြေခံတချောင်းထိုးနည်းစနစ်များ: Buy Online at Best Prices in Myanmar | Shop.com.mm • အပ်တချောင်း • အသက်တချောင်း ဒေါက်တာတင့်ဆွေ

တို့စာ တို့စကား တို့တိုင်းပြည် (အဆက်) ရေးထားတာ ၂၀၁၁ ခုနှစ်က။ ဆေးစာတွေ ဘာသာပြန်ရတော့ ဘာသာပြန်စာအုပ်တွေ ငယ်ငယ်က စွဲခဲ့ဘူးတာ အမှတ်ရပါတယ်။ သူ့ခေတ်နဲ့သူ ကောင်းခဲ့ပါတယ်။ ရှားလော့ခ်ဟုမ်းစ်ဝတ္ထုတွေကနေ ဆရာကြီးရွှေဥဒေါင်းရဲ့ စုံထောက်ကြီး ဦးစံရှားသာမက ကာတွန်း အောင်ရှိန်ရဲ့ ဦးရှံစားလည်း ရေပန်းစားခဲ့တယ်။ နိုင်ငံတိုင်းဟာ၊ တခြားယဉ်ကျေးမှုတွေ၊ တခြားစီးပွါးရေးတွေနဲ့ ဆက်စပ်နေတာကို အရင်ကလို တားထား၊ ပိတ်ထားလို့ မရနိုင်တော့ လောက်အောင်ခက်လာတယ်။ ဒီတော့ ကိုယ့်စကားမဟုတ်တာ အနည်းဆုံး တခုတော့ တတ်ဘို့လိုလာပြီ။ သိတဲ့အတိုင်း အင်္ဂလိပ်စာကအများသုံး။ ကျောင်းမှာသင်၊ ကျူရှင်တက်၊ ကိုယ်တိုင် လေ့လာမှု မပြုလို့ မရကြတော့ပါ။ နယ်ကျောင်းကနေ ဆယ်တန်းအောင်ခဲ့သူဆိုတော့ အင်္ဂလိပ်စာမတော်ဘူး။ ခေတ်က ကိုလိုနီခေတ် မဟုတ်တော့ပေမဲ့ ကျွန်စာဆန့်ကျင်ရေး လုပ်ခဲ့ကြသလို၊ ဗိုလ်ကျတဲ့သူတွေကို တော်လှန်ဘို့ ဗိုလ်စာကောင်းကောင်းတတ်အောင် လုပ်သူတွေလည်း ရှိခဲ့ပါတယ်။ လွတ်လပ်ပြီးမကြာခင် အင်္ဂလိပ်စာကို အားမပေးပြန်ဘူး။ ဘာလို့ အဲလိုလုပ်သလဲဆိုတာ လုပ်တဲ့သူတွေကနေပြောမှသာ မှန်ပါမယ်။ ခံရသူကပြောပါဆိုရင် ဆယ်တန်းမှာ သိပ္ပံ (၃) ဘာသာကို အင်္ဂလိပ်လိုသင်နေရတုန်းမှာ မြန်မာလိ

တို့စာ တို့စကား တို့တိုင်းပြည် (အဆက်) ရေးထားတာ ၂၀၁၁ ခုနှစ်က။ ဆေးပညာစာရေးသူက အခမဲ့မြန်မာစာကျူရှင်ဆရာ လုပ်ပါတယ်။ စာရေးတာ၊ စကားပြောတာမှာ အင်္ဂလိပ်၊ မြန်မာ နှစ်ဘာသာ စာနဲ့ စကားကို မှန်မှန်ကန်ကန် ပီပီသသဖြစ်အောင် ကြိုးစားသင့်ကြတယ်။ အခုအချိန်မှာ ပြင်လို့ရတာ မှန်သမျှ ဝိုင်းပြင်နေကြတယ် မဟုတ်ပါလား။ ၁-၅-၂၀၁၄ နေ့ ဆေးရုံတခုက အပြာရောင် ဆိုင်းဘုတ်လေးတခု တွေ့လာတယ်။ အာထွာရာစောင်းစခန်းတဲ့။ အာလ်ထွာဆောင်း။ အာထွာဆောင်းဖြစ်သင့်တာပါ။ ၃-၅-၂၀၁၄ နေ့မှာ မော်ဒယ်မိန်းကလေးတယောက် ရင်ပတ်ကို လက်ဝါးနဲ့ဖိပြီး ပါးစပ်လေးဟနေတဲ့ပုံအောက်မှာ ရှင်ထဲကို ထိသွားတာဘဲဟယ်ဆိုပြီးတွေ့ရပြန်တယ်။ ရင်ထဲလို့ရေးရမယ်။ ရှင်ထဲဆိုရင် စာဖတ်သူအထဲဖြစ်သွားမယ်။ မြန်မာစာရော အင်္ဂလိပ်စာပါ ပန်ကျူယေးရှင်းကို သင်ရပါတယ်။ ဝါကျတကြောင်းပြီးရင် စပေ့စ်ခြာပြီးမှ နောက်တကြောင်း ရေးရတယ်။ ကျန်းမာရေးမေးတာဟာ စာမေးပွဲစစ်နေတာမဟုတ်တာ မှန်ပါတယ်။ ဒါပေမဲ့ သတ်ပုံလွဲတာ၊ သဒ္ဒါမမှန်တာ။ အသံထွက် တက်တက်စင် မှားတာတွေ မကြာမကြာ ဖတ်နေရတော့ ပြောချင်လာတယ်။ ရောဂါကို ကုသပေးချင်စိတ်နဲ့ပါ။ မန္တလေးကို အဆင့်ရှာဘို့ ကြာနေရင် မန်းတလေးလို့ ရိုက်တာကမှ တော်ပါသေးတယ်။ မန်းလေးတဲ့။ ကျွန်တော့် မိန်းမတယ

တို့စာ တို့စကား တို့တိုင်းပြည် (အဆက်) ရေးထားတာ ၂၀၁၁ ခုနှစ်က။  ဆေးပညာစာလေးတွေ ရေးနေဖြေနေရင်းနဲ့ စာရေးတဲ့အတတ်ပညာ သင်ယူနေရတယ်။ စာမရေးခင် စာသင်ရတယ်၊ စာဖတ်ရတယ်။ သင်ဆရာဆိုတာ (၁ဝ) တန်းအထိ လူတိုင်း တူကြတာများပါတယ်။ ဝိဇ္ဇာရယ် သိပ္ပံရယ် အခွဲခံရသူတွေမှာ မတူတာရှိလာတယ်။ ခုတော့ မပြောတတ်ပါ၊ အရင်ခေတ်က (၁ဝ) တန်းအောင်ပြီး၊ နောက်ထပ် (၂) နှစ်အထိ မြန်မာစာကို သင်ကြရသေးတယ်။ ဆေးကျောင်းတက်နေတာ ဘာလို့ မြန်မာစာက လာသင်ရတာလဲလို့ငေါ့သူတွေ ရှိခဲ့တယ်။ ကျွန်တော်ကတော့ အဲဒီနှစ်အထိ သင်ရလို့သာ အခုလောက်တတ်တာ။ မြင်ဆရာကြားဆရာတွေဆိုတာ အသက်ရလာလေလေ တိုးများလာလေလေပေါ့။ ကျွဲပါးစောင်းတီးဆိုတဲ့ စကားပုံက ရှေးကတည်းကရှိခဲ့တာမို့ အခုခေတ်နဲ့ မဆီလျှော်တော့ဘူးလို့ မပြောထိုက်တာတွေထဲက တခုပါ။ အနားမှာ စာအုပ်တွေ၊ စာအကြောင်း၊ ပေအကြောင်း ဟောသူ၊ ပြောသူတွေ၊ အနမတဂ္ဂ မရေအတွက်နိုင်အောင် များနေပေမဲ့ ကိုယ်နဲ့ မဆိုင်သလို၊ မတူမတန်သလို နေသူတွေလည်း ဖောခြင်းသောခြင်းများတယ်။ အနားမှာမရှိလည်း ယူသော်ရ၏ မဟုတ်ပါလား။ အထက်တန်းစာတွေကို ကောလိပ်ထိသယ်မလာသူတွေ ရှိသလို၊ ကျောင်းသားဘဝက လွတ်ပြီကျွတ်ပြီ၊ ကျောင်းမှာ သင်တာတွေ ကျောင်းမှာသာ ထားခဲ့သူတွေလည်း မနည်းပါ။ ဆေး-စက်မှု ပည

တို့စာ တို့စကား တို့တိုင်းပြည် (အဆက်) ၂၀၀၅ ခုနှစ်ကတည်းက ရေးထာတာ။ ဆရာက ဆရာဝန်စာရေးဆရာလားဟင်။ ဆရာ့ဘလော့တွေ အလကား ဖတ်ခွင့်ရတာ ကံကောင်းလိုက်တာ။ ဆရာနဲ့ ထိတွေ့ခွင့်ရအောင် ဖန်တီးပေးတဲ့ ဒီဆိုက်လေးကိုရော စေတနာထားတဲ့ ဆရာ့ကိုရော ကျေးဇူးတင်ပါတယ်။ စာရေးဆရာ တစ်ယောက်ဖြစ်ဖို့ ဘယ်အချက်က အဓိကကျသလဲဆိုတာ ဆရာအားမယ်ဆိုရင် ဆွေးနွေးပေးဖို့ တောင်းဆိုပါတယ်ရှင်။ ဆရာဝန်တော့ ဟုတ်တယ်။ ဆေးစာတွေလည်း ရေးပါတယ်။ ဘလော့ခ်မှာသာ ရေးတာပါ။ နိုင်ငံရေးကိုတော့ ပုံနှိပ်တာရော၊ အင်တာနက်စာမျက်နှာတွေမှာပါ ဖေါ်ပြကြတာတော့ ရှိတာပေါ့။ မြန်မာလိုမရေးရတာများတယ်။ ကိုယ်ဖတ်စေချင်တာက တခြားလူမျိုးတွေ ဖြစ်နေကြလို့ပါ။ စာတွေဖတ်ပါတာ ငယ်ငယ်ကတည်းကနေ အခုထိပါ။ သာသာရပ်လဲ အမျိုးအစား မနည်းလှပါ။ သုတ၊ သမိုင်း၊ ဘာသာရေး၊ ဗမာလိုရေးတာ အင်္ဂလိပ်လိုရေးတာ အစုံပါ။ သိစရာတွေက ကြာလေများလေ။ ဒီတော့ ဖတ်တာ မများသေးဘူးလို့ သိသိလာတယ်။  ဆေးစာတွေကို ရေးတာမှာ ထူးခြားတာရှိတယ်။ ဆေးပညာက တိုးတက်ပြီး၊ အသစ်တွေ သိလာနေတာမျိုးထဲမှာ ပါတယ်။ အရင်ကရေးထားတာကို ပြန်ဖတ်ရင်း ပြန်ချောနေမှ၊ ပြန်ပြင်နေမှ စာကလတ်ဆတ်နေပြီး၊ အမှန်နဲ့ ပိုနီးစပ်မယ်။ ဆေးပညာ စာတပုဒ်ဟာ နှစ်လရှည်ကြာ မခံပါ။ ဂန္တဝင်ဖြစ်မှာ မဟ

- မနက်ဖန် သုပ်စားအုံးမှာ မနက်ဖြန်လို့ ရေးရ။ - မနက်ဖန်အတွက် ၈၀၀၀၊ ၁၀၀၀၀ တန်အနဲငယ်ရအုန်းမယ် မနက်ဖြန်နဲ့ အနည်းငယ်လို့ ရေးရ။ ၁။ သဘက်ခါမှတ်နေတာ သန်ဘက်ခါ ကျေးဇူးပါဆရာ ၂။ ဆရာခင်ဗျ တဘက်ခါလား သဘက်ခါလား ခင်ဗျ (သန်ဘက်ခါ) ၃။ မြန်မာစကားမှာ မနက်ဖြန် သဘက်ခါ ဖိန်းနွဲခါဆိုပြီး ရှိပါတယ် ဖိန်းနွဲခါ ဆိုတဲ့ စာလုံးပေါင်းသတ်ပုံ အမှန်က ဘယ်လိုဘာလဲဆရာ မနက်ဖြန် သဘက်ခါ ဖိန်းနွဲခါ စသည်စသည့်ဖြင့် အခေါ်ဝေါ်လေးတွေ တင်ပေးပါဆရာ ၄။ ဆရာ မနက်ဖြန်၊ သန်ဘက်ခါ၊ ဖိန်းနွှဲခါ စတဲ့စကားတွေက မြန်မာစကားလား။ မဟုတ်ဘူးဆိုလဲ ဘယ်ဘာသာက ဆင်းသက်တာပါလဲ။ သိချင်စိတ် ပြင်းပြနေလို့ပါဆရာ။ ၅။ ဆရာ မနက်ဖန်၊သဘက်ခါမှာ ဖင့်နွဲခါရေးတာ မှန်ပါသလားဆရာ။ မှားရင်ပြင်ပေးပါ ဆရာ (ဖိန်းနွှဲခါ) နက်ဖြန်၊ သန်ဘက်ခါနဲ့ ဖိန်းနွှဲခါ အားလုံး ခေတ်ဟောင်း သတ်ပုံကျမ်းမှာပါတယ်။ ဖိန်း တဖိန်းဖိန်း ဖိန်းစပ်ပူလောင် ဖိန်းတိန်းရှိန်းတိန်း ဖိန်းနွှဲခါ ဖိန်းမနေစမ်းပါနှင့် သန်ဘက် ဖိန်းနွှဲ ကြားဖြန်သည် ဒွေးချိုးသဖြန် နက်ဖြန် ဖြန် ဖြန်ဖြေသည် ဖြေဖြန်သည် စကားအရာမှာတော့ နက်ဖန်လို့ပြောကြပေမယ့် နက်ဖြန်ကသာ စံကိုက်သတ်ပုံဖြစ်ပါတယ်။ နောက်တနေ့က သန်ဘက်ခါ၊ သန်ဘက်ခါရဲ့ နောက်တနေ့က ဖိန်းနွှဲခါ၊ ဖိန်းန

လွတ်လပ်ရေးခရီးတထောက် ပ+ဒု (ဗိုလ်ဗလ) တထောက်ကို မှန်အောင်ရေးသည့်စာအုပ် ဒေါက်တာတင့်ဆွေ

(၁) ျမန္မာစာ ျမန္မာစကား   " စုန်းပြူး"ကို မြန်မာအဘိဓာန်က ဒီလိုဖွင့်ပါတယ်။ ရင်းမြစ်မပါပါ။ စုန်းပြူး၊ ကြိ -၁၊ အများနှင့်မတူ  တစ်မူကွဲလွဲဖောက်ပြန်သည်။  ၂၊ ပဲစေ့ကို ရေစိမ်ရာတွင် မပွဘဲနေသည်။ ဒီတော့ စုန်းပြူးမှာပါတဲ့ စကားလုံးတွေကို ခွဲကြည့်ပြီးအဓိပ္ပါယ် ပြန်ပေါင်းစပ်လိုက်ရင် ယုတ္တိရှိတဲ့ ရင်းမြစ်တစ်ခုထွက်လာမလား၊ ခွဲကြည့်ရအောင်ပါ။ (စုန်း+ ပြူး) စုန်း၊ န- ပြုစားတတ်သည်ဆိုသော လောကီအတတ်ပညာသည်။ ပြူး၊ နဝိ- အပြင်သို့စွန်းထွက်နေသော၊ ထင်ရှားမြင်သာအောင်ကြီးသော။ (ဒီနေရာမှာကျွန်တော့်ကောက်ချက်နဲ့ဆီလျော်နိုင်တဲ့ ဖွင့်ဆိုချက်ကိုသာယူတာပါ) ကျွန်တော်တို့များသောအားဖြင့် "စုန်းပြူး" ဆိုတာကိုဒီလိုသုံးလေ့ရှိပါတယ်။ "စုန်းပြူး" ပါနေတာကိုး။ "စုန်းပြူး" ပါနေတာ မင်းမတွေ့ဘူးလား။ စသည်... ဒီတော့ " စုန်း" ဆိုတာရဲ့ ဂယက်အနက်ကို အားလုံးသိပြီးသားပါ။ အကောင်းမြင်အနက်မရှိပါဘူး။ အဘိဓာန်ဖွင့်ဆိုချက်ကလဲ ဒီသဘောပါပဲ။ ဒါကြောင့်ကျွန်တော်ကတော့ စာပေအဘိဓာန်အထောက်အထားအရ ဒီလိုထင်ပါတယ်။ စုန်းပြူးပါနေတယ်၊ စုန်းပြူးဆိုတာ စာလုံးအဓိပ္ပါယ်အရ၊ " စုန်း" က နာမ် "ပြူး"ဆိုတာ နာမဝိသေသ

မြန်မာကဗျာ လက်ရွှေးစင် အလယ်တန်း (၁၉၇၈) မြို့လုလင် သာတဲ့ကွန်းဆီသို့ တို့သခင် စာဖွဲ့လို့ ညွှန်းလိုက်ကဲ့ ဒါနဲ့ လွမ်းကြပေတော့ကွာ ။ မြို့သူကြီးရယ်လို့ တို့ထီး နေတမျှပေ ပေါ့ ရွှေလရောင် ဘွဲ့သတင်းရယ်နဲ့ ဦးမင်းရောင် ဗိုလ်ဝင်ခံလို့မို့ ဟိုအလျင်ယမန် စစ်အင်ကျင်းတယ် ခင်းတဲ့ဗျူဟာ။ မြတ်လောကီ သဘာဝတွင်ဖြင့် ဓာတ်ကောလီ ခါမရတာမို့ မြန်မာမျာ့ ဘုန်းသမ္ဘာ ရှုံးပါပေါ့ ကံတမျိုး။ မန်းအပျက်မှာ စန်းလဂ် မသာမယာမို့ ဗမာ ဗမာချင်းတောင်မှ အတင်း ရန်မူလို့ ရန်သူကို ရန်ဟူ၍မမှတ်တဲ့ပြင် ကိုယ့်တပ်ကိုယ် ပြန်ကာနင်းကြတဲ့ ဖျင်းလှတဲ့ ကမြင်းမအကောင်ဗိုလ်တချို့ရယ်က ကိုယ်ဖို့ အလွတ်ရုန်းရောမယ်လို့ တောင်ကုန်းသာသာယာယာ မြင်းမဏိစခန်းဆီက တရှောင်ရှောင်ပုန်းကာ အတွင်းသိတဲ့ မင်းအမိဖမ်းချင်ကြတဲ့ပြင် ပရမ်းပတာ တော်ရာလျော်ရာပြေးကြတော့ အရေးရှင် မကြံသာသနဲ့ ကံကြမ္မာ ရှေးဝဋ်ကြွေးပေထင့် လေးတိုင်စဉ် ရွာအတွင်းတွင်ဖြင့် အင်္ဂလိပ်တွေကို အတင်းကြိတ်မဟေ့လို့စမ်းခဲ့တဲ့ တဖောင်ဖောင်သတင်း တပြောင်ပြောင်လင်းခဲ့တဲ့ တောင်တွင်းကသခင်ကို အောင်တြင်းမရခင်ဖမ်းတဲ့ပြင် အကြမ်းပတမ်း မလုပ်ကောင်းသော်လဲ ဥက္ခောင်းဖြတ်ကာ အသေသတ်ကြသတဲ့ မကျေနပ်ရှာသူ ချောင်တပဲ့ဗန်းတို့ရဲ့ ပြေရပ်မှာ တဘေ

မြန်မာစာ သတ်ပုံမှန်ခေတ်က ဖြစ်ပါတယ်။ အခုတော့ တယောက်သောသူ မရှိတော့ပါ။ ကောင်းရာသို့ လားပါစေသတည်း။ ဒေါက်တာတင့်ဆွေ

(တယောက်သာ မြတ်စခန်းသို့၊ လှမ်းလို့မြန်စွာ။) ၁၉၄၅ခုနှစ် ဩဂုတ်လ၌ အသက် ၂၇ နှစ်အရွယ်တွင်ကြွေလွင့်ခဲ့သော ကဗျာဆရာ"မောင်အာယု" ၏နာမည်သည် ခေတ်ဆန်းစာပေလောကဝယ် ကြွကြွကလေး ပေါ်လွင်ခဲ့သည်။ သူ၏ကဗျာနှင့် စာတို့ကိုစစ်မဖြစ်မီ တက္ကသိုလ်မဂ္ဂဇင်း၊ အိုးဝေမဂ္ဂဇင်း၊ ဂန္တလောကနှင့် အခြားပြင်ပမဂ္ဂဇင်း တို့တွင် တွေ့ခဲ့ရသည်။ အထူးသဖြင့် တက္ကသိုလ်မဂ္ဂဇင်းတွင် အတွေ့များသည်။ သူ၏ကဗျာတို့မှာ အများအားဖြင့် သဘာဝနှင့်ယှဉ်သော ကဗျာများ ဖြစ်သည်။ ၎င်းတို့အနက်မှ လူ့ဘဝ၏ အတွေ့အကြုံ အဖြစ်အပျက်ကို ဖော်ကြူးထားသော ဤ "ခရီးသွား" ကဗျာအား တင်ပြပေးလိုက်ပါသည်။ "ခရီးသွား" မဲ့လို့သာမှောင်ရော့၊ သန်း‌ခေါင်ယံ ချိန်အတွင်းမှာလ တကိုယ်ချင်းထွက်လို့လာ။ ရောင်မှိန်မှိန်ထွန်း ဆီမီးရယ်နဲ့၊ မှောင်ကြီးကို အနိုင်ဖယ်လို့၊ မြေလမ်းငယ် သည်တလျှောက်မှာဖြင့်၊ တယောက်သာ မြတ်စခန်းသို့၊ လှမ်းလို့မြန်စွာ။ စခန်းတာ မရောက်သေးမီကွဲ့၊ မထောက်ညှာ စာမတွေးကာပ၊ လေသွေးရှင် သူဖျက်ဆီးတာမို့၊ ဆီမီးဖြင့် ငြိမ်းခဲ့ရှာ၊ ပျောက်ပါပေါ့ ခရီးဆုံး။ တော်ပေသေးရဲ့လေ၊ လမ်းတာ လှမ်းကာမဝေးပြီဘု၊ ရှေ့ပြေး အာရုဏ်ခြည်ဖြင့်၊ မှုံရီရီ တောင်ညိုစောင်းခွင်က၊ ခေါင်းတင်ကာ ပေါ်

၁။ ငပုတ်ခြောက်လေးတွေရောက်ပြီနော် ၂။ ငပုတ်ထဲ စားလို့အကောင်းဆုံး ကံက္ကူရံ့ ငပုတ်ပြားစစ်စစ်တွေရပါတယ် ဆားကမပါသလောက်မို့ လူကြီးတွေစားလို့အဆင်ပြေပါတယ် အရိုးမပါ အသားသီးသန့် လည်းရပါတယ် ဈေးရေးထားပေးပါတယ် ပုံထဲအမြင်အတိုင်းရပါ့မယ် ငပုပ်ပြား(ငါးပုပ်ခြောက်) လို့ ရေးရ။ ကကူရံလို့ ရေးရ။ ကကူရံငါး မှားရေးနေတာတွေ မနည်းပါ။ ကံက္ကူရံ့ ငပုတ်ပြား မှား။ ကံက္ကူရံငါးခြောက် မှား။ ငပုပ်ခြောက် ငါးပုပ်ခြောက် မူကွဲ။ ငပုပ်ပြား ငါးပုပ်ပြား မူကွဲ။ မြန်မာအဘိဓာန် အကျဉ်းချုပ် (၁၉၇၈) မှာ ငါး လို့ရေးတယ်။ မြန်မာစွယ်စံကျမ်းမှာ ငါး အများစုကို င နဲ့ရေးတယ်။ မြန်မာ့စွယ်စုံကျမ်းကို ကူးတင်နေသူတွေကလည်း မှန်နေတာကို မှားအောင် တမင်တကာပြင်တင်နေကြတယ်။ မလုပ်သင့် မလုပ်ထိုက်ပါ။ မြန်မာစာ ပုပ်ပြီလော။ ပုပ် နဲ့ ပုတ် အတော် မတူပါ။ သစ်ပုပ်ပင် နဲ့ သစ်ပုတ်ပင် မူကွဲ။ ငပုပ်ပြား https://burmese-spelling.blogspot.com/2022/12/blog-post_537.html ငဖန့်ဝိုင်း ငါးပိကောင် (ငပိကောင်) https://dr-tint-swe.blogspot.com/2022/08/blog-post_336.html ငါး ကို င နဲ့သာရေးရတာ များတယ် https://dr-tint-swe.blogspot.com/2022/07/blog-post_443.html ငါးကို င လို့သာရေးတယ် https://

ဒေါက်တာတင့်ဆွေခင်ဗျား ပုန်းခိုကျင်း နှင့် ဗုံးခိုကျင်း ဘယ်ဟာ မှန်ပါသလဲခင်ဗျ ကျေးဇူးပြု၍ ရှင်းပြပေးပါဆရာ သတ်ပုံအမှန်ကိုသိချင်ပါတယ် စစ်ရေးတွေအတွက်သုံးတဲ့အရာဟာ ဗုံးခိုကျင်းလို့ခေါ်ပါသလား ပုန်းခိုကျင်းလို့ခေါ်ပါသလား သိချင်ပါတယ်ဗျ ဗုံး ဗုံးကြဲ ဗုံးဆံ ဗုံးပေါလအော ဗုံးခိုကျင်း ဗုံးလက်နက် လက်ပစ်ဗုံး အနုမြူဗုံး (အဏုမြူဗုံး) ဗုံးချ ဆီတပုန်း ၃၈၀၀၀ ကျပ် (ဆီတပုံးလို့ ရေးရတယ်။) ပုံး ဆီပုံး ပုံးရည် ရေပုံး ပုန်း ခြပုန်း တူတူပုန်း တောပုန်း ပုန်းကြံ ပုန်းကွယ် ပုန်းချောင်း ပုန်းစလုတ်ကစားနည်း ပုန်းညက်ပင် ပုန်းတကားရွာ ပုန်းနေ ပုန်းမကြည် (ပုဗ္ဗကြယ်) ပုန်းမဲစာပင် ပုန်းရည် ပုန်းရည်တောင်စာ (ပိုးမည်းတောင်စာ) ပုန်းရှောင် ပုန်းလျှိုးကွယ်လျှိုး ပုန်းအောင်း လူနပုန်း လူပုန်း လူအုံ့ပုန်း သင်ပုန်းကြီး သည်မိုးမှောင်တုန်း မောင်ပုန်းပါရစေခင် မိုးသက်လေနှင် https://www.youtube.com/watch?v=pblzzADNmPo ဒေါက်တာတင့်ဆွေ

ဟလို မဂ်လာပါ ဟယ်လို လို့ ရေးရ။ မင်္ဂလာလို့ ရေးရ။ ဖုန်းကီးဘုတ်ကနေ တချို့စာလုံးတွေ ရေးရခက်တတ်တာတော့ သိပါတယ်။ 'ဟယ်လို' လို့ ရေးရ။ 'မင်္ဂလာ' လို့ ရေးရ။ ဟဒယရွှင်ဆေး ပါးစပ်ဟထားပါ သွားနုတ်မလို့ အတွင်းစကား ဖွင့်ဟပြောဆိုရန် မသင့် မြန်မာအဘိဓာန် အကျဉ်းချုပ် (၁၉၈၀) ဟ - အင်္ကျီလည်ပင်းပေါက် ဟနေသည်။ - စေ့နေသောအရာကို ခွာလုပ်သည်။ ဖွင့်သည်။ ခံတွင်းကို ဟလျက် နေစာလှုံ၍ အိပ်၏။ - ဖွင့်ထုတ် ပြောဆိုသည်။ မုသာဝါဒ၊ တရံမျှလျှင်၊ မဟစဖူး၊ အထူးထူး၌။ - အံအားသင့်စွာ ပြောဆိုမြည်တမ်းသော စကားလုံး။ ဟ ဘယ်လိုဖြစ်တာတုန်း။ - မိမိထက်နိမ့်ကျ ငယ်ရွယ်သူအား ပြောဆိုရာတွင် အာလုပ်သဘော အဆုံးသတ် တိုင်တည်ရည်ညွှန်း ပြောဆိုသော စကားလုံး။ တနွေလုပ်ခ၊ စပါးငါးဆယ်ရမှာပေါ့ဟ။ မှတ်ရန် - တရံမျှလျှင်နဲ့ တနွေလုပ်ခတို့မှာ တဝမ်းပူတွေကို စမသတ်ပါ။ ဒေါက်တာတင့်ဆွေ

ဟိုရှေးတုန်းက စာအုပ်။ စာအုပ်ဟောင်းကြော်ငြာတဲ့ နေရာတခုက တင်ထားတာ။ စာအုပ်အဟောင်းတန်း ကျေးဇူး။  စာအုပ်ပေါင်း ၂၀ လောက်ကို တပုံတည်းမှာထည့်ထားလို့ ပုံကြီးချဲ့ မျက်လုံးပြူးပြီးရှာတော့ ဒီတခု တွေ့တယ်။ တော်ပါသေးတယ်။ သတ်ပုံမှန်အောင်ရေးတဲ့စာအုပ်ကို ဖုံးမထားလို့။ ခုခေတ်မှာ မြန်မာစာစာလုံးပေါင်းသတ်ပုံမှန်ကို တသက်လုံးဖုံးထားကြတယ်။  တသက်လုံးတော့ မဟုတ်ပါ။ နှစ် ၃၀ လောက်တော့ရှိပြီ။ မျက်နှာဖုံးတွေ ကွာကျပါစေသတည်း။ ကိုဗစ်တော့ ၂ နှစ်နဲ့ နှာခေါင်းစည်း မလိုတော့ပါ။ မြန်မာစာဗိုင်းရပ်စ်ကတော့ ကြာဦးမယ်။ ဒေါက်တာတင့်ဆွေ

မှားနေတာကို ပြင်ရမှာပဲ ပေးစာကိုစာလုံးပေါင်းအမှန်လို့ အထောက်အထားမယူနိုင်ပါဘူး ဒေါက်တာသန်းထွန်းလည်း မှားနိုင်တာပဲ ၁ ကို တ လို့ပဲ‌‌ေရးသလားခင်ဗျ ၁။ ဂဏန်းရေးနည်းစာ ၄ ကြိမ်လောက်တင်ပြထားပါတယ်။ One နဲ့ First ဥပမာပေးထားတယ်။ ဗိုလ်နေဝင်းက ကျပ် ၅၀ တန်နဲ့ ၁၀၀ တန်တွေကို တရားမဝင်သိမ်းလို့ ငွေတွေဆုံးရှုံးကြရတဲ့ မိဘတွေရဲ့ သားသမီးမြေးတွေ ရှိပါတယ်။ တရာကျပ်။ သုညနဲ့ ဝလုံး မတူဘူး။ ယူနီကုဒ်မှာ အတူတူလုပ်ထားတယ်။ ၂။ သီချင်း၊ ကဗျာ၊ ကာတွန်း၊ သံချပ်၊ ဆောင်ပုဒ်၊ သတင်းခေါင်းစဉ် စတာတွေမှာ အသံ၊ ကာရန်နဲ့ အားအရ ရေးလေ့ရှိကြောင်း။ အဲဒါအားလုံးဟာ စံကိုက်သတ်ပုံအဖြစ်ယူလို့မရတာ တချို့ ပါနေကြောင်း။ ၃။ အရင်ထုတ် ပုံနှိပ်စာအုပ်တွေထဲမှာ နောက်ပိုင်း သန့်စင်ထားတဲ့ သတ်ပုံကျမ်းနဲ့ ကွဲလွဲတာတွေ ရှိခဲ့ကြောင်း။ ၄။ သတ်ပုံကျမ်းဆိုတာ ဘယ်စာအုပ်တွေကို ခေါ်သလဲ။ စာရင်းနဲ့ တင်ပြထားပါတယ်။ တအုပ်တည်း မဟုတ်ပါ။ ၅။ ဆေးပညာစာတွေက သစ်လေ မှန်လေ၊ မြန်မာစာက (၁၉၈၇-၉၁) နောက်ပိုင်း) သစ်လေ မှားလေ။ ၆။ စကားပြောသလို စာရေးနည်းမှာ အားသာချက်တွေရှိသလို မသင့်မှန်တာနည်းနည်းလည်း ပါကြောင်း။ နမူနာတွေ တင်ပြထားတယ်။ ၇။ မြန်မာစာမှာ မူကွဲစာလုံးတွေ ရှိတယ်။ မူကွဲဆိုတာ ၂ မျိုးလုံး သ

ဆေးကျောင်းအတူတက်သူငယ်ချင်းက ရေးပါတယ်။ မြန်မာစာ နဲ့ပါတ်သက်ပြီး ပြင်ဆင်ဘို့ပါဝါ ရှိသူတွေကလဲ ကိုယ့်ဘာသာ ကိုယ်တောင် အနိုင်နိုင်မို့ သူငယ်ချင်းလောက်တောင် အမုန်းခံပြီး ထောက်မပြနိုင်ရှာ ကြပါ။ ပြန်ရေးလိုက်ပါတယ်။ အမုန်းခွန်အား ပေးသနားပါ (ကိုတင်လှိုင်) ဆုတောင်းတိုင်းသာ ပြည့်စေချင်ပါပြီ ဆုံးဇမ္ဗူတခွင် နှုန်းတူမမြင် သုံးလူ့ရှင် ဗုဒ္ဓထံပါး ဒုက္ခ ခံစားသမျှ ပန်ကြားအရှင့်ကို ဖွင့်ဆိုပါမည် ဘယ်သောအခါမှ ကိုယ်ကချစ်ရတဲ့သူ မဖြစ်ချင်ပါပြီ သူချစ်ကိုသာ မျှော်ကာ စောင့်စားတော့မည် နွေကန္တာ လျှောက်လှမ်းရသလို ဘဝင်မှာ ဆူရ ကြင်နာသူက စိမ်း စိမ်းခဲ့သည် ဖြေမနိုင် ရေဆိုင်မွဲ မှိုင်မွဲနဲ့ ကြုံသမျှတွေသည် ဝဋ်ကြွေးတုံ့တင် ရှိပါရင်လည်း ကံကြမ္မာ မညီသမျှ သံသရာ သည်ဘဝ သည်မျှ နဲ့ပဲ အဆုံး သတ်စေချင်ပြီ။ ဆုတောင်းတိုင်းသာ ပြည့်စေချင်ပါပြီ ဆုံးဇမ္ဗူတခွင် နှုန်းတူမမြင် သုံးလူ့ရှင် ဗုဒ္ဓထံပါး ဒုက္ခ ခံစားသမျှ ပန်ကြားအရှင့်ကို ဖွင့်ဆိုပါမည် ဘယ်သောအခါမှ ကိုယ်ကချစ်ရတဲ့သူ မဖြစ်ချင်ပါပြီ သူချစ်ကိုသာ မျှော်ကာ စောင့်စားတော့မည် နွေကန္တာ လျှောက်လှမ်းရသလို ဘဝင်မှာ ဆူရ ကြင်နာသူက စိမ်း စိမ်းခဲ့သည် ဖြေမနိုင် ရေဆိုင်မွဲ မှိုင်မွဲနဲ့ ကြုံသမျှတွေသည် ဝဋ်က

မြားဦးလှည်တယ်ဆိုတဲ့စကားရှိတယ်။ ကျွန်တော့ခရီးစဉ်၏ မြားဦးကား ဟုမ်း ခေါ် နေရပ်ဆီသို့သာ။ ထွက်ခွါရာအရပ်နဲ့ ဆုံရပ်ဟာ မြန်မာပြည်ပါ။ ကျွန်တော့ အပြောင်းအလဲဆိုတာ ဂငယ်ကွေ့ မဟုတ်ပါ။ တဖြောင့်တည်းသာ။ မုံရွာမှ ပုလဲ။ ပုလဲကနေ ဂန့်ဂေါ-ဟားခါး-စိုင်ဟား-နယူးဒေလီ။ နယူဒေလီမှ ကာတာ။ ကာတာမှ ချီကာဂို-အင်ဒီယာနာပုလစ်။ အင်ဒီယာနာပုလစ်မှ ချီကာဂို၊ ထိုမှတခါ ဟောင်ကောင်။ နောက်တဆင့် စင်္ကာပူ။ နောက်ဆုံးမှာ ရန်ကုန်။ ကျွန်တော်သည် အနောက်အရပ်ကို ထွက်သွားခဲ့ရပြီး အရှေ့ကနေ ပြန်ဝင်ခဲ့ပါသည်။ ဗုဒ္ဓဂါယာကို အကြိမ်ကြိမ်သွားခဲ့သော ကျွန်တော်သည် ရောက်လျှင်ရောက်ချင်း ရွှေတိဂုံကို ဖူးပါသည်။ ကျွန်ုပ်ပစ်ခဲ့သည့် ဖြောင့်တန်းသောမြားသည်လည်း ၂၈ နှစ်အကြာ ခရီးသွားခဲ့ပါပြီတည်း။ ဒေါက်တာတင့်ဆွေ ၁-၅-၂၀၁၈

ဒေါက်တာသန်းထွန်းမှ လူထုဒေါ်အမာသို့ ပေးစာ  ဒေါက်တာသန်းထွန်းက ငါတယောက်တည်းကဘဲလို့ ရေးခဲ့တယ်။ (တစ်)ယောက်တည်းကပဲ မဟုတ်ပါ။ တကိုမလိုအပ်ပဲ တစ်မလုပ်။  မ နောက်က ဘဲလိုက်ဖေါ်မြူလာလည်း မဟုတ်ပါ။ ငါတယောက်တည်းကပဲ မဟုတ်။ ဒေါ်အမာကနေ ဒေါက်တာသန်းထွန်းတို့ ဇနီးမောင်နှံဆီရေးတဲ့စာမှာ သင်းကြန်လို့ရေးထားတာ မှတ်သားစရာ။ ပုံတွေကို Ludu လူထုကြီးပွားရေးစာမျက်နှာကနေ ရယူပါတယ်။ ကျေးဇူး။ လက်ရေးမူနဲ့ လက်နှိပ်စက်မူတွေ ရသလောက်တင်ပြပါတယ်။ ပြန်ပြင်ထုတ်စာအုပ်တိုာက်တွေက အဲလိုဟာတွေ မကြိုက်ကြပါ။ မှန်နေတာကို မှားအောင်ပြင်လို့ မရလို့တဲ့။ ဒေါက်တာတင့်ဆွေ ၃၀-၄-၂၀၁၇

မေ့သလိုတောင်ဖြစ်နေတဲ့ စားစရာ။ အသက် ၄၂ နှစ်အထိတော့ မကြာမကြာ စားခဲ့ရတယ်။ အိန္ဒိယမှာ ၂၄ နှစ်ကြာ နေခဲ့ရစဉ်ကလည်း မစားခဲ့ရလို့ ထင်တယ်။ ယူအက်စ်အေမှာ မြေပဲစို ဝယ်လို့ ရပေမယ့် မြေပဲပင်ပေါက်တော့ တခါမှ မတွေ့သေးပါ။ မန်ကျည်းရွက်လည်း ပုလင်းနဲ့လာတာသာ ရတယ်။ မြန်မာပြည်မှာ ပြည်နယ်ကစားစရာတွေကို ပြည်မမှာ အစားနည်းကြပြီး၊ အညာကစားစရာတွေကို အောက်ပြည်မှာ သိပ်မစားကြသလို အောက်ပြည်အောက်ရွာက ကောင်းတာတွေကိုလည်း အညာသား တချို့ကသာ စားကြတယ်။ သူများတိုင်းပြည်က စားစရာတွေကိုလည်း အဲလိုဘဲ။  ဒါပေမဲ့ ကြာလေကြာလေ ကမာ္ဘကြီးက ပြားပြားလာနေတယ်။ ဒီမြို့က ဆိုင်တွေမှာ အာရှစာမှန်သမျှ အကုန်လောက်ရတယ်လို့တောင် ပြောနိုင်တယ်။ မြန်မာပြည်ကြီးလည်း ပြားရာကနေ ချပ်လာပြီ။ အညာနဲ့ မြစ်ဝကျွန်းပေါ် မကွဲပြားတော့။ တောင်ပေါ်က စားစရာတွေ တောင်အောက်ကို လျှောချလာပြီ။  ဒါတင်ဘယ်ကမလဲ ဖေါ်ရိန်း ဖုဒ် အင်န် ဒရင့် ဘာလိုချင်သလဲ။ (ကန်တော့) စကော့ချ်ဝီစကီဆို ရန်ကုန်ကတောင် ပိုကောင်းသလား မသိ။ တံဆိပ်နဲ့ ပုလင်း။ ကိုကာကိုလာ အဆင့်မမီတာကိုတော့ ၂၀၁၈ ခုနှစ်က အလည်ပြန်တော့ ညောင်ပင်ဝန်းမှာ စမ်းသောက်တော့ သိတယ်။ တရုပ်အတု၊ အလေးရှားအတု၊ ယိုးဒယားအတုတွေက အစစ်ထက်ကောင်းဆိုဘဲ။ အစစ်ကို မစား

ဆရာတင့် ဒီသီချင်းကို တက္ကသိုလ်အေးမောင်လည်း ဆိုထားတယ်ထင်တယ် ကျွန်တော်က တေးဂီတမှာ အလွန်ညံ့တယ်။ ကွန်မင့်ရေးသူက လူရင်းဖြစ်တော့ ပြောဦးမယ်။ ကျွန်တော်ထင်တာတော့ တက္ကသိုလ်ကျောင်းသူတဦးဦးကို ရည်းစားထားသူ၊ တက္ကသိုလ်ကျောင်းသူတယောက်ယောက်ကို လိုက်ပိုးပမ်းသူတွေအကုန်က ဒီသီချင်းကို ဆိုကြလိမ့်မယ်ထင်တယ်။ ဆိုတဲ့သူတွေ အများကြီးပေါ့။ သီချင်းတင်တဲ့သူတွေက မူရင်းအဆိုတော်အမည်ကို မတင်ကြတော့ နောက်ဆိုသူတွေကိုသာ သီချင်းပိုင်ရှင် ထင်နေကြတယ်။ သီချင်းက ဆိုလို့လည်းကောင်းတော့ အမျိုးသမီးတွေကပါ ဆိုသေးတယ်။ မူရင်းအဆိုတော် ကိုမင်းနောင်သမီးပုံနဲ့ တွေ့တယ်။ လွန်ခဲ့တဲ့ ၂-၃ နှစ်လောက်က တက္ကသိုလ်ကျောင်းသူတဦး သတ်ပုံမှန်တာလိုက်ရှာတော့ မုံရွာတက္ကသိုလ် ၂၀၁၉ ဘွဲ့ယူများခေါင်းစဉ်နဲ့ပို့စ်မှာ မှန်တယ်။  ရန်ကုန်တစ်ကသိုလ်နဲ့ မန္တလေးတစ်ကသိုလ်တွေကတော့ မြန်မာစာ မှန်အောင်မရေးတတ်ကြတော့ဘူး။ တစ်ကသိုလ်ကျောင်းသူတဦးဆိုရင်တော့ အတော်ရုပ်ဆိုးမယ်ထင်တယ်။ တက္ကသိုလ်ကျောင်းသူတဦး (ရေး ဗိုလ်ကလေး တင့်အောင်၊ ဆို ကိုမင်းနောင်) https://www.youtube.com/watch?v=gQWRSagfR3g ခုခေတ်မှာ မူရင်းတွေပျောက်ကုန်ပြီ။ အရင်ရေးတဲ့သူစာအုပ်တွေကို ပြင်ပြီး သူတို့ရေးတာလိုလို လုပ်နေကြတယ်

  ဆောင်းပါး ဆိုတဲ့ စကားလုံးက မြန်မာစကားစစ်စစ်လား၊ ပါဠိဘာသာစကားလား ဒါမှမဟုတ်ရင် အခြားဘာသာစကားတခုခုမှ မွေးစားသုံးနှုန်းနေတာလားဆိုတာ သိနားလည်ရင် ရှင်းပြပေးစေလိုပါတယ်။ ကျေးဇူးပါ။ မြန်မာအဘိဓာန် အကျဉ်းချုပ် (၁၉၇၉) ၁။ သတင်းစာ၊ မဂ္ဂဇင်းစသည်တို့တွင် ထည့်သွင်းသည့် ဗဟုသုတဆိုင်ရာ စာတန်း။ တနေ့လုံးပင် ဒဂုန်မဂ္ဂဇင်းအတွက် ဆောင်းပါးရှည်ကြီး တစောင်ကို ရေးနေလေသည်။  ၂။ လူလွှတ်၍ဖြစ်စေ၊ လူကြုံတွင် အပ်၍ဖြစ်စေ ရပ်ဝေးသို့ ပေးပို့သော အကြောင်းကြားစာ။ (မှတ်ရန် တနေ့လုံးပင်မှာ တဝမ်းပူကို စမသတ်ပါ။ တစောင်ရေးတာလည်း တဝမ်းပူကို စမသတ်ပါ။) ဒေါက်တာတင့်ဆွေ

ပြည်မြို့ရဲ့ နာမည်ကြီးအစားအစာ ပြည်ထမင်းသုပ်နည်း  အစအဆုံး ကူးမတင်တော့ပါ။ ပြင်စရာနည်းနည်းကိုသာ ထောက်ပြမယ်။ ထမင်းသုပ်ဆိုတော့ ထမင်းအဓိကတော့ပေါ့ ကျန်တဲ့ တန်ဆာပလာ(အဆာပလာ) လေးတွေက ကိုယ့်ထည့်လို့လွယ်သလောက်ပေါ့။  ပြည်မှာကတော့ အနံမွှေးတဲ့ အင်ဖတ်ထဲ(အင်ဖက်ထဲ) ထမင်း နည်းနည်းထည့်ပြီး  တန်ဆာပလာ မြန်မာအဘိဓာန် အကျဉ်းချုပ် (၁၉၇၉) စာမျက်နှာ ၁၂၃ ၁။ ဆင်ယင်ဝတ်စားစရာ။ နားတောင်းသစော တန်ဆာပလာ။ ၂။ လက်နက် ကိရိယာ။ စစ်ကရိယာ တန်ဆာပလာတို့အတွက် များစွာမသုံးဘဲ။ အဆာ မြန်မာအဘိဓာန် အကျဉ်းချုပ် (၁၉၈၀) စာမျက်နှာ ၄၆ ၁။ အဝတ်အထည် စသည်တို့တွင် မရက်ပဲ ချန်ထားသော ချည်မျှင်။ အစွန်းအမြိတ်။ (မှတ်ရန် မရက်ဘဲလို့ မရေးပါ။) ၂။ မူလအရင်းခံဖြစ်သောအရာတွင် ပိုမိုကောင်းမွန်အောင် မွမ်းမံသည့်အနေဖြင့် ထပ်လောင်း ရောစွက်သောအရာ။ လဘက်စိုကို ရှေးအထက်ကျော်ကာရီက နှမ်းဆီနှင့် စိမ်ထားပြီး နှမ်းလျှော် ပဲလှော် စသော အဆာများဖြင့် ရောယှက်၍။ အဆာသွတ် (အလွန်မှားနေကြသည့် စကားလုံး) ပိုမိုကောင်းမွန်အောင် မွမ်းမံသည့်အနေဖြင့် မူလပင်ရင်းဖြစ်သော စားစရာတခုအတွင်းသို့ ဖြည့်သွင်းသည်။ ဒေါက်တာတင့်ဆွေ

တက္ကသိုလ်ကျောင်းသူတဦး လှပုံထူးသမျှ တွေ့ရဖူးသည်မှာ ကြည်စွာဘဝင်နှလုံး ရွှင်ပြုံးမြေ့တာ ယနေ့သာတိုင် မေ့ပါနိုင်ရက် တသက်သက်စိတ်ထဲမှာ မျှော်ကာတွေး ငေးမိအခါခါ။ အင်းယားကန်အပါး လျှောက်ကာသွား အနားယူသောတနေ့မှာ ယဉ်စွာယဉ်စွာ ဆင်ယင်ထုံးဖွဲ့ပြုံးလဲ့လဲ့ချစ်စရာ သစ်လာသည့်ပန်း လန်းတဲ့ပုံပမာ တက္ကသိုလ်ကျောင်းသူတဦး ချစ်ကြည်နူးစရာ လှပကြော့ယဉ်စွာ။ တပတ်လျှို ဆံထုံးကြော့မှာ တပွင့်ပန်းပန်လာ ရှုကာငေး နုဝါအသွေး လက်ရှည်ထူထူလေးဝတ်ကာ ကြက်သွေးနီနီ ထမီပန်းခက် ယဉ်သထက်ယဉ်စွာ နက်မှောင်ကတ္တီပါ လှပယဉ်ကျေး ပုံတော်လေးနဲ့ပါ။ မြန်မာဆန်ဆန် အနောက်ဟန်မနှော မဖောက်ပြန်သော သဘောထား ဝတ်စားတန်ဆာ ရှုတိုင်းယဉ် အဆင်ပြေစွာ အချိုးကျကျ လှပလို့ချစ်စရာ တွေ့ခဲ့ဖူးတဲ့ တက္ကသိုလ်ကျောင်းသူတဦးပါ။   ။ ပို့ပေးသူ ကျေးဇူး။ တက္ကသိုလ်ကျောင်းသူတဦး - ဗိုလ်ကလေးတင့်အောင်၊ စန္ဒရားအောင်ဝင်း https://www.youtube.com/watch?v=5YLTRisiyLA တက္ကသိုလ်ကျောင်းသူတဦး (ရေး ဗိုလ်ကလေး တင့်အောင် / ဆို ကိုမင်းနောင်) https://www.youtube.com/watch?v=gQWRSagfR3g တွေ့သမျှ စာအုပ်တွေ စာတွေထဲမှာ တက္ကသိုလ်ကျောင်းသူတဦးလိုက်ရှာတာ မတွေ့ပါ။ ၂၀၁၈ ခုနှစ်အလည်ပြန်တော့လည်း တက္ကသိုလ်ကျောင်းသူတဦး

ကိုမြတ်မှိုင်းနဲ့ ပန်တျာဌေးဌေးမြင့်တို့ ဦးဆောင်တဲ့ မန္တလေး လမင်းတရာအငြိမ့် ပုံတွေ့လာတယ်။ ကျေးဇူး။ လမင်းတရာက အငြိမ့်လောကမှာ ဂန္ထဝင်။ သို့သော် အငြိမ့်သုခုမပညာ တိမ်ကောစပြုလာပြီ။ ကြည်အောင်ကဗျာကလည်း လမင်းတရာ။ ကဗျာလောကမှာ ဂန္ထဝင်။ ကြည်အောင်နေရာမှာ ဒေါ်အမာက လမင်းတရာစာလုံးနဲ့ ရေးထားတယ်။ သို့သော် သတ်ပုံမှန်နဲ့ ရေးသားတဲ့ကဗျာသည်လည်း တိမ်ကောစပြုလာပြီ။ တရာဟူသောသတ်ပုံသည်လည်း မြန်မာစာလောကမှာ ဂန္ထဝင်။ သို့သော် တရာဖိုးဝယ်လျှင် မြက်တဆုပ်မျှသာ ရတော့မည်။ ဒေါက်တာတင့်ဆွေ ၂၉-၄-၂၀၂၀

တအုပ် ပြား (၆၀) တရုပ် ဗမာ ယခုသော်ကား တအုပ်နဲ့ တရုပ်ကို ပြောင်းပြန် ရေးလာကြသည်။ ဗမာပြည်နယ်ပေါ်လာသည်ရှိခဲ့သော် မြန်မာစာကို မှန်အောင်မရေးတတ်သူများ၏ ပြည်နယ် ဖြစ်လာမည်။ ကြိုးစားကြပါကုန်။ ဒေါက်တာတင့်ဆွေ

ဘောလယ်ဟူသောသီချင်းနှင့်ပတ်သက်၍ ပညာရှင်တို့ အယူအဆအမျိုးမျိုး ရှိနေကြပါသည်။ (၁) မိမိ၏အဖြစ်အပျက်အခြေအနေတို့ကို ရေရေလည်လည်ဖော်ပြသဖြင့် "ဘောလယ်"။ (၂) ဘောလယ်မြို့စားမင်းသမီးရေး၍ "ဘောလယ်"။ (၃) ကနောင်မင်းသား၏သဘောထား လှိုင်ထိပ်ခေါင်တင်အပေါ် ပြန်၍လည်လာစေသောကြောင့် "ဘောလယ်"။ (၄) ဘောလယ်မြို့တွင် စတင်၍ လှိုင်မင်းသမီးရေးဖွဲ့သောကြောင့် "ဘောလယ်"။ (၅) ဘဝ၏တက်သက်စုန်ဆန် ပြန်လှန်လှည့်ပတ်မှုကို ဖွဲ့ဆို၍ "ဘောလယ်"။ (၆) တင့်တယ်သောသဘောရှိ၍ "ဘောလယ်"။ ယခု 'ဘောလယ်' ဟူသောဝေါဟာရနှင့်စပ်လျဉ်း၍ ကျွန်တော်၏ထင်မြင်ယူဆချက်ကို တင်ပြပါမည်။ သီချင်းများသည်အများအားဖြင့် တောနယ်ကျေးရွာများတွင် စတင်မြစ်ဖျားခံလေ့ရှိပါသည်။ သို့ဖြစ်ရာ ဘောလယ်ကဗျာသည်လည်း ဘောလယ်တောနယ်မှ သီဆိုပေါ်ပေါက်လာသော တေးသီချင်းမျိုးဖြစ်တန်ရာ၏။ - ရွှေဘိုမြို့မြောက်ဘက်အရပ်တွင် သီဆိုကြသောကြောင့် "မြောက်ဘက်သံလွမ်းချင်း" ဟုခေါ်ကြ၏။ ​- မြေလတ်ပိုင်းဖြစ်သောတောင်တွင်းနယ်မှ စတင်သီဆိုပေါ်ပေါက်လာသော သီချင်းကိုမူ "မြေလတ်သံ"ဟုခေါ်ကြ၏။ အလားတူပင် ဒေသကိုစွဲ၍ခေါ်သော "ကောင်းတုံသံ"၊ -

(စိုင်းခမ်းလိတ် မွေးနေ့အတွက် တင်ကြတယ်။ တချို့က သီချင်းစာသား စာလုံးပေါင်းသတ်ပုံတွေ မှားနေတယ်။ တချို့က သီချင်းခေါင်းစဉ်ပါ မှားနေတယ်။ အပူအပင်ကင်းတဲ့ ကလေးလေးဘဝကို တစ်ခါပြန်ပြီး ရချင်သေးတယ် မှားနေတယ်။ အပူအပင်ကင်းတဲ့ ကလေးလေးဘဝကို တခါပြန်ပြီးရောက်ချင်သေးတယ် မှားနေတယ်။) ပျောက်ဆုံးနေသော နိဗ္ဗာန်ဘုံ ရေး -စိုင်းခမ်းလိတ် ဆို - စိုင်းထီးဆိုင် ငယ်စဉ်က ကလေးတို့ဘဝမှာ ပျော်ပါးဖို့ရာ လွယ်ပါတယ် ကိုယ်ရတာနဲ့ တင်းတိမ်ရောင့်ရဲ စားချိန်မှာ ဝင်စားမယ် အိပ်ချိန်မှာ ဝင်အိပ်မယ် အပူအပင်ကင်းတဲ့ ကလေးလေးဘဝကို တခါပြန်ပြီး ရချင်သေးတယ် အပြစ်မသိသေးတဲ့ ကလေးလေးဘဝကို တခါပြန်ပြီး ရောက်ချင်သေးတယ် ဟိုစဉ်က လွတ်လပ်မှုဟာ ခုများ ပျောက်လို့ နေပါပြီ သံယောဇဉ်နဲ့ တုပ်နှောင်မြဲခဲ့ သွားချင်ရာကို မသွားနိုင် လုပ်ချင်ရာကို မလုပ်နိုင် အပူအပင်ကင်းတဲ့ ကလေးလေးဘဝကို တခါပြန်ပြီး ရချင်သေးတယ် အပြစ်မသိသေးတဲ့ ကလေးလေးဘဝကို တခါပြန်ပြီး ရောက်ချင်သေးတယ် ဖြူစင်တဲ့ နှလုံးသားလေးဟာ အရောင်အမျိုးမျိုး စွန်းထင်နေပြီ ဆန္ဒလွန်ကဲ စိတ်အလိုလိုက်လွဲ  အသုံးမဝင်တဲ့ နောင်တတွေ လှုံ့ဆော်ကာ ကြေကွဲနေ အပူအပင်ကင်းတဲ့ ကလေးလေးဘဝကို တခါပြန်ပြီး ရချင်သေးတယ် အပြစ်မသိသေးတဲ့ ကလေးလေး

၂၀၂၃ ဧပြီ ၂၈ရက်မှာ ပြီးဆုံးမှာကို အကြမ်းဖက်စစ်တပ် တိုက်လေယာဉ်တွေ KNU ဌာနချုပ်နဲ့ တပ်မဟာ ၇ တဝိုက် အစင်းရေအများအပြားနဲ့တက်လာလို့ အစည်းအဝေးနဲ့မဲခွဲတာ မလုပ်ရတော့ဘူး Congress ကိုတော့ ဆက်ပြီးကျင်းပသွားမယ်လို့ ထုတ်ပြန်တယ် ပုံမှန်သတ်မှတ်ကျင်းပချိန်ထက် သုံးနှစ်နီးပါးကျော်မှ ကျင်းပဖြစ်တာ ခုတော့ အကြောင်းအမျိုးမျိုးပြပြီး NCA လိုလားတဲ့KNUခေါင်းဆောင်တွေရော အကြမ်းဖက်စစ်တပ်ကပါ ပွဲပျက်အောင် ဖန်တီးနေကြတယ် ကွန်ဂရက်မှာမဲခွဲရင် စောမူတူးစေးဖိုးနဲ့ ဗိုလ်ချုပ်ကြီးစောဂျော်နီတို့က အသက်ကြီးပြီး ကျန်းမာရေးအရ၊ NCA အပေါ်ဖက်တွယ်လွန်းပြီး ၎င်းတို့ ကိုယ်ကျိုးစီးပွားပါနေတဲ့ KK Parkနဲ့ဆိုင်ရှီကန် စီမံကိန်းတွေ မူးယစ်ဂိုဏ်းနဲ့ဆက်နွယ်နေတာကြောင့် နာမည်ဆိုးထွက်နေကြတာကို ဖုံးဖိချင်ကြလို့ ဥက္ကဌထိုင်ခုံက မဆင်းချင်ကြပဲ ပေကပ်နေကြတယ် အသက်၉၀ရှိပြီးဖြစ်တဲ့မူတူးစေးဖိုး၊ အသက် ၈၅ကျော်ပြီးဖြစ်တဲ့ စောဂျော်နီတို့က အသက် အရွယ်ပိုင်းအရ အနားယူသင့်နေပြီးဖြစ်တယ် ကရင့်တော်လှန်ရေးနှစ်၇၀ကျော် ခရီးကြမ်းမှာ မအောင်မြင်ခဲ့တာ ကိုယ်ကျိုးအတ္တနဲ့ Narrow Minded Nationalism အမြင်ကျဉ်းမြောင်းမှုကို မဖယ်ရှားနိုင်တဲ့အပြင် အကြမ်းဖက်စစ်တပ်ရဲ့ ငါးမျှားချိတ်မှာ အ

သိရက်(လျက်)သားနဲ့ သိရဲ့သားနဲ့ ဘယ်ဟာအမှန်ဖြစ်ပါသလဲရှင် • သိရဲ့သားနှင့်ကအပြောပါ သိလျက်သားနှင့်ကအရေးပါ • ကျေးဇူးတင်ပါတယ် ဆရာရှင့်..အဖြေတွေတွေ့မှ ပိုပြီး စိတ်ရှုပ်သွားရပါတော့တယ်..(လျက်) အသုံးကို သိပါတယ် ဆရာ။ "ရဲ့" အသုံးကိုလည်း တွေ့ရလို့ပါရှင်။ ဥပမာ ပြောရဲ့သားနဲ့ တားရဲ့သားနဲ့..စသဖြင့်ပါ • အပြောဆိုရင်သိရက်သားနဲ့အသံပဲထွက်ပါတယ်။ သိရဲ့သားနဲ့မဟုတ်ပါခင်ဗျား • ေရးတာနဲ႔ေျပာတာ ကြာတာပါ • သိရဲ့သားနဲ့ဆိုတာမှားပါတယ်။ သိလျက်သားနဲ့တခုပဲမှန်ပါတယ်။ • ပါ ပါလျက်သား နောက်ကထား။(ရွှေစွန်ညို ကဗျာ) • သိသားနဲ့ လို့ ပြောတယ်မလား • သိရဲ႕သား နဲ႕ • ရေးတော့ သိလျက်သားနဲ့ ဖတ်တော့သိရက်သားနဲ့ ရေးတော့အမှန်ဖတ်တော့အသံပါ • ပြောချင်တာလား ရေးချင်တာလား ပြောချင်တာဆို သိရဲ့သားနဲ့ ရေးမယ်ဆို သိလျက်သားနဲ့ ကဲ ရှင်းရော • သိလျက် ကအမှန် • စကားပြောကတော့...သိရဲ့သားနဲ့... အရေး....သိလျက်သား... ဒီလိုကွာတာထင်ပါတယ်ဗျ... • ဟုတ်ကဲ့ပါရှင့်..ကျေးဇူးတင်ပါတယ်ရှင့်.စာလုံးပေါင်းသတ်ပုံကျမ်းထဲမှာ ရှာမတွေ့လို့ မေးတာပါနော် • သိရက် • သိလျက်သားနှင့်က စာအရေး သိရက်သားနဲ့က စကားပြော သိရဲ့သားနဲ့ကလည်း ''ရက်''ရဲ့ မူကွဲပဲ။ • လျက်သံုးရမှာပါ • သ

(၅ နှစ်တိတိကစာ) ကနေ့နေ့လယ်စာ လာကြိုသူတွေနဲ့အတူ ဆိုင်မှာစားတယ်။ ချိတ်ထားတဲ့စာကို အရင်ဆုံး ဖတ်မိတယ်။ အလွန်စိတ်ဝင်စားပြီး သဘောကျတယ်။ မကြိုက်တာပြောပါတဲ့။ ကျွန်တော့်ကို ကြိုဆိုတဲ့ တခုတည်းသော နဖူးစည်စာတမ်း။ ကျွန်တော့်ကိုတွေ့ရလို့ မကြိုက်တာတွေလည်းကို ပြောပါ။ ကျွန်တော့မှာ ဟင်းခွက်လိုတော့ လဲပေးစရာမရှိပါ။ တလခွဲကြာခရီးစဉ်မှာ ကျွန်တော် ကြိုက်တာတွေသာပြောခဲ့ပါတယ်။  ဒေါက်တာတင့်ဆွေ ၂၈-၄-၂၀၁၈

တခါတုန်းက မြန်မာပြည်မှာ ကျွန်တော်တို့ စီးခဲ့ရတဲ့ ရာဘာဖိနပ်တွေ နဲ့ ဆင်ကြယ်ဖိနပ်စီးနိုင်ရင် အကောင်ပဲ (BURMESENEW.XYZ) ကျေးဇူး။ တခါတုန်းက လို့ရေးတဲ့အတွက် ကွန်ဂရက်ကျူလေးရှင်း။ ကျွန်တော်တို့ အထက်တန်းနဲ့ ဆေးကျောင်းသားဘဝမှာ ဆင်ကြယ်ဖိနပ်တွေ အသုံးများတယ်။ ထိုင်းကနေ  မှောင်ခိုလမ်းကဝင်လာတာ။ ကောလိပ်ကျောင်းသားတွေ စကောလားရှစ်နဲ့ စတိုင်ပင် တလ ၇၅ ကျပ်ရတယ်။ ဆင်ကြယ်ဖိနပ်တရံ ၅ ကျပ်။ ခိုင်လည်းခိုင်တယ်။  နယူးဒေလီရောက်တော့ ဆင်ကြယ်ဖိနပ်နဲ့တူတာ လိုက်ရှာတယ်။ မြန်မာပြည်မှာရတာလောက် အမျိုးအစား မကောင်းပါ။ နယ်စပ်ကနေ မှာယူပါတယ်။ အခု ယူအက်စ်အေမှာလည်း ဆင်ကြယ်နဲ့ အတော်ကိုတူတဲ့ ရာဘာဖိနပ် အနီရောင်သဲကြိုး တရံရှိတယ်။ ဖိနပ်ပုံအတွက် ကန်တော့။ ဒေါက်တာတင့်ဆွေ

တင်ထားတာတခု ဖတ်ရတယ်။ သတ်ပုံတွေလည်း မှန်တယ်။ ကွန်ဂရက်ကျူလေးရှင်း။ (စ) ရန်ကုန်တက္ကသိုလ်ကို ၁၉၂၀ ဒီဇင်ဘာ ၁ ရက်နေ့မှာတည်ထောင်ခဲ့တယ်။၂၀၂၂ ဒီဇင်ဘာ ၁ ရက်ဆိုရန်ကုန်တက္ကသိုလ်နှစ် ၁၀၂ ပြည့်ပြီ။၁၉၇၈ ခုနှစ်ဆောင်းတွင်းကြီးရာဇူး (RASU) ခေါ်တဲ့ “ရန်ကုန်ဝိဇ္ဇာနဲ့သိပ္ပံတက္ကသိုလ်” ဝင်းထဲစရောက်ဖူးတယ်။ရန်ကုန်တက္ကသိုလ်ကိုကျွန်‌တော်တို့ခေတ်ကရာဇူး (R.A.S.U)  Rangoon Art & Science University) ခေါ်တယ်။ တက္ကသိုလ်ကျောင်းသားမဖြစ်သေးပေမယ့်ဝိဇ္ဇာခမ်းမရှေ့မှာကျင်းပတဲ့စိုင်းထီးဆိုင်စတိတ်ရှိုးပွဲသွားကြည့်တာပါ။ညဦးပိုင်းကျောင်းဝင်းထဲရောက်သွားပြီးအစဉ်အလာကြီးတဲ့ရန်ကုန်တက္ကသိုလ်ဆိုတာဒီလိုကြီးပါလားခံစားမိတယ်။မှောင်ထဲမှာတိတ်ဆိတ်နေတဲ့ဘွဲ့နှင်းသဘင်ခမ်းမကြီးကိုအဝေးမှာလှမ်းမြင်ခဲ့ရတယ်။ တက္ကသိုလ်ရိပ်သာလမ်းကျောင်းရှေ့မှတ်တိုင်ကနေကျောင်းကိုကြည့်လိုက်ရင် “ ရန်ကုန်ဝိဇ္ဇာနဲ့သိပ္ပံတက္ကသိုလ် ” ရေးထားတဲ့သံဆိုင်းဘုတ်အပြာရောင်ကိုတွေ့ရလိမ့်မယ်။အပြာရောင်နောက်ခံမှာအဖြူရောင်ဆေးနဲ့ရေးထားတယ်။ဆေးဟိုတကွက် ဒီတကွက်ပျက်နေတယ်။ (လွင်ဦး_ရန်ကင်း) (ဆုံး) ရန်ကုန်တက္ကသိုလ် နှစ်ငါးဆယ်ပြည့်တော့ ကျွန်တော်တို့က ဆေးကျောင်းသား။ ရန်ကုန်တက္ကသိုလ် နှစ်ငါးဆယ်ပြည့